ກະຊວງວັດທະນະທຳ ແລະ ທ່ອງ​ທ່ຽວ ສປ ​ຈີນ ຮ່ວມ​ກັບກະຊວງຖະແຫຼງ​ຂ່າວ, ວັດ ທະນະທຳ ແລະ ທ່ອງ​ທ່ຽວ ສປປ​ລາວ ຈັດ​ພິທີ​ປິດ​ປີ​ທ່ອງ​ທຽ່ວ ລາວ​-​ຈີນ 2019 ໄດ້​ຈັດ​ຂຶ້ນ​ຢ່າງ​ຍິ່ງ​ໃຫ​ຍ່​ ໃນ​ວັນ​ທີ 16 ທັນວາ​ຜ່ານ​ມາ​ ທີ່​ນະຄອນຫຼວງ​ປັກ​ກິງ ສປ ຈີນ ໂດຍ​ເປັນ​ກຽດ​ເຂົ້າ​ຮ່ວມ​ຂອງ​ ສະຫາຍ ນາງ ປານີ ຢາ​ທໍ່ຕູ້ ກຳມະການ​ກົມ​ການເມືອງ​ສູນ​ກາງ​ພັກ ປະທານ​ສະພາ​ແຫ່ງ​ຊາດ ສປປ ລາວ, ມີ​ສະຫາຍ ປ້າຍ​ມ້າ ສື​ຫຼີນ ຮອງ​ປະທານ​ສະພາ ປະຊາຊົນ​ທົ່ວ​ປະເທດ​ຈີນ, ມີ​ແຂກ​ຖືກ​ເຊີນ​ທັງ​ພາຍ ​ໃນ ແລະ ຕ່າງ​ປະ​ເທດ. ໃນ​ພິທີ​ດັ່ງກ່າວ, ສະ​ຫາຍ ຈາງ ຊູ ຮອງ​ລັດ​ຖະ​ມົນ​ຕີ​ກະຊວງວັດ​ທະ​ນະ​ທຳ ແລະ ທ່ອງທ່ຽວ​ຈີນ ໄດ້​ກ່າວ​ຕ້ອນຮັບ​ແຂກ ແລະ ໄດ້​ຕີ​ລາຄາ​ສູງ​ຕໍ່​ການ​ນຳ​ສູງ​ສຸດ​ທັງ​ສອງ​ຝ່າຍລາວ ແລະ ຈີນ​ໄດ້​ຕັດ​ສິນ​ໃຈ​ຮ່ວມ​ກັນ​ເປີດ​ປີ​ທ່ອງ​ທ່ຽວ ລາວ​-​ຈີນ ຂຶ້ນ​ໃນ​ປີ 2019 ຊຶ່ງ​ເປັນ​ສັນຍາ​ລັກ​ໃໝ່​ໃນ​ການ​ຮ່ວມ​ມື​ດ້ານ​ວຽກ​ງານ​ທ່ອງ​ທ່ຽວ​ ເພື່ອ​ອຳນວຍ​ຄວາມ​ສະດວກ​ໃຫ້​ປະຊາຊົນ​ທັງ​ສອງ​ປະເທດ​ໄດ້​ມີ​ການ​ໄປມາຫາສູ່​ກັນ​ຖານ​ບ້ານ​ໃກ້​ເຮືອນ​ຄຽງ​ທີ່ດີ​ ຕໍ່​ກັນ. ໃນ​ໂອກາດ​ນີ້, ສະຫາຍ ກິ​ແກ້ວ ...

ສປປ ລາວ ຈະນໍາເອົາຫຼັກສູດການຮຽນ ພາສາເກົາຫຼີ ເຂົ້າສູ່ຫຼັກສູດການຮຽນ ໃນຊັ້ນມັດທະຍົມ ໂດຍຈະເລີ້ມການຈັດ ຕັ້ງປະຕິບັດ ໃນຕົ້ນປີ 2020 ນີ້. ພິທິລົງນາມ ບົດບັນທຶກຄວາມເຂົ້າໃຈ ລະຫວ່າງ ລັດຖະມົນຕີກະຊວງສຶກສາ ຂອງ ສ. ເກົາຫຼີ ທ່ານນາງ Yoo Eun-hae ແລະ ຮອງລັດຖະມົນຕີ ກະຊວງສຶກສາ ແລະ ກິລາ ຂອງ ສປປ ລາວ ໄດ້ຈັດຂຶ້ນ ໃນວັນທີ 26 ພະຈິກ 2019 ໃນລະຫວ່າງ ກອງປະຊຸມ ASEAN-Republic of Korea Commemorative Summit ຢູ່ເມືອງ ປູຊານ, ສ. ເກົາຫຼີ. ພາຍໃຕ້ບົດບັນທຶກ ຄວາມເຂົ້າໃຈ, ລັດຖະບານ ແຫ່ງ ສປປ ລາວ ຈະນໍາສະເໜີ ຫຼັກສູດພາສາ ເກົາຫຼີ ເຂົ້າໃນ ຫຼັກສູດການຮຽນສາມັນ ໃນຊັ້ນ ມັດທະຍົມ ໃນຕົ້ນປີ 2020 ໂດຍຈະເລີ້ມທົດລອງນໍາໃຊ້ທົດລອງ ໃນ 3 ໂຮງຮຽນ ...

