ການຜະລິດ

ສະມາຄົມນັກຂ່າວແຫ່ງ ສປປ ລາວ ປຶກ ສາແຜນວຽກໃນຕໍ່ໜ້າ

ສະມາຄົມນັກຂ່າວແຫ່ງ ສປປ ລາວ ໄດ້ຈັດກອງປະຊຸມທົບທວນຜົນການຈັດຕັ້ງປະຕິບັດວຽກງານໃນໄລຍະຜ່ານມາ ແລະ ປຶກສາຫາລືແຜນວຽກໃນຕໍ່ໜ້າຂຶ້ນເມື່ອບໍ່ດົນມານີ້ ທີ່ນະຄອນຫຼວງວຽງຈັນ. ໂດຍການເປັນປະທານຂອງ ທ່ານ ສະຫວັນຄອນ ຣາຊມຸນຕຣີ ອະດີດຮອງລັດຖະ ມົນຕີກະຊວງຖະແຫຼງຂ່າວ, ວັດທະນະ ທຳ ແລະ ທ່ອງທ່ຽວ, ປະທານ ສຂລ, ມີຮອງປະທານ, ຄະນະບໍລິຫານງານ ແລະ ເລຂາທິການ ສຂລ ເຂົ້າຮ່ວມ.ກອງປະຊຸມໄດ້ສັງລວມເອົາໝາກຜົນແຫ່ງການເຄື່ອນໄຫວທີ່ພົ້ນເດັ່ນໃນຫຼາຍດ້ານ ໂດຍພາຍໃຕ້ການນຳພາ ຊີ້ນຳຂອງຄະນະປະຈຳພັກ-ຄະນະນຳກະຊວງ ຖວທ ບວກກັບການເຄື່ອນໄຫວຂອງຄະນະນຳ ສຂລ ແລະ ຖັນແຖວນັກຂ່າວທົ່ວປະເທດ ແລະ ໄດ້ຮັບການສະໜັບສະໜູນ, ອຸປະຖຳ ແລະ ຊ່ວຍເຫຼືອອັນລ້ຳຄ່າຫຼາຍດ້ານຈາກການຈັດຕັ້ງທີ່ກ່ຽວຂ້ອງ, ຂະແໜງການທ້ອງຖິ່ນທັງພາກລັດ-ເອກະຊົນ ຈຶ່ງສາ ມາດຍາດໄດ້ຜົນງານໃນຫຼາຍດ້ານ ເປັນຕົ້ນໄດ້ຈັດການຝຶກອົບຮົມ, ຖະແຫຼງຂ່າວ, ພົບປະກັບອົງການຈັດຕັ້ງລັດ-ສັງຄົມ, ບໍລິສັດ, ພາກທຸລະກິດ ແລະ ພາກສ່ວນຕ່າງໆ, ໃນນີ້ໄດ້ເຂົ້າຮ່ວມບາງໂຄງການທີ່ຕິດພັນກັບ ສຂລ, ສ້າງກິດຈະກຳຕ່າງໆ, ທັດສະນະສຶກສາຢູ່ພາຍໃນ ແລະ ຕ່າງປະເທດ, ການຮ່ວມມືກັບອົງການຂ່າວ- ສະມາຄົມນັກຂ່າວຂອງບັນດາປະເທດເພື່ອນມິດ ບົນແນວທາງການຕ່າງປະເທດຂອງພັກ, ລັດຖະບານ ແລະ ບັນຫາອື່ນໆທີ່ຕິດພັນກັບພາລະບົດບາດໜ້າທີ່ຂອງ ສຂລ. ...

