Target Magazine
ອິນເດຍສ້າງສະຖິຕິຜູ້ຕິດເຊື້ອ Covid-19 ເພີ່ມຂຶ້ນສູງສຸດໃນໂລກພຽງມື້ດຽວ.
ວັນທີ 30 ສິງຫາ 2020 ທີ່ຜ່ານມາ ອິນເດຍມີຜູ້ຕິດເຊື້ອ Covid-19 ເພີ່ມຂຶ້ນຫຼາຍທີ່ສຸດເປັນອັນດັບ 3 ຂອງໂລກ ທີ່ມີສະຖິຕິເຖິງ 78.761 ກໍລະນີ ພາຍໃນ 24 ຊົ່ວໂມງ. ສາເຫດເນື່ອງມາຈາກ ຄະນະລັດຖະບານໄດ້ສືບຕໍ່ຍົກເລີກມາດຕະການຕ່າງໆ ເພື່ອຊຸກຍູ້ເສດຖະກິດທີ່ສູນເສຍວຽກເຮັດງານທຳຂອງຫຼາຍລ້ານຄົນ ໃນຂະນະທີ່ເຊື້ອໄວຣັດເຂົ່າແຜ່ລະບາດໃນເດືອນມີນາ. ການເພີ່ມຂຶ້ນຂອງໄວຣັດໃນເຂດຊົນນະບົດຫຼາຍແຫ່ງຍັງຄົງເປັນບັນຫາທີ່ສຳຄັນ.
ໃນວັນດຽວກັນນີ້ ການຕິດເຊື້ອທົ່ວໂລກທະລຸ 25 ລ້ານຄົນ ໂດຍມີຜູ້ເສຍຊີວິດ 843.000 ຄົນ ເຊິ່ງສະຫະລັດອາເມລິກາຍັງຄົງເປັນປະເທດທີ່ໄດ້ຮັບຜົນກະທົບຫຼາຍທີ່ສຸດໂດຍມີຜູ້ຕິດເຊື້ອ 6 ລ້ານຄົນ ຕາມການວິໄຈຂອງມະຫາວິທະຍາໄລ Johns Hopkins. ການນັບວັນດຽວກັນນີ້ມີຜູ້ຕິດເຊື້ອເພີ່ມຂຶ້ນໃນອິນເດຍທະລຸ 77.299 ກໍລະນີ ພາຍໃນ 24 ຊົ່ວໂມງ.
ທ່ານໝໍ Manoj Kumar ຊ່ຽວຊານດ້ານໂລກຫົວໃຈໄດ້ກ່າວກັບສຳນັກຂ່າວຣອຍເຕີວ່າ: “ນັບວ່າເປັນການເພີ່ມຂຶ້ນຂອງ 1 ມື້ ທີ່ໃຫຍ່ທີ່ສຸດກໍລະນີໃນທົ່ວໂລກ ແລະ ສາເຫດທີ່ຢູ່ເບື້ອງຫຼັງນັ້ນ ເນື່ອງມາຈາກການແຜ່ລະບາດຂອງໂລກລະບາດໃນເຂດຊົນນະບົດ” ໃນຊ່ວງທຳອິດການປ້ອງກັນພະຍາດ Covid-19 ຢູ່ປະເທດອິນເດຍ ແມ່ນເຮັດໄດ້ດີພໍສົມຄວນໂດຍກຳນົດໃຫ້ມີການປ້ອງກັນຢ່າງເຂັ້ມງວດ ແຕ່ຈາກນັ້ນເຊື້ອໄວຣັດດັ່ງກ່າວ ກໍໄດ້ເລີ່ມແຜ່ລະບາດໃນເມືອງໃຫຍ່ຢ່າງມຸມໄບ ແລະ ເດລີ; ກ່ອນທີ່ຈະແຜ່ລະບາດໄປຫາເມືອງນ້ອຍໆ ແລະ ເຂດຊົນນະບົດ ເຖິງວ່າຈຳນວນຜູ້ຕິດເຊື້ອຈະເພີ່ມຂຶ້ນ ແຕ່ລັດຖະບານກໍພະຍາຍາມຜ່ອນຜັນຂໍ້ຈຳກັດຕ່າງໆ ຊຶ່ງການເຕົ້າໂຮມກັນເຖິງ 100 ຄົນ ແມ່ນໄດ້ຮັບອະນຸຍາດໃນງານວັດທະນະທຳ, ບັນເທິງ ແລະກິລາ… ຕັ້ງແຕ່ເດືອນຕໍ່ໄປ ໂດຍມີການໃສ່ຜ້າປິດປາກ ແລະ ມາດຕະການທີ່ຫ່າງໄກຈາກສັງຄົມ.
