ຕາມ​ຂ່າວ​ຫວຽດນາມ(VOVWORLD) ່ວ່າງບໍ່ດົນມານີ້, ຢູ່ທີ່ຮ່າໂນ້ຍ, ທ່ານ ຫງວຽນ ຊວັນຟຸກ, ນາຍົກລັດຖະມົນຕີ ຫວຽດນາມ ໄດ້ເປັນປະທານ ​ໃນພິທີ ເລີ່ມເຄື່ອນໄຫວ ​ເປັນປະທານ ອາຊຽນ ປີ2020 ຈາກ​ນັ້ນ ​ໄດ້ຢັ້ງຢືນວ່າ: ຈົນ​ມາຮອດປັດຈຸບັນ ອາຊຽນ ແມ່ນປະຊາຄົມ ຂອງບັນດາປະເທດ ເອກະລາດ, ສາມັກຄີ ພັດທະນາໃຫ້ນັບມື້ນັບໃຫຍ່ໂຕເຂັ້ມແຂງ, ​ເປັນພື້ນຖານ ເສດຖະກິດ ພັດທະນາ ຢ່າງ​ເຂັ້ມ​ແຂງ ກາຍ​ເປັນ ບົດບາດໃຈກາງ ຂອງ ໂຄງປະກອບ ໃນພາກພື້ນ, ໄດ້ຮັບຄວາມເຄົາລົບ ແລະ ການຮ່ວມມືຈາກບັນດາປະເທດ ແລະ ຄູ່ຮ່ວມມືໃຫຍ່ໃນໂລກ. ນອກ​ນີ້ ຍັງ​ເປັນປະຊາຄົມ ສັນຕິພາບ ແລະ ສະຖຽນລະພາບ, ສາມັກຄີ ແລະ ເປັນເອກະພາບ, ວັດທະນາຖາວອນ ແລະ ຍືນຍົງ; ເຊື່ອມໂຍງ ຢ່າງເລິກເຊິ່ງ ກວ້າງຂວາງ, ເຊື່ອມຕໍ່ຢ່າງຮອບດ້ານບົນພື້ນຖານ ຂອງການປະດິດຄິດສ້າງ, ສະຖຽນລະພາບ ແລະ ຄວາມກົມກ່ຽວ; ສ້າງຄວາມເຂັ້ມແຂງ ດ້ວຍຕົນເອງ ດ້ວຍກໍາລັງ ຄວາມສາມາດ ໃນການປັບຕົວ, ຮັບມື ແລະ ແກ້ໄຂ ບັນດາສິ່ງທ້າທາຍ ຄວາມໝັ້ນຄົງ ແບບໃໝ່; ເຄື່ອນໄຫວ ຢ່າງມີວິທະຍາສາດ, ມີປະສິດທິຜົນ ແລະ ຂະຫຍັນຂັນເຄື່ອນ. ໃນຖານະເປັນປະທານ ອາຊຽນ 2020, ຫວຽດນາມ ເລືອກເອົາຫົວຂໍ້ “ອາຊຽນ ສະໜິດຕິດພັນ ແລະ ເປັນເຈົ້າການຮັບມື” ແລະ ນີ້ກໍແມ່ນຫົວຂໍ້ ມຸ່ງໄປສູ່ ບັນດາເປົ້າໝາຍ ໄລຍະຍາວກວ່າ ຂອງ ປະຊາຄົມ ...

