ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ VIII ໄດ້ອັດລົງດ້ວຍຜົນສຳເລັດອັນຈົບງາມ ພາຍຫລັງທີ່ດຳເນີນມາເປັນເວລາ 7 ວັນ ແຕ່ວັນທີ 24 ມິຖຸນາ-2 ກໍລະກົດ 2020, ໂດຍການເປັນປະທານຂອງ ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ, ໃຫ້ກຽດເຂົ້າຮ່ວມຂອງ ທ່ານ ບຸນຍັງ ວໍລະຈິດ ປະທານປະເທດ ແລະ ທ່ານ ທອງລຸນ ສີສຸລິດ ນາຍົກລັດຖະມົນຕີ, ມີການນຳຂັ້ນສູງຂອງພັກ-ລັດ, ຄະນະລັດຖະບານ, ອົງການຈັດຕັ້ງພັກ-ລັດ, ພະນັກງານອາວຸໂສ ບຳນານ ແລະ ແຂກຖືກເຊີນເຂົ້າຮ່ວມ ຢ່າງພ້ອມພຽງ. ໂອກາດນີ້, ທ່ານ ນາງ ປານີ ຢາທໍ່ຕູ້ ໄດ້ກ່າວສູນທອນພົດອັດກອງປະຊຸມ ໂດຍທ່ານໄດ້ໃຫ້ຮູ້ວ່າ: ຕະຫລອດໄລຍະເວລາ 6 ວັນ ເຄິ່ງຂອງການດໍາເນີນກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດ ຊຸດທີ VIII, ສະມາຊິກສະພາແຫ່ງຊາດໃນນາມເປັນຕົວແທນໃຫ້ແກ່ສິດແລະຜົນປະໂຫຍດອັນຊອບທໍາຂອງປະຊາຊົນລາວບັນດາເຜົ່າ ໄດ້ຍົກສູງຄວາມຮັບຜິດຊອບໃນການຄົ້ນຄວ້າ, ປະກອບຄໍາເຫັນໃສ່ທຸກເນື້ອໃນທີ່ນໍາມາພິຈາລະນາໃນກອງປະຊຸມຄັ້ງນີ້ ແມ່ນມີຄວາມສອດຄ່ອງກັບສະພາບຄວາມເປັນຈິງ, ມີບ່ອນອີງທາງດ້ານນະໂຍບາຍ, ກົດໝາຍ, ...

ປັດຈຸບັນ ລັດຖະບານ ໄດ້ມີນະໂຍບາຍຕ່າງໆ ເພື່ອຊ່ວຍຫລຸດຜ່ອນຜົນກະທົບຕໍ່ເສດຖະກິດລາວ ໂດຍສະເພາະ ຕໍ່ຂະແໜງການທ່ອງທ່ຽວ, ຊຶ່ງລັດຖະບານ ໄດ້ອອກຂໍ້ແນະນໍາໃຫ້ບັນດາຫົວໜ່ວຍທຸລະກິດທ່ອງທ່ຽວ ກ່ຽວກັບມາດຕະການຮອງຮັບນັກທ່ອງທ່ຽວ ເພື່ອຟື້ນຟູການທ່ອງທ່ຽວ ພາຍຫລັງໂຄວິດ-19 ໂດຍສົມທົບກັບຂະແໜງສາທາລະນະສຸກ ຂັ້ນສູນກາງ ແລະ ທ້ອງຖິ່ນ, ຊຸກຍູ້ພາກທຸລະກິດ ສ້າງລາຍການທ່ອງທ່ຽວ ໃຫ້ຫລາກຫລາຍ ເພື່ອສົ່ງເສີມການທ່ອງທ່ຽວ ແບບ “ລາວທ່ຽວລາວ”. ທ່ານ ອຸ່ນທວງ ຂາວພັນ ຮອງລັດຖະມົນຕີ ກະຊວງຖະແຫ່ງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ລາຍງານໃຫ້ຮູ້ໃນວັນທີ 1 ກໍລະກົດ 2020 ນີ້ວ່າ: ເພື່ອຊຸກຍູ້ສົ່ງເສີມການທ່ອງທ່ຽວລາວ ໃຫ້ກັບຄືນສູ່ສະພາບປົກກະຕິໂດຍໄວ ແລະ ກະຕຸ້ນການທ່ອງທ່ຽວ ແບບ “ລາວທ່ຽວລາວ” ກະ ຊວງ ຖວທ ກໍຄື ລັດຖະບານ ໄດ້ຊຸກຍູ້ພາກທຸລະກິດ ຮ່ວມກັນສ້າງລາຍການທ່ອງທ່ຽວໃຫ້ຫລາກຫລາຍ, ມີສ່ວນຫລຸດຫລາຍຮູບແບບ ເປັນຕົ້ນ ສ່ວນຫລຸດລາຍການທ່ອງທ່ຽວ, ສ່ວນຫລຸດໂຮງແຮມ, ເຮືອນພັກ, ຮ້ານອາຫານ-ເຄື່ອງດື່ມ ແລະ ອື່ນໆ, ຊຸກຍູ້ໃຫ້ແຕ່ລະແຂວງ ຫລື ຕົວເມືອງທ່ອງທ່ຽວ ສ້າງກິດຈະກໍາການທ່ອງທ່ຽວ ...

