ຂ່າວ ພາຍໃນປະເທດ

ກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດຊຸດທີ VIII ໄດ້ເປີດຂຶ້ນຢ່າງເປັນທາງການ ໃນຕອນເຊົ້າວັນທີ 27 ຕຸລາ ນີ້ ທີ່ຫ້ອງປະຊຸມຂອງສະພາແຫ່ງຊາດ (ຫຼັກ 6) ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ໃຫ້ຮູ້ວ່າ: ກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ VIII ຈະໄດ້ສຸມໃສ່ພິຈາລະນາຮັບຮອງເອົາບັນດາເນື້ອໃນທີ່ສໍາຄັນດັ່ງນີ້: 1). ພິຈາລະນາຮັບຮອງບົດລາຍງານ ກ່ຽວກັບສະພາບການຈັດຕັ້ງປະຕິບັດ ແຜນພັດທະນາເສດຖະກິດ – ສັງຄົມ, ແຜນເງິນຕາ ປະຈຳປີ 2020 ແລະ ທິດທາງແຜນການ ປີ 2021. 2). ພິຈາລະນາຮັບຮອງບົດລາຍງານ ກ່ຽວກັບການຈັດຕັ້ງປະຕິບັດແຜນງົບປະມານແຫ່ງລັດ ປະຈຳປີ 2020 ແລະ ທິດທາງແຜນການ ປະຈຳປີ 2021. 3). ພິຈາລະນາຮັບຮອງບົດລາຍງານ ກ່ຽວກັບແຜນຜັງລວມຕົວເມືອງນະຄອນຫຼວງວຽງຈັນ. 4). ພິຈາລະນາຮັບຮອງບົດລາຍງານ ຂອງອົງການກວດສອບແຫ່ງລັດ ກ່ຽວກັບການຈັດຕັ້ງປະຕິບັດແຜນການເຄື່ອນໄຫວວຽກງານ ປະຈຳປີ 2020 ແລະ ທິດທາງແຜນການ ປະຈຳປີ 2021, ...

ອີງຕາມບົດລາຍງານ ຂອງທ່ານນຍົກລັດຖະມົນຕີ ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານ ແລະ ແຜນເງິນຕາປີ 2020 ແລະ ທິດທາງແຜນການ ປີ 2021 ໃນກອງປະຊຸມສະໄຫມສາມັນ ເທື່ອທີ 10 ຂອງສະພາແຫ່ງຊາດ ຊຸດທີ VII, ໃນຄັ້ງວັນທີ 27 ຕຸລາ 2020 ນີ້ ມີບາງຕອນໃນບົດລາຍງານໃຫ້ຮູ້ວ່າ: ການບໍລິຫານຫນີ້ສິນສາທາລະນະ ລັດຖະບານເຫັນໄດ້ສະພາບຫນີ້ສິນສາທາລະນະຂອງປະເທດໃນປັດຈຸບັນ ມີຄວາມຫນັກຫນ່ວງ ແລະ ກາຍເປັນຄວາມສ່ຽງສູງຕໍ່ຄວາມຫມັ້ນຄົງທາງດ້ານເສດຖະກິດ. ສະນັ້ນ, ຈຶ່ງໄດ້ກໍານົດແຜນແກ້ໄຂເປັນສະເພາະຫນ້າ ໄລຍະກາງ ແລະ ໄລຍະຍາວ ຢ່າງຊັດເຈນໂດຍພະຍາຍາມຫຼຸດການຂາດດຸນງົບປະມານລົງແຕ່ລະປີ, ໄດ້ແຍກການຄຸ້ມຄອງຫນີ້ສິນອອກມາຄຸ້ມຄອງສະເພາະ ໂດຍຢຸດຕິການກູ້ຢືມຈາກຕ່າງປະເທດ ມາດຸນດ່ຽງລາຍຈ່າຍງົບປະມານປົກກະຕິ, ການກູ້ຢືມຕ່າງປະເທດສາມາດກູ້ໄດ້ສະເພາະເພື່ອມາຊໍາລະຕົ້ນທຶນເງິນກູ້ຕ່າງປະເທດທີ່ຄົບກໍານົດເທົ່ານັ້ນ, ມາຮອດປັດຈຸບັນ, ລັດຖະບານຍັງສາມາດຊໍາລະຢູ່ໃນເກນປົກກະຕິຂອງຫນີ້ຕ່າງປະເທດ. ການແກ້ໄຂຫນີ້ສິນໂຄງການລົງທຶນຂອງລັດ: ໄດ້ເອົາໃຈໃສ່ການແກ້ໄຂຫນີ້ສິນໂຄງການລົງທຶນຂອງລັດໃນ ພາກປົກກະຕິປະຈໍາປີ 2020, ນອກຈາກນີ້ຍັງໄດ້ສໍາເລັດການຄົ້ນຄວ້າ ວິທີການແກ້ໄຂຫນີ້ສິນ ດ້ວຍຮູບແບບອ່ວາຍຫນີ້ 3 ແຈ ແລະ ການອອກພັນທະບັດ; ໄດ້ປະຕິບັດຜົນຂອງກວດກາຕາມຜົນການກວດສອບ ຊຶ່ງເຫັນໄດ້ວ່າ ມີໂຄງການຕ້ອງຫັກລົບມູນຄ່າຈໍານວນ 180 ໂຄງການ, ມູນຄ່າຫັກລົບ 1.861,59 ຕື້ກີບ ແລະ ...

ຕອນແລງວັນທີ 26 ຕຸລາ 2020, ທີ່ ໂຮງແຮມ ແລນມາກ, ນະຄອນຫຼວງວຽງຈັນ ກະຊວງການຕ່າງປະເທດ ຮ່ວມກັບ ຫ້ອງການຜູ້ປະສານງານອົງການສະຫະປະຊາຊາດ ປະຈຳ ສປປ ລາວ ໄດ້ຈັດ “ງານລະລຶກວັນສ້າງຕັ້ງອົງການສະຫະປະຊາຊາດ (ສປຊ) ຄົບຮອບ 75 ປີ (24 ຕຸລາ 1945 – 24 ຕຸລາ 2020)” ໂດຍການເປັນເຈົ້າພາບຮ່ວມຂອງ ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແລະ ທ່ານ ນາງ ຊາຣາ ເຊັກເກນເນັສ (Ms. Sara Sekkenes), ຜູ້ປະສານງານອົງການ ສປຊ ປະຈຳ ສປປ ລາວ. ເຂົ້າຮ່ວມງານດັ່ງກ່າວ, ມີການນໍາຂັ້ນສູງຈາກບັນດາກະຊວງ ແລະ ອົງການທຽບເທົ່າກະຊວງ, ມີບັນດາເອກອັກຄະລັດຖະທູດ, ຜູ້ຕາງໜ້າບັນດາອົງການເຄື່ອຂ່າຍ ສປຊ ປະຈຳ ສປປ ລາວ ແລະ ພາກສ່ວນທີ່ກ່ຽວຂ້ອງ ຫຼາຍກວ່າ 250 ທ່ານ. ...

