ປັດຈຸບັນ, ມີການທົດລອງໃຊ້ວັກຊິນປ້ອງກັນ Covid-19 ຫຼາຍປະເທດ, ໃນນັ້ນ ບໍລິສັດ ໄບອອນເທັກ ປະເທດເຢຍລະມັນ ຮ່ວມກັບບໍລິສັດໄຟເຊີ ສະຫະລັດອາເມລິກາ ກໍໄດ້ພັດທະນາວັກຊິນເຂຊັ່ນດຽວກັນ ໂດຍເລື່ອງຮູບແບບຂອງການໃຊ້ງານ ແລະ ລາຄາ ວັກຊີນແຕ່ລະແບບທີ່ກຳລັງທົດສອບຢູ່ຕອນນີ້ໃຫ້ຜົນທີ່ໃກ້ຄຽງກັນ ໂດຍສ່ວນໃຫຍ່ຈະເຫັນຜົນວ່າມີລະດັບພູມຄຸ້ມກັນສູງພຽງພໍຫຼັງສັກວັກຊີນເຂັມທີ 2. ດ່ັ່ງນັ້ນ, ຈຶ່ງຄາດວ່າຕ້ອງສັກວັກຊີນຄົນລະ 2 ຄັ້ງ ຫ່າງກັນ 1 ເດືອນ ແລະ ເມື່ອບໍ່ດົນມານີ້ໄດ້ມີການເປີດເຜີຍຜົນການເຈລະຈາສຳຄັນທີ່ບົ່ງບອກເຖິງແນວໂນ້ມລາຄາຂອງວັກຊິນ ໂດຍລັດຖະບານສະຫະລັດອາເມລິກາໄດ້ຕົກລົງສັ່ງຊື້ວັກຊິນ ທີ່ພັດທະນາໂດຍບໍລິສັດ ໄບອອນເທັກ ປະເທດເຢຍລະມັນ ຮ່ວມກັບບໍລິສັດໄຟເຊີ ສະຫະລັດອາເມລິກາ ເປັນການກວດຈອງເຊື້ອວັກຊິນລ່ວງໜ້າ, ຫາກວັກຊິນປະສົບຄວາມສຳເລັດໄດ້ມີການລະບຸລາຄາຂອງວັກຊິນໄວ້ເລີຍ ໂດຍໄດ້ສັ່ງຊື້ວັກຊິນຈຳນວນ 100 ລ້ານເຂັມ (ສຳລັບສັກໃນຄົນ 50 ລ້ານຄົນ) ຢູ່ທີ່ລາຄາ 2,000 ລ້ານໂດລາສະຫະລັດ ເທົ່າກັບເຂັມລະ 20 ໂດລາສະຫະລັດ. ປະເມີນກັນຕອນນີ້ວ່າ ວັກຊິນປ້ອງກັນ Covid-19 ລາຄາເຂັມລະ 20 ໂດລາສະຫະລັດ ຫຼືເປັນເງິນກີບປະມານ 181,500ກີບ (ໄລ່ໃນລາຄາ 1 ໂດລາ 9,069 ກີບ) ເຊິ່ງໃນນັ້ນຕ້ອງສັກຄົນລະ ...
