ຄົນລາວທົ່ວປະເທດ ມີຄວາມດີໃຈອີກຄັ້ງ ພາຍຫຼັງໄດ້ຮັບຂ່າວວ່າຄົນລາວສາມາດສ້າງປະຫວັດສາດ ຍາດໄດ້ 20 ກວ່າຫຼຽນໃນການແຂ່ງຂັນມວຍຈີນພຽງ 2 ວັນທີ່ເມືອງ ເຕີ້ງເພີງ. ຄົນລາວ 17 ຄົນຍິງ 2 ຄົນໄດ້ເດີນທາງໄປເຝິກອົບຮົມວິຊາມວຍຈີນເປັນເວລາ 4 ເດຶອນ ໂດຍແບ່ງເປັນ 2 ກຸ່ມຄື: ກຸ່ມທີ 1 ແມ່ນຮຽນມວຍເສົາຫຼີນ ຈໍານວນ 8 ຄົນ ຍິງ 1 ຄົນ. ກຸ່ມທີ 2 ແມ່ນຮຽນມວຍໄທຈິ ຈໍານວນ 9 ຄົນ ຍິງ 1 ຄົນ. ໃນໄລຍະດັ່ງກ່າວທາງປະເທດຈີນໄດ້ຈັດການແຂ່ງຂັນ The 12th  Zhengzhou China International Shaolin Wushu Festival 2018 ຂຶ້ນທີ່ເມືອງ ເຕີ້ງເພີງ (Dengfeng) ເມືອງແຫ່ງການຕໍ່ສູ່ ເຊິ່ງເປັນຕົ້ນກໍາເນີດຂອງວັດເສົາຫຼີນ. ທີມຈາກ ສປປ ລາວ ກໍໄດ້ເຂົ້າຮ່ວມແຂ່ງຂັນໃນງານຄັ້ງນີ້ ຮ່ວມກັບບັນດາປະເທດເພື່ອນມິດທີ່ມາຈາກ 65 ປະເທດ. ການແຂ່ງຂັນແມ່ນເລີ່ມແຕ່ວັນທີ ...

ຄົນລາວສ້າງຊື່ສຽງໃຫ້ກັບປະເທດຊາດອີກແລ້ວ….ງານນີ້ເຮັດໃຫ້ເຈົ້າຂອງວິຊາຕ້ອງຍອມຮັບໃນຄວາມສາມາດພິເສດສະເພາະດ້ານຂອງຄົນລາວ ເມື່ອທ່ານ ອາຈານ ເຕີ້  ຫຼື ມີອີກຊື່ໜຶ່ງແມ່ນ TawbKoj TsisTxawj Dhuav.   ຕາງໜ້າ ສປປ ລາວ ແລະ ເຜົ່າມົ້ງ ສາມາດໄດ້ແຊ້ມ ການແຂ່ງຂັນກິລາ ZhengZhou international Shaolin wushu festival (ລາຍການແຂ່ງຂັນກັງຟູ ເຊົ້າຫຼິນ ບໍ່ວ່າຈະເປັນ ມວຍວູຊູ ແລະ ໄທຈິ ທີ່ເປັນມວຍລະດັບຕົ້ນໆຂອງ ສປ ຈີນ) ໃນປະເພດດ່ຽວ ໃນລາຍການທີ 1 ເຮັດໃຫ້ຍາດໄດ້ຫຼຽນຄຳໄປຄອງ ເມື່ອວັນທີ 21 ຕຸລາ 2018 ຜ່ານມາ ທີ່ ສປ ຈີນ. ສໍາລັບ ລາຍການດັ່ງກ່າວ ມີ 65 ປະເທດເຂົ້າຮ່ວມຈັດຂຶ້ນລະຫວ່າງວັນທີ 20-24 ຕຸລາ 2018 ທີ່ວັດເຊົາຫຼິນ ໃນສປ ຈີນ. ອາຈານ ເຕີ້ (ສາຍາ ບູດສ໌ລີລາວ ຫຼື Bruce ...