Read More »

ສປປ ລາວ ຍັງຕ້ອງການວັກຊິນ 7 ແສນກວ່າໂດສ ເພື່ອບັນລຸເປົ້າໝາຍການສັກວັກຊິນໃນປີ 2021

ໃນໂອກາດເຂົ້າຮ່ວມເວທີສົນທະນາ ກ່ຽວກັບວັກຊິນ ແລະ ການສັກວັກຊິນກັນພະຍາດໂຄວິດ-19 ຢູ່ ສປປ ລາວ ໃນວັນທີ 22 ມິຖຸນາ 2021, ທີ່ນະຄອນຫລວງວຽງຈັນ, ທ່ານ ດຣ. ພອນປະເສີດ ອຸນາພົມ ຫົວໜ້າກົມອະນາໄມ ແລະ ສົ່ງເສີມສຸຂະພາບ ກະຊວງສາທາລະນະສຸກ ໄດ້ກ່າວວ່າ: ປັດຈຸບັນພວກເຮົາຍັງມີຊ່ອງຫວ່າງ ຕໍ່ກັບຄວາມຮຽກຮ້ອງຕ້ອງການວັກຊິນກັນພະຍາດໂຄວິດ-19 ແມ່ນຍັງບໍ່ພຽງພໍ ຕໍ່ຄວາມຮຽກຮ້ອງຕ້ອງການທີ່ຈະບັນລຸ 50% ປະມານ 7 ແສນກວ່າໂດສ ຕາມທີ່ລັດຖະບານໄດ້ວາງຄາດໝາຍໄວ້ໃນທ້າຍປີ 2021. ຕໍ່ກັບບັນຫາດັ່ງກ່າວ, ທາງລັດຖະບານ ສປປ ລາວ ໄດ້ມີການລະດົມທຶນ ຈາກພາກເອກະຊົນເຂົ້າມາໃຫ້ມີສ່ວນຮ່ວມ ເພື່ອເຮັດໃຫ້ບັນດາໂຮງຈັກ, ໂຮງງານ ຫລື ພາກທຸລະກິດ ໃຫ້ເຂົ້າມາມີສ່ວນຮ່ວມໃນການຈັດສັນຫາງົບປະມານ ເພື່ອມາຈັດຊື້ວັກຊິນ. ພ້ອມນັ້ນ, ກໍໄດ້ມີການສົບທົບກັບບັນດາປະເທດເພື່ອນມິດຍຸດທະສາດ ໂດຍໄດ້ສະເໜີ ສືບຕໍ່ການສະໜັບສະໜູນ ແລະ ຊື້ຈາກ ສປ ຈີນ ຕື່ມອີກ, ເຊິ່ງຖ້າຫາກລໍຖ້າແຕ່ການຊ່ວຍເຫລືອຈາກໂຄງການສະໜອງວັກຊິນ ຫລື COVAX ແມ່ນຈະໄດ້ຊ້າ ເພາະໂຄງການດັ່ງກ່າວ ໄດ້ມີການສະໜອງວັກຊິນໃຫ້ກັບຫລາຍປະເທດໃນໂລກ. ມາຮອດປັດຈຸບັນ ປະຊາຊົນເຂົ້າຮັບວັກຊິນເຂັມທີ ...

Read More »

