ວັນພຸດ,​ ວັນທີ 15 ເມສາ 2020, ທີ່ ຫສນຍ         ພໍ່ແມ່ ພີ່ນ້ອງຊາວລາວ ໃນທົ່ວປະເທດ ທີ່ເຄົາລົບຮັກ ທັງຫຼາຍ.  ມື້ນີ້, ວັນທີ 15 ເມສາ ປີ 2020 ກົງກັບແຮມ 8 ຄໍ່າ ເດືອນ 5 ພສ 2563 ແມ່ນມື້ເນົາຂອງປີໃໝ່ (ປີຊວດ) ຂອງຊາດລາວເຮົາ. ຂ້າພະເຈົ້າ ມີຄວາມພາກພູມໃຈເປັນຢ່າງຍິ່ງ ທີ່ໄດ້ຮ່ວມກັບພີ່ນ້ອງຮ່ວມຊາດ ໃນທົ່ວປະເທດ, ຮັບເອົາພອນໄຊອັນປະເສີດ (ທີ່ເຕັມໄປດ້ວຍຄວາມສາມັກຄີ ຮັກແພງອັນອົບອຸ່ນ, ຄວາມໂອບເອື້ອອາລີ, ແລະ ຄວາມຫ່ວງໄຍ ອັນເລິກເຊິ່ງ) ຈາກ ສະຫາຍ ບຸນຍັງ ວໍລະຈິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ທີ່ເຄົາລົບຮັກ ຂອງປະຊາຊົນລາວ ທົ່ວປະເທດ. ຄຳອວຍພອນນັ້ນ ໄດ້ກາຍເປັນກຳລັງໃຈອັນແຮງກ້າ ປຸກລະດົມ ໃຫ້ແກ່ພີ່ນ້ອງຊາວລາວ, ເຊື້ອຊາດລາວທຸກໆຄົນ ທີ່ຢູ່ພາຍໃນ ແລະ ຕ່າງປະເທດ  ກ້າວຂຶ້ນຜ່ານພົ້ນ ...

ຫຼາຍທ່ານກໍຮູ້ກັນດີວ່າ ຄວາມຕັ້ງໃຈ ດຸໝັ່ນ ແລະ ອົດທົນ ເປັນພື້ນຖານຂອງທຸກຄວາມສຳເລັດ ແຕ່ການເຮັດ ວຽກຢ່າງໜັກ ເພື່ອມຸ່ງໄປສູ່ຄວາມສຳເລັດໃນໜ້າທີ່ວຽກງານ ອາດບໍ່ແມ່ນສິ່ງສຳຄັນຢ່າງດຽວໃນຊີວິດ ເພາະ ການເຮັດວຽກຢ່າງສະຫຼາດ ທີ່ສາມາດສ້າງຄວາມສົມດຸນລະຫວ່າງວຽກງານ ແລະ ຊີວິດ ໄປພ້ອມໆກັບການ ມີສຸກຂະພາບກາຍ ແລະ ໃຈທີ່ແຂງແຮງ ເພື່ອພ້ອມທີ່ຈະສ້າງສັນຜົນງານທີ່ດີໃນໄລຍະຍາວ ຍ່ອມເປັນສິ່ງສຳ ຄັນກວ່າ ທີ່ຄົນລຸ້ນໃໝ່ຄວນຄຳນຶງເຖິງ. ໃນບົດຄວາມນີ້ ຜູ້ຂຽນຈະສະເໜີໃຫ້ເຫັນເຖິງຄວາມແຕກຕ່າງລະ ຫວ່າງການເຮັດວຽກຢ່າງໜັກ ແລະ ການເຮັດວຽກຢ່າງສະຫຼາດ ພ້ອມທັງນຳເອົາເຕັກນິກການເຝິກຕົນເອງ ໃຫ້ກາຍເປັນຄົນທີ່ເຮັດວຽກຢ່າງສະຫຼາດ ມາແບ່ງປັນນຳບັນດາຜູ້ອ່ານ. ການເຮັດວຽກຢ່າງໜັກ (Work