ຕາມ​ແຫ​ລ່ງຂ່າວ​ຈາກ ສະຫະປະຊາ​ຊາດ ໃນວັນ​ທີ 4 ສິງຫາ​ນີ້ ທ່ານ ອັນ​ໂຕ​ນີ​ໂອ ກູ​ແຕ​ເຣສ, ​ເລຂາທິການສະຫະ​ປະຊາ​ຊາດ(ສປຊກ່າວ​ເຕືອນ​ວ່າ: ​ໂລກ ພວມຮັບມືກັບ​ໄພພິບັດ​ ດ້ານ​ການ​ສຶກສາຈາກ​ການ​ປິດ​ໂຮງຮຽນ​ ໃນ​ໄລຍະ​ Covid-19 ​ແຜ່​ລະບາດ ​ແລະ ການ​ໃຫ້​ນັກຮຽນ ​ໄດ້​ກັບ​ຄືນ​ສູ່​ ຫ້ອງ​ຮຽນ ​ຢ່າງ​ປອດ​ໄພ ຄື​ສິ່ງ​ທີ່​ສຳຄັນ​ອັນ​ດັບ​ແຖວ​ໜ້າ. ຈົນ​ເຖິງ​​ ກາງເດືອນ​ກໍລະກົດ ມີ​ໂຮງຮຽນ ​ຕ້ອງ​ປິດ​ແລ້ວຈຳນວນ 160 ກວ່າ​ປະ​ເທດ ສົ່ງ​ຜົນ​ກະທົບຕໍ່​ນັກຮຽນ​ຫລາຍ​ກວ່າ 1.000 ລ້ານ​ຄົນ ໃນຂະນະ​ທີ່ ​ເດັກນ້ອຍບໍ່ຕໍ່າກ່ວາ 40 ລ້ານ​ຄົນ​ ຍັງບໍ່​ໄດ້​ເຂົ້າຮຽນ ​ໃນ​ຊັ້ນກ່ອນ​ໄວ​ຮຽນ. ຕົວ​ເລກ​ດັ່ງກ່າວ​ ບໍ່​ໄດ້​ລວມ​ເດັກ​ອີກ 250 ລ້ານ​ກວ່າ​ຄົນ ທີ່​ບໍ່​ໄດ້​ຮຽນຢູ່ກ່ອນ​ແລ້ວ ຕັ້ງ​ແຕ່​ກ່ອນ ຈະ​ເກີດ​ການລະບາດ ​Covid-19 ​ແລະ ມີ​ນັກຮຽນລະດັບ​ມັດທະຍົມ​ໃນ​ປະ​ເທດ​ ພວມ​ພັດທະນາ​ພຽງ 1/4 ​ເທົ່າ​ນັ້ນ ທີ່​ໄດ້​ຮຽນ​ຈົບມີທັກ​ສະພື້ນຖານ ກ່ອນ​ອອກ​ຈາກ​ໂຮງຮຽນ. ທ່ານ ​ເລຂາທິການ ສປຊ ກ່າວ​ຕື່ມ​ວ່າ: ​ໂລກ​ພວມ​ພົບ​ກັບ​ໄພພິບັດ​ໃຫຍ່ ​ທີ່​ອາດ​ທຳລາຍ​ຂີດ​ຄວາມ​ສາມາດ ​ຂອງ​ມະນຸດ ​ເປັນ​ບ່ອນ​ທຳລາຍ​ຄວາມ​ກ້າວໜ້າ​ໄປ​ຫລາຍ​ສິບ​ປີ ​ແລະ ...