ບ້ານລາວມົງຄຸນ ສູນລວມສິນຄ້າແບຣນລາວ ໄດ້ເປີດໃຫ້ບໍລິການ ຢ່າງເປັນທາງການ ໃນ ວັນທີ 24 ຕຸລາ ຜ່ານມາ, ເຊິ່ງໄດ້ລວບລວມເອົາບັນດາສິນຄ້າ ທີ່ເປັນຂອງຄົນລາວ ມາວາງຈຳໜ່າຍໄວ້ບ່ອນດຽວ ເຊັ່ນ: ຫ້ອງເສື້ອ, ຜ້າໄໝ, ເຄື່ອງດົນຕີລາວ, ຢາພື້ນເມືອງ ແລະ ຜະລິດຕະພັນຫັດຖະກຳເປັນຕົ້ນ. ນອກນີ້, ຍັງມີເຄື່ອງດື່ມ, ອາຫານພື້ນເມືອງ ແລະ ນວດແຜນບູຮານໄວ້ຄ່ອຍບໍລິການລູກຄ້າທີ່ມາທ່ຽວຊົມ. ທັງນີ້, ກໍເພື່ອຈັດຕັ້ງປະຕິບັດນະໂຍບາຍ ການສົ່ງເສີມຜະລິດຕະພັນພາຍໃນ ແລະ ເສີມສ້າງທ່າແຮງໃຫ້ແກ່ສີນຄ້າລາວ ໃຫ້ເປັນທີ່ຮູ້ຈັກກັນຢ່າງກວ້າງຂວາງຍິ່ງໆຂຶ້ນ. ທ່ານ ນາງ ມຸກດາວັນ ແກ້ວວິໄລ ເຈົ້າຂອງໂຄງການບ້ານລາວມົງຄຸນ ໄດ້ກ່າວວ່າ: ບ້ານລາວມົງຄຸນ ສ້າງຂຶ້ນເພື່ອສົ່ງເສີມສິນຄ້າແບຣນລາວເຂົ້າສູ່ຕະຫລາດໂລກ, ເປັນຈຸດໃຈກາງໃນການຈໍາໜ່າຍສິນຄ້າ ລາວ ເຂົ້າສູ່ຕະຫລາດພາກພື້ນ ທັງເປັນການອະນຸລັກວັດທະນະທໍາອັນດີງາມ ຂອງຊາດລາວ ໃຫ້ຄົງຢູ່ກັບຄົນຮຸ້ນໃໝ່. ຄາດວ່າໃນອະນາຄົດຈະຂະຫຍາຍສາຂາໄປທີ່ ຫລວງພະບາງ, ຈຳປາສັກ, ສະຫວັນນະເຂດ ເພື່ອລວມຜະລິດຕະພັນທີ່ໂດດເດັ່ນ ແລະ ສວຍງາມ ໃນແຂວງດັ່ງກ່າວມາວາງສະແດງ. ສຳລັບທ່ານໃດ ທີ່ສົນໃຈຢາກຈະນຳສິນຄ້າ ຂອງຕົນມາວາງຈຳໜ່າຍທີ່ບ້ານລາວມົງຄຸນ ກໍສາມາດເຂົ້າມາສອບຖາມຂໍ້ມູນເພີ່ມເຕີມໄດ້ທີ່ບ້ານລາວມົງຄຸນ ສະຖານຕັ້ງຢູ່ບ້ານທົ່ງຂັນຄຳ ຮ່ອມ 9 ເມືອງຈັນທະ ...

ກະຊວງແຜນການ ແລະ ການລົງທຶນ ( ຜທ ) ຮ່ວມກັບກະຊວງໂຍທາທິການ ແລະ ຂົນສົ່ງ ( ຍທຂ ) ແລະ ກຸ່ມບໍລິສັດ ຄໍາໄພຊະນະ ຈໍາກັດ ໄດ້ລົງນາມຮ່ວມມືໃນການສຶກສາຄວາມເປັນໄປໄດ້ທາງດ້ານເສດຖະກິດເຕັກນິກ ໂຄງການຄຸ້ມຄອງພາຫະນະ ແລະ ການສົ່ງເສີມແບບຄົບວົງຈອນລະຫວ່າງພາກລັດ ແລະ ພາກເອກະຊົນ. ການເຊັນສັນຍາມີຂຶ້ນໃນວັນທີ 19 ຕຸລາ 2020 ຕາງໜ້າພາກລັດລົງນາມໂດຍ ທ່ານ ນາງ ຄໍາຈັນ ວົງແສນບຸນ ຮອງລັດຖະມົນຕີ ຜທ, ທ່ານ ວຽງສະຫວັດ ສີພັນດອນ ຮອງລັດຖະມົນຕີກະຊວງ ຍທຂ, ຕາງໜ້າພາກທຸລະກິດມີ ທ່ານ ຄໍາໄພ ສົມຊະນະ ປະທານບໍລິສັດ ຄໍາໄພຊະນະ ຈໍາກັດຜູ້ດຽວ. ຈຸດປະສົງ ເພື່ອສຶກສາ, ອອກແບບ ແລະ ສ້າງແຜນປັບປຸງການຄຸ້ມຄອງຍານພາຫະນະ ແລະ ການຂົນສົ່ງແບບລວມສູນເປັນເອກະພາບໃນຂອບເຂດທົ່ວປະເທດ ເປັນຕົ້ນ ປັບປຸງລະບົບການຄຸ້ມຄອງທະບຽນພາຫະນະ ແລະ ໃບຂັບຂີ່ໃນຂອບເຂດທົ່ວປະເທດໃຫ້ທັນສະໄໝ, ສຶກສາ, ປັບປຸງ ແລະ ພັດທະນາການຄຸ້ມຄອງການນໍາໃຊ້ລະບົບການຂຶ້ນທະບຽນ, ...

