ຂ່າວ ຕ່າງປະເທດ

ຕາມ​ຂ່າວ​ຈາກ ​ກົວ​ລາ​ລຳ​ເປີ, ວັນ​ທີ 15 ມິຖຸນາ 2020 ທີ່ຜ່ານມາ ທ່ານ ​ໂທ​ນີ ​ເຟີ​ນັນ​ເດ​ສ, ປະທານ ​ເຈົ້າໜ້າ​ທີ່ ​ບໍລິຫານ (CEO) ສາຍ​ການບິນ ​ແອ​ເອ​ເຊຍ ມາ​ເລ​ເຊຍ (Air Asia Malaysia Airlines)​ ເປີດ​ເຜີຍ​ວ່າ: ຈະ​ເລີ່​ມຖ້ຽວ​ບິນ​ ໃນ​ປະ​ເທດ ທຸກ​ເສັ້ນທາງ ນັບຕັ້ງ​ແຕ່​ເດືອນ​ກໍລະກົດ ​ເປັນຕົ້ນ​ໄປ ​ເນື່ອງ​ຈາກ​ ລັດຖະບານ ມາ​ເລ​ເຊຍ ຫລຸດຜ່ອນ ມາດ​ຕະການຈຳກັດການ​ເດີນທາງ ​ເພື່ອ​ຄວບ​ຄຸມ​ເຊື້ອພະຍາດໂຄ​ວິດ-19 ​ແຕ່​ຄວາມຖີ່​ ຂອງ​ຖ້ຽວ​ບິນ ຈະ​ຂຶ້ນ​ຢູ່​ກັບ​ຄວາມ​ຕ້ອງການ ​ເດີນທາງ​ຂອງ​ຜູ້​ໂດຍສານ ​ເນື່ອງ​ຈາກ​ຂະນະ​ນີ້ ມີ​ຄວາມ​ຕ້ອງການ ​ເດີນທາງ​ ດ້ວຍ​ເຮືອບິນ​ ສູງ​ຂຶ້ນ ຄົນ​ຕ້ອງການ​ເດີນທາງ, ຕ້ອງການ​ເຮັດ​ວຽກ ​ແລະ ຕ້ອງການ​ກັບ​ເຮືອນ. ສ່ວນ​ລັດຖະບານ ມາ​ເລ​ເຊຍ ອະນຸຍາດ ​ໃຫ້​ເດີນທາງ ລະຫວ່າງ ​ລັດ​ ໄດ້ຕັ້ງ​ແຕ່​ອາທິດ​ກ່ອນ ຕາມ​ມາດ​ຕະການຟື້ນຟູ​ເສດຖະກິດ ທີ່​ໄດ້​ຮັບ​ຜົນ​ກະທົບ ຈາກ​ໂຄ​ວິດ-19 ຫລັງ​ຈາກ​ ປະກາດ​ວ່າ ປະສົບ​ຜົນສຳ​ເລັດ ​ໃນ​ການ​ຄວບ​ຄຸມພະ​ຍາດ​ໄດ້​ແລ້ວ. ...