ສັງຄົມລາວແມ່ນສັງຄົມທີ່ບໍ່ມີຄວາມກົດດັນ, ບໍ່ມີການແຂ່ງຂັນຍາດຊິງ ເພື່ອເອົາໂຕລອດ ເພາະປະຊາກອນມີຄວາມໜ້າແໜ້ນຕ່ຳ ພ້ອມກັບສະພາບແວດລ້ອມທີ່ຈະຕອບສະໜອງຄວາມຕ້ອງການໃນການດຳລົງຊີບໃນແຕ່ລະວັນໂດຍບໍ່ໄດ້ຮັບຄວາມເດືອດຮ້ອນ ຊຶ່ງເປັນວິຖີຊີວິດຂອງຄົນສ່ວນໃຫຍ່ ທີ່ດຳລົງຊີວິດງ່າຍໆ . ຄວາມໜາແໜ້ນຂອງປະຊາກອນຕິດພັນກັບອຸບປະສົງ ທີ່ເກີດຂຶ້ນໃນສັງຄົມ ຊຶ່ງເປັນປັດໄຈກຳນົດຂະໜາດຂອງຕະຫຼາດນີ້ ຍັງບໍ່ຕ້ອງເວົ້າເຖິງກຳລັງຊື້ຂອງປະຊາກອນ. ສັງຄົມລາວໃນຍຸກປັດຈຸບັນເປັນສັງຄົມ ບໍລິໂພກຢ່າງສົມບູນແບບ ສິນຄ້າອຸບປະໂພກບໍລິໂພກແມ່ນນຳເຂົ້າເກືອບ 100% ຖ້າຍ່າງເຂົ້າໃນເຮືອນຄົວຂອງເຮືອນແຕ່ລະຫຼັງ ແທບຈະຫາສິນຄ້າ ທີ່ເປັນຜະລິດຕະພັນຂອງລາວແທບບໍ່ໄດ້ ສ່ວນໃຫຍ່ຕ້ອງເພິ່ງພາການນຳເຂົ້າເກືອບທັງໝົດ ຖ້າຈະມີຜະລິດຕະພັນຂອງລາວເອງ ອາດບໍ່ເຖິງ 10% ສ່ວນທີ່ເຫຼືອແມ່ນສິນຄ້ານຳເຂົ້າ. ສະນັ້ນ, ຈຶ່ງບໍ່ຄ່ອຍມີໃຜຢາກລົງທຶນຕັ້ງໂຮງງານອຸດສາຫະກຳເພາະຕະຫຼາດນ້ອຍ ບໍ່ຄຸ້ມຄ່າໃນການລົງທຶນ, ອີກຢ່າງໜຶ່ງການສ້າງ Brand ໃໝ່ຍັງມີຄວາມສ່ຽງໃນການແຂ່ງຂັນກວ່າຈະໄດ້ຮັບການຍອມຮັບຈາກຜູ້ບໍລິໂພກ ຕ້ອງອອກແຮງໂຄສະນາໃນການຂາຍ ເຊິ່ງກໍເປັນອີກໜຶ່ງຕົ້ນທຶນຂອງທຸລະກິດ. ໂດຍທຳມະຊາດຂອງການຜະລິດໃນໂຮງງານອຸດສາຫະກຳ ຍິ່ງ ຜະລິດນ້ອຍຍິ່ງມີຕົ້ນທຶນສູງ ເຄື່ອງຈັກຖ້າຈະເອົາແບບ High automation ມາໃຊ້ ກັບ Lot ນ້ອຍໆ ປະສິດທິພາບຂອງສາຍການຜະລິດຈະຕ່ຳຕິດດິນ ເພາະເວລາສ່ວນໃຫຍ່ຈະເສຍໄປກັບການ Setup ແລະ Product change over ຈຶ່ງຕ້ອງໃຊ້ເຄື່ອງຈັກແບບ Manual ທັງໝົດຊຶ່ງຈະເປັນແບບ Labor intensive ແລະ ບໍ່ອາດຄວບຄຸມຄຸນນະພາບໄດ້ ເຊິ່ງສິ່ງທີ່ກ່າວມາລ້ວນເປັນອຸບປະສັກໃນການແຂ່ງຂັນດ້ານການຕະຫຼາດ. ສຳຫຼັບວິທີການແກ້ໄຂຄື: ອາດຈະຕ້ອງຕັ້ງໂຮງງານໃຫຍ່ ມີເຄື່ອງຈັກອັນທັນສະໄໝ ...

ວັນທີ 25 ມິຖຸນາ 2020 ທ່ານ ສອນໄຊ ສີພັນດອນ ຮອງນາຍົກລັດຖະ ມົນຕີ, ລັດຖະມົນຕີກະຊວງແຜນການ ແລະ ການລົງທຶນ (ກຜທ) ໄດ້ຊີ້ແຈງຕໍ່ຄໍາຊັກຖາມຂອງບັນດາທ່ານສະມາຊິກສະພາແຫ່ງຊາດ (ສສຊ) ໃນກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ (ສພຊ) ຊຸດທີ VIII ເຊິ່ງໜຶ່ໃນປະເດັນທີ່ມີການຊັກຖາມຈາກສະມາຊິກສະພາແຫ່ງຊາດແມ່ນກ່ຽວກັບ ວິທີການແກ້ໄຂ ແລະ ການຄຸ້ມຄອງ ຕໍ່ກັບບັນຫາການຈັບຈອງໂຄງການລົງທຶນແລ້ວຂາຍຕໍ່ ໂດຍທີ່ບໍ່ມີການພັດທະນາ. ທ່ານ ສອນໄຊ ສີພັນດອນ ໄດ້ກ່າວຕໍ່ປະຊຸມວ່າ ຜ່ານມາ ລັດຖະບານ ໄດ້ອະນຸຍາດໂຄງການລົງທຶນໃຫ້ແກ່ນັກລົງທຶນພາຍໃນ ແລະ ຕ່າງປະເທດ ໃນຫລາຍຂະແໜງການໃນກິດຈະການທົ່ວໄປ ແລະ ກິດຈະການສຳປະທານ. ພາຍຫລັງໄດ້ຮັບອະນຸມັດແລ້ວ, ຫລາຍໂຄງການກໍມີຄວາມຄືບໜ້າດີ ແຕ່ມີບາງໂຄງການທີ່ຈັດຕັ້ງປະຕິບັດຫລ້າຊ້າ, ບໍ່ມີຄວາມຄືບໜ້າ ແລະ ມີລັກສະນະຈັບຈອງໂຄງການ. ຕໍ່ກັບບັນຫາດັ່ງກ່າວ, ກະຊວງແຜນການ ແລະ ການລົງທຶນ ໄດ້ມີມາດຕະການໃນການຕິດຕາມກວດກາໂຄງການເພື່ອປະຕິບັດໃຫ້ສອດຄ່ອງກັບກົດໝາຍວ່າດ້ວຍການສົ່ງເສີມການລົງທຶນ, ກົດໝາຍຂອງຂະແໜງການທີ່ກ່ຽວຂ້ອງ ແລະ ຕາມເນື້ອໃນຂອງສັນຍາ. ພ້ອມດຽວກັນ, ກໍເອົາໃຈໃສ່ປະຕິບັດນິຕິກຳຂອງລັດຖະບານຕ່າງໆ ເປັນຕົ້ນຄຳສັ່ງ 08/ນຍ ແລະ 09/ນຍ ກ່ຽວກັບການກວດກາປະເມີນຕີລາຄາການຈັດຕັ້ງບັນດາໂຄງການລົງທຶນທີ່ໄດ້ຮັບການອະນຸມັດ. ...