ເນື່ອງໃນໂອກາດສະເຫຼີມສະຫຼອງ ວັນພະລັງງານໂລກ ດັ່ງນັ້ນໃນເວລາ 12:00 ໂມງ ຫາ 13:00 ໂມງ ຂອງວັນທີ 22 ຕຸລາ 2018 ຈະໄດ້ທໍາການມອດໄຟຟ້າ ໃນທົ່ວປະເທດ ເພື່ອເປັນການຮ່ວມສະຫຼອງວັນດັ່ງກ່າວໃນ ສປປ ລາວ ຢ່າງກວ້າງຂວາງ. ຕາມຂໍ້ມູນຂອງ ສະຫະປະຊາຊາດ ເປີດເຜີຍວ່າ: ຢູ່ໃນໂລກຍັງມີປະຊາຊົນຫຼາຍຕື້ຄົນ ຍັງບໍ່ໄດ້ເຂົ້າເຖິງ ຫຼື ບໍ່ໄດ້ຊົມໃຊ້ພະລັງງານສະໄໝໃໝ່ໂດຍສະເພາະ ແມ່ນການຊົມໃຊ້ ພະລັງງານໄຟຟ້າ ອັນເປັນການ ກົດໜ່ວງຕໍ່ກັບການພັດທະນາ ເສດຖະກິດ-ສັງຄົມ ແລະ ເຮັດໃຫ້ປະຊາຊົນ ດຳລົງຊີວິດຢູ່ໃນ ຄວາມຫຍຸ້ງຍາກທີ່ສຸດ. ຍ້ອນແນວນັ້ນ ໃນປີ 2011 ທ່ານ ບັນກິມູນ  ເລຂາທິການໃຫຍ່ ອົງການສະຫະປະຊາຊາດ ຈຶ່ງໄດ້ເລີ່ມໂຄງການທີ່ເອີ້ນວ່າ: “ ພະລັງງານຍືນຍົງ ເພື່ອໝົດທຸກຄົນ ” “ SE4LL ” ແລະ ກຳນົດເອົາ ປີ 2012 ເປັນປີສາກົນ ສຳລັບພະລັງງານຍືນຍົງ ເພື່ອໝົດທຸກຄົນແນ່ໃສ່ບັນລຸ 3 ເປົ້າໝາຍພາຍໃນປີ 2030 ຄື: ຮັບປະກັນປະຊາກອນທັງໝົດ ໄດ້ເຂົ້າເຖິງການບໍລິການ ດ້ານພະລັງງານສະໄໝໃໝ່, ເພີ່ມອັດຕາສ່ວນການປັບປຸງ ປະສິດທິພາບ ພະລັງໂລກຂຶ້ນເປັນສອງເທົ່າ ແລະ ເພີ່ມອັດຕາສ່ວນ ຂອງພະລັງງານ ທົດແທນໃນລວມຍອດພະລັງງານໂລກ ຂຶ້ນເປັນສອງເທົ່າຄືກັນ. ທັງນີ້ກໍເປັນ ໂອກາດທີ່ດີ ແລະ ເປັນບ່ອນອີງ ໃນການຂົນຂວາຍ, ປຸກລະດົມພາກສ່ວນເອກະຊົນ ແລະ ອົງການຈັດຕັ້ງສາກົນ ມາຮ່ວມມືກັບ ລັດຖະບານເຂົ້າໃນການ ສະໜອງພະລັງງານ ໂດຍສະເພາະແມ່ນພະລັງງານສະໄໝໃໝ່ ໃຫ້ກັບປະຊາຊົນຜູ້ທີ່ຍັງບໍ່ທັນໄດ້ນຳໃຊ້ ພະລັງງານໃຫ້ທົ່ວເຖິງ ຍ້ອນວ່າ: ພະລັງງານ ເປັນປັດ​ໄຈສຳຄັນໜຶ່ງ ທີ່ຊ່ວຍໃຫ້ ປະຊາຊົນຫຼຸດພົ້ນ ອອກຈາກຄວາມທຸກຍາກ ຍິ່ງໄປກວ່ານັ້ນກໍຍັງສ້າງໂອກາດ ແລະ ເງື່ອນໄຂໃຫ້ກັບ ປະຊາຊົນ ສ້າງລາຍຮັບດ້ວຍການຜະລິດສິນຄ້າແລະ ບໍລິການຕ່າງໆ, ຍົກສູງສະມັດຕະພາບ ດ້ານການຜະລິດ ແລະ ການບໍລິການດັ່ງກ່າວ ນັບມື້ນັບສູງຂຶ້ນ ​ແລະ ມີຊີວິດການເປັນຢູ່ທີ່ດີຂຶ້ນຕື່ມອີກ.     ...

