ການຜະລິດ

ວາງສີລາເລີກ ກໍ່ສ້າງຕຶກນອນຄົນເຈັບ ໃຫ້ແກ່ໂຮງໝໍແຂວງຈໍາປາສັກ ດ້ວຍງົົບກໍ່ສ້າງຫຼາຍກວ່າ 6 ຕື້ກີບ.

ວາງສີລາເລີກ ກໍ່ສ້າງຕຶກນອນຄົນເຈັບ ໃຫ້ແກ່ໂຮງໝໍແຂວງຈໍາປາສັກ ເພື່ອໃຫ້ປະຊາຊົນເຂົ້າເຖິງການບໍລິການດ້ານສຸຂະພາບທີ່ດີຂຶ້ນ ດ້ວຍງົົບກໍ່ສ້າງຫຼາຍກວ່າ 6 ຕື້ກີບ. ວັນທີ 5 ພຶດສະພາ 2022, ໄດ້ມີພິທີວາງສີລາເລີກ ກໍ່ສ້າງຕຶກນອນຄົນເຈັບ ໃຫ້ແກ່ໂຮງໝໍແຂວງຈໍາປາສັກ ໃນພິທີ ທ່ານ ລິດທິກອນ ພູມມະສັກ ປະທານ ກຸ່ມບໍລິສັດ ເອໄອເອັຟ ລາຍງານວ່າ: “ການກໍ່ສ້າງຕຶກນອນຄົນເຈັບ ໃຫ້ໂຮງໝໍແຂວງຈໍາປາສັກຄັ້ງນີ້ ແມ່ນດ້ວຍການຊ່ວຍເຫຼືອລ້າຂອງກຸ່ມບໍລິສັດ ເອໄອເອັຟ, ບໍລິສັດທີ່ປຶກສາດ້ານການລົງທຶນ ແລະ ກໍ່ສ້າງເຂື່ອນໄຟຟ້າ ຈໍາກັດຜູ້ດຽວ ແລະ ກຸ່ມບໍລິສັດ ໄຊຊະນະ ຈໍາກັດຜູ້ດຽວ. ຂະຫນາດຂອງອາຄານ 24 x 26 ແມັດ, ເປັນຕຶກ 2 ຊັ້ນ, ແຕ່ລະຊັ້ນປະກອບດ້ວຍຫ້ອງພິເສດແຍກດ່ຽວ ບັນຈຸ 2 ຕຽງ… ລວມງົບປະມານໃນການກໍ່ສ້າງທັງໝົດ ຫຼາຍກວ່າ 6 ຕື້ກີບ ແລະ ດໍາເນີນການກໍ່ສ້າງໂດຍ ກຸ່ມ ບໍລິສັດ ໄຊຊະນະ ຈໍາກັດຜູ້ດຽວ. ທັງນີ້ ກໍເພື່ອໃຫ້ປະຊາຊົນຊາວແຂວງຈໍາປາສັກ ແລະ ບັນດາແຂວງພາກໃຕ້ ...

Read More »

5 ປະເທດທີ່ ສປປ ລາວ ສົ່ງອອກຫຼັກ

ບັນດາປະເທດ ແລະມູນຄ່າທີ່ ສປປ ລາວ ສົ່ງອອກສິນຄ້າ: 1. ປະເທດຈີນ 137 ລ້ານໂດລາສະຫະລັດ 2. ປະເທດຫວຽດນາມ 106 ລ້ານໂດລາສະຫະລັດ 3. ປະເທດໄທ 65 ລ້ານໂດລາສະຫະລັດ 4. ອົດສຕາລີ 32 ລ້ານໂດລາສະຫະລັດ 5. ສະວິດເຊີແລນ 14 ລ້ານໂດລາສະຫະລັດ ຂໍ້ມູນ: ຂ່າວສານດ້ານການຄ້າຂອງ ສປປ ລາວ

Read More »

ອັນຕະລາຍ! ບໍ່ຄວນເອົາຕຸກນ້ຳດື່ມທີ່ໃຊ້ງານຄືນໄດ້ ໄປໃສ່ນ້ຳມັນ ແລ້ວສົ່ງໃຫ້ຜູ້ປະກອບການຄືນ ໂດຍບໍ່ແຈ້ງ