ໃນວັນທີ 14 ມິຖຸນາ ຜ່ານມາ ຮອງໂຄສົກປະຈໍາສໍານັກນາຍົກລັດຖະມົນຕີ (Ms. Triksi Trisornkun) ເປີດເຜີຍວ່າ ລັດຖະມົນຕີວ່າການທ່ອງທ່ຽວ ແລະ ກິລາ (Mr. Phiphat Ratchakitprakan) ໄດ້ຜັກດັນແຜນການ “travel bubble” ການຈັບຄູ່ປະເທດ ເພື່ອເຊື່ອມຕໍ່ການເດີນທາງລະຫວ່າງປະເທດທີ່ສາມາດຈັດການ Covid-19 ໄດ້ດີເທົ່າໆກັນ, ເຊິ່ງເປັນຄວາມຮ່ວມມືໃນລັກສະນະສອງຝ່າຍ ດ້ານການທ່ອງທ່ຽວແບບໃໝ່ທີ່ທົ່ວໂລກກໍາລັງຫັນມາສົນໃຈ ພາຍຫຼັງສະຖານະການ Covid-19 ໃນຫຼາຍໆປະເທດເລີ່ມດີຂຶ້ນ ໂດຍຈະມີການເປີດຮັບນັກທ່ອງທ່ຽວ ມື້ລະ 1,000 ຄົນ ເຂົ້າປະເທດ ໂດຍບໍ່ຕ້ອງກັກໂຕ 14 ມື້. ປັດຈຸບັນ ການປະຊຸມສູນບໍລິການສະຖານະການ Covid-19 ໄດ້ເຫັນດີໃນຫຼັກການແລ້ວ ເຊິ່ງໃນຕອນນີ້ ຢູ່ໃນຂັ້ນຂອງການຫາລືລະຫວ່າງກະຊວງການທ່ອງທ່ຽວ ແລະ ກິລາ, ກະຊວງສາທາລະນະສຸກ, ກະຊວງການມະຫາດໄທ ແລະ ກະຊວງການຕ່າງປະເທດ ເພື່ອຫາຂໍ້ສະຫຼຸບໃນແນວທາງການດໍາເນີນການ ບໍ່ວ່າຈະເປັນແນວທາງການເຈລະຈາກັບປະເທດກຸ່ມເປົ້າໝາຍ, ຂໍ້ປະຕິບັດຕ່າງໆ ລວມເຖິງການປ້ອງກັນການລະບາດຂອງພະຍາດ ກ່ອນສູນບໍລິຫານສະຖານະການ Covid-19 ຈະພິຈາລະນາອີກຄັ້ງໜຶ່ງ ໃນວັນທີ 17 ມິຖຸນາ ນີ້. ຮອງໂຄສົກປະຈໍາສໍານັກນາຍົກລັດຖະມົນຕີ ໄດ້ໃຫ້ຂໍ້ມູນວ່າ: ເສດຖະກິດໄທ ແລະ ທົ່ວໂລກ ໄດ້ຮັບຜົນກະທົບຈາກການແຜ່ລະບາດຂອງ  Covid-19 ...

ທາງໜ່ວຍງານພາກລັດຂອງປະເທດໄທກໍາລັງພິຈາລະນາອອກ “ດັບເບິລ ວີຊາ”  (Double Visa)  ເພື່ອໃຫ້ນັກທ່ອງທ່ຽວເດີນທາງເຂົ້າອອກປະເທດໄທ ໄດ້ 2 ເທື່ອ ຕາມໄລຍະເວລາທີ່ກໍານົດ ເຊິ່ງມີຈຸດປະສົງເພື່ອອໍານວຍຄວາມສະດວກໃຫ້ນັກທ່ອງທ່ຽວຕ່າງປະເທດ ທີ່ຕ້ອງການເດີນທາງລະຫວ່າງປະເທດ ອາຊຽນ ເຊັ່ນ: ເດີນທາງມາພັກທີ່ປະເທດໄທໄລຍະໜຶ່ງ ແລ້ວຕ້ອງການເດີນທາງໄປທ່ຽວປະເທດລາວ ເພື່ອຢ້ຽມຊົມສະຖານທີ່ຕ່າງໆ​ແລ້ວ ຈຶ່ງເດີນທາງກັບມາທີ່ປະເທດໄທຄືນ ເພື່ອບິນກັບໄປປະເທດຕົນ ໂດຍໄດ້ປະກາດ ແຈ້ງມາດຕະການ ກະຕຸ້ນການທ່ອງທ່ຽວ ຕັ້ງ”ດັບເບິລ ວີຊາ”  (Double Visa) ເຂົ້າອອກປະເທດໄທໄດ້ ໂດຍເປີດດ່ານຊາຍແດນ 24 ຊົ່ວໂມງ ຄາດໝາຍດຶງນັກທ່ອງທ່ຽວເຂົ້າປະເທດປະມານ 42 ລ້ານຄົນ ໃນປີ 2020 ນີ້. ສ່ວນການທົດລອງເປີດດ່ານ 24 ຊົ່ວໂມງ ມີແຜນຈະເປີດໃນທ້າຍ ປີ 2019  ໂດຍຈະທົດລອງໄປກ່ອນ ເປັນເວລາ 3 ເດືອນ.​ ໃນເບື້ອງຕົ້ນ ແມ່ນມີແຜນຈະເປີດດ້ານຊາຍແດນ 2 ດ່ານ ຕະຫຼອດ 24 ຊົ່ວໂມງ ໃນຊ່ວງເທດສະການສໍາຄັນເຊັ່ນ: ດ່ານໜອງຄາຍ ຈັງຫວັດໜອງຄາຍ ແລະ ດ່ານ ສະເດົາ  ຈັງຫວັດສົງຂາ. ...

ຈາກການປະມວນຜົນແອັບທີ່ຖືກດາວໂຫຼດຫຼາຍທີ່ສຸດໃນ ເດືອນ ພຶດສະພາ ປີ 2020 ມີດັ່ງນີ້:   TikTok ແມ່ນແອັບທີ່ຖືກດາວໂຫລດຫຼາຍທີ່ສຸດໃນໂລກ ໂດຍສະເລ່ຍໃນເດືອນ ພຶດສະພາ ປີ 2020 ເຫັນວ່າມີການຕິດຕັ້ງແອັບນີ້ຫຼາຍກວ່າ 111,9 ລ້ານຄັ້ງ, ເຊິ່ງເປັນການເພີ່ມຂື້ນ 2 ເທົ່າຖ້າທຽບໃສ່ ເດືອນ ພຶດສະພາ ປີ 2019 ທີ່ຜ່ານມາ. ສໍາລັບປະເທດທີ່ມີການຕິດຕັ້ງແອັບ TikTok ຫຼາຍທີ່ສຸດໃນໄລຍະນີ້ ແມ່ນປະເທດອິນເດຍ ເຊິ່ງກວມເອົາຈໍານວນ 20% ຂອງການດາວໂຫລດທັງໝົດ ແລະ ສະຫະລັດອາເມລິກາ ກວມເອົາ 9,3%. ສ່ວນການຄາດຄະເນ ການດາວໂຫລດແອັບແມ່ນມາຈາກ Platform ຂອງ Sensor Tower’s Store Intelligence. Zoom ເປັນແອັບທີ່ຖືກຕິດຕັ້ງຫລາຍທີ່ສຸດໃນໂລກ ຖັດຈາກແອັບ TikTok ເພາະມີການຕິດຕັ້ງເກືອບ 94,6 ລ້ານຄັ້ງ, ເຊິ່ງເພີ່ມຂື້ນ 43 ເທົ່າຈາກເດືອນ ພຶດສະພາ ປີ 2019. ສ່ວນບັນດາປະເທດທີ່ມີຈຳນວນການຕິດຕັ້ງແອັບ ZOOM ຫຼາຍທີ່ສຸດແມ່ນສະຫະລັດອາເມລິກາສະເລ່ຍຢູ່ທີ່ 17%, ຕໍ່ມາແມ່ນປະເທດອິນເດຍຢູ່ທີ່ 17%. ...

ເດືອນເມສາ ທີ່ຜ່ານມາ ເຈົ້າໜ້າທີ່ທ້ອງຖິ່ນຂອງເຂດປົກຄອງມົງໂກລີໃນ ເຊິ່ງນັບວ່າເປັນພື້ນທີ່ແນວໜ້າຂອງປະເທດຈີນໃນການດໍາເນີນການເພື່ອຕໍ່ຕ້ານການປ່ຽນສະພາບທະເລຊາຍ (desertification) ໂດຍປະກາດວ່າ ພາຍໃນປີ 2019 ຈະປູກຕົ້ນໄມ້ໃຫ້ໄດ້ຫຼາຍກ່ວາ 860,000 ເຮັກຕາ ແລະ ຈະຂະຫຍາຍພື້ນທີ່ທົ່ງຫຍ້າໃຫ້ໄດ້ຫຼາຍກວ່າ 2,000,000 ເຮັກຕາ. ເນື່ອງຈາກ ມົງໂກລີໃນ ເປັນພື້ນທີ່ທີ່ມີທະເລຊາຍຢູ່ຫຼາຍແຫ່ງ ເຊິ່ງພື້ນທີ່ນີ້ເຄີຍເປັນທົ່ງຫຍ້າສີຂຽວມາກ່ອນ ແລະ ຖ້າຫາກພວກເຂົາບໍ່ລົງມືເຮັດຫຍັງ ພື້ນທີ່ທະເລຊາຍດັ່ງກ່າວຈະເພີ່ມຂຶ້ນຕໍ່ໄປເລື່ອຍໆ. ໃນປີຜ່ານມາ ມົງໂກລີໃນໄດ້ດໍາເນີນການປູກປ່າໄປແລ້ວຫຼາຍກວ່າ 666,700 ເຮັກຕາ/ປີ ຄິດເປັນຈໍານວນພື້ນທີ່ແມ່ນ 1 ໃນ 9 ຂອງໂຄງການທັງໝົດ. ໃນການແກ້ໄຂກ່ຽວກັບການຂະຫຍາຍຕົວຂອງພື້ນທີ່ທະເລຊາຍນັ້ນ ແມ່ນໄດ້ນໍາເອົາພົມຫຍ້າທຽມທີ່ເຮັດຈາກເຟືອງມາປູ ເພື່ອສະກັດກັ້ນຊາຍ. ນອກຈາກນີ້, ໃນການເພາະພັນຕົ້ນໄມ້ ບາງຕົ້ນກໍເປັນຕົ້ນໄມ້ກາຝາກທີ່ມີສັບພະຄຸນເປັນຢາ ຫຼືເປັນຢາສະໝຸນໄພ ເມື່ອພວກມັນເຕີບໃຫຍ່ ປະຊາຊົນຍັງສາມາດນໍາໄປໃຊ້ໄດ້ອີກດ້ວຍ. ປັດຈຸບັນ ມົງໂກລີໃນ ມີພື້ນທີ່ປ່າຫຼາຍກວ່າ 26,000,000 ເຮັກຕາ ແລະ ມີພື້ນທີ່ປ່າຄຸ້ມຄອງເພີ່ມຂຶ້ນໃນປິ 2013 ທີ່ມີຢູ່ຮ້ອຍລະ 21.03  ເພີ່ມຂຶ້ນເປັນ ຮ້ອຍລະ 22.1 ດ້ວຍຄວາມພະຍາຍາມນີ້ ສົ່ງຜົນໃຫ້ພາຍຸຊາຍໃນພາກເໜືອຂອງຈີນຫຼຸດລົງ ຖືໄດ້ວ່າເປັນຄວາມປະສົບຜົນສໍາເລັດທີ່ດີສໍາລັບການຕໍ່ຕ້ານ ການປ່ຽນສະພາບສູ່ທະເລຊາຍ. ການປະຕິບັດການຄັ້ງນີ້ ບໍ່ແມ່ນຄັ້ງທໍາອິດທີ່ພະຍາຍາມຕໍ່ສູ້ກັບທໍາມະຊາດ ເພາະໃນ ປີ 1986 ໃນຍ່ານ ...

ມາເບິ່ງ 10  ອັນດັບທໍາອິດ ຂອງນັກກິລາທີ່ລວຍທີ່ສຸດໃນໂລກ ປີ 2020 ຈະມີໃຜແດ່? ອັນດັບທີ 1 Roger Federer Roger Federer ເປັນນັກກິລາເທັນນິດປະເທດສະວິດເຊີແລນ (Switzerland), ປັດຈຸບັນ ອາຍຸ 38 ປີ, ສະຖະນະແຕ່ງງານແລ້ວ, ເປັນນັກກິລາທີ່ລວຍທີ່ສຸດໃນໂລກອັນດັບທີ 1, ມີລາຍໄດ້ຈໍານວນ 106,3 ລ້ານໂດລາສະຫະລັ, ເຊິ່ງລາວໄດ້ເຊັນສັນຍາ 10 ປີ ກັບຍີ່ຫໍ້ເຄື່ອງແຕ່ງກາຍຍີ່ປຸ່ນ Uniqlo ໃນປີ 2018 ມູນຄ່າ 300 ລ້ານໂດລາສະຫະລັດ, ລາວໄດ້ລະດົມທຶນສ້າງມູນນິທິເດັກ ຈໍານວນ 50 ລ້ານໂດລາສະຫະລັດ. ອັນດັບທີ 2 Cristiano Ronaldo Cristiano Ronaldo ເປັນນັກກິລາບານເຕະປອກຕຸຍການ (Portugal), ປັດຈຸບັນ ອາຍຸ 35 ປີ, ສະຖານະໂສດ, ເປັນນັກກິລາທີ່ລວຍທີ່ສຸດໃນໂລກ ອັນດັບທີ 2, ມີລາຍໄດ້ຈໍານວນ 105 ລ້ານໂດລາສະຫະລັດ, ເປັນນັກກິລາທີ່ຄົນຕິດຕາມຫຼາຍທີ່ສຸດໃນສື່ສັງຄົມ ເຊິ່ງຜູ້ຕິດຕາມ Instagram ...

ຈາກເຫດການຍີ່ປຸ່ນກຽມເປີດນ່ານຟ້າໃນໄວໆນີ້ ແລະ ບາງປະເທດທີ່ສາມາດຄວບຄຸມການລະບາດຂອງ Covid-19 ເລີ່ມເປີດປະເທດ  ຄືກັນກັບປະເທດຫວຽດນາມໃນປັດຈຸບັນ ທີ່ຈະສືບຕໍ່ເປີດນ່ານຟ້າບິນຄືນສູ່ບັນດາປະເທດທີ່ປອດໄພແລ້ວ ໃນນັ້ນຄາດວ່າປະເທດທີ່ຫວຽດນາມຈະອະນຸຍາດໃຫ້ບິນມີ ສປປລາວ ນຳ. ຫວຽດນາມ ກຳລັງຈະເລີ່ມເປີດສາຍການບິນຄືນລະຫວ່າງບັນດາປະເທດທີ່ບໍ່ມີກໍລະນີຜູ້ຕິດເຊື້ອ Covid-19 ເປັນເວລາ 30 ວັນ, ເຊິ່ງປະເທດລາວ ຢູ່ໃນບັນຊີຈຸດໝາຍປາຍທາງບຸລິມະສິດ ສາເຫດທີ່ປະເທດລາວຢູ່ໃນບັນຊີຈຸດໝາຍປາຍບຸລິມະສິດ ກໍຍ້ອນວ່າ ປະເທດລາວເລີ່ມຄວບຄຸມ ແລະ ປ້ອງກັນຈາກການລະບາດໄດ້ຄ້ອນຂ້າງດີ ອີງຕາມຄະນະກຳມະການຊີ້ນຳລະດັບຊາດ ສຳລັບການປ້ອງກັນ ແລະ ຄວບຄຸມ Covid-19 ຂອງຫວຽດນາມ ທີ່ໄດ້ຮັບຜິດຊອບໃນການຮວບຮວມບັນຊີລາຍຊື່ຂອງບັນດາປະເທດທີ່ປອດໄພ ເຊິ່ງໃນນັ້ນລວມມີ ສປປລາວ ນຳ. ໃນວັນອັງຄານທີ່ຜ່ານມາ ນາຍົກລັດຖະມົນຕີຫວຽດນາມ ພະນະທ່ານ ຫງວຽນຊວນຟຸກ (Nguyen Xuan Phuc) ກ່າວວ່າ ການບິນຜ່ານ ແລະ ຈາກຈຸດໝາຍປາຍທາງທີ່ເປັນບຸລິມະສິດຈະຖືກອະນຸຍາດໃຫ້ເປີດຄືນໄດ້ ເຊິ່ງຈຸດໝາຍປາຍທາງທີ່ນາຍົກລັດຖະມົນຕີຫວຽດນາມກ່າວລວມມີ ປະເທດລາວ, ກຳປູເຈຍ, ໄຕ້ຫວັນ, ໂຊນ, ໂຕກຽວ, ແລະ ກວາງໂຈ. ທ່ານບໍ່ໄດ້ແຈ້ງໃຫ້ຊາບວ່າຈະມີມາດຕະການກວດກາປະເພດໃດແດ່ຕໍ່ປະເທດຕ່າງໆ. ພ້ອມດຽວກັນນີ້ ທາງການລາວຍັງບໍ່ທັນໄດ້ອະນຸຍາດ ແຈ້ງວັນເວລາ ສຳລັບການເປີດຮັບຖ້ຽວບິນສາກົນຄືນເທື່ອ, ໃນຂະນະທີ່ຖ້ຽວບິນພາຍໃນປະເທດເລີ່ມເປີດບິນແຕ່ວັນທີ 18 ພຶດສະພາ ທີ່ຜ່ານມາ. ...

