Author Archives: admin target

ລັດຖະບານຍີ່ປຸ່ນ ມອບລົດອຳບູລັງ7 ຄັນ ໃຫ້ກະຊວງສາທາລະນະສຸກ ໃຊ້ເຂົ້່າໃນການຕ້ານພະຍາດໂຄວິດ-19

ວັນທີ 5 ສິງຫາ 2021, ທ່ານ Takewaka Keizo  ເອກອັກຄະຣາຊະທູດ ຍີ່ປຸ່ນ ປະຈໍາລາວ ໄດ້ມອບລົດອຳບູລັງໃຫ້ກະຊວງສາທາລະນະສຸກ,  ຕາງໜ້າຮັບໂດຍ  ທ່ານ ບຸນແຝງ ພູມມະໄລສິດ ລັດຖະມົນຕີ ກະຊວງສາທາລະນະສຸກ ໂດຍມີ ບັນດາຫົວໜ້າຫ້ອງ ການ, ຫົວໜ້າກົມອ້ອມຂ້າງກະຊວງສາທາລະນະສຸກ ເຂົ້າຮ່ວມເປັນສັກຂີພິຍານ. ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອ ກະຊວງສາທາລະນະສຸກ ກໍຄື ຄະນະສະເພາະກິດເພື່ອ ປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ ໂຄວິດ-19, ກໍ່ຄືລັດຖະບານ ລາວຄື ລົດສຸກເສີນນໍາສົ່ງຄົນເຈັບ ຈໍານວນ 7 ຄັນ. ກະຊວງສາທາລະນະສຸກໄດ້ຕີລາຄາສູງຕໍ່ການຊ່ວຍເຫຼືອຢ່າງທັນການ ຂອງລັດຖະບານຍີ່ປຸ່ນ ໃນຄັ້ງນີ້ກໍຄືຫຼາຍຄັ້ງຜ່ານໆມາ, ຊຶ່ງເປັນການສະ ແດງເຖິງຄວາມເປັນຫ່ວງເປັນໄຍ ແລະ ຄວາມເອົາໃຈໃສ່ຂອງ ລັດຖະບານ ຍີ່ປຸ່ນ ຕໍ່ລັດຖະບານ ລາວ ໃນຍາມທີ່ມີຄວາມຫຍຸ້ງຍາກ ແລະ ທ້າທາຍ. ການຊ່ວຍເຫຼືອ ພາຫະນະນໍາສົ່ງຄົນເຈັບ ຈໍານວນ 7 ຄັນ ລວມເປັນມູນຄ່າ 31 ລ້ານ 5 ...

Read More »

ກອງປະຊຸມສະໄໝວິສາມັນ ເທື່ອທີ 1 ຂອງ ສະພາແຫ່ງຊາດ ຊຸດທີ IX ໄຂຂຶ້ນຢ່າງເປັນທາງການ

ກອງປະຊຸມສະໄໝວິສາມັນ ເທື່ອທີ 1 ຂອງສະພາແຫ່ງຊາດ ຊຸດທີ IX ໄດ້ໄຂຂຶ້ນຢ່າງເປັນທາງການ ໃນວັນທີ 5 ສິງຫາ 2021 ຢູ່ຫ້ອງປະຊຸມໃຫຍ່ສະພາແຫ່ງຊາດ (ຫລັງໃໝ່) ພາຍໃຕ້ການເປັນປະທານຂອງ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ແລະ ໃຫ້ກຽດເຂົ້າຮ່ວມຂອງ ທ່ານ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກ, ປະທານປະເທດແຫ່ງ ສປປ ລາວ, ທ່ານ ພັນຄຳ ວິພາວັນ ນາຍົກລັດຖະມົນຕີ, ມີບັດດາອະດີດການນຳພັກ-ລັດ, ຄະນະລັດຖະບານ, ສະມາຊິກສະພາແຫ່ງຊາດ, ຜູ້ຕ່າງໜ້າອົງການຈັດຕັ້ງພັກ-ລັດ, ແນວລາວສ້າງຊາດ, ອົງການຈັດຕັ້ງມະຫາຊົນ ແລະ ສະຫະພັນນັກຮົບເກົ່າ ເຂົ້າຮ່ວມ. ທ່ານ ໄຊສົນພອນ ພົມວິຫານ ໄດ້ກ່າວວ່າ: ກອງປະຊຸມສະໄໝວິສາມັນ ເທື່ອທີ 1 ຂອງສະພາແຫ່ງຊາດ ຊຸດທີ IX ຈະໄດ້ພິຈາລະນາ ແລະ ຮັບຮອງເອົາບັນຫາສຳຄັນພື້ນຖານຂອງປະເທດຊາດ ເປັນຕົ້ນ ບົດລາຍງານຂອງລັດຖະບານກ່ຽວກັບວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ, ບົດລາຍງານຂອງລັດຖະບານ ກ່ຽວກັບວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ແລະ ...