Read More »ຂ່າວ ຕ່າງປະເທດ
ຍີ່ປຸ່ນຍ້າຍ 30 ບໍລິສັດຈາກຈີນເຂົ້າອາຊຽນ ໃນນັ້ນໄດ້ຍ້າຍ 15 ບໍລິສັດ ເຂົ້າຫວຽດນາມ…
ຍີ່ປຸ່ນສະໜັບສະໜຸນ 30 ບໍລິສັດ ຍ້າຍຖານຈາກຈີນເຂົ້າອາຊຽນ ໂດຍມີຂໍ້ມູນວ່າໄດ້ຍ້າຍເຂົ້າຫວຽດນາມຫຼາຍເຖິງ 15 ບໍລິສັດ, ສ່ວນບໍລິສັດທີ່ເຫຼືອອາດຈະຍ້າຍໄປປະເທດໄທ ຫຼື ມຽນມາ ໃນຂະນະທີ່ອີກ 57 ໂຄງການຈະຍ້າຍຖານກັບຍີ່ປຸ່ນ ປະເທດຍີ່ປຸ່ນ ສຳນັກງານສົ່ງເສີມການຄ້າໃນຕ່າງປະເທດ ຢູ່ຮ່າໂນ້ຍ ປະເທດຫວຽດນາມ ລາຍງານອ້າງອີງຂໍ້ມູນສື່ຕ່າງປະເທດວ່າ ອົງການສົ່ງເສີມການຄ້າຕ່າງປະເທດຂອງຍີ່ປຸ່ນ (Jetro) ລະບຸວ່າ ບໍລິສັດຂອງຍີ່ປຸ່ນ 15 ຈາກ 87 ລາຍການ ໄດ້ຮັບການສະນັບສະໜຸນຈາກລັດຖະບານ ໃນການຍ້າຍໂຮງງານໄປທີ່ຫວຽດນາມ. ໂດຍ Jetro ເຜີຍວ່າ ການຍ້າຍໂຮງງານດັ່ງກ່າວ ເພື່ອປັບປຸງຊ່ອງວ່າງໃນຕ່ອງໂສ້ອຸປະທານຂອງຍີ່ປຸ່ນທີ່ເກີດຈາກການແຜ່ລະບາດຂອງ COVID-19. ນອກຈາກນີ້, ໂຄງການຍ້າຍຖານການຜະລິດໄປອາຊີ ເພື່ອເສີມສ້າງຄວາມຮ່ວມມືທາງເສດຖະກິດ ແລະ ອຸດສາຫະກຳລະຫວ່າງຍີ່ປຸ່ນ ແລະ ປະເທດໃນອາຊຽນ. ໃນຂະນະທີ່ Bloomberg ລາຍງານວ່າ ລັດຖະບານຍີ່ປຸ່ນຈະຖ່າຍເງິນໃຫ້ແກ່ບໍລິສັດບາງແຫ່ງ ເພື່ອຍ້າຍໂຮງງານອອກຈາກປະເທດຈີນກັບໄປປະເທດຍີ່ປຸ່ນ ຫຼືປະເທດອາຊີຕາເວັນອອກສ່ຽງໃຕ້ (ອາຊຽນ) ວັດຖຸູປະສົງເພື່ອປັບປຸງຕ່ອງໂສ້ອຸປະທານ ແລະ ຫຼຸດການເພິ່ງພາການຜະລິດໃນປະເທດຈີນອີກດ້ວຍ. Nikkei ລະບຸວ່າ ລັດຖະບານຍີ່ປຸ່ນຈະຖ່າຍເງິນທັງໝົດ 70,000 ລ້ານເຢນ (635 ລ້ານ ໂດລາສະຫະລັດ ໃຫ້ກັບ ...
Read More »ອາເມລິກາວິກິດໜັກ!! ຜູ້ຕິດເຊື້ອລົ້ນໂຮງຫມໍ ຈົນຕ້ອງໄດ້ສົ່ງກັບໄປຕາຍຢູ່ບ້ານ…
