News

ວັນທີ 7 ກັນຍາ 2020 ນີ້ ທີ່ສະໂມສອນໃຫຍ່ຫ້ອງວ່າການແຂວງຫຼວງພະບາງ ໄດ້ຈັດກອງປະຊຸມປະກອບຄຳເຫັນໃສ່ຮ່າງລາຍງານການເມືອງ, ຮ່າງແຜນພັດທະນາເສດ ຖະກິດ-ສັງຄົມ, ຮ່າງບົດສຳຫຼວດການນນຳພາລວມ ແລະທາບທາມບຸກຄະລາກອນ ຄະນະບໍໍລິຫານງານພັກແຂວງຫຼວງພະບາງສະໄໝທີ່ VIII ຮອບທີ 3 ໂດຍການໃຫ້ກຽດເຂົ້າຮ່ວມຂອງ ທ່ານ ທອງລຸນ ສີສຸລິດ, ກຳມະການກົມການເມືອງສູູນກາງພັກ, ນາຍົກລັດຖະມົນຕີ. ທ່ານ ຄຳຂັນ ຈັນທະວິສຸກ ກຳມະການສູນກາງພັກ ເລ ຂາຄະນະບໍລິ ຫານງານພັກແຂວງ ເຈົ້າແຂວງຫຼວງພະບາງໄດ້ມີຄຳເຫັນວ່າ: ກອງປະຊຸມຄັ້ງນີ້ ຜູ້ແທນກອງປະຊຸມໄດ້ປະກອບຄຳເຫັນໃສ່ຮ່າງລາຍງານການເມືອງ, ຮ່າງແຜນພັດທະນາເສດຖະກິດ-ສັງຄົມ, ຮ່າງບົດສຳຫຼວດການນຳພາລວມ ແລະທາບທາມບຸກຄະລາກອນ ຄະນະບໍໍລິຫານງານພັກແຂວງຫຼວງພະບາງສະໄໝທີ່ VIII ຮອບທີ 3, ພ້ອມທັງຮັບຟັງການລາຍງານຜົນການດຳເນີນກອງປະຊຸມ ຄົບຄະນະບໍລິຫານງານພັກແຂວງທ້າຍສະໄໝ VII ທີ່ສຳເລັດເມື່ອບໍ່ດົນມານີ້ ຕື່ມອີກ. ໃນກອງປະຊຸມ ຕາງໜ້າຄະນະບໍລິຫານງານພັກແຂວງສະໄໝ VII ໄດ້ຜ່ານຮ່າງບົດສຳຫຼວດການນນຳພາລວມ ແລະລາຍງານຜົນການດຳເນີນກອງປະຊຸມຄົບຄະນະບໍລິຫານງານພັກແຂວງທ້າຍສະໄໝ VII, ພ້ອມທັງສະ ເໜີມາດຖານເງື່ອນໄຂຜູ້ຮັບສະໝັກເລືອກຕັ້ງ ເປັນຄະນະບໍລິຫານງານພັກແຂວງ, ຄະນະປະຈຳພັກແຂວງ, ປະທານ-ຮອງປະທານກວດກາພັກ ແລະເລຂາ ຮອງເລຂາຄະນະບໍລິຫານງານພັກແຂວງ, ຈາກນັ້ນ ໄດ້ດຳເນີນການທາບ ທາມບຸກຄະລາກອນ, ຄະນະບໍໍລິຫານງານພັກແຂວງຫຼວງພະບາງສະໄໝທີ່ ...

ລັດຖະບານ ແລະ ພາກສ່ວນຕ່າງໆ ໄດ້ເອົາໃຈໃສ່ການຊຸກຍູ້ສົ່ງເສີມທຸລະກິດຂະໜາດນ້ອຍ ແລະ ກາງ ໂດຍສະເພາະຂະແໜງກະສິກຳຖືວ່າເປັນຂະແໜງບູລິມະສິດຕົ້ນຕໍ ແຕ່ເນື່ອງຈາກວ່າບາງຂັ້ນຕອນ ແລະ ການເຂົ້າເຖິງເງິນທຶນສົ່ງເສີມຍັງມີອັນຫຍຸ້ງຍາກ ເຊິ່ງພາກສ່ວນຕ່າງໆກໍ່ກຳລັງສຸມໃສ່ແກ້ໄຂ-ປັບປຸງໃຫ້ສະດວກ ແລະ ໃຫ້ມີປະສິດທິພາບ. ສະພາການຄ້າ ແລະ ອຸດສາຫະກຳແຫ່ງຊາດ ກໍ່ແມ່ນພາກສ່ວນໜຶ່ງທີ່ໄດ້ຜັນຂະຫຍາຍນະໂຍບາຍສົ່ງເສີມ SME ຂອງລັດຖະບານ ໂດຍໄດ້ຄິດຄົ້ນ ຊອກຫາວິທີການສົ່ງເສີມຜູ້ປະກອບການ ແລະ ກຸ່ມຜະລິດທີ່ເຮັດແທ້ທຳຈິງໃຫ້ເຂົາເຈົ້າມີເງິນທຶນໃນການຮັບໃຊ້ທຸລະກິດຂອງເຂົາເຈົ້າຢ່າງພຽງພໍ ແລະ ມີປະສິດທິຜົນ. ວັນທີ 04 ກັນຍາ 2020 ທີ່ຜ່ານມານີ້ ສະພາການຄ້າ ແລະ ອຸດສາຫະກຳແຫ່ງຊາດ ໄດ້ມີພິທີເຊັນສັນຍາປ່ອຍເງິນກູ້ສົ່ງເສີມຊາວກະສິກອນແບບດອກເບ້ຍຕ່ຳ ແລະ ບໍ່ມີຫຼັກຊັບຄ້ຳປະກັນ (ສະພາການຄ້າ ແລະ ອຸດສາຫະກຳແຫ່ງຊາດຄ້ຳປະກັນ) ໂດຍການເປັນປະທານຂອງທ່ານ ອຸເດດ ສຸວັນນະວົງ ປະທານສະພາການຄ້າ ແລະ ອຸດສາຫະກຳແຫ່ງຊາດລາວ ມີທ່ານ ອ່າໂນ ເກົາລີເຢ ຜູ້ອຳນວຍການໃຫຍ່ທະນາຄານລາວຝຣັ່ງ ທ່ານ ນາງ ຄຳມອນ ຫຼວງລາດ ປະທານກຸ່ມກະສິກຳອິນຊິບ້ານທົ່ງມັ່ງ ແລະມີສະພາການຄ້າ ແລະ ອຸດສາຫະກຳນະຄອນຫຼວງວຽງຈັນ ແລະ ພາກສ່ວນອື່ນໆທັງພາກລັດ ແລະເອກະຊົນເຂົ້າຮ່ວມ. ...

