General

ສະໜາມບິນສາກົນວັດໄຕ ປະກາດເປັນສະໜາມບິນປອດຄວັນຢາສູບແຫ່ງທໍາອິດໃນລາວ

ພິທີປະກາດສະໜາມບິນສາກົນວັດໄຕ ປອດຄວັນຢາສູບຢ່າງເປັນທາງການ ຖືກຈັດຂຶ້ນໃນວັນທີ 31 ພຶດສະພາ 2019 ທີ່ອາຄານຜູ້ໂດຍສານສາກົນ ໂດຍມີທ່ານສັນຕິສຸກ ສິມມາລາວົງ, ຮອງລັດຖະມົນຕີກະຊວງໂຍທາທິການ ແລະ ຂົນສົ່ງ, ທ່ານປອ ພູທອນ ເມືອງປາກ, ຮອງລັດຖະມົນຕີກະຊວງສາທາລະນະສຸກ, ທ່ານສົມຈິດ ອິນທະມິດ, ຮອງລັດຖະມົນຕີກະຊວງອຸດສາຫະກໍາແລະ ການຄ້າ, ພ້ອມດ້ວຍ ຜູ້ຕາງໜ້າອົງການອະນາໄມໂລກ, ຜູ້ຕາງໜ້າສະມາພັນຄວບຄຸມຢາສູບອາຊຽນ, ແລະ ຜູ້ບໍລິຫານ ເຈົ້າໜ້າທີ່ສາຍການບິນຕ່າງໆ ຕະຫຼອດຮອດພະນັກງານປະຈໍາສະໜາມບິນສາກົນວັດໄຕເຂົ້າຮ່ວມ. ໃນພິທີ, ທ່ານ​ດ໋ອກເຕີ ພູທອນ ເມືອງປາກ, ຮອງລັດຖະມົນຕີກະຊວງສາທາລະນະສຸກ ກ່າວວ່າ ມີຄວາມປິຕິຊົມຊື່ນເປັນຢ່າງຍິ່ງ ແລະ ສະແດງຄວາມຊົມເຊີຍຕໍ່ຄະນະຮັບຜິດຊອບສະໜາມບິນສາກົນວັດໄຕທຸກພາກສ່ວນ ທີ່ໄດ້ປະກາດໃຫ້ສະໜາມບິນແຫ່ງນີ້ເປັນສະໜາມບິນປອດຄວັນຢາສູບ. ອົງການອະນາໄມໂລກ ໄດ້ກໍານົດເອົາວັນທີ 31 ພຶດສະພາຂອງທຸກໆປີ ເປັນວັນສະເຫຼີມສະຫຼອງວັນງົດສູບຢາໂລກ ແລະ ສປປ ລາວ ກໍມີສ່ວນຮ່ວມເຊັ່ນດຽວກັນ. ວັນງົດສູບຢາໃນປີນີ້ ແມ່ນມີຄວາມໝາຍຄວາມສໍາຄັນເປັນຢ່າງຍິ່ງ ພາຍໃຕ້ຄໍາຂວັນ ການສູບຢາ ພາໃຫ້ເປັນພະຍາດປອດ ຫຼື tobacco and lung health, ທັງນີ້ເພື່ອເປັນການປຸກລະດົມ ແລະ ໃຫ້ຄວາມຮູ້ກ່ຽວກັບຄວາມອັນຕະລາຍຂອງການສູບຢາ ແລະການໄດ້ຮັບຄວັນຢາສູບ ...

Read More »

