News

ສວນຊາ 400 ປີ ບ້ານກໍແມນ ຊາດີທີ່ສຸດໃນລາວ ທັງສ້າງລາຍຮັບໃຫ້ກັບປະຊາຊົນໄດ້ເປັນຢ່າງດີ.

ບ້ານກໍແມນ ເປັນບ້ານທີ່ຂຶ້ນກັບເມືອງຜົ້ງສາລີ ແຂວງຜົ້ງສາລີ ຈາກບ້ານໄປຫາເທດສະບານແຂວງມີຄວາມຍາວ 15 ກິໂລແມັດ, ເປັນບ້ານທີ່ມີປະຫວັດການປູກຊາລ້ຽງຊີບມາແຕ່ດຶກດໍາບັນ. ຕາມການບອກເລົ່າຂອງຜູ້ອາວຸໂສໃນສະໄໝກ່ອນ ບອກວ່າບ້ານກໍແມນ ມີຊື່ວ່າ (ບ້ານລຸງຈິງ) ນັບແຕ່ມື້ສ້າງຕັ້ງມາເຖິງປັດຈຸບັນໄດ້ 7 ຊົ່ວຄົນແລ້ວ ແລະ ໄດ້ປຽບທຽບອາຍຸຂອງຕົ້ນຊາທີ່ປູກພ້ອມກັບການສ້າງຕັ້ງບ້ານແມ່ນມີອາຍຸປະມານ 400 ກວ່າປີແລ້ວ. ສະນັ້ນ, ຊາວບ້ານຈຶ່ງເອີ້ນກັນວ່າ: ຕົ້ນຊາ 400 ປີ ຈົນມາເຖິງທຸກວັນນີ້ ເຊິ່ງເປັນຕົ້ນຊາທີ່ມີອາຍຸຍືນຍາວຈົນມາເຖິງທຸກມື້ນີ້. ປັດຈຸບັນ, ເນື້ອທີ່ປູກຕົ້ນຊາ 400 ປີ ມີທັງໝົດ 32 ກວ່າເຮັກຕາ ລວມມີ 48.373 ຕົ້ນ.ການປູກຊາ, ຂາຍຊາ ເປັນອາຊີບຕົ້ນຕໍທີ່ສ້າງລາຍຮັບໃຫ້ກັບປະຊາຊົນພາຍໃນບ້ານໄດ້ເປັນຢ່າງດີ. ຂໍ້ມູນ: ປະຊາຊົນ

Read More »

ຫ້ອງວິເຄາະ “ຈໍາປາສາຍໄໝ” ຢູ່ໂຮງໝໍແຂວງຈຳປາສັກກວດໂຄວິດແບບ Real-Time PCR ໄດ້ສູງ 3,000 ຕົວຢ່າງຕໍ່ມື້

