News

ເມືອງໄຊຍະບູລີ ໄດ້ຈັດພິທີປ່ອຍປາຄືນສູ່ທໍາມະຊາດຢູ່ທີ່ຜາມໄຊ, ບ້ານປົ່ງ ໂດຍການເຂົ້າຮ່ວມຂອງ ທ່ານ ຍັນຍົງ ສີປະເສີດ ຮອງເຈົ້າແຂວງໄຊຍະບູລີ, ມີການນໍາຂອງເມືອງໄຊຍະບູລີ, ອົງການ, ກົມກອງ, ນັກທຸລະກິດຜູ້ປະກອບການ, ນັກຮຽນ – ນັກສຶກສາ, ອົງການປົກຄອງບ້ານ ຕະຫຼອດຮອດພໍ່ແມ່ປະຊາຊົນພາຍໃນເທສະບານເມືອງໄຊຍະບູລີເຂົ້າຮ່ວມ. ທ່ານ ບຸນແທນ ທິແກ້ວ ເຈົ້າເມືອງໄຊຍະບູລີ ກ່າວວ່າ: ນອກຈາກປ່ອຍປາລົງສູ່ອ່າງເກັບນໍ້າ, ໜອງນໍ້າ ແລະ ສາຍນໍ້າທໍາມະຊາດ ຍັງໄດ້ແຕ່ງຕັ້ງຄະນະກໍາມະການຄຸ້ມຄອງການປະມົງປະຈໍາພື້ນທີ່ກໍານົດເຂດວັງສະຫງວນທັງໝົດ 6 ຈຸດ ເພື່ອເປັນການປູກຈິດສໍານຶກໃຫ້ທົ່ວປວງຊົນຄົນຮຸ່ນຫຼັງ ໃຫ້ຮູ້ຈັກລະບົບນິເວດຊີວະນາງໆພັນໄປຄວບຄູ່ກັບການອອກລະບຽບຄຸ້ມຄອງ, ວາງມາດຕະການຫ້າມລ່າສັດປ່າ, ຫາປາໃນລະດູວາງໄຂ່ ຂະຫຍາຍພັນຂອງສັດນໍ້າ – ສັດປ່າ, ສະກັດກັ້ນການຄ້າຂາຍສັດນໍ້າ ແລະ ສັດປ່າ ປະເພດຫວງຫ້າມ ແລະ ອື່ນໆ ອັນໄດ້ປະກອບສ່ວນເຂົ້າໃນການອະນຸຮັກປົກປັກຮັກສາສັດນໍ້າ – ສັດປ່າໃຫ້ອຸດົມສົມບູນ ແລະ ຍືນຍົງ. ສໍາລັບປີນີ້ເມືອງໄຊຍະບູລີ ມີແຜນຈະປ່ອຍປາທັງໝົດ 7,9 ລ້ານໂຕ ມີປາປາກ, ປາໄນ ແລະ ປານິນ. ໃນນີ້, ແຜນປ່ອຍລວມໝູ່ມີ 13 ຈຸດ, ມີປາທັງໝົດ ...

ໃນ 15 ປະເທດມີເສດຖີຄິດເປັນ 76% ຂອງມະຫາເສດຖີໃນໂລກ ແລະ 80% ຂອງຊັບສົມບັດໃນໂລກ, ຕາມລາຍງານຂອງ Wealth-X’s 2020 Billionaire Census report. ທຸກປະເທດຍົກເວັ້ນສະຫະລັດອາເມລິກາ, ເຫັນເຖິງການເພິ່ມຂຶ້ນຂອງເສດຖີ ແລະ ມະຫາເສດຖີພັນລ້ານ ສະຫະລັດອາເມລິກາຄອງອຳນາດດ້ວຍມະຫາເສດຖີ 788 ຄົນ ກຸ່ມຄົນທີ່ມີຄວາມລ້ຳລວຍຫຼາຍກວ່າ 3 ພັນຕື້ໂດລາສະຫະລັດ. 