ພິທີໂຮມຊຸມນຸມ ສະເຫລີມສະຫລອງວັນສ້າງຕັ້ງສະພາແຫ່ງຊາດ ຄົບຮອບ 45 ປີ (2/12/1975-2/12/2020) ໄດ້ຈັດຂຶ້ນດ້ວຍບັນຍາກາດອັນຟົດຟື້ນ ໃນວັນທີ 26 ຕຸລາ 2020 ນີ້, ຢູ່ຫໍປະຊຸມແຫ່ງຊາດ ນະຄອນຫລວງວຽງຈັນ, ໃຫ້ກຽດເຂົ້າຮ່ວມ ມີ ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ, ທ່ານ ທອງລຸນ ສີສຸລິດ ນາຍົກລັດຖະມົນຕີ, ບັນດາຜູ້ນຳ ພັກ, ລັດ, ອະດີດການນຳຂັ້ນສູງ, ບັນດາຄະນະປະຈຳສະພາແຫ່ງຊາດ, ຄະນະລັດຖະບານ, ສະມາຊິກສະພາແຫ່ງຊາດ, ສະມາຊິກສະພາປະຊາຊົນຂັ້ນແຂວງ, ພະນັກງານປະຕິວັດອາວຸໂສ, ພ້ອມແຂກຖືກເຊີນ ເຂົ້າຮ່ວມ. ໂອກາດດັ່ງກ່າວ, ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ໄດ້ຂຶ້ນລາຍງານໂດຍຫຍໍ້ ກ່ຽວກັບ 45 ປີ ແຫ່ງການເຕີມໃຫຍ່ຂະຫຍາຍຕົວຂອງສະພາແຫ່່ງຊາດ, ໂດຍມີບາງຕອນໃຫ້ຮູ້ວ່າ: ສະພາແຫ່ງຊາດ ແມ່ນອົງການນິຕິບັນຍັດ ມີອຳນາດສູງສຸດ ໃນລະບົບອຳນາດແຫ່ງລັດ ຕາມລັດຖະທຳມະນູນ ແລະ ກົດໝາຍ, ໄດ້ຮັບການສ້າງຕັ້ງຂຶ້ນພ້ອມກັບການສະຖາປະນາ ສປປ ລາວ ...