ຫ້ອງວິເຄາະ “ຈໍາປາສາຍໃໝ” , ໂດຍມີ STD ເປັນຄູ່ຮ່ວມງານ ໃນໂຄງການ 11 ລ້ານ ໂດລາສະຫະລັດ.ຫ້ອງທົດລອງ ຈຳປາ LSEA ໄດ້ຖືກຕິດຕັ້ງດ້ວຍລະບົບກົນຈັກອັດຕະໂມມັດສອງລະດັບຂອງ MGI ຊ່ວຍໃຫ້ນັກວິຊາການຫ້ອງທົດລອງສາມາດກວດໄດ້ເຖິງ 3,000 ຕົວຢ່າງຕໍ່ມື້, ແລະສູງເຖິງ 30,000 ຕົວຢ່າງຕໍ່ມື້ ຖ້າຫາກວ່າຕົວຢ່າງ 10ອັນ ຖືກລວມຢູ່ໃນທໍ່ດຽວແລ້ວນຳໄປກວດເປັນຊຸດ. Dr. Khamsing Keothongku , ຜູ້ອໍານວຍການໂຮງໝໍແຂວງຈໍາປາສັກ ໃຫ້ຮູ້ວ່າ: ໂຄງການສ້າງຕັ້ງຫ້ອງວິເຄາະຈໍາປາສາຍໄໝ ແມ່ນການຮ່ວມມື ລະຫວ່າງ ໂຮງໝໍ ແຂວງ ຈໍາປາສັກ ແລະ ບໍລິສັດ ຮ່ວມພັດທະນາສີທັນດອນ ຈໍາກັດ. ຫ້ອງວິເຄາະຈຳປານີ້ ແມ່ນມີປະໂຫຍດທີ່ດີສຸດ ຕໍ່ການຮັບມືກັບການແຜ່ລະບາດຂອງພະຍາດໂຄວິດ-19 ໃນຂອບເຂດແຂວງຈໍາປາສັກ ແລະ ແຂວງອ້ອມຂ້າງ.ປະກອບດ້ວຍເຄື່ອງຈັກກວດທີ່ທັນສະໄໝ ແລະ ເພື່ອເປັນພັດການພັດທະນາບຸກຄະລາກອນທາງການແພດ ຂອງໂຮງໝໍ ແຂວງຈໍາປາສັກອີກດ້ວຍ ເຮັດໃຫ້ມີຄວາມຊໍານິຊໍານານໃນການກວດຫາເຊື້ອພະຍາດດັ່ງກ່າວໄດ້ໄວ ແລະ ທັນການ. Mr. Xiang Li, ປະທານບໍລິສັດ ສີທັນດອນ ໃຫ້ຮູ້ວ່າ :ຈູດປະສົງຂອງການສ້າງຕັ້ງຫ້ອງວິເຄາະຈໍາປາສາຍໄໝ ແມ່ນເພື່ອເປັນການຮັບປະກັນ ...

Read More »

ລັດຖະບານ ຮຽກຮ້ອງມາຍັງບັນດາຜູ້ປະກອບການ ຈົ່ງຢ່າສວຍໂອກາດກັກຕຸນນໍ້າມັນເຊື້ອໄຟຫາກພົບເຫັນ ໂທແຈ້ງສາຍດ່ວນ 1510

ນັບແຕ່ຕົ້ນປີ 2022 ເປັນຕົ້ນມາ ລັດຖະບານ: 1.ໄດ້ຫຼຸດອາກອນມູນຄ່າເພີ່ມ (ອມພ) ລົງເຫຼືອ 7% (ຈາກ 10 %). 2. ໄດ້ຫຼຸດຄັງແຮນໍ້າມັນເຊື້ອໄຟ ທຸກຊະນິດລົງເປັນແຕ່ລະໄລຍະ ເຊີ່ງ ປັດຈຸບັນ ແມ່ນເຫຼືອ 0 ກີບ/ລິດ. 3. ໄດ້ສືບຕໍ່ຄົ້ນຄວ້າ ການເກັບເງິນກອງທຶນບູລະນະທາງຫຼວງ (ກທ ທາງ), ພາສີຂາເຂົ້າ, ອາກອນຊົມໃຊ້ (ອກຊ), ອາກອນມູນຄ່າເພີ່ມ (ອມພ), ອາກອນກໍາ ໄລ, ຂອດຂັ້ນ ແລະ ຄ່າໃຊ້ຈ່າຍເພີ່ມຂອງຜູ້ປະກອບການ ເພື່ອເຮັດໃຫ້ລາຄານໍ້າມັນເຊື້ອໄຟ ພາຍໃນປະເທດບໍ່ສູງເກີນໄປ. ຕໍ່ສະພາບດັ່ງກ່າວ, ຈຶ່ງຮຽກຮ້ອງມາຍັງທະຫານ, ຕໍາຫຼວດ, ພະນັກງານ ຕະຫຼອດຮອດພໍ່ແມ່ປະຊາຊົນບັນດາເຜົ່າ ຈົ່ງມີສະຕິ, ປະຢັດມັດທະຍັດໃຊ້ຈ່າຍໃນສິ່ງທີ່ຈໍາເປັນ ໂດຍສະເພາະ ແມ່ນການຊົມໃຊ້ຍານພາຫະນະ ຫຼື ຫັນໄປໃຊ້ຍານພາຫະນະທາງເລືອກ; ໃນຂະນະດຽວກັນ ກໍຮຽກຮ້ອງມາຍັງບັນດາຜູ້ປະກອບການທຸລະກິດຕ່າງໆ ຈົ່ງຢ່າໄດ້ສວຍ ໂອກາດຂຶ້ນລາຄາສິນຄ້າຕາມລໍາພັງໃຈ ແລະ ກັກຕຸນສິນຄ້າ ກໍຄືນໍ້າມັນເຊື້ອໄຟ ໃນໄລຍະລາຄານໍ້າມັນເຊື້ອໄຟເໜັງຕີງຂຶ້ນ, ຫາກພົບເຫັນການສວຍໂອກາດຂຶ້ນລາຄາສິນຄ້າ ແມ່ນຈະໄດ້ໃຊ້ມາດຕະການຕາມກົດໝາຍ ແລະ ລະບຽບການ. ຫາກພົບເຫັນ ...

