ຂ່າວ ພາຍໃນປະເທດ

ລວມຍອດຜະລິດຕະພັນພາຍໃນ 5 ປີຂອງແຂວງຫົວພັນບັນລຸໄດ້ທັງໝົດ 13.784 ຕື້ກວ່າກີບ, ສະເພາະ ປີ 2020 ບັນລຸໄດ້ 3.270 ຕື້ກີບ , ລາຍຮັບສະເລ່ຍຕໍ່ຫົວຄົນໄດ້ 10,5ລ້ານກວ່າກີບ. ການລົງທຶນຂອງລັດ ມີ 511 ໂຄງການ ດ້ວຍທຶນ 886 ຕື້ກວ່າກີບ.ອັດຕາຄວາມທຸກຍາກຍັງເຫຼືອ 13,44% ຂອງຄອບຄົວທັງໝົດ, ອັດຕາການຊົມໃຊ້ໄຟຟ້າເຂົ້າເຖິງບ້ານກວມເອົາ 91,07%. ສະຫາຍ ພັນທອງ ເພັດໄຊສົມພັນ ກຳມະການປະຈຳພັກແຂວງ, ຮອງເຈົ້າແຂວງ ຜູ້ຊີ້ນຳເສດຖະກິດຂັ້ນແຂວງ ໄດ້ລາຍງານຕໍ່ກອງປະຊຸມໃຫຍ່ຂອົງຄະນະພັກແຂວງຫົວພັນຄັ້ງທີ X ເມື່ອວັນທີ 2 ພະຈິກ 2020 ວ່າ: ໃນ5ປີຜ່ານມາການພັດທະນາເສດຖະກິດ-ສັງຄົມຂອງແຂວງ ສາມາດຍາດໄດ້ຜົນສຳເລັດຫຼາຍດ້ານ ເປັນຕົ້ນແມ່ນ: ການລົງທຶນຂອງລັດໃນ 5 ປີ ຜ່ານມາໄດ້ຈັດຕັ້ງປະຕິບັດ 511 ໂຄງການ, ໄດ້ຮັບທຶນອະນຸມັດຈາກສະພາແຫ່ງຊາດ ທັງໝົດ 886 ຕື້ກ່ວາກີບ, ລື່ນຄາດໝາຍ 536 ຕື້ກ່ວາກີບ; ການລົງທຶນຂອງພາກເອກະຊົນພາຍໃນ ແລະ ຕ່າງປະເທດເຂົ້າໃນກິດຈະການສຳປະທານມີ 67 ໂຄງການ, ມີມູນຄ່າທັງໝົດ ...

ໄລຍະຜ່ານມາເກີດມີສຽງວິພາກວິຈານບໍ່ໜ້ອຍ ຕໍ່ຫຼາຍບັນຫາທີ່ເກີດຂຶ້ນໃນຮ້ານກິນດື່ມ, ຮ້ານບັນເທີງ ທີ່ຕ້ອງການການແກ້ໄຂຈາກພາກສ່ວນກ່ຽວຂ້ອງ ໂດຍສະເພາະການເຮັດຜິດກົດລະບຽບ ອັນກໍ່ໃຫ້ເກີດປະກົດການຫຍໍ້ທໍ້ຕ່າງໆ ສົ່ງຜົນກະທົບທາງລົບ. ທ່ານ ສົມພູ ດວງສະຫວັນ ຕາງໜ້າຄະນະປະຈໍາສະພາແຫ່ງຊາດ ປະທານກໍາມາທິການວັດທະນະທໍາ-ສັງຄົມ ໄດ້ຂຶ້ນລາຍງານກ່ຽວກັບຜົນການຕິດຕາມກວດກາ ການຈັດຕັ້ງປະຕິບັດກົດໝາຍ ທີ່ຕິດພັນກັບການຄຸ້ມຄອງ ການບໍລິການໃນຮ້ານບັນເທີງ ແລະ ຮ້ານກິນດື່ມ ຕໍ່ກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດຊຸດທີ VIII ຄັ້ງວັນທີ 2 ພະຈິກ 2020 ວ່າ: ອີງຕາມສະຖິຕິການທ່ອງທ່ຽວປີ 2019, ຂະແໜງການທີ່ກ່ຽວຂ້ອງ ໄດ້ອະນຸຍາດໃຫ້ຜູ້ປະກອບການດໍາເນີນທຸລະກິດປະເພດຮ້ານກິນດື່ມ, ຮ້ານບັນເທີງ ມີທັງໝົດ 2.925 ຮ້ານ, ໃນນັ້ນ ຮ້ານກິນດື່ມ 2.679 ຮ້ານ, ຮ້ານບັນເທີງ 246 ຮ້ານ; ມາຮອດປັດຈຸບັນ ຈໍານວນຮ້ານກິນດື່ມມີທັງໝົດ 3.885 ຮ້ານ, ຮ້ານບັນເທີງ ມີ 244 ຮ້ານ; ຮ້ານສ່ວນຫຼວງຫຼາຍແມ່ນຕັ້ງຢູ່ຕາມຕົວເມືອງໃຫຍ່ຂອງບັນດາແຂວງ, ນະຄອນຫຼວງ ແລະ ຕິດພັນກັບແຫຼ່ງທ່ອງທ່ຽວ ເຊິ່ງເຫັນວ່າຮ້ານກິນດື່ມຫຼາຍກວ່າໝູ່ແມ່ນຢູ່ແຂວງຫຼວງພະບາງ ມີ 311 ຮ້ານ, ໜ້ອຍກວ່າໝູ່ແມ່ນເຊກອງ ມີ ...

ໂຄງການກໍ່ສ້າງທາງລົດໄຟ ລາວ-ຈີນ ມາຮອດປັດຈຸບັນ ໜ້າວຽກໂດຍລວມ ແມ່ນສຳເລັດແລ້ວກວ່າ 90%; ໃນນັ້ນ, ສະເພາະການປູລາງລົດໄຟ ແມ່ນສຳເລັດແລ້ວ 166,6 ກິໂລແມັດ, ເທົ່າກັບ 40%, ຄາດວ່າຈະໃຫ້ສຳເລັດ 100% ໃນທ້າຍເດືອນມິຖຸນາ 2021 ໂດຍແມ່ນກຸ່ມບໍລິສັດວິສະວະກຳທາງລົດໄຟ ເລກ 2 ສປ ຈີນ ເປັນຜູ້ຮັບເໝົາເຊື່ອມຈອດລາງ ແລະ ຕິດຕັ້ງປູລາງລົດໄຟ. ສ່ວນໜ້າວຽກການຜະລິດໝອນຮອງລາງລົດໄຟ ໂດຍແມ່ນກຸ່ມບໍລິສັດ ທາງລົດໄຟເລກທີ 15 ເປັນຜູ້ຮັບເໝົາຜະລິດ, ມາຮອດປັດຈຸບັນ ການຜະລິດສຳເລັດແລ້ວ 60% ແລະ ຄາດວ່າ ຈະໃຫ້ສຳເລັດ 100% ໃນທ້າຍເດືອນເມສາ 2021 ແລະ ຄາດວ່າ ການກໍ່ສ້າງເສັ້ນທາງລົດໄຟ ລາວ-ຈີນ ທັງໝົດຈະສຳເລັດ ແລະ ເປີດໃຫ້ບໍລິການຈະລາຈອນ ໃນເດືອນທັນວາ 2021. ທ່ານ ຫລີ ລົງເຊິງ (Li Long Cheng) ຫົວໜ້າວິສະວະກອນ ກຸ່ມບໍລິສັດ ວິສະວະກຳທາງລົດໄຟເລກ 2 ສປ ຈີນ ...

ກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ໄດ້ຈັດກອງປະຊຸມທາບ ທາມບຸກຄະລາກອນຂຶ້ນ ໃນວັນທີ 5 ພະຈິກ 2020, ທີ່ຫໍວັດທະນະທໍາແຫ່ງຊາດ, ນະຄອນຫລວງວຽງຈັນ ເພື່ອສະໝັກເລືອກຕັ້ງເປັນຄະນະບໍລິຫານງານພັກກະຊວງ ຖວທ ສະໄໝທີ V ຮອບທີ I, ໂດຍການເປັນປະທານຂອງສະຫາຍ ກິແກ້ວ ໄຂຄໍາພິທູນ ເລຂາທິການສູນກາງພັກ, ເລຂາຄະນະບໍລິຫານງານພັກກະຊວງ, ລັດຖະມົນຕີ ກະຊວງ ຖວທ, ມີບັນດາຄະນະບໍລິຫານງານພັກ, ຄະນະນຳກະຊວງ ແລະ ສະມາຊິກພັກສົມບູນ ເຂົ້າຮ່ວມ. ສະຫາຍ ບົວເງິນ ຊາພູວົງ ຮອງເລຂາຄະນະພັກກະຊວງ, ຮອງລັດຖະມົນຕີກະຊວງ ຖວທ ໄດ້ຂຶ້ນຜ່ານມາດຕະຖານເງື່ອນໄຂຜູ້ທີ່ຈະສະໝັກຮັບເລືອກຕັ້ງເປັນຄະນະບໍລິຫານງານພັກະຊວງຊຸດໃໝ່ ເພື່ອເປັນບ່ອນອີງໃຫ້ແກ່ຜູ້ມີສິດລົງຄະແນນສຽງທາບທາມ ໄດ້ເຂົ້າໃຈມາດຖານເງື່ອນໄຂ ຂອງບຸກຄະລາກອນທີ່ສະໝັກຮັບເລືອກຕັ້ງ. ໃນໂອກາດນີ້, ສະຫາຍ ກິແກ້ວ ໄຂຄຳພິທູນ ໄດ້ກ່າວວ່າ: ການດຳເນີນກອງປະຊຸມໃຫຍ່ຂອງອົງຄະນະພັກແຕ່ລະຂັ້ນ ແມ່ນເຫດການການເມືອງທີ່ສຳຄັນຂອງພັກ ເຊິ່ງເປັນການຍົກສູງບົດບາດຄວາມສາມາດນຳພາ ແລະ ລັກສະນະນຳໜ້າຂອງພັກ, ເປັນໜຶ່ງໃນບັນດາການເລັ່ງທວງອັນຮີບດ່ວນ ທັງເປັນໜ້າທີ່ແຖວໜ້າ ແລະ ເປັນໜ້າທີ່ໃຈກາງຂອງວຽກງານການປັບປຸງການຈັດຕັ້ງພັກ, ກົງຈັກການຈັດຕັ້ງລັດ ແລະ ບຸກຄະລາກອນ. ໂດຍປະຕິບັດຕາມກົດລະບຽບຂອງພັກປະຊາຊົນ ...