ໃນລະຫວ່າງການເຄຶ່ອນໄຫວຢ້ຽມຢາມ ສປ ຈີນ ຢ່າງເປັນທາງການ ຂອງຄະນະຜູ້ແທນຂັ້ນສູງ ແຫ່ງ ສປປ ລາວ, ໃນລະຫວ່າງ ວັນທີ 05-09 ມັງກອນ 2020, ໃນຕອນເຊົ້າຂອງວັນທີ 09 ມັງກອນ 2020, ສະຫາຍ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ, ພ້ອມດ້ວຍຄະນະ ໄດ້ເຄື່ອນໄຫວຢ້ຽມຊົມ ກຸ່ມບໍລິສັດກະສິກຳ ຢຸນນານ, ຊຶ່ງບໍລິສັດດັ່ງກ່າວ ໄດ້ສ້າງຕັ້ງແຕ່ປີ 1951 ແລະ ກໍໄດ້ຮັບການພັດທະນາປັບປຸງການຄຸ້ມຄອງບໍລິຫານມາໂດຍຕະຫຼອດ. ເລີ່ມແຕ່ປີ 2014 ເປັນຕົ້ນມາ, ກຸ່ມບໍລິສັດນີ້ ໄດ້ແຍກອອກຈາກກຸ່ມບໍລິສັດໃຫຍ່ເຂົ້າສູ່ລະບົບເສດຖະກິດ ຢ່າງເປັນເອກະລາດ ແລະ ໄດ້ດຳເນີນກິດຈະການທາງດ້ານກະສິກຳ ຢູ່ແຂວງຢຸນນານ ໂດຍໄດ້ເປັນບໍລິສັດວິສາຫະກິດລະດັບຊາດ ໃນຂົງເຂດກະສິກຳ ເຊັ່ນ: ການພັດທະນາຜະລິດຕະພັນສີຂຽວ, ຊັບພະຍາກອນກະສິກຳ ແລະ ປ່າໄມ້, ການບໍລິການດ້ານກະສິກຳ. ທີ່ມາ: ຂ່າວສານປະເທດລາວ

ກະຊວງສາທາລະນະສຸກໃຫ້ຮູ້ວ່າ : ການຜ່າຕັດພະຍາດຕ່າງໆ ຫຼື ການປິ່ນປົວພະຍາດຕ່າງໆ ຂອງທ່ານໝໍລາວຢູ່ບັນດາໂຮງໜໍໃຫ່ຍໃນນະຄອນຫລວງວຽງຈັນ ສາມາດຜ່າຕັດປ່ຽນວາວຫົວໃຈ, ແຍ່ເສັ້ນເລືອດຫົວໃຈ ແລະ ພະຍາດອື່ນໆທີ່ຮັກສາຢາກໄດ້ແລ້ວ ໂດຍການນຳໃຊ້ເຄື່ອງມືທີ່ທັນສະໄໝ. ທ່ານຮອງສາດສະດາຈານ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ໃຫ້ສຳພາດໃນບໍ່ດົນມານີ້ວ່າ ການແພດລາວສາມາດເວົ້າໄດ້ວ່າທຽບເທົ່າສາກົນແລ້ວ ເພາະມີເຄື່ອງມືທີ່ທັນສະໄໝທີ່ສາມາດປິ່ນປົວພະຍາດທີ່ປິ່ນປົວຍາກໆໄດ້ແລ້ວ ໂດຍສະເພາະພະຍາດທີ່ກ່ຽວກັບຫົວໃຈ ເຊັ່ນ: ການຜ່າຕັດປ່ຽນວາວຫົວໃຈ, ໃສ່ຈັກກະຕຸ້ນຫົວໃຈ, ແຍ່ເສັ້ນເລືອດຫົວໃຈ ນອກນັ້ນຍັງສາມາດຜ່າຕັດສະໝອງ, ຜ່າຕັດກະດູກສັນຫຼັງ, ກະດູກຫົວກົກຂາ, ຜ່າຕັດຄໍ່, ເອັນຫົວເຂົ່າ, ການໝາກຟອກໄຂ່ຫຼັງ, ຟອກຕັບ, ການຜ່າຕັດຜ່ານທໍ່ ແລະ ມີອຸປະກອນດ້ານວິເຄາະ-ລັງສີ, ປິ່ນປົວພະຍາດມະເຮັງດ້ວຍການສາຍແສງ ແລະ ການປິ່ນປົວດ້ວຍຢາພື້ນເມືອງ ແລະ ອື່ນໆ ແຕ່ສາມາດປິ່ນປົວພະຍາດດັ່ງກ່າວ ສະເພາະຢູ່ ບັນດາໂຮງໜໍໃຫ່ຍຢູ່ຂັ້ນສູນກາງ ຫຼື ຢູ່ສະເພາະຢູ່ໂຮງໝໍໃນນະຄອນຫລວງເທົ່ານັ້ນ. ທ່ານຮອງສາດສະດາຈານ ບຸນກອງ ໄດ້ກ່າວຕື່ມວ່າ: ສະເພາະບັນດາໂຮງໜໍໃຫ່ຍຢູ່ຂັ້ນແຂວງກໍ່ເລີ້ມມີການພັດທະນາການຮັກສາພະຍາດຕ່າງໆໄດ້ເຊັ່ນກັນ ແຕ່ກໍຍັງຂາດອຸປະກອນການແພດທີ່ທັນສະໄໝ ແລະ ຍັງຂາດບຸກຄະລາກອນທີ່ຈະສາມາດນຳໃຊ້ອຸປະກອນ ຫຼື ເຄື່ອງຈັກທີ່ທັນສະໄໝໄດ້ ແຕ່ໂຮງໝໍຂັ້ນແຂວງກໍ່ສາມາດໃຫ້ບໍລິການປິ່ນປົວພະຍາດໃນ5 ຂະແໜງການທີ່ສຳຄັນໄດ້ແລ້ວເຊັ່ນ : ພະຍາດພາຍນອກ-ພາຍໃນ, ເດັກນ້ອຍ, ປະສູດຍິງ ແລະ ປິ່ນປົວສຸກເສີນຟື້ນຟູຊີບ. ຂ່າວ : ສົມພາວັນ ຮູບ : ເພັດໂພໄຊ ທີ່ມາ: ...