ລັດຖະບານລາວ ຈັດງານສະເຫຼີມສະຫຼອງວັນເດັກນ້ອຍສາກົນ

ໃນຕອນເຊົ້າມື້ນີ້ 31 ພຶດສະພາ 2019, ຢູ່ສູນຮ່ວມມືສາກົນ ແລະ ເຝິກອົບຮົມລາວ-ຢີ່ປຸ່ນ ຫຼື ໄອຊີທີຊີ ຫຼັກ 5, ນະຄອນຫຼວງວຽງຈັນ, ຄະນະກໍາມາທິການແຫ່ງຊາດເພື່ອຄວາມກ້າວໜ້າຂອງແມ່ຍິງ, ແລະ ແມ່ ແລະ ເດັກ ຮ່ວມກັບ ອົງການຢູນີເຊັບປະຈໍາລາວ ໄດ້ຈັດງານສະເຫຼີມສະຫຼອງວັນເດັກສາກົນ ວັນທີ 1 ມິຖຸນາ, ພາຍໃຕ້ການເປັນປະທານ ຂອງທ່ານ ສອນໄຊ ສີພັນດອນ, ຮອງນາຍົກລັດຖະມົນຕີ, ປະທານຄະນະກໍາມາທິການແຫ່ງຊາດເພື່ອຄວາມກ້າວໜ້າຂອງແມ່ຍີງ, ແລະ ແມ່ແລະເດັກ, ໂດຍມີການນໍາພັກ-ລັດ, ຜູ້ຕາງໜ້າຈາກອົງການຢູນີເຊັບປະຈໍາລາວ, ແລະ ນັກຮຽນທີ່ມາຈາກ 7 ແຂວງ ໃນທົ່ວປະເທດ ພ້ອມດ້ວຍຈາກພາກສ່ວນກ່ຽວຂ້ອງ ເຂົ້າຮ່ວມ. ໃນໂອກາດນີ້, ທ່ານ ນາງອີນລາວັນ ແກ້ວບຸນພັນ, ປະທານສູນກາງສະຫະພັນແມ່ຍີງລາວ ທັງເປັນຮອງປະທານຄະນະກໍາມາທິການແຫ່ງຊາດເພື່ອຄວາມກ້າວໜ້າຂອງແມ່ຍິງ, ແລະ ແມ່ ແລະເດັກ ໄດ້ຂຶ້ນມີຄໍາເຫັນວ່າ: “ການຈັດງານສະເຫຼີມສະຫຼອງວັນເດັກສາກົນ, ວັນທີ 1 ມິຖຸນາ ໃນຄັ້ງນີ້ ເປັນໂອກາດດີສໍາລັບປະເທດຂອງພວກເຮົາ ຮ່ວມກັບ ປະເທດຕ່າງໆໃນໂລກ ໄດ້ເພີ່ມທະວີຄວາມເອົາໃຈໃສ່ ແລະ ...

Read More »

4 ສາເຫດຫຼັກ ຄ່າຄອງຊີບຢູ່ນະຄອນຫຼວງວຽງຈັນສູງ (ແລ້ວເຮົາຈະມີວິທີແກ້ໄຂໄດ້ແນວໃດ?)

ຄ່າຄອງຊີບທີ່ສູງ ຜູ້ດຳລົງຊີວິດຢູ່ໃນນະຄອນຫຼວງວຽງຈັນ ຕ້ອງມີລາຍຮັບຂັ້ນຕ່ຳ 1. 85 ລ້ານກີບຕໍ່ເດືອນ ຈຶ່ງສາມາດປະຄອງຕົວຢູ່ໄດ້; ສາເຫດຫຼັກແມ່ນເກີດຈາກສິນຄ້າທີ່ຈຳໜ່າຍຢູ່ທ້ອງຕະຫຼາດຍັງເພິ່ງການນຳເຂົ້າ, ສ່ວນການຜະລິດຢູ່ພາຍໃນຍັງມີໜ້ອຍ, ສິນຄ້າທີ່ຜະລິດເອງມີລາຄາທີ່ແພງ. ອີງຕາມບົດຄົ້ນຄວ້າຫຍໍ້ ດ້ານນະໂຍບາຍຂອງສະຖາບັນຄົ້ນຄວ້າເສດຖະກິດອຸດສາຫະກຳ ແລະ ການຄ້າ ກ່ຽວກັບຄ່າຄອງຊີບຢູ່ນະຄອນຫຼວງວຽງຈັນ ( ນວ ) ພົບວ່າ: ຄ່າຄອງຊີບຂັ້ນຕ່ຳຢູ່ນະຄອນຫຼວງວຽງຈັນ ມີຄ່າສະເລ່ຍປະມານ 1.85 ລ້ານກີບຕໍ່ເດືອນ.  ໃນນັ້ນ, ລວມມີຄ່າອາຫານ 9 ແສນກີບຕໍ່ຄົນຕໍ່ເດືອນ, ຄ່າທີ່ພັກອາໄສ 3 ແສນກີບ, ຄ່ານ້ຳມັນເຊື້ອໄຟ 150.000 ກີບຕໍ່ຄົນຕໍ່ເດືອນ ແລະ ຄ່າໃຊ້ຈ່າຍອື່ນໆໃນການດຳລົງຊີວິດປະຈຳວັນ. ບົດຄົ້ນຄວ້າດັ່ງກ່າວໄດ້ກຳນົດກຸ່ມຕົວຢ່າງ: ຈຳນວນ 60 ຄົນ ທີ່ເປັນພະນັກງານລັດຖະກອນ, ກຳມະກອນ, ນັກສຶກສາ ໂດຍໄດ້ດຳເນິີນການສຳພາດເຈາະເລິກກຸ່ມຕົວຢ່າງໃນເດືອນກຸມພາ 2019. ບົດຄົ້ນຄວ້າດັ່ງກ່າວຍັງໄດ້ປຽບທຽບຄ່າຄອງຊີບຢູ່ນະຄອນຫຼວງວຽງຈັນ ສູງກວ່າຄ່າຄອງຊີບຢູ່ນະຄອນຫຼວງບາງກອກ ປະເທດໄທ ເຖິງ 16% ແລະ ສູງກວ່ານະຄອນຫຼວງຮາໂນ້ຍ ສສ ຫວຽດນາມ ເຖິງ 42%. ສ່ວນສາເຫດທີ່ເຮັດໃຫ້ຄ່າຄອງຊີບຢູ່ນະຄອນຫຼວງວຽງຈັນສູງນັ້ນ ບົດວິໄຈດັ່ງກ່າວໄດ້ວິເຄາະ 4 ສາເຫດຫຼັກ ຄື: ...

Read More »

ສະຫຼຸບ!!! ຜົນການສືບສວນ-ສອບສວນສາເຫດຄູກັນນໍ້າເຂື່ອນ ເຊປຽນ -ເຊນໍ້ານ້ອຍແຕກຟັງ

ໃນວັນທີ 28 ພຶດສະພານີ້, ຢູ່ສຳນັກງານນາຍົກລັດຖະມົນຕີ  ທ່ານ ສິງເພັດ ບຸນສະຫວັດທິພັນ, ຮອງປະທານອົງການກວດກາລັດຖະບານ, ຮອງປະທານຄະນະສືບສວນສອບສວນແຫ່ງຊາດ ຊີ້ໃຫ້ເຫັນວ່າ: ອຸບັດເຫດຄູກັນນ້ຳໂຄງການເຂື່ອນໄຟຟ້າເຊປຽນ-ເຊນ້ຳນ້ອຍແຕກພັງຢູ່ເມືອງ ສະໜາມໄຊແຂວງ ອັດຕະປືທີ່ເກີດຂື້ນໃນເວລາປະມານ 20 ໂມງ ໃນວັນທີ 23 ກໍລະກົດ 2018 ຊຶ່ງຢູ່ໃນໄລຍະເກັບກັກນໍ້າເຂົ້າອ່າງ ເຖິງແມ່ນວ່າມີຝົນຕົກຕິດຕໍ່ກັນຫຼາຍວັນກ່ອນມື້ຄູກັນນໍ້າແຕກພັງກໍ່ຕາມ ແຕ່ໃນເວລາການແຕກພັງໄດ້ເລີ້ມຕົ້ນຂືຶ້ນນັ້ນ ລະດັບນໍ້າໃນອ່າງເກັບນໍ້າຍັງຕ່ຳກ່າວລະດັບສັນເຂື່ອນຫຼາຍ, ສະນັ້ນບໍ່ສາດມາດເອີ້ນເຫດການແຕກພັງຄັ້ງນີ້ ວ່າເປັນເຫດສຸດວິໄສ ( Force Majeure) ຕາມທີ່ກຳນົດໄວ້ໃນສັນຍາສຳປະທານ. ຄະນະຊ່ຽວຊານເອກກະລາດກວດພົບວ່າ ສາເຫດຕົ້ນຕໍຂອງການແຕກພັງ ແມ່ນ: – ຄວາມສາມາດໃນການຊຶມ ນໍ້າສູງຂອງຮາກຖານຂອງເຂື່ອນກັນນໍ້າ D – ຊັ້ນດິນຖືກກັດເຊາະໄດ້ງ່າຍ: ປະກົດມີຮູທໍ່ນ້ອຍໆ ທີ່ມີການເຊື່ອມຕໍ່ເຊິ່ງກັນ ແລະ ກັນໃນຊັ້ນດິນ – ການເພີ່ມຂື້ນຂອງລະດັບນໍ້າໃນໄລຍະການເກັບກັກນໍ້າໃນອ່າງ ກະແສການຊຶມຂອງນໍ້າ ຕາມເສັ້ນທາງໄຫຼຂອງນໍ້າຕາມທາງນອກກໍ່ເລີ່ມຂື້ນໃນຮາກຖານຂອງເຂື່ອນກັນນໍ້າ D – ກ່ຽວຂ້ອງກັບຄວາມສາມາດໃນການຊຶມຂອງນໍ້າສູງຂອງດິນ ‘ເຫດຜົນດັ່ງກ່າວສົ່ງຜົນໃຫ້ ມີການກັດເຊາະພາຍໃນຮາກຖານ ແລະເຮັດໃຫ້ດິນລາເຕຣິດ (Laterite) ອ່ອນໂຕລົງ’ ເມື່ອເປັນແນວໃນ ເຮັດໃຫ້ຄວາມສະເຖຍລະພາບຂອງເຂື່ອນ ບໍ່ສາມາດຮັບປະກັນໄດ້ອີກຕໍ່ໄປ ແລະ ການເລື່ອນຖະໄຫຼແບບເລິກໝູນ (Deep Rotational ...

