ການເມືອງ

ໃນວັນທີ 25 ມັງກອນ 2021 ທີ່ນະຄອນຫລວງວຽງຈັນ, ທ່ານ ນາງ ເຈນ ຊານເດີເລີ ອຸປະທູດອົດສະຕຣາລີ ປະຈຳ ສປປ ລາວ ໄດ້ເຂົ້າພົບປະ ທ່ານ ກິແກ້ວ ຈັນທະບູລີ ຮອງລັດຖະມົນ ຕີ ກະຊວງແຜນການ ແລະ ການລົງທຶນ ເພື່ອສືບຕໍ່ຢັ້ງຢືນຄຳໝັ້ນສັນຍາຂອງລາວ ແລະ ອົດສະ ຕຣາລີ ໃນການຮ່ວມມືເພື່ອການຕອບໂຕ້, ຟື້ນຟູ ແລະ ກ້ຽມພ້ອມໃນການຮັບມື, ເຊິ່ງທັງສອງຝ່າຍ ໄດ້ຕົກລົງທີ່ຈະປະສານສົມທົບກັນ ກັບທຸກຂະແໜ່ງການທີ່ກ່ຽວຂ້ອງຂອງພາກລັດ ເພື່ອຮັບປະກັນ ການລະດົມຊັບພະຍາກອນແບບມີປະສິດທິຜົນ ເພື່ອບັນລຸເປົ້າໝາຍການພັດທະນາຂອງ ສປປ ລາວ. ທ່ານ ນາງ ເຈນ ຊານເດີເລີ ກ່າວວ່າ: ວັນຊາດອົດສະຕຣາລີ ວັນທີ 26 ມັງກອນ 2021 ທີ່ຈະມາເຖິງນີ້, ເປັນໂອກາດທີ່ພວກເຮົາຮ່ວມກັນສະເຫລີມສະຫລອງທຸກຢ່າງ ທີ່ຈົບງາມຂອງອົດສະຕຣາລີ ແລະ ວິຖີຊິວິດຂອງຄົນອົດສະຕຣາລີ ລວມເຖິງ ສາຍພົວພັນມິດຕະພາບອັນແໜ້ນແຟ້ນ, ການຮ່ວມມື ແລະ ຄວາມໄວ້ເນື້ອເຊື່ອໄວ້ ທີ່ໄດ້ເປັນຮາກຖານຂອງວັດທະນາທຳອົດສະຕຣາລີ. ປະຊາຊົນອົດສະຕຣາລີ ...

ວັນທີ 24 ມັງກອນ 2021 ທີ່ຜ່ານມາຢູ່ສວນອະນຸສາວະລີພະບາດ ສົມເດັດພຣະເຈົ້າໄຊຍະເຊດຖາທິຣາດ ມະຫາຣາດ ບ້ານຫາດຊາຍຂາວ ເມືອງໄຊເຊດຖາ ແຂວງອັດຕະປື ໄດ້ຈັດພິທີມອບ-ຮັບ ສວນດັ່ງກ່າວຂຶ້ນຢ່າງເປັນທາງການໂດຍການເປັນກຽດເຂົ້າຮ່ວມຂອງທ່ານ ຈູມມະລີ ໄຊຍະສອນ ອະດີດປະເທດ ແຫ່ງ ສປປ ລາວ ແລະ ທ່ານສອນໄຊ ສີພັນດອນ ຮອງນາຍົກລັດຖະມົນຕີ, ລັດຖະມຸນຕີກະຊວງແຜນການແລະການລົງທຶນ. ໃນພິທີ ທ່ານ ພົງໄຊໄຊຊະນະ ໄຊຍະເສນາ ປະທານບໍລິ ສັດວັງຕັດຂຸດຄົ້ນບໍ່ແຮ່ ໃຫ້ຮູ້ວ່າ: ພາຍຫັຼງ ທີ່ໄດ້ລົງມືການກໍ່ສ້າງເກືອບ 30 ເດືອນ ຫືຼ 2 ປີເຄິ່ງ ເຊິ່ງເປັນໂຄງການກໍ່ສ້າງສາທາລະນະ ໂດຍການມີສ່ວນຮ່ວມຂອງທຸກພາກ ສ່ວນ ທັງພາກລັດ ແລະ ເອກະຊົນ, ພຸດທະບໍລິສັດ ແລະ ປວງຊົນລາວທັງພາຍໃນ ແລະ ຕ່າງປະເທດ ໂດຍແມ່ນກຸ່ມບໍລິສັດວັງຕັດຂຸດຄົ້ນບໍ່ແຮ່ ເປັນຜຸ້ຮັບເໝົາກໍ່ສ້າງ ແລະ ເປັນຜູ້ສັດທາຫັຼກປະກອບສ່ວນທຶນເບື້ອງຕົ້ນ ມີມູນຄ່າທັງໝົດ 37 ຕື້ກີບ. ປະກອບມີ 2 ໜ້າວຽກໃຫ່ຍຄື: 1. ວຽກເທທອງຫໍ່ຼຮູບເໝືອນພຣະເຈົ້າໄຊຍະເຊດຖາທິຣາດມະຫາຣາດ ...

