General

ສະບາຍດີທ່ານຜູ້ອ່ານ ມື້ນີ້!!! ຜູ້ຂຽນຈະພາທຸກທ່ານໄປຮູ້ຈັກກັບ ນະວັດຕະກຳເຕັກໂນໂລຊີທີ່ລໍ້າໜ້າສຸດໆຂອງບໍລິສັດ  E-commerce  ລະດັບໂລກ.  ທີ່ສ້າງປະສົບການແປກໃໝ່ໃຫ້ກັບຜູ້ຄົນ ແລະ ຕອບໂຈດໃຫ້ກັບສັງຄົມຍຸກນີ້ເລີຍກໍວ່າໄດ້. ປັດດຈຸບັນ,  ເຕັກໂນໂລຊີແມ່ນສາມາດຊ່ວຍໃນການເຮັດທຸລະກິດໄດ້ດີສຸດໆ. ສະນັ້ນ, ເພື່ອເປັນແນວທາງດີໆໃຫ້ກັບຜູ້ປະກອບການ, ເຈົ້າຂອງທຸລະກິດ ຫຼື Startup ຢູ່ບ້ານເຮົາໄດ້ມີ ໄອເດຍສັງສັນຜົນງານ, ສ້າງທຸລະກິດຮູບແບບໃໝ່ໆທີ່ນຳໃຊ້ເຕັກໂນໂລຊີເຂົ້າມາຊ່ວຍ. ຈຶ່ງໄດ້ນຳເອົາ ທຸລະກິດຂອງຕ່າງປະເທດທີ່ກຳລັງໄດ້ຮັບຄວາມນິຍົມ ແລະ ກາຍເປັນ ບໍລິສັດທີ່ມີນະວັດຕະກຳທີ່ລໍ້າໜ້າທີ່ສຸດທີ່ທຸກຄົນອາດຄຸ້ນຫູ ແລະຮູ້ດີກໍມີຄື Amazon.com  ແຕ່ບໍ່ແມ່ນ ທຸລະກິດ ກາເຟ Amazon ເດີ້….. ຕະຫຼອດໄລຍະເວລາ 20 ປີຜ່ານມາ Amazon.com ຖືວ່າເປັນ ອີຄອມເມີດ  E-commerce ທີ່ປະສົບຄວາມສຳເລັດເປັນອັນດັບຕົ້ນໆໃນໂລກ ໃນຖານະຮ້ານຂາຍປຶ້ມອອນໄລ໌ ທີ່ມີປຶ້ມໃຫ້ເລືອກຊື້ຫຼາຍກວ່າລ້ານປົກ  ເຊິ່ງນອກຈາກປຶ້ມອ່ານແລ້ວ ແນວທາງຂອງ Amazon ຍັງໃຫ້ຄວາມສຳຄັນກັບເລື່ອງນະວັດຕະກຳເປັນທີ່ສຸດ ເຫັນໄດ້ຈາກການພັດທະນາເລື່ອງການອ່ານ E-Book ທີ່ມີຊື່ວ່າ  Kindle ທີ່ມີຟັງຊັນຄັກໆ ໃຫ້ກັບຄົນມັກອ່ານປຶ້ມ ແລະ ລະບົບ Cloud Computing Amazon Web Services ດ້ວຍປັດຍາການເຮັດທຸລະກິດຄວບຄູ່ໄປກັບນະວັດຕະກຳຂອງ Amazon ນັ້ນບໍ່ເຄີຍຢຸດ ດັ່ງນັ້ນ, ໃນປີ 2017 Amazon ໄດ້ຖືກຈັດອັນດັບໃຫ້ເປັນບໍລິສັດທີ່ມີຄວາມເປັນນະວັດຕະກຳຫຼາຍທີ່ສຸດ ອັນດັບ 1 ໂດຍການຈັດອັນດັບຈາກ ...

