ຂ່າວ ພາຍໃນປະເທດ

ຂ່າວດີຂ່າວດີ! ຕອນນີ້ມຸ້ງກັນຍຸງຈຳນວນຫຼາຍ ກຳລັງເດີນທາງໄປຫາຫຼາຍໆຄອບຄົວທີ່ຢູ່ໃນຊຸມຊົນ ເພື່ອເປັນການປ້ອງກັນພວກເຂົາຈາກໄຂ້ຍຸງ. ໃນວັນທີ່ 9 ກໍລະກົດ, ທ່ານທູດ ຣີນາ ບິດເຕີ ໄດ້ຕາງໜ້າ ມອບມຸ້ງກັນຍຸງເຄືອບຢາຫຼາຍກວ່າ 174.000ດາງ ໃຫ້ກັບທ່ານ ຄຳພອນ ພຸດທະວົງ, ຮອງລັດຖະມົນຕີກະຊວງສາທາລະນະສຸກ ທີ່ນະຄອນຫຼວງວຽງຈັນ. ມຸ້ງກັນຍຸງດັ່ງກ່າວ ແມ່ນຈະໄດ້ແຈກຢາຍໃຫ້ກັບບັນດາຄອບຄົວທີ່ອາໄສຢູ່ເຂດຊົນນະບົນຂອງແຂວງຈຳປາສັກ ເຊິ່ງສະຖິຕິ ຜູ້ຕິດເຊື້ອມາໄຂ້ຍຸງຍັງຄົງຢູ່ໃນລະດັບສູງ. ອົງການ USAID ໂດຍຜ່ານ President’s Malaria Initiative ໄດ້ໃຫ້ການຊ່ວຍເຫຼືອຫຼາຍກວ່າ 1.9 ລ້ານໂດລາ ໃນຂົງເຂດທາງດ້ານເຕັກນິກ ແລະ ເຄື່ອງມືຕ່າງໆ ພ້ອມທັງແຈກຢາຍມຸ້ງກັນຍຸງຫຼາຍກວ່າ 600.000ດາງ ໃຫ້ກັບລັດຖະບານແຫ່ງ ສປປ ລາວ ເພື່ອຕໍ່ສູ້ກັບມາເລເລຍ ແລະ ພະຍາດຕ່າງໆທີ່ເກີດຈາກຍຸງ. ການມີສ່ວນຮ່ວມດັ່ງກ່າວຈະຊ່ວຍໃຫ້ ສປປ ລາວ ໄປເຖິງເປົ້າໝາຍໃນການປາບປາມມາເລເລຍໃຫ້ໝົດໄປໃນລາວພາຍໃນປີ 2030. Great news! More mosquito nets are coming to families in rural communities to ...

ສປປລາວ ໄດ້ຮັບເງິນກູ້ຈຳນວນ 300 ລ້ານໂດລາສະຫະລັດ ຈາກລັດຖະບານແຫ່ງ ສປ ຈີນ ເພື່ອຊຸກຍູ້ສົ່ງເສີມວິສາຫະກິດຂະໜາດນ້ອຍ ແລະ ຂະໜາດກາງ ເມື່ອວັນທີ 9 ກໍລະກົດ 2019 ໂຮງແຮມ ລາວພລາຊາ ນະຄອນຫຼວງວຽງຈັນ ສປປລາວ ໄດ້ມີພິທີເຊັນສັນຍາເງິນກູ້ລະຫວ່າງ ທະນາຄານແຫ່ງ ສປປລາວ (ທຫລ) ກັບທະນາຄານ CDB ແຂວງຢູນນານ ເພື່ອຈັດຕັ້ງປະຕິບັດນະໂຍບາຍຂອງລັດຖະບານໃນການຊຸກຍູ້ສົ່ງເສີມບົດບາດຂອງ SMEs ໃນການຂັບເຄື່ອນເສດຖະກິດໃຫ້ມີການພັດທະນາ ແລະ ຂະຫຍາຍຕົວ, ໂດຍສະເພາະໃນເງື່ອນໄຂຂອງ ສປປລາວ ທີ່ບັນດາຫົວໜ່ວຍ SMEs ມີຄວາມຕ້ອງການແຫຼ່ງທຶນຈຳນວນຫຼວງຫຼາຍ  ດັ່ງນັ້ນ, ໃນຕົ້ນປີ 2017 ທຫລ ແລະ ທະນາຄານ CDB ຈຶ່ງມີການປຶກສາຫາລືກ່ຽວກັບການສະເໜີໃຫ້ເງິນກູ້ ເພື່ອສົ່ງເສີມພັດທະນາ SMEs ແກ່ ສປປລາວ ໂດຍໄດ້ມີການລົງນາມໃນບົດບັນທຶກຄວາມເຂົ້າໃຈ ( MOU ) ວ່າດ້ວຍການຮ່ວມມືທາງດ້ານການເງິນ ເພື່ອສົ່ງເສີມ SMEs ໃນ ສປປ ລາວ ວົງເງິນ 300 ລ້ານໂດລາສະຫະລັດ ...

