ຕາມຂ່າວ CRI, ວັນທີ 17 ມິຖຸນານີ້, ສື່ມວນຊົນລາວທຸກພາກສ່ວນ ແລະ​CRI​ ທີ່ນໍາພາໂດຍສູນສື່ສານເພື່ອສຸຂະພາບ ແລະສຸຂະສຶກສາ ກະຊວງສາທາລະນະສຸກ ແລະອົງການ UNCEF ປະຈໍາລາວ ໄດ້ລົງຕິດຕາມການຄວບຄຸມ ແລະຕ້ານການແຜ່ລະບາດໂຄວິດ-19 ຢູ່ດ່ານສາກົນບໍ່ເຕ່ນ-ບໍ່ຫານ ແຂວງຫຼວງນໍ້າທາ. ທ່ານ ພັທ ກອງແກ້ວ ສີງມີໄຊ ຫົວໜ້າຄະນະຄຸ້ມຄອງດ່ານສາກົນບໍ່ເຕ່ນໃຫ້ຮູ້ວ່າ, ເພື່ອບໍ່ໃຫ້ມີການແຜ່ລະບາດຂອງພະຍາດໂຄວິດ-19 ຄືນໃໝ່ໃນສປປ ລາວ ການເຂົ້າ-ອອກດ່ານແມ່ນມີສະເພາະແຕ່ລົດຂົນສົ່ງສິນຄ້າ​ ລາວ-ຈີນເທົ່ານັ້ນ ສ່ວນຄົນຈີນທີ່ມີຈຸດປະສົງຈະເຂົ້າມາລາວຕ້ອງໄດ້ປະຕິບັດຕາມມາດຕະການຂອງຄະນະສະເພາະກິດຂັ້ນແຂວງຢ່າງເຂັ້ມງວດ. ນອກຈາກນີ້, ທ່ານ ດຣ ຫຍຸ້ງ ລໍຄໍາ ຫົວໜ້າຄວບຄຸມພະຍາດຕິດຕໍ່ແຂວງຫຼວງນໍ້າທາ ທັງເປັນຜູ້ຊີ້ນໍາການກັກກັນພະຍາດໂຄວິດ-19 ກ່າວວ່າ, ໃນໄລຍະປິດດ່ານຍັງມີວິຊາການຂອງຈີນເດີນທາງເຂົ້າມາລາວ, ສ່ວນຫຼາຍແມ່ນນັກລົງທຶນ, ວິຊາການທາງລົດໄຟ ແລະຕ້ອງມີໃບຢັ້ງຢືນການກວດພະຍາດໂຄວິດ-19 ກ່ອນ 72 ຊົ່ວໂມງ ແລະມີວີຊາບີສອງ ເຊິ່ງຈະມີທີມແພດ​ ສົມທົບກັບເຈົ້າຫນ້າທີ່ປກສ,​ປກຊ ກວດວັດແທກອຸນຫະພູມ ສອບປະຫວັດ ສະແກນໜັງສືເດີນທາງ ສະແກນກະເປົາ. ຖ້າຜູ້ໃດຫາກມີອຸນຫະພູມກາຍ 37,5 ອົງສາແມ່ນໃຫ້ກັບຄືນສູ່ດ່ານ ສປ ຈີນ ຖ້າອຸນຫະພູມບໍ່ເກີນແມ່ນຈະມີລົດຂົນສົ່ງຄົນເຈັບມາຮັບຢູ່ດ່ານ ແລ້ວໄປໄວ້ສູນທີ່ແຂວງກໍານົດໄວ້ເພື່ອກັກກັນໄລຍະ 14 ວັນ ແລະໄດ້ເອົາຕົວຢ່າງເຍື່ອເມືອກຈາກຮູປາກ ...

