ຂ່າວ ພາຍໃນປະເທດ

ລັດຖະບານ ສະຫະລັດອາເມລິກາ ສຶບຕໍ່ໃຫ້ການສະໜັບສະໜູນລັດຖະບານ ສປປ ລາວ ໃນວຽກງານສົ່ງເສີມການສ້າງລັດແຫ່ງກົດໝາຍ, ໂດຍໄດ້ຮ່ວມມືກັບກະຊວງຍູຕິທຳ ແລະ ມູນນິທິເອເຊຍ ສ້າງຕັ້ງໂຄງການ ສົ່ງເສີມການເຂົ້າເຖິງກົດໝາຍ ແລະ ຄວາມຍຸຕິທຳຂອງປະຊາຊົນ ໃນ ສປປ ລາວ ຫລື Legal Aid Support Project ຂຶ້ນຢ່າງເປັນທາງການ. ພິທີລົງນາມບົດບັນທຶກຄວາມເຂົ້າໃຈຂອງໂຄງການ ຖືກຈັດຂຶ້ນ ໃນ ວັນທີ 24 ມັງກອນ 2020, ໂດຍມີ ທ່ານ ໄຊສີ ສັນຕິວົງ ລັດຖະມົນຕີ ກະຊວງຍຸຕິທຳ ແລະ ທ່ານນາງ ຣີນາ ບິດເຕີ ເອກອັກຄະລັດຖະທູດ ສະຫະລັດ ອາເມລິກາ ປະຈຳ ສປປ ລາວ ເຂົ້າຮ່ວມເປັນສັກຂີພະຍານ ໃນການເລີ່ມຕົ້ນໂຄງການ ມູນຄ່າ 3,67 ລ້ານ ໂດລາສະຫະລັດ, ທີ່ໄດ້ຮັບທຶນສະໜັບສະໜູນຈາກ ອົງການພັດທະນາສາກົນ ຂອງປະເທດ ສະຫະລັດອາເມລິກາ (USAID) ເຊີ່ງຈະຈັດຕັ້ງປະຕິບັດຮ່ວມກັນ ລະຫວ່າງ ກະຊວງຍູຕິທຳ  ແລະ ມູນນິທິເອເຊຍ ...

ທ່ານ ນາງ ຣີນາ ບິດເຕີ ເອກອັກຄະລັດຖະທູດ ສະຫະລັດ ອາເມລິກາ ປະຈໍາ ສປປ ລາວ ແລະ ທ່ານ ຄຳແພງ ໄຊສົມແພງ, ລັດຖະມົນຕີ ກະຊວງແຮງງງານ ແລະ ສະຫວັດດີການສັງຄົມ ໄດ້ເຂົ້າຮ່ວມເປັນສັກຂີພະຍານ ການລົງນາມເຊັນບົດບັນທຶກຄວາມເຂົ້າໃຈ (MOU) ລະຫ່ວາງ ຄະນະກໍາມະການຄຸ້ມຄອງແຫ່ງຊາດ ເພື່ອການແກ້ໄຂບັນຫາລະເບີດຕົກຄ້າງຢູ່ ສປປ ລາວ (ຄຊກລ)  ແລະ ບໍລິສັດ ທີທຣາເທັຈ (Tetratech) ເພື່ອສະໜັບສະໜູນ ແຜນງານ ການສ້າງຄວາມອາດສາມາດໃນ ການເກັບກູ້ ລະເບີດບໍ່ທັນແຕກ (ລບຕ) ຢູ່ນະຄອນຫຼວງວຽງຈັນ ໃນວັນທີ 21 ມັງກອນ. ເພື່ອປະກອບສ່ວນເປັນສ່ວນໜຶ່ງຂອງການ ສະໜັບສະໜູນຂອງ ສ. ອາເມລິກາ ໃນຂະແໜງ ລບຕ, ບໍລິສັດ ທີທຣາເທັຈ ຈະມີບົດບາດສຳຄັນໃນ ຜັນຂະຫຍາຍ ທຶນຊ່ວຍເຫຼືອ ຂອງປະຊາຊົນ ອາເມລິກາ ເພື່ອສ້າງຄວາມເຂັ້ມແຂງໃຫ້ແກ່ການຮ່ວມມືຂອງ ສ. ອາເມລິກາ ກັບບັນດາອົງການຈັດຕັ້ງຂອງລັດຖະບານລາວ ກໍຄື ກຄຊລ ...