ກະຊວງການເງິນ ແຈ້ງການລົງວັນທີ 12 ທັນວາ 2019 ເຖິງ: ບຸກຄົນ ນິຕິບຸກຄົນ ແລະ ການຈັດຕັ້ງທີ່ນັບຖື ເລື່ອງ: ໂຈະການເຄື່ອນໄຫວຂອງວິສາຫະກິດ ບັນຊີ ແະ ກວດສອບ ລາຍລະອຽດຕາມແຈ້ງການລຸ່ມນີ້ເລີຍ.

ໃນຄໍ່າຄືນຂອງວັນທີ 12 ທັນວາ 2019 ທີ່ຜ່ານມາ, ຮ້ານ ສະສິຣັດ ເຄື່ອງປະດັບ “Sasyratn Jewelry” ໄດ້ຈັດງານເປີດສາຂາໃໝ່ທີ່ໂຮງແຮມ ລາວພາຊາ ຢ່າງເປັນທາງການ. ໂດຍການເປີດງານຂອງທ່ານນາງ  ສະສິຣັດ ສຸພານຸວົງ ເຈົ້າຂອງຮ້ານ Sasyratn Jewelry , ມີບັນດາຍາດຕິພີ່ນ້ອງ, ໝູ່ເພື່ອນຄົນສະນິດ, ນັກສະແດງ, ເຊເລັບ, ດາລາລາວ, ນັກທຸລະກິດເຂົ້າຮ່ວມຍິນດີຢ່າງອົບອຸ່ນ ແລະ ເປັນກັນເອງ. ພາຍໃນງານ, ໄດ້ມີການເດີນແບບ ໂຊຊຸດເຄື່ອງປະດັບພອຍ ຄໍເລັກຊັ່ນໃໝ່ ສຸດພິເສດ ທີ່ທາງຮ້ານຈັດຂຶ້ນມາໃນງານນີ້ໂດຍສະເພາະ.   ພ້ອມນີ້, ໃນມື້ງານທາງຮ້ານຍັງໄດ້ຈັດໂປຣໂມຊັ່ນພິເສດສໍາລັບຜູ້ທີ່ຊື້ເຄື່ອງປະດັບມື້ງານ ໄດ້ຮັບສ່ວນຫຼູດເຖິງ 30%, ໄດ້ຮັບບັດ ສະມາຊິກ VIP  ຮັບສ່ວນຫຼຸດ 15% ຕະຫຼອດປີ 2020  ນອກນີ້, ຍັງໄດ້ຮັບສິດທິພິເສດເຊີນເຂົ້າຮ່ວມງານອີເວັ້ນ ຂອງທາງຮ້ານທີ່ຈະຈັດຂຶ້ນໃນປີ 2020 ນຳອີກ ເຊິ່ງລາຍໄດ້ສ່ວນໜຶ່ງຈາກການຂາຍເຄື່ອງໃນມື້ງານ ແມ່ນຈະຮ່ວມສົມທົບທຶນເພື່ອການກຸສົນ!!! ຮ້ານ Sasyratn Jewelry  ເມື່ອກ່ອນແມ່ນຕັ້ງຢູ່ວົງວຽນນໍ້ຳພຸ, ນະຄອນຫຼວງວຽງຈັນ ແຕ່ເນື່ອງຈາກສະຖານທີ່ນັ້ນບໍ່ສະດວກໃນການຈອດລົດຂອງລູກຄ້າ ຈຶ່ງໄດ້ຍ້າຍຮ້ານມາເປີດຢູ່ທີ່ໂຮງແຮມ ລາວພາຊາ ເພື່ອໃຫ້ຄວາມສະດວກສະບາຍຂອງລູກຄ້າ ໃນການເຂົ້າເຖິງເຄື່ອງປະດັບຂອງ  Sasyratn Jewelry ໄດ້ງ່າຍຂຶ້ນ ແລະ ...