ໃນວັນທີ 17 ມິຖຸນາ 2020 ທີ່ກະຊວງການຕ່າງປະເທດ, ທ່ານ ສະເຫລີມໄຊ ກົມມະສິດ ລັດຖະມົນຕີ ກະຊວງການຕ່າງປະເທດ ແຫ່ງ ສປປ ລາວ ໄດ້ນໍາພາຄະນະຜູ້ແທນເຂົ້າຮ່ວມກອງປະຊຸມທາງໄກສະໄໝພິເສດ ລັດຖະມົນຕີ ຕ່າງປະເທດອາຊຽນ-ຣັດເຊຍ ວ່າດ້ວຍການຕ້ານການແພ່ລະບາດພະຍາດໂຄວິດ-19 ພາຍໃຕ້ການເປັນປະທານຮ່ວມ ຂອງ ທ່ານ ນາງ ເຣັດໂນ ແອວພີ ມາສຸດິ (Retno L.P. Marsudi) ລັດຖະມົນຕີ ຕ່າງປະເທດ ອິນໂດເນເຊຍ ແລະ ທ່ານ ເຊີເກ ລາຣອບ (Sergey Lavrov) ລັດຖະມົນຕີ ຕ່າງປະເທດຣັດເຊຍ, ມີບັນດາລັດຖະມົນຕີ ຕ່າງປະເທດອາຊຽນ, ເລຂາທິການໃຫຍ່ອາຊຽນ ແລະ ບັນດາຜູ້ຕາງໜ້າຈາກກະຊວງ ຂະແໜງການກ່ຽວຂ້ອງ ເຂົ້າຮ່ວມ. ກອງປະຊຸມໄດ້ຕີລາຄາສູງ ແລະ ຮັບຊາບຕໍ່ການແຈ້ງສະພາບການ ກໍຄື ມາດຕະການຂອງແຕ່ລະປະເທດສະມາຊິກອາຊຽນ ແລະ ຣັດເຊຍ ໃນການສະກັດກັ້ນ, ເຝົ້າລະວັງ, ຄວບຄຸມ ແລະ ແກ້ໄຂການແພ່ລະບາດຂອງພະຍາດໂຄວິດ-19. ພ້ອມນີ້, ບັນດາທ່ານລັດຖະມົນຕີ ຍັງໄດ້ແລກປ່ຽນວິໄສທັດ ...

ໃນວັນທີ 17 ມິຖຸນາ ຜ່ານມາ ສໍານັກຂ່າວຕ່າງປະເທດລາຍງາຍຈາກນະຄອນປັກກິ່ງວ່າ ຄະນະກໍາມາທິການສາທາລະນະສຸກແຫ່ງຊາດຂອງຈີນ ລາຍງານສະຖານະການປະຈໍາວັນຂອງ Covid-19 ໃນປະເທດວ່າມີຜູ້ເສຍຊີວິດຢ່າງຕໍ່າ 4,634  ຄົນ ແລະ ຍັງມີຜູ້ປ່ວຍທີ່ຢູ່ໃນລະບົບອີກຢ່າງນ້ອຍ 252 ຄົນ, ໂດຍ 5 ຄົນ ຍັງຢູ່ໃນຂັ້ນວິກິດ. ເນື່ອງຈາກການແຜ່ລະບາດດັ່ງກ່າວ ຈຶ່ງເຮັດໃຫ້ໂຮງຮຽນທີ່ຢູ່ໃນພື້ນທີ່ຂອງນະຄອນປັກກິ່ງຖືກປິດທຸກບ່ອນ ເຖິງແມ່ນວ່າຫາກໍເປີດໃນທ້າຍ ເດືອນ ເມສາ ທີ່ຜ່ານມາ ເພາະເກີດການແຜ່ລະບາດຄັ້ງໃໝ່ຂອງ Covid-19 ສາຍພັນໃໝ່ ທີ່ມີຕົ້ນຕໍຢູ່ທີ່ຕະຫຼາດຂົນສົ່ງອາຫານຂະໜາດໃຫຍ່ທີ່ສຸດຂອງເມືອງຫຼວງ. ເຖິງຢ່າງໃດກໍຕາມ ຈໍານວນຜູ້ປ່ວຍສະສົມເພີ່ມເປັນຢ່າງນ້ອຍ 83,265  ຄົນ, ໃນຮອບ 24 ຊົ່ວໂມງ ທີ່ຜ່ານມາມີການຢືນຢັນຜູ້ປ່ວຍໃໝ່ 44 ຄົນ ແບ່ງເປັນຜູ້ທີ່ເດີນທາງມາຈາກຕ່າງປະເທດ 11 ຄົນ ແລະ ອີກ 33 ຄົນ ເປັນການຕິດເຊື້ອພາຍໃນປະເທດ. ສໍາລັບກຸ່ມຜູ້ຕິດເຊື້ອພາຍໃນປະເທດມີຄື: ຢູ່ໃນມົນທົນຫູເປີ່ຍ 1 ຄົນ, ມົນທົນເຈີຈ້ຽງ 1 ຄົນ ແລະ ອີກ 31 ຄົນ ທີ່ເຫຼືອຢູ່ໃນເຂດນະຄອນປັກກິ່ງ, ເຊິ່ງຜູ້ປ່ວຍທຸກຄົນມາຄວາມເຊື່ອມໂຍງກັບຕະຫຼາດຊິນຟາຕີ້ ສູນກາງການຄ້າສົ່ງອາຫານສົດຂະໜາດໃຫຍ່ທີ່ສຸດໃນເມືອງຫຼວງ ແລະ  ຜູ້ປ່ວຍສະສົມກຸ່ມນີ້ເພີ່ມຂຶ້ນຈໍານວນ 137 ຄົນ ...

ປັດຈຸບັນ ການດຳເນີນໂຄງການກໍ່ສ້າງທາງດ່ວນ ນະຄອນຫຼວງວຽງຈັນ ໝາຍເລກ 1 ໄດ້ມີຄວາມຄືບໜ້າຫຼາຍໜ້າວຽກເປັນຕົ້ນ ວຽກງານໄກ່ເກ່ຍ ແລະ ບຸກເບີກ ປະຕິບັດໄດ້ 9,33%, ວຽກຖົມດິນ 2,81%, ວຽກອອກແບບໄດ້ລົງກວດກາ ສະໜາມຕົວຈິງ ແລະ ອື່ນໆ. ໃນໂອກາດທີ່ ທ່ານ ພູຂົງ ບັນນະວົງ ຮອງເຈົ້າຄອງ ຫົວໜ້າພະແນກແຜນການ ແລະ ການລົງ ທືນນະຄອນຫຼວງວຽງຈັນ, ພ້ອມຄະນະ ໄດ້ລົງຕິດຕາມກວດກາ ການປະຕິບັດໂຄງການທາງດ່ວນ ນວ ໝາຍເລກ 1 ຢູ່ບໍລິເວນຈຸດວາງທໍ່ຮ່ອງລະບາຍນໍ້າ ບ້ານຮ່ອງສຸພາບ ແລະ ບ້ານໂຊກໃຫຍ່ ເມືອງໄຊເສດຖາ (ເຂດເສັ້ນທາງຕັດໃໝ່ 450 ປີ) ເຫັນວ່າການກໍ່ສ້າງເສັ້ນທາງດັ່ງກ່າວ ເປັນຈຸດເຊື່ອມຕໍ່ ແລະ ຈະມີການສ້າງເປັນຂົວຂ້າມຕັດຜ່ານເສັ້ນທາງ 450 ປີ ອາດມີຄວາມສ່ຽງ ທີ່ຈະເກີດມີນໍ້າຖ້ວມຂັງໃນການດຳເນີນໂຄງການ ເນື່ອງຈາກວ່າໄດ້ຖົມດິນ ແລະ ວາງທໍ່ລະບາຍນໍ້າ ໃຫ້ລົດຂອງໂຄງການແລ່ນຜ່ານໄປ-ມາຊົ່ວຄາວ, ເຊິ່ງອາດມີຄວາມສ່ຽງທີ່ຈະບໍ່ສາມາດ ຮອງຮັບນໍ້າໃນເວລາທີ່ຝົນຕົກໜັກຕິດຕໍ່ກັນຫຼາຍວັນ ອາດນໍ້າໄຫຼບໍ່ທັນ ກາຍເປັນນໍ້າຖ້ວມຂັງ ແລະ ສ້າງຜົນເສຍຫາຍໃຫ້ກັບປະຊາຊົນໃນເຂດດັ່ງກ່າວ. ເບື້ອງຕົ້ນໄດ້ສະເໜີໃຫ້ພະແນກ ຍທຂ ...

