News

ໂຄງການທາງລົດໄຟລາວ-ຫວຽດນາມ ເປັນ​ທາງ​ລົດ​ໄຟ​ທີ່​ເຊື່ອມ​ຕໍ່​ນະ​ຄອນ​ຫລວງ​ວຽງ​ຈັນກັບ​ເມືອງ ວັງ​ແອງຂອງ​ຫວຽດ​ນາມ. ຄາດຄະເນງົບປະມານການກໍ່ສ້າງປະມານ 5 ຕື້ໂດລາສະຫະລັດ. ໂຄງການນີ້ມີຈຸດປະສົງເພື່ອຫັນປ່ຽນ ສປປ ລາວ ໃຫ້ເປັນປະເທດ land-linked ຫຼາຍຂຶ້ນ. ທີ່​ສາ​ມາດ​ສ້າງ​ຄວາມ​ສະ​ດວກ​ການ​ຄ້າ​ ລວມເຖິງການສົ່ງເສີມ ສປປ ລາວ ໃຫ້ເປັນ “ສູນກາງດ້ານຂົນສົ່ງສິນຄ້າ” ຄາດ​ວ່າ​ຈະ​ເລີ່​ມລົງມື​ກໍ່ສ້າງ​ໃນ​ ເດືອນ​ພະຈິກ 2022, ​ແຕ່​​ຍັງ​ບໍ່​ໄດ້​ກຳນົດ​ຢ່າງ​ຈະ​ແຈ້ງ. ຈຸດ​ສຳຄັນ​ແມ່ນ​ທາງ​ລົດ​ໄຟ​ສາຍ​ນີ້​ເຊື່ອມ​ຕໍ່​ນະຄອນຫຼວງ​ວຽງ​ຈັນ ​ແລະ ທ່າ​ກຳ​ປັ່ນ​ວັງ​ແອງ (Vung Ang) ນອກຈາກນັ້ນ ທາງລົດໄຟ ລາວ-ຫວຽດນາມ ສາມາດເຊື່ອມຕໍ່ທາງລົດໄຟລາວ-ຈີນໄດ້ ໝາຍຄວາມວ່າ ການຂົນສົ່ງສິນຄ້າທາງທະເລ ຈະສາມາດຂະຫຍາຍໄປສູ່ພາກເໜືອຂອງ ສປປ ລາວ ແລະ ພາກໃຕ້ຂອງຈີນ. ນອກນັ້ນ, ທາງລົດໄຟລາວ-ຫວຽດນາມ ຈະມີຈຸດສັບປ່ຽນເສັ້ນທາງລົດໄຟ ເໜືອ-ໃຕ້ ຂອງຫວຽດນາມ. ຖືເປັນໂອກາດ​ໃຫ້ກັບເສັ້ນທາງ​ຄົມມະນາຄົມ​ຂົນ​ສົ່ງ​ລະຫວ່າງ ຮ່າ​ໂນ້ຍ ​ແລະ ວຽງ​ຈັນ ​ໃນ​ອະນາຄົດ. ເຄືອຂ່າຍທາງລົດໄຟ ແມ່ນຈຸດສຳຄັນໃນການຂັບເຄື່ອນ ສປປ ລາວ ໃຫ້ເປັນສູນກາງການຂົນສົ່ງຂອງອາຊີຕາເວັນອອກສຽງໃຕ້. ຍ້ອນລົດໄຟສາມາດຊ່ວຍຫຼຸດຜ່ອນຄ່າໃຊ້ຈ່າຍໃນການຂົນສົ່ງໄດ້ເຖິງ 40% ແລະຈະກາຍເປັນທາງເລືອກການຂົນສົ່ງສໍາລັບຜູ້ສົ່ງອອກຈາກບັນດາປະເທດໃນພາກພື້ນ ດ້ວຍ​ການ​ເພີ່ມ​ຂຶ້ນ​ຂອງ​ຄ່າ​ຂົນ​ສົ່ງ​ທາງ​ບົກ, ທາງ​ອາກາດ ​ແລະ​ ທະ​ເລ ...