ອັນຕະລາຍ! ບໍ່ຄວນເອົາຕຸກນ້ຳດື່ມທີ່ໃຊ້ງານຄືນໄດ້ ໄປໃສ່ນ້ຳມັນ ແລ້ວສົ່ງໃຫ້ຜູ້ປະກອບການຄືນ ໂດຍບໍ່ແຈ້ງໃຫ້ຄັດແຍກເພື່ອນໍາເອົາໄປທຳລາຍ! ເຫດຜົນທີ່ຄວນແຈ້ງຜູ້ປະກອບການແມ່ນ: 👉🏻 ເກີດຄວາມສ່ຽງຕໍ່ການປົນເປື່ອນສູ່ຜູ້ບໍລິໂພກ ຖ້າຕຸກນ້ຳດື່ມຖືກນຳໃຊ້ໃສ່ສານເຄມີອື່ນ ແລ້ວບໍ່ຮັບການແຍກອອກໃຫ້ຖືກຕ້ອງ. 👉🏻 ເກີດຄວາມເສຍຫາຍຕໍ່ຜູ້ປະກອບການທັງຫລາຍ ເພາະຕຸກນຳ້ແຕ່ລະຕຸກເປັນຕົ້ນທຶນ ຂອງບັນດາຜູ້ປະກອບການ ຮ່ວມມືກັນປະຕິບັດເພື່ອຄວາມປອດໄພຂອງໂຕທ່ານເອງ ແລະ ທຸກຄົນ. ຂໍ້ມູນດີໆຈາກ: Purér Drinking Water

Read More »

ນໍ້າມັນແພງ! ນໍ້າມັນຂາດປໍ້າ ເກີດຈາກຫຼາຍປັດໄຈ ແຕ່ລັດຖະບານເຮັດທຸກວິທີທາງເພື່ອຊ່ວຍເຫຼືອປະຊາຊົນ