ແຈັກມ່າ ເປັນຄົນໜື່ງທີ່ປະສົບຄວາມສຳເລັດໃນດ້ານທຸລະກິດຫຼາຍທີ່ສຸດຄົນໜຶ່ຂອງໂລກກໍວ່າໄດ້ ແຈັກມ່າ ກໍ່ຕັ້ງບໍລິສັດ Alibaba ໃນປີ 1999 ຈົນປັດຈຸບັນ ກາຍເປັນໜຶ່ງໃນຄົນຈີນທີ່ລວຍທີ່ສຸດ ໃນຕອນນີ້ ທີ່ທຸກຄົນອາດຈະຮູ້ຈັກກັນດີແລ້ວ ແຕ່ຮູ້ບໍ່ວ່າ ແຈັກມ່າ ປະສົບຄວາມສຳເລັດໄດ້ແບບນີ້  ແມ່ນ ແຈັກມ່າ ໄດ້ຈົດບັນທຶກສິ່ງທີ່ ລາວເຮັດ ເຊິ່ງຖືກກັບອັດຕາການເຮັດທຸລະກິດຂອງຄົນປັດຈຸບັນຄື 70% ແມ່ນລົ້ມເຫຼວ ໃນເວລາ 20 ເດືອນທຳອິດຫຼັງຈາກທີ່ໄດ້ເງິນທຶນກ້ອນທຳອິດ ເຊິ່ງເກີດຈາກເຫດຜົນສຳຄັນຄື “ຂາດເປົ້າໝາຍ” ເຊິ່ງ ແຈັກມ່າ ເຄີຍກ່າວໃນງານ The International Monetary Fund and the World Bank  ກ່ຽວກັບສິ່ງທີ່ເຮັດໃຫ້ລາວປະສົບຄວາມສຳເລັດໄດ້ ກໍຄື:  “ການຕັ້ງຄຳຖາມກັບຕົວເອງ”  ບໍ່ວ່າຈະເປັນເດັກນ້ອຍ ຫຼື ຜູ້ໃຫຍ່ ພຽງແຕ່ຕັ້ງຄຳຖາມກັບຕົວເອງ 3 ຂໍ້ວ່ານີ້: ເຮົາມີຫຍັງ? ເຮົາຕ້ອງການຫຍັງ? ເຮົາຈະຍອມແພ້ໃຫ້ກັບສິ່ງໃດ? ຫຼາຍຄົນມັກບໍ່ໄດ້ຕັ້ງຄຳຖາມເຫຼົ່ານີ້ ຈຶ່ງເຮັດໃຫ້ຫຼາຍໆຄົນຄິດວ່າ ຕົນເອງຍັງມີບໍ່ຫຼາຍພໍທີ່ຈະສູ້ຕໍ່…ແລະ  ຢ່າຄິດວ່າ ເຮົາຈະປະສົບຄວາມສຳເລັດໃນປີໜ້າ ແຕ່ໃຫ້ຄິດວ່າເຮົາເຮັດເພື່ອໄວ້ອີກ 10 ຕໍ່ໜ້າ.  Alibaba ກໍບໍ່ໄດ້ປະສົບຄວາມສຳເລັດໄດ້ ໃນປີດຽວ 2 ປີ ...

ຂໍ່ານັບຊົມເຊີຍ “ການພົບປະສອງຝ່າຍລະຫວ່າງຄະນະພະນະທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປລາວ ແລະ ພະນະທ່ານ ສີຈີ້ນຜີງ ປະທານປະເທດແຫ່ງ ສປຈີນ, ກ່ອນວາລະການເຂົ້າຮ່ວມງານລ້ຽງຕ້ອນຮັບບັນດາປະມຸກລັດ ນາຍົກລັດຖະມົນຕີ ແລະ ການນຳສູງສຸດປະເທດ ເຂົ້າຮ່ວມງານວາງສະແດງສິນຄ້າສາກົນນຳເຂົ້າຄັ້ງທີ່ I ສປຈີນ” – at 04 ພະຈິກ 2018 ນະຄອນຊຽງໄຮ ສປ ຈີນ Chinese President Xi Jinping meets with Lao Prime Minister Thongloun Sisoulith in Shanghai, east China, Nov. 4, 2018. (Xinhua/Rao Aimin) Chinese President Xi Jinping meets with foreign leaders and hosts banquet for guests attending ...