ວາລະດຳເນີນກອງປະຊຸມສະໄໝມັນ ເທື່ອທີ 10 ຂອງສະພາແຫ່ງຊາດ ຊຸດທີ VIII ໃນວັນທີ 5 ພະຈິກ 2020; ທ່ານນາງ ບົວຄຳ ທິບພະວົງ ປະທານກຳມະທິການຍຸຕິທຳ ສະພາແຫ່ງຊາດ ໄດ້ຕາງໜ້າໃຫ້ຄະນະປະຈຳສະພາແຫ່ງຊາດ ປະກອບຄຳເຫັນໃສ່ບົດລາຍງານກ່ຽວກັບການເຄື່ອນໄຫວວຽກງານປະຈຳປີ 2020 ແລະ ທິດທາງແຜນການຈຸດສຸມ ປີ 2021 ຂອງອົງການໄອຍະການປະຊາ ຊົນສູງສຸດ ແລະ ສານປະຊາຊົນສູງສຸດ. ໂດຍລວມແລ້ວຄະນະປະຈຳສະພາແຫ່ງຊາດ ໄດ້ສະແດງຄວາມຊົມເຊີຍຕໍ່ຜົນງານ, ຜົນສຳເລັດການເຄື່ອນໄຫວວຽກງານຂອງ ອົງການໄອຍະການປະຊາຊົນສູງສຸດ ແລະ ສານປະຊາຊົນສູງສຸດໃນໄລຍະຜ່ານມາ ແຕ່ຍັງມີບາງບັນຫາທີ່ເຫັນວ່າ ຍັງຈັດຕັ້ງປະຕິບັດບໍ່ທັນໄດ້ດີເທົ່າທີ່ຄວນ, ຊັກຊ້າ ແລະ ບໍ່ທັນບັນລຸຕາມເປົ້າໝາຍທີ່ວາງໄວ້ ເປັນຕົ້ນ ການປະຕິບັດສິດສັ່ງຟ້ອງຜູ້ຖືກຫາ ແລະ ການຖະແຫລງຄະດີຕໍ່ສານ ຂອງອົງການໄອຍະການປະຊາຊົນ ແຕ່ລະຂັ້ນບໍ່ທັນບັນລຸຄາດໝາຍຕາມທີ່ໄດ້ກໍານົດໄວ້ 97% ຂອງແຜນການ ປີ 2020, ການຕິດຕາມກວດກາ ການປະຕິບັດຄໍາຕັດສິນຂອງສານ ບໍ່ທັນເປັນປົກກະຕິຕໍ່ເນື່ອງ, ຍັງບໍ່ທັນໄດ້ລົງເລິກ, ການເຂົ້າຮ່ວມຕິດຕາມກວດກາ ການຕັດສິນຄະດີ ໃນທີ່ປະຊຸມສານ ຂອງພະນັກງານໄອຍະການປະຊາຊົນ ຂັ້ນຕ່າງໆ ເມື່ອພົບເຫັນມີການລະເມີດກົດໝາຍ ກໍບໍ່ໄດ້ສະເໜີຄັດຄ້ານ. ການຊັດມ້ຽນຄະດີຈໍານວນໜຶ່ງ ຍັງບໍ່ທັນຮັບປະກັນຄວາມຖືກຕ້ອງ ...

ກອງປະຊຸມໃຫຍ່ຜູ້ແທນ ຂອງອົງຄະນະພັກກະຊວງການຕ່າງປະເທດ ຄັ້ງທີ IV ໄດ້ໄຂຂຶ້ນຢ່າງເປັນທາງການ ໃນວັນທີ 5 ພະຈິກ 2020, ທີ່ສູນການຮ່ວມມື ແລະ ຝຶກອົບຮົມສາກົນ (ICTC), ນະ ຄອນຫລວງວຽງຈັນ, ໂດຍການເປັນປະທານຂອງ ສະຫາຍ ສະເຫລີມໄຊ ກົມມະສິດ ກໍາມະການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີກະຊວງການຕ່າງປະເທດ ໃຫ້ກຽດເຂົ້າຮ່ວມຂອງ ສະຫາຍ ທອງລຸນ ສີສຸລິດ ກຳມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ ສປປ ລາວ, ມີບັນດາແຂກທີ່ຖືກເຊີນຈາກກະຊວງ ແລະ ອົງການອ້ອມຂ້າງສູນກາງຈຳນວນໜຶ່ງ, ບັນດາສະຫາຍສະມາຊິກພັກອາວຸໂສບຳນານ, ບັນດາສະຫາຍຕາງໜ້າຈາກອົງການຈັດຕັ້ງມະຫາຊົນ ແລະ ບັນດາສະຫາຍຜູ້ແທນສົມບູນ ເຂົ້າຮ່ວມ. ສະຫາຍ ສະເຫລີມໄຊ ກົມມະສິດ ໄດ້ຜ່ານບົດລາຍງານການເມືອງ ເພື່ອສະຫລຸບຕີລາຄາຜົນຂອງ ການຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນ ຄັ້ງທີ III ຂອງອົງຄະນະພັກກະຊວງການຕ່າງ ປະເທດ ຊຶ່ງໄດ້ຍົກໃຫ້ເຫັນວ່າ: ໃນໄລຍະ 5 ປີ ຜ່ານມາ ຄະນະພັກ-ຄະນະນໍາກະຊວງການຕ່າງ ປະເທດ ໄດ້ເດັດດ່ຽວເສີມຂະຫຍາຍ ມູນເຊື້ອປະຕິວັດ ແລະ ເຊີດຊູຄວາມຮັບຜິດຊອບ ...

