ຕາມຂ່າວສານ ຫວຽດນາມ,  ບັນດາອົງການສາກົນ ໄດ້ຮຽກຮ້ອງໃຫ້ໂຈະ ເກັບໜີ້ ບັນດາປະເທດ ທຸກຍາກ. ໃນວັນທີ 7 ເດືອນເມສາ 2020 , ມີ 140 ກຸ່ມເຄື່ອນໄຫວ ແລະ ບັນດາ ອົງການ ​ເມດ​ຕາ​ຈິດ ໄດ້ຮຽກຮ້ອງ ໃຫ້ກອງທຶນ ເງິນຕາສາກົນ (IMF), ທະນາຄານໂລກ (WB), ບັນດາ ປະເທດ ກຸ່ມພຶ້ນຖານ ເສດຖະກິດ ພັດທະນາ ເກີດໃໝ່ ແຖວໜ້າ ຂອງໂລກ (G20) ພ້ອມດ້ວຍ ບັນດາ ເຈົ້າໜີ້ ພາກເອກະຊົນ ໃຫ້ໂຈະການຊຳລະໜີ້ ກັບ ບັນດາປະເທດ ທຸກຍາກ ທີ່ສຸດໃລກ ເພື່ອສາມາດ ຜ່ານຜ່າວິກິດການ ພະຍາດໂຄວິດ-19. ຂະນະດຽວກັນ, ສະຫະພັນເອີຣົບ(EU) ໄດ້ສະເໜີບ້ວງເງິນ 15 ຕື້ເອິໂຣ (164 ຕື້ໂດລາສະຫະລັດ) ເພື່ອຊ່ວຍບັນດາປະເທດ ທຸກຍາກໃນໂລກ ຕ້ານພະຍາດ ໂຄວິດ-19 ແລະ ພວມໄດ້ຮັບຜົນກະທົບ ໃນການດຳລົງຊິວິດ. ທ່ານນາງເອີຊູລາ ວອນເດີເລເຢນ ...

ອົງການການຄ້າໂລກອອກບົດລາຍງານຄາດຄະເນວ່າ: ປະລິມານການຄ້າຈະຕົກຕໍ່າລະຫວ່າງ13-32% ໃນປີ 2020 ຂະນະທີ່ການລະບາດຂອງໂຄວິດ-19 ສົ່ງຜົນກະທົບຕໍ່ກິດຈະກໍາທາງເສດຖະກິດ ແລະ ການດໍາລົງຊີວິດຂອງປະຊາກອນໂລກ. ຜົນກະທົບຈາກໂຄວິດ-19 ທີ່ມີຕໍ່ປະລິມານການຄ້າໂລກໃນປີນີ້ຈະມີຄວາມຮ້າຍແຮງກວ່າວິກິດການການເງິນໂລກ ໃນປີ 2008. ນອກຈາກນີ້,ບົດລາຍງານໃຫ້ຮູ້ວ່າ:ການຟື້ນຄືນໃນປີໜ້າຍັງບໍ່ມີຄວາມແນ່ນອນໂດຍຈະຂຶ້ນຢູ່ກັບໄລຍະເວລາການລະບາດຂອງພະຍາດ ແລະ ປະສິດທິພາບຂອງນະໂຍບາຍທີ່ປະເທດຕ່າງໆນໍາມາໃຊ້. ຢ່າງໃດກໍຕາມ,ທ່ານ ໂຣແບ ອາເຊເວໂດ ຜູ້ອໍານວຍການໃຫຍ່ອົງການການຄ້າໂລກກ່າວວ່າ: ຫາກທຸກປະເທດຮ່ວມມືກັນຈະເຫັນການຟື້ນຄືນທາງເສດຖະກິດທີ່ວ່ອງໄວກວ່າເມື່ອປຽບທຽບກັບການທີ່ແຕ່ລະປະເທດອອກນະໂຍບາຍແຕ່ພຽງລໍາພັງ. ທີ່ມາ: ຂ່າວເສດຖະກິດ-ການຄ້າ