ລັດຖະບານ ສ ເກົາຫລີ ຊ່ວຍເຫລືອ ເຂົ້າ 1.320 ໂຕນ ໃຫ້ ສປປ ລາວ

ໃນວັນທີ 23 ມິຖຸນາ 2021 ທີ່ນະຄອນຫລວງວຽງຈັນ, ລັດຖະບານ ແຫ່ງ ສາທາ ລະນະລັດ ເກົາຫລີ ໄດ້ນຳເອົາເຂົ້າສານຈ້າວ ຈຳນວນ 1.320 ໂຕນ ມູນຄ່າປະມານ 1,26 ລ້ານໂດລາສະຫະລັດ ມອບໃຫ້ແກ່ລັດຖະບານລາວ ເພື່ອຊ່ວຍເຫລືອຊຸມຊົນຜູ້ທີ່ໄດ້ຮັບຜົນກະທົບ ຈາກໄພພິ ບັດທໍາມະຊາດ ທີ່ເກີດຂຶ້ນ ໃນ ສປປ ລາວ, ໂດຍຜ່ານອົງການອາຫານໂລກ. ທັງນີ້, ກໍເພື່ອສ້າງຄວາມເຂັ້ມແຂງ ໃຫ້ແກ່ຄະນະບໍລິຫານໄພພິບັດໃນລະດັບຊາດ ແລະ ທ້ອງຖິ່ນ ໃນວຽກງານແຈກຢາຍອາຫານສຸກເສີນ, ເຊິ່ງລວມທັງການກໍານົດເປົ້າໝາຍ ບັນດາຜູ້ທີ່ຈະໄດ້ຮັບຜົນປະໂຫຍດ, ລະບົບການ ແຈກຢາຍອາຫານ ລວມທັງລະບົບການຕິດຕາມນຳອີກ. ທ່ານ ຢານ ເດລບາເຣີ ຜູ້ຕາງໜ້າອົງການອາຫານໂລກ ປະຈໍາລາວ ໄດ້ກ່າວວ່າ: ເຂົ້າຈໍານວນໜຶ່ງ ຈະໄດ້ນໍາໃຊ້ເປັນເຂົ້າສໍາຮອງ ລວມໃນຂັ້ນສູນກາງ ໃນກໍລະນີທີ່ເກີດມີໄພພິບັດ ທີ່ບໍ່ທັນໄດ້ຄາດຄິດ, ເຂົ້າສໍາຮອງເຫລົ່ານີ້ ຈະຖືກນໍາໃຊ້ໂດຍອົງການອາຫານໂລກ ເພື່ອຮັບປະກັນວ່າ ບັນດາເຂົ້າເຫລົ່ານີ້ຈະເປັນປະໂຫຍດ ໃຫ້ແກ່ປະຊາຊົນຜູ້ທີ່ຕ້ອງການຄວາມຊ່ວຍເຫລືອຫລາຍທີ່ສຸດ ແລະ ສໍາລັບສ່ວນທີ່ເຫລືອຂອງເຂົ້າຈຳນວນໜຶ່ງ ແມ່ນຈະຖືກນໍາໃຊ້ເຂົ້າໃນກິດຈະກໍາຄວາມໝັ້ນຄົງທາງດ້ານສະບຽງອາຫານອື່ນໆ ຂອງອົງການອາຫານໂລກ ເປັນຕົ້ນ ເປັນເຂົ້າສໍາຮອງໃຫ້ແກ່ຊຸມຊົນໃນພື້ນທີ່ ທີ່ໄດ້ຮັບຜົນກະທົບຈາກໄພພິບັດ ...

Read More »