ສະຖານະການຂອງຫຼາຍປະເທດໃນປັດຈຸບັນ ແມ່ນເລີ່ມມີການຜ່ອນຜັນເລື່ອງມາດຕະການປ້ອງກັນຄວາມປອດໄພ Lock down ແລ້ວ, ບາງປະເທດໄດ້ເລີ່ມເປີດນ່ານຟ້າແລ້ວ ແລະ ລັດຖະບານຍັງກຳລັງພິຈາລະນາສ້າງຕັ້ງສະຖານີຕ່າງໆເພື່ອດຳເນີນການກວດກາຄົນທີ່ ເຂົ້າ-ອອກ ປະເທດ ເຊິ່ງປະເທດຍີ່ປຸ່ນກໍາລັງຈະອະນຸຍາດໃຫ້ນັກທ່ອງທ່ຽວເດີນທາງເຂົ້າປະເທດຄືນໃໝ່ ຈາກທີ່ໄດ້ປິດປະເທດມາເປັນເວລາຫຼາຍເດືອນ ແຕ່ການຈະເປີດປະເທດຄັ້ງນີ້ ມີການຈໍາກັດເພື່ອປ້ອງກັນການແຜ່ລະບາດຂອງ Covid-19 ນັ້ນກໍຄື ມີການຈໍາກັດນັກທ່ອງທ່ຽວທີ່ເດີນທາງເຂົ້າປະເທດບໍ່ໃຫ້ເກີນມື້ລະ 250 ຄົນ ຈາກທີ່ເຄິຍມີນັກທ່ອງທ່ຽວເດີນທາງເຂົ້າໄປປະເທດຍີ່ປຸ່ນຫຼາຍໝື່ນຄົນຕໍ່ມື້ ພ້ອມກັນນັ້ນ ນັກທ່ອງທ່ຽວທີ່ສາມາດເດີນທາງເຂົ້າປະເທດໄດ້ຕ້ອງເປັນຄົນທີ່ມາຈາກ 4 ປະເທດເທົ່ານັ້ນຄື ນັກທ່ອງທ່ຽວປະເທດອັອສເຕເລຍ, ປະເທດນິວຊີແລນ, ປະເທດໄທ ແລະ ປະເທດຫວຽດນາມ. ສາເຫດສໍາຄັນທີ່ເຮັດໃຫ້ຍີ່ປຸ່ນເລືອກ 4 ປະເທດເຫຼົ່ານີ້ກ່ອນ ຍ້ອນເຫັນວ່າແຕ່ລະປະເທດມີການຄວບຄຸມໂລກລະບາດໄດ້ຄ້ອນຄ້າງດີ ແລະ ມີຄວາມສໍາພັນທາງເສດຖະກິດທີ່ເຂັ້ມແຂງກັບຍີ່ປຸ່ນ ເຖິງຢ່າງໃດກໍຕາມ ຍັງຈະໄດ້ມີການຂະຫຍາຍໄປປະເທດອື່ນໆໃນພາຍຫຼັງ ເປັນຕົ້ນແມ່ນປະເທດຈີນ, ເກົາຫຼີໃຕ້ ແລະ ສະຫະລັດອາເມລິກາ… ຄາດວ່າການຫຼຸດຜ່ອນຂໍ້ຈໍາກັດນີ້ ຈະເລີ່ມປະຕິບັດໃນອີກບໍ່ດົນ ໃນເບື້ອງຕົ້ນ ແມ່ນຄົນຈະສາມາດເດີນທາງເຂົ້າປະເທດຍີ່ປຸ່ນໄດ້ ແຕ່ຈະອະນຸຍາດໃຫ້ບຸກຄົນສະເພາະກຸ່ມເດີນທາງເຂົ້າມາເຊັ່ນ: ຜູ້ບໍລິຫານ ຫຼືວິສະວະກອນ ແຕ່ຍັງບໍ່ອະນຸຍາດໃຫ້ນັກທ່ອງທ່ຽວທົ່ວໄປເດີນທາງເຂົ້າໄປໄດ້ເທື່ອ. ແຫຼ່ງຂ່າວຍີ່ປຸ່ນໄດ້ແຈ້ງວ່າ ໃນປັດຈຸບັນແມ່ນຢູ່ໃນລະຫວ່າງການຫາລືກັບປະເທດຕ່າງໆ ກ່ຽວກັບວິທີການດໍາເນີນການດັ່ງກ່າວ ໂດຍບໍ່ໃຫ້ສ່ຽງຕໍ່ການແຜ່ລະບາດຂອງ Covid-19 ແລະ ລາຍລະອຽດອື່ນໆ ເຊັ່ນ: ນັກທ່ອງທ່ຽວແຕ່ລະປະເທດຈະຕ້ອງໄດ້ຮັບການອະນຸຍາດ ແລະ ມີວິທີການກວດກາຈາກປະເທດຂອງຕົນວ່າບໍ່ໄດ້ມີເຊື້ອ Covid-19. ແຫຼ່ງຂໍ້ມູນ: https://english.kyodonews.net/news/2020/06/04b42b672fc9-japan-to-let-in-250-foreigners-per-day-under-eased-travel-curbs.html  