ພິ­ທີ​ເຊັນ​ບົດ​ບັນ­ທຶກ​ຄວາມ​ເຂົ້າ­ໃຈ ລະ­ຫວ່າງ​ອົງ­ການ​ປົກ­ຄອງ​ແຂວງ​ໄຊ​ສົມ­ບູນ ຕາງ­ໜ້າ​ໂດຍ​ພະ​ແນກ​ແຜນ­ການ ແລະ ການ​ລົງ­ທຶນ ແຂວງ​ໄຊ​ສົມ­ບູນ ກັບ​ບໍ­ລິ­ສັດ ແຊັດ​ວາຍ​ບໍ່​ແຮ່ ອຸດ­ສາ­ຫະ­ກຳ​ປຸງ​ແຕ່ງ ຈຳ­ກັດ ເພື່ອ​ຊອກ​ຄົ້ນ​ສຳ​ຫຼວດ ແລະ ສຶກ​ສາ​ຄວາມ​ເປັນ​ໄປ​ໄດ້​ທາງ​ດ້ານ​ເສດ­ຖະ­ກິດ-ເຕັກ­ນິກ​ແຮ່​ຄຳ ທອງ ເຫຼັກ ແລະ ແຮ່​ຕິດ​ພັນ​ອື່ນໆ ເພື່ອ​ສຶກ​ສາ​ຄວາມ​ເປັນ​ໄປ​ໄດ້ ໂຄງ­ການ​ທົດ​ລອງ​ການ​ປູກ​ໝາກ​ໄມ້​ເມືອງ​ໜາວ ສູນ​ທົດ​ລອງ​ສົ່ງ­ເສີມ​ແນວ​ພັນ ສູນ​ສຶກ​ສາ​ອົບ­ຮົມ​ໃຫ້​ປະ­ຊາ­ຊົນ​ພາຍ​ໃນ 5 ເມືອງ ແລະ ເພື່ອ​ສຶກ​ສາ​ຄວາມ​ເປັນ​ໄປ​ໄດ້​ໂຄງ­ການ​ແຫຼ່ງ​ທ່ອງ​ທ່ຽວ​ທຳ​ມະ​ຊາດ ແລະ ປະ­ຫວັດ­ສາດ ແລະ ພັດ­ທະ­ນາ​ໂຮງ­ແຮມ ຮ້ານ​ອາ­ຫານ ແລະ ສະ​ໜາມ​ກ໊ອຟ ຈັດ​ຂຶ້ນ​ວັນ​ທີ 5 ກໍ­ລະ­ກົດ 2019 ທີ່​ນະ­ຄອນ­ຫຼວງ​ວຽງ​ຈັນ ລະ­ຫວ່າງ​ທ່ານ​ຫົວ­ໜ້າ​ພະ​ແນກ​ແຜນ­ການ ແລະ ການ​ລົງ­ທຶນ ທ່ານ​ຫົວ­ໜ້າ​ພະ​ແນກ​ພະ­ລັງ­ງານ ແລະ ບໍ່​ແຮ່ ທ່ານ​ຫົວ­ໜ້າ​ພະ​ແນກ​ກະ­ສິ­ກຳ ແລະ ປ່າ­ໄມ້ ທ່ານ​ຫົວ­ໜ້າ​ພະ​ແນກ​ຖະ­ແຫຼງ​ຂ່າວ ວັດ­ທະ­ນະ­ທຳ ແລະ ທ່ອງ​ທ່ຽວ ແຂວງ​ໄຊ​ສົມ­ບູນ ທ່ານ​ເຈົ້າ­ເມືອງ​ອະ­ນຸ­ວົງ ທ່ານ​ເຈົ້າ­ເມືອງ​ລ້ອງ​ແຈ້ງ ແລະ ທ່ານ ຫຼີ້ນ ຫຼີ້​ຫົວ ປະ­ທານ​ບໍ­ລິ­ສັດ ແຊັດ​ວາຍ​ບໍ່​ແຮ່ ອຸດ­ສາ­ຫະ­ກຳ​ປຸງ​ແຕ່ງ ...