ໂດຍອີງຕາມ ແຈ້ງການ ຂອງຫ້ອງການ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ເລກທີ 46/ຫກ ລົງວັນທີ 30 ມັງກອນ 2020 ເລື່ອງການຕໍ່ໃບອະນຸຍາດວາລະສານ  ອີງຕາມ ກົດໝາຍ ສື່ມວນຊົນ (ສະບັບປັບປຸງ) ເລກທີ 01/ສພຊ ລົງວັນທີ 4 ພະຈິກ 2016, ອີງຕາມແຈ້ງການຂອງຫ້ອງ ຖວທ ສະບັບເລກທີ 159/ຫກ ລົງວັນທີ 20 ເມສາ 2018 ກ່ຽວການຕໍ່ໃບອະນຸຍາດວາລະສານ. ອີງຕາມພາລະບົດບາດຂອງກົມສື່ ມ່ວນຊົນ ໃນການຄຸ້ມຄອງຜະລິດຕະພັນສື່ມວນຊົນ. ຫ້ອງການ ຖວທ ຂໍແຈ້ງມາຍັງທ່ານ ຫົວໜ້າບັນນາທິການວາລະສານ ທີ່ຍັງບໍ່ທັນມາຕໍ່ໃບອະນຸຍາດການເຄື່ອນໄຫວວາລະສານຂອງຕົນ ໃຫ້ມາພົວພັນຂໍຕໍ່ໃບອະນຸຍາດນຳກົມສື່ມວນຊົນ ຕາມໂມງລັດຖະການ ເລີ່ມແຕ່ວັນທີ່ 1 ກຸມ ຫາ 31 ມີນາ 2020 ຖ້າຫາກບໍ່ມາຕໍ່ຕາມກຳນົດເວລາທີ່ແຈ້ງໄວ້ ກົມສື່ມວນຊົນ ຈະໄດ້ນຳໃຊ້ສິດຂອງຕົນຕາມກົດໝາຍ ແລະ ລະບຽບການ ໂດຍສະເພາະກົດໝາຍສື່ມວນຊົນ (ສະບັບປັບປຸງ) ໃນມາດຕາ 42 ວ່າດ້ວຍການໂຈະ, ...

Japan Product Exhibition 2020 Showcase for Quality of Life from Japan! ມາສຳພັດກັບຄຸນນະພາບຊີວິດຈາກຍີ່ປຸ່ນ ໃນງານວາງສະແດງສິນຄ້າຍີ່ປຸ່ນປີ 2020 ໃນວັນທີ 6 (ພະຫັດ) ຫາ ວັນທີ 8 (ເສົາ) ກຸມພາ 2020 ທີ່ຈະມາເຖິງນີ້ ເວລາ 13:00 – 18:00 ໂມງ , ສະເພາະວັນທີ 8 ກຸມພາ ເວລາ 13:00 – 18:30 ໂມງ ສະຖານທີ່ ສູນການຄ້າວຽງຈັນເຊັນເຕີຊັ້ນ 1 ພາຍໃນງານຈະມີຫຼາກຫຼາຍສິນຄ້າຈາກບໍລິສັດຂະໜາດນ້ອຍ ແລະ ກາງ ຈາກປະເທດຍີ່ປຸ່ນ ທີ່ຈະມາວາງສະແດງສິນຄ້າ ເຊັ່ນ: ເຄື່ອງບໍລິໂພກ, ເຄື່ອງອຸປະໂພກ, ເຄື່ອງສໍາອາງ, ອາຫານສຸຂະພາບ ແລະ ຢາເປັນຕົ້ນ… ສຳລັບ, ນັກທຸລະກິດລາວ ຫຼື  ຜູ້ທີ່ສົນໃຈ ຢາກມີທຸລະກິດຮ່ວມກັບນັກທຸລະກິດຍີ່ປຸ່ນ ກໍສາມາດສະໝັກເຂົ້າຮ່ວມພົບປະນັກທຸລະກິດ ຍີ່ປຸ່ນໄດ້ ໂດຍການຕື່ມແບບຟອມ ...