ອົງການອຸຍນິເຊັບ ມີຄວາມກັງວົນກ່ຽວກັບເຂດຊົນນະບົດ ແລະ ເຂດຫ່າງໄກສອກຫຼີກ ທີ່ມີເດັກນ້ອຍຫຼາຍຄົນເປັນພະຍາດຖອກທ້ອງຊໍາເຮື້ອ, ເຊິ່ງເປັນສາເຫດທີ່ພາໃຫ້ເດັກນ້ອຍລາວເຕ້ຍ. ທ່ານ ນາງ ບີອາເຕ ດັດສະເຕລ ຮັກສາການຜູ້ຕາງໜ້າອົງການອຸຍນີເຊັບ ປະຈຳ ສປປ ລາວ ໄດ້ເຂົ້າໃນພິທີປະກາດ ແຂວງ ບໍລິຄຳໄຊ, ເປັນແຂວງຢຸດຕິການຖ່າຍຊະຊາຍ ທີ່ໄດ້ຈັດຂື້ນເມື່ອບໍ່ດົນມານີ້ວ່າ:​ ການສິ້ນສຸດການຖ່າຍຊະຊາຍ ແມ່ນບາດກ້າວທຳອິດ ຂອງການກ້າວໄປສູ່ການມີສຸຂະອະນາໄມຮອບດ້ານ ແລະ ອົງການອຸຍນີເຊັບ ມີຄວາມພາກພູມໃຈທີ່ໄດ້ເປັນສ່ວນໜຶ່ງຂອງພາລະກິດນີ້, ໂດຍມີຊຸມຊົນເປັນເຈົ້າການ ແລະ ອຳນາດການປົກຄອງແຂວງບໍລິຄຳໄຊ ໃຫ້ການສະນັບສະໜູນ. ຫຼັງຈາກທີ່ມີການປະກາດ ທີ່ມີຄວາມໝາຍໃນຄັ້ງນີ້, ພວກເຮົາຈະຕ້ອງສືບຈັດຕັ້ງການປະຕິບັດວຽກສຸຂະອະນາໄມ ແລະ ຮັກສາສະຖານະພາບຢຸດຕິການຖ່າຍຊະຊາຍນີ້, ເຊິ່ງຈະຊ່ວຍໃຫ້ແຂວງບັນລຸເປົ້າໝາຍສຸຂະອະນາໄມຮອບດ້ານ ໂດຍທຸກຄອບຄົວມີ ແລະ ນຳໃຊ້ວິດຖ່າຍຂອງຕົນເອງ, ເຖິງຢ່າງໃດກໍຕາມ, ປັດຈຸບັນຍັງມີຫຼາຍແຫຼ່ງຂອງ ສ ປປ ລາວ ທີ່ມີບັນຫາເລື່ອງສຸຂາອະນາໄມ ເຊິ່ງຜົນສຳຫຼວດດັດຊະນີໝາຍສັງຄົມ-II ຊີ້ໃຫ້ເຫັນວ່າ 1,5 ລ້ານຄົນ ໃນ ສປປ ລາວ ຍັງຖ່າຍຊະຊາຍ. ທ່ານ ນາງ ບີອາເຕ ໄດ້ກ່າວຕື່ມອີກວ່າ: ນອກນັ້ນ ອົງການອຸຍນີເຊັບ ຍັງຫ່ວງກ່ຽວກັບເດັກນ້ອຍ ທີ່ເປັນພະຍາດຖອກທ້ອງຊຳເຮື້ອ ...

ສາຍການບິນ Delta ໄດ້ເຊີນຜູ້ໂດຍສານລົງຈາກຍົນ ເພາະບໍ່ຍອມສວມໃຊ້ໜ້າກາກ ແລະ ຖືກຫ້າມເດີນທາງກັບສາຍການບິນໃນອານາເຂດ. ຂ່າວຕ່າງປະເທດລາຍງານເມື່ອວັນທີ 2 ສິງຫາ 2020 ວ່າ ສາຍການບິນ Delta ສາຍການບິນໃນສະຫະລັດອາເມລິກາອອກມາຖະແຫລ່ງຂ່າວປະເດັນທີ່ເກີດຂຶ້ນກັບທ່ຽວບິນ 1227 ເດີນທາງຈາກເມືອງ ດີທອຍ ໄປຍັງ ເມືອງ ແອດແລນຕາ ໃນສະຫະລັດ ເມື່ອວັນທີ 23 ກໍລະກົດ ທີ່ຜ່ານມາ ໂດຍໄດ້ລະບຸວ່າ: ທ່ຽວບິນດັ່ງກ່າວຂຶ້ນບິນຊ້າເລັກນ້ອຍ ເນື່ອງຈາກພົບຜູ້ໂດຍສານ 2 ຄົນບໍ່ສວມໃສ່ໜ້າກາກ ເຊິ່ງເປັນການບໍ່ປະຕິບັດຕາມຂໍ້ກຳນົດຂອງລູກເຮືອ ຈື່ງຕັດສິນໃຈນຳເຮືອບິນກັບເພື່ອເຊີນຜູ້ໂດຍສານທັງ 2 ຄົນລົງຈາກເຮືອບິນ. ທີ່​ມາ : BuzzFeed News

ເຕັກໂນໂລຊີ ເປັນອີກສິ່ງໜຶ່ງທີ່ວິວັດທະນາການຢ່າງໄວວາ ເຊິ່ງພວກເຮົາປະຕິເສດບໍ່ໄດ້ເລີຍວ່າ ການຮູ້ທັນເຕັກໂນໂລຊີນັ້ນ ມັນສ້າງຜົນປະໂຫຍດຢ່າງມະຫາສານແກ່ຜູ້ທີ່ສາມາດນໍາມາປະຍຸກໃຊ້ໄດ້ດີຂະໜາດໃດ!! ໂດຍສະເພາເພາະໃນພາວະວິກິດຮ້າຍແຮງ ຂອງການແຜ່ລະບາດຂອງເຊື້ອຈຸນລະໂລກປອດອັກເສບ ສາຍພັນໃໝ່ ໂຄວິດ-19 ທີ່ເຮັດໃຫ້ປະຊາຊົນຕ້ອງເວັ້ນໄລຍະຫ່າງທາງສັງຄົມ ແລະ ກັກໂຕເອງຢູ່ພາຍໃນບ່ອນພັກອາໄສ ທຸລະກິດທີ່ມີຄວາມການເພີ່ມຂຶ້ນແບບກ້າວກະໂດດ ຈຶ່ງແມ່ນການຄ້າເທິງມືຖື ສະນັ້ນ ບົດຄວາມໃນເດືອນນີ້ ວາລະສານ ທາເກັດ ຈະພາບັນດາທ່ານໄປຮູ້ຈັກກັບ “M-Commerce” (Mobile Commerce) ຫຼື ການຄ້າເທິງມືຖື ເຊິ່ງວ່າຈະເປັນແນວໃດນັ້ນເຮົາລອງມາເບິ່ງນໍາກັນເລີຍ…       ສໍາລັບທຸລະກິດການຄ້າຜ່ານທາງໂທລະສັບມືຖື (Smart Phone) ແມ່ນເລີ່ມເຂົ້າມາຢູ່ໃນການດໍາລົງຊີວິດຂອງພວກເຮົາໄດ້ຫຼາຍປີແລ້ວ ແລະ ຜູ້ຄົນກໍລື້ງເຄີຍກັບການຊື້ເຄື່ອງດ້ວຍມືຖື ຜ່ານທາງ Application ທີ່ໃຫ້ບໍລິການ ຫຼື Website ສໍາລັບມືຖື ພ້ອມທັງສາມາດຊໍາລະເງິນຜ່ານທາງມືຖືຢ່າງສະດວກສະບາຍ ພຽງແຕ່ໃຊ້ນິ້ວກົດເພື່ອສັ່ງຊື້ ກໍຈະມີຄົນມາສົ່ງຮອດເຮືອນແລ້ວ… ແຕ່ທ່ານຮູ້ຫຼືບໍ່ວ່າ ພຶດຕິກໍາທໍາມະດາ ແລະ ສະດວກສະບາຍທີ່ທ່ານໄດ້ຮັບໃນມື້ນີ້ ຄືຕົວຊີ້ບອກວ່າ: “ໂລກໜ່ວຍນີ້ໄດ້ປ່ຽນໄປຕະຫຼອດການຍ້ອນເຕັກໂນໂລຊີ” ຕົວຢ່າງ: Application ສັ່ງເຄື່ອງ Online ເຊັ່ນ: Shopee, Lazada, shopdee Taobao Lao, Ebuy Lao ນອກຈາກນັ້ນຍັງມີ ...