Hard) ໝາຍເຖິງ ການທຸ້ມເທເຫື່ອແຮງ ຊັບພະຍາກອນ ແລະເວລາສ່ວນຫຼາຍໃຫ້ກັບການເຮັດວຽກ ຊຶ່ງໝາກຜົນທີ່ອອກ ມາອາດຈະເປັນທີ່ໜ້າເພິ່ງພໍໃຈ ຫຼືບໍ່ກໍໄດ້ ແຕ່ການໄດ້ມາຊຶ່ງໝາກຜົນນັ້ນ ທ່ານອາດຈະຕ້ອງແລກມາດ້ວຍການ ເຮັດວຽກໜັກຈົນເກີນໄປ ທີ່ອາດສົ່ງຜົນກະທົບຕໍ່ສະພາບຮ່າງກາຍ ແລະ ຈິດໃຈຂອງທ່ານ; ເຮົາລອງມາທົດສອບເບິ່ງວ່າ ທ່ານເຮັດວຽກໜັກ ຫຼືບໍ່ ດ້ວຍການສັງເກດຕົນເອງວ່າ ທ່ານເລີກວຽກຄໍ່າ ຫຼືບໍ່, ທ່ານຫອບເອົາວຽກມາ ເຮັດຢູ່ເຮືອນນຳ ຫຼືບໍ່, ທ່ານຄິດວ່າວຽກສຳຄັນທີ່ສຸດໃນຊີວິດຫຼືບໍ່, ຖ້າຄຳຕອບຂອງທ່ານຄື “ແມ່ນ” ທັງໝົດ ...

ທ່ານ ດຣ ສະໜອງ ທອງຊະນະ ຜູ້ອຳນວຍການໂຮງໝໍມິດຕະພາບ ໄດ້ຢືນຢັນໃນວັນທີ 14 ເມສາ 2020 ນີ້ວ່າ: ຜ່ານການປິ່ນປົວ ແລະ ຕິດຕາມຄົນເຈັບທີ່ຕິດເຊື້ອທັງໝົດ 19 ຄົນນັ້ນ, ຜົນກວດວິເຄາະຜູ້ຕິດເຊື້ອ ກໍລະນີທີ 12 ນາງ ເພັດມະລີ ມົງຄົນວິໄລ ອາຍຸ 20 ປີ ຢູ່ບ້ານນາໄຊ ເມືອງໄຊເສດຖາ ນະຄອນຫຼວງວຽງຈັນ ອອກມາເປັນລົບທັງ 2 ຄັ້ງ ພາຍໃນ 24 ຊົ່ວໂມງ, ເຊິ່ງຖືວ່າປິ່ນປົວດີ ແລະ ສາມາດອອກຈາກໂຮງໝໍໄດ້ແລ້ວ ແຕ່ຜູ້ກ່ຽວຕ້ອງໄດ້ຕິດຕາມຕົນເອງຢູ່ບ້ານ ໂດຍປະຕິບັດຕາມມາດຕະການຄວບຄຸມການຕິດເຊື້ອ, ການໃສ່ຜ້າອັດປາກ-ດັງ, ຫຼຸດຜ່ອນການສຳຜັດກັບຄົນໃນຄອບຄົວ ແລະ ສະພາບແວດລ້ອມ ແລະ ຈຳກັດການຢູ່ຮ່ວມກັນກັບຄອບຄົວ ພາຍໃນ 14 ວັນ ແມ່ນຈະໄດ້ກັບມາກວດຢັ້ງຢືນຄືນເຊື້ອໄວຣັດທີ່ຫາຍໄປແລ້ວນັ້ນວ່າມັນຫາຍດີ 100% ແທ້, ຈາກນັ້ນແພດຈຶ່ງອະນຸຍາດໃຫ້ດໍາລົງຊີວິດແບບປົກກະຕິທົ່ວໄປ. ທ່ານ ດຣ ສະໜອງ ທອງຊະນະ ຍັງໃຫ້ຮູ້ອີກວ່າ: ສຳລັບຜູ້ຕິດເຊື້ອທີ່ເຫຼືອນັ້ນ, ມີຈຳນວນໜຶ່ງຈະໄດ້ກວດຄືນ ແລະ ພວກເຮົາອາດຈະໄດ້ຮັບຂ່າວດີໄປເລື້ອຍໆ ...