Read More »

ກົດໝາຍໃຫ້ການປົກປ້ອງ ເຄື່ອງໝາຍການຄ້າ ທີ່ບໍ່ໄດ້ຈົດທະບຽນ ຫຼື ບໍ່?

ຖ້າຫາກກ່າວເຖິງເຄື່ອງໝາຍການຄ້າ ຫຼາຍໆທ່ານຄົງຄິດວ່າເປັນເລື່ອງໄກຕົວ ແລະ ເປັນເລື່ອງທີ່ເຂົ້າໃຈຍາກ ແຕ່ຄວາມຈິງແລ້ວ ເຄື່ອງໝາຍການຄ້າ ເປັນສິ່ງທີ່ຢູ່ອ້ອມຕົວຂອງພວກເຮົາ ເຊິ່ງຕິດພັນກັບ ການດໍາລົງຊີວິດ, ການນໍາໃຊ້ສິນຄ້າ ຫຼື ການບໍລິການ, ເຊິ່ງເປັນຊັບສິນທາງປັນຍາປະເພດໜຶ່ງ ທີ່ສ້າງຂຶ້ນເພື່ອ ບົ່ງບອກວ່າ ເປັນສິນຄ້າ ຫຼື ການບໍລິການປະເພດໃດ? ເປັນຂອງໃຜ? ຫຼື ຂອງບໍລິສັດໃດ? ເຊິ່ງໃນປັດຈຸບັນເຮົາສາມາດເຫັນ “ໂລໂກ້” (logo) ຫຼື ເຄື່ອງໝາຍການຄ້າ ຈາກການບໍລິການທີ່ມີຊື່ສຽງຢູ່ພາຍໃນປະເທດ ເຊັ່ນ: “ໂລໂກ້” ຂອງທະນາຄານການຄ້າຕ່າງປະເທດລາວ ມະຫາຊົນ, ທະນາຄານ ພັດທະນາລາວ ຫຼື ຈາກຜະລິດຕະພັນທີ່ມີຊື່ສຽງ ເຊັ່ນ: ກາເຟດາວ, ກາເຟສີນຸກ, ເບຍລາວ, ນໍ້າດື່ມຕ່າງໆ ແລະ ອື່ນໆ ດັ່ງນີ້ເປັນຕົ້ນ. ນອກຈາກນີ້ ເຮົາຍັງສາມາດເຫັນໄດ້ຈາກ “ແບຣນ” ທີ່ມີຊື່ສຽງລະດັບໂລກ ເຊັ່ນ: ໄນກີ່ (NIKE), ອາດີດາສ໌ (ADIDAS), ແອັບເປິ້ນ (APPLE), ຊໍາຊູງ (SAMSUNG), ຫົວເວີຍ (HUAWEI) ແລະ ອື່ນໆ. ...