ໂຕໂຢຕ້າ ໄດ້ຈັດງານເປີດຕົວລົດກະບະອະເນກປະສົງ ໄຮລັກສ ຣີໂວ້ (Hilux Revo) ລຸ້ນໃໝ່ລ່າສຸດ ໃນວັນທີ 31 ກໍລະກົດ 2020 ທີ່ຜ່ານມາ ທີ່ຫ້ອງຂາຍ ໂຕໂຢຕ້າ ສາຂາທົ່ງຂັນຄຳ ໂດຍເປັນການຈັດງານ ເປີດຕົວລົດຮູບແບບໃໝ່ ຜ່ານທາງສື່ສັງຄົມອອນລາຍ. ທ່ານ ມາຊາອາກິ ຄາວາບາຕະ, ອຳນວຍການຂອງ ບໍລິສັດ ໂຕໂຢຕ້າ ລາວ ຈຳກັດ. ກ່າວວ່າ “ກ່ອນອື່ນໝົດ, ຕາງໜ້າໃຫ້ບໍລິສັດ ໂຕໂຢຕ້າລາວ, ຂ້າພະເຈົ້າຂໍສະແດງຄວາມຍ້ອງຍໍຊົມເຊີຍຕໍ່ທຸກໆພາກສ່ວນທີ່ກ່ຽວຂ້ອງໂດຍສະເພາະແມ່ນລັດຖະບານລາວທີ່ມີການນຳພາຢ່າງເດັດດ່ຽວ, ພະນັກງານແພດທີ່ເຮັດວຽກ ໃນການປິ່ນປົວ,ບັນດາສື່ມວນຊົນສຳລັບ ວຽກງານການເຜີຍແຜ່ຂໍ້ມູນທີ່ເປັນປະໂຫຍດ ແລະ ຖືກຕ້ອງ ແລະ ຄົນລາວໝົດທຸກຄົນທີ່ຮ່ວມກັນປະກອບສ່ວນ ເຂົ້າໃນການປ້ອງກັນ ແລະ ຄວບຄຸມການແຜ່ລະບາດ ຂອງເຊື້ອພະຍາດ ໂຄວິດ-19 ໄດ້ຢ່າງວ່ອງໄວ ແລະ ມີປະສິດທິພາບ. ເຖິງຢ່າງໃດກໍ່ຕາມ, ເມື່ອຄຳນຶງ ເຖິງສະພາບການໃນປັດຈຸບັນ, ພວກເຮົາກໍຍັງຈຳເປັນທີ່ຈະຕ້ອງຮັກສາ ຄວາມລະມັດລະວັງຢ່າງຮອບຄອບ ເພື່ອຫຼີກລ່ຽງ ບໍ່ໃຫ້ມີການແຜ່ລະບາດເກີດຂຶ້ນໃໝ່ອີກ. ດ້ວຍເຫດນີ້, ບໍລິສັດ ໂຕໂຢຕ້າ ລາວ ຈຶ່ງຕັດສິນໃຈຈັດງານ ເປີດຕົວລົດ ໂຕໂຢຕ້າ ...

ໃນສະຖານະການແບບນີ້ການຈະຢິບຈັບ ຫຼື ສໍາຜັດຫຍັງກໍຕ້ອງລະມັດລະວັງເປັນພິເສດດັ່ງນັ້ນເພື່ອແກ້ໂຈດນີ້ທາງຮ້ານເຄື່ອງສໍາອາງຂອງເກົາລີໃຕ້ແຫ່ງໜຶ່ງໃນກຸງໂຊຢ່າງຮ້ານ Amorepacific ຈຶງເກີດໄອເດຍນໍາເທດໂນໂລຍີ AR (Augmented reality) ມາຕິດຕັ້ງໃນແວ່ນໃຫ້ລູກຄ້າໄດ້ລອງສິນຄ້າແບບບໍ່ຈໍາເປັນຕ້ອງນໍາມາສໍາຜັດກັບໃບໜ້າຂອງຕົນເອງ. ແວ່ນ AR ນີ້ຈະຊ່ວຍໃຫ້ເລືອກເຄື່ອງສໍາອາງໄດ້ຈາກຈໍແວ່ນໂດຍຈະຖ່າຍໃບໜ້າຂອງລູກຄ້າ ແລະ ວິເຄາະແນະນໍາສິນຄ້າທີ່ມີພື້ນຖານມາຈາກຜິວ ແລະ ລະບຸຕໍາແໜ່ງຂອງຮອຍຕ່າງໆທັງຮອຍສິວ, ຮອບຫ່ຽວ ຫຼື ຮອບຄໍ້າ ຈາກນັ້ນຈະສະແດງພາບຈໍາລອງຕົວຈິງໃຫ້ລູກຄ້າສາມາດເຫັນພາບໄດ້ວ່າເມື່ອລູກຄ້າໃຊ້ສິນຄ້າທີ່ເລືອກແລະຈະເປັນແນວໃດ ເໝາະກັບລູກຄ້າ ຫຼື ບໍ່ ແມ້ລູກຄ້າໃສໜ້າກາກໄວ້ກໍຕາມ. GLENDALE, CA – SEPTEMBER 28: A view of the atmosphere at ‘Riley Rose celebrates store opening at Glendale Galleria with Jordyn Woods’ on September 28, 2017 in Glendale, California. (Photo by Emma McIntyre/Getty Images for Riley ...