1. ທຸລະກິດດ້ານເທັກໂນໂລຢີຂັ້ນສູງຈະມີການພັດທະນາຢ່າງເຫັນໄດ້ຊັດເຈນ ເພາະຈາກສະຖານະການ Covid-19 ທີ່ທຸກຄົນຫັນໄປໃຫ້ຄວາມສົນໃຈກັບເທັກໂນໂລຢີ ເຮັດໃຫ້ສິ່ງເຫຼົ່ານີ້ ເປັນໂອກາດຂອງທຸລະກິດສາຍນີ້ຈະເລັ່ງແກ້ບັນຫາ ຈົນອາດສາມາດສ້າງຈຸຢືນທີ່ໝັ້ນຄົງໃນຕະຫຼາດໄດ້. 2. ທຸລະກິດ Start-up ຈະເປັນເລື່ອງທີ່ຍາກຂຶ້ນ ເນື່ອງຈາກທຸລະກິດແນວນີ້ ຈະຕ້ອງມີນັກລົງທຶນເປັນສ່ວນທີ່ຫຼໍ່ລ້ຽງ ແລະ ພັດທະນາທຸລະກິດ ແຕ່ສະພາວະທີ່ເປັນຢູ່ ແລະ ຫຼັງຈາກນີ້ ຈະຍັງເປັນຊ່ວງເວລາທີ່ນັກລົງທຶນ ຈະຄໍານຶງໃນສ່ວນຂອງການລົງທຶນເອົາໄວ້ຢູ່. 3. ທຸລະກິດຕ່າງໆ ຈະລົງທຶນກັບລະບົບ E-Commerce ຫຼາຍຂຶ້ນ ຜົນກະທົບຈາກ Covid-19 ເຮັດໃຫ້ພຶດຕິກໍາຂອງຜູ້ບໍລິໂພກປ່ຽນໄປ ແລະ ເບິ່ງຄືວ່າລະບົບ E-Commerce ຈະສາມາດຕອບສະໜອງຄວາມຕ້ອງການຂອງຜູ້ບໍລິໂພກໄດ້ເປັນຢ່າງດີ. 4. ທຸລະກິດແຟຊັ່ນຈະມີ Platform ເປັນຂອງຕົວເອງ ເຊິ່ງໃນ Platform ນີ້ ຈະມີເທັກໂນໂລຢີທີ່ຈໍາເປັນສໍາລັບການສື່ສານກັບລູກຄ້າໂດຍບໍ່ຕ້ອງໄປທີ່ໜ້າຮ້ານ ເພື່ອຫຼຸດຜ່ອນການເກີດເຫດການທີ່ບໍ່ຄາດຄິດເຊັ່ນວ່າ ການລອງເຄື່ອງນຸ່ງຜ່ານລະບົບ 3D Showroom ເປັນຕົ້ນ. 5. ທຸລະກິດກ່ຽວກັບຄ້າຍ່ອຍທີ່ຂາຍສິນຄ້າບໍ່ຈໍາເປັນຈະຕ້ອງປັບຕົວເຂົ້າສູ່ລະບົບ Online  ຮ້ານຄ້າຍ່ອຍທີ່ຂາຍສິນຄ້າບໍ່ຈໍາເປັນເຊັ່ນວ່າ: ອຸປະກອນກໍ່ສ້າງ, ຂອງຕົກແຕ່ງ ແລະ ອື່ນໆ ຈະຕ້ອງເຂົ້າສູ່ລະບົບ Online ຫຼາຍຂຶ້ນໃນສັດສ່ວນ 70% ເພື່ອເຂົ້າເຖິງຜູ້ບໍລິໂພກທີ່ມີພຶດທິກໍາການຊື້ສິນຄ້າເຫຼົ່ານີ້ຜ່ານລະບົບ Online ຫຼາຍຂຶ້ນ. 6. ທຸລະກິດຮ້ານອາຫານຈະມີການປັບຮູບແບບໃໝ່ ເພີ່ມໄລຍະເວລາຫຼາຍຂຶ້ນ ຈາກບົດຮຽນຂອງ Covid-19 ທຸລະກິດຮ້ານອາຫານກໍເລີ່ມຈະໃຫ້ຄວາມສໍາຄັນກັບພື້ນທີ່ໃນຮ້ານຫຼາຍຂຶ້ນ ເພື່ອເພີ່ມຄວາມປອດໄພໃນເລື່ອງຂອງສຸຂະອະນາໄມ ແລະ ເຫດການບໍ່ຄາດຄິດອາດຈະເກີດຂຶ້ນໄດ້ຢູ່ສະເໝີ. ການປ່ຽນແປງທາງສັງຄົມທີ່ເກີດຂຶ້ນ ຈະເອີ້ນວ່າທິດສະດີ New Normal ສິ່ງເຫຼົ່ານີ້ຈະມີຜົນກະທົບຢ່າງຫຼວງຫຼາຍກັບສະພາບເສດຖະກິດ, ...