ວັນທີ 03 ກັນຍາ 2020 ຜ່ານມານີ້, ທີ່ກະຊວງໄປສະນີ ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດກອງປະຊຸມເປີດກວ້າງຄົ້ນຄວ້າປັບປຸງຮ່າງແຜນແມ່ບົດເສດຖະກິດດິຈິຕອລ ແຫ່ງຊາດ 5 ປີ (2021-2025) ຂຶ້ນ ທີ່ຫ້ອງປະຊຸມໃຫຍ່ກະຊວງ ປທສ.ໂດຍການເປັນປະທານຂອງ ທ່ານ ປອ. ທັນສະໄໝ ກົມມະສິດ ລັດຖະມົນຕີ ກະຊວງ ປທສ, ຮອງຫົວໜ້າຄະນະສະເພາະກິດ ການຫັນເປັນທັນສະໄໝ ໃນການຊຳລະສະສາງ ແລະ ການເກັບລາຍຮັບເຂົ້າງົບປະມານ ຜ່ານລະບົບໂທລະສັບມືຖື, ມີທ່ານ ສຈ. ປອ. ບໍ່ວຽງຄໍາ ວົງດາລາ ລັດຖະມົນຕີ ກະຊວງ ວິທະຍາສາດ ແລະ ເຕັກໂນໂລຊີ ແລະ ທ່ານ ນາງເຂັມມະນີ ພົນເສນາ ລັດຖະມົນຕີ ກະຊວງອຸດສາຫະກຳ ແລະ ການຄ້າ, ມີຮອງລັດຖະມົນຕີຈາກບັນດາກະຊວງທີ່ກ່ຽວຂ້ອງ ພ້ອມດ້ວຍຄະນະຊ່ວຍວຽກຄະນະສະເພາະກິດດັ່ງກ່າວ ແລະ ພະນັກງານຈາກພາກສ່ວນທີ່ກ່ຽວຂ້ອງເຂົ້າຮ່ວມ. ທ່ານ ທັນສະໄໝ ກົມມະສິດ ໄດ້ຍົກໃຫ້ເຫັນເຖິງຄວາມໝາຍຄວາມສໍາຄັນຂອງເສດຖະກິດດິຈິຕອລ ຊຶ່ງໃນປະຈຸບັນ ເສດຖະກິດດິຈິຕອລໄດ້ມີບົດບາດສຳຄັນ ຕໍ່ການຂັບເຄື່ອນເສດຖະກິດຂອງໂລກ ...

ສະຖາບັນຂົງຈື ຂອງມະຫາວິທະຍາໄລແຫ່ງຊາດ (ມຊ) ໄດ້ອອກແຈ້ງການເມື່ອບໍ່ດົນມານີ້ ເຖິງນັກຮຽນ-ນັກສຶກສາ ແລະຜູ້ທີ່ສົນໃຈຢາກຮຽນພາສາຈີນຮັບຊາບວ່າ: ສຳລັບສົກຮຽນ 2020-2021 ( ຊຸດທີ 21 ໃນເດືອນ 10 ) ນີ້ ທາງສະຖາບັນຈະບໍ່ສາມາດເປີດກວ້າງຮັບນັກສຶກສາໃໝ່ຄືດັ່ງໃນແຕ່ລະປີຜ່ານມາໄດ້ ແລະ ຂໍເລື່ອນການຮັບນັກສຶກສາໃໝ່ໄປໄວ້ໃນເດືອນກຸມພາ ປີ 2021 ( ລາຍລະອຽດຂໍໃຫ້ຕິດຕາມແຈ້ງການເພີ່ມຕື່ມ) ສາເຫດທີ່ບໍ່ສາມາດຮັບຮັບນັກຮຽນ-ນັກສຶກສາໃໝ່ໃນສົກປີ 2020-2021 ນີ້ໄດ່ ເນື່ອງຈາກວ່າ ມີຄູອາຈານທີ່ເປັນຄົນຈີນຈຳນວນໜຶ່ງໄດ້ໝົດວາລະ ຫຼື ກຳນົດມາປະຕິບັດໜ້າທີ່ໃນການມາເປັນອາຈານສອນພາສາຈີນ ແລະ ໄດ້ກັບ ສປ ຈີນຈຳນວນ 13 ທ່ານ ແລະ ສຳນັກງານໃຫຍ່ສະຖາບັນຂົງຈືຢູ່ປະເທດຈີນ ກໍ່ບໍ່ສາມາດນຳສົ່ງອາຈານສອນພາສາຈີນມາທີ່ສະຖາບັນຂົງຈືຢູ່ລາວໄດ້ ຫຼື ຢູ່ປະເທດອື່ນໆໄດ້ ຍ້ອນການແຜ່ລະບາດຂອງພະຍາດໂຄວິດ -19 ນອກນັ້ນ, ຈຳນວນນັກສຶກສາເກົ່າທີ່ສືບຕໍ່ຮຽນພາສາຈີນໃນສົກຮຽນ 2020-2021 ແລະ ມາລົງທະບຽນຮຽນຕໍ່ແມ່ນມີຈຳນວນຫຼາຍເຖິງ 1.129 ຄົນ. ສະນັ້ນຈຶ່ງແຈ້ງໃຫ້ບັນດາທ່ານຊາບ ແລະ ຂໍອະໄພມາຍັງບັນດາທ່ານມານະທີ່ນີ້ດ້ວຍ. ແຫຼ່ງຂໍ້ມູນ: ວຽງຈັນທາຍ

ໃນຍຸກນີ້ໃຜທີ່ສາມາດຂະຫຍາຍ ແລະປັບຕົວໄດ້ໄວທັນການປ່ຽນແປງທາງດ້ານເສດຖະກິດຖືວ່າຄົນໆນັ້ນໄດ້ປຽບ ໂດຍສະເພາະໃນຍຸກນີ້ທີ່ເອີ້ນວວ່າ: ‘ປາໄວກິນປາຊ້າ’ ເຊັ່ນດຽວກັບ ‘7-Eleven’ ທີ່ກວ່າຈະກາຍມາເປັນຮ້ານທີ່ມີຊື່ສຽງ ແລະເປັນຍັກໃຫຍ່ໃນແວດວົງທຸລະກິດແບບທຸກມື້ນີ້ ກໍ່ຕ້ອງໄດ້ມີການປັບຕົວ ແລະປ່ຽນແປງມາຫຼາຍເຊັ່ນກັນ ຈຸດເລີ່ມຕົ້ນຂອງ ‘7-Eleven’ ເກີດຂຶ້ນເມື່ອປີ ພສ 2470 ໃນເມືອງ ດາລັສ໌ຂອງສະຫະລັດອາເມລິກາ ໃນເມື່ອກ່ອນເປັນພຽງກິດຈະການຮ້ານຂາຍນ້ຳກ້ອນ ພາຍໃຕ້ການບໍລິຫານງານບໍລິສັດ ເຊົາແລນ ຄໍໂປເລຊັນ ( ປັດຈຸບັນແມ່ຂອງ ‘7-Eleven’ ເປັນຂອງຍີ່ປຸ່ນ ຊື່ວ່າ ເຊເວັ່ນ ແອນ ໄອ ໂຮດິ້ງ) ແລະຕໍ່ມາໄດ້ຂະຫຍາຍມາຂາຍສິນຄ້າອຸປະໂພກບໍລິໂພກອື່ນໆ ທີ່ເປີດໃຫ້ບໍລິການທຸກມື້ຕັ້ງແຕ່ເວລາ 7:00 – 23:00 ນາທີ ເຊຶ່ງເປັນທີ່ມາຂອງຊື່ ‘7-Eleven’ ແລະໄດ້ຂະຫຍາຍເວລາເປີດຂຶ້ນເປັນ 24 ຊົ່ວໂມງ. ຈາກນັ້ນ ໃນປີ ພສ 2506 ໄດ້ມີການຂະຫຍາຍແຟຣນໄຊສໄປຍັງ ເອີລົບ ແລະ ໃນປີ ພສ 2516 ກໍເຂົ້າສູ່ຕະຫຼາດອາຊຽນ. ສ່ວນໃນປະເທດໄທ 7-Eleven ໄດ້ເຂົ້າມາເລີ່ມຕົ້ນທຸລະກິດໃນປີ 2532 ພາຍໃຕ້ການບໍລິຫານຂອງ ບໍລິສັດ ຊີພີ ອອລ ...