ໃນວັນທີ 26 ຕຸລາ 2020, ຄະນະປະຈຳສະພາແຫ່ງຊາດ ແລະສະມາຊິກສະພາແຫ່ງຊາດ ນຳໂດຍທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ ພ້ອມດ້ວຍຄະນະ ໄດ້ເຂົ້າວາງພວງມະລາ ຢູ່ອະນຸສາວະລີນັກຮົມນິລະນາມ (ດາວແດງ) ແລະ ວາງກະຕ່າດອກໄມ້ ຢູ່ຫໍພິພິທະພັນ ປະທານ ໄກສອນ ພົມວິຫານ ເນື່ອງໃນໂອກາດ ສະເຫລີມສະຫລອງວັນສ້າງຕັ້ງສະພາແຫ່ງຊາດຄົບ ຮອບ 45 ປີ. ການວາງພວງມະລາໃນຄັ້ງນີ້, ເປັນການສະແດງເຖິງຄວາມເຄົາລົບຮັກ, ຄວາມກະຕັນຍູຮູ້ບຸນຄຸນ ເຖິງຄຸນງາມຄວາມດີທີ່ມີນ້ຳໃຈຕໍ່ສູ້ຢ່າງພິລະອາດຫານ ແລະບໍ່ຍອມຈຳນົນ ຂອງບັນພະບູລຸດລາວ ກໍຄື ບັນດານັກຮົບປະຕິວັດຂອງລາວ ທີ່ເສຍສະຫລະຊີວິດ, ເລືອດເນື້ອ ເພື່ອພາລະກິດປະຕິວັດ ຢ່າງອົງອາດກ້າຫານ ພາຍໃຕ້ການຊີ້ນຳ-ນຳພາ ຂອງພັກປະຊາຊົນ ປະຕິວັດລາວ ຈົນສາມາດຍາດໄດ້ໄຊຊະນະ ແລະປະກາດເອກະລາດ, ສະຖາປະນາ ເປັນສາທາລະນະລັດ ປະຊາທິປະໄຕ ປະຊາຊົນລາວ ຂຶ້ນຢ່າງສະຫງ່າຜ່າເຜີຍ ໃນວັນທີ 2 ທັນວາ 1975. ແຫຼ່ງຂໍ້ມູນ: ປະເທດລາວ

ຫວ່າງບໍ່ດົນມານີ້, ອຸໂມງປ່ຽນແລວນ້ຳຫຼັກຂອງເຂື່ອນໄຟຟ້ານ້ຳຕົກນ້ຳຊື່ມ 4 ຂອງລາວທີ່ບໍລິສັດກົນຈັກໜັກຈີນຈຳກັດຂອງກຸ່ມ ບໍລິສັດອຸດສາຫະກຳກົນຈັກຈີນຈຳກັດ ໄດ້ຮັບສຳປະທານນັ້ນໄດ້ຂຸດທະລຸຢ່າງສຳເລັດຜົນ, ອັນໄດ້ສ້າງພື້ນຖານຢ່າງໜັກແໜ້ນໃຫ້ແກ່ການກໍ່ສ້າງໂຄງການໃຫ້ສຳເລັດຜົນຕາມເວລາກຳນົດ. ເຂື່ອນໄຟຟ້ານ້ຳຕົກນ້ຳງື່ມ 4 ແຂວງຊຽງຂວາງຂອງລາວແມ່ນໂຄງການສຳຄັນອີກໂຄງການໜຶ່ງຂອງການຮ່ວມມືຕົວຈິງລະຫວ່າງລາວ-ຈີນ, ພາຍຫຼັງໂຄງການດັ່ງກ່າວສ້າງສຳເລັດແລ້ວ, ຈະມີຜົນດີຕໍ່ການເພີ່ມຄວາມສາມາດໃນການຜະລິດໄຟຟ້າແລະປັບປຸງພື້ນຖານໂຄງລ່າງດ້ານພະລັງໄຟຟ້າຂອງລາວຢ່າງຄົບຊຸດ. ຢູ່ປະເທດລາວທີ່ຫາກໍເອົາຊະນະການແຜ່ລະບາດຂອງພະຍາດໂຄວິດ-19 ໃນຂັ້ນເບື້ອງຕົ້ນ, ບໍ່ວ່າເຂື່ອນໄຟຟ້ານ້ຳຕົກ, ໂຮງງານຜະລິດຊີມັງ ຫຼືວ່າໂຮງໝໍກໍຕາມ, ໂຄງການຮ່ວມມືລາວ-ຈີນຕ່າງໆລ້ວນແຕ່ໄດ້ດຳເນີນໄປໄດ້ເປັນຢ່າງດີ ຢູ່ເຂດພູດອຍທີ່ຫ່າງຈາກນະຄອນຫຼວງວຽງຈັນໄປທາງທິດເໜືອປະມານ 100 ກິໂລແມັດ, ມີໂຮງງານຜະລິດຊີມັງຂະໜາດໃຫຍ່ແຫ່ງໜຶ່ງທີ່ທັນສະໄໝຄື: ບໍລິສັດຊີມັງວຽງຈັນຫົງຊື ໃສທິດລາດ ຈຳກັດ. ພາບປະກອບເທົ່ານັ້ນ ທ່ານ ກົງພະ ນາຍບ້ານຂອງບ້ານເຊິ່ງເປັນທີ່ຕັ້ງຂອງໂຮງງານຜະລິດຊີມັງຫົງຊື ກ່າວວ່າ: “ຂ້າພະເຈົ້າຫາກໍດຳລົງຕຳແໜ່ງຮອງນາຍບ້ານເມື່ອປີ 1999, ຕອນນັ້ນຊາວບ້ານທັງຫຼາຍພຽງແຕ່ອາໄສນ້ຳຟ້ານ້ຳຝົນຜະລິດເຂົ້າກິນ, ສ່ວນຫຼາຍໄດ້ເຮັດໄຮ່ໄຖນາ, ຊີວິດຂອງຊາວບ້ານທັງຫຼາຍທຸກຍາກຫຼາຍ. ໂຮງງານຜະລິດຊີມັງຫົງຊືສ້າງຕັ້ງຂຶ້ນເມື່ອປີ 2016, ຊາວບ້ານທັງຫຼາຍໄດ້ຕັ້ງໜ້າເຂົ້າຮ່ວມເຮັດວຽກໃນບໍລິສັດດັ່ງກ່າວ, ລາຍຮັບຂອງຊາວບ້ານເພີ່ມຂຶ້ນ, ຊີວິດການເປັນຢູ່ຂອງເຂົາເຈົ້າກໍດີຂຶ້ນເຊັ່ນກັນ, ປັດຈຸບັນ, ເຂົາເຈົ້າສາມາດປຸກເຮືອນໃໝ່, ຜົນປະໂຫຍດເຫຼົ່ານີ້ລ້ວນແຕ່ແມ່ນໄດ້ຮັບຈາກບໍລິສັດຊີມັງວຽງຈັນຫົງຊື ໃສທິດລາດ ຈຳກັດ”. ຢູ່ໃຈກາງຂອງນະຄອນຫຼວງວຽງຈັນ, ໂຄງການກໍ່ສ້າງໂຮງໝໍມະໂຫສົດຄົບວົງຈອນທີ່ຈີນພວມຊ່ວຍສ້າງນັ້ນແມ່ນໂຮງໝໍແບບສັງລວມຂະໜາດໃຫຍ່ທີ່ສຸດແລະມີຂະແໜງການດ້ານສາທາລະນະສຸກຄົບຖ້ວນທີ່ສຸດຢູ່ພາຍໃນປະເທດລາວ, ທັງເປັນແຫຼ່ງສຶກສາດ້ານການແພດສຳຄັນທີ່ສຸດຂອງລາວ. ທ່ານພົງສະຫວັດ ອາຍຸ 37 ປີມາຈາກແຂວງອຸດົມໄຊທາງພາກເໜືອຂອງລາວ, ຜູ້ທີ່ນັກຂ່າວໄດ້ຖາມເຖິງຄວາມຮູ້ສຶກທີ່ເຮັດວຽກນຳກັນກັບເພື່ອນຄົນຈີນ, ທ່ານພົງສະຫວັດກ່າວວ່າ: “ຂ້ອຍຮູ້ສຶກດີໃຈແລະພໍໃຈທີ່ສຸດທີ່ສາມາດຮຽນບົດຮຽນຈາກຜູ້ຊ່ຽວຊານແລະນັກວິຊາການຈີນ. ໂຄງການນີ້ສາມາດຊຸກຍູ້ການພັດທະນາຂອງລາວໂດຍຜ່ານການແລກປ່ຽນເຕັກນິກກັບຝ່າຍຈີນ, ຂ້ອຍຮູ້ສຶກດີໃຈຫຼາຍ.”ໂຄງການຮ່ວມມືທີ່ຄ້າຍຄືກັບໂຄງການດັ່ງກ່າວຍັງມີຫຼາຍ, ຜູ້ກໍ່ສ້າງໂຄງການຮ່ວມມືລາວ-ຈີນໄດ້ຮ່ວມກັນສູ້ຊົນພາຍໃຕ້ຂອບ “ໜຶ່ງແລວໜຶ່ງເສັ້ນທາງ”, ໄດ້ສ້າງຜົນປະໂຫຍດຢ່າງແທ້ຈິງໃຫ້ແກ່ປະຊາຊົນທັງສອງປະເທດຢ່າງບໍ່ຢຸດຢັ້ງ, ...

