ຂ່າວ ພາຍໃນປະເທດ

ປະຊາຊົນຈຳນວນ 109 ຫຼັງຄາເຮືອນຢູ່ບ້ານ ແຊລະບຳ ເມືອງຊະນະສົມບູນ ແຂວງຈຳປາສັກ ທີ່ໄດ້ຮັບຜົນກະທົບຈາກໄພນ້ຳຖ້ວມໃນຕົ້ນ ເດືອນ ກັນຍາ ທີ່ຜ່ານມາ ສ່ວນຫຼາຍຍັງອາໄສຢູ່ ເຮືອນພັກຊົ່ວຄາວ ແລະ ບ້ານພີ່ນ້ອງ ຍ້ອນວ່າຍັງ ບໍ່ມີທີ່ດິນ ແລະ ທືນເພື່ອປຸກສ້າງເຮືອນໃໝ່ ສ່ວນທີ່ດິນເກົ່າແມ່ນຖືກນ້ຳເຊາະເປັນຮອງເປັນ ຂຸມໃຊ້ການບໍ່ໄດ້ ແລະ ມີຄວາມສ່ຽງທີ່ຈະເກີດ ນ້ຳຖ້ວມອີກ. ທ່ານທະວີຈິດ ໂຊພາ ປະຊາຊົນບ້ານແຊລະບຳ ເມືອງຊະນະສົມບູນ ທີ່ໄດ້ສູນເສຍເຮືອນສອງຫຼັງ ລວມທັງເຄື່ອງໃຊ້ຄົວເຮືອນ ທີ່ມີມູນຄ່າ 148 ກວ່າລ້ານກີບໃຫ້ສຳພາດຕໍ່ສື່ມວນຊົນໃນບໍ່ດົນມານີ້ວ່າ : ຂ້າພະເຈົ້າ ກໍ່ຄືຕາງໜ້າປະຊາຊົນຢູ່ບ້ານ ແຊລະບຳ ຢາກໃຫ້ຂັ້ນເທີງຊ່ວຍຮີບດ່ວນ, ເຊິ່ງຄວາມຕ້ອງການໃນປັດຈຸບັນຢາກໃຫ້ເພີ່ນຊ່ວຍ ຈັດສັນທີ່ດິນດ່ວນໃຫ້ຄອບຄົວທີ່ໄດ້ຮັບຜົນກະ ທົບໜັກ ພ້ອມທັງຕໍ່ໄຟຟ້າເຂົ້າ, ເຈາະນ້ຳບາດານ ແລະ ພ້ອມທັງຊ່ວຍທືນປຸກສ້າງເຮືອນໃໝ່ ດຽວນີ້ແມ່ນໄດ້ອາໄສບ້ານພີ່ນ້ອງເປັນບ່ອນເພິ່ງ ພາອາໄສຊົ່ວຄາວ ເພາະຍັງບໍ່ມີດິນ ແລະ ທືນເພື່ອ ປຸກເຮືອນໃໝ່. ຜ່ານມາທາງຂັ້ນເທີງກໍ່ໄດ້ມີການຊ່ວຍເຫຼືອປະ ເພດເຂົ້າສານ, ອາຫານແຫ້ງ, ນ້ຳດື່ມ ແລະ ສັງກະ ສີຈຳນວນ 16 ແຜ່ນຕໍ່ຄອບຄົວ ເພື່ອໃຫ້ກຳລັງໃຈ. ...