ກະຊວງປ້ອງກັນຄວາມສະຫງົບ ໄດ້ແຈ້ງໃຫ້ ຮູ້ວ່າ: ກະຊວງປ້ອງກັນຄວາມສະຫງົບຈະເລັ່ງກວດຄົນເຂົ້າ-ອອກ ປະເທດຄືນໃຫ້ລະອຽດຢູ່ບັນດາດ່ານຕ່າງໆ ເພື່ອໃຫ້ຈໍາແນກໄດ້ວ່າ ຄົນຕ່າງປະເທດນັ້ນເປັນນັກທ່ອງທ່ຽວ ຫຼື ນັກທຸລະກິດທີ່ເຂົ້າມາລາວ ໂດຍຈະຈັດແບ່ງປະເພດໃຫ້ລະອຽດ ນໍາໃຊ້ເຄື່ອງມືທີ່ທັນສະໄໝມາຕິດຕັ້ງ.  ປັດຈຸບັນທົ່ວປະເທດມີດ່ານສາກົນ 27 ດ່ານ ແລະ ການເກັບກໍາຂໍ້ມູນລະອຽດໂດຍນໍາໃຊ້ ເຄື່ອງມືທີ່ທັນສະໄໝນີ້ແມ່ນ ເພື່ອຮັບປະກັນ ໃນການບັນທຶກຂໍ້ມູນຢູ່ແຕ່ລະດ່ານໃຫ້ ລະອຽດ ແລະ ຊັດເຈນກ່ອນທີ່ຈະສົ່ງໃຫ້ສູນກາງ ໂດຍມີຈຸດປະສົງເພື່ອມາແກ້ໄຂບັນຫາ ຄົນຕ່າງປະເທດມາເຄື່ອນໄຫວຢູ່ລາວ ນັ້ນຖືກຕ້ອງຕາມກົດໝາຍ ຫຼື ເຂົ້າມາໃນນາມນັກທ່ອງທ່ຽວ ແຕ່ມາເຮັດທຸລະກິດ ຫຼື ມາອອກແຮງງານຫາເງິນຢູ່ລາວ, ເຊິ່ງບໍ່ຖືກຕ້ອງຕາມລະບຽບ ກົດໝາຍຂອງ ສປປ ລາວ. ທ່ານ ພົນໂທ ວິໄລ ຫຼ້າຄຳຟອງ ລັດຖະມົນຕີກະຊວງປ້ອງກັນຄວາມສະຫງົບ ໄດ້ກ່າວໃນບໍ່ດົນມານີ້ວ່າ: ວຽກງານຈຸດສຸມ ທີ່ທາງກະຊວງປ້ອງກັນ ຄວາມສະຫງົບ ຈະເລັ່ງປະຕິບັດໃນປີ 2020 ນີ້ ແມ່ນຈະສືບ ຕໍ່ເກັບກຳຄົນຕ່າງປະເທດ ຫຼື ນັກທ່ອງທ່ຽວ ທີ່ເຂົ້າມາລາວດ້ວຍຈຸດປະສົງ ໃດໃຫ້ມີ ຄວາມຊັດເຈນ, ໃຫ້ມີຖານຂໍ້ມູນ ທີ່ລະອຽດ ພ້ອມທັງຈັດແບ່ງປະເພດໃຫ້ຖືກຕາມກົດໝາຍ ແລະ ນິຕິກຳທີ່ກ່ຽວຂ້ອງຂອງລາວ. ຂໍ້ມູນດັ່ງກ່າວຈະອໍານວຍຄວາມສະດວກໃຫ້ແກ່ເຈົ້າໜ້າທີ່ໃນການຄຸ້ມຄອງຄົນຕ່າງປະ ເທດ, ບັນດາຫົວໜ່ວຍທຸລະກິດຕ່າງໆ ໃນນີ້ລວມທັງຫົວໜ່ວຍທຸລະກິດການທ່ອງທ່ຽວຂອງຕ່າງປະເທດທີ່ມາເຄື່ອນໄຫວຢູ່ລາວວ່າຖືກຕ້ອງ ຕາມລະບຽບການຫຼືບໍ່ ແລະ ...