ຮອງນາຍົກລັດຖະມົນຕີ ເຄື່ອນໄຫວຕິດຕາມຄວາມຄືບໜ້າໂຄງການລົດໄຟລາວ-ຈີນ

ໃນວັນທີ 10 ມິຖຸນາ 2021 ທ່ານ ສອນໄຊ ສີພັນດອນ ຮອງນາຍົກລັດຖະ ມົນຕີ ລັດ ຖະມົນຕີກະຊວງແຜນການ ແລະ ການລົງທຶນ ມີລັດຖະມົນຕີ, ຮອງລັດຖະ ມົນ ຕີ, ເຈົ້າຄອງ, ຫົວໜ້າກົມ- ຮອງກົມ ໄດ້ລົງເຄື່ອນໄຫວຕິດຕາມກວດກາ ພ້ອມດ້ວຍເບິ່ງຄວາມຄືບໜ້າໂຄງ ການກໍ່ສ້າງຈຸດສະ ຖານີໂດຍສານລົດໄຟລາວ-ຈີນນະຄອນ ຫຼວງວຽງຈັນ ບ້ານໂຄກສະອາດ ເມືອງໄຊທານີ ຊຶ່ງເປັນຈຸດເຊື່ອມຕໍ່ໃສ່ທາງດ່ວນວຽງຈັນ ໝາຍເລກ 1 (ໄປຕາມເສັ້ນທາງເລກທີ 13 ໃຕ້) ຊຶ່ງໃຫ້ການຕ້ອນຮັບ ຂອງທ່ານ ສ່ຽວ ຊ່ຽນເຫວີນ ຜູ້ອຳນວຍ ການໃຫຍ່ບໍລິສັດທາງລົດໄຟລາວ-ຈີນ. ທ່ານ ສ່ຽວ ຊ່ຽນເຫວີນ ໄດ້ລາຍງານໂດຍຫຍໍ້: ປັດຈຸບັນການກໍ່ສ້າງສະຖານີດັ່ງກ່າວສໍາເລັດແລ້ວ 70% ແລະ ກໍາລັງຢູ່ໃນໄລ ຍະການຕົບແຕ່ງພາຍໃນ ຄາດວ່າຈະໃຫ້ສໍາເລັດໃນເດືອນກັນຍາ 2021 ນີ້, ແຕ່ທາງໂຄງການຍັງພົບຄວາມຫຍຸ້ງຍາກເປັນ ຕົ້ນການນໍາເຂົ້າວິຊາການຕົບແຕ່ງພາຍໃນ ແລະ ນໍາເຂົ້າວັດສະດຸກົນຈັກຮັບໃຊ້ໃຫ້ແກ່ໂຄງການຍັງຊັກຊ້າ ເນື່ອງຈາກໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ-19 ເຖິງຢ່າງໃດກໍຕາມ ບໍລິ ສັດກໍໄດ້ເອົາໃຈໃສ່ສຸມທຸກກໍາລັງເພື່ອເຮັດໃຫ້ໂຄງການສໍາເລັດຕາມແຜນການທີ່ວາງໄວ້, ສະຖານີດັ່ງກ່າວມີເນື້ອທີ່ທັງ ...

Read More »

ວິກິດໂຄວິດ-19 ສົ່ງຜົນກະທົບໜັກ ເຮັດໃຫ້ມີຜູ້ອອກແຮງງານລາວຫຼາຍກວ່າ 1 ແສນຄົນຖືກໂຈະການຈ້າງງານຊົ່ວຄາວ

ໃນວັນທີ 8 ມິຖຸນາ 2021ນີ້, ທ່ານ ນາງ ໃບຄຳ ຂັດທິຍະ ລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ ຂອງ ສປປ ລາວ ພ້ອມຄະນະ ໄດ້ເຂົ້າຮ່ວມ ກອງປະຊຸມສະມັດຊາໃຫຍ່ຂອງອົງການແຮງງານສາກົນ ສະໄໝທີ 109 ປະຈຳປີ 2021 ແລະ ກອງປະຊຸມປິ່ນອ້ອມຕ່າງໆ. ທ່ານ ນາງ ໃບຄຳ ຂັດທິຍະ ຕາງໜ້າຄະນະຜູ້ແທນ ແຫ່ງ ສປປ ລາວ ໄດ້ກ່າວປະກອບຄວາມເຫັນ ຕໍ່ກອງປະຊຸມບາງຕອນສຳຄັນວ່າ: “ການແຜ່ລະບາດຂອງພະຍາດໂຄວິດ-19 ໄດ້ກະທົບຕໍ່ການດຳລົງຊີວິດ ແລະ ການພັດທະນາເສດຖະກິດ-ສັງຄົມ ຂອງທົ່ວໂລກ ໂດຍສະເພາະແມ່ນສະເຖຍລະພາບຂອງການເຮັດວຽກ ແລະ ລາຍຮັບຂອງກຳລັງແຮງງານ. ສຳລັບ ສປປ ລາວ ໂຄວິດ 19 ໄດ້ເຮັດໃຫ້ກໍາລັງແຮງງານທີ່ເຮັດວຽກຢູ່ພາຍໃນປະເທດຈຳນວນ 114 ພັນຄົນ ຖືກໂຈະການຈ້າງງານຊົ່ວຄາວ ແລະ 130 ພັນຄົນ ຕ້ອງໄດ້ກັບຈາກການເຮັດວຽກຢູ່ຕ່າງປະເທດ ນອກນັ້ນກໍຍັງມີແຮງງານນອກລະບົບຈຳນວນຫຼາຍ ໄດ້ຮັບຜົນກະທົບ ໂດຍສະເພາະແມ່ນແຮງງານທີ່ເຄື່ອນຍ້າຍຈາກຊົນນະບົດເຂົ້າມາເຮັດວຽກຢູ່ໃນຕົວເມືອງຕ່າງໆຂອງປະເທດ ລວມທັງແຮງງນທີ່ຜະລິດກະສິກຳເພື່ອເປັນສິນຄ້າ. ຂະແໜງບໍລິການ ...