ກະຊວງໂຍທາທິການ ແລະ ຂົນສົ່ງ (ຍທຂ) ໄດ້ຈັດ ກອງປະຊຸມຄະນະຊີ້ນຳ ໂຄງການກໍ່ສ້າງທາງລົດໄຟລາວ-ຈີນ ຄັ້ງທີ 6 ຂຶ້ນເມື່ອວັນທີ 5 ກໍລະກົດ ຜ່ານມານີ້ ທີ່ກະຊວງດັ່ງກ່າວ ໂດຍການເປັນປະທານຂອງທ່ານ ບຸນຈັນ ສິນທະວົງ ລັດຖະມົນຕີ ກະຊວງ ຍທຂ ຫົວໜ້າຄະນະຊີ້ນຳໂຄງການກໍ່ສ້າງທາງລົດໄຟ ລາວ-ຈີນ ມີບັນດາຄະນະຊີ້ນຳໂຄງການ ຈາກສູນກາງ ແລະ ທ້ອງຖິ່ນເຂົ້າຮ່່ວມ. ທ່ານ ລັດຕະນະມະນີ ຄູນນິວົງ ຮອງລັດຖະມົນຕີ ກະຊວງ ຍ ທ ຂ ຫົວໜ້າຄະນະຄຸ້ມຄອງໂຄງການກໍ່ສ້າງທາງລົດໄຟລາວ-ຈີນ ລາຍງານກ່ຽວກັບຄວາມຄືບໜ້າການຈັດຕັ້ງປະຕິບັດໂຄງການດັ່ງກ່າວຮອດວັນທີ 5 ມິຖຸນາ ໂດຍ ໄດ້ຍົກໃຫ້ເຫັນວຽກງານທີ່ພົ້ນ ເດັ່ນທີ່ບັນດາແຂວງ ແລະ ນະຄອນຫຼວງວຽງຈັນໄດ້ຈັດຕັ້ງປະຕິບັດ ເປັນຕົ້ນວຽກກໍ່ສ້າງ ລວມຄວາມຄືບໜ້າຮອດເດືອນມິຖຸນາ ປະຕິບັດສຳເລັດ 72,8% ຂອງວຽກງານກໍ່ສ້າງພື້ນຖານໂຄງລ່າງທາງລົດໄຟ, ທຽບໃສ່ເດືອນຜ່ານມາເພີ່ມຂຶ້ນ 2,7%, ການມອບພື້ນທີ່ເພື່ອການກໍ່ສ້າງ ມາຮອດປັດຈຸບັນຄະນະກຳມະການໄກ່ເກ່ຍຂັ້ນທ້ອງຖິ່ນໄດ້ປະຕິບັດໜ້າທີ່ດ້ວຍຄວາມຮັບຜິດຊອບສູງ ແລະ ສາມາດມອບພື້ນທີ່ໃຫ້ແກ່ການກໍ່ສ້າງ, ການຊົດເຊີຍສິ່ງກີດຂວາງ ປັດຈຸບັນການເບີກຈ່າຍຄ່າຊົດເຊີຍ ໄດ້ຮັບການຈັດຕັ້ງ ປະຕິບັດແລ້ວ ໂດຍເລີ່ມການເບີກຈ່າຍຊົດເຊີຍຕາມແຜນທີ່ເປັນບຸລິມະສິດຂອງໂຄງການ ຊຶ່ງລວມທັງໝົດມີ ...