ປັດຈຸບັນນີ້, ການເປີດຮ້ານຂາຍເຄື່ອງອອນໄລ໌ ແມ່ນເປັນເລື່ອງງ່າຍແສນງ່າຍ ໃຜໆກໍສາມາດຂາຍໄດ້ພຽງມີທຶນເລັກໆໜ້ອຍໆກໍສາມາດເປັນເຈົ້າຂອງທຸລະກິດໄດ້ແລ້ວ  ສັງເກດເມື່ອເຮົາເລື່ອນໜ້າເຟສບຸກທຸກມື້ນີ້ ກໍມີແຕ່ເຫັນການໂຄສະນາຂາຍເຄື່ອງທຸກຊະນິດທຸກແບບ ບໍ່ວ່າຈະເປັນອາຫານການກິນ, ເສື້ອຜ້າ, ເຄື່ອງສຳອາງ, ເຄື່ອງໃຊ້ໃນຄົວເຮືອນ ລວມໄປເຖິງລົດລາງພາຫະນະຕ່າງ ແລະ ມີສິນຄ້າອື່ນໆຈຳນວນຫຼວງຫຼາຍ…ຈົນເຕັມໜ້າເຟສເຮົາທຸກມື້. ສະນັ້ນ, ປັດຈຸບັນນີ້ ການມີຮ້ານຂາຍເຄື່ອງອອນໄລ໌ນັ້ນງ່າຍ ແຕ່ການຈະຄ້າຈະຂາຍໃຫ້ໄດ້ດີໃນໂລກອອນໄລ໌ນັ້ນອາດຈະບໍ່ງ່າຍແບບທີ່ເຮົາຄິດ ເພາະວ່າກໍມີຄູ່ແຂ່ງຫຼາຍພໍສົມຄວນ ເພາະໃຜໆກໍສາມາດຂາຍໄດ້ນັ້ນເອງ. ແນ່ນອນວ່າແຕ່ລະຄົນຈະຂາຍເຄື່ອງອອນໄລ໌ ກໍຕ້ອງຮູ້ວ່າ ຈະຂາຍຫຍັງ? ສິນຄ້າມີຄວາມສົນໃຈຫຼາຍຊໍາໃດ? ແລະ ຄົນຊື້ແມ່ນໃຜ? ແຕ່ໃຫ້ຄິດສະເໝີວ່າ ການຂາຍເຄື່ອງໃຫ້ນັກຊ໋ອບອອນໄລນັ້ນ ຮູ້ແຕ່ພຽງຂໍ້ມູນເທົ່ານັ້ນກໍບໍ່ພໍ ທີ່ຈະໃຫ້ເຮົາຂາຍໄດ້. ເຖິງວ່ານັກຊ໋ອບອອນໄລ໌ກຸ່ມນີ້ຈະມັກຊື້ເຄື່ອງອອນໄລ໌ກໍຕາມ ແຕ່ພວກເຂົາກໍບໍ່ໄດ້ໜ້າມືດຕາມົວ ຈະສັ່ງຊື້ທຸກສິ່ງທຸກຢ່າງທີ່ຢາກໄດ້ ແບບບໍ່ສຶກສາກ່ອນ ເພາະທຸກຄັ້ງທີ່ພວກເຂົາສົນໃຈສິນຄ້າ ພວກເຂົາກໍຈະຊອກຫາຂໍ້ມູນສິນຄ້າມາປະກອບສະເໝີ ບໍ່ວ່າຈະຊອກຫາແຫຼ່ງທີ່ມາ, ບ່ອນຜະລິດ, ສົມທຽບລາຄາຈາກຫຼາຍໆບ່ອນ, ຊອກອ່ານລີວິວຈາກຜູ້ຊື້ຄົນກ່ອນໆ, ເບິ່ງໂປຣໂມຊັນ ເພື່ອຫຼຸດລາຄາບໍ່ວ່າຈະເປັນການຊື້ຄັ້ງທຳອິດ ແລະ ການຊື້ຄັ້ງຕໍ່ໆໄປ.  ເພາະໂລກອິນເຕີເັນດຄືທຸກສິ່ງທຸກຢ່າງສາມາດຊອກຫາໄດ້ ແລະ ໃຫ້ຄວາມຮູ້ໄດ້. ເມື່ອມີສິນຄ້າພ້ອມສົ່ງ, ມີໜ້າເພສຮ້ານຄ້າພ້ອມແລ້ວ ອີກຢ່າງໜຶ່ງທີ່ເບິ່ງຂ້າມບໍ່ໄດ້ຄື ຍຸດທະສາດທີ່ເອີ້ນວ່າ Content marketing ຫຼື ການຕະຫຼາດທາງດ້ານເນື້ອຫາ ສິ່ງທີ່ກຳລັງຈະບອກຄື ການຕະຫຼາດອອນໄລ໌ເປັນເລື່ອງຂອງຄວາມສະໝໍ່າສະເໝີ ມັນຕ່າງຈາກການອອກຈາກບ້ານໄປເປີດຮ້ານຂາຍເຄື່ອງ ຖ້າຕະຫຼາດປິດກໍກັບບ້ານ ແຕ່ການຂາຍແບບ  Always open ໃນເຟສບຸກນັ້ນ ...

