ຂ່າວ ຕ່າງປະເທດ

ອ້າງຕາມຂ່າວສານ ຊິນຮວາຂອງຈີນ ລາຍງານ, ລັດຖະມົນຕີ ກະຊວງແຮງງານ ກ່າວວ່າ: ລັດຖະບານ ກຳປູເຈຍ ປະກາດເພີ່ມ ອັດຕາແຮງງານ ຂັ້ນຕ່ຳ ສຳລັບ ອຸດສາຫະກຳ ຕັດຍິບເສື້ອຜ້າ ແລະ ເກີບທີ 192 ໂດລາສະຫະລັດ ຕໍ່ເດືອນ ຕັ້ງແຕ່ວັນທີ 1 ມັງກອນປີ 2021 ເປັນຕົ້ນໄປ, ຊຶ່ງເພີ່ມຂື້ນ 1,05% ຈາກປັດຈຸ ບັນທີ 190 ໂດລາ ສະຫະລັດ ຕໍ່ເດືອນ, ເຖິງວ່າ ພາກສ່ວນນີ້ ຈະໄດ້ຮັບ ຜົນກະທົບ ຢ່າງຮຸນແຮງ ຈາກສະຖານະ ການ ແຜ່ລະບາດ ຂອງພະຍາດ ໂຄວິດ-19 ກໍ່ຕາມ. ເມື່ອພິຈາລະນາ ເຖິງຄວາມເປັນຢູ ຂອງແຮງງານ ນາຍົກລັດ ຖະມົນຕີ ໄດ້ຕັດສິນໃຈ ທີ່ຈະເພີ່ມ ຄ່າແຮງງານ ຂັ້ນຕ່ຳດັ່ງກ່າວ ໃນພາກ ອຸດສາຫະກຳນີ້. ພາກອຸດສາຫະກຳ ຕັດຍິບເສື້ອຜ້າ ແລະ ເກີບ ເປັນພາກການ ສົ່ງອອກ ...

ວັນທີ 8 ກັນຍາ 2020 ທີ່ຜ່ານມາ ເກີດເຫດບໍ່ຂຸດຄົ້ນຫີນອ່ອນ (Marble) ຢູ່ເຂດພື້ນທີ່ ເຊຍຣັດ ທາງຕາເວັນຕົກ ຂອງ ປາກິດສະຖານ ໃກ້ກັບຊາຍແດນຂອງ ອາຟະການິດສະຖານ ເກີດເຫດຖະຫຼົ່ມ ລົງມາອັດທາງເຂົ້າ-ອອກ ໃນເບື້ອງຕົ້ນເຮັດໃຫ້ມີຜູ້ເສຍຊີວິດ 17 ຄົນ, ບາດເຈັບ 9 ຄົນ ແລະ ສູນຫາຍ 11 ຄົນ. ເຂດຂຸດຄົ້ນດັ່ງກ່າວຖືໄດ້ວ່າເປັນແຫຼ່ງ ທີ່ຂື້ນຊື່ຫີນອ່ອນຂາວ (Marble) ທີ່ມີຄຸນນະພາບສູງ ສົ່ງອອກໄປຈຳໜ່າຍທັງພາຍໃນ ແລະ ຕ່າງປະເທດ ແລະ ບໍລິເວນທີ່ຂຸດຄົ້ນເປັນເຂດຕີນພູ ຊຶ່ງມີພະນັກງານ ປະມານ 40-50 ຄົນ ເຂົ້າໄປເຮັດວຽກໃນເຂດຂຸດຄົ້ນຫີນອ່ອນດັ່ງກ່າວ ແລະ ທາງເຈົ້າໜ້າທີ່ທີ່ກ່ຽວຂ້ອງໄດ້ຄາດການວ່າສາເຫດທີ່ເຮັດໃຫ້ເຂດດັ່ງກ່າວຖະຫຼົ່ມ ຍ້ອນມີແຮງສັ່ນສະເທືອນທີ່ຮຸນແຮງຈາກການລະເບີດຫີນໃນເຂດນັ້ນ. ຂະນະນີ້ ເຈົ້າໜ້າທີ່ ຕຳຫຼວດ ແລະ ໜ່ວຍກູ້ໄພ ພວມເລັ່ງດຳເນີນການຄົ້ນຫາ ຜູ້ສູນຫາຍດັ່ງກ່າວ.