ລັດວິສາຫະກິດນໍ້າມັນເຊື້ອໄຟລາວ ( ລນລ ) ໄດ້ມີພິທີປະກາດແຕ່ງຕັ້ງຄະນະອຳນວຍການ ລນລ ຈຳນວນ 3 ທ່ານ ໂດຍ ທ່ານ ອະນຸສິນ ພົນເສນາ ເປັນຮັກສາການຊົ່ວຄາວ ຜູ້ອໍານວຍການ ລນລ. ໃນກອງປະຊຸມ ທ່ານ ນາງ ຈັນສຸກ ແສງພະຈັນ ຫົວໜ້າກົມຈັດຕັ້ງ ແລະ ພະນັກງານກະຊວງອຸດສາຫະກຳ ແລະ ການຄ້າ ( ອຄ ), ຜ່ານຂໍ້ຕົກລົງວ່າດ້ວຍການແຕ່ງຕັ້ງຄະນະອຳນວຍການ ລນລ ສະບັບເລກທີ 2209 /ກງ ລົງວັນທີ 21 ສິງຫາ 2020 ເຊິ່ງອີງຕາມກົດໝາຍວ່າດ້ວຍວິສາຫະກິດ ສະບັບເລກທີ 46/ ສພຊ ລົງວັນທີ 26 ທັນວາ 2013, ອີງຕາມດໍາລັດຂອງນາຍົກລັດຖະມົນຕີ ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກະຊວງການເງິນ ສະບັບເລກທີ 144/ນຍ ລົງວັນທີ 08 ພຶດສະພາ 2017, ອີງຕາມໜັງສືສະເໜີຂອງ ລນລ ສະບັບເລກທີ 4119/ລນລ ...

ໂອກາດເຂົ້າຮ່ວມສະຫຼຸບສົກຮຽນ 2019 – 2020 ຂອງວິທະຍາໄລການຄ້າ ທ່ານ ສົມຈິດ ອິນທະມິດ ຮອງລັດຖະມົນຕີກະຊວງອຸດສາຫະກຳ ແລະ ການຄ້າ ( ອຄ ) ເນັ້ນຜູ້ບໍລິຫານວິທະຍາໄລການຄ້າ ເອົາໃຈໃສ່ພັດທະນາຊັບພະຍາກອນມະນຸດໃນຂະແໜງທຸລະກິດການຄ້າ ເພື່ອປະກອບສ່ວນເຂົ້າໃນຕໍາແໜ່ງງານ ຫຼື ທຸລະກິດຂອງຕົນເອງ ພ້ອມກັນພັດທະນາປະເທດຊາດໃຫ້ຈະເລີນກ້າວໜ້າ. ພາບປະກອບ ພິທີສະຫຼຸບດັ່ງກ່າວ ຈັດຂຶ້ນໃນວັນທີ 3 ກັນຍາ 2020 ທີ່ວິທະຍາໄລການຄ້າ, ສະຖາບັນຄົ້ນຄວ້າເສດຖະກິດອຸດສາຫະກຳ ແລະ ການຄ້າ ( ສສອຄ ) ເປັນປະທານຂອງ ທ່ານ ສີລິສຳພັນ ວໍລະຈິດ ຫົວໜ້າ ສສອຄ ເຊິ່ງໃຫ້ກຽດເຂົ້າຮ່ວມຂອງ ທ່ານ ສົມຈິດ ອິນທະມິດ ຮອງລັດຖະມົນຕີກະຊວງອຸດສາຫະກຳ ແລະ ການຄ້າ, ມີບັນດາພະນັກງານຄູ – ອາຈານ ແລະ ນັກສຶກສາເຂົ້າຮ່ວມ.: ທ່ານ ສິງຄຳ ຄຳພອນ ຮອງຫົວໜ້າ ສສອຄ ທັງເປັນຜູ້ອຳນວຍການວິທະຍາໄລການຄ້າ ກ່າວວ່າ: ໃນສົກຮຽນ 2019 ...