ໃນວັນທີ 23 ມິຖຸນາ 2020 ບໍລິສັດ ລ້ານຊ້າງ  ມີເນໂຣນສ໌ ລິມິເຕັດ (LXML) ບໍ່ຄໍາ-ທອງເຊໂປນ ໄດ້ສະເຫຼີມສະຫຼອງການຫຼອມຄໍາແທ່ງທໍາອິດ ເປັນຂີດໝາຍ “ຍຸກໃໝ່ແຫ່ງການຜະລິດຄໍາ” ຂອງໂຄງການຄໍາ-ທອງເຊໂປນ ທີ່ເມືອງ ວິລະບູລີ, ແຂວງສະຫວັນນະເຂດ. ໃຫ້ກຽດເປີດພິທີໃນຄັ້ງນີ້ ໂດຍ ທ່ານ ທ່ອນແກ້ວ ພຸດທະໄກຍາລາດ ຮອງເຈົ້າແຂວງ ແຂວງສະຫວັນເຂດ, ທ່ານ ຄໍາຜຸຍ ສີບຸນເຮືອງ ເຈົ້າເມືອງ ເມືອງ ວິລະບູລີ, ທ່ານ ຝູ ເຊຍເຊີນ ປະທານ LXML, ທ່ານ ພໍ ແຮຣິສ ຜູ້ຈັດການໃຫຍ່ LXML ພ້ອມດ້ວຍຫຼາຍພາກສ່ວນເຂົ້າຮ່ວມ. ການກັບຄືນມາຜະລິດຄໍາໃນຄັ້ງນີ້ ຈະຍືດອາຍຸການຂຸດຄົ້ນບໍ່ແຮ່ຂອງໂຄງການຄໍາ-ທອງເຊໂປນໄປອີກ 10 ປີຢ່າງຕໍ່າ ແລະ ຈະສືບຕໍ່ສ້າງວຽກເຮັດງານທໍາ ພ້ອມທັງສ້າງລາຍໄດ້ ກໍຄືປັບຊີວິດການເປັນຢູ່ຂອງຊຸມຊົນເຂດນັ້ນໃຫ້ດີຂຶ້ນ. LXML ຈະສືບຕໍ່ປະກອບສ່ວນໃສ່ ການພັດທະນາ-ເສດຖະກິດສັງຄົມຂອງ ສປປ ລາວ ໂດຍຄາດວ່າຈະຜະລິດແທ່ງຄໍາໃຫ້ໄດ້ປະມານ 250.000 ອອນສ໌ຕໍ່ປີ ພ້ອມທັງລົງທຶນໃສ່ວຽກງານສໍາຫຼວດຫຼາຍຂຶ້ນ ພ້ອມທັງຂະຫຍາຍໂຄງການອື່ນໆອີກ.     ແຫຼ່ງຂໍ້ມູນຈາກ: ບໍລິສັດ ...

108Jobs Hiring Trend Jan – June 2020. ທ່າອ່ຽງການປະກາດວຽກຢູ່ www.108.Jobs ແຕ່ເດືອນ 1 ຮອດທ້າຍເດືອນ 6 ເຫັນວ່າ ມີການປັບໂຕດີຂຶ້ນ ແຕ່ກໍໄວ້ໃຈບໍ່ໄດ້ ຫລາຍອົງກອນກໍຍັງຫລຸດຜ່ອນອັດຕາການຈ້າງ ເຖິງແມ່ນວ່າບາງພາກສ່ວນໂດຍສະເພາະບາງທຸລະກິດນ້ອຍ ແລະ ກາງ ກໍເລີຍກິດຈະກໍາການຄ້າຂາຍຄືນແດ່ແລ້ວ. As per 2020-06-30 ແຫຼ່ງທີ່ມາ: 108 Jobs

ທ່ານ ສີ ຈິ້ນຜິງ ປະທານປະເທດຈີນ ໄດ້ກ່າວຄຳປາໄສເປັນລາຍລັກອັກສອນຕໍ່ກອງປະຊຸມວິດີໂອລະດັບສູງ ກ່ຽວກັບການຮ່ວມມືສາກົນໃນຂອບ “ໜຶ່ງແລວ ໜຶ່ງເສັ້ນທາງ”, ໂດຍຊີ້ໃຫ້ເຫັນວ່າ ຈະສ້າງ”ໜຶ່ງແລວໜຶ່ງເສັ້ນທາງ” ເປັນເສັ້ນທາງແຫ່ງການຮ່ວມມືທີ່ສາມັກຄີກັນຮັບມືກັບບັນດາສິ່ງທ້າທາຍ, ເປັນເສັ້ນທາງແຫ່ງຄວາມເຂັ້ມແຂງ ທີ່ຮັກສາສຸຂະພາບ ແລະຄວາມປອດໄພຂອງປະຊາຊົນ, ເປັນເສັ້ນທາງແຫ່ງການຟື້ນຟູທີ່ສົ່ງເສີມເສດຖະກິດ-ສັງຄົມ ແລະ ເປັນເສັ້ນທາງແຫ່ງການເຕີບໂຕທີ່ກະຕຸ້ນກໍາລັງແຮງ ຂອງການພັດທະນາ ທີ່ໄດ້ຊີ້ບອກທິດທາງການສົ່ງເສີມ”ໜຶ່ງແລວໜຶ່ງເສັ້ນທາງ” ເພື່ອ ສືບຕໍ່ຮ່ວມມືແບບຍືນຍົງ ແລະ ບັນລຸບົດບາດສໍາຄັນດ້ານການຮັບມືກັບສິ່ງທ້າທາຍທົ່ວໂລກ ແລະ ພັດທະນາໃນໄລຍະຍາວ ພາຍໃຕ້ສະຖານະການໃໝ່. “ໜຶ່ງແລວໜຶ່ງເສັ້ນທາງ”ຈະເຕົ້າໂຮມພະລັງແຫ່ງຄວາມສາມັກຄີ ແລະ ການຮ່ວມມືຢ່າງກວ້າງຂວາງ ເຊິ່ງຄວາມສາມັກຄີ ແລະ ການຮ່ວມມືແມ່ນ “ຄຳຫລັກ” ທີ່ທ່ານປະທານປະເທດ ສີ ຈິ້ນຜິງ ເຄີຍນໍາໃຊ້ຫລາຍຄັ້ງໃນການຊຸກຍູ້ການຮ່ວມມືສາກົນ ເພື່ອຕໍ່ສູ້ກັບພະຍາດໂຄວິດ－19. ໃນ 7 ປີນັບຕັ້ງແຕ່ “ໜຶ່ງແລວໜຶ່ງເສັ້ນທາງ” ເລີ່ມຕົ້ນມາ ໂດຍຖືເອົາຫລັກການແຫ່ງ ການປຶກສາຫາລືຮ່ວມກັນ ກໍ່ສ້າງ ແລະ ຊົມໃຊ້ຮ່ວມກັນ, 137 ປະເທດ ແລະ 30 ກວ່າອົງການຈັດຕັ້ງສາກົນ ໄດ້ເຂົ້າຮ່ວມໃນການພັດທະນາຫລາຍກ່ວາ 2.000 ໂຄງການ, ໂຄງການນີ້ ໄດ້ຂະຫຍາຍຕົວເປັນເວທີການຮ່ວມມືສາກົນ ທີ່ໃຫຍ່ທີ່ສຸດຂອງໂລກ. ໝາກຜົນດັ່ງກ່າວນີ້ ...

ນັກວິທະຍາສາດຄົ້ນພົບໄວຣັສໄຂ້ຫວັດໃຫຍ່ສາຍພັນໃໝ່ໃນຈີນ ເຊິ່ງມີສັກກະຍະພາບທີ່ຈະກໍ່ໃຫ້ເກີດການລະບາດຄັ້ງໃຫຍ່ໄດ້. ໄວຣັສຊະນິດນີ້ມີໝູເປັນພາຫະນະນຳເຊື້ອ ແລະ ສາມາດຕິດຕໍ່ສູ່ຄົນໄດ້, ຜູ້ຊ່ຽວຊານດ້ານໄວຣັສກຳລັງກັງວົນວ່າມັນອາດຈະເຮັດໃຫ້ຕິດຕໍ່ຈາກຄົນສູ່ຄົນໄດ້ໂດຍງ່າຍ ແລະ ອາດຈະເກີດການລະບາດໃຫຍ່ທີ່ສຸດ, ເຖິງແມ່ນວ່າສະຖານະການຂອງໄວຣັສຊະນິດນີ້ ຈະຍັງບໍ່ເປັນທີ່ວິຕົກລາຍເກີນໄປ, ແຕ່ນັກວິທະຍາສາດບອກວ່າມີອົງປະກອບຄົບທຸກຢ່າງທີ່ຈະພັດທະນາກາຍເປັນໄວຣັສທີ່ຕິດຕໍ່ໄປສູ່ມະນຸດ ແລະ ຈຳເປັນທີ່ຈະຕ້ອງສັງເກດເບິ່ງຢ່າງໃກ້ຊິດ ເນື່ອງຈາກຄວາມທີ່ເປັນໄວຣັສສາຍພັນໃໝ່ ມະນຸດຈຶ່ງມີພູມຄຸ້ມກັນຕໍ່ໄວຣັສຊະນິດນນີ້ຕ່ຳຫຼາຍ ຫຼືບໍ່ມີເລີຍ. ນັກວິທະຍາສາດທີ່ເຮັດການສຶກສາກ່ຽວກັບໄຂ້ຫວັດໃຫຍ່ສາຍພັນໃໝ່ນີ້ໄດ້ກ່າວວ່າ ເຖິງແມ່ນວ່າໄວຣັສຊະນິດນີ້ຍັງບໍ່ທັນໄດ້ຈັດວ່າເປັນໄພຄຸກຄາມອັນຮ້າຍແຮງ, ແຕ່ໜ່ວຍງານທີ່ກ່ຽວຂ້ອງຄວນເລີ່ມວາງມາດຕະການຄວບຄຸມໄວຣັສໃນໝູ ແລະ ເຝົ້າລະວັງການຕິດເຊື້ອໃນກຸ່ມຄົນທີ່ເຮັດວຽກໃນອຸດສາຫະກຳສັດລ້ຽງ (ໝູ). ພ້ອມກັນນັ້ນ, ສາດສະດາຈານ ຈາກມະຫາວິທະຍາໄລນອດຕິ້ງແຮມ ໃນປະເທດອັງກິດແຈ້ງໃນສຳນັກຂ່າວ BBC ວ່າ ຕອນນີ້ທຸກຄົນກຳລັງສົນໃຈເລື່ອງໄວຣັສ Covid-19 ເຊິ່ງກໍເປັນເລື່ອງທີ່ຖືກຕ້ອງແລ້ວ, ແຕ່ເຮົາຕ້ອງບໍ່ປະໝາດໄວຣັສສາຍພັນໃໝ່ອື່ນໆ ທີ່ມີຄວາມຮ້າຍແຮງໃກ້ກັນ, ເຊິ່ງເຮົາຈະບໍ່ສົນໃຈເລີຍບໍໄດ້. ໄວຣັສຂະໜາດໃຫຍ່ສາຍພັນໃໝ່ ເປັນໜຶ່ງໃນເຊື້ອໂຣກທີ່ຜູ້ຊ່ຽວຊານຊ່ວຍລະວັງຢູ່ຕະຫຼອດເວລາ ເຖິງແມ່ນວ່າໃນຂະນະທີ່ທົ່ວໂລກກຳລັງຕໍ່ສູ້ກັບການລະບາດໃຫຍ່ຂອງ Covid-19 ການລະບາດຂອງໄຂ້ຫວັດໃຫຍ່ຄັ້ງຫຼ້າສຸດ ຄືການລະບາດຂອງໄວຣັສໄຂ້ຫວັດໝູ ໃນປີ 2009 ເຊິ່ງໄດ້ເກີດຂຶ້ນທຳອິດຢູ່ປະເທດແມັກຊິໂກ, ແຕ່ການລະບາດຄັ້ງນັ້ນບໍ່ໄດ້ຮຸນແຮງຫຼາຍ ເນື່ອງຈາກປະຊາກອນໄວກາງຄົນຈຳນວນຫຼາຍມີພູມຄຸ້ມກັນຕໍ່ໄວຣັສສາຍພັນນີ້, ເຊິ່ງອາດຈະເປັນຍ້ອນວ່າມັນມີຄວາມໃກ້ຄຽງກັບໄວຣັສໄຂ້ຫວັດໃຫຍ່ສາຍພັນອື່ນໆ ທີ່ເຄີຍລະບາດມາແລ້ວ. ໃນລະຫວ່າງທີ່ເຮົາສາມາດປ້ອງກັນການຕິດເຊື້ອໄວຮັສໄຂ້ຫວັດໃຫຍ່ A/H1N1pdm09 ທີ່ເຮັດໃຫ້ເກີດໄຂ້ຫວັດໝູ ໂດຍການສີດວັກຊີນປ້ອງກັນໄຂ້ຫວັດໃຫຍ່ປະຈຳປີ. ນັກວິທະຍາສາດລະບຸວ່າໄວຮັສໄຂ້ຫວັດໃຫຍ່ສາຍພັນໃໝ່ຫຼ້າສຸດ ທີ່ພົບໃນຈີນມີຄວາມຄ້າຍຄືກັບໄຂ້ຫວັດໝູ 2009 ແຕ່ບາງຢ່າງມີການປ່ຽນແປງເພີ່ມຂຶ້ນ. ເຈມສ ວູດ ຫົວໜ້າພາກວິຊາສັດຕະວະແພດ, ມະຫາວິທະຍາໄລແຄມບຣິດຈ໌ ໄດ້ເວົ້າເຖິງງານວິໄຈກ່ຽວກັບໄວຣັສໄຂ້ຫວັດໃຫຍ່ສາຍພັນໃໝ່ນີ້ວ່າມັນມີປະໂຫຍດຫຼາຍເພາະຊ່ວຍເຕືອນວ່າມະນຸດຊາດຢູ່ໃນທ່າມກາງຄວາມສ່ຽງຈາກເຊື້ອໂຣກອຸບັດໃໝ່ທີ່ມີພາຫະນະນຳເຊື້ອເປັນສັດລ້ຽງໃນຟາມສັດ ເຊິ່ງມີຄວາມໃກ້ຊິດກັບຄົນຫຼາຍກ່ວາສັດປ່າ. ...

