News

ມີຫລາຍບໍລິສັດສື່ດັງຂອງໂລກ ມີແຜນຈະຢຸດຜະລິດລົດທີ່ນຳໃຊ້ “ນຳ້ມັນ”

ລວມມີ ບໍລິສັດ Volvo ຂອງຊູ​ແອດ, Ford Motor Co ຂອງສະຫະລັດອາເມລິກາ, General Motors Co (GM), MercedesBenz ຂອງ Daimler AG, ບໍລິສັດ BYD ຂອງຈີນ ແລະ ອີກບໍລິສັດ ແມ່ນ Jaguar Land Rover ​ໄດ້ລົງ​ນາມ​ ໃນ​ຂໍ້​ຕົກ​ລົງ ຮ່ວມ​ກັນທີ່ວ່າ​ຈະ​ຢຸດ​ ການ​ຜະລິດ​ລົດ ທີ່ນຳ​ໃຊ້​ນຳ້ມັນ ​ໃຫ້ໄດ້ພາຍ​ໃນ​ປີ 2040 ​ເພື່ອເປັນ​ສ່ວນ​ໜຶ່ງ ​ໃນ​ຄວາມ​ພະຍາຍາມ ຫລຸດ​ຜ່ອນ ການ​ປ່ອຍ​ອາຍ​ພິດ​ກາກ​ບອນ​ ໃນ​ຊັ້ນ ບັນຍາກາດ​ໂລກ ຫລັງ​ຈາກ ຂໍ້​ມູນ​ຈາກ ​ອົງການ​ ພະລັງງານ​ສາກົນ (IEA) ລະບຸ​​ໃນ​ວັນ​ທີ 10​ ພະຈິກ​ນີ້ວ່າ: ລົດ​ບັນທຸກ,ລົດ​ໂດຍສານ ທົ່ວ​ໄປ,​ເຮືອ ​ແລະ​ ​ເຮືອບິນ ມີ​ອັດຕາ​ສ່ວນ ການ​ປ່ອຍ​ອາຍ​ພິດ າກ​ບອນ ປະມານ 1​ ສ່ວນ 4 ​ແລະ ປະລິມານ​ ອາຍ​ພິດ​ກາກ​ບອນ​ ...

Read More »

ຊາຍແດນສະຫະລັດອາເມລິກາ – ເມັກຊິໂກ ໄດ້ເປີດຄືນ ໃໝ່

TIJUANA/CIUDAD JUAREZ, ປະເທດ ເມັກຊິໂກ, ໃນຕົ້ນອາທິດທີ່ຜ່ານມາ ສຳນັກງານຂ່າວ(Reuters)ໄດ້ລາຍງານວ່າ – ທີ່ດ່ານຊາຍແດນເມັກຊິໂກ – ສະຫະລັດອາເມລິກາ ໄດ້ມີຈຳປະຊາຊົນເລິ່ມມີການເດີນທາງຂ້າມຊາຍແດນລະຫວ່າງປະເທດ ຫລາຍກວ່າທີ່ຄາດໄວ້. ດ່ານຂອງສອງປະເທດໄດ້ເປີດຄືນໃໝ່ ສຳລັບການເດີນທາງໃດໆກໍໄດ້ ບໍ່ຈຳເປັນຕ້ອງມີເອກະສານອ້າງອີງເຖິງຄວາມຈຳເປັນໃນການເດີນທາງແຕ່ຢ່າງໃດ. ການເປີດດ່ານດັ່ງກ່າວແມ່ນເປັນການເປີດເທື່ອທຳອິດຫຼັງຈາກການປິດຫລາຍກວ່າ 20 ເດືອນ ຍ້ອນການແຜ່ລະບາດຂອງພະຍາດ COVID-19, ແຕ່ກໍ່ມີຫລາຍຄົນເລືອກທີ່ຈະ​ຍັງບໍ່ທັນເດີນທາງໃນຊ່ວງນີ້ເທື່ອ, ຍ້ອນສະພາບການຈາລະຈອນແມ່ນຂ້ອນຂ້າງທີ່ຈະໜາແໜ້ນ ແລະ ​ເພື່ອ​ຫຼີກ​ເວັ້ນ​ກັບຄວາມ​ວຸ່ນ​ວາຍ​ທີ່​ອາດ​ຈະ​ເກີດ​ຂຶ້ນໃນໄລຍະເສັ້ນທາງໄປຫາດ່ານຊາຍແດນ​. ຊາຍແດນສະຫະລັດອາເມລິກາ – ເມັກຊິໂກ ໄດ້ເປີດຄືນ ໃໝ່