Read More »

ເປີດຮັບສະໝັກນັກສຶກສາ ປະລິນຍາໂທ ຄະນະເສດຖະສາດ ແລະ ບໍລິຫານທຸລະກິດ ຊຸດໃໝ່ ‼️‼️

ແບບຟອມສະໝັກສອບເສັງຄັດເລືອກນັກສຶກສາປະລິນຍາໂທ  ຄະນະເສດຖະສາດ ແລະ ບໍລິຫານທຸລະກິດ ສົກສຶກສາ 2019-2020 ຜູ້ທີ່ສົນໃຈສາມາດດາວໂລດແບບຟອມລິ້ງລຸ່ມນີ້ ແລະ ກອກຂໍ້ມູນແລ້ວ submit online ໄດ້ເລີຍ. ສ່ວນຜູ້ທີ່ບໍ່ສະດວກທາງ online ສາມາດມາພົວພັນຊື້ແບບຟອມໄດ້ທີ່ ພະແນກການສຶກສາຫຼັງປະລິນຍາຕີ, ຄະນະເສດຖະສາດ ແລະ ບໍລິຫານທຸລະກິດ ຕັ້ງແຕ່ວັນທີ 3 ພຶດສະພາ ເປັນຕົ້ນໄປ. ໝາຍເຫດ: ກະລຸນາກວດກາເອກະສານທີ່ຕ້ອງປະກອບໃຫ້ລະອຽດ, ອ່ານເງື່ອນໄຂໃນການສະໝັກ ແລະ ລະບຽບການຕ່າງໆ. ສາມາດຕິດຕໍ່ສອບຖາມຂໍ້ມູນເພີ່ມຕື່ມໄດ້ທີເບີ: 020 95500980 ໃນໂມງລັດຖະການ. 1. ໃບຄໍາຮ້ອງ https://docs.google.com/…/1FAIpQLSf20ku29cESAoxm8…/viewform… 2. ບັດເຂົ້າຫ້ອງເສັງ https://drive.google.com/open… 3. ຊີວະປະຫວັດ https://drive.google.com/open… 4. ໜັງສືອະນຸມັດ https://drive.google.com/open… 5. ໃບຢັ້ງຢືນທີ່ຢູ່ https://drive.google.com/open… 6. ເງື່ອນໄຂໃນການສະໝັກ https://drive.google.com/open… 7. ລະບຽບໃນການສອບເສັງເຂົ້າຄະນະເສດຖະສາດ ເເລະ ບໍລິຫານທຸລະກິດ https://drive.google.com/open… ທີ່ມາ: FEB-Graduate-Programs

Read More »