ເພື່ອປ້ອງກັນ ແລະ ຕ້ານການແຜ່ລາມບໍ່ໃຫ້ເປັນວົງກວ້າງຂອງເຊື້ອພະຍາດໂຄວິດ-19 ຫ້ອງການບໍລິຫານງານ ສູນກາງອົງການພຸດທະສາສະຫນາສັມພັນ ແຫ່ງ ສປປ ລາວ ຈຶ່ງໄດ້ອອກແຈ້ງການ ໃຫ້ງົດຈັດງານບຸນປະເພນີຫົດສົງພຣະປີໃຫມ່ລາວ ທີ່ມີການຊຸມນຸມກັນຂອງປະຊາຊົນ ຂໍໃຫ້ພຣະສົງພາຍໃນວັດແຕ່ລະວັດ ເຮັດ ພິທີຮົດສົງພຣະພຸດທະຮູບ ຕາມຮີດຄອງປະເພນີເລັກນ້ອຍເທົ່ານັ້ນ. ອີງຕາມໜັງສື ແຈ້ງການ ຫ້ອງການບໍລິຫານງານ ສູນກາງອົງການພຸດທະສາສະຫນາສັມພັນ ແຫ່ງ ສປປ ລາວ ເລກທີ 157/ອພສ ລົງວັນທີ 7 ເມສາ 2020 ກ່ຽວກັບການ ໃຫ້ງົດຈັດງານບຸນປະເພນີຫົດສົງພຣະປີໃຫມ່ລາວ ທີ່ມີການຊຸມນຸມກັນຂອງປະຊາຊົນ. ອີງຕາມ: ຄໍາສັ່ງຂອງນາຍົກລັດຖະ ມົນຕີ ແຫ່ງ ສປປ ລາວ ສະບັບເລກທີ 06/ນຍ ລົງວັນທີ 29 ມີນາ 2020 ວ່າດ້ວຍການເພີ່ມທະວີມາດຕະການສະກັດກັ້ນ, ການລະບາດ, ຄວບຄຸມ ແລະກຽມຄວາມພ້ອມຮອບດ້ານ ເພື່ອຕ້ານພະຍາດໂຄວິດ 9 ອີງຕາມ: ມະຕິຕົກລົງຂອງຄະນະບໍລິຫານງານປະຈໍາການ ສູນກາງອົງການພຸດທະສາສະຫນາສັມພັນ ແຫ່ງ ສປປ ລາວ ຄັ້ງວັນທີ 31 ມີນາ 2020. ຫ້ອງການບໍລິຫານງານສູນກາງອົງການພຸດທະສາສະຫນາສັມພັນ ...

​ໃນ​ວັນ​ທີ 7 ​ເມສາ 2020 ທະນາຄານໂລກ ປະຈໍາພາກພື້ນອາຊີຕາເວັນອອກ ແລະ ປາຊີຟິກ ໄດ້ອະນຸມັດງົບປະມານຈຳນວນ 18 ລ້ານໂດລາສະຫະລັດ ໃຫ້ແກ່ ສປປ ລາວ ເພື່ອຊ່ວຍ ໃນການຕອບໂຕ້ ແລະ ຮັບມື ກັບການລະບາດ ຂອງ​ໄວຣັດໂຄວິດ-19 ກໍຄື ການປ້ອງກັນ ແລະ ຄວບຄຸມການຕິດເຊື້ອ, ການກວດຫາກໍລະນີຕິດເຊື້ອ ແລະ ການຄົ້ນຫາຜູ້ທີ່ໃກ້ຊິດ ກັບຜູ້ຕິດເຊື້ອ, ການ ຄຸ້ມຄອງກໍລະ ນີຜູ້ຕິດເຊື້ອ ແລະ ການສື່ສານ, ທັງການໃຫ້ຄວາມຮູ້ກ່ຽວ ກັບການລະບາດ ຂອງພະຍາດ ດັ່ງກ່າວ. ໂຄງການນີ້ ຍັງຈະຊ່ວຍຍົກລະດັບ ຄວາມອາດສາມາດໃນການເຝົ້າລະວັງ ແລະ ທັກສະການ ປິ່ນປົວຂອງທີມແພດໝໍ ຂອງ ສປປ ລາວ ອີກດ້ວຍ.   ທ່ານນາງ ມາຣຽມ ເຊີຣ໌ແມນ, ອຳ​ນວຍ​ການທະນາຄານໂລກ ປະຈໍາປະເທດ ມຽນມາ, ກໍາປູເຈຍ ແລະ ສປປ ລາວ ໄດ້ກ່າວວ່າ “ດ້ວຍການປະຕິບັດມາດຕະການການສະກັດກັ້ນທີ່ຕື່ນຕົວ ...