Read More »

ເຈົ້າແຂວງສາລະວັນ ເນັ້ນໃຫ້ພະນັກງານປະຈຳສູນ ຈຳກັດບໍລິເວນ ສຸມໃສ່ປະຕິບັດໜ້າທີ່ໃຫ້ຮອບດ້ານ

ແຫລ່ງຂ່າວຈາກແຂວງສາລະວັນ ໃຫ້ຮູ້ວ່າ: ໃນໂອກາດ ລົງຊຸກຍູ້ ແລະ ໃຫ້ກຳລັງໃຈພະນັກງານປະຈຳຢູ່ສູນຈຳກັດບໍລິເວນ 2 ສູນຄື: ໂຮງຮຽນ ມສ ອົງແກ້ວ ແລະ ມສ ສາລະວັນ, ທ່ານ ປອ ໂພໄຊ ໄຊຍະສອນ ເຈົ້າແຂວງສາລະວັນ ໄດ້ເນັ້ນໃຫ້ພະນັກ ງານທຸກຄົນ, ທຸກພາກສ່ວນ ທີ່ຮັບຜິດຊອບປະຈຳຢູ່ສູນຈຳກັດບໍລິເວນດັ່ງກ່າວ, ເອົາໃຈໃສ່ປະຕິບັດໜ້າທີ່ ແລະ ຖືສຳຄັນໃນປະຕິບັດວຽກງານດັ່ງກ່າວ ເພື່ອເຮັດໃຫ້ສັງຄົມມີຄວາມສະຫງົບປອດໄພ, ເປັນຈິດໜຶ່ງໃຈດຽວ ແລະ ພ້ອມກັນແບ່ງຄວາມຮັບຜິດຊອບຢ່າງຈະແຈ້ງເພື່ອສະດວກໃນການຕິດຕາມ, ກວດກາ, ບັນດາໜ້າວຽກຕ່າງໆທີ່ຕົນເອງຮັບຜິດຊອບໃນແຕ່ລະມື້ຢ່າງລະອຽດ. ພ້ອມກັນນີ້, ກໍໃຫ້ເອົາໃຈໃສ່ເຜີຍແຜ່ຂໍ້ມູນຂ່າວສານທີ່ສຳຄັນ ຜ່ານລະບົບໂທລະໂຄ່ງ ເພື່ອເຮັດໃຫ້ບັນດາຜູ້ທີ່ຖືກຈຳກັດບໍລິເວນ ຮັບຮູ້, ເຂົ້າໃຈສະພາບຢູ່ໃນໄລຍະນີ້, ທັງປຸກລະ ດົມເຂົາເຈົ້າ ໃຫ້ການຮ່ວມມື ແລະ ປະຕິບັດຕາມກົດລະບຽບ, ເອົາໃຈໃສ່ຮັກສາຄວາມສະອາດພາຍໃນສູນ ແລະ ບັນຫາອື່ນໆ. ນອກຈາກນັ້ນ, ກໍເກັບກຳຂໍ້ມູນສະຖິຕິແຮງງານຢູ່ພາຍໃນສູນ, ສອບຖາມດ້ານປະຫວັດ, ການເຄື່ອນໄຫວ, ວຽກງານຕ່າງໆຂອງເຂົາເຈົ້າ ເພື່ອເປັນຂໍ້ມູນພື້ນຖານທີ່ສຳຄັນ, ພ້ອມທັງແນະນໍາຢ່າງເດັດຂາດ ເປັນຕົ້ນ ຫ້າມມີການຊຸມແຊວ ແລະ ເປັນເຈົ້າການຮ່ວມກັນປະຕິບັດວຽກງານດັ່ງກ່າວ ໃຫ້ໄດ້ດີທີ່ສຸດ.ໃນໂອກາດດັ່ງກ່າວ, ທ່ານ ໂພໄຊ ...