ທາງລົດໄຟ ລາວ-ຈີນ ເຂດເມືອງວັງວຽງ ສຳເລັດຫຼາຍກວ່າ 90%

ການກໍ່ສ້າງເສັ້ນທາງລົດໄຟ ລາວ-ຈີນ ຊ່ວງທີ 5 ເຂດເມືອງວັງວຽງ ແຂວງວຽງຈັນ, ໂດຍລວມ ເປັນຕົ້ນແມ່ນການທະລຸບຸກເບີກ ແລະ ພັດທະນາເສັ້ນທາງ, ການເຈາະອຸໂມງ, ການຕິດຕັ້ງເສົາຕໍມໍ ແລະ ອື່ນໆ ມາຮອດປັດຈຸບັນແມ່ນສຳເລັດ 94%, ຮັບເໝົາໂດຍ ບໍລິສັດ ກໍ່ສ້າງ ພາເວີໄຊນາ ຈຳກັດ. ຕະຫຼອດໄລຍະການກໍ່ສ້າງ ທາງບໍລິສັດ ໄດ້ຮັບການຮ່ວມມືກັບປະຊາຊົນ ທີ່ໄດ້ຮັບຜົນກະທົບ ແລະ ໄດ້ດຳເນີນການຊົດເຊີຍ ທົດແທນຜົນເສຍ ຕາມລະບຽບ ແລະ ຂັ້ນຕອນຢ່າງຖືກຕ້ອງ. ທ່ານ ລີ ສຽງ ຜູ້ຈັດການໜ່ວຍງານກໍ່ສ້າງຊ່ວງທີ 5 ເມືອງວັງວຽງ ແຈ້ງໃຫ້ຮູ້ວ່າ: ເສັ້ນທາງລົດໄຟລາວ-ຈີນ ເຂດເມືອງວັງວຽງມີຄວາມຍາວ 38,6 ກິໂລແມັດ,​ ມີຂົວ 15 ແຫ່ງ ຍາວ 8 ກິໂລແມັດ, ມີອຸໂມງ 8 ແຫ່ງ ຍາວ 12 ກິໂລແມັດ ແລະ ທາງ 18,9 ກິໂລແມັດ ທຸກໜ້າວຽກໄດ້ຮັບການຈັດຕັ້ງປະຕິບັດມີຄວາມຄືບໜ້າ ແລະ ...

Read More »

ພິທີເຊັນສັນຍາຊື້​ເຂົ້າຈ້າວ ລະຫວ່າງ ບໍ​ລິ​ສັດ​ເບຍ​ລາວ ແລະ ​ສະ​ມາ​ຄົມເຂົ້າ​ລາວ​

ໂດຍ​ປະ​ຕິ​ບັດຕາມ​ແນວ​ທາງນະ​ໂຍ​ບາຍຂອງພັກ ແລະ ລັດຖະ​ບານ ກ່ຽວ​ກັບການ​ສົ່ງ​ເສີ​ມ ​ແລະ ນຳ​ໃຊ້ສິນ​ຄ້າ​ກໍ​ຄືຜົນ​ຜະ​ລິດພາຍ​ໃນ​ປະ​ເທດ. ໃນ​ຕອນ​ເຊົ້າຂອງວັນ​ທີ 10 ພຶ​ດ​ສະ​ພາ 2019, ຢູ່ທີ່ບໍ​ລິ​ສັດເບຍ​ລາວ ຈຳກັດ ​ໄດ້​ຈັດໃຫ້​ພິ​ທີ​ເຊັນ​ສັນ​ຍາ​ຊື້-ຂາຍ​ເຂົ້າ​ຈ້າວ ລະ​ຫວ່າງ ບໍ​ລິ​ສັດເບຍ​ລາວ​ ຈຳ​ກັດ ກັບ ສະ​ມາ​ຄົມເຂົ້າ​ລາວ ນະ​ຄອນ​ຫຼວງວຽງ​ຈັນ, ເພື່ອເປັນ​ການສົ່ງ​ເສີມຊາວ​ນາ​ລາວດ້ວຍ​ການ​ຊື້​ເຂົ້າທີ່​ຜະ​ລິດ​ພາຍ​ໃນ​ປະ​ເທດມາ​​​ເປັນ​ວັດ​ຖຸ​ດິບໃຫ້​ແກ່ການ​ຜະ​ລິດເບຍ. ໃນ​ປັດຈຸ​ບັນ​ນີ້, ບໍ​ລິ​ສັດ​ເບຍ​ລາວ​ຈຳ​ກັດແມ່ນມີ​ຄວາມ​ຕ້ອງ​ການເຂົ້າ​ຈ້າວ​ເມັດ​ຫັກເພື່ອມາ​ເປັນສ່ວນປະກອບເຂົ້າໃນການ​ຜະ​ລິດ​ເບຍປີ​ໜຶ່ງປະ​ມານ 20,000 ໂຕນ. ສະເພາະ, ໃນ​ມື້​ນີ້ບໍ​ລິ​ສັດແມ່ນ​ຈະໄດ້​ເຮັດ​ພິ​ທີເຊັນ​ສັນ​ຍາຊື້​ເຂົ້າກັບສະ​ມາ​ຄົມ​ເຂົ້າ​ລາວນະ​ຄອນ​ຫຼວງວຽງ​ຈັນຈຳ​ນວນ 6.500 ໂຕນ ນັບແຕ່ວັນທີ 1 ພຶດສະພາ ຫາ ເດືອນຕຸລາ 2019 ລວມມູນຄ່າ 21.5 ຕື້ກັບ , ຖ້າ​ລວມ​ກັນກັບ​ການ​ເຊັນ​ສັນ​ຍາກັບຜູ້​ສະ​ໜອງອີກ​ລາຍ​ໜຶ່ງທີ່​ແຂວງຈຳ​ປາ​ສັກຈຳ​ນວນ 1.400 ໂຕນກໍ​ລວມ​ເປັນທັງ​ໝົດ 7.900 ໂຕນ, ມູນ​ຄ່າທັງ​ໝົດປະ​ມານ 26.2 ຕື້​ກີບ. ເຂົ້າ​ຮ່ວມໃນ​ພິ​ທີ​ເຊັນ​ສັນ​ຍາດັ່ງ​ກ່າວຕາງ​ໜ້າ​ໃຫ້ບໍ​ລິ​ສັດ​ເບຍ​ລາວໃນ​ການ​ເຊັນ​ສັນ​ຍາ​ແມ່ນ ທ່ານ ເຮັນ​ຣິກແອນ​ເດີ​ຊັນ (Henrik Andersen) ຜູ້​ອຳ​ນວຍການ ​ບໍ​ລິ​ສັດ​ເບຍ​ລາວ​ຈຳ​ກັດ, ສ່ວນ​ຕາງ​ໜ້າໃຫ້ສະ​ມາ​ຄົມ​ເຂົ້າ​ລາວນະ​ຄອນ​ຫຼວງວຽງ​ຈັນແມ່ນ ທ່ານ ນາງ ຈັນ​ເພັງ ແສງ​ທະ​ວີ, ທ່ານ ​ນາງ ...

