ຂ່າວ ພາຍໃນປະເທດ

ປັດຈຸບັນສະຖານະການການແຜ່ລະບາດຂອງພະຍາດໂຄວິດ-19 ຢູ່ ສປປ ລາວ ຍັງຄົງ ມີການລະບາດ ເຖິງວ່າໂຕເລກຜູ້ຕິດເຊື້ອໃນແຕ່ລະມື້ຈະມີທ່າອ່ຽງຫຼຸດລົງ ແຕ່ຄວາມສ່ຽງກໍຍັງສູງ ທ່ານ ພູທອນ ເມືອງປາກ ຫົວໜ້າກອງເລຂາຄະນະສະເພາະກິດເພື່ອປ້ອງກັນ ຄວບຄຸມ ແລະ ແກ້ໄຂ ການລະບາດຂອງພະຍາດໂຄວິດ-19 ຮອງລັດຖະມົນຕີກະຊວງສາທາລະນະສຸກ ໄດ້ໃຫ້ສໍາພາດ ຜ່ານລາຍການຮອບເມືອງເລື່ອງໂຄວິດ-19 ໃນວັນທີ 10 ພຶດສະພານີ້, ທີ່ໂທລະພາບແຫ່ງຊາດລາວ. ທ່ານ ພູທອນ ເມືອງປາກ ໄດ້ໃຫ້ຮູ້ກ່ຽວ ກັບການການປະເມີນຄວາມສ່ຽງໃນໄລຍະນີ້ ໃນການ ປະຕິບັດງານແຕ່ລະຂະແໜງການໄດ້ປະເມີນຜົນການຈັດປະຕິບັດຄໍາສັ່ງເລກທີ 15/ນຍ ວ່າ: ແມ່ນຄໍາ ສັ່ງເພີ່ມທະວີ ຫຼື ວ່າການຍົກລະດັບມາດຕະການໂຕ້ຕອບກັບພະຍາດໂຄວິດ-19 ນີ້ ຊຶ່ງໄດ້ກໍານົດອອກໃນ ວັນທີ 22 ເມສາ 2021 ເຖິງວັນທີ 5 ພຶດສະພາ 2021 ສະນັ້ນກອງເລຂາຄະນະສະເພາະກິດໄດ້ກະ ກຽມ ສະຫຼຸບທອດຖອນບົດ ຮຽນ ເພື່ອປະເມີນຄືນເຖິງສະພາບການລະບາດ ແລະ ວາງມາດຕະການໃນ ຕໍ່ໜ້າ. ເພື່ອໃຫ້ສະດວກເຂົ້າໃຈງ່າຍໃນການປະຕິບັດ ກອງເລຂາກໍໄດ້ນໍາມາຜັນຂະ ຫຍາຍອອກ ແມ່ນໄດ້ ກໍານົດເປັນ 3 ...

ກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ໄດ້ຄົ້ນຄວ້າທິດທາງແຜນ ການຈໍານວນໜຶ່ງ ເພື່ອຊ່ວຍຟື້ນຟູບັນດາຜູ້ປະກອບການທຸລະກິດທ່ອງທ່ຽວ ທີ່ໄດ້ຮັບຜົນກະທົບຈາກການລະບາດຂອງພະຍາດໂຄວິດ-19 ຮອບໃໝ່ ຢູ່ປະເທດເຮົາໃນຕໍ່ໜ້າແລ້ວ ແລະ ແຜນການດັ່ງກ່າວກຳລັງຢູ່ໃນໄລຍະ ລໍຖ້າລັດຖະບານພິຈາລະນາຮັບຮອງຕາມຄວາມເໝາະສົມໃນໄວໆນີ້. ບັນຫາດັ່ງກ່າວ, ໄດ້ຮັບການລາຍງານຈາກທ່ານ ສະຫວັນຄອນ ລາຊະມຸນຕີ ຮອງລັດຖະມົນຕີກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ໃນວັນທີ 9 ພຶດສະ ພາ 2021 ແລະ ທ່ານຍັງໃຫ້ຮູ້ອີກວ່າ: ການລະບາດຂອງພະຍາດໂຄວິດ-19 ຄັ້ງນີ້, ໄດ້ສົ່ງຜົນກະທົບບໍ່ໜ້ອຍຕໍ່ຂະແໜງທ່ອງທ່ຽວ ແລະ ກະຊວງກ່ຽວຂ້ອງໄດ້ພະຍາຍາມສຸດຂີດໃນການຊອກຊ່ອງທາງຊ່ວຍເຫລືອ ເພື່ອຫລຸດຜ່ອນຜົນກະທົບແກ່ຜູ້ປະກອບການ ແລະ ຜູ້ອອກແຮງງານໃນຂະແໜງດັ່ງກ່າວ ໂດຍໄດ້ເກັບກຳຂໍ້ມູນຜົນກະທົບ ກໍຄື ຂໍ້ສະເໜີຂອງຜູ້ປະກອບການ ແລະ ນຳສະເໜີຕໍ່ຄະນະສະເພາະກິດ ແກ້ໄຂຜົນກະທົບທາງດ້ານເສດຖະ ກິດ ພິຈາລະນາຫາທາງແກ້ໄຂຕາມຄວາມສາມາດຕົວຈິງ ເນື່ອງຈາກວ່າທຸລະກິດທ່ອງທ່ຽວໄດ້ຕິດພັນກັບຫລາຍຂະແໜງການ. ສະນັ້ນຈຶ່ງຕ້ອງມີການປະສານງານຢ່າງລະອຽດ ເພື່ອແກ້ໄຂຜົນກະທົບຕົວຈິງ ແລະ ໃຊ້ເວລາພໍສົມຄວນ. ສ່ວນການຊ່ວຍເຫລືອແກ້ໄຂຜົນກະທົບໃນບາງດ້ານນັ້ນ, ລັດຖະບານ ກໍຄື ກະຊວງທີ່ກ່ຽວຂ້ອງຈຳນວນໜຶ່ງກໍໄດ້ມີແຈ້ງການອອກໄປແລ້ວ ເປັນຕົ້ນ ຫລຸດຄ່ານໍ້າ, ຄ່າໄຟ, ຫລຸດດອກເບຍ ຫລື ໂຍະຍານຜ່ອນຜັນແກ່ຍາວເວລາໃນການສຳຫລະໜີ້ສິນ ແລະ ...

ວັນທີ 9 ພຶດສະພາ 2021 ນີ້, ທີ່ສະໜາມບິນສາກົນຫລວງພະບາງ ໄດ້ມີພິທີຕ້ອນຮັບຄະນະແພດ ແລະ ຊ່ຽວຊານ ຈາກ ສປ ຈີນ ທີ່ເດີນທາງມາຊ່ວຍການແກ້ໄຂສະພາບການລະບາດຂອງພະຍາດໂຄວິດ-19 ຢູ່ບັນດາແຂວງພາກເໜືອ ໃຫ້ກຽດຕ້ອນຮັບໂດຍ ທ່ານ ບຸນເລື່ອມ ມະນີວົງ ຮອງເຈົ້າແຂວງ, ຫົວໜ້າຄະນະສະເພາະກິດຂັ້ນແຂວງຫລວງພະບາງ, ພ້ອມດ້ວຍຄະນະສະເພາະກິດແຂວງຫລວງພະບາງ ແລະ ແຂວງອຸດົມໄຊ. ໂອກາດນີ້, ຄະນະແພດ ແລະ ຊ່ຽວຊານ ຈາກ ສປ ຈີນ ກໍໄດ້ປະຊຸມຮ່ວມກັບຄະ ນະສະເພາະກິດແຂວງຫລວງພະບາງ ໂດຍໄດ້ຮັບຟັງການລາຍງານສະພາບການລະບາດຂອງພະຍາດໂຄວິດ-19 ຢູ່ແຂວງຫລວງພະບາງ ຈາກຫົວໜ້າຄະນະສະເພາະກິດຂັ້ນແຂວງ. ຈາກນັ້ນຜູ້ເຂົ້າຮ່ວມໄດ້ແລກປ່ຽນຄໍາເຫັນຮ່ວມກັນ ກ່ອນຈະລົງເບິ່ງການປະຕິບັດວຽກງານຕົວຈິງ ຈາກທີມແພດທີ່ພົວປີ່ນປົວຜູ້ຕິດເຊື້ອພະຍາດໂຄວິດ-19 ຢູ່ໂຮງໝໍແຂວງຫລວງພະບາງ. ພາຍຫລັງສຳເລັດການເຮັດວຽກຮ່ວມກັບທີມແພດ ແລະ ຄະນະສະເພາະກິດແຂວງຫລວງພະບາງແລ້ວ, ຄະນະແພດ ແລະ ຊ່ຽວຊານ ຈາກ ສປ ຈີນ ຈະເດີນທາງໄປເຮັດວຽກຮ່ວມກັບຄະນະສະເພາະກິດ ແລະ ທີມແພດ ທີ່ປີ່ນປົວຄົນເຈັບຕິດເຊື້ອພະຍາດໂຄວິດ -19 ຢູ່ບັນດາແຂວງພາກເໜືອ ຕື່ມອີກ.