Read More »

ປະທານປະເທດ ເນັ້ນໃຫ້ກະຊວງປ້ອງກັນປະເທດ ສືບຕໍ່ພັດທະນາກອງທັບໃຫ້ເຂັ້ມແຂງ ທັນສະໄໝ

ໃນວັນທີ 4 ສິງຫາ 2021 ນີ້, ທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ ລາວ, ໄດ້ໃຫ້ກຽດໂອ້ລົມຕໍ່ ພະນັກງານຫລັກແຫລ່ງ ຂອງກະຊວງປ້ອງກັນປະເທດ ເນື່ອງໃນໂອກາດ ກອງປະຊຸມສະຫລຸບວຽກງານປ້ອງກັນຊາດ ປະຈໍາ 6 ເດືອນຕົ້ນປີ ແລະ ວາງທິດທາງແຜນການ 6 ເດືອນທ້າຍປີ 2021 ໂດຍທ່ານໄດ້ເນັ້ນໜັກ ໃຫ້ກະຊວງປ້ອງກັນປະເທດ ສືບຕໍ່ເອົາໃຈໃສ່ໃນຫລາຍບັນຫາສຳຄັນ ໂດຍສະເພາະ ໃຫ້ສືບຕໍ່ພັດທະນາກອງທັບໃຫ້ເຂັ້ມແຂງ, ທັນສະໄໝ ເທື່ອລະກ້າວ. ທ່ານ ທອງລຸນ ສີສຸລິດ ໄດ້ເໜັ້ນໜັກໃຫ້ກໍາລັງປ້ອງກັນຊາດ ສືບຕໍ່ພັດທະນາກອງທັບໃຫ້ເຂັ້ມແຂງ, ທັນສະໄໝ, ຮູ້ຈຸດໃດ, ຂົງເຂດໃດ, ກຳລັງປະເພດໃດ ທີ່ຕ້ອງເນັ້ນໜັກການພັດທະນາ, ເນັ້ນໜັກການປັບປຸງ, ເນັ້ນໜັກການນໍາໃຊ້ ແລະ ກຳລັງໃດ, ປະເພດໃດທີ່ຕ້ອງສ້າງ, ປັບປຸງໂລດ ໃນສະເພາະໜ້າ ແລະ ກຳລັງປະເພດໃດ ຕ້ອງພັດທະນາໄລຍະຍາວ, ເຊິ່ງຕ້ອງຮູ້ວ່າມັນຂຶ້ນຢູ່ກັບສະ ຖານະການຈະຜັນແປນັ້ນ ໃຫ້ຊັດເຈນ ແລະ ໜັກແໜ້ນ ເພື່ອບໍ່ໃຫ້ຜິດພາດໃນການຕົກລົງ ແລະ ຕັດສິນໃຈ, ...