ທ່ານ ດຣ Rajiv Parek ປະທານບໍລິສັດ Medanta ຂອງພະແນກວິທະຍາສາດເສັ້ນເລືອດ ແລະສາຍຕາ ກ່າວກັບຣອຍເຕີວ່າ: “ຜູ້ຄົນຄິດວ່າເມື່ອຕົວເລກເລີ່ມຫຼຸດລົງເທົ່າກັບວ່າພວກເຂົາຊະນະສົງຄາມແລ້ວ…ທຸກຄົນອອກໄປນອກ ໂດຍບໍ່ໃສ່ຜ້າປິດປາກ ແລະ ບໍ່ຮັກສາໄລຍະຫ່າງທາງສັງຄົມ ນັ້ນແມ່ນສິ່ງທີ່ພວກເຮົາບໍ່ຄວນອະນຸຍາດໃຫ້ເກີດຂຶ້ນ” ທ່ານຍັງໄດ້ກ່າວອີກວ່າ ການບໍ່ມີການລາຍງານ ແລະ ການທົດສອບທີ່ຈຳກັດ ຍັງຄົງເປັນບັນຫາທີ່ສຳຄັນ ຊຶ່ງຕົວເລກຜູ້ເສຍຊີວິດ 63.000 ຄົນ ໃນອິນເດຍທຽບເທົ່າກັບແມັກຊີໂກ ແຕ່ວ່າການຕິດເຊື້ອໃນປະເທດອາເມລິກາກາງມີພຽງແຕ່ 591.000 ຄົນ ທຽບໃສ່ອິນເດຍ 3,5 ລ້ານຄົນ ລັດຖະບານອິນເດຍປະເມີນຈຳນວນຜູ້ເສຍຊີວິດຈາກກໍລະນີທີ່ເປັນບວກ ແຕ່ບໍ່ແມ່ນກໍລະນີຕິດເຊື້ອທີ່ສົງໄສ ຈາກການທົດລອງຂອງນັກວິທະຍາສາດ Shahid Jameel ຫົວໜ້າບໍລິສັດພັນທະມິດ Wellcome Trust / DBT India ກ່າວກັບ Agence France ວ່າ: “ການທົດສອບຕໍ່ໜຶ່ງລ້ານຄົນໃນປະເທດອິນເດຍໃນ 30.000 ຄົນ ຍັງຄົງຕໍ່າທີ່ສຸດເປັນອັນດັບສອງໃນ 10 ອັນດັບທຳອິດ ຂອງປະເທດທີ່ຕິດເຊື້ອໄວຣັດ”.
ນາຍົກລັດຖະມົນຕີ Narendra Modi ໄດ້ກ່າວຄຳປາໄສວິທະຍຸປະຈຳເດືອນຂອງທ່ານ ໂດຍບໍ່ໄດ້ກ່າວເຖິງຈຸດສຳຄັນຄັ້ງສຸດທ້າຍ ແຕ່ທ່ານໄດ້ຮຽກຮ້ອງໃຫ້ພົນລະເມືອງປະຕິບັດກົດລະບຽບດັ່ງກ່າວ ແລະ ໃຫ້ມີຄວາມສາມັກຄີກັນ ເພືີ່ອພະຍາຍາມເອົາຊະນະພະຍາດໂຄໂຣນາໄວຣັດ. ທ່ານ ກ່າວຕື່ມວ່າ: “ມັນເປັນສິ່ງສຳຄັນທີ່ພົນລະເມືອງທຸກຄົນຈະຕ້ອງມີສຸຂະພາບທີ່ແຂງແຮງ ແລະມີຄວາມສຸກ ແລະ ເອົາຊະນະໂຄໂຣນາໄວຣັດໄດ້ຢ່າງສົມບູນ” ໂຄໂຮນາ ເຮົາສາມາດເອົາຊະນະໄດ້ພຽງແຕ່ທ່ານຍັງປອດໄພ, ປະຕິບັດດ້ວຍຄວາມຕັ້ງໃຈໃນການຮັກສາໄລຍະຫ່າງ 2 ແມັດ ແລະ ໃສ່ຜ້າອັດປາກ “.