ໃນງານມະຫາກໍາສີມືຫັດຖະກໍາລາວ ຄັ້ງທີ 19 ພາຍໃຕ້ຫົວຂໍ້ “ສີໄມ້ລາຍມືຄືອຸທິຍານແຫ່ງການທ່ອງທ່ຽວ” ຈະຈັດຂຶ້ນທີ່ ສູນການຄ້າລາວ-ໄອເຕັກ ນະຄອນຫລວງວຽງຈັນ ແຕ່ວັນທີ 10 ຫາ 18 ຕຸລາ 2020. ທ່ານ ນາງ ສຸວິຕາ ປະເສີດ ປະທານສະມາຄົມຫັດຖະກໍາລາວ ຖະແຫລງຕໍ່ສື່ມວນຊົນ ຕອນບ່າຍວັນທີ 3 ກັນຍາ 2020 ທີ່ໂຮງແຮມແລນມາກ ນະຄອນຫລວງວຽງຈັນ, ກ່ຽວກັບການກະກຽມຈັດງານງານມະຫາກໍາສີມືຫັດຖະກໍາລາວ ຄັ້ງທີ 19 ວ່າ: ເພື່ອເປັນການສົ່ງເສີມການຕະຫຼາດໃຫ້ແກ່ສິນຄ້າຫັດຖະກຳ ພ້ອມນີ້ກໍ່ເປັນການເຕົ້າໂຮມຄວາມສາມັກຄີໃນໝູ່ຊາວຊ່າງຫັດຖະກຳທຸກຊົນເຜົ່າຢູ່ທຸກໆທ້ອງຖິ່ນໃນທົ່ວປະເທດ ເພື່ອພ້ອມກັນອະນຸລັກສີໄມ້ລາຍມືທາງດ້ານຫັດຖະກຳ, ຂຸດຄົ້ນທ່າແຮງທາງດ້ານຫັດຖະກຳຢູ່ທຸກທ້ອງຖິ່ນ, ເສີມຂະຫຍາຍພູມປັນຍາທາງດ້ານຫັດຖະກຳຂອງຊົນເຜົ່າຕ່າງໆ, ຜະລິດເຄື່ອງຫັດຖະກຳໃຫ້ມີຄວາມຫຼາກຫຼາຍ, ມີຄວາມສວຍງາມປານີດ, ເປັນເອກະລັກຂອງຊົນເຜົ່າຂອງທ້ອງຖິ່ນ, ນອກຈາກນີ້ຍັງເປັນການສ້າງໂອກາດໃຫ້ຊາວຊ່າງຫັດຖະກຳໄດ້ມາພົບປະກັນເພື່ອແລກປ່ຽນບົດຮຽນ, ປະສົບການທາງດ້ານການຜະລິດເຄື່ອງຫັດຖະກຳ, ສ້າງໂອກາດໃຫ້ຊາວຊ່າງຫັດຖະກຳໄດ້ມາພົບປະລູກຄ້າຂາປະຈຳ ແລະ ຫາຄູ່ຄ້າລາຍໃໝ່ ທີ່ສຳຄັນອີກແມ່ນຍັງສະໜັບສະໜູນການທ່ອງທ່ຽວລາວໃຫ້ຟົດຟື້ນ ຄືລາວທ່ຽວລາວ. ໃນງານຄັ້ງນີ້ປະກອບມີ ກິດຈະກຳວາງສະແດງ-ຂາຍສິນຄ້າຫັດຖະກຳລາວ ໂດຍເນັ້ນໃສ່ການສົ່ງເສີມການຕະຫຼາດໃຫ້ຊາວຊ່າງຫັດຖະກຳລາວທີ່ຢູ່ເຂດຊົນນະບົດຫ່າງໄກສອກຫຼີກ ທ້ອງຖິ່ນຕ່າງໆໃນທົ່ວປະເທດ ໄດ້ນຳເອົາເຄື່ອງຫັດຖະກຳຂອງຕົນມາຈຳໜ່າຍຂາຍ, ເພື່ອສ້າງລາຍໄດ້ໃຫ້ຕົນເອງ, ໂດຍມີຮ້ານວາງສະແດງ-ຂາຍຫຼາຍກວ່າ 200 ຮ້ານ ເຊິ່ງຈັດສັນເຂດວາງສະແດງຂາຍຕາມຂະແໜງຫັດຖະກຳ ເພື່ອສະດວກໃນການຢ້ຽມຊົມ, ລະດົມສະມາຊິກ, ຊາວຊ່າງຫັດຖະກຳໃນທົ່ວປະເທດ, ເພື່ອສົ່ງເສີມເຂົາເຈົ້າເຂົ້າຮ່ວມງານຢ່າງທົ່ວເຖິງ ແລະ ...