Read More »

ສະຖານີລົດໄຟລາວ-ຈີນ 11 ແຫ່ງ ຄືບໜ້າຫຼາຍກວ່າ 73% ແລະຄາດວ່າສະຖານີໂດຍສານນະຄອນຫຼວງວຽງຈັນຈະສຳເລັດໃນເດືອນກັນຍາ

ຄວາມຄືບຫນ້າທັງໝົດຂອງໂຄງການກໍ່ສ້າງທາງລົດໄຟລາວ-ຈີນ ແຕ່ບໍ່ເຕ່ນ ຫາ ສະຖານີວຽງຈັນໃຕ້ ລວມຄວາມຍາວ 426 ກິໂລແມັດ ສໍາເລັດ 92,80%. ໃນນີ້ວຽກການກໍ່ສ້າງສະຖານີ 11 ແຫ່ງມີຄວາມຄືບໜ້າ 73,96%. ທ່ານ ຈັນຕຸລາ ພະນະລາສີ ຫົວໜ້າຄະນະຄຸ້ມຄອງໂຄງການກໍ່ສ້າງທາງລົດໄຟລາວ-ຈີນ ລາຍງານຕໍ່ກອງປະຊຸມ ຊຸກຍູ້ວຽກງານການຈັດຕັ້ງປະຕິບັດໂຄງການກໍ່ສ້າງທາງລົດໄຟລາວ-ຈີນ ຂຶ້ນທີ່ນະຄອນ ຫຼວງພະບາງ ເມື່ອບໍ່ດົນມານີ້ວ່າ: ລວມຄວາມຄືບຫນ້າທັງໝົດຂອງໂຄງການກໍ່ສ້າງທາງລົດໄຟລາວ-ຈີນ ແຕ່ບໍ່ເຕ່ນ ຫາ ສະຖານີວຽງຈັນໃຕ້ (ທ່ານາແລ້ງ) ລວມຄວາມຍາວ 426 ກິໂລແມັດ ມາຮອດວັນທີ 31 ພຶດສະພາ ປີ 2021 ສໍາເລັດ 92,80%. ໄດ້ແບ່ງການກໍ່ສ້າງອອກເປັນ 2 ຊ່ວງ, ສະເພາະຄວາມຄືບຫນ້າການຈັດຕັ້ງປະຕິບັດໂຄງການ ຊ່ວງທີ 1 (409 ກິໂລແມັດ) ແຕ່ບໍ່ເຕ່ນ ຫາ ສະຖານີໂດຍສານນະຄອນຫລວງວຽງຈັນ ລວມຄວາມຍາວ 409 ກິໂລແມັດ ປະຕິບັດສໍາເລັດ 98,80% ຂອງວຽກງານກໍ່ສ້າງພື້ນຖານໂຄງລ່າງທາງລົດໄຟ. ການຈັດຕັ້ງປະຕິບັດໂຄງການກໍ່ສ້າງທາງລົດໄຟລາວ-ຈີນ ຊ່ວງທີ 2 ແຕ່ສະຖານີໂດຍສານ ນະຄອນຫຼວງວຽງຈັນ ຫາ ...

Read More »