ກະຊວງການເງິນໄດ້ອອກຂໍ້ຕົກລົງເພີ່ມເຕີມ ກ່ຽວກັບການຄຸ້ມຄອງງົບປະມານສະເພາະວຽກງານປ້ອງກັນ,​ຄວບຄຸມ ແລະ ຕອບໂຕ້ພະຍາດອັກເສບປອດ covid-19

ຕາມ​ຂ່າວ​ຈາກ​ນະຄອນຫລວງ ຈາ​ກາ​ຕາ, ວັນ​ທີ 7​ ເມສາ​ນີ້, ອິນ​ໂດ​ເນ​ເຊຍ ​ເປີດ​ເຜີຍ ຍອດ​ຜູ້​ເສຍ​ຊີວິດ ຈາກ ​ເຊື້ອ​ພະຍາດ​ ໂຄ​ວິດ-19 ​ພາຍໃນ​ປະ​ເທດ ​ເພີ່ມ​ຂຶ້ນ ຢ່າງ​ໜ້ອຍ 209 ຄົນ ​ໃນ​ນີ້ ມີ​ພະນັກງານແພດ 24 ຄົນ ​ເພີ່ມ​ຂຶ້ນ​ເປັນ 2​ ເທົ່າ ເມື່ອທຽບໃສ່ ຕົວເລກ ສະຖິຕິ​ ໃນ​ອາທິດ​ຜ່ານ​ມາ ​ເນື່ອງ​ຈາກ​ ການ​ຂາດ​ແຄນ​ ດ້ານ​ອຸປະກອນ ​ການ​ແພດ ​ສຳລັບ ​ເຈົ້າໜ້າ​ທີ່​ ສາທາລະນະ​ສຸກ ​ໂດຍ​ສະ​ເພາະ ຊຸດ​ປ້ອງ​ກັນ ທາງ​ການ​ແພດ. ຂະນະ​ດຽວ​ກັນ ສະຖານະ​ການ ​ທີ່​ເກີດຂຶ້ນ ຍັງ​ບົ່ງ​ບອກ ເຖິງຄວາມ​ສ່ຽງ ​ໃນ​ລະດັບ​ສູງ ຂອງ​ ການ​ຕິດ​ເຊື້ອ ​ພະຍາດ​ໂຄ​ວິດ-19 ​ໃນ​ກຸ່ມ​ບຸກຄະລາ​ກອນ​ການ​ແພດ​ ອາດຈະ​ເກີດ​ຂຶ້ນ​ໄດ້​ ໃນທຸກ​ເວລາ. ທີ່ມາ: ຂ່າວສານປະເທດລາວ

 ຕາມຂ່າວສານ ຫວຽດນາມ, ວັນທີ 7 ເດືອນເມສາ, ພິທີຕ້ອນຮັບ ຊ່ຽວຊານ ການແພດ ຂອງ ກະຊວງປ້ອງກັນ ຫວຽດນາມ ໄປ ສປປ ລາວ ເພື່ອຊ່ວຍແນະນຳ ແລະ ແລກປ່ຽນບົດຮຽນ ໃນການ ປ້ອງກັນ ພະຍາດ ລະບົບ ທາງເດີນ ຫາຍໃຈ ເຊື້ອໄວຣັດ ສາຍພັນໃໝ່ ໂຄວິດ-19 ແລະ ພິທີການມອບ ອຸປະກອນ ການແພດ ໂດຍມີ ມູນ ຄ່າ ຫຼາຍກວ່າ 3 ຕື້ດົງ (ສະກຸນເງິນ ຫວຽດນາມ) ຂອງກະຊວງ ປ້ອງກັນ ປະເທດ ຫວຽດນາມ ຊ່ວຍເຫຼືອ ກະຊວງ ປ້ອງກັນ ປະເທດລາວ ເພື່ອປ້ອງກັນ ພະຍາດນີ້ ໄດ້ຈັດຂຶ້ນ ຢູ່ ດ່ານ CauTreo  ແຂວງຮ່າຕິງ ປະເທດຫວຽດນາມ. ຝ່າຍຫວຽດນາມ ນຳໂດຍ ທ່ານພົນຈັດຕະວາ ຫງວຽນຮຸ່ງຖັງ, ຮອງຫົວໜ້າ ກົມໃຫ່ຍ ເສນາທິການ ...

ໃນວັນທີ 6 ເມສາ 2020 ທີ່ສໍານັກງານນາຍົກລັດຖະມົນຕີ ໄດ້ຈັດກອງປະຊຸມທາງໄກ ເພື່ອກວດກາ ແລະ ປຶກສາຫາກ່ຽວກັບວຽກງານແກ້ໄຂ ແລະ ສະກັດກັ້ນການແຜ່ລະບາດຂອງເຊື້ອພະຍາດໂຄວິດ-19, ໂດຍການເປັນປະທານຂອງທ່ານ ທອງລຸນ ສີສຸລິດ ນາຍົກລັດຖະມົນຕີ, ມີບັນດາທ່ານຮອງນາຍົກລັດຖະມົນຕີ, ບັນດາທ່ານລັດຖະມົນຕີກ່ຽວຂ້ອງ, ບັນດາຄະນະສະເພາະກິດຂັ້ນສູນກາງ, ເຈົ້າຄອງນະຄອນຫຼວງວຽງຈັນ ແລະ ເຈົ້າແຂວງໃນ ທົ່ວປະເທດ ເຂົ້າຮ່ວມ. ກອງປະຊຸມ ໄດ້ຮັບຟັງການລາຍງານການຈັດຕັ້ງປະຕິບັດຄຳສັ່ງ ເລກທີ 06/ນຍ ວ່າດ້ວຍການສະກັດກັ້ນ, ກັນການລະບາດ, ຄວບຄຸມ ແລະ ກຽມຄວາມພ້ອມຮອບດ້ານ ເພື່ອຕ້ານພະຍາດ ໂຄວິດ 19, ມະຕິຕ່າງໆ ຂອງ ລັດຖະບານ ກໍຄືມາດຕະການຕ່າງໆ ທີີ່ຄະນະສະເພາະກິດ ໄດ້ວາງອອກ, ຂໍ້ສະດວກ, ຂໍ້ຫຍຸ້ງຍາກ, ສິ່ງທ້າທາຍ, ມາດຕະການໃນຕໍ່ໜ້າ ແລະ ຂໍ້ສະເໜີຕໍ່ລັດຖະບານ  ຈາກບັນດາແຂວງໃນຂອບເຂດທົ່ວປະເທດ ໂດຍຜ່ານການນໍາໃຊ້ລະບົບການປະຊຸມທາງໄກ (Video Conference). ຜ່ານການຮັບຟັງການລາຍງານ ເຫັນວ່າ ບັນດາແຂວງ ໄດ້ ເອົາໃຈໃສ່ຈັດຕັ້ງປະຕິບັດບັນດາມາດຕະການຕ່າງໆທີ່ລັດຖະບານ ວາງອອກໄດ້ດີພໍສົມຄວນ. ແຕ່ເຖິງ ຢ່າງໃດກໍດີ ເຫັນວ່າ ...