“Travel bubble” ມີຊື່ເອີ້ນຄື: “Travel Bridge” (ຂົວເຊື່ອມການເດີນທາງ) ຫຼື Corona Corridor ( ແລວທຸລະກິດໃນສະພາບໂຄໂຣນາ) ຄືການຈັດບຸລິມະສິດໃຫ້ກັບຜູ້ເດີນທາງຈາກປະເທດ ທີ່ສາມາດຄວບຄຸມ Covid-19 ໄດ້ຢ່າງມີປະສິດທິພາບ ໂດຍໃນ Travel Bubble ນັ້ນ ກຸ່ມປະເທດທີ່ຄັດເລືອກ ແລະ ຕົກລົງກັນແລ້ວຈະເປີດພົມແດນໃຫ້ກັນ ແລະ ກັນ ເພື່ອໃຫ້ພົນລະເມືອງຂອງປະເທດໃນກຸ່ມ ສາມາດເດີນທາງໄປມາຫາສູ່ກັນໄດ້ ແຕ່ບໍ່ເປີດໃຫ້ພົນລະເມືອງປະເທດອື່ນທີ່ຢູ່ນອກ Bubble (ນອກກຸ່ມປະເທດທີ່ຄັດເລືອກໄວ້). ເມື່ອບໍ່ດົນມານີ້, ບັນດາປະເທດ Lithuania, Latvia ແລະ Estonia ກໍໄດ້ມີການເປີດພົມແດນໃຫ້ກັນຕັ້ງແຕ່ກາງເດືອນ ພຶດສະພາ ປີ 2020 ເປັນການສ້າງ  Bubble ທຳອິດຂອງ EU ເຊິ່ງພົນລະເມືອງຂອງທັງ 3 ປະເທດສາມາດເດີນທາງໄປມາລະຫວ່າງປະເທດໄດ້ໂດຍບໍ່ຖືກກັກໂຕ ແຕ່ຜູ້ທີ່ເດີນທາງຈາກປະເທດອື່ນຈະຕ້ອງຖືກກັກໂຕ 14 ມື້. ແຫຼ່ງຂໍ້ມູນ: https://www.facebook.com/177444735796044/posts/1324082747798898/  

ອົງການສະຫະປະຊາຊາດສໍາລັບເດັກ (UNICEF) ປະຈໍາລາວ ໄດ້ລາຍງານເມື່ອບໍ່ດົນມານີ້ກ່ຽວກັບດັດຊະນີຄວາມອຶດຫິວໃນທົ່ວໂລກປະຈຳປີ 2019 ວ່າ: ສປປ ລາວ ຖືກຈັດຢູ່ໃນປະເພດທີ່ຮຸນແຮງເປັນອັນດັບທີ 87 ໃນຈຳ ນວນທັງໝົດ 117 ປະເທດ. ໄລຍະຜ່ານມາ ສປປ ລາວ ມີຄວາມຄືບໜ້າທີ່ດີໃນການຍົກລະດັບວຽກ ງານໂພຊະນາການ, ແຕ່ຍັງມີຫຼາຍວຽກ ງານທີ່ຕ້ອງໄດ້ມີການຈັດຕັ້ງປະຕິບັດ ແລະ ບັນລຸເປົ້າໝາຍ. ສະຖານະການແມ່ນກ່ຽວກັບໂພຊະນາການຂອງເດັກຍັງຈັດຢູ່ໃນລະດັບທີ່ບໍ່ໜ້າເພິ່ງພໍໃຈ, ເຊິ່ງໄລຍະ 1.000 ວັນທຳອິດຂອງເດັກນ້ອຍແມ່ນມີຄວາມສຳຄັນຕໍ່ການພັດທະນາສຸຂະພາບ ໂດຍສະເພາະການລ້ຽງລູກດ້ວຍນົມແມ່ພຽງຢ່າງດຽວຈົນຮອດອາຍຸ 6 ເດືອນ. ອົງການສະຫະປະຊາຊາດສໍາລັບເດັກ ລາຍງານຕື່ມວ່າ: ອີງຕາມການສໍາຫຼວດຕົວຊີ້ວັດດ້ານສັງຄົມຂອງ ສປປ ລາວ ເຫັນວ່າຫຼາຍກວ່າເຄິ່ງໜຶ່ງຂອງເດັກນ້ອຍອາຍຸຕໍ່າກວ່າ 6 ເດືອນບໍ່ໄດ້ຮັບການລ້ຽງດ້ວຍນົມແມ່ພຽງຢ່າງດຽວ ແລະ ຫຼາຍກວ່າສອງສ່ວນສາມຂອງເດັກອາຍຸຕໍ່າກວ່າສອງປີອັດ ຕາການຈະເລີນເຕີບໂຕແມ່ນຕໍ່າກວ່າມາດຕະຖານເນື່ອງຈາກການບໍ່ໄດ້ຮັບອາຫານທີ່ພຽງພໍ ລວມເຖິງຄຸນນະພາບ ແລະ ຄວາມຫຼາກຫຼາຍຂອງອາ ຫານ. ປັດຈຸບັນນີ້, ໜຶ່ງໃນສາມຂອງເດັກນ້ອຍທີ່ມີອາຍຸລະ ຫວ່າງ 6 ເດືອນ ຫາ 5 ປີ ມີທ່າອ່ຽງທີ່ຈະປະເຊີນກັບບັນຫາດ້ານການເຕີບໃຫຍ່, ຄວາມສາມາດໃນການຮຽນຮູ້ຫຼຸດລົງ ແລະ ດ້ານສະຕິປັນຍາ, ເຊິ່ງຈະເຮັດໃຫ້ສັກກະຍະພາບໃນການດຳເນີນຊີວິດຫຼຸດລົງ. ໃນບາງແຂວງ, ອັດຕາການຂາດສານອາຫານສູງເກີນ ...

ໃນວັນທີ 12 ມິຖຸນາ 2020 ຜ່ານມາ ໄດ້ມີພິທີມອບ-ໂອນສະໜາມບິນ ທົ່ງໄຫຫີນຊຽງຂວາງ ລະຫວ່າງ ກະຊວງໂຍທາທິການ ແລະ ຂົນສົ່ງ ໃຫ້ກະຊວງປ້ອງກັນປະເທດ ຮັບຜິດຊອບໂດຍກົງ ໂດຍການກ່າວມອບຂອງ ທ່ານ ບຸນແຕງ ສີມູນ ຮອງຫົວໜ້າກົມການບິນ ພົນລະເຮືອນ, ກະຊວງໂຍທາທິການ ແລະ ຂົນສົ່ງ, ຕາງໜ້າກ່າວຮັບແມ່ນ ທ່ານ ພັນໂທ ແສງ ຖະໜອມ ບຸດຕະວົງ ຫົວໜ້າຫ້ອງການກອງບັນຊາການທະຫານອາກາດ, ເຂົ້າຮ່ວມເປັນພະຍານ ຂອງ ທ່ານ ພົນຕີ ແອສະໄໝ ເລືອງວັນໄຊ ຮອງລັດຖະມົນຕີກະຊວງ ປ້ອງ ກັນປະເທດ, ທ່ານ ປອ ສັນຕິສຸກ ສິມມາລາວົງ ຮອງລັດຖະມົນຕີ ກະຊວງໂຍທາທິການ ແລະ ຂົນສົ່ງ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ. ກົມການບິນພົນລະເຮືອນ ໄດ້ເອົາໃຈ ໃສ່ຊີ້ນຳ-ນຳພາສອງກອງວິຊາການຄື: ກອງສະໜາມບິນລາວ ແລະ ກອງຈະລາຈອນທາງອາກາດລາວ ລວມທັງບໍລິສັດສາຍການບິນໃນການພັດທະນາພື້ນຖານໂຄງລ່າງໃຫ້ດີຂຶ້ນເລື້ອຍໆ ເຊັ່ນ: ດ້ານວຽກງານສະໜາມບິນ, ມີການພັດທະນາລະບົບພື້ນຖານ ໂຄງລ່າງຈຳນວນໜຶ່ງເປັນຕົ້ນ: ລານຈອດເຮືອບິນ, ຮົ້ວສະໜາມບິນ, ...