ກົມທະບຽນ ແລະ ຄຸ້ມຄອງວິສາຫະກິດ, ກະຊວງອຸດສາຫະກໍາ ແລະ ການຄ້າ ໄດ້ມີແຈ້ງການເລກທີ 401/ຈທວ.ກທຄວ.ອຄ ວັນທີ 11 ຕຸລາ 2019 ເພື່ອເອີ້ນບັນດາຫົວໜ່ວຍວິສາຫະກິດໃຫ້ເຂົ້າພົບຢ່າງຮີບດ່ວນ ເພື່ອຊີ້ແຈງເຫດຜົນທີ່ບໍ່ໄດ້ປະຕິບັດຕາມລະບຽບກົດໝາຍຢ່າງເຄັງຂັດ ທັງໝົດມີ 62 ບໍລິສັດທີ່ເຈົ້າຂອງທັງເປັນຄົນລາວ ແລະ ຕ່າງຊາດ ທີ່ໄດ້ຈົດທະບຽນ ແລະ ກໍ່ຕັ້ງບໍລິສັດທີ່ຂອບເຂດນະຄອນຫຼວງວຽງຈັນ. ອີງຕາມ ກົດໝາຍວ່າດ້ວຍວິສາຫະກິດ ເລກທີ 46/ສພຊ ວັນທີ 26 ທັນວາ 2013, ແຈ້ງການ ເລກທີ 2121/ອຄ.ທຄວ ວັນທີ 14 ຕຸລາ 2015 ແລະ ບົດແນະນໍາ ເລກທີ 1170/ກທຄວ.ອຄ ລົງວັນທີ 5 ກັນຍາ 2019. ດັ່ງນັ້ນ, ກົມທະບຽນ ແລະ ຄຸ້ມຄອງວິສາຫະກິດ, ກະຊວງອຸດສາຫະກໍາ ແລະ ການຄ້າ ໄດ້ມີແຈ້ງການເລກທີ 401/ຈທວ.ກທຄວ.ອຄ ວັນທີ 11 ຕຸລາ 2019 ເພື່ອເອີ້ນບັນດາຫົວໜ່ວຍວິສາຫະກິດເຂົ້າພົບຊີ້ແຈງເຫດຜົນທີ່ບໍ່ໄດ້ປະຕິບັດຕາມລະບຽບກົດໝາຍຢ່າງເຄັງຂັດ. ເຊິ່ງແຈ້ງການນີ້ ...

ໃນຕອນແລງຂອງມື້ວານນີ້ ວັນທີ 16 ຕຸລາ 2019, ຢູ່ທີ່ສູນການຄ້າລາວໄອເຕັກ (ຕຶກເກົ່າ) ພະແນກແຮງງານ ແລະ ສະຫວັດດີການສັງຄົມ ນະຄອນຫຼວງວຽງຈັນ ແລະ ບໍລິສັດລາວເວີນ ມະຫາຊົນ ຈຳກັດ ໄດ້ຮ່ວມກັນຈັດງານ ແລະ ເປີດງານຕະຫຼາດນັດພົບແຮງງານ (Job Fair 2019) ຄັ້ງທີ 3 , ງານນີ້ຈະໄດ້ມີຂຶ້ນທັງໝົດ 5 ວັນຕັ້ງແຕ່ວັນ 16-20 ຕຸລາ 2019 ນີ້. ພິທີເປີດຕະຫຼາດນັດພົບແຮງງານຢ່າງເປັນທາງການ ໂດຍການເປັນປະທານ ຂອງທ່ານ ສີຫຸນ ສິດທິລືໄຊ ຮອງເລຂາຄະນະພັກ ຮອງເຈົ້າຄອງນະຄອນຫຼວງວຽງຈັນ ແລະໃຫ້ກຽດເຂົ້າຮ່ວມງານ ໂດຍທ່ານ ປອ ຄຳແພງ ໄຊສົມແພງ ກຳມະການສູນກາງພັກລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ມີບັນດາພາກສ່ວນທີ່ກ່ຽວຂ້ອງ ແລະ ແຂກຖືກເຂີນເຂົ້າຮ່ວມ. ຈຸດປະສົງຂອງການຈັດງານຄັ້ງນີ້, ກໍເພື່ອສ້າງໂອກາດ ແລະ ເອື້ອອຳນວຍຄວາມສະດວກ ໃຫ້ຜູ້ຊອກວຽກເຮັດງານທຳ ແລະ ບັນດາຫົວໜ່ວຍແຮງງານໄດ້ມີເວທີພົບປະກັນແລ້ວນຳໄປສູ່ການຈ້າງງານ.  ທັງນີ້, ກໍເພື່ອຫຼຸດຜ່ອນອັດຕາການວ່າງງານ, ຫຼຸດຜ່ອນການເຄື່ອນຍ້າຍແຮງງານໄປເຮັດວຽກຢູ່ຕ່າງປະເທດແບບບໍ່ຖືກຕ້ອງ ທັງເປັນການສົ່ງເສີມການເຮັດວຽກຢູ່ພາຍໃນ. ...