15 ປະເທດເດັ່ນທີ່ມີເສດຖີ ແລະ ຊັບສົມບັດຫຼາຍທີ່ສຸດ ຕາມລາຍງານຂອງ Wealth-X’s 2020 Billionaire Census report. ເຊິ່ງໄດ້ວິເຄາະຂໍ້ມູນຈາກຖານຂໍ້ມູນທົ່ວໂລກຂອງ Wealth-X’s ເຊິ່ງມີຂໍ້ມູນຂອງຄົນທີ່ລວຍທີ່ສຸດໃນໂລກຫຼາຍກວ່າໜຶ່ງລ້ານໂດລາສະຫະລັດ ເຊິ່ງໄດ້ບັນທຶກ 3/4 ຂອງປະຊາກອນມະຫາເສດຖີຂອງໂລກອາໄສຢູ່ໃນ 15 ປະເທດທີ່ລະບຸໄວ້. ໂດຍລວມແລ້ວມະຫາເສດຖີໃນປະເທດເຫຼົ່ານີ້ມີຊັບສິນໂດຍລວມ 7,6 ພັນຕື້ໂດລາສະຫະລັດເຊິ່ງຄິດເປັນຊັບສິນ 80% ຂອງຊັບສົມບັດທັງໝົດໃນໂລກໃນປີ 2019, ທຸກໆປະເທດຍົກເວັ້ນສະຫະລັດເອມິເຣດ, ເຫັນເຖິງການເພິ່ມຂຶ້ນຂອງເສດຖີ ແລະ ມະຫາເສດຖີພັນລ້ານໃນປີທີ່ຜ່ານມາ. ສະຫະລັດອາເມລິກາໄດ້ຄອບຄອງ 28% ຂອງມະຫາເສດຖີໃນໂລກ ແລະ 36% ຂອງຊັບສົມບັດໂດຍລວມທັງໜົດ. ອັນດັບທີ 15: ...

ສະພາບໍລິຫານກອງທຶນສົ່ງເສີມວິສາຫະກິດຂະໜາດນ້ອຍ ແລະ ກາງ ( ທສວ ) ເຫັນດີອະນຸມັດເງິນບ້ວງ 100 ຕື້ກີບ ງວດທີ 2 ເພື່ອສືບຕໍ່ສະໜອງທຶນເພີ່ມໃຫ້ 4 ທະນາຄານ ປ່ອຍສິນເຊື່ອໃຫ້ SME ໃນອັດຕາດອກເບ້ຍ 3% ຕໍ່ປີ. ກອງປະຊຸມ ທສວ ສະໄໝສາມັນ ຄັ້ງທີ III ໄດ້ຈັດຂຶ້ນເມື່ອບໍ່ດົນມານີ້ໂດຍການເປັນປະທານຂອງ ທ່ານ ສົມຈິດ ອິນທະມິດ ຮອງລັດຖະມົນຕີ ກະຊວງອຸດສາຫະກຳ ແລະ ການຄ້າ, ປະທານສະພາບໍລິຫານ ທສວ ແລະ ມີສະມາຊິກສະພາບໍລິຫານ ທສວ ເຂົ້າຮ່ວມ. ກອງປະຊຸມຄັ້ງນີ້ມີຈຸດປະສົງຫຼັກ ຄື: 1. ເພື່ອຮັບຟັງລາຍງານ ຄວາມຄືບໜ້າຂອງການຈັດຕັ້ງຜັນຂະຫຍາຍຜົນຂອງກອງປະຊຸມສະພາບໍລິຫານ ທສວ ສະໄໝສາມັນ ຄັ້ງທີ II, ການຖືບັນຊີຂອງ ທສວ, ການເຄື່ອນໄຫວວຽກງານ ປະຈໍາ 6 ເດືອນທ້າຍປີ 2020 ແລະ ແຜນການງວດ 3 ທ້າຍປີ 2020 ຂອງ ...