Read More »

ຄວາມຄືບໜ້າ!!! ເຫດການໄຟໄຫມ້ ໄອເຕັກຕຶກເກົ່າ ມື້ນີ້…. (ມີຄຼິບຄວາມເສຍຫາຍ)

ຕອນນິ້, ແມ່ນສາມາດຄວບຄຸມເຊື້ອເພີງ ຈຸດເກີດໄຟໄຫມ້ໄດ້ແລ້ວ!!!!! (ຊົມຄຼິບ) ມື້ນີ້,​ ວັນທີ 10 ພຶດສະພາ 2019 ເວລາ 9:00 ໂມງເຊົ້າ ໄດ້ເກີດເຫດໄຟໄຫມ້ ລາວໄອເຕັກ ຕຶກເກົ່າ, ນະຄອນຫຼວງວຽງຈັນ. ເຊິ່ງມື້ນີ້, ແມ່ນຈະໄດ້ມີງານວາງສະແດງສິນຄ້າ ຜະລິດຕະພັນລາວ (Made In laos) ທີ່ມີຂຶ້ນລະຫວ່າງວັນທີ 10-19 ພຶດສະພານີ້. ເຊິ່ງແນ່ນອນ ອາດຈະມີການເລື່ອນງານເລັກໜ້ອຍ ແຕ່ກໍຍັງບໍ່ໄດ້ມີລາຍງານຢ່າງເປັນທາງການ. ພາບຂ່າວເຫດການຕ່າງໆແມ່ນໄດ້ມີປະຊາຊົນ ຫຼາຍຄົນໄດ້ເຜີຍແພ່ໃຫ້ຮັບຮູ້ທາງສື່ສັງຄົມອອນລາຍ ສະແດງໃຫ້ເຫັນຄວັນດຳກຸ້ມອອກມາຈາກຕຶກໄອເຕັກເປັນຈຳນວນຫຼາຍ ແຕ່ກໍຍັງບໍ່ທັນໄດ້ເຫັນເປັນແປວໄຟຂຶ້ນແຮງ. ທັງນີ້, ຍັງບໍ່ທັນມີລາຍງານຈາກເຈົ້າໜ້າທີ່ຢ່າງເປັນທາງການກ່ຽວກັບ ສາເຫດຂອງການເກີດໄຟໄຫມ້ໃນຄັ້ງນີ້ເທື່ອ, ລວມທັງຍັງບໍ່ທັນມີລາຍງານກ່ຽວກັບຄວາມເສຍຫາຍ, ຜູ້ໄດ້ຮັບບາດເຈັບ ຫຼື ເສຍຊີວິດ ເວລາປະມານ 9:20 ໂມງ ເຈົ້າໜ້າທີ່ໄດ້ເລັ່ງເຂົ້າດັບໄຟ ມີລົດດັບເພີງເຂົ້າດັບ 5 ຄັນ  ແລະ ສາມາດມອດໄຟໄດ້ທັນການ ເວລາ 9:40 ໂມງ ໜ່ວຍກູ້ໄພມູນນິທິຈີນ  ລາຍງານວ່າ ສາມາດມອດໄຟໄດ້ແລ້ວ ພ້ອມເຜີຍຈຸດທີ່ເກີດໄຟໄຫມ້ ແມ່ນບໍລິເວນກ້ອງຂັ້ນໄດຂຶ້ນໄປໂຮງຮູບເງົາ. ສ່ວນລາຍລະອຽດຕ່າງໆກ່ຽວກັບ ເຫດການຄັ້ງນີ້ ຈະໄດ້ມາລາຍງານໃຫ້ທຸກຄົນໄດ້ຮັບຮູ້ເປັນໄລຍະ. ທີ່ມາ: ...