ທະນາຄານກາງຂອງປະເທດສະວີເດັນ ໄດ້ກຳນົດ 4 ຮູບແບບໃນການນຳໃຊ້ສະກຸນເງິນ Digital, ເຊິ່ງການໃຊ້ສະກຸນເງິນ Digital ມີທັງຂໍ້ດີ ແລະ ຂໍ້ເສຍ. ໃນນັ້ນ ຮູບແບບ ທີ 4 ຖືໄດ້ວ່າເປັນຂໍ້ດີທີ່ສຸດຈາກການທົບທວນເສດຖະກິດຂອງ CBDCs ໃນການນຳໃຊ້ສະກຸນເງິນ Digital ໂດຍນອກເໜືອຈາກການອະນຸຍາດໃຫ້ສະຖາບັນຫຼາຍແຫ່ງເຂົ້າເຖິງລະບົບການຊຳລະສະສາງລວມ (RTGS) ໃນເວລາຈິງແລ້ວ, ຮູບແບບດັ່ງກ່າວສ່ວນໃຫຍ່ຍັງແມ່ນກົດໝາຍໃໝ່ ທີ່ຕ້ອງສ້າງບັນຊີແຍກຕ່າງຫາກສຳຫຼັບການທະນາຄານອື່ນ. ແຕ່ເຖິງຢ່າງໃດ ຮູບແບບນີ້ແມ່ນຄ້າຍຄືກັນກັບຮູບແບບທີ່ມີຢູ່ແລ້ວ, ເຊິ່ງບົດບາດຂອງທະນາຄານກາງແມ່ນສະແດງໃນລະບົບການຈ່າຍເງິນກັບຕະຫຼາດເອກະຊົນເຮັດໜ້າທີ່ເປັນຊັ້ນຮອງຮັບບໍລິການລູກຄ້າ. ສຳລັບພາກເອກະຊົນ ວິທີແກ້ໄຂການຊຳລະເງິນທີ່ມີຢູ່ໃນປັດຈຸບັນ ສາມາດດຳເນີນງານໄດ້ເຊັ່ນດຽວກັນໂດຍບໍ່ຈຳເປັນຕ້ອງມີ Hardware ຫລືການລົງທຶນເພີ່ມ. ສິ່ງທີ່ເຮັດໃຫ້ Synthetic e-krona ມີຄວາມດຶງດູດໃຈແມ່ນຂະໜາດຈຳກັດຂອງມັນ ເມື່ອທຽບໃສ່ກັບແບບອື່ນໆ ມັນຈະບໍ່ກ່ຽວຂ້ອງກັບການລົງທຶນທີ່ສຳຄັນໃນພື້ນຖານໂຄງລ່າງ ແລະ Riksbank ສາມາດຖິ້ມຄວາມຮັບຜິດຊອບທັງໝົດກ່ຽວກັບ KYC, ALM ແລະ ອື່ນໆໄດ້ອີກດ້ວຍ. Riksbank ສະຫຼຸບໄດ້ວ່າທັງຮູບແບບທີ່ເປັນກາງ ແລະ ແບບແບ່ງຂັ້ນກາງປະກອບມີຕົວກາງ, ພ້ອມທັງການສະໜອງລະບົບເອເລັກໂທຣນິກກາງໂດຍບໍ່ມີຕົວກາງຈະເຮັດໃຫ້ມີການປ່ຽນແປງ ແລະ ມີຄ່າໃຊ້ຈ່າຍຢ່າງຫຼວງຫຼາຍ. ເອກະສານ Digital ສະບັບພາສາສະວີເດັນ ສາມາດພິສູດໄດ້ວ່າມັນເປັນໄປໄດ້ແຕ່ອາດຈະບໍ່ແມ່ນການຈັດປະເພດເປັນ CBDC. ທະນາຄານກາງກ່າວຕື່ມວ່າການສ້າງແບບຈໍາລອງຈະຕ້ອງໄດ້ຂະຫຍາຍອອກໄປໃນຫຼາຍດ້ານໃນການສຶກສາໃນອະນາຄົດ. ແຫຼ່ງຂໍ້ມູນ: https://www.coindesk.com/riksbank-worlds-oldest-central-bank-study-digital-currency-results