Read More »

ດັດຊະນີ BCI ຫວຽດນາມ ໃນໄຕມາດທີ 3 ບັນລຸ 18,3%

ວິທະຍຸກະຈາຍສຽງຫວຽດນາມລາຍງານວ່າ: ວັນທີ 9 ພະຈິກ ຜ່ານມາ, ສະມາຄົມວິສາຫະກິດເອີຣົບ ຢູ່ ຫວຽດນາມ (EuroCham) ໄດ້ປະກາດດັດຊະນີສະພາບແວດລ້ອມໃນການດຳເນີນທຸລະກິດ ໃນໄຕມາດທີ 3 ປີ 2021 (BCI) ບັນລຸເຖິງ 18,3%.ຂ່າວລະບຸວ່າ: ເຖິງວ່າດັດຊະນີ BCI ຈະເພີ່ມຂຶ້ນພຽງເລັກໜ້ອຍກໍຕາມ ແຕ່ກໍເປັນທີ່ໜ້າຊົມເຊີຍ ເມື່ອທຽບໃສ່ ລະດັບສະຖິຕິທີ່ບັນລຸໄດ້ 15% ໃນໄລຍະປະສົບກັບຄວາມຫຍຸ້ງຍາກຂອງການແຜ່ລະບາດຮອບທີ 4 ຂອງພະຍາດລະບາດ ໂຄວິດ-19 ໃນເດືອນ ກັນຍາ 2021. ຕາມສະມາຄົມ EuroCham ແລ້ວ, ດັດຊະນີ BCI ທີ່ຫາກໍປະກາດນັ້ນ ໄດ້ຮັບຮູ້ເຖິງການຟື້ນຟູກ່ຽວກັບພື້ນຖານເສດຖະກິດຂອງ ຫວຽດນາມ. ບັນດາວິສາຫະກິດ ແລະ ນັກລົງທຶນ ເອີຣົບ ທີ່ເຂົ້າຮ່ວມການສຳຫຼວດດັດຊະນີ BCI ຕ່າງກໍ່ມີຄວາມປະທັບໃຈກ່ຽວກັບສະພາບແວດລ້ອມການດຳເນີນທຸລະກິດຢູ່ປະເທດຫວຽດນາມ ພາຍຫຼັງສິ້ນສຸດການຮັກສາໄລຍະຫ່າງທາງສັງຄົມ ແລະເລີ່ມຕົ້ນໄລຍະປົກກະຕິໃໝ່, ໂດຍສະເພາະແມ່ນຂົງເຂດການຄ້າ ແລະການລົງທຶນ. ຕາມທີ່ກ່າວມານັ້ນຈຳນວນວິສາຫະກິດ, ນັກລົງທຶນເອີຣົບ ເກືອບເຄິ່ງໜຶ່ງທີ່ເຂົ້າຮ່ວມການສຳຫຼວດ ໄດ້ຄາດຄະເນວ່າ “ພື້ນຖານເສດຖະກິດ ຫວຽດນາມ ວ່າຈະມີສະຖຽນລະພາບ ແລະ ມີການເຕີບໃຫຍ່ໃນໄຕມາດຈະມາເຖິງ”. ໃນນັ້ນ, ...

Read More »

ມື້ນີ້ມີ 2 ສະຖິຕິໃໝ່ ກ່ຽວກັບໂຄວິດໃນລາວ

ສະຖິຕິທຳອິດ ແມ່ນແຂວງຫົວພັນ ໄດ້ກວດພົບຜູ້ຕິດເຊື້ອໂຄວິດ ຄົນທຳອິດຂອງແຂວງ ຈຳນວນ 2 ຄົນ. ສ່ວນລາຍລະອຽດເພິ່ມຕື່ມ ແມ່ນຈະອັບເດດໃຫ້ທ່ານໃນໄລຍະຕໍ່ໄປ.ສະຖິຕິທີ່ສອງ ແມ່ນ ເປັນຍອດສູງສຸດຂອງການກວດພົບຜູ້ຕິດເຊື້ອໃນລາວ ສະຫລຸບໄດ້ສະຖານະການໂຄວິດໃນ ສປປ ລາວ ແມ່ນມີຜູ້ຕິດເຊື້ອຄົບທຸກແຂວງແລ້ວ ແລະ ທົ່ວປະເທດໃນ​ ມື້ນີ້ມີຜູ້ຕິດເຊື້ອໃຫມ່ລວມ​ +1198 ຄົນ, ສ່ວນຈຳນວນຜູ້ ເສຍຊີວິດເພິ່ມແມ່ນ 1 ຄົນ. ລວມ 94 ຄົນ ຄິດເປັນ 0.18% ຂອງຜູ້ຕິດເຊື້ອສະສົມທັງໝົດ. ສ່ວນຈຳນວນທີ່ປີ່ນປົວຫາຍດີ ຕື່ມອີກແມ່ນ: 507 ຄົນ, ເຫັນວ່າ ການຮັກສາຂອງແພດໝໍແມ່ນໄດ້ດີຫລາຍ ເຮັດໃຫ້ຜູ້ເສຍຊີວິດໜ້ອຍ ແລະ ສາມາດກັບບ້ານ ພ້ອມພູມຄຸ້ມກັນທີ່ຕິດໂຕກັບບ້ານນຳ, ສາເຫດທີ່ເຮັດໃຫ້ ຈຳນວນຜູ້ຫາຍດີ ກໍຫລາຍ ແລະ ເສຍຊີວິດກໍ່ໜ້ອຍ ອາດຈະຍ້ອນການເອົາໃຈໃສ່ສັກວັກຊີນໄດ້ຈຳນວນຫລາຍ ຖ້າທຽບໃສ່ຫລາຍປະເທດເພື່ອນບ້ານອ້ອມຂ້າງຂອງພວກເຮົາ. ສີ່ງທີ່ສຳຄັນ ຄືເຮົາຕ້ອງຮຽນຮູ້ທີ່ຈະຢູ່ກັບມັນໃຫ້ໄດ້ ດ້ວຍການລ້າງມື ໃສ່ໜ້າກາກ ຮັກສາໄລຍະຫ່າງ ໃຫ້ເຮືອນປອດໂປ່ງຢູ່ສະເໝີ ຫຼີກລ້ຽງບ່ອນຄົນແອອັດ ແລະ ເຂົ້າກວດຫາເຊື້ອເປັນປະຈຳ ພຽງເທົ່ານີ້ ພວກເຮົາກໍ່ສາມາດຢູ່ກັບມັນໄດ້ຄື ໃນໄລຍະຜ່ານມາ 2 ...

Read More »