ກົມອຸຕຸນິຍົມ ແລະອຸທົກກະສາດ ( JMA )ຂອງຍີ່ປຸ່ນລາຍງາຍຕໍ່ສຳນັກຂ່າວ Xinhua ໃນວັນທີ 2 ກັນຍາ 2020 ທີ່ຜ່ານມານີ້ວ່າ: ພະຍຸໃຕ້ຝຸ່ນທີ່ມີກຳລັງແຮງຫຼາຍ ກຳລັງເຄື່ອນຕົວຈາກພາກເໜືອ ນາງາຊາກິ ໄປຍັງຕອນເໜືອຂອງ ເກາະຄິວຊູ ຂອງຍີ່ປຸ່ນ ໃນຂະນະທີ່ພະຍຸໂຊນຮ້ອນມີກຳລັງຮຸນແຮງກໍ່ກຳລັງໃກ້ເຂົ້າມາປະເທດ ຈາກທິດທາງທີ່ແຕກຕ່າງກັນ; ພາຍຸໃຕ້ຝຸ່ນ Maysak ຊຶ່ງໄດ້ພັດຖະລົ່ມເມືອງໂອກິນາວາ ທາງໃຕ້ສຸດຂອງຍີ່ປຸ່ນຈົນເຮັດໃຫ້ມີຜູ້ບາດເຈັບ 8 ຄົນ ກຳລັງເຄື່ອນຕົວໄປທາງພາກເໜືອດ້ວຍຄວາມໄວ 15 ກິໂລແມັດຕໍ່ຊົ່ວໂມງ. ພະຍຸນີ້ມີກຳລັງແຮງ ແລະ ມີຄວາມກົດດັນອາກາດເປັນກາງຢູ່ທີ 940 hectopascals ແລະມີລົມພັດແກນກາງສູງເຖິງ 162 ກິໂລແມັດຕໍ່ຊົ່ວໂມງ, ຄວາມໄວລົມສູງສຸດຂອງ Maysak ປະມານ 234 ກິໂລແມັດຕໍ່ຊົ່ວໂມງ. JMA ຍັງກ່າວອີກວ່າ: ໄດ້ອອກແຈ້ງການເຕືອນໃຫ້ປະຊາຊົນລະມັດລະວັງລົມພັດແຮງຄື້ນຄວາມໄວສູງຂອງພະຍຸທີ່ພັດຢ່າງຮຸນແຮງ, ອາດກໍ່ໃຫ້ເກີດມີດິນເຈື່ອນ, ນ້ຳຖ້ວມ ແລະ ແມ່ນ້ຳທີ່ໄຫຼແຮງ ຈຶ່ງເຮັດໃຫ້ການບໍລິການລົດໄຟຫົວລູກປືນຊິນຄັນເຊັນ ຖືກລະງັບຊົ່ວຄາວອັນເປັນຜົນມາຈາກພາຍຸໃຕ້ຝຸ່ນລະຫວ່າງສະຖານີ ນີຮິໂຣຊິມາ ແລະ ສະຖານີ ຮາກາຕະ ບົນສາຍຊັນໂຍຊິນຄັນເຊັນ West Japan Railway ກ່າວວ່າ: ການຢຸດການໃຫ້ການບໍລິການຈະດຳເນີນຕໍ່ໄປຈົນເຖິງວັນທີ ...