Read More »

ການຊື້ປີລົດໄຟ ຈະບໍ່ເປັນເລື່ອງຍາກອີກຕໍ່ໄປ

ອີກບໍ່ດົນ ການຊື້ປີລົດໄຟຈະບໍ່ເປັນເລື່ອງຍາກອີກຕໍ່ໄປ ນາຍໜ້າຂາຍປີ້ ອາດຈະໝົດໄປ, ລາຄາໂດຍສານອາດຈະຖືກລົງກວ່າເກົ່າປະຈຸບັນນີ້ທາງບໍລິສັດທາງລົດໄຟລາວ-ຈີນ ກໍມີມາດຕະການຫລາຍດ້ານເປັນຕົ້ນ ເພື່ອແກ້ໄຂຄວາມຫຍຸ້ງຍາກຂອງປະຊາຊົນ ແລະໃຫ້ຄວາມສໍາຄັນຕໍ່ຜູ້ໂດຍສານ ຕໍ່ການຊື້ປີ້ລົດໄຟ: ໂດຍກໍານົດໃຫ້ມີບໍລິການຂາຍປີ້ເພີ່ມຢູ່ສູນການຄ້າວຽງຈັນເຊັນເຕີ, ເຊິ່ງປະຈຸບັນພວມປັບປຸງສະຖານທີ່ຍັງບໍ່ທັນສໍາເລັດ ແລະຄາດວ່າຈະສາມາດໃຫ້ບໍລິການໃນໄວໆນີ້.ພ້ອມທັງເພີ່ມຖ້ຽວ ລົດໄຟຂະບວນທໍາມະດາ ທີ່ສາມາດບັນຈຸຜູ້ໂດຍສານໄດ້ ຖ້ຽວລະ 1,000 ກວ່າຄົນ ກໍມາເຖິງນະຄອນຫລວງວງຈັນ ແລະຄາດວ່າ ຈະໃຫ້ບໍລິການໄດ້ໃນຕົ້ນເດືອນ ມິນາ 2022ນີ້, ຄາດວ່າບັນຫາທີ່ເກີດຂຶ້ນຈະຖືກແກ້ໄຂໄປພ້ອມກັນ. ທ່ານວົງທອງ ສຸພັນທອງ ຮອງວິສະວະກອນເອກ ບໍລິສັດທາງລົດໄຟລາວ-ຈີນ ຈໍາກັດ ໃຫ້ຮູ້ອີກວ່າ: ຫາກພວກເຮົາສາມາດໃຫ້ບໍລິການລົດໄຟຂະບວນທໍາມະດາໄດ້ແລ້ວ:1. ການຊື້ປີ້ອາດບໍ່ມີບັນອີກຕໍ່ໄປ 2. ທັງລາຄາປີ້ກໍຖືກລົງກວ່າເກົ່າ, 3. ຜູ້ໂດຍສານທີ່ຕ້ອງການເດິນທາງ ກໍສາມາດໄປສະຖານີ ຊື້ປີ້ແລ້ວກໍອອກເດີນທາງໄດ້ເລີຍ 4. ທັງສາມາດເອົາສິ່ງຂອງຕິດຕົວໄປນໍາໄດ້ຫລາຍຂຶ້ນ 5. ເຊິ່ງປະຈຸບັນພວມກຽມຈະເປີດໃຫ້ບໍລິການສະຖານີກາສີ ແລະສະຖານີເມືອງງາ ຕື່ມອີກ 6. ເຊິ່ງຂະບວນລົດໄຟຈະແວ່ຈອດທຸກສະຖານີ ແຕ່ນະຄອນຫລວງວຽງຈັນ ເຖິງສະຖານີບໍ່ເຕັນ. ຂໍ້ມູນ Lao National Radio