ສະມາຄົມ ຜູ້ປະກອບການ LAOSME ເປີດກອງປະຊຸມໃຫຍ່ ຄັ້ງທີ I ພ້ອມຄັດເລືອກຄະນະບໍລິຫານງານຂອງສະມາຄົມ ໃນວັນທີ 1 ເດືອນ ສິງຫາ 2020. ສະມາຄົມສົ່ງເສີມຜູ້ປະກອບການ ວິສາຫະກິດ ຂະໜາດນ້ອຍ ແລະ ກາງຂອງລາວ ໄດ້ຈັດກອງປະຊຸມໃຫຍ່ຄັ້ງທີ I ຂື້ນ ທີ່ຫ້ອງປະຊຸມໃຫຍ່ສະພາການຄ້າ ແລະ ອຸດສາຫະກຳແຫ່ງຊາດລາວ. ເຊິ່ງມີຜູ້ເຂົ້າຮ່ວມທັງໝົດ 57 ທ່ານ ຍິງ 17 ທ່ານ, ເປັນກຽດເຂົ້າຮ່ວມໃນງານມີທ່ານ ບຸນເຖິງ ດວງສະຫວັນ ຫົວໜ້າກົມສົ່ງເສີມວິສາຫະກິດຂະໜາດນ້ອຍ ແລະ ກາງ, ກະຊວງ ອຸດສາຫະກຳ ແລະ ການຄ້າ, ທ່ານ ວາລະໄຊ ເລັ່ງສະຫວັດ, ຫົວໜ້າກົມ ການຄ້າພາຍໃນ, ກະຊວງ ອຸດສາຫະກຳ ແລະ ການຄ້າ, ທ່ານ ແສງອາລຸນ ຍົດລືໄຊ, ຮອງຫົວໜ້າກົມ ພັດທະນາ ແລະ ບໍລິຫານລັດ, ກະຊວງພາຍໃນ, ທ່ານ ນາງ ຈັນທະຈອນ ວົງໄຊ, ...