ນາຍົກລັດ​ຖະ​ມົນ​ຕີ ເນັ້ນ​ໃຫ້ຂະແໜງການທະນາຄານເອົາ​ໃຈ​ໃສ່​ຕື່ມ​ບາງ​ບັນ​ຫາ​ສຳ​ຄັນ

ກອງປະຊຸມຂະແໜງການທະນາຄານ​ ປະ​ຈຳ ປີ 2021 ໄດ້​ຈັດຂຶ້ນໃນວັນທີ 3 ສິງຫານີ້ ທີ່ຫໍປະຊຸດແຫ່ງຊາດ ໂດຍພາຍ​ໃຕ້​ການ​ເປັນ​ປະ​ທານ​ຂອງ ທ່ານ ສອນໄຊ ສິດພະໄຊ ຜູ້ວ່າການທະນາຄານແຫ່ງ ສປປ ລາວ ແລະ ໃຫ້​ກຽດ​ເຂົ້າ​ຮ່ວມໂອ້​ລົມ​ຂອງ​ ທ່ານ ພັນຄຳ ວິພາວັນ ນາຍົກລັດຖະມົນຕີແຫ່ງ ສປປ ລາວ ມີ​ການ​ນຳ​ຂະແໜງການທະນາຄານທົ່ວລະບົບ ພ້ອມ​ດ້ວຍຜູ້​​ຕາງ​ໜ້າ​ຈາກສະຖາບັນການເງິນ ແລະ ກະຊວງກ່ຽວ​ຂ້ອງເຂົ້າ​ຮ່ວມ.​ທ່ານ ສອນໄຊ ສິດພະໄຊ ໄດ້ລາຍງານຜົນຂອງກອງປະຊຸມຄັ້ງນີ້​ໂດຍ​ສະ​ເພາະແຜນຍຸດທະສາດພັດທະນາລະບົບສະຖາບັນການເງິນ-ເງິນຕາຂອງ ສປປ ລາວ 5 ປີ (2021-2025) ແລະ ວິໄສທັດຮອດປີ 2030, ການຮັກສາສະຖຽນລະພາບດ້ານເງິນຕາ, ການຮັກສາສະຖຽນລະພາບສະຖາບັນການເງິນ, ການພັດທະນາລະບົບການຊຳລະ-ການຫັນເປັນທັນສະໄໝ ແລະ ນະໂຍບາຍສິນເຊື່ອຂອງທະນາຄານ. ທ່ານນາຍົກລັດຖະມົນຕີ ໄດ້ສະ​ແດງ​ຄວາມ​ຍ້ອງ​ຍໍ​ຊົມ​ເຊີຍ ແລະ ສະແດງຄວາມເຊື່ອໝັ້ນຕໍ່​ມູນ​ເຊື້ອ, ບົດ​ຮຽນທີ່ໄດ້​ປະ​ຕິ​ບັດມາ​​, ດ້ວຍກຳລັງແຮງຄວາມ​ສາ​ມັກ​ຄີ​ອັນ​ແໜ້ນ​ແຟ້ນ, ບວກກັບຄວາມບຸກໜ້າບືນຕົວ ແລະ ຄວາມຮັບຜິດຊອບໜ້າ​ທີ່ການເມືອງຂອງພະ​ນັກ​ງານລະບົບທະນາຄານ, ຂະ​ແໜງ​ທະ​ນາ​ຄານ​ຈະສືບ​ຕໍ່​​ເຮັດ​ໜ້າ​ທີ່​ສຳ​ຄັນ​ຂອງ​ຕົນ​ທີ່​ມີ​ກຽດ​ຕາມ​ທີ່​ພັກ-ລັດ​ມອບ​ໝາຍ​ໃຫ້ ເພື່ອ​ປະ​ກອບ​ສ່ວນ​ໃນ​ການ​ສ້າງ​ສາ​ພັດ​ທະ​ນາ​ປະ​ເທດ​ຊາດ​ໃຫ້​ບັນ​ລຸ​ຕາມ​ມະຕິກອງປະຊຸມໃຫຍ່ ຄັ້ງທີ XI ຂອງພັກ ແລະ ແຜນພັດທະນາເສດຖະກິດ-ສັງຄົມ 5 ...

Read More »

ສາທາລະນະສຸກແຂວງສາລະວັນ ຢັ້ງຢືນຂ່າວລືແຮງງານລັກອອກຈາກສູນ ບໍ່ແມ່ນຄວາມຈິງ.