ກອງປະຊຸມລັດຖະບານສະໄໝສາມັນ ປະຈໍາເດືອນ ຕຸລາ 2018 ໄດ້ໄຂຂຶ້ນໃນວັນທີ 18 ແລະ ປິດລົງໃນວັນທີ 19 ຕຸລາ 2018 ຢູ່ທີ່ສຳນັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ ທອງລຸນ ສີສຸລິດ ນາຍົກ ລັດຖະມົນຕີ ໂດຍມີບັນດາທ່ານຮອງນາຍົກລັດຖະມົນຕີ ແລະ ສະມາຊິກລັດຖະບານ ເຂົ້າຮ່ວມ. ກອງປະຊຸມ ຄັ້ງນີ້ ໄດ້ພ້ອມກັນສຸມໃສ່ພິຈາລະນາ, ປະກອບຄໍາເຫັນເຂົ້າໃສ່ 6 ເອກະສານສໍາຄັນ ດັ່ງນີ້: ບົດສະຫຼຸບຕີລາຄາການຈັດຕັ້ງປະຕິບັດ ແຜນພັດທະນາເສດຖະ ກິດ-ສັງຄົມ, ແຜນງົບປະມານ ແລະ ແຜນເງິນຕາ ປະຈໍາປີ 2018 ແລະ ທິດທາງແຜນການ ສໍາລັບປີ 2019; ທິດທາງ ແລະ ແຜນການຊຸກຍູ້ສົ່ງເສີມການຜະລິດລະດູແລ້ງ;ຜົນການສໍາຫຼວດ, ສຶກສາຄົ້ນຄວ້າ ແລະ ວິເຄາະວິໄຈ ກ່ຽວກັບການສ້າງຕັ້ງ ແລະ ດໍາເນີນງານຂອງເຂດເສດ ຖະກິດພິເສດ;ສະພາບການຄຸ້ມຄອງ ແລະ ນໍາໃຊ້ອິນເຕີເນັດ ແລະ ສື່ສັງຄົມອອນໄລ໌;ຮ່າງດຳລັດ ວ່າດ້ວຍການຈັດຕັ້ງປະຕິບັດ ແຜນແມ່ບົດຈັດສັນທີ່ດິນແຫ່ງຊາດ; ຮ່າງດໍາລັດ ວ່າດ້ວຍຄວາມປອດໄພ ແລະ ...

ໃນວັນທີ 17 ຕຸລາ 2018, ມວນຊົນຊາວເມືອງຊຳເໜືອ ນຳໂດຍ ທ່ານ ລຽນໄຊ ບຸນມະ ນີວັນ ເລຂາພັກເມືອງ, ເຈົ້າເມືອງຊໍາເໜືອ ພ້ອມດ້ວຍຄະນະ ໄດ້ຈັດພິທີຕ້ອນຮັບຂະບວນຄາລາວານ ຂອງສະຫະພັນກຳມະບານລາວ ຫວນຄືນສູ່ເມືອງວຽງໄຊ ຖານທີ່ໝັ້ນຂອງການປະຕິວັດລາວ ຢ່າງສົມກຽດ ຢູ່ທີ່ເດີນສວນແກ້ວຫຼັກເມືອງ. ຂະບວນຄາລາວານດັ່ງກ່າວ, ນຳໂດຍ ທ່ານ ປ້ານ ນ້ອຍມະນີ ກຳມະການສູນກາງພັກ ສະມາ ຊິກສະພາແຫ່ງຊາດ ປະທານສູນກາງສະຫະພັນກຳມະບານລາວ, ມີ ປະທານ, ຮອງປະທານສະຫະພັນກຳມະບານ ຈາກກະຊວງທະບວງກົມ, ອົງການຈັດຕັ້ງຂອງລັດ ແລະ ບັນດາແຂວງໃນຂອບເຂດທົ່ວປະເທດ, ມີຂະບວນລົດ ທັງໝົດ 76 ຄັນ. ການຈັດຂະບວນຄາລາວານ ຫວນຄືນສູ່ເມືອງວຽງໄຊໃນຄັ້ງນີ້, ເປັນການຫວນຄືນສູ່ມູນເຊື້ອປະຫວັດສາດ ຂອງການນຳພາອັນສະຫຼາດສ່ອງໃສ ໃນໄລຍະຕໍ່ສູ້ກູ້ຊາດອັນລະອິດລະອ້ຽວ, ເຊິ່ງໄດ້ເຮັດໃຫ້ເມືອງວຽງໄຊ ກາຍເປັນຖີ່ນກຳເນີດ ຂອງ ສປປ ລາວ ທັງເປັນການປະກອບສ່ວນສ້າງຂະບວນການ ໃຫ້ແກ່ງານສະເຫຼີມສະຫຼອງວັນສ້າງຕັ້ງເມືອງວຽງໄຊ ຄົບຮອບ 50 ປີ ທີ່ຈະຈັດຂຶ້ນ ໃນທ້າຍເດືອນພະຈິກ 2018 ນີ້ ໃຫ້ມີຄວາມໝາຍສຳຄັນ, ພ້ອມທັງຕິດພັນກັບກິດຈະກຳ ປີທ່ອງທ່ຽວລາວ ...