Lord & Taylor ເຊິ່ງເປັນຫ້າງສັບພະສິນຄ້າທີ່ເກົ່າແກ່ທີ່ສຸດຂອງສະຫະລັດໄດ້ເຂົ້າຮ່ວມກັບຜູ້ຄ້າຍ່ອຍ ໃນການລົ້ມລະລາຍໃນໄລຍະການລະບາດຂອງພະຍາດ Covid-19, Lord & Taylor ຖືກຊື້ກິດຈະການໂດຍການເລີ່ມຕົ້ນເຊົ່າເສື້ອຜ້າອອນລາຍຊື່ Le Tore. Lord & Taylor ພະຍາຍາມທີ່ຈະຄົ້ນຄືນກ່ຽວຂ້ອງກັບລູກຄ້າເກົ່າ ຜູ້ທີ່ອຸດໜູນສິນຄ້າມາດົນຫຼາຍປີ, ປີຜ່ານມາ Le Tote ເຊິ່ງຕັ້ງຢູ່ໃນຊານຟານຊິສໂກ້ ຈາກນັ່ັ້ນ ຊື້ບໍລິສັດໃນແຄນນາດາເປັນມູນຄ່າ $100 ລ້ານໂດລາສະຫະລັດ ເຊິ່ງຊື້ຈາກສະຖານທີ່ 38 ແຫ່ງ ແລະ ຫວັງວ່າຈະສົ່ງເສີມຫ້າງສັບພະສິນຄ້າທີ່ມີຊື່ສຽງ. ແຕ່ການລະບາດຂອງ Covid-19 ທີ່ຮ້າຍແຮງ ໄດ້ເຮັດໃຫ້ມີຜົນກະທົບໜັກຕໍ່ນັກລົງທຶນ ລວມທັງຜູ້ຄ້າຍ່ອຍ brick-and-mortar, ໂດຍສະເພາະຮ້ານເຄື່ອງແຕ່ງກາຍ ໃນຂະນະທີ່ຜູ້ຄົນໃຊ້ເວລາຫຼາຍເດືອນເກັບໂຕຢູ່ເຮືອນ, ການຂາຍເສື້ອຜ້າກໍໄດ້ປິດໂຕລົງ.ບໍລິສັດ ລວມເຖິງຜູ້ປົກຄອງຂອງ Ann Taylor and Loft, J. Crew, Neiman Marcus, J.C. Penney, Brooks Brothers and New York & Co. ຢູ່ໃນໝວດບໍລິສັດທີ່ຫັນໄປດໍາເນີນຢືນຄະດີລົ້ມລະລາຍ, ຕອນນີ້ Lord ...

ກົມອຸດສາຫະກໍາ ແລະ ຫັດຖະກໍາ ກະຊວງອຸດສາຫະກຳ ແລະ ການຄ້າ ໄດ້ອອກບົດແນະນໍາ ກ່ຽວກັບການດໍາເນີນກິດຈະການໂຮງງານປຸງແຕ່ງ ສິ່ງເສດເຫລືອຢາງພລາສະຕິກ, ເລກທີ 0682/ອຄ.ກອຫ, ລົງວັນທີ 17 ກໍລະກົດ 2020. ເພື່ອຮັບປະກັນໃຫ້ການຄຸ້ມຄອງ ການດໍາເນີນກິດ ຈະການໂຮງງານປຸງແຕ່ງສິ່ງເສດເຫລືອຢາງພລາສະຕິກ ໃຫ້ໄດ້ຕາມເງື່ອນໄຂ ແລະ ມາດຕະຖານເຕັກນິກໂຮງງານ ໂດຍສອດຄ່ອງກັບກົດໝາຍ ແລະ ລະບຽບການທີ່ກ່ຽວຂ້ອງ. ແນ່ໃສ່ຫລຸດຜ່ອນຜົນກະທົບຕໍ່ສຸຂະພາບຂອງຜູ້ອອກແຮງງານຢູ່ໃນໂຮງງານ ແລະ ຫລຸດຜ່ອນຜົນກະທົບຕໍ່ສິ່ງແວດລ້ອມ. ພ້ອມກັນນີ້, ເພື່ອເປັນການປະກອບສ່ວນແກ່ການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ ຕາມທິດສີຂຽວ ແລະ ຍືນຍົງ. ການຂໍອະນຸຍາດນໍາເຂົ້າສິ່ງເສດເຫລືອຢາງພລາສະຕິກ ແມ່ນໃຫ້ຍື່ນໜັງສືສະເໜີ ຂໍນໍາເຂົ້າເປັນແຕ່ລະກໍລະນີ ເຖິງກົມອຸດສາຫະກໍາ ແລະ ຫັດຖະກໍາ, ກະຊວງອຸດສາຫະກໍາ ແລະ ການຄ້າ ລາຍລະອຽດຄວນປະກອບເອກະສານ ດັ່ງນີ້: ແຜນການເຄື່ອນໄຫວປະຈໍາປີ, ໃບສັ່ງຊື້ສິນຄ້າ, ໃບສະ ເໜີລາຄາ, ໃບຢັ້ງຢືນຄວາມສະອາດຂອງສິ່ງເສດເຫລືອຢາງປລາສະຕິກ ຈາກເຈົ້າໜ້າທີ່ພາກລັດ ຫລື ອົງກອນໃດໜຶ່ງທີ່ກ່ຽວຂ້ອງຂອງປະເທດຕົ້ນທາງ, ຮູບຖ່າຍສິ່ງເສດເຫລືອຢາງປລາສະຕິກທີ່ຈະນໍາເຂົ້າ, ໃບມອບສິດຜູ້ມາພົວພັນເອກະສານ, ສໍາເນົາທະບຽນວິສາຫະກິດ, ສໍາເນົາໃບຢັ້ງຢືນດ້ານສິ່ງແວດລ້ອມໂຮງງານ, ສໍາເນົາໃບຢັ້ງຢືນດໍາເນີນກິດຈະການໂຮງງານ ແລະ ສໍາເນົາໃບມອບພັນທະພາສີ, ອາ ...