ວັນທີ 7 ພຶດສະພາເປັນມືທີ່ 4 ທີ່ຄະນະຊ່ຽວຊານການແພດຈີນໄດ້ມາຊ່ວຍ ສປປ ລາວ. ໃນຕອນເຊົ້າຈຸຄຸ້ມຄອງການລະບາດໄດ້ແບ່ງເປັນສອງກຸ່ມ ເພື່ອຕີດຕາມເກັບກໍາຂໍ້ມູນ ແລະເຮັດວຽກຢູ່ສະຖານທີ່ເກັບຕົວຢ່າງຕ່າງໆ ພ້ອມທັງແນະຂັ້ນຕອນຕ່າງໆໃນການເກັບຕົວຢ່າງໃຫ້ກັບແພດໝໍລາວ ລວມທັງມາດຕະຖານໃນການກໍານົດຜູ້ສໍາຜັດໃກ້ຊິດ, ການຂ້າເຊື້ອຢູ່ສະຖານທີ່ເກັບຕົວຢ່າງ ແລະອື່ນໆ. ທ່ານ ຫວາງຈ້ຽນຄຸນ ຫົວໜ້າຄະນະຊ່ຽວຊານການແພດຈີນໄດ້ນໍາພາຈຸໜຶ່ງໄປສໍາຫຼວດຢູ່ເຂດຕະຫຼາດຊັ່ງຈ່ຽງ ເຊິ່ງເປັນເຂດທີ່ຄົນຈີນດໍາລົງຊີວິດ ແລະດໍາເນີນທຸລະກິດເປັນຈໍານວນຫຼວງຫຼາຍ. ປັດຈຸບັນຍັງໄດ້ເປັນໜຶ່ງໃນສະຖານທີ່ສັກຢາວັກຊີນ ເຊິ່ງຈຸຊ່ຽວຊານວະເພາະດ້ານໄດ້ຊີ້ນໍາ ແລະອົບຮົມໃຫ້ແພດໝໍທີ່ປະຈໍາກ່ຽວກັບມາດຕະຖານການສັກຢາ ແລະການຮັບມືກັບກໍລະນີສຸກເສີນນໍາອີກ ທັງໄດ້ແນະນໍາປັບປຸງມາດຕະການປ້ອງກັນການຕິດເຊື້ອຕື່ມອີກ. ຢູ່ກະຊວງສາທາລະນະສຸກ, ຊ່ຽວຊານອີກຈຸໜຶ່ງໄດ້ອົບຮົມ ແລະແລກປ່ຽນຄໍາຄິດຄໍາເຫັນກັບບັນດາພະນັກງານຫຼັກແຫຼ່ງຂອງກະຊວງ ພາຍໃຕ້ຫົວຂໍ້ເຕັກນິກການປ້ອງກັນ ແລະຄວບຄຸມການລະບາດພາຍໃນໂຮງໝໍ ແລະຄວາມຮູ້ກ່ຽວກັບວັກຊິນ ເຊິ່ງການຝຶກອົບຮົມໄດ້ດໍາເນີນໄປຢ່າງກົງໄປກົງມາ. ນອກນີ້, ຍັງມີຄະນະຊ່ຽວຊານບາງຈຸໄດ້ໄປອົບຮົມກ່ຽວກັບການປ້ອງກັນໂຄວິດ-19 ຢູ່ບາງບໍລິສັດລາວ ແລະຈີນ. ພິເສດໃນຕອນຄ່ໍາຂອງມື້ດຽວກັນ ມີຄົນຈີນ 1 ຄົນທີ່ເປັນຜູ້ຕິດເຊື້ອໂຄວິດ-19 ທີ່ພວມຮັບການປິ່ນປົວຢູ່ໂຮງໝໍມິດຕະພາບ. ຄົນເຈັບຜູ້ນັ້ນໄດ້ກ່າວວ່າ: ມີອາການປວດໂຕ, ເບື່ອອາຫານ 2 ມື້, ໄຂ້ສູງ ແລະຕາມົວ ເຊິ່ງຄະນະຊ່ຽວຊານແພດຈີນກໍໄດ້ໄປຊ່ວຍປິ່ນປົວຄົນເຈັບນີ້ຢ່າງຮີບດ່ວນ. ພາຍໃຕ້ຄວາມຮ່ວມໄມ້ຮ່ວມມື ແລະພະຍາຍາມຢ່າງສຸດຂີດຂອງຊ່ຽວຊານຈີນ ແລະແພດໝໍລາວ ເປັນເວລາຫຼາຍຊົ່ວໂມງຢ່າງຕໍ່ເນື່ອງ, ໃນທີ່ສຸດ ຄົນເຈັບດັ່ງກ່າວໄດ້ຮັບການປິ່ນປົວ ແລະໄດ້ກໍາລັງໃຈ ເຮັດສະພາບຮ່າງກາຍຟື້ນຟູໂດຍໄວ ແລະສືບຕໍ່ປິ່ນປົວຈົນກວ່າຈະຫາຍຂາດ. ຫຼັງຈາກຖອດຊຸດປ້ອງກັນ ເຫັນໄດ້ວ່າຄະນະຊ່ຽວຊານຈີນມີເຫື່ອອອກໝົດໂຕ ແຕ່ສາຍຕາທີ່ໜັກແໜ້ນໄດ້ສົ່ງສານຍານວ່າ: ...

ຊົມເຊີຍ ທີມງານແພດໝໍ ແຂວງຄໍາມ່ວນ ສໍາເລັດການປິ່ນປົວ ຜູ້ຕິດເຊື້ອໂຄວິດ-19 2 ແມ່ລູກ ຈົນຫາຍດີ ແລະ ຄົບກໍາໜົດ ອອກໂຮງໝໍໄດ້ແລ້ວ

ວັນທີ 6 ພຶດສະພາເປັນມືທີ່ 3 ຂອງຄະນະຊ່ຽວຊານການແພດຈີນທີ່ມາຊ່ວຍ ສປປ ລາວ ໄດ້ສືບຕໍ່ເຮັດວຽກຢ່າງຕັ້ງໃຈ ເຊິງເຂົາເຈົ້າໄດ້ແບ່ງເປັນຫຼາຍຈຸເພື່ອປະຕິບັດໜ້າທີ່ຂອງໃຜຂອງລາວ. ສໍາລັບຈຸຄຸ້ມຄອງການຕິດເຊື້ອໄດ້ໄປສໍາຫຼວດຢູ່ຫ້ອງວິເຄາະແຫ່ງໜຶ່ງ ໂດຍໄດ້ກວດເບິ່ງຕົວຢ່າງທີ່ເກັບມາ ພ້ອມແລກປ່ຽນຄໍາຄິດເຫັນກ່ຽວກັບການຂ້າເຊື້ອກັບຜູ້ຊ່ຽວຊານຝ່າຍລາວ. ຈາກນັ້ນ,ຈຸດັ່ງກ່າວໄດ້ອົບຮົມດ້ານການຂ້າເຊື້ອ ແລະປ້ອງກັນພະຍາດໂຄວິດ-19 ໃຫ້ແກ່ພະນັກງານຂອງໂຮງແຮມແລນມາກ ເຊິ່ງເປັນໜຶ່ງໃນສະຖານທີ່ຈໍາກັດບໍລິເວນທີ່ກໍານົດໄວ້. ສໍາລັບຈຸການຄຸ້ມຄອງການລະບາດໄດ້ໄປສໍາຫຼວດຢູ່ບັນດາໂຮງໝໍພາກສະໜາມຄື: ໂຮງໝໍຫຼັກ 27, ໂຮງໝໍລ້ານຊ້າງ ແລະໂຮງໝໍຫ້ວຍຫົງ ເພື່ອກໍາສະພາບ ແລະຈັດລຽງຂັ້ນຕອນວຽກງານຕ່າງໆ ກໍຄືເກັບກໍາຂໍ້ມູນຂອງຜູ້ຕິດເຊື້ອທີ່ກຳລັງປິ່ນປົວ ທັງໄດ້ໃຫ້ຄໍາເຫັນດ້ານວິຊາການເພື່ອປັບປຸງບັນຫາຕ່າງໆອີກດ້ວຍ. ເຖິງແມ່ນວ່າອາກາດຢູ່ລາວຄ່ອນຂ້າງຮ້ອນບວກກັບຄະນະຊ່ຽວຊານລ້ວນແຕ່ໄດ້ໃສ່ຊຸດປ້ອງກັນທາງການແພດທີ່ໜາ ແລະອົບເອົ້າ ເນື່ອງຈາກວ່າເຂົາເຈົ້າຍັງຕັ້ງໃຈສອບຖາມສະພາບຂອງຜູ້ຕິດເຊື້ອດ້ວຍຕົນເອງ, ສະນັ້ນ, ຫຼັງຈາກແລ້ວວຽກຢູ່ໂຮງໝໍໃດໜຶ່ງ ມັກຈະເຫັນຊ່ຽວຊານເຫື່ອໄຫຼອອກຈົນປຽກໝົດໂຕເລີຍ. ນອກນັ້ນ, ຄະນະຊ່ຽວຊານຍັງໄດ້ພາກັນຂຽນຄໍາວ່າ “ລາວສູ້ໆ” “ລາວຊະນະແນ່ນອນ” ຢູ່ເທິງຊຸດປ້ອງກັນ ເພື່ອໃຫ້ກໍາລັງໃຈກັບຜູ້ຕິດເຊື້ອກໍຄືໃຫ້ກໍາລັງໃຈແກ່ແພດໝໍລາວເຊິ່ງກັນແລະກັນ. ຂ່າວໃຫ້ຮູ້ຕື່ມວ່າ: ຍັງມີຊ່ຽວຊານອີກຈຸໜຶ່ງໄດ້ໄປສໍາຫຼວກວຽກງານຕ່າງໆ ລວມທັງຮູ້ສະພາບການເຂົ້າ-ອອກເມືອງ, ການນໍາເຂົ້າ-ສົ່ງອອກສິນຄ້າ ກໍຄືມາດຕະການປ້ອງກັນໂຄວິດ-19 ຢູ່ດ່ານເຂົ້າ-ອອກເມືອງຢູ່ຂົວມິດຕະພາບ. ນອກນີ້ ຄະນະຊ່ຽວຊານຍັງໄດ້ສັບຊ້ອນເວລາໄປໃຫ້ຄໍາຊີ້ນໍາທາງດ້ານວິຊາການຢູ່ເຂດພັດທະນາກວມລວມໄຊເສດຖາອີກດ້ວຍ. ຫຼັງຈາກວຽກຂອງຄະນະຊ່ຽວຊານຄ່ອຍໆເຂົ້າທີ່ເຂົ້າທາງ ເຮັດໃຫ້ຜູ້ຕິດເຊື້ອ ບໍ່ວ່າລາວຫຼືຈີນມີຄວາມໄວ້ວາງໃຈຫຼາຍຂຶ້ນ, ຢູ່ໂຮງໝໍສະໜາມຫຼັກ 27 ມີຜູ້ຕິດເຊື້ອເວົ້າກັບຊ່ຽວຊານຈີນວ່າ: ເມື່ອໄດ້ເຫັນພວກທ່ານມາ, ຂ້າພະເຈົ້າກໍຮູ້ສຶກອຸ່ນໃຈ ແລະວາງໃຈເລີຍ. ແຫຼ່ງຂ່າວ: CRI

ທ່ານ ນາຍົກ ລັດຖະມົນຕີ ໄດ້ມີຄຳສັ່ງປິດຮ້ານບໍລິການທີ່ເປັນອິນເຕີເນັດຄາເຟ່, ຮ້ານເກມ, ຮ້ານອາຫານ ແລະ ອື່ນໆ ຕ້ອງປິດ ແຕ່ໃນຄວາມເປັນຈິງ ຍັງມີບາງກິດຈະການຍັງຝືນເປີດ. ທ່ານ ພັທ ບົວໄລ ໄຊຍະລາດ ຮອງຫົວໜ້າກອງພັນປ້ອງກັນເຄື່ອນທີ່ ປກສ ນະຄອນຫລວງວຽງຈັນ ໄດ້ເຜີຍໃຫ້ຮູ້ວ່າ: ສະພາບປະຈໍາວັນທີ 4 ພຶດສະພາ 