Read More »

ປະກົດການນ້ຳບາກມີສີຂຽວເຂັ້ມ ແລະເຮັດໃຫ້ປາຕາຍ ມາຮອດປັດຈຸບັນໄດ້ເລີມຈາງແລະນ້ຳໃສເປັນປົກກະຕິແລ້ວ

ໃນໄລຍະທ້າຍເດືອນພຶດສະພາ ຫາຕົ້ນເດືອນມິຖຸນາ 2021 ນີ້ ສາຍນ້ຳບາກໄດ້ເກີດມີປະກົດການມີສີຂຽວເຂັ້ມ ແລະເຮັດໃຫ້ປາຕາຍຈຳນວນໜື່ງ, ຕໍ່ໍກັບສະພາບການທີ່ເກີດຂື້ນ ທ່ານ ສົມຫວັງ ພອນຄຳວົງສາ ເຈົ້າເມືອງນ້ຳບາກໄດ້ໃຫ້ສຳພາດວ່າ: ຈຸດເກີດປະກົດການທີ່ນ້ຳບາກມີສີຂຽວເຂັ້ມ ແມ່ນຢູ່ເຂດວັງກໍໄຮ ເມືອງໄຊແຂວງອຸດົມໄຊ ເຊີ່ງນ້ຳບາກໄດ້ມີປະກົດການປ່ຽນສີ ແລະມີຝອດສີຂາວ ຈາກນັ້ນ ໄດ້ໄຫຼມາຕາມສາຍນ້ຳ ຜ່ານບັນດາບ້ານ ນັບແຕ່ເມືອງໄຊ ຫາເມືອງນ້ຳບາກ ແລະເມືອງງອຍ ເຮັດໃຫ້ປານ້ອຍຕາຍຈຳນວນໜື່ງ ເນື່ອງຈາກອຸນຫະພູມຂອງນ້ຳສູງປະມານ 34 ອົງສາ, ແຕ່ມາ ຮອດປະຈຸບັນສະພາບຂອງນ້ຳບາກ ແມ່ນມີສະພາບປົກກະຕິແລ້ວ, ທ່ານເຈົ້າເມືອງນ້ຳບາກໃຫ້ຮູ້ຕື່ມວ່າ: ພາຍຫຼັງເກີດສະ ພາບການທີ່ກ່າວມານັ້ນ ອົງການປົກຄອງເມືອງ ໄດ້ອອກແຈ້ງການໃຫ້ປະຊາຊົນບໍ່ໃຫ້ຊົມໃຊ້ນ້ຳ ເປັນການຊົ່ວຄາວ ພ້ອມທັງໄດ້ປະສານສົມທົບກັບຂະແໜງການກ່ຽວ ຂ້ອງ ນັບທັງແຂວງ ແລະສູນກາງ ເພື່ອກວດກາສະພາບຕົວຈີງ ຕາມການສັງ ລວມເບື້ອງຕົ້ນ ແມ່ນອາດຈະບໍ່ເກີດຈາກການປົນເປື້ອນຂອງສານເຄມີ ເນື່ອງຈາກຈຸດເກີດເຫດ ແມ່ນຢຸ່ຫ່າງໄກສອກຫຼີກ ແລະບໍ່ໃກ້ກັບໂຮງງານອຸດສາຫະກຳ. ໂອກາດນີ້ ທ່ານເຈົ້າເມືອງນ້ຳບາກໄດ້ຮຽກຮ້ອງໃຫ້ປະຊາຊົນ ຢ່າຟ້າວພາກັນແຕກຕື່ນຫຼາຍຈົນເກີນໄປ ເຊີ່ງຄະນະນຳຂອງເມືອງ ຈະປະສານສົມທົບກັບທຸກພາກສ່ວນ ເພື່ອວິເຄາະວິໄຈສະພາບການທີ່ເກີດຂື້ນໃນໄລຍະຜ່ານມາ ພ້ອມທັງຕິດຕາມສະພາບທີ່ຈະເກີດຂື້ນໃນຕໍ່ໜ້າ ເພື່ອວາງແຜນແກ້ໄຂໃຫ້ທັນເຫດການ.

