ຕາມຂ່າວສານ ຫວຽດນາມ, ບັນດາອົງການສາກົນ ໄດ້ຮຽກຮ້ອງໃຫ້ໂຈະ ເກັບໜີ້ ບັນດາປະເທດ ທຸກຍາກ. ໃນວັນທີ 7 ເດືອນເມສາ 2020 , ມີ 140 ກຸ່ມເຄື່ອນໄຫວ ແລະ ບັນດາ ອົງການ ເມດຕາຈິດ ໄດ້ຮຽກຮ້ອງ ໃຫ້ກອງທຶນ ເງິນຕາສາກົນ (IMF), ທະນາຄານໂລກ (WB), ບັນດາ ປະເທດ ກຸ່ມພຶ້ນຖານ ເສດຖະກິດ ພັດທະນາ ເກີດໃໝ່ ແຖວໜ້າ ຂອງໂລກ (G20) ພ້ອມດ້ວຍ ບັນດາ ເຈົ້າໜີ້ ພາກເອກະຊົນ ໃຫ້ໂຈະການຊຳລະໜີ້ ກັບ ບັນດາປະເທດ ທຸກຍາກ ທີ່ສຸດໃລກ ເພື່ອສາມາດ ຜ່ານຜ່າວິກິດການ ພະຍາດໂຄວິດ-19. ຂະນະດຽວກັນ, ສະຫະພັນເອີຣົບ(EU) ໄດ້ສະເໜີບ້ວງເງິນ 15 ຕື້ເອິໂຣ (164 ຕື້ໂດລາສະຫະລັດ) ເພື່ອຊ່ວຍບັນດາປະເທດ ທຸກຍາກໃນໂລກ ຕ້ານພະຍາດ ໂຄວິດ-19 ແລະ ພວມໄດ້ຮັບຜົນກະທົບ ໃນການດຳລົງຊິວິດ.
ທ່ານນາງເອີຊູລາ ວອນເດີເລເຢນ ປະທານຄະນະ ກຳມະການ ເອີຣົບ ກ່າວວ່າ ບ້ວງເງິນດັ່ງກ່າວ ຈະຊ່ວຍ ບັນດາປະເທດ ມີລະບົບການ ເບິ່ງແຍງສຸຂະພາບ ທີ່ຂາດເຂີນ ດ້ານສາທາລະນະສຸກ ໃນສ່ວນໃດໜຶ່ງ ເພື່ອສາມາດຮອງຮັບ ຜົນກະທົບຈາກ ພະຍາດໂຄວິດ-19 ກໍ່ຂຶ້ນ ກໍຄື ການຟື້ນຟູ ເສດຖະກິດອັນຍາວນານ.
ທີ່ມາ: ຂ່າວສານປະເທດລາວ