ກົມຄຸ້ມຄອງພົນລະເມືອງ ກະຊວງພາຍໃນ ແລະ ກົມພັດທະນາສີມືແຮງງານ ແລະ ຈັດຫາງານກະຊວງແຮງງານ ແລະ ສະຫວັດດີການສັງຄົມ ຮ່ວມມືການຈັດຕັ້ງປະຕິບັດກົນໄກການສະໜອງຂໍ້ມູນພົນລະເມືອງລົງໃນລະບົບຂໍ້ມູນຂ່າວສານຕະຫຼາດແຮງງານ. ພິທີເຊັນບົດບັນທຶກ ມີຂຶ້ນໃນວັນທີ 31 ສິງຫາ 2020 ທີ່ຫ້ອງປະຊຸມອົງການປະກັນສັງຄົມແຫ່ງຊາດ ນະຄອນຫຼວງວຽງຈັນ ໂດຍເປັນກຽດເຂົ້າຮ່ວມຂອງ ທ່ານ ປະເດີມພອນ ສົນທະນີ ຮອງລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ, ທ່ານ ທອງຈັນ ມະນີໄຊ ຮອງລັດຖະມົນຕີກະຊວງພາຍໃນ ພ້ອມດ້ວຍຂະແໜງການກ່ຽວຂ້ອງເຂົ້າຮ່ວມ. ຈຸດປະສົງແມ່ນເພື່ອເຮັດໃຫ້ລະບົບຂໍ້ມູນຂ່າວສານຕະຫຼາດແຮງງານ ເປັນລະບົບເກັບກຳຂໍ້ມູນຄວາມຕ້ອງການ ແລະ ການສະໜອງແຮງງານ ເຊິ່ງຂໍ້ມູນຄວາມຕ້ອງການແຮງງານແມ່ນຂໍ້ມູນຕຳແໜ່ງງານວ່າງຂອງຫົວໜ່ວຍທຸລະກິດທີ່ມີການຢັ້ງຢືນຕົວຕົນຫົວໜ່ວຍທຸລະກິດທີ່ໄດ້ຈາກກົມທະບຽນ ແລະ ຄຸ້ມຄອງວິສາຫະກິດກະຊວງອຸດສາຫະກຳ ແລະ ການຄ້າ. ແຕ່ສຳລັບຂໍ້ມູນການສະໜອງທີ່ເກັບກຳຂໍ້ມູນຈາກຄົນວ່າງງານ, ນັກຮຽນ – ນັກສຶກສາຈົບໃໝ່, ຜູ້ຊອກຫາວຽກເຮັດງານທຳ, ຜູ້ຕ້ອງການປ່ຽນວຽກ ເຊິ່ງການລົງທະບຽນໃນລະບົບນີ້ລ້ວນແລ້ວແຕ່ແມ່ນຄົນລາວທີ່ມາລົງທະບຽນເພື່ອຕ້ອງການວຽກເຮັດງານທຳ. ການລົງທະບຽນໃນລະບົບຂໍ້ມູນຂ່າວສານຕະຫຼາດແຮງງານ ຜ່ານມານຳໃຊ້ເບີໂທລະສັບເປັນຂໍ້ມູນຫຼັກໃນການຢັ້ງຢືນການນຳໃຊ້ຂອງບຸກຄົນ ແຕ່ຍັງບໍ່ທັນສອດຄ່ອງຕາມຫຼັກການຂອງສາກົນ, ພ້ອມທັງລົງທະບຽນເປັນລະຫັດປະຈຳຕົວບຸກຄົນ ແມ່ນເຫັນວ່າມີຄວາມຈຳເປັນ ແລະ ສຳຄັນຢ່າງຍິ່ງຕໍ່ກັບລະບົບຂໍ້ມູນຂ່າວສານຕະຫຼາດແຮງ ງານ ເພື່ອໃຫ້ໄດ້ຂໍ້ມູນຜູ້ທີ່ມາລົງທະບຽນໃນລະບົບດັ່ງກ່າວມີຄວາມຖືກຕ້ອງ ແລະ ຊັດເຈນຍິ່ງຂຶ້ນ. ແຫຼ່ງຂໍ້ມູນ: ເສດຖະກິດ-ການຄ້າ.