ເມື່ອບໍ່ດົນມານີ້, ທ່ານ ແສງສະຫວັນ ອານຸສິນ ຄະນະປະຈຳພັກເມືອງ ຮອງເຈົ້າເມືອງໄຊພູທອງ ຜູ້ຊີ້ນຳວຽກງານເສດຖະກິດ ພ້ອມຄະນະ ລົງຕິດຕາມກວດກາໂຄງການສ້ອມແປງເສັ້ນທາງຫຼວງຂອງແຂວງ ເລກທີ 26309 ໂດຍເລີ່ມຈາກເສັ້ນທາງຫຼວງ ເລກທີ 13 ໃຕ້ ແຍກບ້ານດົງໂພສີ ຫາ ບ້ານພູມະເຈດີ ເຊິ່ງມີຄວາມຍາວທັງໝົດ 14 ກິໂລແມັດ ແລະ ກ້ວາງ 7 ແມັດ ລວມມູນຄ່າທັງໝົດ 593 ລ້ານກີບ. ສຳລັບທຶນໃນການກໍ່ສ້າງສ້ອມແປງເສັ້ນທາງໃນຄັ້ງນີ້ ແມ່ນໄດ້ມາຈາກງົບປະມານກອງທຶນພັດທະນາຂອງສູນກາງ ໂດຍແມ່ນບໍລິສັດ ແກ້ວຈະເລີນຊັບ ກໍ່ສ້າງຂົວທາງ ແລະ ຊົນລະປະທານ ເປັນຜູ້ຮັບເໝົາກໍ່ສ້າງ ແລະ ໄດ້ເລີ່ມລົງມືກໍ່ສ້າງ ແຕ່ວັນທີ 5 ຕຸລາ 2018, ມາຮອດປັດຈຸບັນ ແມ່ນສ້ອມແປງຈຸດທີ່ເປ໋ເພຫຼາຍ ແລະ ຄາດວ່າຈະສຳເລັດຕາມລະດັບຄາດໝາຍ ໃນທ້າຍເດືອນຕຸລາ 2018 ນີ້. ພາຍຫຼັງໂຄງການກໍ່ສ້າງເສັ້ນທາງດັ່ງກ່າວ ສຳເລັດ ກໍຈະເປັນການສ້າງເງື່ອນໄຂສິ່ງອຳນວຍຄວາມສະດວກໃນການສັນຈອນ ໄປມາ ໃຫ້ກັບພໍ່ແມ່ປະຊາຊົນ ລະຫວ່າງ ບ້ານຕໍ່ບ້ານໃຫ້ສະດວກສະບາຍຂຶ້ນ ພ້ອມນັ້ນຍັງຫຼຸດຜ່ອນອັດຕາຄວາມສ່ຽງ ຕໍ່ການເກີດອຸບັດເຫດໃນການໃຊ້ລົດໃຊ້ຖະໜົນ ໃຫ້ນ້ອຍລົງ, ທັງເປັນການສ້າງກົງຈັກພື້ນຖານໂຄງລ່າງເສດຖະກິດໃຫ້ພັດທະນາ ...