ອ້າງຈາກແຫຼ່ງຂ່າວຊີອາໄອວ່າ: ເສດຖະກິດກາງຄືນຂອງຈີນ ກຳລັງເຊື່ອມໂຍງກັບເສດຖະກິດດີຈີຕອນ ຢ່າງວ່ອງໄວ ຊຶ່ງໄດ້ເປີດກວ້າງຂົງເຂດໃໝ່ໃນດ້ານການບໍລິໂພກທາງສັງຄົມ ແລະ ດ້ານການປະຍຸກທາງວິທະຍາສາດເຕັກນິກ. ຂ່າວລະບຸວ່າ: ກອງປະຊຸມເວທີປຶກສາຫາລືເສດຖະກິດກາງຄືນຈີນ 2020 ທີ່ເປີດຂຶ້ນຢູ່ນະຄອນໜານກິ່ງຂອງຈີນ ໄດ້ລາຍງານເມື່ອທ້າຍອາທິດຜ່ານມາວ່າ: ເຕັກນິກດີຈີຕອນ ພວມສ້າງຮູບແບບການພັດທະນາຂອງທຸກຂະແໜງການຢ່າງຮອບດ້ານ, ເສດຖະກິດກາງຄືນ ໄດ້ເປີດກວ້າງຕະຫຼາດການບໍລິໂພກຕື່ມອີກ ໂດຍນຳໃຊ້ເສດຖະກິດດີຈີຕອນ. ສ່ວນເສດຖະກິດດີຈີຕອນ ກໍ່ໄດ້ຮັບພະລັງຂັບເຄື່ອນດ້ານປະດິດສ້າງໃໝ່ ແລະ ຖືກນຳໃຊ້ໃນຫຼາຍຂົງເຂດຢ່າງບໍ່ຢຸດຢັ້ງ ໂດຍຜ່ານຈາກການເຊື່ອມໂຍງກັບເສດຖະກິດກາງຄືນ. ເສດຖະກິດກາງຄືນຂອງຈີນ ກຳລັງເຊື່ອມໂຍງກັບເສດຖະກິດດີຈີຕອນ ຢ່າງວ່ອງໄວ ຊຶ່ງໄດ້ເປີດກວ້າງຂົງເຂດໃໝ່ ໃນດ້ານການບໍລິໂພກທາງສັງຄົມ ແລະ ດ້ານການປະຍຸກທາງວິທະຍາສາດເຕັກນິກ. ກອງປະຊຸມເວທີປຶກສາຫາລືກ່ຽວກັບເສດຖະກິດກາງຄືນຈີນ 2020 ມີຫົວຂໍ້ຫຼັກຄື: “ເສດຖະກິດດີຈີຕອນກັບການສ້າງກໍລະນີ ໂດຍໄດ້ສະເໜີອອກໃຫ້ຖືການຫັນເປັນດີຈີຕອນ, ຫັນເປັນເຄືອຂ່າຍ, ຫັນເປັນອັດສະລິຍະ” ເປັນການນຳພາໃນການເພີ່ມທະວີການນຳໃຊ້ເຕັກນິກໃໝ່ເຊັ່ນ: ຂໍ້ມູນໃຫຍ່, ຄຼາວຄອມພິວຕິງ, ເຄືອຂ່າຍສິ່ງຂອງ (IOT), ປັນຍາປະດິດ ແລະ ອື່ນໆ ຢູ່ໃນເສດຖະກິດກາງຄືນ, ເພື່ອສ້າງຕົວແບບປະດິດສ້າງກໍລະນີໃໝ່ ດ້ານການນຳໃຊ້ເສດຖະກິດດີຈີຕອນ ໃຫ້ຕົວເມືອງເກີດມີພະລັງຊີວິດໃໝ່ ໃນການພັດທະນາ.