ໃນໄລຍະທີ່ການນຳກະຊວງ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໄດ້ເດີນທາງໄປຮ່ວມພິທີປິດທີທ່ອງທ່ຽວ ລາວ-ຈີນ 2019  ທີ່ ນະຄອນຫຼວງປັກກິ່ງ, ສປ ຈີນ ໃນຕົ້ນອາທິດທີ່ຜ່ານມາ ແລະ ທາງຄະນະກະຊວງ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ຂອງລາວ ໄດ້ຮ່ວມກັບເຈົ້າພາບ ຈັດງານສຳມະນາ ສົ່ງເສີມການ​ທ່ອງທ່ຽວ ແລະ ການລົງທຶນໃນຂະແໜງການທ່ອງທ່ຽວຢູ່ ສປປ ລາວ. ໃນກອງປະຊຸມໄດ້ລາຍງານຕົວເລກນັກທ່ອງທ່ຽວທີ່ໄດ້ເຂົ້າມາທ່ຽວປະເທດລາວ ຄືນັບແຕ່ເດືອນມັງກອນ-ເດືອນກັນຍາ 2019 ນີ້ ເປັນປີສະເຫຼີມສະຫຼອງປີທ່ອງທ່ຽວລາວ-ຈີນ ໄດ້ມີນັກທ່ອງທ່ຽວສາກົນເດີນທາງເຂົ້າມາທ່ຽວລາວ ຈຳນວນ 3,44 ລ້ານ ເທື່ອຄົນ ໃນນັ້ນ, ນັກທ່ອງທ່ຽວຈາກ ສປ ຈີນ ມີ 756,952 ເທື່ອຄົນ ເຊິ່ງເພີ່ມຂຶ້ນ 26% ທຽບໃສ່ໄລຍະດຽວກັນຂອງປີ 2018 ແລະ ຄາດຄະເນວ່າໃນທ້າຍເດືອນທັນວານີ້ ຈະມີນັກທ່ອງທ່ຽວປະມານ 4,47 ລ້ານເທື່ອຄົນ ແລະ ນັກທ່ອງທ່ຽວຈີນ 1 ລ້ານເທື່ອຄົນ ເຊິ່ງຈະສ້າງລາຍຮັບປະມານ 855 ລ້ານໂດລາສະຫະລັດ. ...

ນັກກິລາໂວວີນາມທີມຊາດລາວສ້າງຊື່ສຽງໃນລະດັບໂລກຢ່າງພາກພູມໃຈຫຼັງໄດ້ 1 ຫຼຽນຄໍາ,2 ຫຼຽນ ເງິນ ແລະ 8 ຫຼຽນທອງໃນການແຂ່ງຂັນໂວວີນາມ ຊິງແຊັມໂລກ 2019 ທີ່ຈັດຢູ່ປະເທດກໍາປູເຈຍແຕ່ວັນທີ 16-22 ທັນວານີ້. ລາຍການນີ້ມີນັກກິລາ 24 ປະເທດເຂົ້າຮ່ວມ ຊຶ່ ງສປປ ລາວ ໄດ້ສົ່ງນັກກິລາ 11 ຄົນຮ່ວມແຂ່ງຂັນ ແລະ ສາມາດຍາດໄດ້ 1 ຫຼຽນຄໍາຈາກ ທ້າວ ໄພລັດ ທໍາມະວົງສາ ປະເພດຟ້ອນດ່ຽວຊາຍມີອຸປະກອນ ເຈົ້າຂອງຫຼຽນທອງກິລາຄິກບ໋ອກຊິງໃນຊີເກມ 2019 ແລະ 2 ຫຼຽນເງິນ ຈາກ ນາງມາລາ ຈັນທະລັກສາ ປະເພດຕໍ່ສູ້ ນໍ້າໜັກ 48 ກິໂລ ແລະ ທ້າວ ໄຊຊະນະ ຮວ່າງລໍຄຳ ປະເພດຕໍ່ສູ້ ນໍ້າໜັກ 60 ກິໂລ. ນັກກິລາວີໂວນາມທີມຊາດລາວ 11 ຄົນທີ່ຮ່ວມແຂ່ງຂັນລະດັບໂລກຄັ້ງນີ້ິ້ມີນາງ ມາລາ ຈັນທະລັກສາ,ນາງ ພິກສະໄໝ ອິນສຸມັງ,ນາງ ກຸ້ງກິ້ງ ບຸດດາໄຊ,ທ້າວ ພິລາວັນ ...