Read More »

ການລະບາດຂອງພະຍາດໂຄວິດ-19 ອາດເຮັດໃຫ້ການໃຊ້ແຮງງານທີ່ເຂົ້າຂ່າຍໃຊ້ແຮງງານເດັກໃນລາວເພີ່ມຂຶ້ນ

ກົມຄຸ້ມຄອງແຮງງານ, ກະຊວງແຮງງານ ແລະ ສະຫວັດດີການສັງຄົມ ສະແດງຄວາມເປັນຫວ່ງວ່າ: ການລະບາດຂອງພະຍາດໂຄວິດ-19 ທີ່ເກີດຂຶ້ນໃນປັດຈຸບັນນີ້ ຈະສົ່ງຜົນກະທົບໃຫ້ການໃຊ້ແຮງງານທີ່ເຂົ້າຂ່າຍເປັນການໃຊ້ແຮງງານເດັກຢູ່ ສປປ ລາວ ເພີ່ມຂຶ້ນ ເຊີ່ງເດັກຢູ່ເຂດຊົນນະບົດຫນ້າເປັນຫ່ວງຫລາຍກວ່າເດັກຢູ່ໃນຕົວເມືອງ. ໃນໂອກາດປີ 2021 ເຊີ່ງເປັນປີສາກົນເພື່ອລຶບລ້າງການນໍາໃຊ້ແຮງງານເດັກ ແລະ ວັນຕ້ານການໃຊ້ແຮງງານເດັກສາກົນ, ວັນທີ 12 ມິຖຸນາ ທ່ານ ພົງໄຊສັກ ອິນຖາລາດ, ຫົວໜ້າກົມຄຸ້ມຄອງແຮງງານ ໃຫ້ສໍາພາດຕໍ່ສື່ມວນຊົນໃນວັນທີ 4 ມິຖຸນາ 2021 ທີ່ກະຊວງແຮງງານ ແລະ ສະຫວັດດີການສັງຄົມ ວ່າ: ຍ້ອນການລະບາດຂອງພະຍາດໂຄວິດ-19 ເຮັດໃຫ້ອົງການແຮງງານສາກົນ (ILO) ສະແດງຄວາມເປັນຫ່ວງຫລາຍຕໍ່ການໃຊ້ແຮງງານເດັກທີ່ອາດຈະເພີ່ມສູງຂຶ້ນໃນທົ່ວໂລກ ເນື່ອງຈາກເດັກຕ້ອງໄດ້ພັກການຮຽນ, ສ່ວນຜູ້ປົກຄອງຈໍານວນບໍ່ໜ້ອຍບໍ່ໄດ້ເຮັດວຽກຍ້ອນຫົວໜ່ວຍທຸລະກິດປິດກິດຈະການຊົ່ວຄາວ ຫລື ຢຸດຕິກິດຈະການ ເຮັດໃຫ້ເດັກຈຳເປັນຕ້ອງຊອກເຮັດວຽກເພື່ອຫາເງິນຊ່ວຍຄອບຄົວ ເຊີ່ງມີຄວາມສ່ຽງສູງທີ່ການໃຊ້ແຮງ ງານດັ່ງກ່າວຈະເຂົ້າຂ່າຍເປັນການໃຊ້ແຮງງານເດັກ ເນື່ອງຈາກການເຮັດວຽກເກີນເວລາ ແລະ ເຮັດວຽກຢູ່ໃນຂົງເຂດທີ່ເປັນອັນຕະລາຍຕໍ່ເດັກ ໂດຍສະເພາະ ຂົງ ເຂດການກໍ່ສ້າງ ແລະ ຂົງເຂດບໍ່ແຮ່, ເຊັ່ນດຽວກັບຢູ່ ສປປ ລາວ, ກົມຄຸ້ມຄອງແຮງງານ ກໍ່ເປັນຫ່ວງຫລາຍກ່ຽວກັບການໃຊ້ແຮງງານທີ່ເຂົ້າຂ່າຍເປັນການໃຊ້ແຮງງານເດັກຢູ່ ສປປ ລາວ ອາດຈະເພີ່ມຂຶ້ນ, ໃນນີ້ ...