2021, ກອງພັນປ້ອງກັນເຄື່ອນທີ່ ໄດ້ອອກເຄື່ອນໄຫວລາດຕະເວນ ເລີ່ມແຕ່ເວລາ 20:00 ໂມງ- 5:00 ໂມງ ໄດ້ພົບເຫັນບາງກິດຈະການ ຍັງບໍ່ທັນປະຕິບັດເຂັ້ມງວດຕາມຄໍາສັ່ງເລກທີ 15/ນຍ ລົງວັນທີ 21 ເມສາ 2021 ວ່າດ້ວຍການເພີ່ມທະວີການສະ ກັດກັ້ນ, ຄວບຄຸມ ແລະ ກຽມພ້ອມຮອບດ້ານ ເພື່ອຕ້ານການແຜ່ລະບາດພະຍາດໂຄວິດ-19. ໃນນີ້, ໄດ້ມີຕູ້ເກມ ST ກຣຸບ (ຄາຊີໂນ 24 ຊົ່ວໂມງ) ຢູ່ບ້ານດົງໂພສີ ເມືອງຫາດຊາຍຟອງ ນວ ຍັງເປີດໃຫ້ບໍລິ ການໃຫ້ລູກຄ້າເຂົ້າມາຫລີ້ນເກມ. ເຈົ້າໜ້າທີ່ຈຶ່ງໄດ້ສຶກສາອົບຮົມໃຫ້ຢຸດເຊົາ ແລະ ເວລາ 22:00 ໂມງ ...

ທ່ານ ຈ່ຽງ ຈ່າຍຕົ່ງ ເອກອັກຄະລັດຖະທູດແຫ່ງ ສປ ຈີນປະຈໍາລາວ ໃຫ້ສໍາພາດຕໍ່ສື່ມວນຊົນ ພາຍຫລັງເຂົ້າຮ່ວມພິທີຕ້ອນຮັບຄະນະແພດຜູ້ຊ່ຽວຊານ ຈາກ ສປ ຈີນ ທີ່ມາຊ່ວຍເຫລືອລາວ ຕ້ານການລະບາດຂອງພະຍາດໂຄວິດ19 ເມື່ອວັນທີ 5 ພຶດສະພາ 2021 ທີ່ສະໜາມບິນສາກົນວັດໄຕ ບາງຕອນທ່ານກ່າວວ່າ: ພວກຂ້າພະເຈົ້າຮັບຮູ້ວ່າ: ຊັບພະຍາກອນທີ່ປະກອບສ່ວນເຂົ້າໃນການປ້ອງກັນ ສະກັດກັ້ນການແຜ່ລະບາດຂອງພະຍາດໂຄວິດ19 ລວມທັງລະບົບສາທາລະນະສຸກຂອງລາວ ຍັງມີຂໍ້ຈໍາກັດ ບວກກັບປະສົບກັບສິ່ງທ້າທາຍທີ່ໜັກໜ່ວງ ເຊິ່ງເຫັນໄດ້ຈາກການຖະແຫລງຂ່າວຂອງຄະນະສະເພາະກິດ, ປະຈຸບັນ ບັນດາໂຮງໝໍ, ສະຖານທີ່ກວດຫາເຊື້ອ, ສະຖານທີ່ສັກຢາ ພະນັກງານແພດໝໍໄດ້ເຮັດວຽກຢ່າງໜັກໜ່ວງ, ທາງພັກ ແລະລັດຖະບານລາວກໍໄດ້ປະກາດວ່າ ຈະຍົກສູງການປ້ອງກັນ, ຄວບຄຸມການລະບາດຂອງພະຍາດໂຄວິດ19 ເຊິ່ງໜ້າທີ່ຍຸດທະສາດທີ່ສຸກເສີນ ແລະສໍາຄັນພ້ອມທັງຮຽກຮ້ອງວ່າ ຕ້ອງເຂົ້າສູ່ໄລຍະຕໍ່ຕ້ານສົງຄາມປ້ອງກັນພະຍາດໂຄວິດ19 