ກະຊວງແຮງງານ ແລະ ສະຫວັດດີການ ອອກແຈ້ງການ ເລກທີ 1114/ຮສສ, ນະຄອນຫຼວງວຽງຈັນ,​ ວັນທີ 11 ເມສາ 2020​ ເຖິງພະແນກແຮງງານ ແລະ ສະຫວັດດີການແຂວງ ແລະ ນະຄອນຫຼວງວຽງຈັນ ເລື່ອງການຈັດຕັ້ງປະຕິບັດມາດຕະການແຮງງານ ເພື່ອປ້ອງກັນແລະ ຄວມຄຸມການແຜ່ລະບາດພະຍາດໂຄວິດ-19. ໃນຊ່ວງໄລຍະພັກບຸນປີໃໝ່ລາວປີນີ້ ແຕ່ວັນທີ 13-19 ເມສາ 2020​, ຫົວໜ່ວຍທຸລະກິດ, ການຜະລິດ ແລະ ການບໍລິການ ຕ້ອງຈ່າຍຄ່າແຮງງານໃຫ້ຜູ້ອອກແຮງງານເຕັມຕາມປົກກະຕິ, ຖ້າຫົວໜ່ວຍແຮງງານ ໃດມີຜູ້ອອກແຮງງານພັກເຊົາຢູ່ໃນຫໍພັກ ກໍໃຫ້ມີການຄຸ້ມຄອງຢ່າງເອົາໃຈໃສ່ ໂດຍໃຫ້ມີການແຕ່ງຕັ້ງຜູ້ຮັບຜິດຊອບຕິດຕາມດູແລ ຜູ້ອອກແຮງງານດັ່ງກ່າວ ເພື່ອໃຫ້ປະຕິບັດຕາມລະບຽບ ການຂອງຂັ້ນເທິງຢ່າງເຂັ້ມງວດ ອ່ານລາຍລະອຽດຂອງແຈ້ງການລຸ່ມນີ້

ເພື່ອເປັນການຊຸກຍູ້ສົ່ງເສີມການຜະລິດພາຍໃນໃຫ້ມີຄວາມເຂັ້ມແຂງ ທັງຮັບປະກັນໃຫ້ແກ່ການບໍລິໂພກພາຍໃນແຂວງບໍ່ແກ້ວ ຫຼື ສົ່ງອອກໃຫ້ນັບມື້ນັບເພີ່ມຂຶ້ນ ຫ້ອງວ່າການແຂວງບໍ່ແກ້ວ ຈຶ່ງໄດ້ອອກແຈ້ງການແນະນຳເຖິງ ສະພາປະຊາຊົນແຂວງ, ຫົວໜ້າພະແນກອ້ອມຂ້າງແຂວງ ຕະຫຼອດຮອດພໍ່ແມ່ປະຊາຊົນພາຍໃນແຂວງດັ່ງນີ້: ຫ້າມນຳເຂົ້າສິນຄ້າປະເພດພືດຜັກຕ່າງໆ ຈາກຕ່າງປະເທດ ແລ້ວຫັນມາສົ່ງເສີມ ໃຫ້ປະຊາຊົນ ແລະ ກຸ່ມການຜະລິດ ຕະຫຼອດຮອກທຸກພາກສ່ວນ ໃຫ້ພະແນກກະສິກຳ ແລະ ປ່າໄມ້ ສືບຕໍ່ຊຸກຍູ້ ສົ່ງເສີມ ທຸກພາກສ່ວນໃນການປູກ,​ການລ້ຽງ, ຕິດພັນກັບການຈັດຕັ້ງກຸ່ມຜະລິດ ໃຫ້ມີຈຳນວນເພີ່ມຂຶ້ນ ມອບໃຫ້ພະແນກອຸດສາຫະກຳ ແລະ ການຄ້າແຂວງ ຈັດຕັ້ງກຸ່ມເກັບຊື້ ພ້ອມທັງຊອກຕະຫຼາດທີ່ແນ່ນອນເພື່ອຮອງຮັບຜົນຜະລິດຂອງປະຊາຊົນ ໄລຍະການປະຕິບັດວຽກງານຕົວຈິງ ຫາກມີຂໍ້ສະດວກ ຫຼື ຂໍ້ຫຍຸ້ງຍາກ ແມ່ນໃຫ້ລາຍງານ ຂໍທິດຊີ້ນຳຈາກຂັ້ນເທີງເພື່ອມີທິດທາງໃນການແກ້ໄຂຊ່ວຍ.

ໃນໄລຍະຜ່ານມາ ມີຫາງສຽງຈາກປະຊາຊົນຈໍານນວນຫຼາຍ ກ່ຽວກັບການສະເໜີໃຫ້ລັດຖະບານຊ່ວຍພິຈາລະນາການຫຼຸດຜ່ອນລາຄາຄ່ານໍ້າ ຄ່າໄຟ ໃຫ້ແກ່ປະຊາຊົນ ໃນຊ່ວງໄລຍະທີ່ໂຄວິດ-19 ລະບາດ ເນື່ອງຈາກມັນກະທົບຕໍ່ເສດຖະກິດຂອງລາວໂດຍກົງ ເຮັດໃຫ້ຫຼາຍກິດຈະການບໍ່ສາມາດຂັບເຄື່ອນໄດ້ ປະຊາຊົນ ຫຼື ພະນັກງານທົ່ວໄປຂາດລາຍໄດ້ ບໍ່ມີລາຍຮັບເຂົ້າ. ເຊິ່ງ ກໍ່ໄດ້ມີຂໍ້ຕົກລົງຢ່າງເປັນທາງການຂອງທ່ານນາຍົກຕໍ່ກັບມາດຕະການໃນການແກ້ໄຂຜົນກະທົບຕໍ່ເສດຖະກິດລາວ ດ້ວຍນະໂຍບາຍຫຼາຍຢ່າງນໍາກັນ. ໜຶ່ງໃນນີ້ ໃນຂໍ້ ທີ 7  ແມ່ນໃຫ້ຄົ້ນຄວ້າ ຜ່ອນຜັນລາຄາ ແລະ ຕໍ່ເວລາໃນການຊໍາລະຄ່ານໍ້າຄ່າໄຟຟ້າ ຂອງຜູ້ຊົມໃຊ້ໃນຄົວເຮືອນ ແລະ ພາກທຸລະກິດ. ເຊິ່ງອີງຕາມຂໍ້ຕົກລົງຂອງນາຍົກລັດຖະມົນຕີ ວ່າດ້ວຍການກໍານົດນະໂຍບາຍ  ແລະ ມາດຕະການເພື່ອຫຼຸດຜ່ອນຜົນກະທົບຈາກການລະບາດຂອງພະຍາດໂຄວິດ-19ຕໍ່ເສດຖະກິດຂອງລາວ ສະບັບເລກທີ 31/ນຍ, ລົງວັນທີ 2 ເມສາ 2020 ມີເນື່ອໃນນະໂຍບາຍດັ່ງລຸ່ມນີ້:

ໃນຕອນເຊົ້າຂອງມື້ນີ້ ວັນທີ 10 ເມສາ 2020 ທີ່ ສຳນັກງານນາຍົກລັດຖະມົນຕີ, ນະຄອນຫຼວງວຽງຈັນ, ໄດ້ມີ 5 ພາກສ່ວນ ນຳເອົາເງິນ ແລະ ອຸປະກອນປ້ອງກັນພະຍາດ ມາມອບໃຫ້ລັດຖະບານ ເພື່ອປະກອບສ່ວນຮັບມື ແລະ ຄວບຄຸມການແຜ່ລະບາດຂອງເຊື້ອພະຍາດ ໂຄວິດ- 19 ໃນ ສປປ ລາວ. ກ່າວຮັບເຄື່ອງຊ່ວຍເຫຼືອດັ່ງກ່າວແມ່ນທ່ານ ສົມດີ ດວງດີ, ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ, ຫົວໜ້າຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການແຜ່ລະບາດຂອງເຊື້ອພະຍາດ ໂຄວິດ- 19, ໂດຍມີລັດຖະມົນຕີກະຊວງສາທາລະນະສຸກ, ຜູ້ຕາງໜ້າກະຊວງການເງິນ, ຫ້ອງວ່າການສຳນັກງານນາຍົກລັດຖະມົນຕີ ແລະ ຜູ້ຕາງໜ້າຈາກທັງ 5 ພາກສ່ວນ ແລະ ພະນັກງານທີ່ກ່ຽວ ເຂົ້າຮ່ວມ. ບັນດາພາກສ່ວນທີ່ໄດ້ປະກອບສ່ວນຊ່ວຍເຫຼືອໃນຄັ້ງນີ້ ມີ: 1) ຄອບຄົວການນຳ ແລະ ສະມາຄົມນັກທຸລະກິດຍິງໜຸ່ມ ມອບເຄື່ອງກວດອຸ່ນຫະຮ່າງກາຍ ແລະ ຜ້າອະນາໄມອັດປາກ-ດັງ ມູນຄ່າ 214.000.000 ກີບ, ຊຶ່ງຕາງໜ້າມອບໂດຍທ່ານ ນາງ ...

ວັນທີ 10 ເມສາ 2020 , ໂຮງໝໍແຂວງຈຳປາສັກ ຮ່ວມກັບ ຊ່ຽວຊານທີ່ມາຈາກ ສປຈີນ ຊ່ຽວ ຊານມາຈາກສູນກາງ ກະຊວງສາທານະລະສຸກ ແລະ ຊ່ຽວ ຊານອົງການອະນາໄມໂລກ (WHO) ໄດ້ທຳການຕິດຕັ້ງປະກອບເຄື່ອງກວດ polymerase chain reaction (PCR) R (real-time) ເຄື່ອງກວດຊອກຫາເຊື້ອອັກເສບປອດ ຈາກເຊື້ອຈຸລະໂຣກສ່ຍພັນໃໝ່ (COVID-19) ເຊິ່ງພ້ອມຈະຮັບໃຊ້ໃນມໍ່ໆນີ້.   ເຄື່ອງທີ່ນໍາມາຕິດຕັ້ງຄັ້ງນີ້ເປັນເຄື່ອງຂະໜາດໃຫຍ່ທີສາມາດກວດໃດ້ເຖິງ 92 ຕົວຍ່າງອ່ານຜົນໃນເວລາ 120 ນາທີ ຈະສາມາດຮອງຮັບຕົວຢ່າງທີ່ສົ່ງມາຈາກ 4 ແຂວງພາກໃຕ້ໄດ້ ເຊິ່ງມັນຈະສາມາດກວດຈຳນວນຫຼາຍ ແລະ ສະດວກໃນການສົ່ງຕົວຢ່າງນໍາອີກ. ຂໍຂອບໃຈຂ່າວ ແລະຮູບຈາກ: VBSNews