ນໍ້າມັນແພງ! ນໍ້າມັນຂາດປໍ້າ ເກີດຈາກຫຼາຍປັດໄຈ ແຕ່ລັດຖະບານເຮັດທຸກວິທີທາງເພື່ອຊ່ວຍເຫຼືອປະຊາຊົນ. ​ ທ່ານ ​ຄໍ​າແພງ ໄຊ​ສົມ​ແພງ ລັດ​ຖະ​ມົນ​ຕີ​ກະ​ຊວງ​ອຸດ​ສາ​ຫະ​ກໍ​າ ແລະ ການ​ຄ້າ (ອ​ຄ) ໄດ້​ຖະ​ແຫຼງ​ຕໍ່​ສື່ມວນ​ຊົນ​ເມື່ອ​ວັນ​ທີ 10 ພຶດ​ສະ​ພາ 2022 ທີ່​ກະ​ຊວງ ອ​ຄ ໃຫ້​ຮູ້​ວ່າ: ສປປ ລາວ ເປັນປະເທດນໍາເຂົ້າ ນ້ຳມັນເຊື້ອໄຟ ​ຈາກຕ່າງປະເທດ 100% ຊຶ່ງປັດ​ຈຸບັນ, ຈາກສະພາບການຂອງໂລກ ທີ່ມີການປ່ຽນແປງ ສົ່ງຜົນເຮັດລາຄານໍ້າມັນເຊື້ອໄຟໃນຕະຫຼາດໂລກ ເວົ້າລວມ, ເວົ້າສະເພາະ ລາຄານໍ້າມັນເຊື້ອໄຟສໍາເລັດຮູບຕະຫຼາດສິງກະໂປ ຍັງສືບຕໍ່ເໜັງຕີງຂຶ້ນສູງ. ຕໍ່​ບັນ​ຫາ​ດັ່ງ​ກ່າວ​ນັ້ນ ໄດ້ສົ່ງຜົນກະ​ທົບໂດຍກົງເຮັດໃຫ້ລາຄາຂາຍຍ່ອຍນ້ຳມັນເຊື້ອໄຟພາຍໃນປະເທດເຮົາປັບຂຶ້ນເປັນເງົາຕາມໂຕ ຊຶ່ງການປັບລາຄາໃນຄັ້ງວັນທີ 30 ເມສາ 2022 ທີ່ຜ່ານມາ ແມ່ນມີຄວາມຈຳເປັນເພື່ອເຮັດໃຫ້ລາຄາປັບປ່ຽນທັນຕາມສະພາບການ. ແຕ່ດ້ວຍປັດໄຈພາຍນອກ ຄຽງຄູ່ກັບບັນຫາ​ອັດ​ຕາ​ແລກ​ປ່ຽນ​ເງິນ​ຕາ​ຕ່າງ​ປະ​ເທດ​ ມີ​ສ່ວນ​ຜິດ​ດ່ຽງສູງລະ​ຫວ່າງ​ທະ​ນາ​ຄານ​ທຸ​ລະ​ກິດ ກັບຮ້ານ​ແລກ​ປ່ຽນ​ເງິນຕາ, ການ​ປະ​ຕິ​ບັດ​ມາດ​ຕະ​ການຄວບ​ຄຸມ ແລະ ປ້ອງ​ກັນການ​ແຜ່ລະບາດຂອງພະຍາດ COVID-19 ທີ່​​ຕ້ອງເພີ່ມ​ຂັ້ນ​ຕອນ ແລະ ເພີ່ມລາຍ​ຈ່າຍ​​ຂອງ​ຜູ້​ປະ​ກອບ​ການ​ ເຮັດ​ໃຫ້​ຫຼາຍ​ບໍ​ລິ​ສັດ​​ຕົກຢູ່​ໃນ​ສະພາບ​ຂາດ​ທຶນ ແລະ ບໍ່​ສາ​ມາດ​ນຳ​ເຂົ້າ​ນ້ຳ​ມັນ​ເຊື້ອ​ໄຟ​ມາ​ຮັບ​ໃຊ້​ສັງ​ຄົມ​​ໄດ້ຢ່າງ​ທົ່ວ​ເຖິງ. ອີກ​ດ້ານ​ໜຶ່ງ, ​​ເຫັນ​ວ່າມີ​ບາງ​ບໍ​ລິ​ສັດ​​ທີ່ມີ​ການ​ເຄື່ອນ​ໄຫວ​ບໍ່​ຖືກ​ຕ້ອງ, ໂດຍ​ສະ​ເພາະແມ່ນ​ປ້ຳ​ບໍ​ລິ​ການ​ນ້ຳ​ມັນເຊື້ອໄຟ ຈຳ​ນວນ​ໜຶ່ງ ມີ​ການ​ລັກ​ລອບຊື້​ນ້ຳ​ມັນ​ຈາກ​ພາກ​ສ່ວນ​ອື່ນ​ມາ​ລົງ​ປ້ຳ​, ...

Read More »

ບໍລິສັດ ລ້ານຊ້າງ ມິເນໂຣນ ມອບອາກອນກຳໄລຈາກການຜະລິດຄຳ ແລະ ທອງກວ່າ 13 ລ້ານໂດລາ ໃຫ້ຖະບານລາວ