ໃນວັນທີ 27 ກໍລະກົດ 2020 ທີ່ຜ່ານມາ ສໍານັກຂ່າວ CNN ລາຍງານເຖິງການແຜ່ລະບາດຂອງເຊື້ອໄວຣັສໂຄໂຣນາສາຍພັນໃໝ່ 2019 ຫຼືໂຄວິດ-19 ລະບາດໜັກໃນສະຫະລັດອະເມລິກາ ແລະ ຍັງຄົງສ້າງຄວາມວິຕົກກັງວົນຢ່າງໜັກ ຕາມຂໍ້ມູນແບບ real-time ຂອງມະຫາວິທະຍາໄລ John Hopkins ລະບຸວ່າ ມີຜູ້ເສີຍຊີວິດດ້ວຍພະຍາດໂຄວິດ-19 ໃນສະຫະລັດອາເມລິກາ ພາຍໃນມື້ດຽວ ເຖິງ 1.000 ຄົນຕໍ່ເນື່ອງເປັນມື້ທີ່ 4 ແລ້ວ ເຮັດໃຫ້ຈໍານວນຜູ້ເສີຍຊີວິດໃນສະຫະລັດອາເມລິກາ ເພິ່ມຂຶ້ນເປັນຈໍານວນ 146.000 ຄົນແລ້ວ, ຂະນະທີ່ຍອດສະສົມຜູ້ຕິດເຊື້ອໂຄວິດ-19 ສູງຂຶ້ນໄປຢູ່ທີ່ 4,2 ລ້ານຄົນ ແລະປິ່ນປົວດີແລ້ວ 1,29 ລ້ານຄົນ. ຕາມລາຍງານລະບຸວ່າໃນຊ່ວງວັນສຸກ ແລະ ວັນເສົາທີ່ຜ່ານມາ ລັດ California , ລັດ Georgia ແລະ Hawaii ພົບຜູ້ເສີຍຊີວິດດ້ວຍພະຍາດໂຄວິດ-19 ເປັນຈໍານວນຫຼາຍຈົນທໍາລາຍສະຖິຕິຂອງລັດ ໂດຍທີ່California ມີຜູ້ເສີຍຊີວິດເມື່ອວັນສຸກທີ່ຜ່ານມາເຖິງ 159 ຄົນ. ຈົນນັບເປັນຈໍານວນຜູ້ເສີຍຊີວິດຫຼາຍທີ່ສຸດຂອງລັດCalifornia ພາຍໃນມື້ດຽວ ນັບຕັ້ງແຕ່ເກີດການລະບາດຂອງເຊື້ອໄວຣັສໂຄໂຣນາ. ນອກຈາກນີ້, ນັກວິໄຈປະຈໍາສູນຄວບຄຸມ ແລະ ...
Read More »ຈີນ ກວດພົບຜູ້ຕິດເຊື້ອພະຍາດໂຄວິດ-19 ເພີ່ມໃໝ່ 60 ກວ່າຄົນ
ຕາມແຫລ່ງຂ່າວ ຈາກCRIຂອງຈີນ ເມື່ອບໍ່ດົນມານີ້, ຄະນະກຳມະການ ສາທາລະນະສຸກ ແຫ່ງຊາດຈີນ ໄດ້ເປີດເຜີຍວ່າ:ມີຜູ້ຕິດເຊື້ອ ພະຍາດ ໂຄວິດ-19 ເພີ່ມໃໝ່ 61 ຄົນ, ໃນນັ້ນ ມີຜູ້ຕິດເຊື້ອ ທີ່ເດີນທາງ ມາຈາກຕ່າງປະເທດ 4 ຄົນ, ຜູ້ຕິດເຊື້ອ ພາຍໃນປະເທດ 57 ຄົນ, ບໍ່ມີຜູ້ເສຍຊີວິດ ແລະ ບໍ່ມີຜູ້ສົງໄສວ່າ ມີເຊື້ອທີ່ເພີ່ມໃໝ່.ປັດຈຸບັນ ຍັງມີຜູ້ຕິດເຊື້ອ ພະຍາດ ໂຄວິດ-19 ຈຳນວນ 339 ຄົນ, ມີຜູ້ຕິດເຊື້ອພະຍາດ 78.918 ຄົນ ໄດ້ປິ່ນປົວ ໃຫ້ຫາຍຂາດ, ມີຜູ້ເສຍຊີວິດ ທັງໝົດ 4.634 ຄົນ ແລະ ມີຜູ້ເຄີຍຕິດເຊື້ອ ພະຍາດ ທັງໝົດ 83.891 ຄົນ, ຍັງມີຜູ້ສົງໄສ ມີເຊື້ອ 3 ຄົນ. ເຝົ້າຕິດຕາມຜູ້ທີ່ຢູ່ໃກ້ຊິດ ກັບຜູ້ຕິດເຊື້ອ ທັງໝົດ 781.406 ຄົນ, ໃນນັ້ນ ຍັງມີ 13.935 ຄົນ ...