ທັກສະການສ້າງຄວາມເຂົ້າໃຈ ແລະ ສື່ສານຂໍ້ມູນອອກໄປເປັນທັກສະທີ່ສໍາຄັນຫຼາຍຂອງຄົນໃນປັດຈຸບັນ ກໍຄືໃນສະຕະວັດທີ 21 ເພາະ Data Science ກັບ AI ມີຜົນຕໍ່ຫຼາຍອຸດສາຫະກໍາ ບໍ່ແມ່ນພຽງແຕ່ທຸລະກິດເທົ່ານັ້ນ, ແຕ່ວ່າພາກລັດ, ການແພດ, ການກະເສດ ຍັງມີການນໍາສະເໜີຂໍ້ມູນຂ່າວສານດ້ວຍໂມເດວທໍານາຍເຫດການລ່ວງໜ້າກໍມີຫຼາຍຂຶ້ນ. ທີ່ສໍາຄັນຄືຂໍ້ມູນສ່ວນຕົວທີ່ເຮົາແບ່ງປັນໃຫ້ກັບຄົນອື່ນຈະເປັນຕົວກໍານົດວ່າເຮົາຈະມີປະຕິສໍາພັນແນວໃດກັບສັງຄົມ.ສະນັ້ນ, ບໍ່ວ່າເຮົາຈະເຮັດວຽກກ່ຽວກັບ Data ໂດຍກົງ ຫຼືບໍ່ ຄວາມສາມາດໃນການເຂົ້າໃຈ ແລະ ສື່ສານຂໍ້ມູນອອກໄປຈຶ່ງເປັນທັກສະທີ່ທຸກຄົນຕ້ອງຝຶກຝົນຮູ້ວ່າຂໍ້ມູນຖືກສ້າງເກັບ ແລະ ຮັກສາໄວ້ແນວໃດ? ລັກສະນະຂອງຂໍ້ມູນເປັນແນວໃດ? ຄວາມຮູ້ທາງດ້ານສະຖິຕິຂໍ້ຄວນລະວັງ ແລະ ຈະລິຍະທໍາໃນການໃຊ້ຂໍ້ມູນ. ສ່ວນລັກສະນະຂອງ Data ທັງ 3 ແບບທີ່ຄວນເຂົ້າໃຈມີຄື: 1. ຂໍ້ມູນທີ່ມາເປັນແບບຕາຕະລາງ (Tabular Data)ຂໍ້ມູນແບບນີ້ເຮົາເຫັນປະຈໍາໂດຍສະເພາະຄົນທີ່ເຮັດວຽກກັບ Microsoft Excel ເປັນປະຈໍາ ປັດຈຸບັນ ມີການໃຊ້ Machine Learning ເພື່ອຄາດຄະເນລາຄາທີ່ພັກຂອງ AirBnB ໂດຍໃຊ້ Tabular Data ເຊິ່ງໃນຂໍ້ມູນກໍຈະມີລາຍລະອຽດຕ່າງໆບໍ່ວ່າຈະເປັນເຟີນິເຈີ, ຂອງໃຊ້ໃນບ້ານ, ຈໍານວນຫ້ອງໃນບ້ານ, ຕໍາແໜ່ງທີ່ພັກ, ລາຄາຂອງການໃຫ້ພັກແຕ່ລະຄືນ ແລະ ລາຍໄດ້ຂອງທີ່ພັກແຕ່ລະປີ. ຂໍ້ມູນພວກນີ້ຈະຖືກປ້ອນເພື່ອເຝິກ ແລະ ...

ເນື່ອງຈາກສະຖານະການບັນຫາໂຄວິດ-19 ໄດ້ສົ່ງຜົນກະທົບກັບທຸລະກິດດ້ານຂະແໜງການທ່ອງທ່ຽວຢ່າງໜັກ ລວມໄປເຖິງທຸລະກິດສາຍການບິນອີກດ້ວຍ ເຊິ່ງປີນີ້ເປັນປີທີ່ສາຍການບິນຫຼາຍສາຍຕ້ອງປະເຊີນກັບບັນຫາທີ່ໜັກໜ່ວງ. ຫຼ້າສຸດ ສາຍການບິນດັງໄທຢ່າງ bangkok airways ກໍໄດ້ອອກມາປະກາດແຈ້ງພະນັກງານ ໂດຍລະບຸວ່າ ບໍລິສັດ ມີຄວາມຈໍາເປັນຕ້ອງໄດ້ປັບໂຄງສ້າງຂອງອົງກອນໃໝ່ໃຫ້ມີຈໍານວນບຸກຄະລາກອນຢູ່ໃນລະດັບທີ່ເໝາະສົມ ເພື່ອໃຫ້ສອດຄ່ອງກັບສະພາວະເສດຖະກິດ ລວມເຖິງຈໍານວນທ່ຽວບິນ ແລະ ເສັ້ນທາງບິນທີ່ຫຼຸດລົງ ສະນັ້ນ, ບໍລິສັດຈື່ງເປີດ ໂຄງການຮ່ວມໃຈຈາກອົງກອນປີ 2563 ຫຼືໂຄງການກະສຽນອາຍຸກ່ອນກຳນົດ (Early Retirement). ໂດຍໂຄງການຮ່ວມໃຈຈາກອົງກອນປີ 2563 ເປີດໃຫ້ພະນັກງານທີ່ປະສົງລາອອກມາຍື່ນໃບສະໝັກລາອອກ ຕັ້ງແຕ່ວັນທີ 22 ມິຖຸນາ ທີ່ຜ່ານມາ ແລະ ເປີດໃຫ້ພະນັກງານທີ່ສົນໃຈມາຍື່ນສະມັກໃຈໄດ້ຈົນຮອດວັນທີ 20 ກໍລະກົດນີ້ ໂດຍມີເງື່ອນໄຂການຈ່າຍເງິນຊົດເຊີຍ ຕາມກົດໝາຍແຮງງານ ແລະ ອາຍຸການທີ່ເຮັດວຽກຕັ້ງແຕ່ 1-13 ເດືອນ ບວກກັບຄ່າບອກກ່າວເວລາລ່ວງໜ້າ 1 ເດືອນ ແລະ ໃຫ້ເງິນຕອບແທນພິເສດເພີ່ມໃຫ້ອີກຕາມອາຍຸການຕັ້ງແຕ່ 1-5 ເດືອນ. ນອກຈາກນີ້, ພະນັກງານທີ່ລາອອກດ້ວຍຄວາມສະໝັກໃຈຍັງຈະໄດ້ຮັບເງິນສູງສຸດ 20 ເດືອນ. ມີການກຳນົດຫຼັກເກນຂອງຜູ້ທີ່ຕ້ອງການລາອອກດ້ວຍຄວາມສະມັກໃຈ ໂດຍລະບຸເຖິງຜົນປະໂຫຍດທີ່ຜູ້ເຂົ້າຮ່ວມໂຄງການຈະໄດ້ຮັບຄ່າຊົດເຊີຍຕາມກົດໝາຍຄໍານວນຈາກເງິນເດືອນ ແລະ ເງິນໄດ້ປະຈໍາເດືອນເມສາ 2020 ທີ່ຜ່ານມາ, ຄ່າຈ້າງແທນການບອກກ່າວລ່ວງໜ້າ ຄໍານວນຈາກເງິນເດືອນ ແລະ ...

ເມື່ອວັນທີ 14 ກໍລະກົດ 2020 ທີ່ຜ່ານມາ ຈີນພົບຜູ້ປ່ວຍໂຄວິດ-19 ທີ່ບໍ່ສະແດງອາການຄົນຫນື່ງທີ່ອາດເປັນຕົ້ນຕໍການລະບາດຈົນເຮັດໃຫ້ມີຜູ້ຕິດລວມ 71 ຄົນ ເຊິ່ງອາດແຜ່ເຊື້ອຜ່ານລິຟພາຍໃນອາພາດເມັ້ນ. ເວັບໄຊຂ່າວ stuff ຂອງນິວຊີແລນ ລາຍງານວັນທີ 13 ກໍລະກົດ ອ້າງການວິໄຈທີ່ເຜີຍແຜ່ໃນເວັບໄຊສຳນັກງານປ້ອງກັນ ແລະຄວບຄຸມພະຍາດອາເມຣິກາ (CDC) ທີ່ພົບວ່າ ມີຜູ້ປ່ວຍໂຄວິດ-19 ຊື່ງບໍ່ສະແດງອາການລາຍຫນື່ງ ໃນມົນທົນເຮຍຫລົງຈຽງ ທາງຕາເວັນອອກຂອງຈີນ ອາດເປັນຕົ້ນຕໍການລະບາດຈົນເຮັດໃຫ້ມີຜູ້ໂຄວິດ-19 ອີກລວມ 71 ລາຍ ຜ່ານການໃຊ້ລິຟພາຍໃນອາພາດເມັ້ນໂຕດຽວກັນງານວິໄຈລະບຸວ່າ ຜູ້ຕິດເຊື້ອທີ່ບໍ່ສະແດງອາການລາຍດັ່ງກ່າວເປັນເພດຍິງ ເດີນທາງກັບມາຈາກອາເມຣິກາ ຕັ້ງແຕ່ວັນທີ 19 ມີນາທີ່ຜ່ານມາ ຊື່ງຈາກການກວດພະຍາດເບື້ອງຕົ້ນບໍ່ພົບວ່າຕິດໂຄວິດ-19 ແຕ່ຕ້ອງດຳເນີນການກັກຕົວເປັນເວລາ14 ວັນຕາມມາດຕະການຂອງລັດ ຈື່ງເດີນທາງກັບໄປກັກໂຕທີ່ຫ້ອງພັກພາຍໃນອາພາດເມັ້ນ ໂດຍປະຕິບັດຕາມມາດຕະການຢ່າງເຄັ່ງຄັດ ບໍ່ພົບປະຜູ້ໃດ ລວມທັງເວລາຂຶ້ນຫ້ອງພັກກໍບໍ່ໄດ້ໃຊ້ລິຟຮ່ວມກັບຜູ້ອື່ນ. ຢ່າງໃດກໍ່ຕາມ, ໃນເວລາຕໍ່ມາ ມີການພົບຜູ້ຕິດໂຄວິດ-19 ພາຍໃນອາພາດເມັ້ນທີ່ນາງອາໄສຢູ່ ຜູ້ຕິດເຊື້ອລາຍນີ້ຢູ່ຊັ້ນລຸ່ມຈາກຫ້ອງຂອງຍິງຄົນດັ່ງກ່າວ ມີປະຫວັດໃຊ້ລິຟໃນອາຄານ ແຕ່ບໍ່ໄດ້ໃຊ້ໃນເວລາດຽວກັບຜູ້ປ່ວຍຍິງຄົນແລກທີ່ບໍ່ສະແດງອາການ ຜູ້ຕິດເຊື້ອຄົນນີ້ໄດ້ແຜ່ເຊື້ອໄປຍັງແມ່ ແລະແຟນຂອງແມ່ ຊື່ງແມ່ ແລະແຟນຂອງແມ່ໄດ້ເຂົ້າຮ່ວມງານປາຕີ້ ເຮັດໃຫ້ເຊື້ອໂຄວິດ-19 ໄປຕິດຊາຍອີກຄົນ ແລະລູກຊາຍ 2 ຄົນຂອງເຂົາຕໍ່ມາຊາຍຄົນດັງກ່າວທີ່ຕິດໂຄວິດ-19 ຈາກງານປາຕີ້ເຂົ້າໂຮງຫມໍດ້ວຍໂລກຫລອດເລືອດສະຫມອງ (stroke) ໂດຍມີລູກ ...

ຄຣິກເບິ່ງວີດີໂອຕາມ Link ລຸ່ມນີ້: ໃນວັນທີ 15 ກໍລະກົດ ສຳນັກຂ່າວ GULF NEWS ລາຍງານເຖິງເຫດການທໍ່ສົ່ງນໍ້າມັນດິບແຕກໃນໄຄໂຣ ເມືອງຫຼວງຂອງປະເທດອີຢີບ ເຮັດໃຫ້ເກີດໄຟໄໝ້ລົດໃນຖະໜົນ. ຈາກເຫດການທີ່ເກີດຂຶ້ນມີຜູ້ບາດເຈັບທັງໝົດ ຈຳນວນ 12 ຄົນ.​ ການສອບສວນເບື້ອງຕົ້ນພົບວ່າ ທໍ່ນ້ຳມັນເກີດຮອຍແຕກບໍລິເວນໃກ້ທາງຫຼວງ, ເສັ້ນທາງ ໄຄໂຣ-ອິສມາອີເລຍ. ຈາກນັ້ນ, ເກີດປະກາຍໄຟຈົນລະເບີດ ແລະ ໄໝ້ລົດໃຫຍ່ຫຼາຍຄັນທີ່ກຳລັງສັນຈອນຢູ່ຕາມທ້ອງຖະໜົນທີ່ແອອັດ. ເຫດການດັ່ງກ່າວເກີດຂຶ້ນເມື່ອວັນທີ 14 ກໍລະກົດ ເຮັດໃຫ້ທາງການຕ້ອງປິດນຳໃຊ້ຖະໜົນເຊື່ອມຕໍ່່ Hi-way ທີ່ເກີດເຫດ, ເນື່ອງຈາກມີລົດຫຼາຍຄັນທີ່ລະເບີດ ແລະ ຖືກໄຟໄໝ້. ທາງສຳນັກຂ່າວ Xinhua ລາຍງານຖະແຫຼງການກະຊວງສາທາລະນະສຸກອີຢິບວ່າ ບໍ່ມີຜູ້ເສຍຊີວິດໃນເຫດການຄັ້ງນີ້, ສຳຫຼັບຜູ້ບາດເຈັບແມ່ນໄດ້ຖືກສົ່ງໄປປິ່ນປົວຢູ່ໂຮງໝໍໃນໄຄໂຣແລ້ວ , ສ່ວນອາການຜູ້ທີ່ຖືກບາດເຈັບຈາກໄຟໄໝ້ແມ່ນມີອາການແຕກຕ່າງກັນໄປ. ພ້ອມກັນນັ້ນ, ເຈົ້າໜ້າທີ່ເຜີຍວ່າ ໄດ້ຈັດຕັ້ງກຳມະການດ້ານເຕັກນິກ ຊອກຫາສາເຫດຂອງອຸບັດຕິເຫດຄັ້ງນີ້, ພ້ອມສົ່ງເສີມວ່າຜົນການກວດສອບຈະຖືກສົ່ງຕໍ່ໄປໜ່ວຍງານດ້ານຄວາມປອດໄພ. ແຫຼ່ງຂໍ້ມູນ: Xinhua & Early Footage Massive Oil Pipeline Explosion in Cairo, Egypt

ຄະນະຊີ້ນຳລະດັບຊາດ ເພື່ອການຈັດຕັ້ງປະຕິບັດເປົ້າໝາຍການພັດທະນາແບບຍືນຍົງ ຢູ່ ສປປ ລາວ ຈັດກອງປະຊຸມທົບທວນປະຈຳຮອບວຽນ 3 ປີ ໃນວັນທີ 15 ກໍລະກົດ 2020 ທີ່ ສູນການຝຶກອົບຮົມ ແລະ ຮ່ວມມືສາກົນ (ICTC) ພາຍໃຕ້ການເປັນປະທານຂອງ ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ, ທັງເປັນປະທານຄະນະຊີ້ນໍາລະດັບຊາດ ເພື່ອຈັດຕັ້ງປະຕິບັດເປົ້າໝາຍການພັດທະນາແບບຍືນຍົງ (ປພຍ ຫລື SDGs) ຢູ່ ສປປ ລາວ, ມີບັນດາທ່ານລັດຖະມົນຕີ, ຮອງລັດຖະມົນຕີ ແລະ ຜູ້ຕາງໜ້າຈາກບັນ ດາກະຊວງ, ອົງການທຽບເທົ່າກະຊວງ ແລະ ຂະແໜງການທີ່ກ່ຽວຂ້ອງ ເຂົ້າຮ່ວມ.ທ່ານ ນາຍົກລັດຖະມົນຕີ ໄດ້ກ່າວເປີດກອງປະຊຸມ ໂດຍໄດ້ເນັ້ນເຖິງຄວາມສຳຄັນໃນການຈັດ ຕັ້ງປະຕິບັດວາລະ 2030 ເພື່ອການພັດທະນາແບບຍືນຍົງຂອງວົງຄະນາຍາດສາກົນ ເພື່ອພ້ອມກັນສູ້ຊົນແກ້ໄຂບັນຫາ ທີ່ເປັນສິ່ງທ້າທາຍອັນສຳຄັນຂອງໂລກໃນປັດຈຸບັນ, ເຊິ່ງປະກອບຢູ່ໃນ 17 ເປົ້າໝາຍ. ພິເສດສໍາລັບ ສປປ ລາວ ແມ່ນໄດ້ມີອີກໜຶ່ງເປົ້າໝາຍແຫ່ງຊາດນັ້ນ ກໍຄື ເປົ້າໝາຍທີ 18 ...

