News

ຕາມ​ຂ່າວ​ຈາກ​ຈີນ (SouthChinaMorningPost), ຈີນ ຕັ້ງ​ເປົ້າໝາຍ ​ໃຫ້​ປະຊາຊົນ ຢ່າງ​ໜ້ອຍ 50 ລ້ານ ​ຄົນ ​ໄດ້​ຮັບ​ ຢາ​ປ້ອງ​ກັນ​ ໂຄ​ວິດ-19 ກ່ອນ​ເຖິງ​ວັນພັກຍາວ ​ໃນ​ປີ​ໃໝ່​ຈີນ ທີ່​ພວມ​ມາ​ເຖິງ ​ໃນ​ໄລຍະ​ ຕົ້ນ​ເດືອນ​ກຸມພາ​ນີ້ ​ໂດຍ​ຊີ​ໂນ​ຟາ​ມ ຖື​ເປັນ ​ບໍລິສັດ​ທຳ​ອິດ ທີ່​ສາມາດ ​ນຳໃຊ້​ວັກ​ຊິນ ຜ່ານ​ການ ​ອະນຸມັດ ຈາກ​ໜ່ວຍ​ງານ ດ້ານ​ການ ກວດ​ສອບ​ຢາ​ຂອງ​ ລັດຖະບານ​ຈີນ ​ໃຫ້​ສາມາດ ​ໃຊ້​ງານ​ໄດ້ ​ເຊິ່ງ​ເປົ້າໝາຍ​ຫລັກ ​ຂອງ​ຈີນ ຄື​ການ​ສັກ​ວັກ​ຊິນ ​ໃຫ້​ກັບ ​ຜູ້​ມີ​ອາຍຸ ​ລະຫວ່າງ 19-59ປີ​ກ່ອນ ​ແລະ ວັກ​ຊິນ ​ທຸກ​ຫລອດ ມີ​ລະຫັດ ທີ່​ຈະ​ບັນ ທຶກ​ ໝາຍ​ເລກ​ ບັດປະຈຳຕົວ​ ປະຊາຊົນ ຂອງ​ຜູ້​ທີ່​ ເຂົ້າຮັບ ​ວັກ​ຊິນ ​ເພື່ອ​ໃຫ້​ງ່າຍ​ ຕໍ່​ການ​ຕິດຕາມ ​ແລະ ກວດກາ ຫາກ​ເກີດ​ບັນຫາ ຕາມ​ຫລັງ. ຂອບໃຈແຫຼ່ງຂ່າວ: ຂປລ

ໃນວັນທີ 5 ມັງກອນ 2021 ນາຍົກລັດຖະມົນຕີຂອງອັງກິດ ໄດ້ປະກາດລ໊ອກດາວປະເທດອັງກິດອີກຄັ້ງໃໝ່ ໂດຍໃຊ້ມາດຕະການປິດເມືອງທົ່ວປະເທດ ເພື່ອສະກັດການລະບາດຂອງພະຍາດໂຄວິດ-19​, ພາຍຫຼັງໃນຮອບ 7 ວັນຜ່ານມາ ພົບຜູ້ຕິດເຊື້ອລາຍໃໝ່ສະເລ່ຍຫຼາຍກວ່າ 55.000 ຄົນຕໍ່ວັນ ແລະ ຕັ້ງແຕ່ຫຼັງເທດສະການຄຣິດມາສ ໂຮງໝໍທົ່ວອັງກິດມີຄົນເຈັບເຂົ້າຮັບການຮັກສາເພີ່ມຂຶ້ນ 50% ໂດຍປະມານ 30% ຂອງຕຽງຄົນເຈັບທັງໝົດທີ່ມີໃນລະບົບສາທາລະນະສຸກ ປັດຈຸບັນຕ້ອງໃຊ້ເພື່ອຮອງຮັບຄົນເຈັບໂຄວິດ-19.