Read More »

ຫວຽດນາມປະກາດ ເປີດປະເທດ ຢ່າງເຕັມຮູບແບບ ເລີ່ມ! 15 ມີນາ 2022 ນີ້

ສາຍທ່ອງທ່ຽວພ້ອມຫຼືຍັງ ຫວຽດນາມປະກາດ ເປີດປະເທດຢ່າງເຕັມຮູບແບບ ເລີ່ມ! 15 ມີນານີ້ລັດຖະບານຫວຽດນາມປະກາດ ເປີດປະເທດຕ້ອນຮັບນັກທ່ອງທ່ຽວຢ່າງເຕັມຮູບແບບ ເລີ່ມ! 15 ມີນານີ້ ໂດຍໄວກ່ວາກໍານົດເກົ່າ 3 ເດືອນ ເນື່ອງຈາກຕ້ອງການຟື້ນຟູເສດຖະກິດ ແລະ ການທ່ອງທ່ຽວ ສໍາລັບໃຜທີ່ບໍ່ໄດ້ໄປທ່ຽວດົນແລ້ວ ຫວຽດນາມກໍເປັນອີດທາງເລືອກທີ່ໜ້າສົນໃຈ ແລະ ກໍບໍ່ໄກຈາກບ້ານເຮົາຫຼາຍ!! ຈອງປີ້ ແລະ ຂຽນໃບລາພັກເລີຍດີບໍ່…. ເພື່ອຄວາມປອດໄພ ນັກທ່ອງທ່ຽວທຸກຄົນທີ່ເດີນທາງເຂົ້າໄປຕ້ອງມີຜົນກວດພະຍາດວ່າບໍ່ພົບເຊື້ອ ທັງກ່ອນ ແລະ ຫຼັງການເດີນທາງ ແລະ ຕ້ອງກັກໂຕໜຶ່ງວັນເພື່ອຖ້າຜົນກວດໂລກເມື່ອເດີນທາງມາຮອດ. ຂໍ້ມູນ Kuanjai Magazine

Read More »