Read More »

ຕາຕະລາງເສັງຈົບຊັ້ນປະຈໍາສົກປີ 2018-2019 ໂຮງຮຽນສາມັນສຶກສາ (ອອກມາແລ້ວ!!!

ໃກ້ເຂົ້າມາແລ້ວກັບການສອບເສັງຈົບຊັ້ນ ຂອງການຜູ້ທີ່ກຳລັງຮຽນສາມັນເຊັ່ນ: ປະຖົມສຶກສາ ປ 5, ຊັ້ນມັດທະຍົມຕົ້ນ ມ 4 ແລະ ມັດທະຍົມປາຍ ມ 7 ເຊື່ອແນ່ວ່ານ້ອງໆຫຼາຍຄົນພວມຮຽນ ແລະ ຄົ້ນຄວ້າຢ່າງໜັກແນ່ນອນໃນໄລຍະເດືອນພຶດສະພາ-ມິຖຸນາ ຂອງທຸກໆປີທີ່ເປັນໄລຍະແຫ່ງການສອບເສັງຈົບຊັ້ນ ໃນຂອບເຂດທົ່ວປະເທດ. ທາງກະຊວງສຶກສາ ແລະ ທິການ ກົມສາມັນສຶກສາ ຜູ້ທີ່ມີຄວາມຮັບຜິດຊອບໃນການຊີ້ນໍາ, ຄຸ້ມຄອງການເລື່ອນຊັ້ນ-ສອບເສັງຈົບຊັ້ນສາຍສາມັນສຶກສາ ແລະ ການຈັດຕັ້ງປະຕິບັດການສອບເສັງຈົບຊັ້ນມັດຖະຍົມສຶກສາປະຈໍາປີ 2018-2019 ໃນຂອບເຂດທົ່ວປະເທດ ໄດ້ແຈ້ງຕາຕະລາງການສອບເສັງໃນສົກປີນີ້ໃຫ້ຊາບວ່າ: ການສອບເສັງຈົບຊັ້ນປະຖົມສຶກສາ ປ 5 ຈະສອບເສັງໃນລະຫວ່າງວັນທີ 28-29 ພຶດສະພາ 2019 ໄດ້ກໍານົດເອົາ 3 ວິຊາ ຄື: ວັນທີ 28 ພຶດສະພາ ສອບເສັງ ວິຊາ ພາສາລາວ ໂດຍ 2019 ເວລາ 9:00-10:30 ສອບເສັງ ພາສາລາວ ພາກຫັດແຕ່ງ ແລະ ເວລາ 14:00-15:30 ສອບເສັງ ວິຊາ ພາສາລາວ ພາກ ຂຽນທວາຍ ...

Read More »