ໄລຍະ 2-3​ ວັນຜ່ານມາ ລົດສຸກເສີນຕໍ່ລໍຄີວຍາວເພາະຕຽງບໍ່ວ່າງ ໂດຍໄດ້ເປີດສູນຮອງຮັບຄົນເຈັບເພີ່ມ ແລະ ປະກາດລ໊ອກດາວ ໃຫ້ປະຊາຊົນຢູ່ແຕ່ໃນບ້ານ ແລະ ອອກໄດ້ສະເພາະເຫດຈຳເປັນ ຫຼື ສຸກເສີນ. ແຫຼ່ງຂ່າວ: Lao Youth Radio FM 90.0 Mhz

ກຸ່ມ​ປະ​ເທດ ​ຜູ້​ສົ່ງ​ອອກ ​ນ້ຳມັນ(​ໂອ​ເປັກ)ຄາດ​ການ​ວ່າ ການ​ເໜັງ​ຕີງ ລາຄາ​ນ້ຳມັນ ​ໃນ​ຕະຫລາດ​ໂລກ ​ມີ​ຄວາມ​ສ່ຽງ ​ທີ່​ຜະ​ເຊີນ​ ສະພາວະ​ ຫລຸດ​ລົງ ​ໃນ​ໄລຍະ 6​ເດືອນ ​ປີນີ້ ​ໂດຍ​ຄາດ​ການ​ ດັ່ງກ່າວ​ ມີ​ຂຶ້ນ​ກ່ອນ ທີ່​ກຸ່ມ​ໂອ​ເປັກ ​ແລະ ຊາດ​ພັນທະ​ມິດ ຫລື OPEC Plus​ ​ເຊິ່ງລວມທັງ ຣັດ​ເຊຍ ​ໄດ້​ປຶກສາ ​ຫາລື​ກັນ ​ໃນ​ວັນ​ທີ 4​ ມັງກອນຜ່ານມາ ກ່ຽວກັບ ລະດັບ​ ການ​ຜະລິດ​ ນ້ຳມັນ ​ໃນ​ເດືອນ​ກຸມພາ​ນີ້. ຂະນະ​ທີ່ ​ໂອ​ເປັກ ຄາດ​ວ່າ ຄວາມ​ຕ້ອງການ ນ້ຳມັນ ​ທົ່ວ​ໂລກ ຈະ​ໄດ້​ຮັບ ​ແຮງ​ໜູນ ​ຈາກ​ກຸ່ມ​ປະ​ເທດ ພວມ​ພັດທະນາ ​ໂດຍ​ຄາດ​ວ່າ ຈະ​ເພີ່ມ​ຂຶ້ນ 95,9 ລ້ານ​ຖັງ ​ຕໍ່​ວັນ ​ໃນ​ປີ​ນີ້ ​ເພີ່ມ​ຂຶ້ນ 5,9 ລ້ານ​ຖັງ ​ຕໍ່​ວັນ​ ເມື່ອທຽບໃສ່​ປີ​ກາຍ​ນີ້. ສ່ວນ​ເສດຖະກິດ​ໂລກ ຈະ​ຂະຫຍາຍຕົວ ​ປະມານ 4,4% ແຫຼ່ງຂ່າວ: ...