ເມື່ອບໍ່ດົນມານີ້,ທ່ານ ສີນາວາ ສຸພານຸວົງ ຮອງລັດຖະມົນຕີກະຊວງພະລັງງານ-ບໍ່ແຮ່ພ້ອມດ້ວຍຄະນະ ໄດ້ລົງຢ້ຽມຢາມໂຄງການກໍ່ສ້າງ ເຂື່ອນໄຟຟ້ານ້ຳຂອງ ຈຸດຫຼວງພະບາງໂດຍມີ ທ່ານ ສຸກັນ ບຸນຍົງຮອງເຈົ້າແຂວງ ຫຼວງພະບາງ, ມີເຈົ້າເມືອງ ຈອມເພັດ ແລະ ເມືອງ ປາກອູ ພ້ອມດ້ວຍຄະນະ ຮ່ວມເດີນທາງ. ໂອກາດນີ້ ໄດ້ຮັບຟັງການລາຍງານສະພາບຄວາມຄືບໜ້າວຽກກະກຽມລ່ວງໜ້າໂຄງການກໍ່ສ້າງເຂື່ອນໄຟຟ້ານ້ຳຂອງຈຸດຫຼວງພະບາງວ່າ: ການກໍ່ສ້າງສາຍສົ່ງສະຖານນີໄຟຟ້າແສນສຸກ, ສະຖານີ,ລະບົບສາຍຈຳໜ່າຍ ແລະລະບົບສື່ສານສຳລັດ 36,60%, ກໍ່ສ້າງເສັ້ນທາງຈຸດບ້ານຫາດຢາເສັ້ນທາງເລກທີ 13 ເໜືອຫາບ່ອນສ້າງເຂື່ອນມີຄວາມຍາວ 14 ກິໂລແມັດ ແລະເສັ້ນທາງຊອຍຕ່າງໆເຂດໂຄງການສຳເລັດ 59,45%, ກໍ່ສ້າງຂົວເບຕົງເສີມເຫຼັກຂ້າມນ້ຳຂອງລະຫວ່າງເມືອງປາກອູຫາເມືອງຈອມເພັດມີຄວາມຍາວ 500 ແມັດສຳເລັດ 7,86%, ກໍ່ສ້າງທ່າເຮືອບັກທັງສອງຟາກເມືອງປາກອູຫາເມືອງຈອມເພັດສຳເລັດ 100%. ສຳຫຼວດ ແລະກໍ່ສ້າງສະຖານທີ່ບ່ອນຕັ້ງແຄ້ມຊົ່ວຄາວ, ລານເກັບມ້ຽນ, ໂຮງຄົບຫີນ, ສາງ ແລະປ້ຳນ້ຳມັນ, ຮ້ານອາຫານ ແລະອື່ນໆສຳເລັດ 85,24%, ນຳໃຊ້ຫີນຊາຍ ແລະພັດທະນາບໍ່ຫີນຮັບໃຊ້ໂຄງການທັງໝົດສຳເລັດ 64,24%, ນຳໃຊ້ກົນຈັກຮັບໃຊ້ໂຄງການເຂືື່ອນນໍ້າຂອງໄຊຍະບູລີມາຮັບໃຊ້ໂຄງການເຂື່ອນນ້ຳຂອງແຂວງຫຼວງພະບາງສຳເລັດ 66,03%. ໂອກາດນີ້, ທ່ານ ສີນາວາ ສຸພານຸວົງໄດ້ເນັ້ນໜັກໃຫ້ຜູ້ຮັບຜິດຊອບໂຄງການໃສ່ໃຈຄຸນນະພາບຂອງວຽກງານເພື່ອຮັບປະກັນທາງດ້ານຄຸນະພາບລວມໄປເຖິງການພັດທະນາຊີວິດການເປັນຢູ່ຂອງປະຊາຊົນ ທີ່ຖືກຜົນກະທົບແລະການຟືື້ນຟູສະພາບແວດລ້ອມ. ແຫຼ່ງຂໍ້ມູນ: media lao