ໃນວັນທີ 7 ກັນຍາ 2020 ການສະເໜີຂາຍຫຸ້ນ IPO ໃນຮົງກົງ ຂອງ Nongfu Spring ເຮັດໃຫ້ Zhong ຜູ້ກໍ່ຕັ້ງບໍລິສັດ ນ້ຳດື່ມບັນຈຸຂວດທີ່ໃຫຍ່ທີ່ສຸດຂອງຈີນ ກາຍເປັນບຸກຄົນທີ່ລ່ຳລວຍທີ່ສຸດເປັນອັບດັບສອງຂອງປະເທດ. ໃນນີ້, ຫຸ້ນຂອງບໍລິສັດ Nongfu Spring ຍັກໃຫຍ່ດ້ານນ້ຳດື່ມບັນຈຸຂວດຂອງຈີນ ພຸ່ງສູງເຖິງ 85% ໃນການເປີດຕົວ ເມື່ອວັນທີ 7 ກັນຍາ ຫຼັງຈາກທີ່ ບໍລິສັດ ສະເໜີຂາຍຫຸ້ນໃຫ້ແກ່ປະຊາຊົນທົ່ວໄປ (IPO) ມູນຄ່າ 1.1 ພັນລ້ານໂດລາຢູ່ໃນຮົງກົງ. ລາຄາ IPO ຂອງ Nongfu Spring ເລີ່ມຕົ້ນທີ 2.77 ໂດລາ ແລະ ເພີ່ມຂຶ້ນເປັນ 5.14 ໂດລາ ແລະມີການປ່ຽນມືຫຼາຍເຖິງ 387 ລ້ານໂດລາ ໃນວັນທຳອິດຂອງການຊື້ຂາຍຫຸ້ນຂອງ ບໍລິສັດດັ່ງກ່າວ ແລະ ໃນຕອນທ້າຍຂອງການຊື້ຂາຍປະມູນລາຄາຕະຫຼາດຢູ່ທີ່ ເກືອບ 8 ພັນລ້ານໂດລາ ຊຶ່ງຫຼາຍກວ່າ Danone SA ບໍລິສັດອາຫານຝຮັ່ງທີ່ຢູ່ຖັດຈາກ ນ້ຳ ...

ນັກວິເຄາະຂອງ Morgan Stanley ຍັງຄົງຄາດການວ່າ ເງິນຢວນຂອງຈີນມີສັດສ່ວນ 5% ເຖິງ 10% ຂອງສິນຊັບສຳຮອງ ຊຶ່ງອັດຕາແລກປ່ຽນເງິນຕາຕ່າງປະເທດທົ່ວໂລກພາຍໃນປີ 2018 – 2025 ເງິນຢວນມີສັດສ່ວນປະມານ 2% ຂອງສິນຊັບສຳຮອງອັດຕາແລກປ່ຽນທົ່ວໂລກ, ຊຶ່ງຈະເຮັດໃຫ້ເງິນຢວນຕາມຫຼັງ ໂດລາສະຫະລັດ ແລະ ຢູໂຣ. Morgan Stanley ຄາດວ່າ ເງິນຢວນຈະແຂງຄ່າເປັນ 6.6 ຢວນ ເມື່ອທຽບກັບໂດລາສະຫະລັດ ພາຍໃນທ້າຍປີ 2021. ຍ້ອນ ການລົງທຶນຈາກຕ່າງປະເທດທີ່ເພີ່ມຂຶ້ນໃນຕະຫຼາດຈີນສາມາດກະຕຸ້ນການໃຊ້ເງິນຢວນ ແລະ ຍູ້ດັນໃຫ້ກາຍເປັນສະກຸນເງິນສຳຮອງທີ່ໃຫຍ່ເປັນອັນດັບສາມຂອງໂລກ, ຊຶ່ງການຄາດການດັ່ງກ່າວ ເກີດຂຶ້ນເນື່ອງຈາກລັດຖະບານຈີນພະຍາຍາມມາຫຼາຍປີ ເພື່ອສົ່ງເສີມການໃຊ້ເງິນຢວນລະຫວ່າງປະເທດ ຫຼືເອີ້ນວ່າ ເງິນຢວນ (RMB). ໃນປັດຈຸບັນເງິນຢວນມີສັດສ່ວນປະມານ 2% ຂອງສິນຊັບສຳຮອງອັດຕາແລກປ່ຽນໃນທົ່ວໂລກ. ນັກວິເຄາະກ່າວວ່າ: ເງິນຢວນ ອາດເພີ່ມຂຶ້ນເປັນລະຫວ່າງ 5% ເຖິງ 10% ພາຍໃນປີ 2030 ຊຶ່ງສູງກວ່າລະດັບເງິນ ເຢນ ຂອງຍີ່ປຸ່ນ ແລະ ເງິນປອນ ຂອງອັງກິດ ການຄາດກ່າວດັ່ງກ່າວ ເປັນການບອກກ່າວ ເຖິງສິ່ງທີ່ທະນາຄານປະຕິບັດມາໃນເດືອນ ກຸມພາ ...

ສປ ຈີນ ໄດ້ຈັດພິ​ທີ​ຍ້ອງ​ຍໍ​ບຸກ​ຄົນ​ ແລະ​ ໜ່ວຍ​ງານ​ດີ​ເດັ່ນ​ໃນ​ການ​ຕ້ານ​ກັບ​ພະ​ຍາດ​ໂຄວິດ-19 ທົ່ວ​ປະ​ເທດ​ ຢູ່​ນະຄອນຫລວງປັກກິ່ງ ໃນວັນທີ 8 ກັນຍາ 2020. ທ່ານ​ ສີ​ຈິ້ນ​ຜິງ ເລ​ຂາ​ທິ​ການ​ໃຫຍ່​ຄະ​ນະ​ກຳ​ມະ​ການ​ສູນ​ກາງ​ພັກ​ກອມ​ມູ​ນິດ​ຈີນ, ປະ​ທານ​ປະ​ເທດ​ຈີນ, ປະ​ທານ​ຄະ​ນະ​ກຳ​ມະ​ການ​ການ​ທະ​ຫານ​ສູນ​ກາງ​ຈີນ​ ໄດ້ໃຫ້​ກຽດ​ປະ​ດັບຫລຽນ​ໄຊ​ ໃຫ້​ແກ່​ຜູ້​ທີ່​ໄດ້​ຮັບຫລຽນ​ໄຊ​ແຫ່ງ​ຊາດ​ ແລະ​ ຜູ້​ທີ່​ໄດ້​ຮັບ​ນາມ​ມະ​ຍົດ​ແຫ່ງ​ຊາດ​ ໃນນັ້ນ ໄດ້ຍ້ອງຍໍບຸກຄົນກ້າວໜ້າ, ໜ່ວຍງານກ້າວໜ້າ, ສະມາຊິກພັກກອມມູນິດຈີນ ຜູ້ດີເດັ່ນລະດັບຊາດ ແລະ​ ການຈັດຕັ້ງພັກຂັ້ນຮາກຖານທີ່ກ້າວໜ້າລະດັບຊາດ ພ້ອມທັງໄດ້ກ່າວ​ຄຳ​ປາ​ໄສ​ສຳ​ຄັນ ໃນພິທີ. ໂອກາດດຽວກັນ ທ່ານ​ ສີ​ຈິ້ນ​ຜິງ​ ພ້ອມ​ດ້ວຍ​ຜູ້​ນຳພັກລັດ​ທ່ານ ອື່ນໆໄດ້​ພົບ​ປະ​ກັບ​ຜູ້​ໄດ້​ຮັບຫລຽນ​ໄຊ​ແຫ່ງ​ຊາດ​ ແລະ​ ຜູ້​ໄດ້​ຮັບ​ນາມ​ມະ​ຍົດ​ແຫ່ງ​ຊາດ, ບຸກ​ຄົນ​ກ້າວ​ໜ້າ, ຜູ້ຕາງໜ້າໜ່ວຍ​ງານ​ກ້າວ​ໜ້າ​ໃນ​ການ​ຕ້ານ​ກັບ​ພະ​ຍາດ​ໂຄວິດ-19 ໃນ​ທົ່ວ​ປະ​ເທດ ແລະ​ ຖ່າຍ​ຮູບ​ຮ່ວມ​ກັນ. ແຫຼ່ງຂໍ້ມູນ: CRI