ຕາມ​ຂ່າວ​ຈາກ​ຈີນ, ​ເມື່ອ​ບໍ່​ດົນ​ມາ​ນີ້,ຈີນ ສ້າງ​ເຂື່ອນ​ໄຟຟ້າ ​ນ້ຳຕົກ ສາມ​ຮ່ອມ​ພູ ​ຂອງ​ຈີນ ທີ່​ມີ​ຂະໜາດ ​ໃຫຍ່​ທີ່​ສຸດ ​ໃນ​ໂລກ ​ໂດຍ​ມີ ​ກຳລັງ​ ການ​ຜະລິດ ​ໄຟຟ້າ ​ສະອາດ111 ຕື້ 8 ຮ້ອຍ​ລ້ານ​ ກິ​ໂລ​ວັດ​ໂມງ ໃນ​ປີ 2020ໄດ້​ລື່ນກາຍ ​ສະ​ຖິ​ຕິ​ໂລກ ​ດ້ານ​ການ​ຜະ​ລິດ​ ພະ​ລັງ​ງານ​ ໄຟ​ຟ້າຕໍ່​ປີ ​ຂອງ​ເຂື່ອນ​ໄຟ​ຟ້າ​ ນ້ຳ​ຕົກ​ ແຫ່ງ​ດຽວ ທີ່​ມີ 103 ຕື້ 98 ລ້ານ ກິ​ໂລ​ວັດ​​ໂມງ ​ທີ່​​ສ້າງ ​ແລະ​ ຮັກ​ສາ ​ໂດຍ​ເຂື່ອນ ​ໄຟ​ຟ້າ​ ນ້ຳ​ຕົກ ​ອີ​ໄຕ​ພູ​ ທີ່​ທະ​ວີບ​ ອາ​ເມ​ຣິ​ກາ​ໃຕ້ ​ໃນປີ 2016.ສຳລັບ ເຂື່ອນ​ໄຟ​ຟ້າ ​ນ້ຳ​ຕົກ ສາມ​ຮອມ​ພູ ​ຂອງ​ຈີນ ໄດ້​ຕິດຕັ້ງ​​ ເຄື່ອງ​ຜະ​ລິດ​ ໄຟ​ຟ້າ​ 34 ເຄື່ອງ ໂດຍ​ມີ​ຍອດ​ ຄວາມ​ສາ​ມາດ​ ການ​ຜະ​ລິດ 22 ລ້ານ 5 ແສນ​ກິ​ໂລ​ວັດ​.ຖ້າ​ທຽບ​ໃສ່ ...

ໃນວັນທີ 02/01/2021 ມີຜູ້ໂດຍສານ ທີ່ເດີນທາງກັບມາຈາກ ປະເທດອັງກິດ ເຊິ່ງເປັນເພດຍິງ ອາຍຸ 44 ປີ, ເດີນທາງມາພ້ອມກັບຜູ້ໂດຍສານອື່ນອີກ 305 ຄົນ ໃນວັນທີ 22 ທັນວາ 2020 ຜ່ານສະໜາມບິນ Can Tho ທາງພາກໃຕ້ຂອງປະເທດ, ແລະໄດ້ເຂົ້າກັກໂຕ 14 ວັນ ໝົດທຸກຄົນ. ໂຄວິດ-19 ສາຍພັນໃໝ່ ຈາກປະເທດອັງກິດ ຖືເປັນສາຍພັນ ທີ່ມີການແຜ່ກະຈາຍໄວກ່ວາ ສາຍພັນເກົ່າເຖິງ 70%. ປະຈຸບັນ ຜູ້ກວດພົບໂຄວິດກາຍພັນ ຊະນິດໃຫມ່ນີ້ ກໍາລັງໄດ້ຮັບ ການຮັກສາປິ່ນປົວຢ່າງໃກ້ຊິດ ຈາກຄະນະແພດ. ຂໍ້ມູນ: VN Express, Lao Youth Radio FM 90.0 Mhz

ທ່ານ ສິນ​ລະ​ວົງ ຄຸດ​ໄພທູນ ເຈົ້າ​ຄອງ​ນະຄອນຫຼວງ​ວຽງ​ຈັນ ໄດ້​ສະເໜີ​ຮ່າງທິດທາງ ​ແຜນ​ພັດທະນາ​ເສດຖະກິດ​ສັງຄົມ 5 ປີ​ຄັ້ງ​ທີ IX (2021-2025) ຂອງ​ນະ​ຄອນ​ຫຼວງວຽງ​ຈັນ ຕໍ່​ກອງ​ປະຊຸມ​ສະໄໝ​ສາ ມັນ​ເທື່ອ​ທີ 10 ຂອງສະພາ​ ປະຊາຊົນນະຄອນຫຼວງໃຫ້​ ຮູ້ວ່າ: ແຜນ​ພັດທະນາ​ເສດ​ຖະ​ກິດ​-​ສັງຄົມ 