ປະເທດມະຫາອຳນາດ ດ້ານອຸດສາຫະກຳຂອງໂລກ (G7) ເຫັນເອກະພາບຈຳກັດການຮັບຊື້ຄຳຈາກຣັດເຊຍ ກອງປະຊຸມສຸດຍອດ ກຸ່ມ G7 ຈັດຂຶ້ນ ວັນທີ 26 ມິຖຸນາ ດຳເນີນໄປເປັນເວລາ 3 ວັນ ເຢຍລະມັນເປັນປະເທດປະທານໝູນວຽນຂອງກຸ່ມ G7 ປີ 2022. ສະຖານະການຣັດເຊຍ-ອູແກຣນຈະແມ່ນຫົວຂໍ້ສຳຄັນຂອງກອງປະຊຸມ ພ້ອມຫາລືບັນຫາ ການປ້ອງກັນການປ່ຽນແປງຂອງດິນຟ້າອາກາດ ແລະ ວິກິດການດ້ານພະລັງງານເປັນຕົ້ນ. ກອງປະຊຸມ ວັນທີ 27 ມິຖຸນາ ໃຫ້ຮູ້ວ່າ: G7 ໄດ້ຕົກລົງເປັນເອກະພາບ ຈຳກັດການສົ່ງອອກຄຳຈາກຣັດເຊຍປະເທດສະມາຊິກ G7 ປະກອບດ້ວຍ: ສ.ອາເມລິກາ, ອັງກິດ, ເຢຍລະມັນ, ຝຣັ່ງ, ອີຕາລີ, ການາດາ ແລະ ຍີ່ປຸ່ນ. ໃນໄລຍະ ຊຸມປີຜ່ານມາ ຄຳກາຍເປັນສິນຄ້າສົ່ງອອກ ສໍາຄັນອັນດັບ 2 ຂອງຣັດເຊຍຮອງຈາກນ້ຳມັນເຊື້ອໄຟໂດຍຣັດເຊຍກວມເອົາອັດຕາສ່ວນເກືອບ 5% ຂອງຕະຫລາດຄຳໂລກຄິດເປັນມູນຄ່າເກືອບ19 ຕື້ ໂດລາ ສະຫະລັດ ເມື່ອປີ 2020 ແຕ່ຫລຸດລົງມາຢູ່ທີ່ ປະມານ 15,5 ຕື້ໂດລາ ສະຫະລັດເມື່ອທຽບໃສ່ປີກາຍ.ຕາມຂໍ້ມູນ 90%ຂອງຄໍາ ...

ການນໍາເຂົ້ານໍ້າມັນເຊື້ອໄຟຕາມການລາຍງານຂອງພາກສ່ວນທີ່ກ່ຽວຂ້ອງພົບວ່າທົ່ວປະເທດລາວໄດ້ມີການນໍາເຂົ້າປະມານ 1.200 ລ້ານລິດຕໍ່ປີ, ແຕ່ຜ່ານການກວດສອບຕົວຈິງໂດຍການເກັບກໍາ ຂໍ້ມູນຈາກປະເທດທີ່ລາວເຮົາໄດ້ນໍາເຂົ້ານໍ້າມັນຈາກ ສສ ຫວຽດນາມ ແລະ ປະເທດໄທ ຫຼື ຜ່ານປະເທດດັ່ງກ່າວພົບວ່າມີຈໍານວນ 1.900 ລ້ານລິດ/ປີ, ນັ້ນໝາຍຄວາມວ່າ 700 ລ້ານລິດນັ້ນສາມາດເວົ້າໄດ້ວ່າແມ່ນການລັກລອບນໍາເຂົ້າຍ້ອນວ່າບໍ່ໄດ້ເສຍພາສີອາກອນ. ທ່ານ ພັນຄໍາ ວິພາວັນ ນາຍົກລັດຖະມົນຕີ ແຫ່ງ ສປປ ລາວ ໄດ້ກ່າວຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດທີ່ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດ ຊຸດທີ IX ທ່ານ ພັນຄໍາ ໄດ້ຊີ້ແຈງວ່າ: ນໍ້າມັນເຊື້ອໄຟ 700 ລ້ານລິດ ທີ່ບໍ່ມີການລາຍງານຕົວເລກໃຫ້ລັດຖະບານຮັບຮູ້ນັ້ນ ກໍໝາຍຄວາມວ່າມີເຈົ້າໜ້າທີ່ກ່ຽວຂ້ອງຂອງລັດຈໍານວນໜຶ່ງໄດ້ຮ່ວມກັບບໍລິສັດນໍາເຂົ້ານໍ້າມັນເຊື້ອໄຟທີ່ສວຍໂອກາດຫາຜົນປະໂຫຍດໃສ່ຕົວເອງບໍ່ໄດ້ຄິດເຖິງຜົນເສຍຫາຍທີ່ຈະສົ່ງຜົນກະທົບໃຫ້ປະເທດ ແຕ່ສິ່ງທີ່ເກີດຂຶ້ນ ນັ້ນແມ່ນເກີດຂຶ້ນຈາກການບໍລິຫານຂອງລັດຖະບານທີ່ບໍ່ຮັດກຸມ ແລະ ອ່ອນແອ, ດັ່ງນັ້ນຈະໄດ້ສືບຕໍ່ປັບປຸງແກ້ໄຂໃຫ້ດີຂຶ້ນ ໂດຍສະເພາະບັນດາບໍລິສັດລັດທີ່ຖືຮຸ້ນ 100% ຊຶ່ງຈະບໍ່ມີການປັປຸງ ແຕ່ຈະເປັນການປະຕິຮູບ. ທີ່ມາ: ວຽງຈັນທາຍ

ກະຊວງພາຍໃນ ຮ່ວມກັບ 4 ທະນາຄານທຸລະກິດຄື: 1. ທະນາຄານການຄ້າຕ່າງປະເທດລາວ ມະຫາຊົນ 2. ທະນາຄານພັດທະນາລາວ ຈຳກັດ 3. ທະນາຄານສົ່ງເສີມກະສິກຳ 4. ທະນາຄານຮ່ວມທຸລະກິດລາວ-ຫວຽດ ຈຳກັດ ເຊັນສັນຍາອອກບັດພະນັກງານ-ລັດຖະກອນ ຢູ່ ສປປ ລາວ ໃນວັນທີ 24 ມິຖຸນາ ເພື່ອເຮັດໃຫ້ການຈັດຕັ້ງປະຕິບັດການອອກບັດໃຫ້ພະນັກງານ-ລັດຖະກອນທົ່ວປະເທດ ສໍາເລັດຕາມແຜນການທີ່ກໍານົດໄວ້ ທັງເປັນການອໍານວຍຄວາມສະດວກ ໃນການນໍາໃຊ້ບັດຂອງພະນັກງານທັງສູນກາງ ແລະ ທ້ອງຖິ່ນ. ຜ່ານມາ ໄດ້ມີການເຮັດທົດລອງຈັດຕັ້ງປະຕິບັດ ອອກບັດໃຫ້ແກ່ພະນັກ ງານ-ລັດຖະກອນ ຢູ່ກະຊວງພາຍໃນ ໂດຍແມ່ນທະນາຄານການຄ້າຕ່າງປະເທດລາວມະຫາຊົນ(ທຄຕລ) ເປັນຜູ້ພິມບັດຕາມການຢັ້ງຢືນຄວາມຖືກຕ້ອງຂອງຂໍ້ມູນພະນັກງານ-ລັດຖະກອນ ຈາກກະຊວງພາຍໃນ, ຈາກນັ້ນ ກໍໄດ້ສືບຕໍ່ອອກບັດໃຫ້ບັນດາກະຊວງ-ອົງການ ຂັ້ນສູນກາງ ເລີ່ມແຕ່ປີ 2017 ມາຮອດປີ 2020 ສຳເລັດ 46 ພາກສ່ວນ ປະມານ 13.550 ບັດ ກວມ 66% ຂອງຈຳນວນພະນັກງານ-ລັດຖະກອນຢູ່ຂັ້ນສູນກາງ(ຕາມສະຖິຕິລັດຖະກອນປີ 2020), ຂັ້ນແຂວງສຳ ເລັດແລ້ວ 9 ແຂວງ, ລວມທັງໝົດປະມານ 9.554 ບັດ ...