ທະນາຄານໂລກ ໄດ້ຕົກລົງສະໜອງທຶນຊ່ວຍເຫຼືອ ຈໍານວນ 50 ລ້ານໂດລາສະຫະລັດ ຫຼື ປະ­ມານ 443,89 ຕື້​ກີບ ໃຫ້ລັດຖະບານ ແຫ່ງສປປ ລາວ ເພື່ອສືບຕໍ່ສະໜັບສະໜູນການຈັດຕັ້ງປະຕິບັດ ໂຄງການຄຸ້ມຄອງຄວາມສ່ຽງ ໄພພິບັດອາຊີຕາເວັນອອກສ່ຽງໃຕ້ ຢູ່ ສປປ ລາວ ແລະ ໂຄງການຂະແໜງການຂົວທາງໄລຍະ II. ພິທີເຊັນບົດບັນທຶກການຊ່ວຍເຫຼືອຄັ້ງນີ້ ໄດ້ຈັດຂຶ້ນໃນຕົ້ນອາທິດ ທີ່ຜ່ານມາ ທີ່ ນະຄອນຫຼວງວຽງຈັນ ລະຫວ່າງ ທ່ານ ບຸນໂຈມ ອຸບົນປະເສີດ ຮອງລັດຖະມົນຕີ ກະຊວງການເງິນ ແລະ ທ່ານ ນິໂກລາ ປອນຕາຣາ (Nicola Pontara) ຫົວໜ້າຫ້ອງການທະນາຄານໂລກ ປະຈໍາ ສປປ ລາວ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ. ການສະ​ໜອງ​ທຶນ​ໃນຄັ້ງນີ້, ສະພາບໍລິຫານຂອງທະນາຄານໂລກ ໄດ້ອະນຸມັດທຶນເພີ່ມເຕີມໃນວັນທີ 13 ທັນວາ 2019 ເພື່ອສະໜັບສະໜູນ ຄວາມພະຍາຍາມຂອງລັດຖະບານລາວໃນວຽກງານ ການຄຸ້ມຄອງຄວາມສ່ຽງ ດ້ານອຸທົກກະໄພ ແລະ ຂະແໜງການຂົວທາງ ເຊິ່ງເປັນຂະແໜງການ ທີ່ຖືກຜົົນກະທົບຢ່າງຫຼວງຫຼາຍ ກວມເອົາ 55% ຂອງຄວາມເສຍຫາຍທັງໝົດ ພາຍຫຼັງເກີດເຫດການໄພພິບັດນໍ້າຖ້ວມໃນປີ ...

ພະແນກອຸດສາຫະກໍາ ແລະ ການຄ້າ  ນະຄອນຫຼວງວຽງຈັນ ປະກາດຊັດເຈນ ຮອບ 2, ຫ້າມຂາຍຊີ້ນໝູເກີນ 40.000ກີບ ທົ່ວ 9 ຕົວເມືອງ. ສ່ວນຊີ້ນປະເພດສອງ ຫ້າມເກີນ 36.000ກີບ ແລະໃຫ້ ເລີ່ມປະຕິບັດ  3 ກຸມພາ 2020 ເປັນຕົ້ນໄປ.