ເດນມາກ ກາຍເປັນປະເທດທຳອິດຂອງ EU ທີ່ຍົກເລີກທຸກມາດຕະການຈຳກັດ Covid-19

ສຳນັກຂ່າວ Copenhagen, ເດນມາກ (CNN) ລາຍງານ ໃນວັນທີ 1 ກຸມພາ 2022 ນີ້ວ່າ: ເດນມາກ ໄດ້ຍົກເລີກບັນດາມາດຕະການກໍຄືຂໍ້ຈຳກັດ Covid-19 ທັງຫມົດພາຍໃນປະເທດ, ໃຫ້ພະຍາດ coronavirus ເປັນພະຍາດ “ທີ່ບໍ່ໄດ້ສ້າງຄວາມເຈັບປ່ວຍທີ່ຮ້າຍແຮງຕໍ່ສັງຄົມ,” ອີງຕາມລັດຖະບານ. ນີ້ຫມາຍຄວາມວ່າການບັງຄັບໃຊ້ ຄຳສັ່ງທີ່ໃຫ້ໃສ່ຫນ້າກາກພາຍໃນເຮືອນ, ການໃຊ້ “Covid pass” ເມື່ອເຂົ້າບາ, ຮ້ານອາຫານ ແລະ ສະຖານທີ່ພາຍໃນອື່ນໆ,“ບໍ່ມີໃຜສາມາດຮູ້ໄດ້ວ່າຈະເກີດຫຍັງຂຶ້ນໃນເດືອນທັນວາໜ້າທີ່ຈະມາຮອດ. ແຕ່ພວກເຮົາສັນຍາກັບພົນລະເມືອງຂອງເດນມາກວ່າພວກເຮົາຈະມີຂໍ້ຈໍາກັດອອກມາ ຖ້າຫາກວ່າພວກເຮົາມີຄວາມຈໍາເປັນແທ້ໆ ແລະພວກເຮົາກໍ່ຈະຍົກເລີກ ມັນໄວເທົ່າທີ່ຈະໄວໄດ້,” Magnus Heunicke ລັດຖະມົນຕີກະຊວງສາທາລະນະສຸກຂອງເດນມາກບອກ CNN. ວັນຈັນທີ່ຜ່ານມາ. “ນັ້ນແມ່ນສິ່ງທີ່ເກີດຂຶ້ນໃນປັດຈຸບັນ.” ອີງຕາມຂໍ້ມູນຂອງໂລກຂອງພວກເຮົາ, 81% ຂອງປະຊາກອນເດນມາກໄດ້ຮັບການສັກຢາປ້ອງກັນ Covid-19 ຄົບໂດສ. ນີ້ກໍ່ອາດແມ່ນເຫດຜົນທີ່ເຮັດໃຫ້ມີຜູ້ເຈັບປ່ວຍທີ່ຈຳເປັນຕ້ອງໄດ້ຮັກສາໂຕໃນໂຮງໝໍໜ້ອຍທີ່ສຸດ.ຂໍ້ມູນ CNN

Read More »

ລາຄານຳ້ມັນໃນອາຊີ ເພີ່ມຂື້ນສູງສຸດໃນຮອບ 7 ປີ

ຂ່າວສານ​ຫວຽດນາມ​ລາຍ​ງານ​ວ່າ: ລາຄາ​ນຳ້ມັນ​ໃນ​ອາຊີ​ໄດ້​ເພີ່ມ​ຂຶ້ນ​ຫຼາຍ​ກວ່າ 1% ໃນ​ວັນ​ທີ 31 ມັງກອນ​ຖື​ເປັນ​ລະດັບ​ສູງ​ສຸດ​ໃນ​ຮອບ 7 ປີ​ທີ່​ຜ່ານ​ມາ ຈາກ​ຄວາມ​ວິຕົກ​ກັງວົນ​ດ້ານ​ການ​ສະໜອງ​ທ່າມກາງ​ຄວາມ​ເຄັ່ງ​ຕຶງ​ດ້ານ​ການເມືອງ​ທີ່​ເພີ່ມ​ຂຶ້ນ​ຢູ່​ເອີ​ຣົບ​ຕາເວັນ​ອອກ ແລະ ຕາເວັນ​ອອກ​ກາງ. ໃນ​ຕະຫຼາດ​ໂຕ​ກຽວ, ລາ​ຄາ​ນໍ້າ​ມັນ​ດິບ​ເບຣນ (Brent) ເພີ່ມ​ຂຶ້ນ 1.28 ໂດ​ລາ (1.4%) ເປັນ 91.31 ໂດ​ລາ/ບາ​ເຣລ ຫຼັງ​ຈາກ​ເພີ່ມ​ຂຶ້ນ 69 ເຊັນ ໃນ​ວັນ​ສຸກ (28 ມັງກອນ).  ລາ​ຄາ​ນໍ້າ​ມັນ​ດິບ​ຂອງ​ອາ​ເມ​ຣິ​ກາ (WTI)  ຍັງ​ເພີ່ມ​ຂຶ້ນ 1.14 ໂດ​ລາ (1.3%) ເປັນ 87.96 ໂດ​ລາ/ບາ​ເຣລ, ເພີ່ມ​ຂຶ້ນ 21 ເຊັນ ໃນ​ວັນ​ສຸກ (28 ມັງກອນ). ຂໍ້ມູນ ປະຊາຊົນ

Read More »