ເຊັນສັນຍາສະໜອງທຶນໃຫ້ກັບສະຖາບັນການເງິນ ເພື່ອນໍາໄປປ່ອຍກູ້ໃຫ້ ຈຸນລະວິສາຫະກິດ ວິສາຫະກິດຂະໜາດນ້ອຍ ແລະ ກາງ ໃນວັນທີ 21 ມິຖຸນາ 2022 ພິທີເຊັນສັນຍາສະໜອງທຶນລະຫວ່າງ ກອງທຶນສົ່ງເສີມວິສາຫະກິດຂະໜາດນ້ອຍ ແລະ ກາງ ກັບສະຖາບັນການເງິນ ເພື່ອນໍາໄປປ່ອຍກູ້ໃຫ້ຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ (ຈວນກ)ໃນ 03 ບ້ວງທຶນ 1. ບ້ວງເງິນກໍ່ຕັ້ງ ກອງທຶນສົ່ງເສີມວິສາຫະກິດຂະໜາດນ້ອຍ ແລະ ກາງ (ທສວ) ທີ່ໄດ້ຮ່ວມມືກັບ ທະນາຄານພັດທະນາລາວ ຊຶ່ງການເຊັນສັນຍາຄັ້ງນີ້ ແມ່ນເປັນການສືບຕໍ່ໃຫ້ທະນາຄານນໍາໃຊ້ທຶນ ຈຳນວນ 16 ຕື້ກີບ ນໍາໄປປ່ອຍກູ້ໃຫ້ ຈວນກ. 2. ບ້ວງເງິນສະສົມ ຂອງກອງທຶນສົ່ງເສີມວິສາຫະກິດຂະໜາດນ້ອຍ ແລະ ກາງ ຈໍານວນ 4,2 ຕື້ກີບ ຊຶ່ງເປັນການເພີ່ມທຶນໃຫ້ 4 ສະຖາບັນການເງິນ ຄື: ສະຖາບັນການເງິນຈຸລະພາກທີ່ຮັບເງິນຝາກ ປະຕູຄຳ, ສະຖາບັນການເງິນຈຸລະພາກທີ່ບໍ່ຮັບເງິນຝາກ ເນັກ, ສະຖາບັນການເງິນຈຸລະພາກທີ່ບໍ່ຮັບເງິນຝາກ ເພື່ອການພັດທະນາ ແລະ ສົ່ງເສີມທຸລະກິດ, ສະຖາບັນການເງິນຈຸລະພາກທີ່ບໍ່ຮັບເງິນຝາກ ໄຊອຸດົມ ແລະ ...

ລັດຖະບານ ໄດ້ກະກຽມອະນຸມັດເປີດແອລຊີ (LC) ຫຼື ບັນຊີຄໍ້າປະກັນການຊໍາລະ ໃນມູນຄ່າທີ່ສູງໃຫ້ແກ່ລັດວິ ສາຫະກິດນໍ້າມັນເຊື້ອໄຟລາວ ເພື່ອໃຫ້ຮັບປະກັນການສະຫນອງນ້ຳມັນໃຫ້ພຽງພໍກັບຄວາມຕ້ອງການຂອງສັງຄົມ. (ກ່າວໂດຍ ທ່ານ ນາງ ຈັນສຸກ ແສງພະ ຈັນ ຮອງລັດຖະມົນຕີ ກະຊວງອຸດສາຫະກຳ ແລະ ການຄ້າ) ສໍາລັບການປັບໂຄງສ້າງລາຄານໍ້າມັນເຊື້ອໄຟ, ລັດຖະບານ ໄດ້ມີນະໂຍບາຍຫຼຸດອາກອນຊົມໃຊ້ ລົງ 02 ຄັ້ງ. ເພື່ອຫຼຸດຜ່ອນລາຄານໍ້າມັນເຊື້ອໄຟຊ່ວຍປະຊາຊົນບັນເຜົ່າ, ຄະນະ 36/ນຍ ຍັງມີທິດຊີ້ນໍາໃຫ້ ມີການຊ່ວຍໜູນ ໂດຍການກໍານົດອັດຕາແລກປ່ຽນແບບເດັດຖານ. ຕໍ່ໍບັນຫາດັ່ງກ່າວ ຂັ້ນເທິງໄດ້ມີທິດຊີ້ນຳໃຫ້ບັນດາບໍລິສັດນໍາເຂົ້ານ້ຳມັນເຊື້ອໄຟພາຍໃນປະເທດປຶກສາຫາລືຮ່ວມກັນ ເພື່ອເຈລະຈາຈັດຊື້ນ້ຳມັນເຊື້ອໄຟຈາກຫຼາຍແຫຼ່ງ ຫຼືຈາກປະເທດຜູ້ຜະລິດທີ່ມີລາຄາຖືກກວ່າເພື່ອເປັນອີກທາງເລືອກໃນການສະໜອງນ້ຳມັນເຊື້ອໄຟໃນສະເພາະໜ້າ ແລະ ຍາວນານ ເຊິ່ງກະຊວງອຸດສາຫະກຳ ແລະ ການຄ້າ ພວມຂຸ້ນຂ້ຽວຮ່ວມກັບບັນດາບໍລິສັດປະສານພົວພັນຕິດຕໍ່ຫຼາຍແຫຼ່ງ ແລະ ຄິດວ່າຈະມີຄວາມຄືບໜ້າໃນໄວໆນີ້. ກະຊວງອຸດສາຫະກຳ ແລະ ການຄ້າ ຍັງໄດ້ຮ່ວມກັບຂະແໜງການກ່ຽວຂ້ອງ ຊຸກຍູ້ໃຫ້ບັນດາໂຮງງານປຸ່ງແຕ່ງ, ປະສົມນໍ້າມັນເຊື້ອໄຟພາຍໃນປະເທດ ເຊັ່ນ: ໂຮງງານກັ່ນນໍ້າມັນລາວເປັກ, ໂຮງງານປະສົມນໍ້າມັນເຊື້ອໄຟ ຍອດງື່ມພາວເວີ ແລະ ໂຮງງານນໍ້າມັນກາຊວນຊີວະພາບ ອາໂກຣເທັກ ໂດຍຄາດວ່າຈະມີກຳລັງການຜະລິດລວມເບື້ອງຕົ້ນເປັນນໍ້າມັນແອັດຊັງ 65 ລ້ານລິດ/ປີ, ນໍ້າມັນກາຊວນ 150 ...

ອົງກອບການຮ່ວມມືດ້ານພະລັງງານໄຟຟ້າ ລະຫວ່າງ ສປປ ລາວ ກັບຣາຊະອານາຈັກ ກຳປູເຈຍ ກໍານົດໄວ້ວ່າ: ພາຍໃນປີ 2030 ສປປ ລາວ ຈະສົ່ງຂາຍພະລັງງານໄຟຟ້າໄປ ປະເທດກຳປູເຈຍ ໃຫ້ໄດ້ຫລາຍກວ່າ 6.000 MW; ປັດຈຸບັນ ສາມາດສົ່ງໄຟໄປແລ້ວ ຈຳນວນ 445 MW. ທ່ານ ດາວວົງ ພອນແກ້ວ ລັດຖະມົນຕີກະຊວງພະລັງງານ ແລະ ບໍ່ແຮ່ ລາຍງານໃຫ້ຮູ້ໃນກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດ ຊຸດທີ IX ໃນວັນທີ 20 ມິຖຸນາ 2022 ນີ້ວ່າ: ນອກຈາກສົ່ງໄປປະເທດ ກຳປູເຈຍແລ້ວ, ຍັງໄດ້ສົ່ງໄຟຟ້າ ຈຳນວນ 5 MW ໄປ ປະເທດມຽນມາ ແລະ ຈະສົ່ງໄປອີກຕື່ມປະມານ 30-35 MW ພາຍໃນປີ 2022 ນີ້ ລວມທັງການສົ່ງໄຟ ໄປ ສປ ຈີນ ໃນຮູບແບບການແລກປ່ຽນພະລັງງານໃນລະບົບແຮງດັນ 115 kV ແລະ ...

ເປີດປະຫວັດການເຮັດວຽກຂອງ ທ່ານ ບຸນເຫລືອ ສິນໄຊວໍລະວົງ ຜູ້ວ່າການທະນາຄານ ແຫ່ງ ສປປ ລາວ ຄົນໃໝ່! 07.1991 – 10.1993 : ອາຈານສອນທີ່ມະຫາວິທະຍາໄລແຫ່ງຊາດລາວ (ຄະນິດສາດ ແລະ ຟີຊິກສາດ) 07.1993 – 10.1996 : ພະນັກງານຄັງເງິນແຫ່ງຊາດ, ກະຊວງການເງິນ 10.1996 – 08.1998 : ຮອງຫົວຫນ້າ ພະແນກບັນຊີທົ່ວໄປ, ຄັງເງິນແຫ່ງຊາດ, ກະຊວງການເງິນ, ນະຄອນຫຼວງວຽງຈັນ, ສປປລາວ 05.2005 – 03.2007: ຫົວຫນ້າ ພະແນກນະໂຍບາຍການເງິນ ແລະ ເສດຖະກິດ, ພະແນກນະໂຍບາຍການເງິນ, ກະຊວງການເງິນ. 04.2007 – 11.2010 ຮອງຫົວຫນ້າກົມການເງິນພາຍນອn, ກະຊວງການເງິນ. 11.2010 – 12.2012 ອໍານວຍການຝ່າຍບໍລິຫານ, ຄະນະກໍາມະການທະນາຄານ ພັດທະນາອາຊີ – ສໍາລັບສປປ ລາວ, ອັຟການິສະຖານ, ບັງກະລາເທດ, ບູຖານ, ອິນເດຍ, ...