5 ປີ​ຕໍ່ໜ້ານະ ຄອນຫຼວງ​ວຽງ​ຈັນ (ນວ) ໄດ້​ວາງ​ມາດ​ຕະການ​ລວມ​ໂດຍ ​ເນັ້ນ​ໃສ່ສົ່ງເສີມ​ຄວາມ​ຍືນ​ຍົງ ແລະ ຄວາມຫຼາກ​ຫຼາຍ​ຂອງ​ເສດຖະກິດ, ເຕົ້າໂຮມ​ກຳລັງ​ແຮງ​ຂອງ​ສັງຄົມ ແລະ ນຳ​ໃຊ້​ເສດຖະກິດ​ຫຼາຍ​ພາກສ່ວນ​ເຂົ້າ​ໃນ​ການ​ພັດທະນາ, ຮັບປະກັນ​ການ​ຂະຫຍາຍຕົວ​ຂອງ​ເສດ ຖະກິດ​ໃຫ້​ໝັ້ນ​ທ່ຽງ ແລະ ທັງ​ສູ້​ຊົນ​ໃຫ້​ເສດຖະກິດ​ເຕີບ​ໂຕ​ໃນ​ອັດຕາ​ສະເລ່ຍ​ບໍ່​ໃຫ້​ຫຼຸດ 7- 8% ຕໍ່​ປີ, ໃນ​ໄລຍະ 5 ປີ. ລວມ​ຍອດ​ຜະລິດ​ຕະ​ພັນ​ພາຍ​ໃນ​ຄາດ​ວ່າ​ຈະ​ບັນລຸ 356.600 ຕື້​ກີບ ສະເລ່ຍ​ຕໍ່​ຫົວ​ຄົນ​ບັນລຸ 8.750 ໂດ​ລາ. ຂະແໜງ​ກະສິກຳ​ຂະຫຍາຍຕົວ​ສະເລ່ຍ 4 – 4,5% ຕໍ່​ປີ, ຂະແໜງ​ອຸດສາຫະກຳ​ຂະຫຍາຍຕົວ​ສະເລ່ຍ 11,5 -12%ຕໍ່​ປີ, ຂະແໜງການ​ບໍລິການ​ຂະຫຍາຍຕົວ​ສະເລ່ຍ 6,5 – 7%ຕໍ່​ ປີ. ພ້ອມ​ທັງ​ວາງ​ແຜນ​ສ້າງ ແລະ ...

ທ່ານ ຮສ ດຣ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ, ຮອງຫົວໜ້າຄະນະສະເພາະກິດປ້ອງກັນ, ຄວບຄຸມ ແລະ ແກ້ໄຂ ການລະບາດພະຍາດໂຄວິດ 19 ຖະແຫລງຂ່າວຕໍ່ສື່ມວນຊົນຕອນເຊົ້າວັນທີ 31 ທັນວາ 2020 ທີ່ກະຊວງສາທາລະນະສຸກ ວ່າ: ສະພາບຄວາມຄືບໜ້າການນຳໃຊ້ ວັກຊິນປ້ອງກັນໂຄວິດ-19 ໃນ ສປປ ລາວ ຜ່ານມາພັກ ແລະ ລັດຖະບານ ພວກເຮົາ ບໍ່ໄດ້ລົດລະນີ້ງນອນໃຈ ໄດ້ມີຄວາມພະຍາຍາມຢ່າງສູງ ໃນການພົວພັນກັບໂລກ ເປັນຕົ້ນ ສະຫະພັນວັກຊີນສາກົນ Gavi (Global Alliance for Vaccines and Immunization ), COVAX FACILITY, ກັບປະເທດເພື່ອນມິດຍຸດທະສາດ, ກັບປະເທດພາຄີ, ກັບທະນາຄານສາກົນ ແລະ ອົງການຈັດຕັ້ງສາກົນ ເພື່ອກະກຽມ ແລະ ຈັດຫາວັກຊີນ ເພື່ອມາສັກປ້ອງກັນພະຍາດໃຫ້ແກ່ພໍ່ແມ່ປະຊາຊົນພວກເຮົາ ຊຶ່ງໄດ້ເລີ່ມແຕ່ເດືອນກໍລະກົດ 2020 ເປັນຕົ້ນມາ. ທ່ານ ຮສ ດຣ ບຸນກອງ ສີຫາວົງ ໃຫ້ຮູ້ອີກວ່າ: ...