ປັດຈຸບັນ, ແຂວງ ອັດຕະປື ຍັງເຫຼືອໄມ້ທີ່ໄດ້ຈາກການບຸກເບີກເນື້ອທີ່ເພື່ອສ້າງເປັນບ່ອນພັກຊົ່ວຄາວຂອງຜູ້ປະສົບອຸທົກກະໄພຍ້ອນຄູກັນນໍ້າເຂື່ອນໄຟຟ້າເຊປຽນ-ເຊນ້ຳນ້ອຍແຕກຢູ່ເມືອງສະໜາມໄຊ ປະມານ 50 % ຂອງໄມ້ທີ່ບຸກເບີກໄດ້ທັງໝົດ 9.000 ແມັດກ້ອນ ບໍ່ທັນໄດ້ຮັບການຈໍາໜ່າຍ ຍ້ອນບໍ່ແມ່ນໄມ້ເສດຖະກິດ. ທ່ານ ເລັດ ໄຊຍະພອນ, ເຈົ້າແຂວງໆ ອັດຕະປື ໃຫ້ສໍາພາດໃນໂອກາດເຂົ້າຮ່ວມກອງປະຊຸມລັດຖະບານເປີດກ້ວາງ ຄັ້ງທີ 1 ປີ 2019 ທີ່ຈັດຂຶ້ນຢູ່ນະຄອນຫຼວງວຽງຈັນ ໃນວັນທີ 26 ຫາ 27 ມິຖຸນາ 2019 ນີ້ວ່າ: ຈາກການປະເມີນເບື້ອງຕົ້ນ ໄມ້ທີ່ຈະໄດ້ຈາກການບຸກເບີກເນື້ອທີ່ ເພື່ອສ້າງເປັນບ່ອນພັກຊົ່ວຄາວໃຫ້ຜູ້ປະສົບອຸທົກກະໄພຢູ່ຈຸດຕ່າງໆ ທີ່ເມືອງ ສະໜາມໄຊ ມີປະມານ 7.000 ແມັດກ້ອນ ແຕ່ຜ່ານການລົງໄປຕັດຕົວຈິງໄດ້ເຖິງ 9.000 ແມັດກ້ອນ. ເນື່ອງຈາກໃນເບື້ອງຕົ້ນເປັນການປະເມີນແບບລວມໆ ໂດຍ​ບໍ່ໄດ້ລົງສໍາຫຼວດຢ່າງລະອຽດ ຍ້ອນມີອຸປະສັກຫຼາຍຢ່າງ, ຈຶ່ງເຮັດໃຫ້ເວລາລົງໄປຕັດໄມ້ຕົວຈິງໄດ້ເກີນທີ່ຄາດໝາຍໄວ້ທີ່ຄາດໄວ້.  ໄມ້ທີ່ຂຸດຄົ້ນໄດ້ທັງໝົດນີ້ ໄດ້ຮັບການຂຶ້ນບັນຊີ ແລະ ປະມູນຂາຍຢ່າງລະອຽດຈາກຄະນະກໍາມະການກ່ຽວຂ້ອງທີ່ມີທັງຂັ້ນສູນກາງ ແລະ ທ້ອງຖິ່ນເຂົ້າຮ່ວມ ເພື່ອໃຫ້ມີຄວາມໂປ່ງໃສທີ່ສຸດ.  ປັດຈຸບັນ, ໄມ້ທີ່ໄດ້ຈາກການບຸກເບີກທັງໝົດ ສາມາດຈໍາໜ່າຍໄດ້ແລ້ວ 50 %, ສ່ວນໄມ້ທີ່ຍັງບໍ່ທັນໄດ້ຮັບການຈໍາໜ່າຍອີກ 50%  ສ່ວນໃຫຍ່ບໍ່ແມ່ນໄມ້ເສດຖະກິດ ...

ຍັງມີຄົນຕ່າງປະເທດຈຳນວນຫຼາຍຢູ່ນະຄອນຫຼວງວຽງຈັນໂດຍສະເພາະຄົນຈີນ ແລະ ຫວຽດນາມ ທີ່ມາເຄື່ອນໄຫວເຮັດວຽກແບບບໍ່ຖືກຕ້ອງຕາມລະບຽບກົດໝາຍຂອງ ສປປ ລາວ ໂດຍສະເພາະແມ່ນການໃຊ້ ໜັງສືເດີນທາງນັກທ່ອງທ່ຽວ ມາເຄື່ອນໄຫວເຮັດທຸລະກິດ ຄ້າຂາຍ, ວຽກກໍ່ສ້າງ ແລະ ອື່ນໆ. ວັນທີ 5 ກໍລະກົດ 2019, ພະແນກແຮງງານ ແລະ ສະຫວັດດີການສັງຄົມ ນະຄອນຫຼວງວຽງຈັນ ໄດ້ຈັດກອງປະຊຸມແກ້ໄຂຄົນຕ່າງປະເທດທີ່ມາເຄື່ອນໄຫວບໍ່ຖືກຕ້ອງ ເພື່ອຫັນເຂົ້າສູ່ການຄຸ້ມຄອງຕາມກົດໝາຍ. ໂດຍການເປັນປະທານຂອງ ທ່ານ ສີຫຸນ ສິດທິລືໄຊ ຮອງເຈົ້າຄອງນະຄອນຫຼວງວຽງຈັນ ແລະ ມີບັນດາພາກສ່ວນທີ່ກ່ຽວຂ້ອງເຂົ້າຮ່ວມ. ທ່ານ ນາງ ລຳພອຍ ສີອັກຄະຈັນ ຫົວໜ້າພະແນກແຮງງານ ແລະ ສະຫວັດດີການສັງຄົມ ນະຄອນຫຼວງວຽງຈັນ ກ່າວວ່າ: ໂດຍປະຕິບັດຄຳສັ່ງຂອງນາຍົກລັດຖະມົນຕີ ສະບັບເລກທີ 62/ນຍ ລົງວັນທີ 13 ພະຈິກ 2015 ວ່າດ້ວຍການອຳນວຍຄວາມສະດວກ ແລະ ການຮ່ວມມືໃນການຂຶ້ນທະບຽນ ແລະ ອອກບັດອະນຸຍາດເຄື່ອນໄຫວຊົ່ວຄາວໃຫ້ຄົນຕ່າງປະເທດທີ່ເຄື່ອນໄຫວບໍ່ຖືກຕ້ອງຢູ່ນະຄອນຫຼວງວຽງຈັນ ໂດຍໃຫ້ມີການປັບສະຖານະພາບຜູ້ທີ່ມີເງື່ອນໄຂສາມາດເຄື່ອນໄຫວ, ລົງທຶນ ແລະ ຜູ້ທີ່ສາມາດອອກແຮງງານທີ່ຖືກຕ້ອງຕາມລະບຽບ, ກົດໝາຍ ແລະ ການຊຳລະສະສາງ ສຳລັບຜູ້ທີ່ບໍ່ມີເງື່ອນໄຂໃນການເຄື່ອນໄຫວຢູ່ ສປປ ...