ປີຜ່ານມາ ສປປ ລາວ ໄດ້ຮັບຜົນກະທົບຈາກ ໄພພິບັດທໍາມະຊາດ 65 ຄັ້ງ ແລະ ເສຍຊີວິດ 19 ຄົນ

ໃນປີ 2021 ຜ່ານມາ, ສປປ ລາວ ໄດ້ຮັບຜົນກະທົບຈາກໄພພິບັດທໍາມະຊາດ ເປັນຕົ້ນ ໄພນໍ້າຖ້ວມ, ແຫ້ງແລ້ງ, ລົມພະຍຸພັດ, ດິນເຈື່ອນ, ສັດຕູພືດທໍາລາຍ ແລະ ອື່ນໆ ຈໍານວນ 65 ຄັ້ງ, ເຊິ່ງສົ່ງຜົນກະທົບໂດຍກົງຕໍ່ປະຊາຊົນໃນ 15 ແຂວງ, 94 ເມືອງ, 786 ບ້ານ, ມີຜູ້ໄດ້ຮັບຜົນກະທົບທັງໝົດ 70,200 ຄົນ, ຍິງ 34,645 ຄົນ, ບາດເຈັບ 17 ຄົນ, ເສຍຊີວິດ 19 ຄົນ. ເພື່ອກໍານົດແຜນກຽມພ້ອມຮັບມື ໄພພິບັດ ປີ 2022 ທີ່ໄດ້ຈັດຂຶ້ນໃນວັນທີ 1 ກຸມພາ 2022 ທີ່ຫ້ອງປະຊຸມກະຊວງປ້ອງກັນປະເທດ ແລະ ຜ່ານລະບົບທາງໄກກັບບັນດາແຂວງທົ່ວປະເທດ ໂດຍການເປັນປະທານຂອງ ທ່ານ ພົນເອກ ຈັນສະໝອນ ຈັນຍາລາດ ຮອງນາຍົກລັດຖະມົນຕີ, ລັດຖະມົນຕີ ກະຊວງປ້ອງກັນປະເທດ ແລະ ທັງເປັນປະທານ ຄະນະກໍາມະການຄຸ້ມຄອງໄພພິບັດຂັ້ນສູນກາງ ພ້ອມດ້ວຍພະນັກງານທີ່ກ່ຽວຂ້ອງເຂົ້າຮ່ວມ ແລະ ...

Read More »

ໜ້າຕາໃໝ່ຂອງ VISA ສະທ້ອນການປັບໂຕ ເຂົ້າສູ່ໂລກການເງິນ ດິຈິຕອນແຫ່ງອານາຄົດ.

ມື້ນີ້ສາມາດເວົ້າໄດ້ວ່າ, VISA ເປັນສູນກາງຂອງເຄືອຂ່າຍຜູ້ຄ້າຫຼາຍກວ່າ 70 ລ້ານແຫ່ງ ແລະ ໄດ້ຮ່ວມມືກັບພາກສ່ວນທຸລະກິດທະນາຄານ ແລະ ອື່ນໆ ຫຼາຍສິບພັນຫົວໜ່ວຍ. ໂດຍມີ​ຍອດ​ລາຍການທຸລະ​ກຳ​ຫຼາຍ​ກວ່າ 3.6 ຕື້ລາຍການ. ​ເປັນ​ມູນ​ຄ່າ 11,147 ຕື້​ໂດລາ​ຕໍ່​ປີ. ເພື່ອສະທ້ອນເຖິງຈຸດຢືນຂອງແບຣນ, Visa ໄດ້ປັບປຸງເອກະລັກຍີ່ຫໍ້ຂອງຕົນໃໝ່. ອອກແບບໂດຍ Mucho, ບໍລິສັດອອກແບບຊັ້ນນໍາຂອງໂລກ. ໂດຍການປັບສີຂອງ Visa ໃຫ້ມີສີສັນສົດຊື່ນ. ເຂົ້າກັບຍຸກດິຈິຕອນ, ແລະການປັບຕົວອັກສອນ ເພື່ອສ້າງປະສົບການດິຈິຕອນທີ່ດີທີ່ສຸດ ລວມທັງໂລໂກ້ໃໝ່ ທີ່ສະແດງເຖິງຈຸດປະສົງຂອງອົງກອນ. ມັນບໍ່ແມ່ນພຽງແຕ່ຮູບພາບພາຍນອກຂອງຍີ່ຫໍ້, ຍ້ອນວ່າ Visa ຍັງມີຈຸດປະສົງເພື່ອສະແດງໃຫ້ເຫັນການປ່ຽນແປງໃນຕົວຕົນ. ເພື່ອ​ໃຫ້ເປັນຮູບປະທຳ​ໂດຍ​ຜ່ານ​ຍຸດ​ທະ​ສາດໃໝ່ທາງ​ທຸ​ລະ​ກິດ​. ເລີ່ມຕົ້ນ ໂດຍສຸມໃສ່ການຂະຫຍາຍການເຂົ້າເຖິງຜູ້ບໍລິໂພກ. ແທນທີ່ຈະຈ່າຍດ້ວຍເງິນສົດ ຫຼືເຊັກ ຫັນປ່ຽນມາເປັນການຈ່າຍເງິນດິຈິຕອນ. ໃຫ້ໄດ້ມູນຄ່າ 17,172 ຕື້ໂດລາ. ຂໍ້ມູນ ພາບ: ລົງທຶນແມນ