ພິທີວາງສີລາລືກໂຄງການກໍ່ສ້າງສູນກິດຈະກຳຊາວໜຸ່ມ-ເຍົາວະຊົນໄດ້ຈັດຂຶ້ນໃນວັນທີ 28 ທັນວານີ້, ທີ່ບ້ານໂນນສະອາດ (ເຂດດົງໝາກຄາຍ) ເມືອງໄຊທານີ ນະຄອນຫຼວງວຽງຈັນ ໂດຍການເຂົ້າຮ່ວມຂອງ ທ່ານ ອາລຸນໄຊ ສູນນະລາດ ເລຂາຄະນະບໍລິຫານງານສູນກາງຊາວໜຸ່ມ ປະຊາຊົນປະຕິວັດລາວ, ທ່ານ ປ້າຄຳເມິງ ພັນລະຍາທ່ານ ປະທານປະເທດແຫ່ງສປປລາວ, ທ່ານ ສາວ ເວີນຢູ (Zhao Wenyu) ທີ່ປຶກສາດ້ານເສດຖະກິດ-ການຄ້າສະຖານທູດຈີນ ປະຈຳ ສປປ ລາວ, ມີບັນດາແຂກຖືກເຊີນເຂົ້າຮ່ວມ. ໂຄງການກໍ່ສ້າງສູນກິດຈະກຳຊາວໜຸ່ມ-ເຍົາວະຊົນ ສ້າງຂຶ້ນເພື່ອເປັນບ່ອນເຕົ້າໂຮມຄວາມສາມັກຄີ, ສຶກສາອົບຮົມປູກຈິດສຳນຶກທີ່ດີ ແລະ ເປັນບ່ອນສ້າງກິດຈະກຳຕ່າງໆຂອງຊາວໜຸ່ມ-ເຍົາວະຊົນ ບັນດາເຜົ່າທີ່ເປັນຜູ້ສືບທອດ, ເປັນໜໍ່ແໜງຂອງປະເທດຊາດ ແນໃສ່ໃຫ້ເຫັນເຖິງໄພອັນຕະລາຍຂອງຢາເສບຕິດ ແລະ ເຮັດໃຫ້ຊາວໜຸ່ມ-ເຍົາວະຊົນໄດ້ໃຊ້ເວລາວ່າງໃຫ້ເປັນປະໂຫຍດ. ດັ່ງນັ້ນ, ຈຶ່ງມີຄວາມຈຳເປັນໃຫ້ມີການຂະຫຍາຍທາງດ້ານສະຖານທີ່ ທີ່ເໝາະສົມທາງດ້ານວັດຖຸອຸປະກອນການນຳໃຊ້ທີ່ທັນສະໄໝສິ່ງອຳນວຍຄວາມສະດວກຄົບຖ້ວນເຂົ້າໃນການເຄື່ອນໄຫວກິດຈະກຳຂອງຊາວໜຸ່ມ-ເຍົາວະຊົນລາວບັນດາເຜົ່າ. ດັ່ງນັ້ນ, ພັກ ແລະ ລັດຖະບານຈຶ່ງເຫັນໄດ້ຄວາມສຳຄັນດັ່ງກ່າວ ແລະ ໄດ້ຕົກລົງມອບເນື້ອທີ່ດິນ 3,5 ເຮັກຕາທີ່ຕັ້ງຢູ່ບ້ານໂນນສະອາດເມືອງໄຊທານີ ນະຄອນຫຼວງວຽງຈັນ ເພື່ອສ້າງເປັນສູນກິດຈະກຳຄົບວົງຈອນຂອງຊາວໜຸ່ມ-ເຍົາວະຊົນລາວ ແລະ ງົບປະມານໃນການກໍ່ສ້າງສູນກິດຈະກຳຄົບວົງຈອນຂອງຊາວໜຸ່ມ-ເຍົາວະຊົນລາວ, ໄລຍະຜ່ານມາລັດຖະບານຈີນໄດ້ຊ່ວຍເຫຼືອຫຼາຍໂຄງການໃຫ້ແກ່ ສປປ ລາວເວົ້າລວມ, ເວົ້າສະເພາະກໍຄືງົບປະມານ 72.060.000 ລ້ານຢວນ ເພື່ອສ້າງເປັນສູນກິດຈະກຳຄົບວົງຈອນຂອງຊາວໜຸ່ມ-ເຍົາວະຊົນລາວ . ...

ບໍລິສັດ ວິສະວະກຳ ທາງລົດໄຟເລກ 2 ສປ ຈີນ ໄດ້ຈັດພິທີສະເຫລີມສະຫລອງ ແລະ ຊົມ ເຊີຍ ຜົນສຳເລັດໃນການວາງລາງລົດໄຟ ເສັ້ນທາງ ລົດໄຟ ລາວ-ຈີນ ແຕ່ນະຄອນຫລວງວຽງ ຈັນ ຫາ ແຂວງຫລວງພະບາງ ໃນວັນທີ 29 ທັນວາ 2020 ຊຶ່ງມີຄວາມຍາວ 240 ກິໂລແມັດ ຂອງຈຳນວນທັງຫມົດ 422,4 ກິໂລແມັດ ນະຄອນຫລວງວຽງ ຈັນ-ບໍ່ເຕ່ນ ແຂວງຫລວງນ້ຳທາ. ໃຫ້ກຽດເຂົ້າຮ່ວມຂອງທ່ານ ສຸກັນ ບຸນຍົງ ຮອງເຈົ້າ ແຂວງ ຫລວງພະບາງ, ທ່ານ ຫລີ ຈືກົງ ຫົວຫນ້າກົງ ສູນໃຫຍ່ ສປ ຈີນ ປະຈຳພາກເຫນືອ, ລວມທັງພະ ນັກງານ ກຳມະກອນ ແລະ ປະຊາຊົນ ອ້ອມຂ້າງ ເຂົ້າ ຮ່ວມ. ທ່ານ ຫລີ ຈືກົງ ກ່າວວ່າ: ພາຍໃຕ້ການສະຫນັບ ສະຫນູນຂອງສອງປະເທດ ຈີນ-ລາວ ...