ເຊີນເດີ້ ມາຮຽນຮູ້ ເຄັດລັບ ຂໍ້ມູນການເສັງເອົາທຶນ Chevening ປະເທດອັງກິດ ທຸກຄົນຕ້ອງໄດ້ລົງທະບຽນກ່ອນ ຈຶ່ງສາມາດເຂົ້າຮ່ວມງານໄດ້ ກົດລົງທະບຽນ ທີ່ລິ້ງຕໍ່ໄປນີ້: https://www.eventbrite.com/e/uk-chevening-scholarship-infor… Come to this information session to learn more about the Chevening scholarship and how to apply from Chevening alumni and the British Embassy. Register your attendance here: https://www.eventbrite.com/e/uk-chevening-scholarship-infor… —————————————————————- – Information session – Q&A – Opportunity to ask 1:1 questions with alumni – UK Quiz Chevening enables outstanding emerging ...

ໃນຕອນເຊົ້າວັນທີ 12 ຕຸລາ 2019, ຢູ່ເດີ່ນກໍ່ສ້າງຫ້ອງວ່າການປົກຄອງເມືອງໄຊທານີຫຼັງໃໝ່ ນະຄອນຫຼວງວຽງຈັນ ໄດ້ມີພິທີຈູດທໍາລາຍຢາເສບຕິດ ຈໍານວນ 741 ກິໂລກຣາມ ແລະ ແປ້ງຄາເຟອິນ-ໂສດາໄຟ 58 ເປົາ, ເນື່ອງໃນໂອກາດວັນຕ້ານຢາເສບຕິດແຫ່ງຊາດ ຄົບຮອບ 18 ປີ (12 ຕຸລາ 2001 – 12 ຕຸລາ 2019); ເຊິ່ງເຂົ້າຮ່ວມຈູດທໍາລາຍໂດຍທ່ານ ປອ ສິນລະວົງ ຄຸດໄພທູນ ກໍາມະການກົມການເມືອງສູນກາງພັກ ເລຂາຄະນະພັກ ເຈົ້າຄອງນະຄອນຫຼວງວຽງຈັນ, ມີ ພົຕ ປອ ສົມຫວັງ ທໍາມະສິດ ຄະນະປະຈໍາພັກກະຊວງ ຮອງລັດຖະມົນຕີ ກະຊວງປ້ອງກັນຄວາມສະຫງົບ, ຜູ້ຊີ້ນໍາວຽກງານກວດກາ ແລະ ຄວບຄຸມຢາເສບຕິດ ກະຊວງ ປກສ, ພົຈວ ບຸບຜາ ສີພົມມາ ຄະນະປະຈໍາພັກ ນວ ເລຂາຄະນະພັກ ຫົວໜ້າກອງບັນຊາການປກສ ນວ, ພ້ອມດ້ວຍຄະນະພັກ-ຄະນະນໍາ, ແຂກຖືກເຊີນ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ. ການຈູດທໍາລາຍຢາເສບຕິດໃນຄັ້ງນີ້ ພົຈວ ບຸບຜາ ...

ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວໄດ້ສົ່ງສານສະແດງຄວາມເຫັນໃຈ ເຖິງ ທ່ານ ຊິນໂຊ ອາເບະ ນາຍົກລັດຖະມົນຕີຍີ່ປຸ່ນໃນ ວັນທີ 14/10/2019 ເນື້ອໃນສານລະບຸວ່າ: ຂ້າພະເຈົ້າມີຄວາມເສົ້າສະຫຼົດໃຈທີ່ໄດ້ຮັບຊາບຂ່າວພະຍຸໃຕ້ຝຸ່ນ Hagibis ໄດ້ພັດເຂົ້າພາກຕາເວັນອອກສຽງໃຕ້ ແລະ ພາກກາງຂອງຍີ່ປຸ່ນ ໃນວັນທີ 12-13 ຕຸລາ 2019 ຊຶ່ງໄດ້ສ້າງຄວາມເສຍຫາຍທາງດ້ານຊີວິດ, ຊັບສິນ, ອາຄານສະຖານທີ່ ແລະ ລະບົບພື້ນຖານໂຄງລ່າງ ຢູ່ເຂດດັ່ງກ່າວຢ່າງໜັກໜ່ວງ. ຂ້າພະເຈົ້າໃນນາມສ່ວນຕົວ ກໍ່ຄືລັດຖະບານ ແລະ ປະຊາຊົນລາວ ສະແດງຄວາມເຫັນໃຈ ແລະ ຂໍແບ່ງເບົາຄວາມທຸກໂສກ ມາຍັງທ່ານ ແລະ ຜ່ານທ່ານໄປຍັງ ລັດຖະບານ ກໍ່ຄືປະຊາຊົນຍີ່ປຸ່ນ ໂດຍສະເພາະຜູ້ທີ່ຖືກເຄາະຮ້າຍ ແລະ ຄອບຄົວຂອງເຂົາເຈົ້າ ຈາກເຫດການໄພພິບັດທາງທຳມະຊາດຄັ້ງນີ້. ລັດຖະບານ ແລະ ປະຊາຊົນລາວທຸກຖ້ວນໜ້າ ຂໍສົ່ງກຳລັງໃຈອັນແຮງກ້າມາຍັງລັດຖະບານ ແລະ ປະຊາຊົນຍີ່ປຸ່ນ ແລະ ເຊື່ອໝັ້ນວ່າພາຍໃຕ້ການຊີ້ນຳ ນຳພາຂອງທ່ານ, ປະຊາຊົນຍີ່ປຸ່ນ ຈະສາມາດຜ່ານຜ່າອຸປະສັກຕ່າງໆໃນການແກ້ໄຂຜົນກະທົບ ແລະ ຟື້ນຟູຄວາມເສຍຫາຍທີ່ເກີດຈາກພະຍຸໃຕ້ຝຸ່ນຄັ້ງນີ້ ໃຫ້ກັບຄືນສູ່ສະພາບປົກກະຕິໂດຍໄວ. ...

ສະຖານທູດ​ຈີນ​ປະຈຳ ສປປລາວ ແຈ້ງ​ເຕືອນ​ມີຫຼາຍ​ເຫດການ​ເກີດຂຶ້ນ​ຢູ່​ລາວ​ລັກຊະນະ​ຄ້າຍຄືກັນ​ທີ່ມີ​ຄົນ​ຈີນ​ຈຳນວນ​ນຶ່ງ​ແອບອ້າງ ແບບ​ມາ​ຂາຍສິນຄ້າເວົ້າດີ ລົມດີ ແລ້ວ​ວາງຢາສະລົບ ໃສ່​ຢາສູບ,​ເຄື່ອງດື່ມ​ຕ່າງໆ​ ຍື່ນ​ໃຫ້​ສູບ​ ໃຫ້​ດື່ມ,​ ຖ້າໃຜ​ໄດ້​ສູບ​ໄດ້​ດື່ມ​ ແລ້ວ​ຈະ​ສະລົບ ບໍ່​ຮູ້​ສືກຕົວ ຄົນຮ້າຍ ຈະປຸ້ນ​ເອົາ​ຊັບສິນ​ໄປໝົດ ຫຼື​ມືນເມົາ​ ແລ້ວ​ໂອນ​ເງິນ​ເຂົ້າ​ບັນຊີ​ເຂົາເຈົ້າ​ໄປ​ແບບ​ບໍ່​ຮູ້ສຶກ​ຕົວ.​ ສະນັ້ນ​ແຈ້ງ​ມາໃຫ້​ທຸກຄົນ​ ຈົ່ງ​ມີ​ສະຕິ​ລະ​ວັງ​ຕົວ,​ເພາະວ່າ​ບໍ່​ແມ່ນ​ຈະ​ສູນເສຍ​ແຕ່​ຊັບສີນ ເທົ່ານັ້ນ​ແຕ່​ຍັງ​ເປັນອັນ​ຕະລາຍ ຕໍ່​ສຸ​ຂະພາບ​ອີກ​ດ້ວຍ ຫຼ້າສຸດ ວັນທີ 15 ຕຸລາ 2019 ໄດ້ມີການສົ່ງໂຕຜູ້ເຮັດຜິດກົດໝາຍຈຳນວນ 137 ຄົນ ສັນຊາດຈີນ, ຄືນໄປຮັບໂທດທີ່ບ້ານເກີດ ໂດຍການຮ່ວມມື ກົມຕຳຫຼວດຄຸ້ມຄອງຄົນຕ່າງປະເທດ ທັງສອງປະເທດ. ຖ້າ​ພົບເຫັນ​ກະລຸນາ​ ຖ່າຍ​ຮູບ​ເປັນຫຼັກຖານ ແຈ້ງ​ສາຍດ່ວນ​ສະຖານທູດ​ຈີນ​ 020 55561683 ແລະ​ ຕຳຫຼວດ​ລາວ ​1191. ທີ່ມາ: ຂ່າວສານປະເທດລາວ.  