1. ຮູບແບບຂອງປະເທດຈີນຈະເປັນສູນກາງເສດຖະກິດ ເພາະຈີນ ເປັນປະເທດທໍາອິດທີ່ໄດ້ຮັບຜົນກະທົບ ແລະ ກໍເປັນປະເທດທໍາອິດທີ່ຈະຟື້ນຕົວໄດ້ໄວທີ່ສຸດ ສະນັ້ນ, ການລົງທຶນ ຫຼືທິດທາງຂອງເສດຖະກິດທັງໃນ ແລະ ນອກປະເທດລ້ວນແລ້ວແຕ່ມີສິ່ງກ່ຽວຂ້ອງກັບຈີນທັງນັ້ນ ເຊັ່ນແຫຼ່ງການຜະລິດສິນຄ້າເປັນຕົ້ນ. 2. ການຟື້ນຟູເສດຖະກິດຕ້ອງອາໄສພາກລັດ ແລະ ທຸລະກິດຂະໜາດໃຫຍ່  ພາກລັດ ແລະ ທຸລະກິດຂະໜາດໃຫຍ່ ທີ່ມີເງິນທຶນສໍາຮອງມີອໍານາດຊ່ວຍເຫຼືອທີ່ສູງຫຼາຍ ຈຶ່ງເປັນສາເຫດທີ່ເຮົາອາດຈະໄດ້ເຫັນການຮ່ວມມືຂອງພາກລັດ ແລະ ທຸລະກິດຂະໜາດໃຫຍ່ ໃນການພັດທະນາເສດຖະກິດໃນປະເທດ. 3. ຜູ້ປະກອບການຈະລົງທຶນກັບການໃຊ້ເທັກໂນໂລຢີໃນການເຮັດວຽກຫຼາຍຂຶ້ນ  ຈາກສະຖານະການ Covid-19 ເຮັດໃຫ້ຫຼາຍໆທຸລະກິດຮຽນຮູ້ເຖິງວິທີການໃຊ້ເທັກໂນໂລຢີໃນການເຮັດວຽກຫຼາຍຂຶ້ນ ແລະ ເຫັນເຖິງຂໍ້ດີໃນການໃຊ້ເທັັກໂນໂລຢີເຫຼົ່ານີ້ ເພື່ອຫຼຸດບັນຫາຂອງພະລັງງານຄົນອີກດ້ວຍ. 4. ເງິນ DIgital ເປັນສິ່ງທີ່ແຕ່ລະປະເທດໃຫ້ຄວາມສົນໃຈ  ປັດຈູບັນ ຈີນໄດ້ຫັນມາໃຊ້ລະບົບເງິນ DIgital ເຕັມຮູບແບບແລ້ວ ແລະ ຈີນຈະເປັນສູນກາງຂອງໂລກໃນໄລຍະເວລາໜຶ່ງ ເຮັດໃຫ້ຫຼາຍໆປະເທດຕ້ອງຫັນມາສົນໃຈຄ່າເງິນດັ່ງກ່າວຢ່າງຈິງຈັງຫຼາຍຂຶ້ນ. ແຫຼ່ງຂໍ້ມູນ: https://adaddictth.com/knowledge/60-New-Normal-Covid