ສັງຄົມລາວເຮົາມັກເວົ້າກັນວ່າບໍ່ຈຳເປັນແທ້ໆ ບໍ່ໄປກູ້ຢືມເປັນໜີ້ເປັນສິນຜູ້ໃດ…ແຕ່ໃນສະພາບເສດຖະກິດ ແລະ ສັງຄົມ ໃນປັດຈຸບັນທີ່ມີຄ່າຄອງຊີບສູງ, ມີລາຍຈ່າຍຫຼາຍ ແຕ່ໃນເວລາດຽວກັນລາຍໄດຊ້ຳພັດຍັງເທົ່າເກົ່າ ຫຼື ໜ້ອຍກວ່າເກົ່າ (ເມື່ອທຽບກັບຄ່າເງິນກີບທີ່ອ່ອນຄ່າລົງຕາມລຳດັບ), ບາງຄັ້ງໃນຢາມເຈັບເປັນ ຫຼື ມີຄວາມຈຳເປັນຕ້ອງໄດ້ໃຊ້ເງິນ; ຫຼື ຈຳເປັນລົງທຶນເພີ່ມສຳລັບຂະຫຍາຍກິດຈະການ, ຫ້າງຮ້ານ ແລະ ອື່ນໆ ເພື່ອສະພາບຄ່ອງໃນການດຳເນີນທຸລະກິດ ກໍຕ້ອງໄດ້ “ກູ້ໜີ້ຢືມສິນ” ຈາກຜູ້ອື່ນ ເພື່ອນຳມາແກ້ໄຂຄວາມຫຍຸ້ງຍາກຂາດເຂີນ ໃນຊີວິດປະຈຳວັນ ຫຼື ເພື່ອຊຸກຍູ້ທຸລະກິດໃຫ້ເຕີບໃຫຍ່.ຖ້າໄປກູ້ຢືມເງິນນຳທະນາຄານ ຫຼື ສະຖາບັນການເງິນ ກໍມີຫຼາຍຂັ້ນຕອນຫຍຸ້ງຍາກ ແລະ ຕ້ອງໄດ້ລໍຖ້າການອະນຸມັດທີ່ອາດໃຊ້ເວລາຫຼາຍເດືອນຈຶ່ງຈະໄດ້ເງິນ ໂດຍສະເພາະສຳລັບນັກທຸລະກິດແລ້ວ ກວ່າຈະໄດ້ເງິນກູ້ຢືມມາ ໂອກາດໃນການໄດ້ລູກຄ້າ ຫຼື ສັ່ງວັດຖຸດິບກໍອາດບໍ່ທັນການແລ້ວກໍເປັນໄດ້, ສະນັ້ນ ການກູ້ຢືມເງິນຈາກບຸກຄົນ ບໍ່ວ່າຈະເປັນໝູ່ເພື່ອນ, ຍາດຕິພີ່ນ້ອງ ຫຼື ຈາກຜູ້ທີ່ໃຫ້ບໍລິການເງິນກູ້ຢືມເປັນອາຊີບ ເອີ້ນວ່າ: “ເຈົ້າໜີ້ນອກລະບົບທະນາຄານ” ຈຶ່ງເປັນສິ່ງທີ່ຫຼີກລ່ຽງບໍ່ໄດ້ ແລະ ບາງຄັ້ງເຖິງແມ່ນວ່າດອກເບ້ຍກູ້ຢືມສູງກວ່າທະນາຄານ ຫຼື ສະຖາບັນການເງິນ ຫຼາຍໆຄົນກໍຈຳຍອມເພາະຄວາມຈຳເປັນ ດັ່ງທີ່ກ່າວມາແລ້ວນັ້ນ. ເມື່ອເປັນແນວນີ້ ກົດໝາຍບ້ານເຮົາໄດ້ກຳນົດໄວ້ແນວໃດແດ່ ກ່ຽວກັບດອກເບ້ຍເງິນກູ້ຢືມທີ່ສູງ ມື້ນີ້ຂ້າພະເຈົ້າຈະເລົ່າໃຫ້ຟັງ ກ່ອນອື່ນໝົດ, ກົດໝາຍວ່າດ້ວຍຂໍ້ຜູກພັນໃນສັນຍາ ແລະ ນອກສັນຍາ (2008),​ ...