ທ່ານ ດຣ ອາຄົມ ລໍ່າວິຈິດ ຫົວໜ້າພະແນກສາທາລະນະສຸກແຂວງ ຮອງຫົວໜ້າຄະນະສະເພາະກິດໂຄວິດ-19 ແຂວງສາລະວັນ ໄດ້ຊີ້ແຈງ ໃນຄັ້ງວັນທີ 2 ສິງຫານີ້ ໃຫ້ຮູ້ວ່າ: ກໍລະນີ ທີ່ມີຜູ້ໃຊ້ເຟສບຸກສ່ວນຕົວ ເຜີຍແຜ່ຂ່າວລົງໃນສື່ສັງຄົມອອນລາຍ ໃນຄັ້ງວັນທີ 30 ກໍລະກົດ 2021 ກ່ຽວກັບວ່າມີແຮງງານທີ່ຈຳກັດບໍລິເວນລັກອອກຈາກສູນ (ວິທະຍາໄລຄູສາລະວັນ), ແລ້ວໄປສ້າງສັນຢູ່ຮ້ານບັນເທິງແຫ່ງຫນຶ່ງ ພາຍໃນເທສະບານເມືອງສາລະວັນ. ພາຍຫຼັງທີ່ໄດ້ຮັບຂໍ້ມູນດັ່ງກ່າວ ກໍໄດ້ແຈ້ງເຈົ້າໜ້າທີ່ປະຈໍາສູນ ເຄື່ອນໄຫວລາດຕະເວນ, ຕິດຕາມກວດກາສະຖິຕິຈໍານວນພົນ ຈື່ງເຫັນໄດ້ສະພາບຍັງເປັນປົກກະຕິ ແລະ ບັນດາແຮງງານທີ່ກັບມາ ກໍ່ໃຫ້ການຮ່ວມມືເປັນຢ່າງດີ. ສຳລັບການຄຸ້ມຄອງສູນ ແມ່ນໄດ້ມີການແຕ່ງຕັ້ງຄະນະຊີ້ນໍາສູນ, ຫົວໜ້າສູນ, ກອງເລຂາປະຈໍາສູນ (ມີຫຼາຍຂະແໜງການປະກອບໃນສູນ) ແລະ ເຮັດວຽກຢ່າງເປັນລະບົບ, ທັງໄດ້ເຄື່ອນໄຫວເວນຍາມ, ກວດກາເຂົ້າ-ອອກ, ແຕ່ລະພາກສ່ວນ ເຮັດພາລະໜ້າທີ່ ດ້ວຍຄວາມຮັບຜິດຊອບ. ຫົວໜ້າພະແນກສາທາລະນະສຸກແຂວງສາລະວັນ ຢັ້ງຢືນວ່າ: ກໍລະນີຂ່າວລືດັ່ງກ່າວ ບໍ່ມີມູນຄວາມຈິງ ແລະ ເພື່ອບໍ່ໃຫ້ສັງຄົມແຕກຕື່ນ. #ທ່ານກໍ່ໄດ້ຮຽກຮ້ອງ ແລະ ຂໍການຮ່ວມມື ມາຍັງທຸກຄົນສັງຄົມ ບໍລິໂພກຂ່າວສານທີ່ຖືກຕ້ອງ ແລະ ຕິດຕາມຂ່າວສານຈາກສື່ທາງການຂອງສູນກາງ ແລະ ຂອງແຂວງ, ຄວນພິຈາລະນາ ຢ່າງຖີ່ຖ້ວນ ...

Read More »