Read More »

ຈີນສັ່ງລົງໂທດເຈົ້າໜ້າທີ່ ໃຊ້ຊີວິດຟຸມເຟືອຍ-ຢຶດຖືລະບົບເຈົ້າຂຸນມຸນນາຍ, ເກືອບ 20,000 ຄົນ

ວັນທີ 29 ມັງກອນ 2022 ເວັບໄຊຊິນຮົວລາຍງານວ່າ: ຫນ່ວຍງານຕໍ່ຕ້ານການສໍ້ລາດບັງຫລວງສູງສຸດຂອງຈີນປະກາດຜ່ານເວັບໄຊວ່າ: ໃນເດືອນທັນວາ 2021 ຈີນລົງໂທດເຈົ້າຫນ້າທີ່ 19,489 ຄົນ ຂໍ້ຫາລະເມີດກົດລະບຽບ 8 ປະການ ວ່າດ້ວຍການຍົກລະດັບການດໍາເນີນງານຂອງພັກ ແລະ ລັດຖະບານ.ຄໍາຖະແຫລງປະຈໍາເດືອນຈາກຄະນະກໍາມະການກວດສອບວິໄນ ສ່ວນກາງແຫ່ງພັກກອມມູນິດຈີນ (CCDI) ແລະ ຄະນະກໍາມະການກວດສອບແຫ່ງຊາດ ລະບຸວ່າ: ເຈົ້າຫນ້າທີ່ ທີ່ຖືກລົງໂທດມີສ່ວນກ່ຽວຂ້ອງໃນຄະດີການ ລະເມີດກົດຈໍານວນ 13,431 ຄະດີ ແລະ ມີເຈົ້າຫນ້າທີ່ໄດ້ຮັບໂທດທາງວິໄນ ຫລື ທາງປົກຄອງທີ່ກ່ຽວຂ້ອງກັບ ການຢຶດຖືລະບົບເຈົ້າຂຸນມຸນນາຍ, ການຢຶດຖືພິທີລີຕອງ ແລະ ພຶດຕິກໍາທີ່ມຸ່ງແຕ່ຄວາມສຸກສະບາຍ ຫລື ພຶດຕິ ກໍາທີ່ຟຸມເຟືອຍ ຈໍານວນ 13,806 ຄົນ.ປີ 2021 ມີເຈົ້າຫນ້າທີ່ລັດຖືກລົງໂທດຂໍ້ຫາລະເມີດກົດລະບຽບ 8 ປະການ ລວມ 150,362 ຄົນ ໂດຍກ່ຽວຂ້ອງ ກັບຄະດີຕ່າງໆ ລວມ 104,223 ຄະດີ ໃນຈໍານວນນີ້ ມີຜູ້ທີ່ໄດ້ຮັບໂທດທາງວິໄນ ຫລື ທາງປົກຄອງ 101,224 ຄົນ.່ ໃນໄລຍະຫລາຍປີຜ່ານມາ, ...

Read More »