ໃນຕອນເຊົ້າຂອງມື້ນີ້ເວລາ 9:00 ໂມງ ວັນທີ 9 ມັງກອນ 2020 ໄດ້ມີ ພິທີຫລໍ່ຍອດເກດພຣະເຈົ້າໃຫຍ່ອົງຫຼວງປະທານພອນເມືອງພວນ ແຂວງຊຽງຂວາງ ນໍ້າໝັກຄຳ 3-4 ບາດ. ຢູ່ທີ່ ວັດອົງຕື້ ມະຫາວິຫາຣ ນະຄອນຫຼວງວຽງ  ໂດຍມີທ່ານ ພັນຄຳ ວິພາວັນ ຮອງປະທານປະເທດແຫ່ງ ສປປ ລາວ, ມີການນຳພັກ-ລັດ ແລະພໍ່ແມ່ພຸດທະບໍລິສັດເຂົ້າຮ່ວມຫຼວງຫຼາຍ.        

ສະບັບຕົ້ນປີ 2020 ພວກເຮົາໄດ້ຮັບກຽດສໍາພາດທ່ານ ປອ ບົວຄົງ ນາມມະວົງ ເລຂາພັກແຂວງ, ເຈົ້າແຂວງໆບໍ່ແກ້ວ ເຊິ່ງທ່ານໄດ້ແຈ້ງໃຫ້ຮູ້ເຖິງວິໄສທັດ ແລະ ການພັດທະນາເສດຖະກິດ-ສັງຄົມ ໃນສົກປີ 2019-2020 ພ້ອມທັງການກະກຽມດ້ານຕ່າງໆ ໃຫ້ແກ່ກອງປະຊຸມໃຫຍ່ສາມຂັ້ນຂອງພັກ ແລະ ກອງປະຊຸມໃຫຍ່ຜູ້ແທນອົງຄະນະພັກແຂວງບໍ່ແກ້ວຄັ້ງທີ VI. -ການພັດທະນາ ເສດຖະກິດ-ສັງຄົມ ຂອງແຂວງ ມີບາດກ້າວຂະຫຍາຍຕົວແນວໃດ? -ບັນຍາກາດການລົງທຶນ ແລະ ການຮ່ວມມືກັບຕ່າງປະເທດ ມີບາດກ້າວຂະຫຍາຍຕົວແນວໃດ? ໃນປີ 2019 ການພັດທະນາເສດຖະກິດ-ສັງຄົມ ຂອງແຂວງຍັງສືບຕໍ່ຂະຫຍາຍຕົວດ້ວຍຈັງຫວະດີໃນລະດັບ 7,4%,ລວມຍອດຜະລິດຕະພັນພາຍໃນບັນລຸ 3.181,82 ຕື້ກີບ,ທຽບໃສ່ແຜນການປີປະຕິບັດໄດ້ 98,33% ສະເລ່ຍລາຍຮັບຕໍ່ຫົວຄົນພົນລະເມືອງແມ່ນ1.900 ໂດລາ/ຄົນ/ປີ. ໂຄງປະກອບເສດຖະກິດ-ສັງຄົມໄດ້ມີການເພີ່ມຂຶ້ນ ແລະ ຫັນປ່ຽນໄປໃນທາງທີ່ຕັ້ງໜ້າ ໃນນັ້ນຂະແໜງກະສິກໍາ-ປ່າໄມ້ ເພີ່ມຂຶ້ນ 6,3%ກວມ 36,86%,ຂະແໜງອຸດສາຫະກໍາ ເພີ່ມຂຶ້ນ 6,5%ກວມ 20,15%,ຂະແໜງບໍລິການເພີ່ມຂຶ້ນ 9,3% ກວມ 42,99% ຂອງGDP.   -ສິ່ງພົ້ນເດັ່ນ ແລະ ເປັນທ່າແຮງຂອງແຂວງມີດ້ານໃດແດ່? ຖ້າສົມທຽບໄລຍະກ່ອນບໍ່ມີເຂດເສດຖະກິດ ແລະ ພາຍຫຼັງທີ່ມີ ມັນສົ່ງຜົນອັນໃດແດ່ຕໍ່ເສດຖະກິດແຂວງ? -ຂົວມິດຕະພາບລາວ-ໄທ ແຫ່ງທີ ...