ອຸດສາຫະກໍາແຜ່ນແພ ແລະ ເຄື່ອງນຸ່ງຮົ່ມ ຖືໄດ້ວ່າເປັນອີກຂະແໜງການທີ່ໂດດເດັ່ນ ໃນການສ້າງລາຍຮັບໃຫ້ແກ່ ປະເທດລາວ ໂດຍລວມ ກໍ່ຄືສ້າງວຽກເຮັດງານທໍາ ແລະ ລາຍຮັບໃຫ້ຄົນທ້ອງຖີ່ນ ໂດຍສະເພາະຄົນລາວ. ອີງຕາມບົດລາຍງານຂອງ ກົມອຸດສາຫະກໍາ ແລະ ຫັດຖະກໍາ ໃນປີ 2018 ທີ່ຜ່ານມາ ສະແດງໃຫ້ເຫັນວ່າຂະແໜງການດັ່ງກ່າວສາມາດສ້າງວຽກເຮັດງານທໍາໄດ້ 145.400 ຄົນ, ມີຫົວໜ່ວຍການຜະລິດ 182 ແຫ່ງ ເຊິ່ງໄດ້ແບ່ງອອກເປັນ ໂຮງງານຕັດຫຍິບເຄື່ອງນຸ່ງຫົົ່ມ 82 ແຫ່ງ, ໂຮງຕໍ່າຫູກ ແລະ ແພເສື້ອ 191 ແຫ່ງ ແລະ ໂຮງງານປັກແສ່ວ 8 ແຫ່ງ. ນອກຈາກນັ້ນ, ສະເພາະມູນຄ່າການສົ່ງອອກປະເພດເຄື່ອງນຸ່ງຮົ່ມ ໃນທ້າຍປີ 2019 ແມ່ນມີມູນຄ່າປະມານ 212 ລ້ານໂດລາສະຫະລັດ.        ອຸດສາຫະກໍາແຜ່ນແພ ແລະ ເຄື່ອງນຸ່ງຮົ່ມ ແມ່ນຂະແໜງການໜຶ່ງ ທີ່ ສປປ ລາວ ສົ່ງອອກໄປຫຼາຍປະເທດທົ່ວໂລກ ແລະ ຖືໄດ້ວ່າເປັນຂະແໜງການທີ່ສ້າງວຽກເຮັດງານທໍາໄດ້ຫຼາຍແສນຄົນ ເຊິ່ງກວມເອົາ ກໍາມະກອນ (ຜູ້ຜະລິດ) ...

ເມື່ອເກີດມີພະຍາດຂຶ້ນ ຫຼາຍຄົນກໍ່ຮູ້ສຶກເປັນຫ່ວງປະເທດເຮົາເດເປັນແນວໃດ ມື້ນີ້ເຮົາມາອັບເດດສັກກາຍະພາບໃໝ່ຂອງໂຮງໝໍລາວ ເຖິງວ່າໂດຍລວມເຮົາຍັງຂາດເຂີນ ແຕ່ພວກເຮົາຄົງຫາຍໃຈໂລ່ງຂຶ້ນຖ້າຮູ້ຂໍ້ມູນເວດວົງການແພດຫຼາຍຂຶ້ນ ມື້ນີ້ເລີຍຈະພາມາແນະນຳສິ່ງໃໝ່ໆທີ່ຫຼາຍຄົນອາດບໍ່ທັນຮູ້ຢູ່ໂຮງໝໍມິດຕະພາບ(150 ຕຽງ). ທ່ານຮູ້ຫຼືບໍໂຮງໝໍ ມິດຕະພາບຫຼັງໃໝ່ ມາດຕະຖານຢູໂຣບ ຊັ້ນ 1 ມີລະບົບ ປອດເຊື້ອມາດຕະຖານສູງ, ໂຮງໝໍແຫ່ງນີ້ເປັນໂຮງໝໍທີ່ ນຳໃຊ້ເຕັກໂນໂລຊີ ແລະ ອຸປະກອນການແພດທີ່ທັນສະໄໝຫຼ້າສຸດ ໃນນະຄອນຫຼວງວຽງຈັນ. ດຳເນີນການກໍ່ສ້າງ ໂດຍບໍລິສັດວາເມັດ (vamed) ຈາກປະເທດໂອຕຣິດ, ເປັນອາຄານຕຶກ 4 ຊັ້ນ ມີເນື້ອທີ່ທັງໝົດ 21.229 ຕາແມັດ. ໃນນັ້ນ ເນື້ອທີ່ການປຸກສ້າງ 17.660 ຕາແມັດ, ລວມມູນຄ່າການກໍ່ສ້າງ ແລະ ຕິດຕັ້ງເຄື່ອງຈັກ 112.880.000 ເອີໂຣ ໂດຍແມ່ນທຶນກູ້ຢືມດອກເບ້ຍຕໍ່າຈາກລັດຖະບານປະເທດໂອຕຣິດ. ໂຄງການດັ່ງກ່າວແມ່ນດຳເນີນໃນຮູບແບບບໍລິສັດເປັນຜູ້ຮັບຜິດຊອບທັງໝົດໃນການອອກແບບກໍ່ສ້າງຕິດຕັ້ງລະບົບຕ່າງໆລວມທັງອຸປະກອນການແພດ ແລະ ເຄື່ອງກົນຈັກລະບົບສະໜັບສະໜູນການແພດຄົບຕາມມາດຕະຖານເຝີກອົບຮົມບຸກຄະລາກອນ ແລະ ຊ່ວຍເຫຼືອ ເຝິກການບຳລຸງຮັກສາໃນໄລຍະ 24 ເດືອນ ຫຼັງຈາກການມອບຮັບ. ອາຄານໂຮງໝໍເປັນໂຮງໝໍທົ່ວໄປ ປະກອບມີຕຶກນອນ ກວດເຂດນອກ ຫ້ອງຜ່າຕັດສູນລວມເສັ້ນເລືອດຫົວໃຈ, ສູນສ່ອງກະເພາະລຳໄສ້, ຜ່າຕັດຜົ້ງທ້ອງຜ່ານທໍ່, ພະແນກສຸກເສີນ ຊຶ່ງມີຕຽງຕິດຕາມອຸປະກອນເຊີດຊູທີ່ທັນສະໄໝຄົບຊຸດ ມີຫ້ອງຜ່າຕັດກຽມຕະຫຼອດເວລາ ແລະ ມີອາຄານຕຶກນອນພິເສດ. ທີ່ມາ: Lao ...

ທີ່ກະຊວງການຕ່າງປະເທດ ໃນມື້ວານນີ້ ວັນທີ 28 ມັງກອນ 2020 ທ່ານ ທອງສະຫວັນ ພົມວິຫານ, ຮອງລັດຖະມົນຕີກະຊວງການຕ່າງປະເທດ ໄດ້ຖະແຫຼງຂ່າວຕໍ່ສື່ມວນຊົນກ່ຽວກັບບັນຫາການລະບາດພະຍາດອັກເສບປອດ ຈາກເຊື້ອຈຸລະໂຣກສາຍພັນໃໝ່ ກະຊວງການຕ່າງປະເທດແຫ່ງ ສປປ ລາວ ແລະ ບັນດາສໍານັກງານຜູ້ຕາງໜ້າ ແຫ່ງສປປ ລາວ ປະຈໍາຢູ່ຕ່າງປະເທດ ໄດ້ຕິດຕາມສະພາບການລະບາດພະຍາດອັກເສບປອດ ຈາກເຊື້ອຈຸລະໂລກສາຍພັນໃໝ່ຢູ່ຕ່າງປະເທດ ຢ່າງໃກ້ຊິດ ແລະ ໄດ້ປະສານງານກັບບັນດາພາກສ່ວນກ່ຽວຂ້ອງຂອງປະເທດທີ່ມີການ ລະບາດພະຍາດດັ່ງກ່າວ ເພື່ອອໍານວຍຄວາມສະດວກ ແລະ ຊ່ວຍເຫຼືອພົນລະເມືອງລາວ, ນັກທ່ອງທ່ຽວ, ນັກທຸລະກິດ ແລະ ນັກສຶກສາລາວທີ່ກໍາລັງດໍາລົງຊີວິດ ແລະ ສຶກສາຮໍ່າຮຽນຢູ່ບັນດາປະເທດທີ່ມີການລະບາດພະຍາດດັ່ງກ່າວ, ພ້ອມທັງໄດ້ມີການລາຍງານກ່ຽວກັບສະພາບການດັ່ງກ່າວຢ່າງເປັນປະຈໍາ. ພ້ອມນີ້, ກະຊວງການຕ່າງປະເທດ ຍັງໄດ້ເປັນເຈົ້າການປະສານງານ ແລະ ແລກປ່ຽນຂໍ້ມູນຂ່າວສານກັບບັນດາປະເທດຕ່າງໆໃນພາກພື້ນ ກໍ່ຄື ສາກົນ, ລວມທັງ ອົງການອະນາໂມໂລກ ຢ່າງໃກ້ຊິດ ເພື່ອຕິດຕາມທ່າອ່ຽງຂອງການລະບາດ ພະຍາດດັ່ງກ່າວ ແລະ ເພື່ອຍາດແຍ່ງການຊ່ວຍເຫຼືອ, ໂດຍສະເພາະ ການສົ່ງຄະນະຜູ້ຊ່ຽວຊານດ້ານການແພດ ພ້ອມດ້ວຍອຸປະກອນເຄື່ອງມື, ຢາ, ແລະ ວັກຊິນປ້ອງກັນໃນກໍລະນີທີ່ມີການລະບາດໃຫຍ່. ນອກນີ້, ກະຊວງການຕ່າງປະເທດ ຂໍແນະນໍາໃຫ້ພົນລະເມືອງລາວຢູ່ຕ່າງປະເທດ ຈົ່ງຕິດຕາມສະພາບການລະບາດພະຍາດດັ່ງກ່າວຢ່າງເປັນປົກກະຕິ ...

ກອງປະຊຸມຖອດຖອນບົດຮຽນການຄຸ້ມຄອງ ແລະ ດຳເນີນທຸລະກິດ ບໍລິການກໍ່ສ້າງ ແລະ ຕິດຕັ້ງໄຟຟ້າປະຈຳປີ 2019 ໃນວັນທີ 28 ມັງກອນ 2020 ນີ້, ພ້ອມທັງຊີ້ໃຫ້ເຫັນ ປັດຈຸບັນ ສປປ ລາວ ມີເຂື່ອນໄຟຟ້າທີ່ໄດ້ດຳເນີນການຜະລິດແລ້ວ ທັງໝົດ 75 ໂຄງການໃນທົ່ວປະເທດ, ລວມກຳລັງຕິດຕັ້ງໄຟຟ້າ ທັງໝົດ 9.549,45MW, ລວມກຳລັງການຜະລິດ 50.563,26 GWh/ປີ.  ໃນຂະນະທີ່ ໂຄງການທີ່ກຳລັງກໍ່ສ້າງມີທັງໝົດ 21 ໂຄງການ, ລວມກຳລັງຕິດຕັ້ງທັງໝົດ 3.243,5 MW; ກຳລັງສຶກສາ (ຂັ້ນ PDA) 38 ໂຄງການ, ລວມກຳລັງຕິດຕັ້ງທັງໝົດ 11.791 MW, ລວມພະລັງງານ ໄຟຟ້າທີ່ຜະລິດໄດ້ GWh/ປີ 60.934 ແລະ ກະກຽມສຶກສາ(ຂັ້ນ MOU) 55 ໂຄງການ, ລວມກຳລັງຕິດຕັ້ງທັງໝົດ 10.806 MW, ລວມພະລັງງານໄຟຟ້າທີ່ຜະລິດໄດ້ 47.625 GWh/ປີ. ທ່ານ ບົວເທບ ມາໄລຄໍາ ວ່າການຫົວໜ້າກົມຄຸ້ມຄອງພະລັງງານ ...