ຂະແໜງການກ່ຽວຂ້ອງຂອງນະຄອນຫຼວງວຽງຈັນພວມເລັ່ງຄວບຄຸມການລະບາດຂອງພະຍາດອະຫິວາໝູອາຟຣິກາບໍ່ໃຫ້ແຜ່ລາມເປັນວົງກວ້າງ, ພາຍຫລັງພົບໝູຕາຍຍ້ອນຕິດພະຍາດດັ່ງກ່າວຢູ່ບ້ານນາສ້ຽວ, ເມືອງນາຊາຍທອງ ນະຄອນຫລວງວຽງຈັນເມື່ອວັນທີ 3 ກໍລະກົດຜ່ານມານີ້. ພາຍຫລັງເກີດສະພາບດັ່ງກ່າວ, ກົມລ້ຽງສັດ ແລະ ການປະມົງ ກະຊວງກະສິກໍາ ແລະ ປ່າໄມ້ໄດ້ແນະນໍາໃຫ້ພະແນກກະສິກໍາປ່າໄມ້ ນະຄອນຫລວງວຽງຈັນຮີບຮ້ອນດໍາເນີນມາດຕະການສຸກເສີນເພື່ອສະກັດກັ້ນ ແລະ ຕອບໂຕ້ພະຍາດດັ່ງກ່າວໃຫ້ສະຫງົບໂດຍໄວ ແລະ ທັນການ, ໂດຍສະເພາະລົງຕິດຕາມເຝົ້າລະວັງຢ່າງເຂັ້ມງວດ,ສືບສວນ-ສອບສວນ, ເກັບກໍາຂໍ້ມູນສະພາບການລ້ຽງຫມູ, ຈໍານວນໝູເຈັບ-ຕາຍ ແລະ ກໍານົດຂອບເຂດລະບາດຂອງພະຍາດ, ຕັ້ງດ່ານກວດສັດຕະວະແພດຊົ່ວຄາວເພື່ອກວດຢຶດຫມູ ແລະ ຜະລິດຕະພັນຫມູທີ່ເຄື່ອນຍ້າຍຈາກເຂດລະບາດ, ພ້ອມທັງຈັດຕັ້ງສີດພົ່ນຢາຂ້າເຊື້ອພາຫະນະທີ່ອອກຈາກເຂດດັ່ງກ່າວ ເພື່ອປ້ອງກັນບໍ່ໃຫ້ພະຍາດແຜ່ລາມໄປສູ່ບ້ານຫລືເຂດອື່ນໆ ແລະ ຈັດຕັ້ງຫນ່ວຍງານລົງໂຄສະນາເຜີຍແຜ່ໃຫ້ປະຊາຊົນໃນເຂດທີ່ເກີດລະບາດ ແລະ ເຂດທີ່ມີຄວາມສ່ຽງໃຫ້ຮັບຮູ້ເຂົ້າໃຈກ່ຽວກັບຄວາມອັນຕະລາຍຂອງພະຍາດດັ່ງກ່າວ ແລະ ບໍ່ໃຫ້ນໍາເອົາຫມູທີ່ເຈັບ ຫລື ຕາຍໄປບໍລິໂພກ, ໄປຖິ້ມລົງຫ້ວຍນໍ້າລໍາເຊ ຫລື ທໍາມະຊາດຢ່າງເດັດຂາດ. ເນື່ອງຈາກພະຍາດອະຫິວາໝູອາຟຣິກາ ເປັນພະຍາດຮ້າຍແຮງ ສາມາດຕິດຕໍ່ໃສ່ໝູທຸກຊະນິດ, ທຸກສາຍພັນ ແລະທຸກເພດໄວ ລວມທັງໝູປ່າ, ມັນມີຄວາມທົນທານສູງຕໍ່ສະພາບແວດລ້ອມ, ບໍ່ມີຢາກັນ,ບໍ່ມີຢາປົວໂດຍກົງ ແລະ ອັດຕາການຕາຍຂອງຫມູທີ່ຕິດເຊື້ອພະຍາດນີ້ແມ່ນສູງເຖິງ 100% ແຕ່ບໍ່ຕິດໃສ່ຄົນ. ຂອບໃຈຂໍ້ມູນຈາກ: ນສພ ລາວພັດທະນາ