ການຖະແຫຼງຂ່າວ ກ່ຽວກັບການກະກຽມງານວາງສະແດງ ແນວທາງການພັດທະນາການທ່ອງທ່ຽວ ແບບຍືນຍົງອາຊຽນ ໄດ້ຈັດຂຶ້ນໃນວັນທີ 4 ພະຈິກ ຜ່ານມາ ທີ່ໂຮງແຮມຄຣາວພາຊາ ນະຄອນຫຼວງວຽງຈັນ, ໂດຍການເຂົ້າຮ່ວມຂອງທ່ານ ນາງ ດາລານີ ພົມມະວົງສາ ຫົວໜ້າກົມຄຸ້ມຄອງການທ່ອງທ່ຽວ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ(ຖວທ); ຜູ້ຕາງໜ້າຈາກອົງການ GIZ ແລະ ພາກສ່ວນກ່ຽວຂ້ອງ ພ້ອມດ້ວຍສື່ມວນຊົນເຂົ້າຮ່ວມ. ທ່ານ ນາງ ພອນມະລີ ອິນທະພົມ ຮອງຫົວໜ້າກົມພັດທະນາການທ່ອງທ່ຽວ ໄດ້ຖະແຫຼງວ່າ: ຈຸດປະສົງຂອງການຈັດງານຄັ້ງນີ້, ເພື່ອນຳສະເໜີຜະລິດຕະພັນທີ່ເປັນມິດກັບສິ່ງແວດລ້ອມໃຫ້ບັນດາທຸລະກິດການທ່ອງທ່ຽວເປັນຕົ້ນແມ່ນ ທຸລະກິດສະຖານທີ່ພັກແຮມ, ສະຖານທີ່ທ່ອງທ່ຽວ, ບໍລິສັດທ່ອງທ່ຽວ, ທຸລະກິດຈຳໜ່າຍເຄື່ອງຫັດຖະກຳ ແລະ ກະສິກຳ ແລະ ການນຳໃຊ້ພະລັງງານທົດແທນທີ່ເປັນມິດກັບສິ່ງແວດລ້ອມ; ເປັນການປະກອບສ່ວນເຂົ້າໃນການປະຕິບັດເປົ້າໝາຍການພັດທະນາແບບຍືນຍົງ ຫຼື SDGs ຂອງ ສປປ ລາວ ໂດຍສະເພາະແມ່ນເປົ້າໝາຍທີ 12 ການຜະລິດ ແລະ ການບໍລິໂພກ ທີ່ມີຄວາມຮັບຜິດຊອບ. ຊຶ່ງໄດ້ກຳນົດໃນຕົວຊີ້ບອກຂອງກະຊວງ ຖວທ, ຮອດປີ 2025 ທຸລະກິດທ່ອງທ່ຽວ ສປປ ລາວ ບັນດາສະຖານທີ່ພັກແຮມ, ...