ໃນຍຸກນີ້ໃຜທີ່ສາມາດຂະຫຍາຍ ແລະປັບຕົວໄດ້ໄວທັນການປ່ຽນແປງທາງດ້ານເສດຖະກິດຖືວ່າຄົນໆນັ້ນໄດ້ປຽບ ໂດຍສະເພາະໃນຍຸກນີ້ທີ່ເອີ້ນວວ່າ: ‘ປາໄວກິນປາຊ້າ’ ເຊັ່ນດຽວກັບ ‘7-Eleven’ ທີ່ກວ່າຈະກາຍມາເປັນຮ້ານທີ່ມີຊື່ສຽງ ແລະເປັນຍັກໃຫຍ່ໃນແວດວົງທຸລະກິດແບບທຸກມື້ນີ້ ກໍ່ຕ້ອງໄດ້ມີການປັບຕົວ ແລະປ່ຽນແປງມາຫຼາຍເຊັ່ນກັນ ຈຸດເລີ່ມຕົ້ນຂອງ ‘7-Eleven’ ເກີດຂຶ້ນເມື່ອປີ ພສ 2470 ໃນເມືອງ ດາລັສ໌ຂອງສະຫະລັດອາເມລິກາ ໃນເມື່ອກ່ອນເປັນພຽງກິດຈະການຮ້ານຂາຍນ້ຳກ້ອນ ພາຍໃຕ້ການບໍລິຫານງານບໍລິສັດ ເຊົາແລນ ຄໍໂປເລຊັນ ( ປັດຈຸບັນແມ່ຂອງ ‘7-Eleven’ ເປັນຂອງຍີ່ປຸ່ນ ຊື່ວ່າ ເຊເວັ່ນ ແອນ ໄອ ໂຮດິ້ງ) ແລະຕໍ່ມາໄດ້ຂະຫຍາຍມາຂາຍສິນຄ້າອຸປະໂພກບໍລິໂພກອື່ນໆ ທີ່ເປີດໃຫ້ບໍລິການທຸກມື້ຕັ້ງແຕ່ເວລາ 7:00 – 23:00 ນາທີ ເຊຶ່ງເປັນທີ່ມາຂອງຊື່ ‘7-Eleven’ ແລະໄດ້ຂະຫຍາຍເວລາເປີດຂຶ້ນເປັນ 24 ຊົ່ວໂມງ. ຈາກນັ້ນ ໃນປີ ພສ 2506 ໄດ້ມີການຂະຫຍາຍແຟຣນໄຊສໄປຍັງ ເອີລົບ ແລະ ໃນປີ ພສ 2516 ກໍເຂົ້າສູ່ຕະຫຼາດອາຊຽນ. ສ່ວນໃນປະເທດໄທ 7-Eleven ໄດ້ເຂົ້າມາເລີ່ມຕົ້ນທຸລະກິດໃນປີ 2532 ພາຍໃຕ້ການບໍລິຫານຂອງ ບໍລິສັດ ຊີພີ ອອລ ...