ແຂວງຫົວພັນ ໄດ້ກວດພົບຜູ້ຕິດເຊື້ອໂຄວິດ ຄົນທຳອິດຂອງແຂວງ

ມື້ນີ້ ມີຂ່າວດ່ວນຈາກ ແຂວງຫົວພັນ ໄດ້ກວດພົບຜູ້ຕິດເຊື້ອໂຄວິດ ຄົນທຳອິດຂອງແຂວງ ຈຳນວນ 2 ຄົນ. ສ່ວນລາຍລະອຽດເພິ່ມຕື່ມ ແມ່ນຈະອັບເດດໃຫ້ທ່ານໃນໄລຍະຕໍ່ໄປ. ສະຫລຸບໄດ້ສະຖານະການໂຄວິດໃນ ສປປ ລາວ ແມ່ນມີຜູ້ຕິດເຊື້ອຄົບທຸກແຂວງແລ້ວ ແລະ ທົ່ວປະເທດໃນ​ ມື້ນີ້ມີຜູ້ຕິດເຊື້ອໃຫມ່ລວມ​ +1198 ຄົນ, ສ່ວນຈຳນວນຜູ້ ເສຍຊີວິດເພິ່ມແມ່ນ 1 ຄົນ. ລວມ 93 ຄົນ ຄິດເປັນ 0.18% ຂອງຜູ້ຕິດເຊື້ອສະສົມທັງໝົດ. ສ່ວນຈຳນວນທີ່ປີ່ນປົວຫາຍດີ ຕື່ມອີກແມ່ນ: 507 ຄົນ, ເຫັນວ່າ ການຮັກສາຂອງແພດໝໍແມ່ນໄດ້ດີຫລາຍ ເຮັດໃຫ້ຜູ້ເສຍຊີວິດໜ້ອຍ ແລະ ສາມາດກັບບ້ານ ພ້ອມພູມຄຸ້ມກັນທີ່ຕິດໂຕກັບບ້ານນຳ, ສາເຫດທີ່ເຮັດໃຫ້ ຈຳນວນຜູ້ຫາຍດີ ກໍຫລາຍ ແລະ ເສຍຊີວິດກໍ່ໜ້ອຍ ອາດຈະຍ້ອນການເອົາໃຈໃສ່ສັກວັກຊີນໄດ້ຈຳນວນຫລາຍ ຖ້າທຽບໃສ່ຫລາຍປະເທດເພື່ອນບ້ານອ້ອມຂ້າງຂອງພວກເຮົາ. ສີ່ງທີ່ສຳຄັນ ຄືເຮົາຕ້ອງຮຽນຮູ້ທີ່ຈະຢູ່ກັບມັນໃຫ້ໄດ້ ດ້ວຍການລ້າງມື ໃສ່ໜ້າກາກ ຮັກສາໄລຍະຫ່າງ ໃຫ້ເຮືອນປອດໂປ່ງຢູ່ສະເໝີ ຫຼີກລ້ຽງບ່ອນຄົນແອອັດ ແລະ ເຂົ້າກວດຫາເຊື້ອເປັນປະຈຳ ພຽງເທົ່ານີ້ ພວກເຮົາກໍ່ສາມາດຢູ່ກັບມັນໄດ້ຄື ໃນໄລຍະຜ່ານມາ ສະນັ້ນຢ່າຍອມແພ້ ແຂວງຫົວພັນ ...

Read More »

ຟີລິບປິນ ເຊັນສັນຍາໂອນເງິນທາງດິຈິຕອນກັບ ສິງກະໂປ,​ ຕາມຫຼັງ ກຳປູເຈຍ ທີ່ລຳ້ໜ້າກ່ອນ.

ທະນາຄານ​ກາງ​ສິງກະ​ໂປ ແລະ​ ທະນາຄານຟີ​ລິບ​ປິນ ​ໄດ້​ລົງ​ນາມ​ຂໍ້​ຕົກລົງ​ເພື່ອ​ອຳນວຍ​ຄວາມ​ສະດວກ​ໃຫ້​ແກ່​ການ​ຊຳລະ​ເງິນ​ດີ​ຈີ​ຕອນ​ລະຫວ່າງ​ສອງ​ປະ​ເທດ. ການຮ່ວມມືດ້ານ FinTech ສະບັບປັບປຸງທີ່ລົງນາມໂດຍອົງການການເງິນສິງກະໂປ (MAS) ແລະ Bangko Sentral ng Pilipinas (BSP) ໃນວັນຈັນ, ທີ່ໄດ້ສ້າງຂື້ນໃນຂໍ້ຕົກລົງ ປີ 2017 ເພື່ອຂະຫຍາຍຂອບເຂດຂອງການຮ່ວມມື FinTech.ຂໍ້​ຕົກລົງ​ດັ່ງກ່າວ​ໄດ້​ເຊື່ອມ​ຕໍ່​ລະບົບ​ການ​ຊຳລະ​ເງິນ​ແບບ​ວິນນາທີຕໍ່ວິນາທີ ​ແລະ ລະບົບ QR ໂຄດ ຂອງ​ສອງ​ປະ​ເທດ, ​ເພື່ອ​ສະໜອງ​ການ​ຊໍາລະ​ຂ້າມ​ຊາຍ​ແດນ​ແບບ​ທັນ​ທີ, ບໍ່​ຕິດ​ຂັດ ​ແລະ ລາຄາ​ຕໍ່າ, ​ເຊິ່ງຈະ​ຊ່ວຍ​ໃຫ້​ຜູ້​ເດີນທາງ​ລະຫວ່າງ​ສອງ​ປະ​ເທດ​ ທີ່ມີ​ປະມານ 900,000 ຄົນ​ກ່ອນການ​ລະບາດຂອງໂລກ​ໂຄ​ໂຣນາ​ໄດ້​ຕັດ​ການ​ເຊື່ອມ​ຕໍ່​ການ​ເດີນທາງ. ຄາດວ່າຈະກັບຄືນມາໃນຂະນະທີ່ຂະບວນການສັກຢາວັກຊີນຂອງສອງປະເທດຊ່ວຍໃຫ້ມີພູມຕ້ານທານໃຫ້ແກ່ຮ່າງກາຍ. ຟີລິບປິນ ເຊັນສັນຍາໂອນເງິນທາງດິຈິຕອນກັບ ສິງກະໂປ

Read More »

ນາຍົກຊີ້ແຈງ ຕ້ອງການວິຊາການປະເພດ1 ທີ່ຕັ້ງໃຈເຮັດແທ້ທຳຈິງ

ນາຍົກລັດຖະມົນຕີ ແຫ່ງ ສປປ ລາວ ພະນະທ່ານ ພັນຄຳ ວິພາວັນ ໄດ້ໃຫ້ຄຳແນະນຳຊີ້ແຈງຕໍ່ ສສຊ ໃນວາລະການດໍາເນີນ ກອງປະຊຸມສະໄຫມສາມັນ ເທື່ອທີ 2 ຂອງສະພາແຫ່ງຊາດຊຸດທີ IX ຂອງວັນທີ 5 ພະຈິກ 2021 ທີ່ຜ່ານມາ. ແລະ ໜື່ງໃນຫົວຂໍ້ທີ່ທ່ານໄດ້ເວົ້າແມ່ນ ເປັນຄວາມຈິງຂອງສັງຄົມລາວ ແລະ ປະເທດອື່ນໆກໍ່ອາດຈະມີບັນຫາຫຍໍ້ທໍ້ໃນການເຮັດວຽກຫ້ອງການໃດໜື່ງເຊັ້ນກັນ ດັ່ງນີ້:ຈະມີ 3 ປະເພດ ຂອງນັກວິຊາການໃນຫ້ອງການກຸ່ມທີໜື່ງ ແມ່ນ: ມີຄວາມຕັ້ງໃຈຢາກເຮັດແທ້ທໍາຈິງ, ຕັ້ງໃຈສ້າງສາ ຕັ້ງໃຈເຮັດວຽກ ທຸ່ມເທ ສະເຫນີແນວຄິດ ແລະ ລົງມືປະຕິບັດ. ກຸ່ມທີສອງແມ່ນ: ເຮັດວຽກເຄິ່ງໆກາງໆແລ້ວແຕ່ຊິໄປ, ເຮັດພໍແຕ່ແລ້ວໆໄປວັນໆ ພະນັກງານປະເພດນີ້ມີແຕ່ 70%ແລະກຸ່ມສຸດທ້າຍ ກຸ່ມທີສາມແມ່ນ: ມີແຕ່ຕ້ານ ເປັນກຸ່ມທີ່ເສຍຜົນປະໂຫຍດ ບໍ່ມີແນວຄິດປ່ຽນແປງໃຫມ່ ຕາມຄວາມເຂົ້າໃຈຂອງຜູ້ຂຽນຂ່າວແມ່ນເຫັນໄດ້ເຖິງ ຄວາມເປັນຫ່ວງຂອງເພິ່ນ ແລະບັນຫາໃນສັງຄົມການເຮັດວຽກຫ້ອງການທີ່ປາດສະຈາກບໍ່ໄດ້. ແຕ່ການທີ່ ພະນະທ່ານ ໄດ້ເວົ້າ ແມ່ນເພື່ອກະຕຸ້ນໃຫ້ບັນດາວິຊາການໄດ້ທົບທວນການເຮັດວຽກຂອງໂຕເອງ ເພື່ອຈະໃຫ້ ສາມາດ ປ່ຽນໂຕເອງຈາກທີ່ຄິດວ່າໂຕເອງຢູ່ກຸ່ມທີສອງ ແລະທີສາມ ໃຫ້ຍັບຂື້ນໄປຢູ່ໃນກຸ່ມທີ່ໜຶ່ງໃຫ້ໄດ້. ນາຍົກຊີ້ແຈງ ຕ້ອງການວິຊາການປະເພດ1 ...