ປະທານສະພາແຫ່ງຊາດ ຮຽກຮ້ອງທົ່ວສັງຄົມ ເຊີດຊູສະຕິເຄົາລົບ ແລະ ປະຕິບັດລັດຖະທຳມະນູນ

ໂອກາດໃຫ້ສຳພາດຕໍ່ສື່ມວນຊົນ ເນື່ອງໃນວັນລັດຖະທໍາມະນູນແຫ່ງຊາດ ຄົບຮອບ 30 ປີ (15/8/1991-15/8/2021) ໃນວັນທີ 2 ສິງຫາ 2021 ນີ້, ທ່ານ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ, ປະທານສະພາແຫ່ງຊາດ ຮຽກຮ້ອງມາຍັງອົງການຈັດຕັ້ງພັກ-ລັດ, ແນວລາວສ້າງຊາດ, ອົງການຈັດຕັ້ງມະຫາຊົນ, ສະຫະພັນນັກຮົບເກົ່າ, ຊາວຕ່າງດ້າວທີ່ດຳລົງຊີວິດຢູ່ ສປປ ລາວ ແລະ ປະຊາຊົນບັນດາເຜົ່າ ໃນຂອບເຂດທົ່ວປະເທດ ຈົ່ງເຊີດຊູສະຕິການເຄົາລົບ ການປະຕິບັດລັດຖະທໍາມະນູນ ແລະ ກົດໝາຍ, ຕັ້ງໜ້າ ແລະ ເປັນເຈົ້າການເຂົ້າຮ່ວມໃນຂະບວນການສ້າງລັດປະຊາທິປະໄຕ ປະຊາຊົນ ໃຫ້ໜັກແໜ້ນ ແລະ ເຂັ້ມແຂງຍິ່ງໆຂຶ້ນ, ສ້າງການຫັນ ປ່ຽນຢ່າງແຂງແຮງ, ເລິກເຊິ່ງ ແລະ ຮອບດ້ານ ເພື່ອຈັດຕັ້ງປະຕິບັດ ສໍາເລັດບັນດາຄາດໝາຍໃຫຍ່ ທີ່ກອງປະຊຸມໃຫຍ່ຄັ້ງທີ XI ຂອງພັກວາງອອກ. ທ່ານ ໄຊສົມພອນ ພົມວິຫານ ໄດ້ໃຫ້ຮູ້ວ່າ: ລັດຖະທຳມະນູນ ແຫ່ງ ສປປ ລາວ ແມ່ນການຫັນແນວ ທາງປ່ຽນແປງໃໝ່ຮອບດ້ານມີຫລັກການຂອງພັກ ມາເປັນກົດໝາຍພື້ນຖານຂອງລັດເຮົາ ຫລື ກົດໝາຍແມ່ ...

Read More »

ທ່ານ ຮອງນາຍົກລັດຖະມົນຕີ ເຄື່ອນໄຫວຕິດຕາມ ແລະ ຊີ້ນຳການສະກັດກັ້ນພະຍາດໂຄວິດ-19 ຢູ່ແຂວງວຽງຈັນ

ທ່ານ ພົນເອກ ຈັນສະໝອນ ຈັນຍາລາດ ກໍາມະການກົມການ ເມືອງສູນກາງພັກ ຮອງນາຍົກ ລັດຖະມົນຕີ ລັດຖະມົນຕີກະຊວງ ປ້ອງກັນປະເທດ ພ້ອມຄະນະ ໄດ້ ລົງເຄື່ອນໄຫວຕິດຕາມ, ກວດກາ ແລະ ຊີ້ນໍາການປ້ອງກັນ, ສະກັດ ກັ້ນ ແລະ ແກ້ໄຂການລະບາດຂອງ ພະຍາດໂຄວິດ-19 ຢູ່ເມືອງໝື່ນ ແລະ ເມືອງຊະນະຄາມ ແຂວງ ວຽງຈັນ ໃນວັນທີ 31 ກໍລະກົດ ນີ້, ຢູ່ທີ່ຫ້ອງວ່າການປົກຄອງ ເມືອງຊະນະຄາມ ໂດຍມີ ທ່ານ ຄໍາພັນ ສິດທິດໍາພາ ກໍາມະການ ສູນກາງພັກ ເລຂາພັກແຂວງ ເຈົ້າ ແຂວງໆວຽງຈັນ, ມີບັນດາທ່ານ ຄະນະນໍາຂອງແຂວງ, ຄະນະນໍາ ສອງກອງບັນຊາການທະຫານ, ຕໍາຫຼວດແຂວງ, ເຈົ້າເມືອງໆຊະນະຄາມ, ເມືອງໝື່ນ, ຄະນະຮັບ ຜິດຊອບປ້ອງກັນ, ສະກັດກັ້ນ ແລະ ແກ້ໄຂການລະບາດຂອງພະຍາດ ໂຄວິດ-19 ຂັ້ນແຂວງ, ຂັ້ນເມືອງ ແລະ ຂະແໜງການກ່ຽວຂ້ອງ ເຂົ້າຮ່ວມ. ທ່ານ ...