ກົມອຸຕຸນິຍົມ ແລະອຸທົກກະສາດ ( JMA )ຂອງຍີ່ປຸ່ນລາຍງາຍຕໍ່ສຳນັກຂ່າວ Xinhua ໃນວັນທີ 2 ກັນຍາ 2020 ທີ່ຜ່ານມານີ້ວ່າ: ພະຍຸໃຕ້ຝຸ່ນທີ່ມີກຳລັງແຮງຫຼາຍ ກຳລັງເຄື່ອນຕົວຈາກພາກເໜືອ ນາງາຊາກິ ໄປຍັງຕອນເໜືອຂອງ ເກາະຄິວຊູ ຂອງຍີ່ປຸ່ນ ໃນຂະນະທີ່ພະຍຸໂຊນຮ້ອນມີກຳລັງຮຸນແຮງກໍ່ກຳລັງໃກ້ເຂົ້າມາປະເທດ ຈາກທິດທາງທີ່ແຕກຕ່າງກັນ; ພາຍຸໃຕ້ຝຸ່ນ Maysak ຊຶ່ງໄດ້ພັດຖະລົ່ມເມືອງໂອກິນາວາ ທາງໃຕ້ສຸດຂອງຍີ່ປຸ່ນຈົນເຮັດໃຫ້ມີຜູ້ບາດເຈັບ 8 ຄົນ ກຳລັງເຄື່ອນຕົວໄປທາງພາກເໜືອດ້ວຍຄວາມໄວ 15 ກິໂລແມັດຕໍ່ຊົ່ວໂມງ. ພະຍຸນີ້ມີກຳລັງແຮງ ແລະ ມີຄວາມກົດດັນອາກາດເປັນກາງຢູ່ທີ 940 hectopascals ແລະມີລົມພັດແກນກາງສູງເຖິງ 162 ກິໂລແມັດຕໍ່ຊົ່ວໂມງ, ຄວາມໄວລົມສູງສຸດຂອງ Maysak ປະມານ 234 ກິໂລແມັດຕໍ່ຊົ່ວໂມງ. JMA ຍັງກ່າວອີກວ່າ: ໄດ້ອອກແຈ້ງການເຕືອນໃຫ້ປະຊາຊົນລະມັດລະວັງລົມພັດແຮງຄື້ນຄວາມໄວສູງຂອງພະຍຸທີ່ພັດຢ່າງຮຸນແຮງ, ອາດກໍ່ໃຫ້ເກີດມີດິນເຈື່ອນ, ນ້ຳຖ້ວມ ແລະ ແມ່ນ້ຳທີ່ໄຫຼແຮງ ຈຶ່ງເຮັດໃຫ້ການບໍລິການລົດໄຟຫົວລູກປືນຊິນຄັນເຊັນ ຖືກລະງັບຊົ່ວຄາວອັນເປັນຜົນມາຈາກພາຍຸໃຕ້ຝຸ່ນລະຫວ່າງສະຖານີ ນີຮິໂຣຊິມາ ແລະ ສະຖານີ ຮາກາຕະ ບົນສາຍຊັນໂຍຊິນຄັນເຊັນ West Japan Railway ກ່າວວ່າ: ການຢຸດການໃຫ້ການບໍລິການຈະດຳເນີນຕໍ່ໄປຈົນເຖິງວັນທີ ...

ອິນເດຍສ້າງສະຖິຕິຜູ້ຕິດເຊື້ອ Covid-19 ເພີ່ມຂຶ້ນສູງສຸດໃນໂລກພຽງມື້ດຽວ.​ ວັນທີ 30 ສິງຫາ 2020 ທີ່ຜ່ານມາ ອິນເດຍມີຜູ້ຕິດເຊື້ອ Covid-19 ເພີ່ມຂຶ້ນຫຼາຍທີ່ສຸດເປັນອັນດັບ 3 ຂອງໂລກ ທີ່ມີສະຖິຕິເຖິງ 78.