​​ເນື່ອງໃນໂອກາດ ວັນສ້າງຕັ້ງສະໂມສອນສິລະປະແຄນລາວ (ສະມາຄົມສິລະປະແຄນລາວ ໃນປະຈຸບັນ) ຄົບຮອບ 14 ປີ (13 ທັນວາ 2015 ຫາ 13 ທັນວາ 2019), ວັນສຽງແຄນລາວ ໄດ້ເຂົ້າເປັນມໍລະດົກໂລກ ທາງດ້ານນາມມະທຳ ຄົບຮອບ 2 ປີ (7 ທັນວາ 2017 ຫາ 7 ທັນວາ 2019), ວັນເກີດປະທານ ໄກສອນພົມວິຫານ ຄົບຮອບ 99 ປີ ແລະ ໃນໂອກາດສົ່ງທ້າຍປີເກົ່າ 2019 ຕ້ອນຮັບປີໃໝ່ 2020 ທີ່ຈະມາເຖິງ ໃນບໍ່ເທົ່າໃນວັນຂ້າງໜ້າ. ດັ່ງນັ້ນ, ​​​​​ໃນຕອນແລງ ຂອງວັນທີ 13 ທັນວາ 2019 ທີ່ ສຳນັກງານນາຍົກລັດຖະມົນຕີ, ສະມາຄົມສິລະປະແຄນລາວ, ຊຶ່ງນຳໂດຍທ່ານ ຈະເລີນ ເຍຍປາວເຮີ, ລັດຖະມົນຕີປະຈຳສຳນັກງານນາຍົກ, ປະທານຂົນຂວາຍ ການສ້າງຕັ້ງສະມາຄົມສິລະປະແຄນລາວ ໄດ້ເຂົ້າຢ້ຽມຂໍ່ານັບ ແລະ ອວຍພອນ ທ່ານ ທອງລຸນ ສີສຸລິດ, ...

ສະບັບປິດທ້າຍປີ 2019 ພວກເຮົາໄດ້ຮັບກຽດສໍາພາດທ່ານ ໂອໄດ ສຸດາພອນ ກໍາມະການສູນກາງພັກ,ເລຂາພັກແຂວງ,ເຈົ້າແຂວງໆຄໍາມ່ວນ ເຊິ່ງທ່ານໄດ້ແຈ້ງໃຫ້ຮູ້ເຖິງການພັດທະນາເສດຖະກິດ-ສັງຄົມໂດຍລວມຂອງແຂວງ ພ້ອມທັງວິໄສທັດ ແລະ ການແກ້ໄຂສິ່ງທ້າທາຍຕ່າງໆເພື່ອເຮັດໃຫ້ການພັດທະນາຂອງແຂວງບັນລຸຜົນໄປຕາມທິດທາງ ແລະ ຄາດໝາຍຕັ້ງໄວ້ , ທັງເປັນການດຶງດູູດການລົງທຶນຈາກພາຍໃນ ແລະ ຕ່າງປະເທດ. ການພັດ​ທະ​ນາ​ເສດ​ຖະ​ກິດ-ສັງ​ຄົມ ຂອງ​ແຂວງ​ມີ​ບາດ​ກ້າວ​ຂະ​ຫຍາຍ​ຕົວ​ແນວ​ໃດ? ໂດຍລວມແລ້ວ ແຂວງຄໍາມ່ວນກໍເປັນແຂວງໜຶ່ງທີ່ມີການພັດທະນາເສດຖະກິດ-ສັງຄົມ ດີຂຶ້ນເປັນກ້າວໆໃນແຕ່ລະປີ ເຖິງວ່າສະພາບພາຍໃນປະເທດ ແລະ ພາກພື້ນ ເວົ້າລວມ, ຢູ່ພາຍໃນແຂວງ ເວົ້າສະ ເພາະ ຈະພົບກັບຄວາມຫຍຸ້ງຍາກ ເປັນຕົ້ນແມ່ນ ຄວາມຫຍຸ້ງຍາກທາງດ້ານງົບປະມານ, ການແກ້ໄຂຜົນກະທົບຈາກໄພທໍາມະຊາດ, ບັນຫາພະຍາດອະຫິວາໝູ ອາຟຣິກາ ແລະ ໄຂ້ຍຸງລາຍລະບາດ ແຕ່ພວກເຮົາກໍໄດ້ພ້ອມກັນຜ່ານຜ່າ ແລະ ແກ້ໄ​ຂ ສາມາດຮັບປະກັນໃຫ້ແຂວງຄໍາມ່ວນ ມີສະຖຽນລະພາບທາງດ້ານການເມືອງ, ມີຄວາມສະຫງົບປອດໄພ ແລະ ມີຄວາມເປັນລະບຽບຮຽບຮ້ອຍໃນທົ່ວສັງຄົມ ໂດຍພື້ນຖານ, ດ້ານເສດຖະກິດ ໃນ 9 ເດືອນຜ່ານມາ ຍັງສືບຕໍ່ຂະຫຍາຍຕົວຢ່າງຕໍ່ເນື່ອງ ດ້ວຍອັດຕາ 6,74% ລວມຍອດຜະລິດຕະພັນພາຍໃນ ບັນລຸໄດ້ 8.176,75 ຕື້ກີບ ລາຍຮັບສະເລ່ຍຕໍ່ຄົນ 2.148 ໂດລາສະຫະລັດ/ຄົນ/ປີ ທຽບກັບ ...