Read More »

3 ເດືອນຕົ້ນປີ ສປປ ລາວ ສາມາດສົ່ງອອກສິນຄ້າ ໄດ້ 1.600 ລ້ານໂດລາ

ມູນຄ່າການສົ່ງອອກສິນຄ້າ ຂອງ ສປປ ລາວ ນັບແຕ່ເດືອນມັງກອນ ເຖິງ ເດືອນມີນາ 2021 ບັນລຸໄດ້ປະມານ 1.600 ລ້ານໂດລາສະຫະລັດ, ສ່ວນມູນຄ່າການນໍາເຂົ້າ ປະມານ 1.500 ລ້ານໂດລາສະຫະລັດ ແລະ ເກີນດຸນການຄ້າປະມານ 100 ລ້ານໂດລາສະຫາລັດ. ໃນນັ້ນ, ຄູ່ຮ່ວມການຄ້າທັງນໍາເຂົ້າ ແລະ ສົ່ງອອກ ມີຫລາຍກ່ວາ 19 ປະເທດ, ເຊິ່ງມີ 3 ປະເທດຫລັກ ທີ່ເປັນຄູ່ການຄ້າ ທີ່ມີຊາຍແດນຕິດຈອດກັນ, ໃນນັ້ນມີມູນຄ່າໃນການນໍາເຂົ້າ ແລະ ສົ່ງອອກ ຫລາຍສຸດແມ່ນ ປະເທດໄທ, ຈີນ ແລະ ຫວຽດນາມ. ໝວດສິນຄ້າສົ່ງອອກຫລັກ ແມ່ນ ມັນຕົ້ນ ມີມູນຄ່າປະມານ 175 ລ້ານໂດລາສະຫະລັດ, ແຮ່ທອງ ມີມູນຄ່າປະມານ 124 ລ້ານໂດລາສະຫະລັດ ແລະ ຄໍາປະສົມ, ຄໍາແທງ ມີມູນຄ່າປະມານ 268 ລ້ານໂດລາສະຫະລັດ. ສຳລັບໝວດສິນຄ້ານໍາເຂົ້າ ທີ່ມີມູນຄ່າສູງສຸດ ແມ່ນ ພາຫະນະທາງບົກ (ນອກຈາກລົດຈັກ, ...

Read More »

ລົງນາມບົດບັນທຶກຄວາມເຂົ້າໃຈວ່າດ້ວຍການຮ່ວມມືດ້ານຖະແຫຼງຂ່າວ ລະຫວ່າງ ສປປ ລາວ ແລະ ສປປ ເກົາຫລີ

ຕອນເຊົ້າ ວັນທີ 2 ມີຖຸນາ 2021, ໄດ້ມີພີທີລົງນາມບົດບັນທຶກຄວາມເຂົ້າໃຈ ວ່າດ້ວຍການຮ່ວມມືດ້ານຖະແຫຼງຂ່າວ ລະຫວ່າງ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຫ່ງສາທາລະນະລັດ ປະຊາທິປະໄຕ ປະຊາຊົນລາວ ແລະ ຄະນະກຳມະການຖະແຫຼງຂ່າວ ແຫ່ງ ສາທາລະນະລັດ ປະຊາຊົນ ປະຊາທິປະໄຕເກົາຫລີ ຢູ່ທີ່ ກະຊວງການຕ່າງປະເທດ ຂອງ ສປປ ເກົາຫລີ, ໂດຍຕາງໜ້າກະຊວງຖະແຫຼງຂ່າວ, ວັດທະນະທຳ ແລະທ່ອງທ່ຽວ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແມ່ນ ທ່ານ ສີສະຫວາດ ຄໍາສາລີ, ເອກອັກຄະລັດຖະທູດ ວິສາມັນ ຜູ້ມີອໍານາດເຕັມ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ປະຈໍາ ສາທາລະນະລັດ ປະຊາຊົນ ປະຊາທິປະໄຕ ເກົາຫລີ ແລະ ຕາງໜ້າຄະນະກຳມະການຖະແຫຼງຂ່າວ ແຫ່ງ ສາທາລະນະລັດ ປະຊາຊົນ ປະຊາທິປະໄຕ ເກົາຫລີ ແມ່ນ ທ່ານ ໂຈ ຢອງ ...

Read More »

ກອງປະຊຸມລະດັບຊາດ ເພື່ອຮ່ວມກັນ ສ້າງລະບົບສະບຽງອາຫານທີ່ຍືນຍົງ

ໃນວັນທີ 2 ມິຖຸນາ 2021, ກະຊວງກະສິກຳ ແລະ ປ່າໄມ້ ໂດຍຮ່ວມມືກັບບັນດາກະຊວງທີ່ກ່ຽວຂ້ອງ ແລະ ອົງການສະຫະປະຊາຊາດ (ສປຊ) ໄດ້ຈັດກອງປະຊຸມລະດັບຊາດ ກ່ຽວກັບລະບົບສະບຽງອາຫານ 2021 ຂຶ້ນ (ກອງປະຊຸມທາງໄກ) ເພື່ອກະກຽມໃຫ້ແກ່ກອງປະຊຸມສຸດຍອດລະບົບສະບຽງອາຫານໂລກ 2021. ກອງປະຊຸມດັ່ງກ່າວ, ດຳເນີນພາຍໃຕ້ການເປັນປະທານຮ່ວມ ຂອງ ທ່ານ ເພັດ ພົມພິພັກ ລັດ ຖະມົນຕີ ກະຊວງກະສິກຳ ແລະ ປ່າໄມ້ ແລະ ທ່ານ ນາງ ຊາຣາ ເຊັກເກນເນສ ຜູ້ປະສານງານອົງການ ສປຊ ປະຈຳ ສປປ ລາວ, ເຊິ່ງໄດ້ລວບລວມເອົາຄູ່ຮ່ວມງານທີ່ຫລາກຫລາຍ ຈາກທຸກລະດັບຂອງລະບົບສະບຽງອາຫານພາຍໃນປະເທດ ແລະ ເນັ້ນໜັກໃສ່ການປຶກສາຫາລືກັນຢ່າງຮອບດ້ານ ລະຫວ່າງຄູ່ຮ່ວມງານ ເພື່ອກະກຽມໃຫ້ແກ່ກອງປະຊຸມສຸດຍອດໃນປີນີ້ ທີ່ແນໃສ່ສ້າງລະບົບສະບຽງອາຫານໃນອະນາຄົດໃນທົ່ວໂລກໃຫ້ມີຄວາມຍືນຍົງ ແລະ ຍັງຈຸດປະກາຍ ວິທີທາງໃນການໄປເຖິງເປົ້າໝາຍດັ່ງກ່າວນຳອີກ.ກອງປະຊຸມລະດັບຊາດ ກ່ຽວກັບລະບົບສະບຽງອາຫານ 2021 ນີ້ ແນໃສ່ກໍານົດທິດທາງແຫ່ງຊາດ ເພື່ອກ້າວໄປສູ່ການສ້າງລະບົບສະບຽງອາຫານທີ່ຍືນຍົງ ໂດຍເນັ້ນໜັກໃສ່ 4 ຂົງເຂດຕົ້ນຕໍດັ່ງຕໍ່ໄປນີ້: 1) ຮັບປະກັນສະບຽງອາຫານທີ່ປອດໄພ ແລະ ...

Read More »