ເພື່ອເປັນການສົ່ງເສີມການທ່ອງທ່ຽວພາຍໃນແຂວງ ແລະ ຊຸກຍູ້ໃຫ້ມວນຊົນມາຮ່ວມງານ ແລະ ມາຊົມມາເຊີຍ ນັກກິລາຂອງແຂວງຕົນເອງ ໃຫ້ມີຄວາມຄຶກຄື້ນມ່ວນຊື່ນໃນໄລຍະຈັດງານມະຫະກຳກິລາແຫ່ງຊາດ ທີ່ແຂວງຊຽງຂວາງ ທີ່ຈະຈັດຂຶ້ນໃນວັນທີ 22 ມີນາ – 1 ເມສາ 2020 ທີ່ຈະມາເຖິງນີ້. ປັດຈຸບັນ ອຳນາດການປົກຄອງ ແຂວງ ຊຽງຂວາງ ກໍາລັງກະກຽມອອກຂໍ້ຕົກລົງແຈ້ງການໃຫ້ຜູ້ປະກອບການໂຮງແຮມ ແລະ ເຮືອນພັກພາຍໃນແຂວງ ຫຼຸດຄ່າທີ່ພັກລົງ 20% ໃນໄລຍະເປັນເຈົ້າພາບຈັດງານ ມະຫາກຳກິລາແຫ່ງຊາດ ຄັ້ງທີ 11 ຫຼື ຊຽງຂວາງ ເກມ  ແລະ ເລັ່ງໃຫ້ປັບປຸງສະຖານທີ່ທ່ອງທ່ຽວ ຕ່າງໆໃຫ້ດີຂຶ້ນ ເພື່ອຮອງຮັບແຂກ ແລະ ສ້າງຄວາມດຶງດູດໃຈຂອງຜູ້ມາ ທ່ອງທ່ຽວ ແຂວງ ຊຽງຂວາງ. ທ່ານ ສີວິໄລ ອຸດົມສຸກ ຮອງຫົວໜ້າ ພະແນກສຶກສາທິການ ແລະ ກິລາ ແຂວງຊຽງຂວາງ ໄດ້ໃຫ້ສຳພາດ ກັບສື່ມວນຊົນ ຫ່ວາງບໍ່ດົນມານີ້ວ່າ: ເພື່ອຮອງຮັບແຂກທີ່ຈະເດີນທາງເຂົ້າມາທ່ຽວ ແລະ ຊົນການແຂ່ງຂັນ ກິລາຄັ້ງນີ້ ພະແນກສຶກສາທິການ ແລະ ກິລາ ແຂວງຈຶ່ງໄດ້ຈັດການຝຶກອົບຮົມໃຫ້ຜູ້ປະກອບການໂຮງແຮມ ...