ໃນຕອນບ່າຍຂອງວັນທີ 16 ມິຖຸນາ 2020 ຢູ່ທີ່ສໍານັກງານໃຫຍ່ ລັດວິສາຫະກິດໄຟຟ້າລາວ ນະຄອນຫຼວງວຽງຈັນ ໄດ້ມີພິທີປະກາດການຈັດຕັ້ງ ແລະ ມອບ-ຮັບໜ້າທີ່ຕໍາແໜ່ງໃໝ່ ຂອງຜູ້ອໍານວຍການໃຫຍ່ ລັດວິສາຫະກິດໄຟຟ້າລາວ ລະຫວ່າງ ທ່ານ ບຸນອູ້ມ ສີວັນເພັງ ຜູ້ອໍານວຍການໃຫຍ່ ລັດວິສາຫະກິດໄຟຟ້າລາວ (ຜູ້ເກົ່າ) ທີ່ໄດ້ອອກກະສຽນບໍານານ ແລະ ແຕ່ງຕັ້ງ ທ່ານ ຈັນທະບູນ ສຸກອາລຸນ ເປັນຜູ້ວ່າການຜູ້ອໍານວຍການ ລັດວິສາຫະກິດໄຟຟ້າລາວ (ຜູ້ໃໝ່) ໂດຍການເຂົ້າຮ່ວມເປັນສັກຂີພະຍານຂອງ ທ່ານ ສົມດີ ດວງດີ ຮອງນາຍົກລັດຖະມົນຕີ,​ ລັດຖະມົນຕີກະຊວງການເງີນ, ມີ ທ່ານ ປອ ຄໍາມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່ ພ້ອມກັບແຂກທີ່ຖືກເຊີນ ເຂົ້າຮ່ວມ. ລັດວິສາຫະກິດໄຟຟ້າລາວ ເປັນຫົວໜ່ວຍທຸລະກິດຂອງລັດ ດຳເນີນທຸລະກິດດ້ານການຜະລິດ, ຄຸ້ມຄອງ, ບໍລິການ ແລະ ພັດທະນາພະລັງງານໄຟຟ້າຕາມແນວທາງຂອງ ພັກ ແລະ ກົດໝາຍຂອງລັດ ຕາມກົນໄກຕະຫລາດ ເພື່ອສະໜອງກະແສໄຟຟ້າ ໃຫ້ແກ່ຜູ້ຊົມໃຊ້ໄຟຟ້າທັງພາຍໃນ ແລະ ຂາຍອອກຕ່າງປະເທດ ປະກອບສ່ວນຢ່າງຕັ້ງໜ້າເຂົ້າໃນການພັດທະນາ ...

ນັບຕັ້ງແຕ່ COVID-19  ໄດ້ລະບາດຈາກເອີຣົບ ແລະ ອາເມລິກາເໜືອໄປສູ່ທາງທິດໃຕ້ຂອງໂລກ ເຮັດໃຫ້ຈຳນວນຜູ້ເສຍຊີວິດເພີ່ມຂື້ນເລື້ອຍໆ ໃນບັນດາປະເທດທີ່ມີລາຍໄດ້ຕໍ່າ ແລະ ປານກາງ, ເຊິ່ງເຮັດໃຫ້ມີການປິດປະເທດຕໍ່ເນື່ອງເປັນເວລາດົນ ແລະ ເຮັດໃຫ້ມີຜົນກະທົບໜັກຕໍ່ຕົ້ນທຶນເສດຖະກິດຂອງໂລກ. ໃນເດືອນ ເມສາ ທີ່ຜ່ານມາ ໄດ້ຄາດຄະເນວ່າ COVID-19 ກຳລັງຈະເຮັດໃຫ້ຄົນຈໍານວນ 40 ຫາ 60 ລ້ານຄົນ ເຂົ້າສູ່ຄວາມທຸກຍາກທີ່ສຸດ, ແຕ່ການຄາດຄະເນເສດຖະກິດໂລກ ໃນເດືອນມິຖຸນາ ຜ່ານມາ ເຫັນໄດ້ວ່າການແຜ່ລະບາດອາດຈະເຮັດໃຫ້ຄົນຈໍານວນຫຼາຍພົບກັບຄວາມທຸກຍາກ ຫຼາຍກວ່າ 71 ລ້ານຄົນ . ໃນປັດຈຸບັນ ການລະບາດຍັງຮຸນແຮງເກີນຄາດໝາຍ, ການບັງຄັບໃຊ້ມາດຕະການປິດລ້ອມເພື່ອຮັກສາຄວາມປອດໄພ ແມ່ນຈະສົ່ງຜົນໃຫ້ບໍລິສັດຕ່າງໆມີການປັບຮູບແບບເພື່ອຫຼຸດຜ່ອນຄ່າໃຊ້ຈ່າຍ, ຄອບຄົວທີ່ມີຄວາມສ່ຽງຈະຫຼຸດຜ່ອນການຊົມໃຊ້ ຫຼືການຊື້ສິ່ງຂອງທີ່ບໍ່ຈໍາເປັນ ແລະ ຫຼາຍໆປະເທດທີ່ມີລາຍໄດ້ຕໍ່າຫາປານກາງ ຈະເຫັນຄວາມກົດດັນດ້ານການເງິນສູງຂື້ນ. ການຄາດຄະເນຜົນກະທົບຂອງ COVID-19 ຕໍ່ຄວາມທຸກຍາກໂດຍການປຽບທຽບ GDP ໃໝ່ ກັບ GDP ກ່ອນ COVID-19 ເຫັນໄດ້ວ່າ ຜູ້ຄົນຈໍານວນ 71 ລ້ານຄົນ ຈະຕົກສູ່ຄວາມທຸກຍາກທີ່ສຸດ, ເຊິ່ງຈາກສະຖານະການປັດຈຸບັນອາດເຮັດໃຫ້ເພີ່ມຂຶ້ນເຖິງ  100 ລ້ານຄົນ ກໍເປັນໄດ້ ໂດຍວັດແທກຈາກຄວາມທຸກຍາກລະດັບສາກົນຄື: ຄ່າລາຍໄດ້ສະເລ່ຍຫົວຄົນຕໍ່ມື້ແມ່ນຕໍ່າກ່ວາ 1,90 ໂດລາສະຫະລັດ, ເຊິ່ງການຄາດຄະເນວ່າຈະມີຫຍັງເກີດຂື້ນໃນປີ 2021 ແມ່ນມາພ້ອມກັບຄວາມບໍ່ແນ່ນອນຫລາຍຂື້ນ. ...

ອີງຕາມແຈ້ງການ ຂອງກະຊວງສຶກສາທິການ ແລະ ກິລາ ເລື່ອງ ການສອບເສັງຈົບຊັ້ນສາຍສາມັນສຶກສາປະຈໍາສົກຮຽນ 2019-2020, ສະບັບເລກທີ 1767/ຫກ, ລົງວັນທີ 15 ມິຖຸນາ 2020 ໃຫ້ຮູ້ເຖິງກໍານົດວັນເວລາສອບເສັງຂອງສາຍສາມັນວ່າ: ຊັ້ນປະຖົມສຶກສາ ການສອບເສັງຈົບຊັ້ນປະຖົມ ປ5 ກໍານົດເອົາ 3 ວິຊາຄື ພາສາລາວ(ພາກຫັດແຕ່ງ, ພາກຂຽນທວາຍ, ຄໍາຖາມ), ຄະນິດສາດ ແລະ ໂລກອ້ອມຕົວເຮົາ. ໃຫ້ສົ່ງບົດລາຍງານການຈັດຕັ້ງປະຕິບັດຫຼັກສູດຊັ້ນ ປ5, ສະຖິຕິນັກສອບເສັງ ແຍກຍິງ-ຊາຍ, ນັກສອບເສັງຫ້ອງສອງພາສາລາວ-ຝຣັ່ງ, ຈໍານວນຫ້ອງ, ສູນສອບເສັງ ເຖິງກົມສາມັນສຶກສາ ກ່ອນວັນທີ 26 ມິຖຸນາ 2020. ວັນທີ 16-17 ກໍລະກົດ 2020 ສອບເສັງຈົບຊັ້ນ ປ5. ວັນທີ 27-28 ກໍລະກົດ 2020 ສອບເສັງຄືນ ສໍາລັບນັກຮຽນ ປ5 ທີ່ຂາດສອບເສັງຈົບຊັ້ນທີ່ມີເຫດຜົນພຽງພໍ. ວັນທີ 14 ສິງຫາ 2020 ສົ່ງລາຍງານຜົນການສອບເສັງຊັ້ນ ປ5 ເຖິງກົມສາມັນສຶກສາ, ກະຊວງສຶກສາທິການ ...