ສະຫະລັດອາເມລິກາ ສືບຕໍ່ແບ່ງປັນຄວາມຮູ້ ແລະ ຮ່ວມມືກັບບັນດານັກວິທະຍາສາດໄວໜຸ່ມ ກ່ຽວກັບບັນດາສິ່ງທ້າທາຍດ້ານສຸຂະພາບທີ່ສໍາຄັນ. ໃນວັນທີ 1 ກໍລະກົດ 2019,ເຈົ້າໜ້າທີ່ຈາກສະຖານທູດສະຫະລັດອາເມລິກາ, ກະຊວງສາທາ ແລະ ມະຫາວິທະຍາໄລແຫ່ງຊາດ ໄດ້ຕ້ອນຮັບຄະນະນັກວິທະຍາສາດ 33 ທ່ານ ຈາກປະເທດລາວ, ກໍາປູເຈ້ຍ, ມຽນມ້າ, ໄທ ແລະ ຫວຽດນາມ ເພື່ອຮ່ວມສະເຫຼີມສະຫຼອງເປີດໂຄງການນັກວິທະຍາສາມາດໄວໜຸ່ມ ຂອງ ຂໍ້​ລິ​ເລີ່​ມ​ແມ່​ນ້ຳຂອງ​ຕອນ​ລຸ່ມ-ສະຫະລັດອາ​ເມ​ລິ​ກາ (the Lower Mekong Initiative Young Scientists Program). ການຈັດງານຄັ້ງນີ້ເປັນເຈົ້າພາບໂດຍ ຄະນະວິສະວະກໍາຂອງມະຫາວິທະຍາໄລແຫ່ງຊາດ (NUOL) ເພື່ອສະເຫຼີມສະຫຼອງພາລະກິດພາກສະໜາມປະຈໍາປີ ຂອງໂຄງການນັກວິທະຍາສາມາດໄວໜຸ່ມ ຂອງ ຂໍ້​ລິ​ເລີ່​ມ​ແມ່​ນ້ຳຂອງ​ຕອນ​ລຸ່ມ-ສະຫະລັດອາ​ເມ​ລິ​ກາ ທີ່ຈັດຂື້ນເປັນປີທີ 2 ເຊິ່ງແມ່ນໂຄງການລິເລີ່ມການພັດທະນາວິທະຍາສາດ, ເຕັກໂນໂລຊີ, ວິສະວະກໍາ ແລະ ຄະນິດສາດ  (STEM) ລະດັບພາກພື້ນ ທີ່ໄດ້ຮັບທຶນໂດຍ ສະຫະລັດອາເມລິກາ ແລະ ຈັດຕັ້ງປະຕິບັດໂດຍ ມະຫາວິທະຍາໄລລັດອາຣິໂຊນາ. ໂຄງການນີ້ ແນໃສ່ສະໜັບສະໜູນ ແລະ ສົ່ງເສີມການຮ່ວມມືດ້ານວິທະຍາສາດ ໃນເຂດສາມຫຼ່ຽມລຸ່ມແມ່ນໍ້າຂອງ  ແລະ ສົ່ງເສີມການແບ່ງປັນຄວາມຮູ້ກ່ຽວກັບວິທີການປະຕິບັດທີ່ດີທີ່ສຸດດ້ານວິທະຍາສາດ ແລະ ...

ທົ່ງໄຫຫີນ ແຂວງຊຽງຂວາງ (Megalithic Jar Sites in Xieng Khuang) ໄດ້ຖືກພິຈາລະນາ ຮັບຮອງເປັນມໍລະດົກໂລກອີກແຫ່ງໃນກອງປະຊຸມ ຄັ້ງທີ 43 ຂອງຄະນະກຳມະການມໍລະດົກໂລກ (43rd Session of the World Heritage Committee) ຢ່າງເປັນທາງການ ໂດຍທ່ານ ບໍ່ແສງຄຳ ວົງດາລາ ລັດຖະມົນຕີ ກະຊວງ ຖະແຫຼງຂ່າວ ວັດທະນະທຳ ແລະ ທ່ອງທ່ຽວ ພ້ອມຄະນະ ໄດ້ເຂົ້າຮ່ວມ ແລະ ກ່າວຂອບໃຈຕໍ່ການສະໜັບສະໜຸນຂອງສູນມໍລິດົກໂລກ ອົງການອຸຍເນສະໂກ ລວມທັງບັນດາຄະນະກຳມະການສູນມໍລະດົກໂລກ, ບັນດາອົງການທີ່ປຶກສາທີ່ກ່ຽວຂ້ອງ ລວມທັງຜູ້ຊ່ຽວຊານ ICOMOS ທີ່ໄດ້ໃຫ້ການສະໜອງສະໜູນການຮັບຮອງເອົາທົ່ງໄຫຫີນເປັນມໍລະດົກໂລກ ແລະ ປະກອບສ່ວນເຂົ້າໃນວຽກງານປົກປັກຮັກສາແຫຼ່ງບູຮານສະຖານດັ່ງກ່າວ. ອີງຕາມຂໍ້ມູນຈາກກົມມໍລະດົກໂລກ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໃນຕອນເຊົ້າມື້ນີ້ 6 ກໍລະກົດ 2019 ວ່າ ກອງປະຊຸມຄະນະກຳມະການມໍລະດົກໂລກ ຄັ້ງທີ 43 ທີ່ບາກູ, ປະເທດອາແຊັກບາຍຊານ ໄດ້ປະກາດຮັບຮອງເອົາແຫຼ່ງທ່ອງທ່ຽວຂອງລາວ ທົ່ງໄຫຫີນ ທີ່ແຂວງຊຽງຂວາງເຂົ້າໃນບັນຊີເປັນມໍລະດົກໂລກຢ່າງເປັນທາງການແລ້ວ. ...

ເພື່ອສະເຫຼີມສະຫຼອງການປະກາດເອກະລາດ ສະຫະລັດອາເມຣິກາ ຄົບຮອບ 243 ປີ,​ ສະຖານທູດສະຫະລັດ ອາເມຣິກາ ໄດ້ຈັດງານລ້ຽງສະຫຼອງຂຶ້ນ ທີ່ໂຮງແຮມ ໃນ ວັນທີ 2 ເດືອນກໍລະກົດ 2019. ງານລ້ຽງສະຫຼອງໃນປີນີ້ ໄດ້ຈັດຂຶ້ນພາຍໃຕ້ຫົວຂໍ້  ສິດທິໃນການເລືອກຕັ້ງ, ໂດຍສະເພາະແລ້ວ ແມ່ນເນັ້ນໜັກໃຫ້ເຫັນເຖິງ ຄົບຮອບ 100 ປີທີ່ຜູ້ຍິງມີສິດທິເຂົ້າຮ່ວມໃນການເລືອກຕັ້ງຢູ່ໃນສະຫະລັດອາເມຣິກາ. ທ່ານ ລັດຖະມົນຕີ ກະຊວງແຜນການແລະການລົງທຶນ ປອ. ສຸພັນ ແກ້ວມີໄຊ ແລະ ທ່ານ ແສງເພັດ ຮຸ່ງບຸນຍວງ ຮອງລັດຖະມົນຕີ ກະຊວງການຕ່າງປະເທດ ໄດ້ຮັບກຽດເປັນແຂກກິຕິມະສັກ ຕາງໜ້າໃຫ້ແກ່ ລັດຖະບານ ສປປ ລາວ ເຂົ້າຮ່ວມໃນງານ.  ພ້ອມດຽວກັນນີ້ ສະຖານທູດ ສະຫະລັດອາເມຣິກາກໍຖືເປັນກຽດ ທີ່ໄດ້ຕ້ອນຮັບ ທ່ານ ປອ ບຸນກອງ ສີຫາວົງ ລັດຖະມົນຕີກະຊວງສະທາລະນະສຸກ, ທ່ານ ນາງແສງເດືອນ ຫຼ້າຈັນທະບູນ ລັດຖະມົນຕີ ກະຊວງສືກສາທິການແລະ ກິລາ,​ ທ່ານ ປອ ຄໍາແພງ ໄຊສົມແພງ  ລັດຖະມົນຕີ ...