ບໍລິສັດ ລ້ານຊ້າງ ມິເນໂຣນ ລິມິເຕັດ (ລຊມລ) ໄດ້ມອບອາກອນກຳໄລຈຳນວນ 13,3 ລ້ານກວ່າໂດລາ ຈາກການຜະລິດຄຳ ແລະ ທອງ ໃນສົກປີ 2021 ຊຶ່ງລວມເປັນລາຍຮັບທັງໝົດທີ່ໄດ້ມອບໃຫ້ແກ່ລັດຖະບານລາວ ໃນສົກປີ 2021 ຈໍານວນ 40,84 ລ້ານກວ່າໂດລາ (ໃນນັ້ນລວມມີ ອາກອນກຳໄລ, ຄ່າຊັບພະຍາກອນແຮ່ທາດ, ເງິນປັນຜົນ, ແລະ ພັນທະອື່ນໆ). ພິທີດັ່ງກ່າວໄດ້ຈັດຂຶ້ນໃນວັນທີ 5 ພຶດສະພາ ຜ່ານມາ ທີ່ກົມສ່ວຍສາອາກອນ ກະຊວງການເງິນ. ທ່ານ ສະໝານ ອະເນກາ ໄດ້ກ່າວວ່າ: “ບໍລິສັດ ລຊມລ ໃນຖານະທີ່ເປັນຄູ່ຮ່ວມງານທີ່ຍາວນານ ທັງເປັນຜູ້ເສຍອາກອນລາຍໃຫຍ່ ໃຫ້ແກ່ ສປປ ລາວ. ໂຄງການຄຳ-ທອງ ເຊໂປນ ຍັງຈະສືບຕໍ່ຂະຫຍາຍຕົວ, ໃນຖານະທີ່ເປັນວິສາຫະກິດຂຸດຄົ້ນບໍ່ແຮ່ໃນ ສປປ ລາວ ທີ່ໄດ້ຮັບການຢັ້ງຢືນກຽດຕິສັກໃນລະດັບ A (+) ຕະຫຼອດມາ ຈາກກະຊວງພະລັງງານ ແລະ ບໍ່ແຮ່, ໂຄງການຄຳ-ທອງ ເຊໂປນ ກຳລັງດໍາເນີນການສ້າງອຸໂມງສຳຫຼວດບໍ່ແຮ່ໃຕ້ດິນ ແບບມືອາຊີບທີ່ທັນສະໄໝແຫ່ງທຳອິດ ໃນ ...

Read More »

ນາຍົກ ມອບໃຫ້ ສສກ ຮຽບຮຽງ ປຶ້ມວັດຈະນານຸກົມພາສາລາວ ສະບັບມາດຕະຖານ ໃຫ້ສໍາເລັດໃນປີ 2025

ນາຍົກ ມອບໃຫ້ ສສກ ຮຽບຮຽງ ປຶ້ມວັດຈະນານຸກົມພາສາລາວ ສະບັບມາດຕະຖານ ໃຫ້ສໍາເລັດໃນປີ 2025 ໃນໂອກາດພົບປະໂອ້ລົມ ຄະນະກໍາມະການຄົ້ນຄວ້າພາສາລາວ ໃນວັນທີ 3 ພຶດສະພາ 2022 ຢູ່ຫ້ອງປະຊຸມຂອງຫ້ອງວ່າການສໍານັກງານນາຍົກລັດຖະມົນຕີ, ທ່ານ ພັນຄໍາ ວິພາວັນ ນາຍົກລັດຖະມົນຕີແຫ່ງ ສປປ ລາວ ໄດ້ຍົກໃຫ້ເຫັນເຖິງຄວາມໝາຍຄວາມສໍາຄັນຂອງພາສາລາວ ແລະ ຄວາມຈໍາເປັນໃນການຄົ້ນຄວ້າປັບປຸງຫລັກການໃນການນໍາໃຊ້ພາສາລາວ, ພ້ອມທັງມອບໝາຍໃຫ້ ຄະນະກໍາມະການຄົ້ນຄວ້າພາສາລາວ ກະຊວງສຶກສາທິການ ແລະ ກິລາ ຮີບຮ້ອນປັບປຸງຄືນຫລັກໄວຍາກອນລາວ ແລະ ຄົ້ນຄວ້າຮຽບຮຽງປຶ້ມ ວັດຈະນານຸກົມພາສາລາວ ສະບັບມາດຕະຖານ ເພື່ອໃຫ້ສາມາດຈັດພິມ ແລະ ນໍາໃຊ້ໃນໄລຍະ 3 ປີຕໍ່ໜ້ານີ້. ນອກຈາກນີ້, ທ່ານນາຍົກລັດຖະມົນຕີ ຍັງໄດ້ຊີ້ນໍາອີກວ່າ: ທິດທາງໃນການປັບປຸງ ແມ່ນອີງໃສ່ຫລັກໄວຍາກອນ ແລະ ປຶ້ມວັດຈະນານຸກົມພາສາລາວ ທີ່ມີມາແລ້ວເປັນພື້ນຖານ ແລ້ວພັດທະນາຕໍ່ຍອດໃຫ້ຮັບປະກັນຄວາມເປັນເອກະລັກ, ຄວາມອຸດົມສົມບູນຂອງພາສາລາວ ແລະ ນໍາໃຊ້ເຂົ້າກັບຍຸກສະໄໝ, ພ້ອມທັງສົ່ງເສີມໃຫ້ມີການນໍາໃຊ້ພາສາລາວຢ່າງຖືກຕ້ອງ ແລະ ເປັນເອກະພາບກັນ. ຂໍ້ມູນ: ປະເທດລາວ

Read More »

ອຄ ກຽມສ້າງລະບົບການຄ້າດ້ານເອເລັກໂຕນິກສໍາລັບສິນຄ້າກະສິກໍາ ເພື່ອສ້າງມູນຄ່າສິນຄ້າລາວ ໃຫ້ສູງຂຶ້ນ

ອຄ ກຽມສ້າງລະບົບການຄ້າດ້ານເອເລັກໂຕນິກສໍາລັບສິນຄ້າກະສິກໍາ ເພື່ອສ້າງມູນຄ່າສິນຄ້າລາວ ໃຫ້ສູງຂຶ້ນ ກະຊວງອຸດສາຫະກຳ ແລະ ການຄ້າ(ອຄ) ໄດ້ຈັດພິທີລົງນາມ ແຜນການຊ່ວຍເຫຼືອ ທາງດ້ານເຕັກນິກ ສໍາລັບຜະລິດຕະພັນກະສິກໍາລາວ ລະຫວ່າງກົມສົ່ງເສີມການຄ້າ ກະຊວງ ອຄ ແລະ ບໍລິສັດ ອານຮຸຍອີ້ຊາງ ດິຈິຕອນ ເທັກໂນໂລຍີ ຈໍາກັດ. ໃນວັນທີ 25 ເມສາ 2022 ທີ່ກະຊວງ ກະຊວງອຸດສາຫະກຳ ແລະ ການຄ້າ. ແນ່ນອນວ່າ ລະບົບການຄ້າຜ່ານອີເລັກໂຕນິກທີ່ໄດ້ຮັບການຊ່ວຍເຫຼືອຄັ້ງນີ້ ຈະເປັນໂຄງການລິເລີ່ມຮ່ວມກັນຂອງພາກລັດ ແລະ ເອກະຊົນເພື່ອຊ່ວຍພັດທະນາ, ຄຸ້ມຄອງ ການຄ້າຜະລິດຕະພັນກະສິກຳ ຂະຫຍາຍຕາໜ່າງການຄ້າກ້າວໄປເຖິງສ້າງມູນຄ່າການຄ້າສິນຄ້າລາວ ໃຫ້ນັບມື້ສູງຂຶ້ນ ປະກອບສ່ວນເຂົ້າໃນ ການຍົກສູງຄຸນນະພາບສິນຄ້າ ແລະ ສ້າງວຽກເຮັດງານທຳໃຫ້ແກ່ຊາວກະສິກອນ ໃນຊົນນະບົດລາວ ປະຕິບັດນະໂຍບາຍແກ້ໄຂຄວາມທຸກຍາກ ໃຫ້ ສປປ ລາວ ສາມາດຫຼຸດຜົ້ນອອກຈາກປະເທດດ້ອຍພັດທະນາ ໃນປີ 2026 ຕາມຄາດໝາຍທີ່ວາງໄວ້. ເພື່ອອຳນວຍຄວາມສະດວກໃຫ້ຜູ້ຜະລິດ ໂຄງການດັ່ງກ່າວຈະໄດ້ ສ້າງຈຸດບໍລິການ 20 ຈຸດທົ່ວປະເທດ ເພື່ອເຮັດໃຫ້ຜູ້ຜະລິດ ສາມາດເຂົ້າເຖິງການບໍລິການ ແລະ ສາມາດແຈ້ງສິນຄ້າທີ່ຕົນມີໃຫ້ກັບສູນ ເພື່ອເອົາເຂົ້າວາງຂາຍໃນເວັບໄຊ ...