ໃນວາລະດຳເນີນ ກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ VIII ໃນວັນທີ 4 ພະຈິກ 2020 ທີ່ໄດ້ຮັບຮອງເອົາບົດລາຍງານຂອງລັດຖະບານ ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ແຜນເງິນຕາ ປະຈຳປີ 2020 ແລະ ທິດທາງແຜນການປະຈຳປີ 2021 ແລະ ບົດລາຍງານກ່ຽວກັບການຈັດຕັ້ງປະຕິບັດແຜນງົບປະມານແຫ່ງລັດ ປະຈໍາປີ 2020 ແລະ ທິດທາງແຜນການປະຈຳປີ 2021 ດ້ວຍຄະແນນສຽງສ່ວນຫລາຍພາຍໃຕ້ການເປັນປະທານຂອງ ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ. ກອງປະຊຸມ ສະເໜີໃຫ້ລັດຖະບານໃຫ້ສືບຕໍ່ເອົາໃຈໃສ່ມາດຕະການເພີ່ມຕື່ມ ເປັນຕົ້ນແມ່ນ ຄົ້ນຄວ້ານະໂຍບາຍ ແລະ ມາດຕະການລະອຽດຂອງບັນດາຂະແໜງການ ເພື່ອຫັນວິກິດໃຫ້ເປັນໂອກາດ ໃນການຂັບເຄື່ອນການຂະຫຍາຍຕົວຂອງເສດຖະກິດ ຮັບປະກັນການບັນລຸອັດຕາການເຕີບໂຕຂອງລວມຍອດຜະລິດຕະພັນພາຍໃນ (GDP) ທີ່ກໍານົດໄວ້ໃນແຜນການ, ທັງສືບຕໍ່ເອົາໃຈໃສ່ຕິດຕາມກວດກາວຽກງານດ້ານເງິນຕາ ເພື່ອຮັບປະກັນສະຖຽນລະພາບຂອງຄ່າເງິນກີບ ແລະ ບໍ່ສ້າງແຮງກົດດັນຕໍ່ລະດັບລາຄາ ກໍຄືອັດຕາເງິນເຟີ້, ລວມທັງຍົກສູງຄຸນນະພາບຂອງສິນເຊື່ອ ເພື່ອຮັບປະກັນໃຫ້ອັດຕາສ່ວນໜີ້ເກີດດອກອອກຜົນຢູ່ໃນກອບທີ່ສະພາແຫ່ງຊາດຮັບຮອງ. ນອກຈາກນັ້ນ, ໃຫ້ເອົາໃຈໃສ່ຄຸ້ມຄອງໂຄງການລົງທຶນຂອງລັດແຕ່ລະປະເພດ ໃຫ້ສອດຄ່ອງຕາມຂັ້ນຕອນຂອງກົດໝາຍວ່າດ້ວຍການລົງທຶນຂອງລັດ, ຈັດສັນງົບປະມານໃສ່ບັນດາໂຄງການທີ່ມີຄວາມສຳຄັນ ແລະ ຈຳເປັນ, ເພີ່ມທະວີການຈັດຕັ້ງປະຕິບັດແຜນງົບ, ໂຄງການ, ໜ້າວຽກ ...

ໃນວັນທີ 4 ພະຈິກ 2020, ກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ VIII ພາຍໃຕ້ການເປັນປະທານຂອງ ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ໄດ້ຮັບຮອງເອົາບົດລາຍງານຂອງລັດຖະບານ ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ແຜນເງິນຕາ ປະຈຳປີ 2020 ແລະ ທິດທາງແຜນການປະຈຳປີ 2021 ແລະ ບົດລາຍງານກ່ຽວກັບການຈັດຕັ້ງປະຕິບັດແຜນງົບປະມານແຫ່ງລັດ ປະຈໍາປີ 2020 ແລະ ທິດທາງແຜນການປະຈຳປີ 2021 ດ້ວຍຄະແນນສຽງສ່ວນຫລາຍ. ກອງປະຊຸມ ໄດ້ສະແດງຄວາມຊົມເຊີຍລັດຖະບານທີ່ໄດ້ເອົາໃຈໃສ່ສູ້ຊົນຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປະຈຳປີ 2020 ໃນທ່າມກາງສະພາບແວດລ້ອມສາກົນ ແລະ ພາກພື້ນ ຍັງສືບຕໍ່ຜັນແປຢ່າງສັບສົນ, ຫຍຸ້ງຍາກ ແລະ ຄາດຄະເນໄດ້ຍາກ ເນື່ອງຈາກໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ-19 ແລະ ຜົນກະທົບຈາກໄພພິບັດທໍາມະຊາດ ເຮັດໃຫ້ປະເທດເຮົາພົບຄວາມຫຍຸ້ງຍາກທາງດ້ານເສດຖະກິດ, ການເງິນ-ເງິນຕາ, ແຕ່ລັດຖະບານ ກໍໄດ້ເອົາໃຈໃສ່ ແລະ ສຸມທຸກຄວາມພະຍາຍາມໃນຊີ້ນຳ-ນຳພາບັນດາຂະແໜງການຂັ້ນສູນກາງ ແລະ ອົງການປົກຄອງທ້ອງຖິ່ນ ຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນເງິນຕາປະຈຳປີ 2020, ຊຶ່ງຜ່ານການຈັດຕັ້ງປະຕິບັດວຽກງານຕົວຈິງຕະຫລອດ 9 ...

ມັນຕົ້ນເປັນພືດອຸດສາຫະກໍາທີ່ຕະຫຼາດມີຄວາມຕ້ອງການຫຼາຍ ແລະ ກໍເປັນທ່າແຮງໜຶ່ງທີ່ຈັດລາຍໄດ້ໃຫ້ຄອບຄົວ. ປັດຈຸບັນ, ຂະບວນການຜະລິດ, ການເກັບຊື້ ແລະ ສົ່ງອອກມັນຕົ້ນຢູແຂວງສາລະວັນ ຍັງເປັນຂະບວນການຟົດຟື້ນ, ປະຊາຊົນຫລາຍທ້ອງຖິ່ນທົ່ວແຂວງ ຫັນມາປູກມັນຕົ້ນຫລາຍກວ່າເກົ່າ ໂດຍສະເພາະເຂດທີ່ມີເງື່ອນໄຂເໝາະສົມເປັນຕົ້ນ ເມືອງເລົ່າງາມ, ສາລະວັນ, ວາປີ, ຄົງເຊໂດນ ແລະ ເຂດເມືອງພູດອຍຄື: ເມືອງຕະໂອ້ຍ ແລະ ເມືອງສະໝ້ວຍ ໄດ້ຫັນມາປູກມັນແລ້ວຈໍານວນໜຶ່ງ; ໄລຍະ 9 ເດືອນປີ 2020 ນີ້, ແຂວງສາລະວັນ ສາມາດຜະລິດ ແລະ ສົ່ງອອກມັນຕົ້ນໄດ້ 6 ແສນກວ່າໂຕນ. ທ່ານ ຄໍາຜ່ານ ສີລາວີ ຫົວໜ້າພະແນກ ອຸດສາຫະກໍາ ແລະ ການຄ້າແຂວງ ໄດ້ໃຫ້ຮູ້ໃນວັນທີ 4 ພະຈິກ 2020 ນີ້ວ່າ: ຍ້ອນນະໂຍບາຍຂອງລັດຖະບານ ໄດ້ເອື້ອອໍານວຍຄວາມສະດວກຫລາຍດ້ານ ໃນການປູກພືດອຸດສາຫະກໍາ ແລະ ການສົ່ງເສີມຂະບວນການປູກ-ການລ້ຽງ, ທັງໄດ້ຊຸກຍູ້ ແລະ ສ້າງເງື່ອນໄຂໃຫ້ນັກລົງທຶນເຂົ້າມາດໍາເນີນກິດຈະການເກັບຊື້ ແລະ ສົ່ງອອກສິນຄ້າ ກະສິກໍາ ໂດຍສະເພາະ ມັນຕົ້ນຢູ່ແຂວງສາລະວັນ ໃນແຕ່ລະປີເພີ່ມຂຶ້ນຍ້ອນນະໂຍບາຍຂອງລັດຖະບານໄດ້ມີການອໍານວຍຄວາມສະດວກທາງດ້ານການຄ້າ, ເຊິ່ງເຮັດໃຫ້ຂັ້ນຕອນ, ...