Read More »ພາກທຸລະກິດຍີ່ປຸ່ນຈະໄດ້ເຮັດວຽກທາງໄກເພີ່ມຂຶ້ນຫຼາຍກວ່າ 70%
ແຫລ່ງຂ່າວຈາກໂຕກຽວລາຍງານເມື່ອບໍ່ດົນມານີ້ວ່າ , ລັດຖະບານ ຍີ່ປຸ່ນ ຈະຂໍໃຫ້ພາກທຸລະກິດ ເຮັດວຽກທາງໄກ ເພີ່ມຂຶ້ນ 70% ແລະ ສົ່ງເສີມ ມາດຕະການ ຮັກສາໄລຍະຫ່າງ ທາງສັງຄົມ ເນື່ອງຈາກ ຄົນເຮັດວຽກ ຕິດເຊື້ອພະຍາດ ໂຄວິດ-19 ເພີ່ມສູງຂຶ້ນ ຢ່າງຕໍ່ເນື່ອງ. ຂະນະນີ້ ມີຄົນເຮັດວຽກທາງໄກ ເຫລືອພຽງ 30%ເທົ່ານັ້ນ ໂດຍສະເພາະ ຄົນເຮັດວຽກ ໃນຮ້ານບັນເທີງ, ຄົນເຮັດວຽກຕາມສຳນັກງານ ແລະ ການພົບປະສັງສັນ ຫລັງເລີກວຽກ ເຖິງວ່າ ຈຳນວນຜູ້ຕິດເຊື້ອ ອາການໜັກ ມີບໍ່ຫລາຍ ແຕ່ລັດຖະບານ ເປັນຫ່ວງ ກຸ່ມຄົນໄວ 40 ແລະ 50 ປີຂຶ້ນໄປ ຕິດເຊື້ອເພີ່ມຂຶ້ນ. ປັດຈຸບັນ ຍີ່ປຸ່ນ ມີຜູ້ຕິດເຊື້ອໂຄວິດ-19 ສະສົມ 30.000 ກວ່າຄົນ ແລະ ເສຍຊີວິດເກືອບ 1.000 ຄົນ.
Read More »ຈີນທົດລອງເຮືອບິນຂະໜາດໃຫຍ່ AG600 ທີ່ສາມາດບິນໄດ້ເທິງໜ້ານ້ຳ ແລະ ອາກາດໄດ້ສຳເລັດ
ບໍລິສັດອຸດສະຫະກຳການບິນແຫ່ງຊາດຂອງຈິນ (AVIC) ໄດ້ເຜີຍວ່າ: ເຮືອບິນ AG600 ໄດ້ດຳເນີນການບໍລິການແກ້ຜູ້ໂດຍສານໃນເດືອນທັນວາ ປີ 2017 ຢູ່ເມືອງ Zhuhai ແຂວງ Guangdong ຂອງຈິນ ແລະ ໄດ້ເລີ່ມການທົດລອງບິນເທິງໜ້ານ້ຳເປັນຄັ້ງທຳອິດໃນອ່າງເກັບນ້ຳ ຢູ່ເມືອງ Jingmen ແຂວງ Hubei ໃນເດືອນຕຸລາປີ 2018. ລ່າສຸດ ເມື່ອວັນທີ 26 ກໍລະກົດ 2020 ຕອນເຊົ້າເວລາ 10:18 a.m ເຮືອບິນ AG600 ຂະໜາດໃຫຍ່ໃນປະເທດຂອງຈີນກໍ່ປະສົບຜົນສຳເລັດໃນການທົດລອງທີ່ສາມາດບິນໄດ້ທັງ້ເທິງໜ້ານ້ຳ ແລະ ເທິງອາກາດ ທີ່ທະເລໃນເມືອງ Qingdao, ແຂວງ Shandong ທາງພາກຕາເວັນອອກຂອງຈີນ ໃຊ້ເວລາ 31 