ເຖິງແມ່ນວ່າຈະມີຫຼັກຖານມາດົນແລ້ວວ່າທາງ Platform Social Media ເຕັມໄປດ້ວຍ Hate Speech ການຈຳແນກເຊື້ອຊາດ ແລະ ຄວາມຮຸນແຮງ ເຊິ່ງທາງດ້ານ Platform ເອງກໍມີການຈ້າງທີມງານເອົາຂໍ້ມູນຈຳນວນຫຼາຍເຂົ້າມາກວດແກ້ເນື້ອໃນເຫຼົ່ານັ້ນ, ຈົນເຄີຍເປັນຂ່າວດັງວ່າ ອະດີດພະນັກງານບາງຄົນອອກມາຮຽກຮ້ອງຄ່າຊົດເຊີຍທາງດ້ານສະພາບຈິດໃຈກັບທາງບໍລິສັດດັງເຊັ່ນ Facebook, ແຕ່ເບິ່ງຄືວ່າຄວາມເຄື່ອນໄຫວຮອບຫຼ້າສຸດທີ່ແບຣນດັງມີຕໍ່ Platform Social Media ໂດຍສະເພາະ Facebook ເຖິງແມ່ນວ່າຈະຢູ່ໃນເລື່ອງເກົ່າເຊັ່ນ Hate Speech ແລະ ການຈຳແນກສີຜິວນັ້ນ ກຳລັງເຮັດໃຫ້ຫຸ້ນຂອງຍັກໃຫຍ່ແບບ Facebook ຫຼຸດລົງຢ່າງບໍ່ເຄີຍເປັນມາກ່ອນ. ໃນວັນສຸກທີ່ຜ່ານມາບໍລິສັດ Unilever ໄດ້ອອກມາປະກາດແລ້ວວ່າຈະຢຸດການລົງໂຄສະນາໃນສະຫະລັດອາເມລິກາໃນ Platform ເຊັ່ນ: Facebook, Instagram ແລະ Twitter ໄປຈົນເຖິງທ້າຍປີນີ້ເປັນຢ່າງນ້ອຍ ໂດຍໃຫ້ເຫດຜົນວ່າບໍ່ຢາກເຂົ້າໄປຫຍຸ້ງກ່ຽວກັບການແບ່ງພັກແບ່ງຝ່າຍ ໃນໄລຍະລະຫວ່າງການຫາສຽງເລືອກຕັ້ງປະທານາທິບໍດີສະຫະລັດອາເມລິກາທີ່ຮ້ອນແຮງໃນຂະນະນີ້ ພ້ອມບອກອີກວ່າ ການໃຫ້ແບຣນດັງເຊັ່ນ Dove ຫຼື Lipton ປະກົດຕົວໃນ Platform ໃນໄລຍະເວລາດັງກ່າວ ບໍ່ໄດ້ຊ່ວຍເພີ່ມມູນຄ່າໃຫ້ກັບຜູ້ຄົນ ຫຼືສັງຄົມແຕ່ຢ່າງໃດ.   ໃນປັດຈຸບັນ,​ ການລົນນະລົງຢຸດການໂຄສະນາໃນ Facebook ແລະ Instagram ມີຂຶ້ນພາຍໃຕ້ຊື້ Stop Hate For Profit ເຊິ່ງເກີດຈາກຄວມຮ່ວມມືກັນຂອງ  The Anti-Defamation League, The NAACP ແລະ ອີກຫຼາຍອົງການຈັບມືກັນ, ໂດຍຕອນນີ້ມີຫຼາຍກວ່າ 100 ແບຣນແລ້ວທີ່ລົງຊື່ເຫັນດີ,  ເຊິ່ງສ່ວນໜຶ່ງຂອງການປະທ້ວງນີ້ ຍັງໄດ້ລວມເອົາການທີ່ Facebook ບໍ່ຍອມເຮັດຫຍັງກັບໂພສຂອງປະທານາທິບໍດີ ...