ການແຂ່ງຂັນ “ລາວກ໊ອຟຄຣັບແຊັມປ່ຽນຊິບ 2018” Lao Golf Club Championship  ໄດ້ເລີ່ມເປີດສາກຂຶ້ນໃນວັນເສົາ ທີ 20 ຕຸລາ 2018 ແລະ ສິ້ນສຸດລົງໃນມື້ວານນີ້ວັນທີ 21 ຕຸລາ 2018, ຢູ່ທີ່ສະໜາມກ໊ອຟ ລາວຄັນທີຄຣັບ, ສວນຊາວໜຸ່ມຫຼັກ 14, ນະຄອນຫຼວງວຽງຈັນ. ເປັນການແຂ່ງຂັນສອງຮອບ, 36 ຂຸມ, ມີນັກກິລາເຂົ້າຮ່ວມທັງໝົດ 138 ຄົນ, ມີ 21 ທີມ ທີ່ມາຈາກບັນດາແຂວງ ແລະ ສະໂມສອນກ໊ອຟຕ່າງໆອ້ອມຂ້າງສູນກາງ. ໂດຍມີການແຂ່ງຂັນ 3 ປະເພດຄື: ປະເພດບຸກຄົນ, ປະເພດທີມ ແລະ ລຸ້ນເຍົາວະຊົນ. ປະເພດບຸກຄົນ ຜູ້ຊະນະເລີດໄດ້ແກ່ ທ່ານ ສີປະເສີດ ແພງພັນດີ ຄະແນນ 70+72 ອອກ 142 (-2) ອັນດັບ 2 ໄດ້ແກ່ທ່ານ ສາຍຊົນ ວິສີສົມບັດ ຄະແນນ 72+73 ອອກ 145 ...

ທຸກມື້ນີ້!!! ທ່ານມາເຮັດວຽກກົງຕໍ່ເວລາ ຫຼືບໍ່? ເຊື່ອວ່າຫຼາຍໆຄົນ ຖ້າເວົ້າເລື່ອງການກົງຕໍ່ເວລາແມ່ນເກືອບວ່າຈະບໍ່ມີແມ່ນບໍ່? 555 ຖ້ານັດໝາຍພົບປະກັນເລື່ອງໃດເລື່ອງໜຶ່ງ ບໍ່ວ່າຈະເປັນເລື່ອງທຳມະດາ ຫຼືເລື່ອງວຽກງານ ແນ່ນອນ ມັກຈະມີຄົນໃດຄົນໜຶ່່ງມາຊ້າ, ມາບໍ່ທັນ ຈົນເຮັດໃຫ້ເສຍເວລາກັນໄປຕື່ມ…… ແລະ ຄົນລາວບາງຄົນອາດບໍ່ສົນໃຈເລື່ອງຂອງການກົງຕໍ່ເວລາເປັນປະຈຳ ແລະ ຖ້າເຮົາບໍ່ໄດ້ໃສ່ໃຈ ເລື່ອງນີ້ຈຶ່ງກາຍເປັນນິໄສຂອງຄົນລາວຫຼາຍຄົນ. ເມື່ອເປັນແນວນີ້ ບາງຄົນທີ່ໄດ້ມີໂອກາດເຮັດວຽກນຳບໍລິສັດກັບຕ່າງຊາດຈຶ່ງອາດປັບຕົວບໍ່ທັນ ແລະ ຕ້ອງໃຊ້ເວລາໃນການປັບຕົວດົນ ເພາະຢູ່ຕ່າງປະເທດ ການກົງຕໍ່ເວລາແມ່ນເປັນເລື່ອງສຳຄັນທີ່ສຸດ. ແລ້ວຄົນຕ່າງປະເທດໃຫ້ຄວາມສຳຄັນກັບເລື່ອງນີ້ຊໍາໃດ? ມີ CEO ຄົນໜຶ່ງອາໄສຢູ່ໃນ New York  ມີການເດີນທາງ ໄປເຮັດວຽກແບບລົດຕິດເປັນແບບທຳມະດາປົກກະຕິຢູ່ແລ້ວທີ່ອາໄສຢູ່ໃນຕົວເມືອງໃຫຍ່. ແຕ່ມີອາທິດໜຶ່ງບໍລິສັດຂອງລາວ ໄດ້ມີການຈັດກອງປະຊຸມຄັ້ງໃຫຍ່ ແຕ່ບັງເອີນມື້ນັ້ນລົດຕິດທີ່ສຸດ ແລະ CEO ລາວກໍບໍ່ໄດ້ກຽມຕົວ ທີ່ຈະອອກຈາກເຮືອນກ່ອນເວລາປົກກະຕິ ລົດຂອງລາວຄ່ອຍໆເຄື່ອນໄປຕາມເສັ້ນທາງ ແລະ ລາວກຳລັງຈະຮອດບໍລິສັດອີກ 300 ແມັດ ແຕ່ເວລາຂອງລາວກັບເຫຼືອພຽງ 15 ນາທີເທົ່ານັ້ນກ່ອນກອງປະຊຸມ ຈະເລີ່ມຂຶ້ນ ເຊິ່ງຖ້າ ລໍຖ້າໃຫ້ລົດເຄື່ອນທີ່ໄປກໍອາດຈະເຮັດໃຫ້ລາວຕ້ອງເຂົ້າປະຊຸມຊ້າເກືອບ ເຄິ່ງຊົ່ວໂມງ. ແຕ່ຖ້າສົມມຸດຖ້າທ່ານເປັນ CEO ຄົນນັ້ນທ່ານຈະເຮັດແນວໃດ?. 1 ເລືອກທີ່ຈະແຈ້ງເລຂາຮັບຮູ້ແລ້ວບອກວ່າ ຈະເຂົ້າປະຊຸມຊ້າໜ້ອຍໜຶ່ງ 2.  ນັ່ງລົດໄຟໄປ ຈົນຮອດບໍລິສັດຕາມປົກກະຕິ ເປັນເລື່ອງທີ່ນ່າຕົກໃຈ ເພາະສິ່ງທີ່ CEO ...

ມື້ນີ້ຜູ້ຂຽນຈະມາເລົ່າຄວາມຮູ້ສຶກ ພ້ອມກັບເອົາຮູບພາບບັນຍາກາດຂອງງານເທສະການ “LBC Oktoberfest 2018” ມາຝາກ ແຕ່ຈະຂໍເວົ້າງ່າຍໆທີ່ໄທເຮົາເຈົ້າຂ້ອຍຮູ້ ກໍຄືງານເບຍຈອກໃຫຍ່ 555 ຈັບຈອກດຽວເມົາໝົດຄືນ. ບໍລິສັດເບຍລາວ ໄດ້ເປີດງານເທສະການສະຫຼອງເບຍລະດັບສາກົນ “LBC Oktoberfest 2018”ເປັນຄັ້ງທີ 2 ຢ່າງຄຶກຄື້ນມ່ວນຊື່ນ ແລະ ຕື່ນຕາຕື່ນໃຈ ກັບບັນຍາກາດແບບຊາວຕາເວັນຕົກ ພື້ນເມືອງຂອງເຢຍລະມັນ. ໂດຍການເປີດງານຂອງຄະນະປະທານບໍລິສັດເບຍລາວ ພ້ອມກັບບັນດາຄົນມັກມ່ວນ, ຄໍເບຍທັງຫຼາຍທັງຄົນລາວແລະ ຕ່າງປະເທດ. ເລີ່ມເປີດງານເປັນມື້ທຳອິດ ໃນຄໍ່າຄືນຂອງມື້ວານນີ້ ວັນທີ 18 ຕຸລາ 2018, ຢູ່ທີ່ລານຈອດລົດຫໍວັດທະນະທຳແຫ່ງຊາດ ແລະ ມີໄປເຖິງວັນອາທິດ ວັນທີ 21 ຕຸລາ 2018 ນີ້ເທົ່ານັ້ນ. ເລີ່ມຕັ້ງແຕ່ເວລາ 18:30 ໂມງ. ຂະໜາດເປັນມື້ທຳອິດຂອງການຈັດງານ ແຕ່ຮູ້ສຶກວ່າ ງານນີ້ໄດ້ຮັບຜົນຕອບຮັບດີ ເພາະເຫັນມີຄົນສົນໃຈມາຮ່ວມງານຢ່າງຫຼວງຫຼາຍຈົນເຕັມງານທັງຄົນລາວ ແລະ ຄົນຕ່າງປະເທດ, ພາກັນທັງແຕ່ງຕົວແບບຊາວພື້ນເມືອງປະເທດເຢຍລະມັນດັ່ງເດີມ ຄືເປັນບັນຍາກາດທີ່ແປກໃຫມ່ຕື່ນຕາຕື່ນໃຈ ຄືຢູ່ທ່າມກາງເທສະການຢູ່ເອີຣົບພຸ້ນແຫຼະ ທັງຮູບແບບການຈັດງານແມ່ນເປັນຕາຖ່າຍຮູບເກັບໄວ້ເປັນຄວາມຊົງຈຳທີ່ດີໆ ແລະ ໂພສລົງເຟສບຸກຊວນໝູ່ມາຮ່ວມມ່ວນນຳກັນ. ໃນງານທຸກຄົນຈະໄດ້ພົບກັບສິລະປິນທີ່ມີຊື່ສຽງຈາກທັງພາຍໃນ ແລະ ວົງຈາກດົນຕຣີຈາກເອີຣົບທີ່ມີປະສົບການຮ່ວມຫຼິ້ນດົນຕີໃນງານ Oktoberfest ທີ່ປະເທດເຢຍລະມັນ ແລະ ຫຼາຍໆປະເທດ, ພົບກັບການເຕັ້ນລຳທີ່ມີຄວາມມ່ວນຊື່ນເປັນເອກະລັກຂອງງານ, ...

ປັດຈຸບັນ, ສາເຫດໃໝ່ທີ່ມາແຮງທີ່ສຸດໃນການຢ່າຮ້າງອີກຢ່າງໜຶ່ງກໍຄື ການຕິດເກມ ອີງຕາມການລາຍງານຂອງປະເທດອັງກິດໃຫ້ຮູ້ວ່າ ມີສາມີພັນລະຍາຫຼາຍກວ່າ 200 ຄູ່ ໃນອັງກິດ ໃຫ້ເຫດຜົນຂອງການຢ່າຮ້າງວ່າເປັນເພາະ “ຕິດເກມ” ໂດຍການໃຫ້ຂໍ້ມູນຈາກ ເວັບໄຊ  Divorce Online   ແລະ ເກມ Fortnite ແມ່ນເປັນອັນດັບທຳອິດເຖິງ 5% ຈາກຄູ່ສາມີພັນລະຍາທັງໝົດ ແລະ ເປັນເກມໄດ້ຮັບຄວາມນິຍົມດາວໂຫຼດຈາກ  Android  ເຖິງ 15 ລ້ານຄັ້ງ. ການສຳຫຼວດນີ້ໄດ້ທົດລອງກັບກຸ່ມຕົວຢ່າງ 4.665 ຄູ່ໃນປະເທດອັງກິດ ໃນປີ 2018 ເທົ່ານັ້ນ.  ໂດຍກ່ອນໜ້ານີ້ແມ່ນຈະເປັນບັນຫາ ຢາເສບຕິດ ຫຼື ການພະນັນ ສ່ວນການຕິດອອນໄລ໌ ຫຼື ເກມ ແມ່ນຫາກໍ່ເກີດຂຶ້ນວ່າງບໍ່ເທົ່າໃດປີມານີ້. ແຕ່ສຳລັບໃນ ສປປ ລາວ ແລ້ວ ຖ້າຜົວ ຫຼື ເມຍຕ້ອງການຢ່າຮ້າງແມ່ນຕ້ອງ ມີ 10 ສາເຫດ ຕາມກົດໝາຍຄອບຄົວ (ສະບັບປັບປຸງ) ເລກທີ 98/ສພຊ, ລົງວັນທີ 26/07/2008 ທີ່ສະພາແຫ່ງຊາດໄດ້ຮັບຮອງເອົາ ແລະ ປະກາດໃຊ້ໂດຍລັດຖະດໍາລັດເລກທີ 112/ປປທ, ລົງວັນທີ 18 ...