ໃນວັນທີ 21 ມັງກອນ 2021 ນີ້, ທ່ານ ສະເຫລີມໄຊ ກົມມະສິດ ລັດຖະມົນຕີ ກະຊວງການຕ່າງປະເທດ ໄດ້ນໍາພາຄະນະ ເຂົ້າຮ່ວມກອງປະຊຸມວົງແຄບລັດຖະມົນຕີ ຕ່າງປະເທດອາຊຽນ ແບບທາງ ໄກ ເຊິ່ງເປັນກອງປະຊຸມທຳອິດພາຍໃຕ້ການເປັນປະທານອາຊຽນຂອງ ບຣູໄນ ດາຣູຊາລາມ (ສຳລັບ ປີ 2021) ໂດຍມີບັນດາລັດຖະມົນຕີຕ່າງປະເທດອາຊຽນ ແລະ ເລຂາທິການໃຫຍ່ອາຊຽນ ເຂົ້າຮ່ວມ. ກອງປະຊຸມໄດ້ຕີລາຄາສູງ ຕໍ່ຜົນການຈັດຕັ້ງປະຕິບັດ ບັນດາຄໍາຕົກລົງຂອງຜູ້ນໍາອາຊຽນໃນກອງປະຊຸມສຸດຍອດອາຊຽນ ຄັ້ງທີ 37 ຜ່ານມາ ລວມທັງການສຳເລັດການທົບທວນກາງສະໄໝ ແຜນແມ່ບົດການສ້າງປະຊາຄົມອາຊຽນຮອດ ປີ 2025; ການປັບປຸງຂອດປະສານງານລະຫວ່າງຂະແໜງ ການກ່ຽວຂ້ອງພາຍໃນເສົາຄໍ້າ ແລະ ລະຫວ່າງເສົາຄໍ້າປະຊາຄົມອາຊຽນ; ການກະກຽມຮ່າງວິໄສທັດປະຊາຄົມອາຊຽນ ຫລັງປີ 2025. ພ້ອມກັນນັ້ນ, ກອງປະຊຸມຍັງໄດ້ປຶກສາຫາລື ສືບຕໍ່ຈັດຕັ້ງປະຕິບັດແຜນຟື້ນຟູຮອບດ້ານອາຊຽນ; ການນຳໃຊ້ສ່ວນໜຶ່ງຂອງກອງທຶນຕ້ານໂຄວິດ-19 ອາຊຽນ ເພື່ອຈັດຊື້ຢາວັກແຊັງ ແລະ ອຸປະກອນການແພດສໍາລັບປະຊາຊົນອາຊຽນ; ການສ້າງຕັ້ງແລວການເດີນທາງພິເສດອາ ຊຽນ ແລະ ອື່ນໆ. ພ້ອມນັ້ນ, ຍັງໄດ້ປຶກສາຫາລື ແລະ ເຫັນດີເປັນເອກະພາບຕໍ່ບັນດາບູລິມະສິດການເປັນປະທານອາຊຽນຂອງບຣູໄນ ດາຣູຊາລາມ ປີ ...

ການພັດທະນາເສດຖະກິດ – ສັງຄົມ 5 ປີຜ່ານມາ ຂອງລັດຖະບານ ມີຜົນສໍາເລັດທີ່ພົ້ນເດັ່ນຫຼາຍດ້ານ ໂດຍບັນລຸຄາດໝາຍສໍາຄັນໃນການນໍາພາປະເທດຊາດຫຼຸດພົ້ນອອກຈາກສະຖານະພາບດ້ອຍພັດທະນາ, ການສົ່ງເສີມ ແລະ ດຶງດູດການລົງທຶນຂອງພາກເອກະຊົນໄດ້ມີການປັບປຸງດີຂຶ້ນ. ຢ່າງໃດກໍຕາມ, ຖ້າເບິ່ງບັນຫາຢ່າງພາວະວິໄສ ຈະເຫັນວ່າການເຕີບໂຕຂອງເສດຖະກິດ – ສັງຄົມ ຍັງມີຫຼາຍບັນຫາທີ່ບໍ່ທັນຮັບປະກັນຄວາມຍືນຍົງຕາມທິດທາງທີ່ໄດ້ວາງອອກ, ການປັບປຸງສະພາບແວດລ້ອມດ້ານການລົງທຶນຍັງບໍ່ທັນໄດ້ຮັບການແກ້ໄຂ ດ້ວຍນະໂຍບາຍ, ວິທີການອັນເໝາະສົມ ແລະ ກົນໄກແບບບຸກທະລຸ. ທ່ານ ທອງລຸນ ສີສຸລິດ ນາຍົກລັດຖະມົນຕີ ລາຍງານການຈັດຕັ້ງປະຕິບັດແຜນພັດທະນາເສດຖະກິດ – ສັງຄົມແຫ່ງຊາດ 5 ປີ ຄັ້ງທີ VIII ( 2016 – 2020 )  ຕໍ່ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກປະຊາຊົນ ປະຕິວັດລາວ ເມື່ອວັນທີ 13 ມັງກອນ 2021 ວ່າ: ໃນ 5 ປີຜ່ານມາ ໂດຍພາຍໃຕ້ການຊີ້ນໍາ – ນໍາພາຢ່າງໃກ້ຊິດຂອງລັດຖະບານ ແລະ ການເຄື່ອນໄຫວຢ່າງຕັ້ງໜ້າ ແລະ ມີຄວາມຮັບຜິດຊອບສູງຂອງຂະແໜງການ ແລະ ອໍານາດການປົກຄອງທ້ອງຖິ່ນ ...