ເຂດເສດຖະກິດພິເສດສາມຫຼ່ຽມຄຳ ແຂວງ ບໍ່ແກ້ວ ໄດ້ມອບພັນທະອາກອນໃຫ້ລັດຖະບານນັບແຕ່ປີ 2012 ມາຮອດ ກາງປີ 2019 ຈໍານວນ 458 ລ້ານໂດລາສະຫະລັດ, ປັດຈຸບັນ ໄດ້ລົງທຶນພັດທະນາແລ້ວ 17.607,4 ຕື້ກີບ ເຊິ່ງການພັດທະນາໂດຍພື້ນຖານເຫັນເປັນຮູບຮ່າງຕົວເມືອງແລ້ວ ສາມາດດຶງນັກທຸລະກິດເຂົ້າມາລົງທຶນ ທັງໝົດ 495 ຫ້າງຮ້ານ ໃນນີ້ມີທຶນຈົດທະບຽນ 4.372,2 ຕື້ກີບ ຫຼື ປະມານ 496 ລ້ານໂດລາສະຫະລັດ.   ທ່ານ ຈັນທະຈອນ ວາງຟາເຊັງ ກໍາມະການສະພາບໍລິຫານ ເຂດເສດຖະກິດພິເສດ ສາມຫຼ່ຽມຄໍາ ກ່າວວ່າ: ເຂດເສດຖະກິດພິເສດສາມຫຼ່ຽມຄໍາ ມີເນື້ອທີ່ສໍາປະທານທັງໝົດ 10 ພັນເຮັກຕາ, ໃນນັ້ນແບ່ງອອກເປັນ 2 ເຂດຄື: ເຂດພັດທະນາ ຕົວເມືອງ 3 ພັນເຮັກຕາ ແລະ ເຂດປ່າສະຫງວນສາຍພູກິ່ວລົມ 7 ພັນເຮັກຕາ. ນັບແຕ່ໄລຍະບຸກເບີກມາເຖິງປັດຈຸັນ ເປັນໄລຍະ 12 ປີ ໄດ້ສຸມໃສ່ດຶງດູດການລົງທຶນ, ນັກທ່ອງທ່ຽວ, ພັດທະນາພື້ນຖານໂຄງລ່າງ ເປັນຕົ້ນສ້າງເສັ້ນທາງ, ຄູກັນເຈື່ອນ, ທ່າເຮືອສິນຄ້າ, ...