ທ່ານ ທາເຄຊິ ຮິຄິຮາຣະ ເອກອັກຄະຣາຊະທູດຍີ່ປຸ່ນປະຈໍາ ສປປ ລາວ ໄດ້ກ່າວວ່າ: ນັບແຕ່ປີ 1965 ປະເທດລາວ ເປັນປະເທດທຳອິດ ທີ່ຍີ່ປຸ່ນ ໄດ້ສົ່ງອາສາສະໝັກຊາວໜຸ່ມມາປະຕິບັດງານ, ເຊິ່ງມາເຖິງປັດຈຸບັນມີອາສາສະໝັກຊາວໜຸ່ມ ແລະ ອະວຸໂສ ທີ່ຖືກສົ່ງມາເຮັດວຽກຢູ່ ສປປ ລາວ ທັງໝົດ 992 ຄົນ, ໃນຫຼາຍຂະແໜງການ ໂດຍສະເພາະແມ່ນ ສາທາລະນະສຸກ, ການສຶກສາ, ກະສິກຳ, ການກິລາ ແລະ ການພັດທະນາຊຸມຊົນ. ໃນວັນທີ 17 ຕຸລາ 2018 ທີ່ສະຖານທູດຍີ່ປຸ່ນ ປະຈຳ ສປປ ລາວ, ທາງສະຖານທູດໄດ້ຕ້ອນຮັບອາສາສະໝັກຊາວໜຸ່ມໃໝ່ ຈາກປະເທດຍີ່ປຸ່ນ ຈຳນວນ 4 ຄົນ,ຍິງ 1 ຄົນ (JICA) ທີ່ຈະມາປະຈຳ ແລະ ເຮັດວຽກຢູ່ລາວເປັນເວລາ 2 ປີ ເພື່ອສະໜັບສະໜູນການພັດທະນາເສດຖະກິດ-ສັງຄົມ ແລະ ການພັດທະນາຊັບ ພະຍາກອນມະນຸດ. ຂໍ້ມູນຈາກ:ຂປລ.

ກອງບັນຊາການ ປກສ ນະຄອນຫຼວງວຽງຈັນ ໄດ້ອອກແຈ້ງການ ເລກທີ 395/ປກສ.ນວ ລົງວັນທີ 15 ຕຸລາ 2018 ເລື່ອງ: ເພີ່ມທະວີປ້ອງກັນຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍຂອງສັງຄົມໃນໄລຍະ ງານບຸນອອກພັນສາ ປະວໍລະນາ ຊ່ວງເຮືອປະເພນີ ທ່າວັດຈັນ ປະຈໍາປີ ພ.ສ​2561. ໃນຂໍ້ 3 ຂອງແຈ້ງການໄດ້ກໍານົດເສັ້ນທາງສັນຈອນ ແລະ ບ່ອນຈອດລົດປະເພດຕ່າງໆດັ່ງນີ້: ກ. ບັນດາລົດໂດຍສານ. ມາຈາກທິດເໜືອ ມີຈຸດປະສົງມາທ່ຽວງານບຸນ ແມ່ນອະນຸຍາດໃຫ້ເຂົ້າຈອດຕາມສະຖານທີ່ທາງອະນຸກໍາມະການອະນຸຍາດ ຫຼື ຈອດຕາມແຄມຖະໜົນສຸພານຸວົງ ແລະ ທາງຮ່ອມອື່ນໆ ທີ່ເຫັນວ່າມີຄວາມປອດໄພ ແລະ ບໍ່ກີດຂວາງການສັນຈອນ. ມາຈາກທິດໃຕ້ ອະນຸຍາດໃຫ້ຈອດຢູ່ສະຖານທີ່ຈອດລົດຂອງພະແນກໂຍທາທິການ ແລະ ທາງຮ່ອມໂຮງຮຽນມໍປາຍ ເພຍວັດ ຫຼື ຈອດຕາມແຄມຖະໜົນສຸພານຸວົງ ແລະ ທາງຮ່ອມອື່ນໆ ທີ່ເຫັນວ່າມີຄວາມປອດໄພ ແລະ ບໍ່ກີດຂວາງການສັນຈອນ. ມາຈາກຖະໜົນ 13 ໃຕ້ ອະນຸຍາດໃຫ້ຈອດຕາມສະຖານທີ່ຈອດລົດຕໍ່ໜ້າສະໜາມກິລາເຈົ້າອານຸວົງ,ຫໍວັດທະນະທໍາ ແລະ ທາງຮ່ອມອື່ນໆ ທີ່ເຫັນວ່າມີຄວາມປອດໄພ ແລະ ບໍ່ກີດຂວາງການສັນຈອນ. ຂ. ບັນດາລົດສ່ວນຕົວ,ລົດຕຸກໆ ...