Read More »

ເຈົ້າແຂວງສາລະວັນ ເນັ້ນໃຫ້ພະນັກງານຢູ່ສູນກັກກັນ ເພີ່ມທະວີຮອບດ້ານ

ແຫລ່ງຂ່າວຈາກແຂວງສາລະວັນ ໃຫ້ຮູ້ວ່າ: ໃນໂອກາດລົງພົບປະໂອ້ລົມ ພະນັກງານ ປະຈຳຢູ່ສູນກັກກັນວິທະຍາໄລຄູສາລະວັນ ເມື່ອບໍ່ດົນມານີ້, ທ່ານ ໂພໄຊ ໄຊຍະສອນ ເຈົ້າແຂວງສາລະວັນ ໄດ້ເນັ້ນໃຫ້ພະນັກງານ, ຄະນະຮັບຜິດຊອບ ທີ່ປະຈຳຢູ່ສູນດັ່ງກ່າວ ເອົາໃຈໃສ່ເພີ່ມທະວີຮອບດ້ານ ໃນການປ້ອງກັນ, ສະກັດກັ້ນ ແລະ ແກ້ໄຂການລະບາດຂອງພະຍາດໂຄວິດ-1 ໂດຍຖືສຳຄັນໃນການຈັດຕັ້ງປະຕິບັດໜ້າທີ່ດ້ວຍຄວາມເປັນເຈົ້າການ, ເປັນຈິດໜຶ່ງໃຈດຽວ ແລະ ພ້ອມກັນແບ່ງຄວາມຮັບຜິດຊອບຢ່າງຈະແຈ້ງ ເພື່ອໃນການຕິດຕາມ, ກວດກາ ແລະ ລາຍງານຢ່າງຕໍ່ເນື່ອງໃນການເກັບກຳສະຖິຕິຈຳນວນຄົນ ເຂົ້າ-ອອກ, ບັນດາໜ້າວຽກຕ່າງໆໃນແຕ່ລະມື້ ຢ່ງຖີ່ຖ້ວນ. ພ້ອມກັນນີ້, ກໍໃຫ້ເອົາໃຈໃສ່ເຜີຍແຜ່ຂໍ້ມູນຂ່າວ ສານທີ່ສຳຄັນ ຜ່ານລະບົບໂທລະໂຄ່ງ ເພື່ອເຮັດໃຫ້ບັນດາຜູ້ທີ່ຖືກຈຳກັດບໍລິເວນຮັບຮູ້, ເຂົ້າໃຈສະພາບຢູ່ໃນໄລຍະນີ້, ທັງປຸກລະດົມເຂົາເຈົ້າໃຫ້ການຮ່ວມມື ແລະ ປະຕິບັດຕາມກົດລະບຽບການກຳຈັດບໍລິເວນ ໃຫ້ຄົບ 14 ວັນ, ເອົາໃຈໃສ່ຮັກສາຄວາມສະອາດພາຍໃນສູນ. ນອກຈາກນັ້ນ ຕ້ອງໄດ້ເພີ່ມທະວີປຸກລະດົມ ພໍ່ແມ່ປະຊາຊົນໃນເຂດອ້ອມຂ້າງສູນ ເປັນເຈົ້າການຕໍ່ກັບວຽກງານດັ່ງກ່າວເຊັ່ນກັນ. ໂອກາດດຽວກັນນີ້, ທ່ານ ໂພໄຊ ໄຊຍະສອນ ກໍໄດ້ມອບເງິນ 50 ລ້ານກີບ, ລົດ ຈັກ 3 ລໍ້ 1 ຄັນ ລວມມູນຄ່າ ...

Read More »