​761 ກໍລະນີ ພາຍໃນ 24 ຊົ່ວໂມງ. ສາເຫດເນື່ອງມາຈາກ ຄະນະລັດຖະບານໄດ້ສືບຕໍ່ຍົກເລີກມາດຕະການຕ່າງໆ ເພື່ອຊຸກຍູ້ເສດຖະກິດທີ່ສູນເສຍວຽກເຮັດງານທຳຂອງຫຼາຍລ້ານຄົນ ໃນຂະນະທີ່ເຊື້ອໄວຣັດເຂົ່າແຜ່ລະບາດໃນເດືອນມີນາ. ການເພີ່ມຂຶ້ນຂອງໄວຣັດໃນເຂດຊົນນະບົດຫຼາຍແຫ່ງຍັງຄົງເປັນບັນຫາທີ່ສຳຄັນ. ພາບປະກອບ ໃນວັນດຽວກັນນີ້ ການຕິດເຊື້ອທົ່ວໂລກທະລຸ 25 ລ້ານຄົນ ໂດຍມີຜູ້ເສຍຊີວິດ 843.​000 ຄົນ ເຊິ່ງສະຫະລັດອາເມລິກາຍັງຄົງເປັນປະເທດທີ່ໄດ້ຮັບຜົນກະທົບຫຼາຍທີ່ສຸດໂດຍມີຜູ້ຕິດເຊື້ອ 6 ລ້ານຄົນ ຕາມການວິໄຈຂອງມະຫາວິທະຍາໄລ Johns Hopkins. ການນັບວັນດຽວກັນນີ້ມີຜູ້ຕິດເຊື້ອເພີ່ມຂຶ້ນໃນອິນເດຍທະລຸ 77.​299 ກໍລະນີ ພາຍໃນ 24 ຊົ່ວໂມງ. ທ່ານໝໍ Manoj Kumar ຊ່ຽວຊານດ້ານໂລກຫົວໃຈໄດ້ກ່າວກັບສຳນັກຂ່າວຣອຍເຕີວ່າ: “ນັບວ່າເປັນການເພີ່ມຂຶ້ນຂອງ 1 ມື້ ທີ່ໃຫຍ່ທີ່ສຸດກໍລະນີໃນທົ່ວໂລກ ແລະ ສາເຫດທີ່ຢູ່ເບື້ອງຫຼັງນັ້ນ ເນື່ອງມາຈາກການແຜ່ລະບາດຂອງໂລກລະບາດໃນເຂດຊົນນະບົດ” ໃນຊ່ວງທຳອິດການປ້ອງກັນພະຍາດ Covid-19 ຢູ່ປະເທດອິນເດຍ ແມ່ນເຮັດໄດ້ດີພໍສົມຄວນໂດຍກຳນົດໃຫ້ມີການປ້ອງກັນຢ່າງເຂັ້ມງວດ ແຕ່ຈາກນັ້ນເຊື້ອໄວຣັດດັ່ງກ່າວ ...

ຕາມການລາຍງານຂ່າວຂອງສໍານັກຂ່າວຕ່ງປະເທດລາຍງານວ່າ: ພົບແຂ້ຍັກ 4.4ແມັດ ຢູ່ທີ່ແຫຼ່ງທ່ອງທ່ຽວດັງແຫ່ງໜຶ່ງທີ່ປະເທດອົດສະຕາລີ ເປັນແຂ້ທີ່ຖືກຈັບໄດ້ຫຼາຍທີ່ສຸດໃນຮອບຫຼາຍປີ ຄາດວ່າຈະມີນໍ້າໜັກປະມານ 350 ກິໂລກຣາມ ເມື່ອວັນສຸກທີ່ຜ່ານມາໃນ ປ່າ Flora River Nature Park ເຊິ່ງເປັນສະຖານທີ່ໆນັກທ່ອງທ່ຽວໄປທ່ຽວຫຼາຍທີ່ສຸດທາງພາກຕາເວັນອອກສ່ຽງໃຕ້. ແຕ່ກ່ອນ ໃນເດືອນກໍລະກົດ ປີ 2018 ທີ່ຜ່ານມາ ແຂ້ນໍ້າເຄັມຂະໜາດໃຫຍ່ 4,7 ແມັດ ຖືກຂັງຢູ່ໃນແມ່ນໍ້າແຄເທີຣິນໃກ້ກັບທະເລ. ແຂ້ນໍ້າເຄັມເປັນແຂ້ສາຍພັນທີ່ໃຫຍ່ທີ່ສຸດ ແລະ ເປັນສັດເລືອຄານທີ່ມີຊີວິດທີ່ໃຫຍ່ທີ່ສຸດໃນໂລກ ແຂ້ເພດຜູ້ ໃຫຍ່ທີ່ສຸດປະມານ 7 ແມັດ ແລະ ມີນໍ້າໜັກຫຼາຍກວ່າ 997,9 ກິໂລກຣາມ. ເວົ້າໄດ້ວ່າເປັນສັດທີ່ເປັນຕາຢ້ານທີ່ສຸດທີ່ອາໄສຢູ່ແມ່ນໍ້າທີ່ໃກ້ແຄມຝັ່ງ ແລະ ທະເລສາບ. ລັດຖະບານອົດສະຕາລີກ່າວວ່າ: ມີແຂ້ນໍ້າເຄັມຈໍານວນ 100.000 ອາໃສຢູ່ໃນປ່າເຂດພື້ນທີ່ Northern Territory ເຊິ່ງຢູ່ໃນການຄຸ້ມຄອງພາຍໃຕ້ກົດໝາຍຂອງລັດຖະບານ. ແຕ່ແຂ້ທີ່ມີບັນຫາຈະຖືກຈໍາກັດໂດຍໃຊ້ເປັນອາຫານຂອງສັດປ່າ, ໂດຍທົ່ວໄປແລ້ວເຈົ້າໜ້າທີ່ທະຫານຈະຈັບແຂ້ທີ່ມີບັນຫາຫຼາຍກວ່າ 250 ໂຕໃນແຕ່ລະປີ ເຊິ່ງຈະຖືກຍ້າຍໄປທີ່ສວນແຂ້ ຫຼືຂ້າຖິ້ມ. ໃນປີນີ້ມີການຈັບແຂ້ນໍ້າເຄັມໄດ້ທັງໝົດ 167 ໂຕທີ່ບໍລິເວນ Northern Territory ເຊິ່ງມີການວາງກັບດັກໄວ້ 80 ແຫ່ງໃນຈຸດຍຸດທະສາດຕາມຂໍ້ມູນຂອງລັດຖະບານ. https://fox8.com/news/monster-croc-captured-at-tourist-hot-spot-in-australia/

​ໃນ​ວັນ​ທີ 1ກັນຍາ​ນີ້ ນັກຮຽນ​ທົ່ວ​ເອີ​ຣົບ ກັບ​ເຂົ້າຮຽນ​ ໃນ​ໂຮງຮຽນ​ອີກ​ຄັ້ງ ຫລັງ​ຈາກການ​ແຜ່​ລະບາດ​ເຊື້ອ​ພະຍາດ ​ໂຄ​ວິດ-19 ​ເຮັດ​ໃຫ້​ຕ້ອງ​ປິດ​ໂຮງຮຽນ​ເກືອບ 6​ ເດືອນ ​​ເຖິງ​ວ່າ ຄູ​ອາຈານ ​ແລະ ​ຜູ້​ປົກຄອງ ​ຈຳນວນ​ຫລາຍ ຈະ​ຍັງ​ຄົງ​ເປັນ​ຫ່ວງ​ ການ​​ເປີດ​ຮຽນ​ອີກ​ຄັ້ງ ຈະ​ເລັ່ງການລະບາດ​ ຂອງ​ພະຍາດ ​ເນື່ອງ​ຈາກ ​ທົ່ວ​ທັງ​ທະວີບ ຍັງ​ຄົງ​ມີອັດຕາ​ການ​ຕິດ​ເຊື້ອຈະ​ເພີ່ມ​ຂຶ້ນ ​ແຕ່​ລັດຖະບານ​ ແຕ່ລະ​ປະ​ເທດ ກໍ່​ຢືນຢັນ​ວ່າ ສົມຄວນຕ້ອງ​ເປີດ​ຮຽນ​ ໂດຍ​ສະ​ເພາະ ຝຣັ່ງ ​ໄດ້​ເປີດ​ໃຫ້​ນັກຮຽນ​ ກັບ​ເຂົ້າຮຽນ​ ໃນ​ໂຮງຮຽນ ຫລັງ​ຈາກ​ ປິດ​ພາກຮຽນ​ ໃນ​ລະດູ​ຮ້ອນ ຈົນ​ເຖິງ 2​ເດືອນ ​ໂດຍ​ຄູ ​ແລະ ນັກຮຽນ ອາຍຸ​ ລະຫວ່າງ 11​ເຖິງ 18ປີ ຈະ​ຕ້ອງ​ໃສ່​ຜ້າ​ອັດ​ປາກ ​ອະນາ​ໄມ ທັງ​ໃນ​ຮົ່ມ ​ແລະ ກາງ​ແຈ້ງ. ຂະນະ​ທີ່​ ນັກຮຽນ​ ໃນ​ແບນ​ຊິກ ກໍ່​ກັບ​ເຂົ້າຮຽນ ​ເຊັ່ນ​ກັນ ສ່ວນ​ນັກຮຽນ​ໃນ​ ເຢຍລະ​ມັນ ​​ໄດ້​ເຂົ້າຮຽນ​ມາຕັ້ງ​ແຕ່ ​ເດືອນ​ກ່ອນ.ສຳລັບ ​ເກຣັກ ນັກຮຽນ ຈະ​ກັບ​ໄປ​​ໂຮງຮຽນ ...