ນາທີໃນການທົດລອງ, ເຊິ່ງບໍລິສັດອຸດສະຫະກຳການບິນແຫ່ງຊາດຂອງຈິນ (AVIC) ໄດ້ກ່າວອິກວ່າ: ເຮືອບິນດັ່ງກ່າວຈະຊ່ວຍໃຫ້ການຂົນສົ່ງສິນຄ້າສະດວກສະບາຍຂື້ນ ແລະ ອິກທັງຍັງສາມາດຄວບຄຸມຫາກເກີດກໍລະນີພາວະສຸກເສີນເຮືອບິນຕົກລົງສູ້ນ້ຳ ເຮືອບິນ AG600 ມີລະບົບກູ້ໄພສຸກເສີນທີ່ສາມາດບິນເຫີນເທິງໜ້ານ້ຳບິນເທິງໜ້ານ້ຳໄດ້. ຂໍ້ມູນ: ຂ່າວສານລາວຈີນ
Read More »ລະບາດຮອບສອງ ພົບຜູ້ຕິດເຊື້ອຫຼາຍຮ້ອຍຄົນພາຍໃນວັນດຽວ
ເມື່ອວັນທີ 26 ກໍລະກົດ 2020 ທີ່ຜ່ານມາ ສຳນັກງານຂ່າວຕ່າງປະເທດລາຍງານເຖິງສະຖານະການໂຄວິດ-19 ທີ່ກັບມາແຜ່ລະບາດອິກຄັ້ງໃນຍີ່ປຸ່ນ ເຮັດໃຫ້ປະຊາຊົນມີຄວາມວິຕົກກັງວົນຫຼາຍຂຶ້ນ ເຊິ່ງກະຊວງສາທາລະນະສຸກເຜີຍວ່າ ພົບຜູ້ຕິດເຊື້ອລາຍໃໝ່ພາຍໃນ 24 ຊົ່ວໂມງ ສະເພາະກຸງໂຕກຽວເພີ່ມຂຶ້ນ239 ລາຍ ແລະ ທົ່ວປະເທດພົບຜູ້ຕິດເຊື້ອພາຍໃນວັນດຽວ 803 ລາຍ ໃນຂະນະນີ້ ປະເທດຍີ່ປຸ່ນ ມີຜູ້ຕິດເຊື້ອສະສົມເພີ່ມຂື້ນ 30,017 ສະເພາະໃນກຸງໂຕກຽວມີທັງໝົດ 11,214 ລາຍ ແລະ ທົ່ວປະເທດມີຜູ້ເສຍຊິວິດຈາກໂຄວິດ-19 ມີ 997 ຄົນ.
Read More »ກຳປູເຈຍ ຈະຢຸດຕິຖ້ຽວບິນຈາກມາເລເຊຍ-ອິນໂດເນເຊຍ
ສຳນັກຂ່າວ CRI ຂອງຈີນ ລາຍງານວ່າ: ເມື່ອບໍ່ດົນມານີ້ ທ່ານ ຮຸນເຊນ ນາຍົກລັດຖະມົນຕີ ກຳປູເຈຍ ໄດ້ຕົກລົງຕໍ່ບົດລາຍງານ ທີ່ສະເໜີໂດຍ ກະຊວງ ສາທາລະນະສຸກ ກຳປູເຈຍ ໂດຍລະບຸວ່າ ນັບແຕ່ວັນທີ 1 ສິງຫານີ້, ກຳປູເຈຍ ຈະຢຸດຕິຖ້ຽວບິນ ທີ່ມາຈາກ ມາເລເຊຍ ແລະ ອິນໂດເນເຊຍ ເພື່ອປ້ອງກັນ ຄວາມສ່ຽງຈາກ ການແຜ່ລະບາດ ຈາກຊາວຕ່າງປະເທດ ແລະ ປ້ອງກັນ ສຸຂະພາບຂອງ ປະຊາຊົນ. ພາບປະກອບເທົ່ານັັ້ນ ໃນໄລຍະວັນທີ 20 ມິຖຸນາ-25 ກໍລະກົດ ມີຜູ້ຕິດເຊື້ອ ພະຍາດ ໂຄວິດ-19 ລວມມີ 108 ຄົນ ຈາກຈຳນວນ ຜູ້ໂດຍສານ ທັງໝົດ ຂອງຖ້ຽວບິນ ທີ່ມາຈາກ ມາເລເຊຍ ແລະ ອິນໂດເນເຊຍ. ກະຊວງ ສາທາລະນະສຸກ ກຳປູເຈຍ ລະບຸວ່າ ໄລ່ເຖິງວັນທີ 25 ກໍລະກົດນີ້ ມີຜູ້ຕິດເຊື້ອ ສະສົມ 225 ຄົນ ແລະ ປິ່ນປົວ ຫລາຍດີແລ້ວ 143 ຄົນ. ແຫຼ່ງຂໍ້ມູນ: ຂປລ
Read More »ໄທ ອາດຖືກອາເມລິກາຂຶ້ນບັນຊີດຳ ໃນເລື່ອງປັ່ນຄ່າເງິນຕາຕ່າງປະເທດ…
ທະນາຄານເພື່ອການລົງລະຫວ່າງປະເທດ UBS ຂອງສະວິດເຊີແລນເປີດເຜີຍວ່າ ໄທ ແລະ ໄຕ້ຫວັນ ອາດຖືກກະຊວງການເງິນຂອງອາເມລິກາລົງບັນຊີດຳ ປະເທດທີ່ຕ້ອງເຝົ້າລະວັງ ເລື່ອງການແຊກແຊງອັດຕາເງິນແລກປ່ຽນເງິນຕາຕ່າງປະເທດ ເພື່ອໃຫ້ໄດປຽບໃນການສົ່ງອອກສິນຄ້າທີ່ອາເມລິກາ. ກະຊວງການເງິນຂອງສະຫະລັດອາເມລິກາ ຈະຂຶ້ນບັນຊີດຳປະເທດທີ່ຕ້ອງເຝົ້າລະວັງ ຫາກເຂົ້າໃນເກນທີ່ກຳນົດໄວ້ 2 ໃນ 3 ຂໍ້ຄື: 1. ໄດ້ປຽບດຸນການຄ້າກັບອາເມລິກາ ຕັ້ງແຕ່ 20,000 ລ້ານໂດລາສະຫະລັດ, 2. ແຊກແຊງຄ່າເງິນຕໍ່ເນື່ອງເກີນ 6 ເດືອນ ໃນຮອບ 1 ປີ ຍ້ອນຫຼັງ ແລະ ເຂົ້າຊື້ເງິນໂດລາເກີນ 2% ຂອງ GDP ແຕ່ລະປະເທດ, 3. ເກີດດຸນບັນຊີເດີນຊຳພັດ ຫຼາຍກ່ວາ 2% ຂອງ GDP. UBS ລະບຸວ່າ ປະເທດໄທເຂົ້າເກນທີ່ກຳນົດໄວ້ທັງ 3 ຂໍ້ ຄືກັບໄຕ້ຫວັນທີ່ຫາກໍຫຼຸດອອກຈາກບັນຊີດຳໃນປີ 2017 ແຕ່ທັງສອງປະເທດຍັງບໍ່ຖືກຂຶ້ນບັນຊີດຳໃນອາເມລິກາ ຈາກການເປີດເຜີຍຂໍ້ມູນຄັ້ງຫຼ້າສຸດ ໃນເດືອນມັງກອນທີ່ຜ່ານມາ. ທາງດ້ານ ວິຣະໄທ ສັນຕິປະພົບ ຜູ້ວ່າການທະນາຄານແຫ່ງປະເທດໄທເປີດເຜີຍວ່າ ບໍ່ກັງວົນກ່ຽວກັບລາຍງານນີ້, ເນື່ອງຈາກທາງລັດຖະບານໄທ ໄດ້ຊີ້ແຈງນະໂຍບາຍການຊື້ເງິນໂດລາກັບກະຊວງການເງິນອາເມລິກາແລ້ວ. ແຫຼ່ງຂໍ້ມູນ: ...