ທົ່ວປະເທດໄດ້ປິດການສັນຈອນເຂົ້າ-ອອກ ສະນັ້ນ ສປ ຈີນ ຈຶ່ງໄດ້ສົ່ງທິມແພດຜູ້ມີຄວມຮູ້ຄວາມສາມາດ ມີປະສົບການມາຊ່ວຍເຫລືອ ສປປ ລາວ ຂ້າພະເຈົ້າເຫັນວ່າເປັນເລື່ອງຈໍາເປັນ ແລະຮີບດ່ວນ. ປະຈຸບັນ ເຖິງວ່າລັດຖະບານລາວໄດ້ນໍາໃຊ້ມາດຕະການປ້ອງກັນໂຄວິດ19 ທີ່ເຂັ້ມງວດ ແລະມີຄວາມເດັດດ່ຽວ ມີຄວາມສາມາດຮັບມືກັບການລະບາດຮອບໃໝ່, ບັນດາແພດໝໍທີ່ເດີນທາງມາຊ່ວຍເຫລືອລາວຄັ້ງນີ້ ກໍຄືກັນກັບຄະນະແພດໝໍທີ່ເຄີຍມາຊ່ວຍເຫລືອລາວໃນປີຜ່ານມາ ໂດຍອີງໃສ່ສະຖານະການ ການແຜ່ລະບາດຮອບໃໝ່ນີ້ ຝ່າຍຈີນໄດ້ຄັດເລືອກແພດໝໍ ຜູ້ຊ່ຽວຊານຈໍານວນ 25ທ່ານ ...

ວັນທີ 5 ພຶດສະພາ 2021, ຄະນະຊ່ຽວຊ່ານການແພດຈີນໄດ້ເລີ່ມເຄື່ອນໄຫວເຮັດວຽກຮ່ວມກັບຝ່າຍລາວເປັນມື້ທໍາອິດ ຫຼັງຈາກທີ່ໄດ້ເດີນທາງມາຮອດໃນຕອນແລງຂອງວັນທີ 4 ເຊິ່ງຄະນະຊ່ຽວຊ່ານໄດ້ເຂົ້າຮ່ວມກອງປະຊຸມຂອງຄະນະສະເພາະກິດເພື່ອປ້ອງກັນ, ຄວບຄຸມ ແລະແກ້ໄຂ ການລະບາດຂອງໂຄວິດ-19 ໂດຍໄດ້ແລກປ່ຽນຄໍາຄິດຄໍາເຫັນກ່ຽວກັບການແຜ່ລະບາດຂອງພະຍາດຮອບໃໝ່ ກໍຄືບັນຫາຕ່າງໆທີ່ສໍາຄັນກັບຂະແໜງສາທາລະນະສຸກກໍຄືພາກສ່ວນທີ່ກ່ຽວຂ້ອງຂອງລາວ. ຈາກນັ້ນ, ຄະນະຊ່ຽວຊ່ານແພດຈີນໄດ້ໄປເຮັດວຽກພາກສະໜາມ ແລະເກັບຂໍ້ມູນຢູ່ສູນວິເຄາະ ແລະລະບາດວິທະຍາ ແລະບັນດາໂຮງໝໍປົວພະຍາດໂຄວິດ-19 ໂດຍໄດ້ໃຫ້ຄໍາເຫັນຊີ້ນໍາກ່ຽວກັບບັນຫາທີ່ຄົ້ນພົບໃນການປິ່ນປົວ, ທັງໄດ້ເກັບຂໍ້ມູນ ແລະໃຫ້ຄໍາຕອບທີ່ກ່ຽວຂ້ອງກັບຜູ້ຕິດເຊື້ອ. ຂໍ້ມູນໃຫ້ຮູ້ຕື່ມວ່າ: ຄະນະຊ່ຽວຊ່ານການແພດຊຸດນີ້ເປັນຊຸດທີ 2 ທີ່ລັດຖະບານຈີນສົ່ງມາຊ່ວຍເຫຼືອຕ້ານໂຄວິດ-19 ກັບຝ່າຍລາວ ໃນເດືອນມີນາ-ເມສາ ປີ 2020 ຜ່ານມາ ເຊິ່ງໄດ້ຮັບຄວາມຊົມເຊີຍ ແລະຖືກຕີລາຄາສູງຈາກຝ່າຍລາວຕໍ່ຜົນສໍາເລັດ. ສ່ວນຄະນະຊ່ຽວຊ່ານຊຸດນີ້ມີສ່ວນໜຶ່ງແມ່ນມາຈາກຊຸດກ່ອນ ເຊິ່ງມີບົດຮຽນປະສົບການໃນການຮ່ວມມືກັບຝ່າຍລາວ ແລະເປັນປັດໄຈໜຶ່ງທີ່ອໍານວຍຄວາມສະດວກໃນການເຮັດວຽກຮ່ວມກັນ ເຊິ່ງເຮັດໃຫ້ເຊື່ອໝັ້ນວ່າ ແພດໝໍສອງຝ່າຍຈະສາມາດຮ່ວມແຮງຮ່ວມໃຈຕ້ານການແຜ່ລະບາດຮອບໃໝ່ຢ່າງປະສົບຜົນສໍາເລັດຢ່າງແນ່ນອນ. ຂໍ້ມູນ: ຈົງຮວາ ສືປ້າວ

ແຫລ່ງຂ່າວຈາກແຂວງຫລວງນໍ້າທາ ໃຫ້ຮູ້ວ່າ: ພະແນກສາທາລະນະສຸກແຂວງຫລວງນໍ້າທາ ສົມທົບກັບໂຮງໝໍແຂວງ ແລະ ຫ້ອງການສາທາລະນະສຸກເມືອງຫລວງນໍ້າທາ ເປີດສັກວັກຊິນປ້ອງກັນໂຄວິດ-19 (ຊີໂນຟາມ) ໃຫ້ແກ່ກຸ່ມບຸກຄົນທົ່ວໄປ ທີ່ມີອາຍຸ 18-59 ປີ, ທີ່ເປັນພະນັກງານ, ທະຫານ-ຕໍາຫລວດ, ປະຊາຊົນ ແລະ ຄົນຕ່າງປະ ເທດທີ່ອາໄສຢູ່ເມືອງຫລວງນໍ້າທາ ໂດຍມີມວນຊົນຫລວງນໍ້າທາ ແລະ ຄົນຕ່າງປະເທດເຂົ້າມາສັກຢາວັກຊິນເປັນຈໍານວນຫລວງຫລາຍ. ທ່ານ ຄໍາສອນ ຫົວໜ້າຫ້ອງການສາທາລະນະສຸກເມືອງຫລວງນໍ້າທາ ໃຫ້ຮູ້ວ່າ: ການສັກວັກຊິນຄັ້ງນີ້, ແມ່ນເລີ່ມແຕ່ວັນທີ 4-11 ພຶດສະພາ 2021, ທົ່ວແຂວງຫລວງນໍ້າທາໄດ້ຮັບຢາວັກຊິນທັງໝົດ 7.000 ໂດສ, ໃນນີ້ໄດ້ແບ່ງປັນໃຫ້ໂຮງໝໍທະຫານແຂວງ, ໂຮງໝໍ ປກສ ແລະ 5 ເມືອງ ເພື່ອນໍາໄປສັກໃຫ້ພົນລະເມືອງຂົງເຂດຄວາມຮັບຜິດຊອບຂອງຕົນ. ພ້ອມນີ້, ທ່ານຍັງໄດ້ຮຽກຮ້ອງໃຫ້ທຸກຄົນທີ່ມີເງື່ອນໄຂ ຈົ່ງພ້ອມພາກັນໄປສັກຢາປ້ອງກັນໂຄວິດ-19 ໃຫ້ທັນຕາມກໍານົດເວລາ ທັງນີ້ ກໍເພື່ອເປັນການສ້າງພູມຄຸ້ມກັນໃຫ້ແກ່ຮ່າງກາຍ ໃນການຕ້ານພະຍາດໂຄວິດ-19. ຂ່າວ: ອຸ້ມ ສົມນໍວັນ