ຕະຫຼາດທ່າເຮືອ ບ້ານທ່າເຮືອ ເມືອງວັງວຽງ ແຂວງວຽງຈັນ ອາດເວົ້າໄດ້ວ່າເປັນແຫຼ່ງທ່ອງທ່ຽວແຫ່ງໜຶ່ງທີ່ນັກທ່ອງທ່ຽວໄດ້ຢຸດລົດພັກຜ່ອນເມື່ອເວລາເດີນທາງຜ່ານໄປ-ມາ ເພື່ອຊື້ສິນຄ້າທ້ອງຖິ່ນໂດຍສະເພາະແມ່ນປາ. ແຕ່ປັດຈຸບັນນີ້ຜູ້ຄ້າຂາຍຢູ່ຕະຫຼາດແຫ່ງນີ້ໄດ້ຮັບຜົນກະທົບໜັກຍ້ອນບໍ່ມີລູກຄ້າ ແລະ ເຮັດໃຫ້ຜູ້ຄ້າຂາຍຈຳນວນຫຼາຍເຊົາຂາຍເຄື່ອງຢູ່ຕະຫຼາດແຫ່ງນີ້ ແລະ ອາດຈະຍັງມີແມ່ຄ້າອີກຈຳນວນຫຼາຍກໍ່ຈະຢຸດເຊົາຂາຍເຊັ່ນກັນ ຊຶ່ງເຊື່ອວ່າຖ້າເປັນແນວນີ້ຕໍ່ໄປຕະຫຼາດທ່າເຮືອອາດຈະເປັນຕະຫຼາດຮ້າງໃນອະນາຄົດ.ຕະຫຼາດທ່າເຮືອ ແມ່ນຕັ້ງຢູ່ແຄມເສັ້ນທາງ 13 ເໜືອ, ຫ່າງຈາກເມືອງວັງວຽງ ປະມານ 20 ກວ່າກິໂລແມັດ, ເປັນຕະຫຼາດທີ່ຂາຍຜະລິດຕະພັນປາໂດຍສະເພາະເຊັ່ນ: ປາແຫ້ງ, ສົ້ມປາ, ປາສົດ ແລະ ອື່ນໆ ໂດຍເນັ້ນຂາຍຜະລິດຕະພັນປາທຳມະຊາດ. ນາງ ນ້ອຍ ແມ່ນແມ່ຄ້າຄົນໜຶ່ງທີ່ໄດ້ຮັບຜົນກະທົບໄດ້ກ່າວ ຕໍ່ທີມງານວຽງຈັນທາຍ ເມື່ອບໍ່ດົນມານີ້ວ່າ: ບາງມື້ຮອດບໍ່ມີຄົນມາແວ່ຮ້ານເລີຍກໍ່ມີ, ສາເຫດຫຼັກໆ ທີ່ຈຳນວນລູກຄ້າຫຼຸດລົງ ຫຼື ຜູ້ ສັນຈອນກາຍໄປກາຍມາມີຈໍານວນໜ້ອຍ ລົງນັ້ນ ເຊື່ອວ່າ ເກີດຈາກການແຜ່ລະບາດຂອງພະຍາດໂຄວິດ-19 ຊຶ່ງໄດ້ເຮັດໃຫ້ບໍ່ມີນັກທ່ອງທ່ຽວມາເລີຍ ບວກກັບສະພາບເສັ້ນທາງທີ່ເປັນຂຸມຫຼາຍ ແລະ ມີຂີ້ຝຸ່ນຈຶ່ງເຮັດໃຫ້ຜູ້ສັນ ຈອນທີ່ມາທຽວທາງນີ້ມີຈຳນວນໜ້ອຍລົງ. ນອກຈາກນີ້ແລ້ວຜົນກະທົບທີ່ເກີດຂຶ້ນມາໃໝ່ນີ້ແມ່ນເສັ້ນທາງດ່ວນວຽງຈັນ-ວັງວຽງ ທີ່ໄດ້ເປີດນໍາໃຊ້ເມື່ອບໍ່ດົນມານີ້ ໄດ້ຮັດໃຫ້ຜູ້ສັນຈອນຈໍານວນຫຼາຍໄດ້ຫັນໄປໃຊ້ບໍລິການທາງດ່ວນ ຈຶ່ງເຮັດໃຫ້ຜູ້ສັນຈອນຍິ່ງຫຼຸດລົງຕື່ມອີກ ແລະ ເຊື່ອວ່າໃນອະນາຄົດອາດຈະໄດ້ຢຸດຂາຍເຄື່ອງຢູ່ຕະຫຼາດແຕ່ນີ້ ຊຶ່ງເຄີຍຂາຍມາແຕ່ປີ 2005. ແຫຼ່ງຂໍ້ມູນ: ວຽງຈັນທາຍ