ສຳນັກຂ່າວຕ່າງປະເທດລາຍງານ ໂດຍອ້າງຂໍ້ມູນຈາກສຳນັກງານສະຖິຕິແຫ່ງຊາດ ຫວຽດນາມ ໃຫ້ຮູ້ວ່າ: ແຮງງານ ປະມານ 31 ລ້ານຄົນ ໃນຫວຽດນາມ ໄດ້ຮັບຜົນກະທົບທາງເສດຖະກິດ ຈາກການລະບາດຂອງພະຍາດໂຄວິດ – 19, ໃນຈຳນວນນີ້ມີຜູ້ວ່າງງານ 900.000 ຄົນ ແລະ ເກືອບ 18 ລ້ານຄົນ ມີລາຍໄດ້ຫຼຸດລົງ, ຫາກຍັງບໍ່ມີມາດຕະການເພື່ອກະຕຸ້ນເສດຖະກິດ ອາດສົ່ງຜົນໃຫ້ມີຜູ້ວ່າງງານເພີ່ມຂຶ້ນອີກ 5 ລ້ານຄົນ ພາຍໃນທ້າຍປີນີ້. ມາຮອດປັດຈຸບັນ ຫວຽດນາມ ມີຍອດຜູ້ຕິດເຊື້ອໂຄວິດ – 19 ສະສົມ 369 ຄົນ, ບໍ່ມີຜູ້ເສຍຊີວິດ ແລະ ຍັງບໍ່ພົບຜູ້ຕິດເຊື້ອລາຍໃໝ່ພາຍໃນປະເທດຕິດຕໍ່ກັນ 80 ກວ່າວັນ ເນື່ອງຈາກສາມາດຄວບຄຸມການແຜ່ລະບາດໂຄວິດ – 19 ໄດ້ເປັນຢ່າງດີ. ແນວໃດກໍຕາມ, ຫວຽດນາມ ຍັງຕ້ອງປະເຊີນກັບບັນຫາດ້ານເສດຖະກິດ ເນື່ອງຈາກອັດຕາການເຕີບໂຕທາງເສດຖະກິດໃນໄຕມາດ 2 ຂະຫຍາຍຕົວຕ່ຳສຸດໃນຮອບ 30 ປີ ເຊິ່ງໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ – 19 ສົ່ງຜົນໃຫ້ເສດຖະກິດພາຍໃນປະເທດຂະຫຍາຍຕົວຕໍ່າກວ່າເປົ້າໝາຍທີ່ລັດຖະບານຫວຽດນາມ ກຳນົດໄວ້. ຂໍ້ມູນ: ເສດຖະກິດການຄ້າ

ລາຍງານຜູ້ເສຍຊີວິດຈາກ Covid-19 ລາຍວັນ ທຳລາຍສະຖິຕິສູງສຸດນັບຕັ້ງແຕ່ມີການແຜ່ລະບາດໃນວັນທີ 14 ກໍລະກົດ 2020 ທັງ 3 ລັດ ພົບຜູ້ຕິດເຊື້ອເພີ່ມຂຶ້ນເປັນຄັ້ງທຳອິດ ນັບຕັ້ງແຕ່ເດືອນເມສາ ຕໍ່ເນື່ອງຈາກລັດຖະບານຂອງອາເມລິກາດ່ວນກັບມາເປີດເສດຖະກິດໄວເກີນໄປ. ສຳນັກຂ່າວຣອຍເຕີ ໄດ້ເຮັດການວິເຄາະຂໍ້ມູນຈາກ The COVID Tracking Project ພົບວ່າ ເມື່ອອາທິດທີ່ຜ່ານມາ ມີ 46 ຈາກທັງໝົດ 50 ລັດ ພົບເຫັນຈຳນວນຜູ້ຕິດເຊື້ອກໍລະນີໃໝ່ເພີ່ມຂຶ້ນຈາກອາທິດກ່ອນໜ້ານັ້ນ ແລະ ຕັ້ງແຕ່ເຂົ້າສູ່ ເດືອນ ກໍລະກົດ ຈົນເຖິງຕອນນີ້ ພົບວ່າມີຢູ່ 28 ລັດ ທີ່ທຳລາຍສະຖິຕິພົບຜູ້ຕິດເຊື້ອກໍລະນີໃໝ່ລາຍວັນສູງສຸດ. ໂດຍມີຜູ້ຕິດເຊື້ອແລ້ວຫຼາຍກວ່າ 3,3 ລ້ານຄົນ ສະຫະລັດຈຶ່ງເປັນປະເທດອັນດັບ 1 ຂອງໂລກ ທີ່ມີອັດຕາຜູ້ຕິດເຊື້ອສູງສຸດເມື່ອທຽບກັບຈຳນວນປະຊາກອນ ແລະ ຈຳນວນຜູ້ເສຍຊີວິດຫຼາຍກ່ວາ 135,000 ຄົນ ອາເມລິກາຈຶ່ງເປັນອັນດັບທີ 7 ຂອງໂລກ ໃນອັດຕາຜູ້ເສຍຊີວິດສູງສຸດ ຫາກທຽບກັບຈຳນວນປະຊາກອນ. ຟຣໍລິດາ ລະບຸໃນວັນທີ 7 ກໍລະກົດ ຜ່ານມາ ພົບວ່າມີຜູ້ເສຍຊີວິດຈາກພະຍາດ Covid-19 ເພີ່ມອີກ ...