ໃນສູນທອນພົດຂອງສະຫາຍ ທອງລຸນ ສີສຸລິດ ເລຂາ ທິການໃຫຍ່ຄະນະບໍລິຫານງານສູນກາງພັກ ສະໄຫມທີ XI ກ່າວອັດກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ ຈັດຂຶ້ນເມື່ອບໍ່ດົນມານີ້ ສະຫາຍໄດ້ກ່າວບາງຕອນວ່າ: ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກເຮົາໄດ້ສໍາເລັດລົງຢ່າງຈົບງາມແລ້ວ ແຕ່ພວກເຮົາຍັງຕ້ອງມີຄວາມຮັບຜິດຊອບສູງ ແລະ ຈິງຈັງຕໍ່ການຈັດຕັ້ງຜັນຂະຫຍາຍແນວທາງ, ແຜນນະໂຍບາຍທີ່ກອງປະຊຸມໃຫຍ່ຄັ້ງນີ້ວາງອອກໃຫ້ປາກົດຜົນເປັນຈິງ. ບັນດາສະຫາຍກໍາມະການສູນກາງພັກ ສະໄໝທີ XI ທີ່ໄດ້ຮັບຄວາມໄວ້ ວາງໃຈຈາກກອງປະຊຸມໃຫຍ່ຄັ້ງນີ້ ຈົ່ງເຊີດຊູຄວາມຮັບ ຜິດຊອບການເມືອງ, ຍົກສູງຄວາມເປັນແບບຢ່າງນໍາໜ້າໃນການປະຕິບັດໜ້າທີ່ວຽກງານ ກໍຄືໃນການດຳລົງຊີວິດ, ການຝຶກຝົນຫລໍ່ຫລອມຕົນເອງດ້ານຄຸນທາດການເມືອງ, ຄຸນສົມບັດສິນທໍາປະຕິວັດ ແລະ ນໍາພາການຈັດຕັ້ງປະຕິ ບັດແນວທາງ, ແຜນນະໂຍບາຍທີ່ກອງປະຊຸມໃຫຍ່ຄັ້ງນີ້ ວາງອອກໃຫ້ມີຜົນສໍາເລັດຕົວຈິງ. ນອກຈາກນີ້ ບັນດາຜູ້ແທນກອງປະຊຸມໃຫຍ່ ຈົ່ງພ້ອມ ກັນເສີມຂະຫຍາຍຄວາມເປັນເຈົ້າການຜັນຂະຫຍາຍແນວທາງນະໂຍບາຍ ທີ່ກອງປະຊຸມໃຫຍ່ຄັ້ງນີ້ວາງອອກຢ່າງປະ ດິດສ້າງ ແລະ ປຸກລະດົມມະຫາຊົນ ຍູ້ແຮງຂະບວນການແຂ່ງຂັນຮັກຊາດ ແລະ ພັດທະນາ ໃຫ້ກວ້າງຂວາງເລິກເຊິ່ງ ແລະ ຕໍ່ເນື່ອງເພື່ອເລັ່ງໃສ່ການພັດທະນາປະເທດ ຊາດໃຫ້ຈະເລີນຮຸ່ງເຮືອງຂຶ້ນໄປເລື້ອຍໆ. ໃນຕໍ່ໜ້ານີ້ ພວກເຮົາຕ້ອງພ້ອມກັນສຸມໃສ່ນຳພາ-ຊີ້ນຳ ແລະ ປຸກລະດົມຂະບວນການເລືອກຕັ້ງສະມາຊິກສະພາແຫ່ງຊາດ ຊຸດທີ IX ແລະ ສະມາ ...