ກະຊວງການເງິນໄດ້ແຈ້ງໃຫ້ຮູ້ວ່າ: ປີ 2019 ການເກັບຄ່າທຳນຽມທາງ ຫຼື ເສຍຄ່າທາງສຳລັບພາຫະນະ (ລົດຈັກ, ລົດໃຫ່ຍຕ່າງໆ) ແມ່ນບໍ່ໄດ້ຕາມແຜນທີ່ວາງໄວ້ ແລະ ບໍ່ໄດ້ຮອດເຄີ່ງໜຶ່ງຂອງພາຫະນະທີ່ມີໃນທົ່ວປະເທດ ເຖິງແມ່ນວ່າຈະນໍາໃຊ້ລະບົບທີ່ ທັນສະໄໝໂດຍຜ່ານຫຼາຍຮູບແບບເຂົ້າມາ ຊ່ວຍແລ້ວກໍ່ຕາມ. ທ່ານ ສົມດີ ດວງດີ ລັດຖະມົນຕີກະຊວງ ການເງິນໄດ້ກ່າວໃນບໍ່ດົນມານີ້ ຢູ່ກອງປະຊຸມເປີດກວ້າງລັດຖະບານຄັ້ງທີ II ວ່າ: ປີ 2019 ແມ່ນໄດ້ເລີ່ມການຈັດ ເກັບເງິນຄ່າທຳນຽມທາງພາຫະນະເຂົ້າງົບປະມານແຫ່ງລັດດ້ວຍລະບົບທີ່ທັນສະໄໝ, ໃນໄລຍະທຳອິດເຫັນວ່າດີຂື້ນ ແລະ ມີຄວາມໂປ່ງໃສ ບັນດາຫົວໜ່ວຍທຸລະກິດມີຄວາມຕື່ນຕົວ ໃຫ້ການຮ່ວມມື  ແຕ່ກົງກັນຂ້າມເຫັນວ່າຄວາມຕື່ນຕົວຂອງ ເຈົ້າຂອງພາຫະນະລົດເອກະຊົນ ຍັງບໍ່ຫຼາຍເທົ່າທີ່ຄວນເຊິ່ງມັນສະແດງອອກ ໃນການເສຍອາກອນ ຫຼື ຄ່າທຳນຽມທາງ ຍັງບໍ່ໄດ້ຮອດເຄີ່ງໜື່ງຂອງຈຳນວນລົດທີ່ມີ ເຖິງແມ່ນວ່າທາງເຈົ້າໜ້າທີ່ຈະມີມາດຕະ ການຕ່າງໆເຊັ່ນ : ເມື່ອເຫັນລົດຄັນໃດບໍ່ເສຍຄ່າທາງແມ່ນ ໃຫ້ປັບໃໝກັບທີ່ເລີຍ ແຕ່ກໍ່ຍັງມີຜູ້ຊົມໃຊ້ລົດບາງຈຳນວນຍັງມີ ການຫຼົບໜີໄດ້ຢູ່ ແລະ ຍ້ອນວ່າບາງຂົງເຂດ ໜ່ວຍບໍລິການທະນາຄານໄປບໍລິການຍັງບໍ່ ທົ່ວເຖິງ ໂດຍສະເພາະຢູ່ເຂດຫ່າງໄກສອກ ຫຼີກ. ຂ່າວ : ສົມພາວັນ ພາບ: ແກ້ວ​ບຸນ​ທະ​ວີ ທີ່ມາ: ໜັງສືພິມວຽງຈັນທາຍ

ການກໍ່ສ້າງພື້ນຖານໂຄງລ່າງຂອງທາງລົດໄຟ ລາວ – ຈີນ ສໍາເລັດ 83%, ສາມາດໄກ່ເກ່ຍທີ່ດິນ ແລະ ມອບພື້ນທີ່ໃຫ້ແກ່ການກໍ່ສ້າງໄດ້ທັງໝົດ 99,59% ຂອງແລວທາງທັງໝົດ 409 ກິໂລແມັດ. ໃນນີ້, ການຊີເຈາະອຸມົງໃນປັດຈຸບັນສໍາເລັດແລ້ວ 86,5%, ການກໍ່ສ້າງຂົວທັງໝົດສໍາເລັດ 59,3%. ໃນວັນທີ 6 ມັງກອນ 2020 ນີ້ ຄະນະຄຸ້ມຄອງໂຄງການທາງລົດໄຟ ລາວ – ຈີນ ໄດ້ຈັດກອງປະຊຸມພະນັກງານບໍລິສັດທາງລົດໄຟ ລາວ – ຈີນ ເພື່ອເຜີຍຄວາມສໍາເລັດວຽກງານທຸກດ້ານຂອງການກໍ່ສ້າງທາງລົດໄຟ ລາວ – ຈີນ ພ້ອມທັງປຶກສາຫາລື ແລະ ວາງແຜນສືບຕໍ່ວຽກງານຕ່າງໆຂອງໂຄງການກໍ່ສ້າງເສັ້ນທາງລົດໄຟ ລາວ – ຈີນ ປີ 2020 ທີ່ນະຄອນຫຼວງວຽງຈັນ ໂດຍການເປັນປະທານຂອງ ທ່ານ ຄໍາປ່ຽນ ອິນທະລືຊາ ຮອງຫົວໜ້າຄະນະຄຸ້ມຄອງໂຄງການທາງລົດໄຟ ລາວ – ຈີນ, ມີ ທ່ານ ຈູ່ກົວຈ່ຽງ ປະທານສະພາບໍລິຫານ ບໍລິສັດ ເສັ້ນທາງລົດໄຟ ລາວ – ...