ໃນຕອນບ່າຍຂອງວັນທີ 6 ເມສາ 2020 ການນຳສູນກາງຊາວໜຸ່ມປະຊາຊົນປະຕິວັດລາວ ນຳໂດຍ ທ່ານອາລຸນໄຊ ສູນນະລາດ ເລຂາຄະນະບໍລິຫານງານ ສຊປລ ພ້ອມດ້ວຍຄະນະສະເພາະກິດ ສຊປລ ໄດ້ ມອບເຄື່ອງຊ່ວຍເຫຼືອໃຫ້ແກ່ໂຮງໝໍ 3 ແຫ່ງຄື: ໂຮງໝໍ 103, ໂຮງໝໍມິດຕະພາບ 150 ຕຽງ,​ ໂຮງໝໍປິ່ນປົວ ແລະ ຟື້ນຟູຜູ້ຕິດຢາເສບຕິດ ( ສົມສະຫງ່າ )​ ລວມມູນຄ່າທັງໝົດ 42,350,000 ກີບ. ເຄື່ອງທີ່ນຳມາມອບໃນຄັ້ງນີ້: ປະກອບມີຜ້າປິດປາກ, ນໍ້າຢາລ້າງມື, ນໍ້າຢາຂ້າເຊື້ອ, ເຄື່ອງສີດຢາຂ້າເຊື້ອ,​ ການມອບເຄື່ອງໃນຄັ້ງນີ້ເພື່ອເປັນການປະກອບສ່ວນເຂົ້າໃນການຕ້ານພະຍາດໂຄວິດ – 19 ແລະ ເພື່ອເປັນການຄໍານັບຮັບຕ້ອນວັນສ້າງຕັ້ງ ຄຊປປລ ຄົບຮອບ 65 ປີ, ພ້ອມນັ້ນກໍເປັນການເພີ່ມທະວີຄວາມສາມັກຄີ,​ ສຶກສາອົບຮົມ,​ ປູກຈິດສຳນຶກໃຫ້ແກ່ຊາວໜຸ່ມ – ເຍົາວະຊົນ ໄດ້ຮັບຮູ້,​ ເຂົ້າໃຈຕໍ່ແນວທາງນະໂນບາຍຂອງພັກ -​ລັດຖະບານ,​ ການມີສະຕິຊາດ,​ ມີສະຕິຕໍ່ກົດໝາຍ,​ ມີສະຕິຕໍ່ການຈັດຕັ້ງ,​ ມີຄວາມຮັບຜິດຊອບສູງ ແລະ ມີສະຕິຕໍ່ສັງຄົມ,​ກຳແໜ້ນ ແລະ ເປັນແບບຢ່າງຈັດຕັ້ງປະຕິບັດຕາມຄຳສັ່ງເລກທີ ...

ເຈົ້າໜ້າທີ່ຕຳຫຼວດຈະລາຈອນ, ປກສ ບ້ານ ແລະ ຄະນະຮັບຜິດຊອບຈາກຫຼາຍພາກສ່ວນທີ່ກ່ຽວຂ້ອງເຂດເມືອງສີໂຄດຕະບອງ ນະຄອນຫຼວງວຽງຈັນ ເອົາໃຈໃສ່ປະຕິບັດໜ້າທີ່ໃນການປ້ອງກັນພະຍາດໂຄວິດ-19 ໂດຍມີການກວດກາປະຊາຊົນຜູ້ໃຊ້ລົດໃຊ້ຖະໜົນຢ່າງລະອຽດ ເພື່ອບໍ່ໃຫ້ເດີນທາງອອກຈາກເຮືອນ ໂດຍບໍ່ມີຈຸດປະສົງທີ່ຈຳເປັນ ຫຼື ໄປວຽກຊ່ວຍທາງລັດຖະການ. ໃນໂອກາດດຽວກັນນັ້ນ, ເຈົ້າໜ້າທີ່ໄດ້ຮຽກຮ້ອງໃຫ້ພໍ່-ແມ່ປະຊາຊົນຢູ່ເຮືອນຕົນເອງ ເພື່ອຄວາມປອດໄພຂອງຕົນເອງ ແລະ ຄອບຄົວ. ກໍລະນີ້, ມີຜູ້ຝ່າຝືນກັບຄຳສັ່ງແມ່ນຈະຖືກດຳເນີນຄະດີຕາມກົດໝາຍ. ສະນັ້ນ, ຂໍຮຽກຮ້ອງໃຫ້ປວງຊົນລາວທັງຊາດ ຈົ່ງຮ່ວມແຮງຮ່ວມໃຈສາມັກຄີກັນປະຕິບັດຕາມຄຳແຈ້ງເຕືອນຂອງລັດຖະບານຢ່າງເຂັ້ມງວດ. ທີ່ມາ: ຂ່າວຄວາມສະຫງົບ