ປັດຈຸບັນນີ້ ສປປ ລາວ ມີພຽງສາມບໍລິສັດຜະລິດຝຸ່ນເຄມີ ແລະ ຊີວະພາບ ທີ່ໄດ້ຈົດທະບຽນການຜະລິດຝຸ່ນເຄມີ ແລະ ຊີວະພາບຖືກຕ້ອງຕາມກົດໝາຍ ຄື: ບໍລິສັດ ປຸ໋ຍສະຫວັນຈໍາກັດ, ບໍລິສັດມາລີນີການກະເສດຈໍາກັດຜູ້ດຽວ ແລະ ບໍລິສັດ ລາວຄາຍຢວນ ບໍ່ແຮ່ ຈໍາກັດຜູ້ດຽວ. ການຈົດທະບຽນ ແມ່ນມີຄວາມຈໍາເປັນ ເພື່ອສາມາດຄຸ້ມຄອງຜະລິດຕະພັນດັ່ງກ່າວ ບໍ່ໃຫ້ມີຜົນກະທົບທາງລົບຕໍ່ສຸຂະພາບຂອງຄົນ, ສັດ, ພືດ ແລະ ສິ່ງແວດລ້ອມ ທັງເປັນການຮັບປະກັນທາງດ້ານຄຸນນະພາບຂອງສິນຄ້າ. ລັດຖະບານຮຽກຮ້ອງໃຫ້ມີການຈົດທະບຽນຜະລິດຕະພັນຝຸ່ນເຄມີ ແລະ ຝຸ່ນຊີວະພາບ ກ່ອນການຜະລິດ ເພື່ອຮັບປະກັນສິນຄ້າທີ່ຜະລິດອອກມາ ບໍ່ມີຜົນກະທົບດ້ານລົບຕໍ່ຄົນ, ສັດ, ພືດ ແລະ ສິ່ງແວດລ້ອມ ແລະ ທັງເປັນການຮັບປະກັນຄຸນນະພາບຂອງສິນຄ້າ. ປັດຈຸບັນ ມີ ສາມບໍລິສັດ ທີ່ໄດ້ຈົດທະບຽນຜະລິດຝຸ່ນເຄມີ ແລະ ຝຸ່ນຊີວະພາບ ຖືກຕ້ອງຕາມກົດໝາຍ ກັບກະຊວງກະສິກໍາ ແລະ ປ່າໄມ້ ລາຍລະອຽດ ຜະລິດຕະພັນຂອງແຕ່ລະບໍລິສັດ ມີດັ່ງລຸ່ມນີ້:​ 1. ບໍລິສັດ ປຸຍສະຫວັນຈໍາກັດ ມີການຈົດທະບຽນ 7 ຜະລິດຕະພັນ ຄື:  ຜະລິດຕະພັນ ...

ສະຫະລັດອາເມລິກາ ສືບຕໍ່ໃຫ້ການການຊ່ວຍເຫຼືອ ສປປ ລາວ ໃນການເສີມສ້າງຄວາມເຂັ້ມແຂງໃຫ້ແກ່ຂະແໜງການກະສິກຳລາວ. ເຊິ່ງວ່າງບໍ່ດົນມານີ້, ສ. ອາເມລິກາ ແລະ ສປປ ລາວ ໄດ້ລິເລີ່ມໂຄງການໃໝ່ທີ່ມີຊື່ວ່າ ໂຄງການ ສົ່ງເສີມຈຸນລະວິສາຫະກິດກະສິກໍາ ຢູ່ ສປປ ລາວ ໂດຍລັດຖະບານສະຫະລັດ ອາເມລິກາ ຜ່ານອົງການພັດທະນາສາກົນປະເທດສະຫະລັດອາເມລິກາ (USAID) ເປັນຜູ້ໃຫ້ທຶນຊ່ວຍເຫຼືອລ້າ. ໃນວັນທີ 4 ຕຸລາ 2019, ກະຊວງກະສິກຳ ແລະ ປ່າໄມ້ ຕາງໜ້າໃຫ້ລັດຖະບານແຫ່ງສປປ ລາວ ໄດ້ເຊັນສັນຍາບົດບັນທຶກຄວາມເຂົ້າໃຈ ກັບ ອົງການ ACDI/VOCA, ເຊິ່ງເປັນ ຄູ່ຮ່ວມຈັດຕັ້ງປະຕິບັດໂຄງການດັ່ງກ່າວຂອງ USAID. ທ່ານ ສີປະໄພ ໄຊສົງຄາມ, ຫົວໜ້າກົມສົ່ງເສີມເຕັກນິກ ແລະ ປຸງແຕ່ງກະສິກຳ ແລະ ທ່ານ ນາງ ໂຊຟີ້ ວັອກເກີ້, ຫົວໜ້າ ອົງການ ACDI/VOCA ປະຈຳລາວ ໄດ້ລົງລາຍເຊັນສັນຍາບົດບັນທຶກຄວາມເຂົ້າໃຈຂອງໂຄງການດັ່ງກ່າວ ໂດຍມີ ທ່ານ ຄໍລິນ ຄລອສບີ, ອຸປະທູດ ແຫ່ງປະເທດສະຫະລັດອາເມລິກາ ປະຈຳ ...