ສະພາແຫ່ງຊາດໄດ້ແຕ່ງຕັ້ງ ທ່ານ ມະໄລທອງ ກົມມະສິດ ປະທານອົງການກອບສອບແຫ່ງລັດ ມາເປັນ ລັດຖະມົນຕີກະຊວງ ອຸດສາຫະກຳ ແລະ ການຄ້າ (ຄົນໃໝ່) ໃນວັນທີ 20 ມິຖຸນາ 2022. ສ່ວນ ທ່ານ ປອ. ຄໍາແພງ ໄຊສົມແພງ ລັດຖະມົນຕີກະຊວງ ອຸດສາຫະກຳ ແລະ ການຄ້າ (ຄົນເກົ່າ) ແມ່ນໄດ້ແຕ່ງຕັ້ງເປັນ ລັດຖະມົນຕີປະຈໍາ ສຳນັກງານນາຍົກ. ຕໍາແໜ່ງທີ່ຜ່ານມາ ແລະປັດຈຸບັນ ຂອງ ທ່ານ ມະໄລທອງ ກົມມະສິດ: ຮອງລັດຖະມົນຕີ ຮອງຫົວໜ້າຮອງວ່າການສຳນັກງານນາຍົກລັດຖະມົນຕີ ກຳມະການປະຈຳແຂວງຈຳປາສັກ ອະດີດຮອງເຈົ້າແຂວງຈຳປາສັກ ປະທານອົງການກວດສອບແຫ່ງລັດ (ປີ 2021) ລັດຖະມົນຕີກະຊວງ ອຸດສາຫະກຳ ແລະ ການຄ້າ (20 ມິຖຸນາ 2022)

1 ທ່ານ ພົນເອກ ວິໄລ ຫຼ້າຄຳຟອງ ເປັນຮອງນາຍົກລັດຖະມົນຕີ ພ້ອມທັງເປັນລັດຖະມົນຕີ ກະຊວງ ປກສ. 2 ທ່ານ ສະເຫລີມໄຊ ກົມມະສິດ ເປັນຮອງນາຍົກລັດຖະມົນຕີ ພ້ອມທັງເປັນລັດຖະມົນຕີກະຊວງການຕ່າງປະເທດ. ແຕ່ງຕັ້ງ ແລະ ຍົກຍ້າຍຕຳແໜ່ງສະມາຊິກລັດຖະບານ 1 ຍົກຍ້າຍ ແລະແຕ່ງຕັ້ງ ທ່ານ ປອ. ສົມແພງ ໄຊສົມແພງ ລັດຖະມົນຕີ ກະຊວງອຸດສະຫະກຳ ແລະ ການຄ້າ ເປັນ ລັດຖະມົນຕີປະຈໍາ ສຳນັກງານນາຍົກລັດຖະມົນຕີ. 2. ທ່ານ ສອນໄຊ ສິດພະໄຊ ຜູ້ວ່າທະນາຄານກາງ ໄປເປັນ ລັດຖະມົນຕີປະຈໍາສຳນັກງານນາຍົກລັດຖະມົນຕີ. 3. ທ່ານ ມະໄລທອງ ກົມມະສິດ ເປັນ ລັດຖະມົນຕີກະຊວງອຸດສະຫະກຳ ແລະ ການຄ້າ 4. ທ່ານ ປອ ບຸນເຫລືອ ສິນໄຊວໍລະວົງ ຮອງລັດຖະມົນຕີກະຊວງການເງິນ ເປັນຜູ້ວ່າການທະນາຄານ ແຫ່ງ ສປປ ລາວ. ກອງປະຊຸມສະໄມສາມັນເທື່ອທີ 3 ຊຸດທີ ...