ສະບາຍດີທ່ານຜູ້ອ່ານ ເວັບໄຊທາເກັດເປັນປະຈໍາ ຜູ້ທີ່ເປັນເຈົ້າຂອງທຸລະກິດ ແລະ ເປັນນັກການຕະຫຼາດທັງຫຼາຍ ດັ່ງທີ່ຜູ້ຂຽນເຄີຍສະເໜີໃຫ້ຮູ້ຈັກກ່ຽວກັບ Marketing 4.0 ແມ່ນຫຍັງ? ແລະ ຍຸດທະສາດ 5 A  ທີ່ນັກການຕະຫຼາດຍຸກໃໝ່ຄວນຮູ້ມາແລ້ວ, ມື້ນີ້ ຜູ້ຂຽນຈຶ່ງນຳຜູ້ອ່ານ ເຂົ້າສູ່ພາກປະຕິບັດຕົວຈິງໃຫ້ຮູ້ກອີກ ວ່າເຮົາຈະເອົາ Marketing 4.0 ມາໃຊ້ໃນທຸລະກິດດ້ວຍ 3 ວິທີດັ່ງນີ້: ນຳສະເໜີສິນຄ້າຜ່ານທາງອອນໄລ໌ ທຸກມື້ນີ້ລູກຄ້າບໍ່ໄດ້ໄປຊອກຫາສິນຄ້າຢູ່ຕາມຮ້ານຄ້າ ຫຼື ຕະຫຼາດບ່ອນດຽວ ແຕ່ດຽວນີ້ເປັນຍຸກຂໍ້ມູນຂ່າວສານຢ່າງວ່ອງໄວ ໃຜຢາກຊື້ຫຍັງ? ຢາກຮູ້ລາຍລະອຽດສິນຄ້າໂຕໃດ ກໍພຽງໂພສຖາມ ຫຼື ຄົ້ນຫາ ສິນຄ້ານັ້ນຜ່ານຄອມພິວເຕີ້ ຫຼື ສະມາດໂຟນ ເທົ່ານັ້ນ, ສະດວກສະບາຍວ່ອງໄວ. ດັ່ງນັ້ນ, ເພື່ອບໍ່ໃຫ້ເຮົາເສຍໂອກາດດ້ານທຸລະກິດ ທາງດ້ານນີ້ໃຫ້ກັບຄູ່ແຂ່ງ ເຮົາຄວນມີເວັບໄຊ ຫຼື ສ້າງເພສທາງເຟສບຸກ ເພື່ອຈະນຳສະເໜີສິນຄ້າຜ່ານຊ່ອງທາງເຫຼົ່ານີ້ ແລະ ຈະເຮັດໃຫ້ສິນຄ້າເຮົາເປັນທີ່ຮູ້ຈັກຂອງສັງຄົມອອນໄລ໌ ແລະ ລູກຄ້າສາມາດຄົ້ນຫາສິນຄ້າເຮົາທາງອອນໄລ໌ໄດ້ງ່າຍໆນັ້ນເອງ. ຕົວຢ່າງ: ທຸລະກິດຮ້ານອາຫານຕາສັ່ງນ້ອຍໆ  ວິທີການກໍຄື ຈາກການທີ່ຂາຍແຕ່ໜ້າຮ້ານ ແຕ່ລາວເປີດເພສທາງ ເຟສບຸກ ໂພສກ່ຽວກັບອາຫານໃນຮ້ານລົງໄປໃນເພສ ແລະ ທີ່ນ່າສົນໃຈຄື ຮ້ານນີ້ຈະມີເມນູພິເສດທຸກມື້ ແຕ່ລະມື້ເມນູອາຫານຈະບໍ່ຄືກັນ ລູກຄ້າຕ້ອງລໍຖ້າເມນູອາຫານທີ່ທາງຮ້ານໂພສຂຶ້ນຜ່ານທາງ ...