Read More »

ມັນສາຄູສິນຄ້າທາງເລືອກທີ່ຈະສ້າງລາຍຮັບໃຫ້ກັບປະຊາຊົນແຂວງຫົວພັນ

ເມືອງຊ່ອນ ແຂວງ ຫົວພັນກຳລັງສຸມໃສ່ໃນການປູກ ມັນສາຄູ ເພື່ອເປັນສິນຄ້າວາງແຜນໄວ້ປີນີ້ທີ່ 7.500 ໂຕນ. ວັນທີ 26 ເມສາ 2022ນີ້ ທ່ານ ສຸລິນໄຊ ພົງສະຫວັດ ຫົວຫນ້າຫ້ອງການ ກະສິກຳ ແລະ ປ່າໄມ້ ເມືອງຊ່ອນ ແຂວງຫົວພັນ ພ້ອມດ້ວຍຄະນະ ໄດ້ລົງຊຸກຍູ້ປະຊາຊົນທີ່ປູກມັນສາຄູ ບ້ານຊ່ອນໃຕ້ ເຂດບວກປາເຕັດ ຫ່າງຈາກບ້ານປະມານ 2 ກິໂລແມັດ. ທ່ານ ສຸລິນໄຊ ພົງສະຫວັດ ໃຫ້ຮູ້ວ່າ: ຕາມແຜນແລ້ວ ປີ 2022ນີ້ ເມືອງຊ່ອນຈະສຸມໃສ່ປູກມັນສາຄູໃຫ້ໄດ້ເນື້ອທີ່ທັງຫມົດບໍ່ໃຫ້ຫລຸດ 250 ເຮັກຕາ ຜົນຜະລິດໃຫ້ໄດ້ 7.500 ໂຕນ ແລະ ຈະສ້າງລາຍຮັບໃຫ້ປະຊາຊົນໃຫ້ໄດ້ 3,7 ຕື້ກວ່າກີບຂື້ນໄປ ນີ້ກໍ່ເພື່ອເປັນການຊຸກຍູ້ສົ່ງເສີມການຜະລິດກະສິກຳເປັນສິນຄ້າຢູ່ເມືອງຊ່ອນໃຫ້ນັບມື້ຫຼາຍຂຶ້ນ ເປັນການສະໜອງຜົນຜະລິດກະສິກຳ ປ້ອນໃຫ້ແກ່ໂຮງງານແປຮູບຢູ່ພາຍໃນ ແລະ ສົ່ງອອກອີກດ້ວຍ. ຂໍ້ມູນຈາກ: Media Laos

Read More »

ສະຫວັນນະເຂດ ເອົາໃຈໃສ່ສົ່ງເສີມສິນຄ້າໂອດອບ ເມືອງນອງ ເພື່ອເຮັດໃຫ້ປະຊາຊົນມີລາຍຮັບເພີ່ມຂຶ້ນ.

ກອງປະຊຸມກ່ຽວກັບການຈັດ ຕັ້ງປະຕິບັດວຽກງານສົ່ງເສີມສິນຄ້າ ພູມປັນຍາຊາວບ້ານ ທີ່ເປັນເອກະລັກທ້ອງຖິ່ນ ເພື່ອພັດທະນາໃຫ້ກາຍເປັນສິນຄ້າທີ່ໄດ້ຮັບ ກາໝາຍໜຶ່ງເມືອງໜຶ່ງຜະລິດຕະພັນແຫ່ງຊາດ ຫລື ໂອດອບ (ODOP) ເຊິ່ງວຽກງານດັ່ງກ່າວ ແມ່ນນອນຢູ່ ໃນວາລະແຫ່ງຊາດຂອງແຂວງ ສະຫວັນນະເຂດ. ຄະນະກຳມະການສິນຄ້າ ໜຶ່ງເມືອງ ໜຶ່ງຜະລິດຕະພັນ ຂັ້ນເມືອງ ແລະ ຄະນະວິຊາການຈາກ ຂະແໜງສົ່ງເສີມວິສາ ຫະກິດຂະໜາດນ້ອຍ ແລະ ກາງ. ການຄ້າ ໄດ້ປຶກສາຫາລືຮ່ວມກັນ ແລະ ເຫັນດີຄັດເລືອກເອົາສິນຄ້າ ທີ່ມີທ່າແຮງ ເພື່ອນຳສະເໜີ ຄະນະກຳມະການພັດທະນາສິນຄ້າ ໜຶ່ງເມືອງໜຶ່ງຜະລິດຕະພັນ ຂັ້ນແຂວງຮັບຮອງເອົາ ແລະ ຂໍອະນຸ ຍາດນຳໃຊ້ກາໝາຍສິນຄ້າ ໜຶ່ງເມືອງ ໜຶ່ງຜະລິດຕະພັນ ແຫ່ງຊາດ ຈາກກົມສົ່ງເສີມການຄ້າ, ກະຊວງ ອຸດສາຫະກຳ ແລະ ການຄ້າລວມ ເຊິ່ງຈະນຳສະເໜີ 2 ລາຍການຄື: ກຸ່ມຕ່ຳແຜ່ນແພ ເຜົ່າມັງກອງ ບ້ານປະຈະຕຽນ ແລະ ກຸ່ມຕົ້ມເຫລົ້າພື້ນເມືອງ ບ້ານນອງວິໄລ. ປະສົບຜົນສຳເລັດ, ເຮັດໃຫ້ປະຊາຊົນບັນດາເຜົ່າທີ່ດຳລົງຊີວິດ, ທຳມາຫາກິນຢູ່ໃນຂອບເຂດທົ່ວເມືອງນອງ ມີລາຍຮັບເພີ່ມຂຶ້ນ ແລະ ມີຊີວິດການເປັນຢູ່ທີ່ດີຂຶ້ນ ຈົນສາມາດເຮັດໃຫ້ຄອບຄົວ, ບ້ານ ...