ເມືອງປາກຊ່ອງແມ່ນເມືອງໜຶ່ງທີ່ຕັ້ງຢູ່ທາງທິດຕາເວັນອອກສ່ຽງເໜືອ ຂອງແຂວງ ຈຳປາສັກ ຕັ້ງຢູ່ເຂດພູພຽງບໍລະເວນ ມີເນື້ອທີ່ທັງໝົດ 348 .735 ເຮັກຕາ ຊຶ່ງນອນຢູ່ໃນເສັ້ນຂະໜານເໜືອທີ: 15o 10 ‘  48″N ຫາ 15o 28 ‘  39″N ແລະ ເສັ້ນແວງຕາເວັນອອກທີ: 106o 13 ‘  42″ E ຫາ 106o 23 ່ 22″E, ເມືອງປາກຊ່ອງແມ່ນເປັນເມືອງທີ່ມີຄວາມພິເສດທາງດ້ານພູມອາກາດ ໜາວເຢັນຕະຫລອດປີ ອຸ່ນຫະພູມຕ່ຳສຸດ 9,120C ຕ່ຳກ່ວາອູ່ນຫະພູມ ເຂດທົ່ງພຽງ 60C ຫາ 70C ແລະ ອຸ່ນນະພູມສູງສຸດ 25,20C , ອຸນຫະພູມສະເລັ່ຍໃນປີແມ່ນ 19,90C ລະດູຝົນເລີ້ມແຕ່ກາງເດືອນ ມີນາ (3) ຫາ ກາງເດືອນທັນວາ (12) ແລະ ລະດູແລ້ງເລີ້ມແຕ່ກາງເດືອນມັງກອນ (01) ຫາ ກາງເດືອນມີນາ (3), ປະລິມານ ນໍ້າຝົນສະເລັ່ຍ 3.700 ...

ພິທີລົງນາມໃຫ້ການຊ່ວຍເຫຼືອ ສປປ ລາວ ເພື່ອປັບປຸງ 3 ໂຄງການພື້ນຖານໂຄງລ່າງ ໄດ້ຈັດຂຶ້ນໃນວັນທີ 16 ຕຸລາ 2018  ທີ່ນະຄອນຫຼວງວຽງຈັນ ລະຫວ່າງ ທ່ານ ນາງ ທິບພະກອນ ຈັນທະວົງສາ ຮອງລັດຖະມົນຕີ ກະຊວງການເງິນ ແລະ ທ່ານ ຢະຊູຊິ ເນກິຊິ ຜູ້ຕາງໜ້າ ເອດີບີ ປະຈໍາ ສປປ ລາວ. ທະນາຄານພັດທະນາອາຊີ (ADB) ຕົກລົງໃຫ້ທຶນຊ່ວຍເຫຼືອ ສປປ ລາວ ມູນຄ່າ 125,5 ລ້ານໂດລາສະຫະລັດ ສໍາລັບໂຄງການພັດທະນານໍ້າປະປາ ແລະ ສຸຂະພິບານ ( ທຶນຊ່ວຍ ເຫຼືອລ້າເພີ່ມ), ໂຄງການພັດທະນາຕົວເມືອງຕາມແລວທາງ ອະນຸພາກພື້ນແມ່ນໍ້າຂອງໄລຍະ IV ແລະ ໂຄງການພັດທະນາໂຄງລ່າງພື້ນຖານ ເພື່ອສົ່ງເສີມການທ່ອງທ່ຽວ ໃນອະນຸພາກພື້ນ ລຸ່ມແມ່ນໍ້າຂອງໄລຍະ II. ຂໍ້ມູນຈາກ:ຂປລ.