Target Magazine
ຕາມຂ່າວຈາກ ກົວລາລຳເປີ, ວັນທີ 15 ມິຖຸນາ 2020 ທີ່ຜ່ານມາ ທ່ານ ໂທນີ ເຟີນັນເດສ, ປະທານ ເຈົ້າໜ້າທີ່ ບໍລິຫານ (CEO) ສາຍການບິນ ແອເອເຊຍ ມາເລເຊຍ (Air Asia Malaysia Airlines) ເປີດເຜີຍວ່າ: ຈະເລີ່ມຖ້ຽວບິນ ໃນປະເທດ ທຸກເສັ້ນທາງ ນັບຕັ້ງແຕ່ເດືອນກໍລະກົດ ເປັນຕົ້ນໄປ ເນື່ອງຈາກ ລັດຖະບານ ມາເລເຊຍ ຫລຸດຜ່ອນ ມາດຕະການຈຳກັດການເດີນທາງ ເພື່ອຄວບຄຸມເຊື້ອພະຍາດໂຄວິດ-19 ແຕ່ຄວາມຖີ່ ຂອງຖ້ຽວບິນ ຈະຂຶ້ນຢູ່ກັບຄວາມຕ້ອງການ ເດີນທາງຂອງຜູ້ໂດຍສານ ເນື່ອງຈາກຂະນະນີ້ ມີຄວາມຕ້ອງການ ເດີນທາງ ດ້ວຍເຮືອບິນ ສູງຂຶ້ນ ຄົນຕ້ອງການເດີນທາງ, ຕ້ອງການເຮັດວຽກ ແລະ ຕ້ອງການກັບເຮືອນ. ສ່ວນລັດຖະບານ ມາເລເຊຍ ອະນຸຍາດ ໃຫ້ເດີນທາງ ລະຫວ່າງ ລັດ ໄດ້ຕັ້ງແຕ່ອາທິດກ່ອນ ຕາມມາດຕະການຟື້ນຟູເສດຖະກິດ ທີ່ໄດ້ຮັບຜົນກະທົບ ຈາກໂຄວິດ-19 ຫລັງຈາກ ປະກາດວ່າ ປະສົບຜົນສຳເລັດ ໃນການຄວບຄຸມພະຍາດໄດ້ແລ້ວ. ນອກນີ້ ຍັງມີແຜນຂະຫຍາຍທຸລະກິດຂົນສົ່ງສິນຄ້າກະສິກຳຮູບແບບໃໝ່ ໃນອີກ 3-4 ເດືອນຕໍ່ໜ້າ ເພື່ອຂະຫຍາຍຕະຫລາດໃຫ້ແກ່ກະສິກອນ ໃນມາເລເຊຍ ໄປຍັງຕ່າງປະເທດ.
ແຫຼ່ງຂ່າວ: ຂປລ