ທ່ານ ນາງ ສົງບັນດິດ ຍົດໝັ້ນຄົງ ນັກພັດທະນາດີເດັ່ນແຫ່ງຊາດ,ຜູ້ປະກອບການ ແມ່ຍິງອາຊຽນ ດີເດັ່ນ ປະຈໍາປີ 2019 (AWEN) ໄດ້ເປີດໃຈໃຫ້ຮູ້ເຖິງບົດຮຽນ, ປະສົບການ 20 ກວ່າປີ ໃນການດໍາເນີນທຸລະກິດຜ້າຝ້າຍຍ້ອມຄາມ ເຊິ່ງເປັນພູມປັນຍາ ສືບທອດຈາກຜູ່ເປັນແມ່ ທີ່ເປັນຊາວ ບ້ານລະຫານໍ້າ ເມືອງສອງຄອນ ແຂວງ ສະຫວັນນະເຂດ ຈົນສາມາດສົ່ງອອກໄປ ຈໍາໜ່າຍໃນປະເທດຍີ່ປຸ່ນ ແລະ ເອີຣົບ. -ກ່ອນຈະມາເປັນທົ່ງລະຫາສິນ? ທົ່ງລະຫາສິນ ຫຼື ຊື່ເດີມທົ່ງສະຫວັນໄຊ ຖືກສ້າງຕັ້ງຂຶ້ນໂດຍທ່ານ ນາງ ສົງບັນດິດ ຍົດໝັ້ນຄົງ ແລະ ຄູ່ສົມຣົດ ທ່ານ ບຸນທົງ ຍົດໝັ້ນຄົງ ເຊິ່ງທັງສອງຜົວ-ເມຍ ແມ່ນເປັນພະນັກງານສັງກັດລັດມາກ່ອນ ທີ່ຈະຫັນມາເຮັດທຸລະກິດແບບຄອບຄົວ SMEs ໂດຍສືບສານມາຈາກບັນພະບູລຸດ ແລະ ການຮິບໂຮມພູມປັນຍາຂອງເຜົ່າຜູ່ໄທຊາວລະຫານໍ້າ ທີ່ມີມູນເຊື້ອໃນການຕໍ່າແຜ່ນ,ການຍ້ອມສີທໍາມະຊາດ ໂດຍສະເພາະແມ່ນ “ການຍ້ອມຄາມ”. –ປະຫວັດຫຍໍ້ສ່ວນຕົວ? ຂ້າພະເຈົ້າເຄີຍສັງກັດທີ່ກົມພົວພັນຕ່າງປະເທດ ຂອງສູນກາງຊາວໜຸ່ມ ປປລາວ ໄດ້ກີ້ງເກືອກລີເລືອກັບວຽກງານປຸກລະດົມ-ຂົນຂວາຍຊາວໜຸ່ມ, ປີ 1986-87 ໄດ້ຍ້າຍລົງໄປກັບຄອບຄົວ ໄປຢູ່ເມືອງອາດສະພັງທອງ ແຂວງສະຫວັນນະເຂດ ເຊິ່ງໄປເຮັດໜ້າທີ່ຂົນຂວາຍວຽກງານເຍົາວະຊົນຂັ້ນເມືອງ,ພາຍຫຼັງຈິນຕະນາການໃໝ່ ...

SALOME ZOURABICHVILI, THE FIRST WOMAN TO BE ELECTED PRESIDENT OF GEORGIA, SHARES HER CULTURAL AND DIPLOMATIC AMBITIONS FOR THE CAUCASIAN STATE Last September, during the occasion of my trip for the inaugural season of the Tsinandali Festival of classical music, I was fortunate to meet the President of Georgia in Tbilisi, the capital and largest city. After a short conversation ...