Read More »

ສສຊ ໜູ່ມສຸດຂອງຍີ່ປຸ່ນ ອາຍຸຈັກປີ?

ຜົນການເລືອກຕັ້ງ ສະມາຊິກ​ສະພາ​ລຸ່ມ​ Lower House Lawmakers Election ຂອງປະເທດຍີ່ປຸ່ນ ໃນວັນທີ​ 31​ ຕຸລາ​ 2021​ທີ່ຜ່ານມາ,​ ອາຍຸສະເລ່ຍຂອງ​ ສສຊ​ ຊຸດໃໝ່​ແມ່ນຫັນເປັນໜູ່ມ ຈາກຄ່າສະເລ່ຍ 59,0 ປີ​ ຫລຸດລົງ​ມາເປັນ​ 55,5 ປີ.​ ໃນນັ້ນ​ ທ່ານ​ ຢຸກິ ບະບະ (Mr. Yuki Baba) ຈາກພັກ CDP ມີອາຍຸໜູ່ມສຸດໃນຈຳນວນ 465 ທ່ານ,​ ເຊິ່ງມີອາຍຸພຽງແຕ່ 29​ ປີເທົ່ານັ້ນ.ສສຊ ທີ່ອາຍຸໜູ່ມສຸດຂອງປະເທດລາວແມ່ນຈັກປີ ທ່ານຮູ້ຫຼືບໍ່?​ ສສຊ ໜູ່ມສຸດຂອງຍີ່ປຸ່ນ ອາຍຸຈັກປີ?

Read More »

ແຈ້ງການ ເຫັນດີໃຫ້ ຈັດງານບຸນນະມັດສະການພະທາດຫລວງ

ແຈ້ງການຈາກຫ້ອງວ່າການສໍານັກງານນາຍົກລັດຖະມົນຕີ ເລກທີ 1435/ຫສນຍ ນະຄອນຫຼວງວຽງຈັນ, ລົງວັນທີ 11 ພະຈິກ 2021.ລາຍລະອຽດແຈ້ງການມີດັ່ງນີ້:ຫ້ອງວ່າການສໍານັກງານນາຍົກລັດຖະມົນຕີ ຂໍຖືເປັນກຽດແຈ້ງການຊີ້ນໍາຂອງທ່ານ ຮອງນາຍົກລັດຖະມົນຕີ, ຜູ້ຊີ້ນໍາ ວຽກງານຂົງເຂດການປົກຄອງ ແລະ ວັດທະນະທໍາ-ສັງຄົມ ມາຍັງທ່ານຊາບ ດັ່ງນີ້: “ເຫັນດີອະນຸມັດໃຫ້ນະຄອນຫຼວງວຽງຈັນ ຈັດງານປະເພນີບຸນນະມັດສະການພຣະທາດຫຼວງວຽງຈັນ ປະຈໍາປີ 2021, ກໍານົດເວລາ 03 ວັນ (ນັບແຕ່ວັນທີ 17 ຫາ 19 ພະຈິກ 2021) ໂດຍອະນຸຍາດໃຫ້ຈັດແຕ່ກິດຈະກໍາທີ່ເປັນປະເພນີທາງສາສະຫນາເທົ່ານັ້ນ, ສ່ວນລາຍລະອຽດມອບໃຫ້ຄະນະ ສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດ ຂອງພະຍາດໂຄວິດ-19. ຂັ້ນນະຄອນຫຼວງວຽງຈັນ ເປັນເຈົ້າ ການສົມທົບກັບພາກສ່ວນກ່ຽວຂ້ອງ ຄົ້ນຄວ້າ ແລະ ຕົກລົງ ທັງຊີ້ນໍາການປະຕິບັດມາດຕະການຕ່າງໆ ທີ່ວາງອອກຢ່າງເຂັ້ມ ງວດ ແລະ ຮັບປະກັນໃຫ້ມີຄວາມສະຫງົບຮຽບຮ້ອຍທາງສັງຄົມ”.ດັ່ງນັ້ນ, ຈຶ່ງແຈ້ງມາຍັງທ່ານເພື່ອຊາບ ແລະ ປະຕິບັດຕາມເນື້ອໃນແຈ້ງການ ສະບັບນີ້ດ້ວຍ.ລັດຖະມົນຕີ, ຫົວຫນ້າຫ້ອງວ່າການສໍານັກງານນາຍົກລັດຖະມົນຕີ ທ່ານ ຄຳເຈນ ວົງໂພສີ ແຈ້ງການ ເຫັນດີໃຫ້ ຈັດງານບຸນນະມັດສະການພະທາດຫລວງ