Read More »

ອຸດົມໄຊ ສາທິດການປູກແນວພັນມັນຕົ້ນ ກ່ອນຈະສົ່ງເສີມປະຊາຊົນປູກ.

ອຸດົມໄຊ ສາທິດການປູກແນວພັນມັນຕົ້ນ ກ່ອນຈະສົ່ງເສີມປະຊາຊົນປູກ. ເພື່ອຮັບປະກັນການຈະເລີນເຕີບໂຕທີ່ດີ ແລະ ໃຫ້ຜົນຜະລິດໃນປະລິມານສູງ. ພະແນກກະສິກຳ ແລະ ປ່າໄມ້ ແຂວງອຸດົມໄຊ ຈັດພິທີປູກແນວພັນມັນຕົ້ນໃນສວນສາທິດ ຢູ່ສູນສາທິດ ແລະ ບໍລິການເຕັກນິກກະສິກຳ ຮ່ວມມືລາວ-ຈີນ ຫລື ສູນ 10 ແຂວງ. ແນວພັນທີ່ນຳມາປູກສາທິດ ໃນຄັ້ງນີ້ມີ ສອງແນວພັນ ຄື: ແນວພັນ ລູກ 3 ງ່າ ແລະ ແນວພັນ ລູກຕີນຊ້າງ ຈຳນວນ 3,5 ໂຕນ ຫລື ປະມານ 26 ພັນກວ່າເບ້ຍ ປູກໃນສວນສາທິດ ເນື້ອທີ່ 2 ເຮັກຕາ ເຊິ່ງແນວພັນດັ່ງກ່າວ ແມ່ນນຳເຂົ້າຈາກປະເທດໄທ, ຖ້າຫາກວ່າສວນສາທິດດັ່ງກ່າວ ໄດ້ຮັບຜົນດີ, ພະແນກກະສິກໍາ ແລະ ປ່າໄມ້ແຂວງອຸດົມໄຊ ຈະໄດ້ຂະຫຍາຍແນວພັນນີ້ອອກ ເພື່ອສົ່ງເສີມໃຫ້ປະຊາຊົນປູກເປັນສິນຄ້າ ທົດແທນການປູກພືດອື່ນ ທີ່ບໍເໝາະສົມກັບສະພາບອາກາດຂອງແຂວງຕື່ມອີກ. ໃນພິທີ, ກ່ອນທີ່ຈະລົງມື້ປູກຕົວຈິງນັ້ນ ພະນັກງານຜູ້ຮັບຜິດຊອບ ໄດ້ແນະນຳວິທີການປູກທີ່ຖືກຕ້ອງ ເພື່ອຮັບປະກັນການຈະເລີນເຕີບໂຕທີ່ດີ ແລະ ໃຫ້ຜົນຜະລິດໃນປະລິມານສູງ. ຂໍ້ມູນ: ...

Read More »