ຜູ້ຂຽນເຊື່ອວ່າ ຍັງມີຫຼາຍຄົນທີ່ອາດຈະບໍ່ຮູ້ ແລະ ບໍ່ເຂົ້າໃຈ ກັບຄຳວ່າ ຍຸກ 4.0 ແມ່ນບໍ່? ລວມທັງຜູ້ຂຽນກໍຍັງບໍ່ຮູ້ເລິກດີວ່າ ແມ່ນຍຸກຫຍັງກັນແທ້!!!! ຮູ້ພຽງຄາວໆວ່າ ແມ່ນຍຸກທີ່ເຕັໂນໂລຊີມາແຮງສຸດໆ ແລະ ມີບົດບາດກັບທຸກຂະແໜງການ ບໍ່ວ່າຈະເປັນຂອງພາກລັດ ແລະ ເອກະຊົນ. ເປັນຍຸກທີ່ຈະເອົາເຕັກໂນໂລຊີຕ່າງໆມາຊ່ວຍໃນການພັດທະນາປະເທດ, ພັດທະນາອົງກອນ ແລະ ພັດທະນາການຜະລິດ, ການກະສິກຳນັ້ນເອງ. ແລ້ວປະເທດລາວເດເຮົາກໍກຽມຈະເຂົ້າຍຸກ 4.0 ກັບບ້ານອື່ນເມືອງເພິ່ນແດ່ແລ້ວສັງເກດເຫັນຫຼາຍຢ່າງກຳລັງເຂົ້າມາຫຼັກໆທີ່ເຮົາເຫັນປັດຈຸບັນກໍຄື: ການສື່ສານຫາກັນແບບໃຫມ່ໆ, ການຂາຍເຄື່ອງໃນຮູບແບບອອນໄລ໌, ລວມເຖິງທຸລະກຳທາງດ້ານການເງິນທີ່ມີຄວາມສະດວກສະບາຍຜ່ານສະມາດໂຟນ ແລະ ເລີ່ມມີການກໍ່ຕັ້ງສ້າງແອັບພິເຄຊັນຕ່າງໆເພື່ອໃຫ້ເຂົ້າກັບບ້ານເຮົາເຫຼົ່ານີ້ເປັນຕົ້ນ….  ແຕ່ປະເທດເພື່ອນບ້ານ ແລະ ປະເທດອື່ນແມ່ນຖືວ່າໄດ້ກະກຽມ ເຂົ້າຍຸກ 4.0 ມາຕັ້ງແຕ່ດົນນານແລ້ວ ເພາະໄດ້ນຳເອົາເຕັກໂນໂລຊີເຂົ້າມາມີບົດບາດໃນຫຼາຍດ້ານກວ່າບ້ານເຮົາ. ສະນັ້ນ, ບົດຄວາມນີ້ ຢາກຈະມາໃຫ້ຜູ້ອ່ານໄດ້ຮັບຮູ້ກັນອີກໜ້ອຍໜຶ່ງວ່າ ຍຸກ 4.0 ແມ່ນຍຸກແນວໃດກັນແທ້ ເຊິ່ງຜູ້ຂຽນ ໄດ້ເຫັນຜູ້ໃຊ້ເຟສບຸກຂອງທ່ານ Sisaveuy Chanthavisack ໄດ້ໂພສລົງເພສບຸກສ່ວນຕົວໃນວັນທີ  20/07/2018 ຜູ້ຂຽນເຫັນວ່າ ເພິ່ນກໍສາມາດສັງລວມ ຈາກ ຜູ້ຮູ້ກໍຄື Google ແລ້ວສະຫຼຸບຫຍໍ້ໆໃຫ້ເຮົາເຂົ້າໃຈງ່າຍໆແບບນີ້: ຍຸກ 4.0 ຄື: ວິໃສທັດ/ຄວາມຝັນໄລຍະຍາວ (Vision) ທີ່ຈະປ່ຽນເສດຖະກິດແບບດັ້ງເດີມໄປສູ່ ...