Read More »

ຫວຽດນາມ​ປ່ອຍດາວທຽມຂຶ້ນອາວະກາດຮ່ວມກັບຍີ່ປຸ່ນ

ສຳເລັດການຖ່າຍທອດ ການປ່ອຍດາວທຽມຂອງ ປະເທດຫວຽດນາມ ຂຶ້ນສູ່ວົງໂຄຈອນ ໃນເວລາ 9 ໂມງ 55 ນາທີ ຂອງວັນທີ 9/11 (ຕາມເວລາທ້ອງຖິ່ນ), ຈະຫຼວດ Epsilon ໝາຍເລກ 5 (Epsilon-5) ໄດ້ສຳເລັດການຍິງຂຶ້ນສູ່ອາວະກາດຈາກສູນອາວະກາດ Uchinoura, ບັນຈຸດາວທຽມ NanoDragon ຂອງຫວຽດນາມ ແລະ ດາວທຽມຍີ່ປຸ່ນ ອີກ 8 ດວງ. ທ່ານ​ເອກ​ອັກ​ຄະ​ລັດ​ຖະ​ທູດ​ຫວຽດ​ນາມ ປະ​ຈຳ ຍີ່​ປຸ່ນ ທ່ານ Vu Hong Nam ທີ່​ມີ​ໜ້າເຂົ້າຮ່ວມ​ຢູ່ໃນ​ສູນ​ອາ​ວະ​ກາດ Uchinoura ​ໄດ້​ໃຫ້​ຮູ້​ວ່າ: “ຂ້າ​ພະ​ເຈົ້າ​ຕື່ນ​ເຕັ້ນ​ຫລາຍ​ເມື່ອ​ໄດ້​ເຫັນ​ຍານ​ອາ​ວະ​ກາດ Epsilon-5 ຢູ່​ສູນ​ກາງ. Uchinoura Cosmos ເລີ່ມສົ່ງດາວທຽມ NanoDragon ຂອງຫວຽດນາມ ຂຶ້ນສູ່ອາວະກາດ. ໄລຍະ​ເວລາ​ນີ້​ ໄດ້​ບັນທຶກລົງ​ໃນ​ປະຫວັດສາດຂອງຫວຽດນາມແລ້ວ, ​ເປັນ​ຂີດ​ໝາຍ​ການ​ເຕີບ​ໂຕ​ໃໝ່​ຂອງ​ອຸດສາຫະກຳ​ອະວະກາດ​ຂອງ​ຫວຽດນາມ.” ສັງເກດໄດ້ວ່າ ປະເທດອື່ນໆໂດຍສະເພາະ ປະເທດເພື່ອນບ້ານ ແມ່ນບໍ່ໄດ້ຢຸດການພັດທະນາ ເຖິງວ່າສະພາບການແຜ່ລະບາດຍັງສືບຕໍ່, ສະນັ້ນຂໍເປັນກຳລັງໃຈໃຫ້ທຸກຂະແໜງການ ຈົ່ງຮີບສ້າງຜົນງານຂອງຕົນໃຫ້ປະສົບຜົນສຳເລັດ ເພື່ອປະເທດຊາດຂອງເຮົາ. ຫວຽດນາມ​ປ່ອຍດາວທຽມຂຶ້ນອາວະກາດຮ່ວມກັບຍີ່ປຸ່ນ

Read More »