Read More »ຜູ້ນຳເກົາຫຼີເໜືອ ປະກາດພາວະສຸກເສີນ ແລະ ປິດລ້ອມເຂດຊາຍແດນ ຍ້ອນ Covid-19
ສື່ຂອງລັດຖະບານກ່າວລາຍງາຍວ່າ ຜູ້ນຳເກົາຫຼີເໜືອ ໄດ້ປະກາດພາວະສຸກເສີນ ແລະ ໄດ້ປິດລ້ອມຢູ່ໃນເຂດຊາຍແດນ ຫລັງຈາກທີ່ສົງໄສວ່າມີບຸກຄົນ ຕິດເຊື້ອ Covid-19 ກັບຄືນມາຈາກເກົາຫຼີໃຕ້ ໂດຍການຂ້າມຊາຍແດນທີ່ຜິດກົດໝາຍ ໃນ ວັນທີ 19 ກໍລະກົດ ຜ່ານມາ. ເຫດການສຸກເສີນໄດ້ເກີດຂຶ້ນໃນເມືອງ Kaesong ສະຖານທີ່ທີ່ກຸ່ມຄົນອົບພະຍົບ ໜີອອກໄປທາງທິດໃຕ້ໃນ 3 ປີກ່ອນ, ຖ້າຫາກກໍລະນີນີ້ ໄດ້ຮັບການຢັ້ງຢືນ, ມັນຈະເປັນກໍລະນີທຳອິດທີ່ເຈົ້າໜ້າທີ່ເກົາຫຼີເໜືອ ຍອມຮັບຢ່າງເປັນທາງການ, ເຖິງແມ່ນວ່າສາກົນໄດ້ຕັ້ງຂໍ້ສົງໄສວ່າໄດ້ມີການຕິດເຊື້ອມາກ່ອນແລ້ວກໍ່ຕາມ. ອົງການດັ່ງກ່າວບໍ່ໄດ້ແຈ້ງໃຫ້ຮູ້ວ່າບຸກຄົນນັ້ນ ໄດ້ຖືກກວດສອບແລ້ວ ຫຼືບໍ່, ແຕ່ກ່າວວ່າ “ຜົນກວດແມ່ນໄດ້ມາຈາກການກວດສອບທາງການແພດຫຼາຍໆຄັ້ງກ່ຽວກັບຄວາມລັບຂອງອະໄວຍະວະທາງເດີນຫາຍໃຈ ແລະ ເລືອດຂອງບຸກຄົນນັ້ນ”. ນັກວິເຄາະຄົນໜຶ່ງກ່າວວ່າ ການປະກາດດັ່ງກ່າວແມ່ນມີຄວາມສຳຄັນຫຼາຍ, ເພາະວ່າເກົາຫຼີເໜືອຈະເປັນຄັ້ງທຳອິດ ທີ່ໄດ້ລາຍງານກ່ຽວກັບກໍລະນີທີ່ພົບຜູ້ຕິດເຊື້ອ COVID-19. ເກົາຫຼີເໜືອກຳລັງຕົກຢູ່ພາຍໃຕ້ຄວາມກົດດັນດ້ານເສດຖະກິດ ຍ້ອນຂໍ້ຄັດແຍ່ງແລະມາດຕະການຂອງສາກົນຕໍ່ໂຄງການນິວເຄລຍຂອງຕົນ. ເກົາຫຼີເໜືອກຳລັງຕົກຢູ່ໃນສະຖານະການທີ່ຮ້າຍແຮງ ແລະ ພວກເຂົາເຈົ້າອາດຈະບໍ່ສາມາດສ້າງໂຮງໝໍ ພຽງພໍໄດ້. ເກົາຫຼີເໜືອກ່າວວ່າ ບຸກຄົນດັ່ງກ່າວໄດ້ນໍາເຊື້ອເຂົ້າມາຈາກເກົາຫຼີໃຕ້ ເຊິ່ງເກົາຫຼີເໜືອສາມາດນຳໃຊ້ວິທີການນີ້ ເພື່ອເປັນການຍອມຮັບການຊ່ວຍເຫຼືອຈາກເກົາຫຼີໃຕ້ຢ່າງເປີດເຜີຍ. ໃນນັ້ນບໍ່ໄດ້ມີລາຍລະອຽດກ່ຽວກັບວິທີການທີ່ຫຼອນໂຈມຕີ ເພາະຊາຍແດນເກົາຫຼີເໜືອເປັນຊາຍແດນທີ່ມີການປ້ອງກັນດີທີ່ສຸດໃນໂລກ. ເຫດການດັ່ງກ່າວ ກຳລັງຖືກສືບສວນ ແລະ ໜ່ວຍງານທະຫານທີ່ຮັບຜິດຊອບຈະພົບກັບ ການລົງໂທດຢ່າງໜັກ. ຫົວໜ້າພະນັກງານຮ່ວມຂອງເກົາຫຼີໃຕ້ (JCS) ກ່າວວ່າມີ “ໂອກາດສູງ” ທີ່ມີບຸກຄົນໄດ້ຂ້າມຊາຍແດນເຂົ້າມາ ...
Read More »