ຍານອາວະກາດ SpaceX Dragon ທີ່ບັນທຸກນັກອາວະກາດ Doug Hurley ແລະ Bob Behnken ໄດ້ກັບຄືນລົງມາໃນເຂດອ່າວແມັກຊິໂກ ທາງທິດໃຕ້ຂອງ Pensacola ເທິງຊາຍຝັ່ງທະເລ Florida. ປະທານາທິບໍດີ Donald Trump ຜູ້ທີ່ເຂົ້າຮ່ວມການເປີດຕົວ ຍານອາວະກາດແຄບຊູນດັ່ງກ່າວ ໃນສອງເດືອນທີ່ຜ່ານມາ, ໄດ້ກ່າວຊົມເຊີຍການກັບມາທີ່ປອດໄພ. ທ່ານໄດ້ກ່າວວ່າ: "ມັນດີທີ່ສຸດທີ່ນັກອາວະກາດຂອງອົງການ NASA ກັບຄືນສູ່ໂລກ ຫຼັງຈາກທີ່ປະສົບຜົນສຳເລັດໃນພາລະກິດເປັນເວລາສອງເດືອນ." ພ້ອມກັນນັ້ນ, ຄາດວ່າຄວາມຕ້ອງການດ້ານການຂົນສົ່ງມະນຸດທັງໝົດ ທີ່ຢູ່ໜ້າແຜ່ນດິນໂລກໄປສູ່ດາວຕ່າງໆໃນອະນາຄົດ ຈະຖືກຈ້າງຈາກບໍລິສັດເອກະຊົນເຊັ່ນ SpaceX​. ອົງການຂອງລັດຖະບານກ່າວວ່າ ການເຮັດສັນຍາກັບຜູ້ໃຫ້ບໍລິການດ້ວຍວິທີນີ້ຈະຊ່ວຍປະຢັດເງິນໄດ້ຫລາຍພັນລ້ານໂດລາສະຫະລັດ ເຊິ່ງສາມາດຫັນໄປສູ່ ການນຳນັກບິນອາວະກາດບິນໄປທີ່ດວງຈັນ ແລະ ດາວອັງຄານ, ເຊິ່ງເປັນສ່ວນໜຶ່ງຂອງໂປແກຣມ Artemis. ຍານອາວະກາດ Dragon ໄດ້ຍິງສົ່ງສູ່ສະຖານີອາວະກາດ ໃນທ້າຍເດືອນພຶດສະພາ ຜ່ານມາ ໂດຍຈະຫຼວດ Falcon 9, ເຊິ່ງຖືກສະໜອງ ໂດຍ SpaceX ພ້ອມກັນນັ້ນ ຍັງຈະໄດ້ຮັບການປັບປຸງໃຫ້ບິນອີກຄັ້ງໃນປີໜ້າ. ພາລະກິດຂອງ Hurley ແລະ Behnken ຄືໄດ້ຮັບໃຊ້ ໂດຍການສາທິດການສິ້ນສຸດຂອງຍານບໍລິການ ຂອງບໍລິສັດ, ເຊິ່ງເປັນເຈົ້າຂອງໂດຍຜູ້ປະກອບການເຕັກໂນໂລຊີ ...