ວິທີ​ການຈັດຕັ້ງ​ປະຕິບັດ 1. ອົງການ​ຈັດ​ຕັ້ງ​ພັກ​-​ລັດ, ແນວ​ລາວ​ສ້າງ​ຊາດ, ສະຫະພັນ​ນັກຮົບ​ເກົ່າ, ອົງການ​ຈັດ​ຕັ້ງ​ມະ ຫາ​ຊົນ, ອົງການ​ຈັດ​ຕັ້ງ​ສັງຄົມ, ຫົວໜ່ວຍ​ທຸ​ລະ​ກິດ​ມີ​ສິດ ແລະ ໜ້າທີ່ຈັດ​ຕັ້ງ​ໂຄສະນາ​ຫາ​ສຽງ ໃຫ້​ຜູ້​ສະໝັກ​ຮັບ​ເລືອກ​ຕັ້ງ​ໃນ​ເຂດ​ເລືອກ​ຕັ້ງ​ຂອງ​ຕົນ ແລະ ຜູ້​ສະໝັກ​ຮັບ​ເລືອກ​ຕັ້ງແຕ່​ລະ​ຄົນ ກໍ​ມີ​ສິດ​ໂຄສະນາ​ຫາ​ສຽງ ໃຫ້​ແກ່​ຕົນ​ເອງ​ຕາມ​ລະບຽບ​ກົດ​ໝາຍ; 2. ຄະ​ນະ​ກໍາ​ມະ​ການ​ເລືອກ​ຕັ້ງ​ຂັ້ນ​ທ້ອງຖິ່ນ ແລະ ຜູ້​ສະ​ໝັກ​ຮັບ​ເລືອກ​ຕັ້ງ​ໃນ​ແຕ່​ລະ ເຂດ​ເລືອກ​ຕັ້ງ ຕ້ອງ​ປຶກສາ​ຫາລື ກ່ຽວ​ກັບ​ແຜນການ, ຂັ້ນ​ຕອນ, ຮູບ​ການ, ວິ​ທິ​ການ​ລະອຽດ​ໃນ ການ​ໂຄສະນາ​ຫາ​ສຽງ, ການ​ຈັດ​ວາງ​ຕາຕະລາງ​ການເຄື່ອນໄຫວ ຂອງ​ຜູ້​ສະ​ໝັກ​ຮັບ​ເລືອກ​ຕັ້ງ​ຢູ່ ໃນ​ເຂດ​ເລືອກ​ຕັ້ງ​ຂອງ​ຕົນ​ໃຫ້​ແທດເ​ໝາະ​ກັບ​ສະພາບ ຕື່ນ​ຕົວ​ທາງ​ດ້ານ​ການເມືອງ​ຂອງ​ປະຊາຊົນ ແລະ ເງື່ອນ​ຕົວ​ຈິງ​ຢູ່​ແຕ່​ລະ​ທ້ອງຖິ່ນ, ການຈັດຕັ້ງ​​ໜ່ວຍ​ໂຄສະນາ​ຫາ​ສຽງ​ຂອງ ຜູ້​ສະ​ໝັກ ຮັບ​ເລືອກ​ຕັ້ງ​ເປັນ​ສະມາຊິກ​ສະພາ​ແຫ່ງ​ຊາດ ຊຸດ​ທີ IX ແລະ ສະມາຊິກ​ສະພາ​ປະຊາຊົນ​ແຂວງ ຊຸດ​ທີ II ໃຫ້​ປະຕິບັດ​ດັ່ງນີ້: 2.1. ໃຫ້​ຈັດ​ຕັ້ງ​​ໜ່ວຍ​ໂຄ ສະນາ​ຫາ​ສຽງ ສະມາຊິກ​ສະພາ​ແຫ່ງ​ຊາດ​ຕ່າງຫາກ ແລະ ສະ​ມາ ຊິກ​ສະພາ​ປະຊາຊົນ​ຂັ້ນ​ແຂວງ​ຕ່າງຫາກ ໝາຍ​ຄວາມ​ວ່າ​ໃຫ້​ແຍກ​ກັນ​ເປັນ​​ໜ່ວຍ​ໃຜ​​ໜ່ວຍ​ລາວ; 2.2. ສໍາ​ລັບ​ເຂດ​ເລືອກ​ຕັ້ງ ທີ່​ມີ​ຜູ້​ສະ​ໝັກ​ຮັບເລືອກ​ຕັ້ງ​ເປັນ​ສະມາຊິກ​ສະພາ​ແຫ່ງ​ຊາດ ຈໍາ​ນວນ​​ໜ້ອຍ​ທ່ານ ໃຫ້​ຈັດ​ເປັນ​ຈຸ​ດຽວ, ຖ້າ​ເຂດ​ໃດ​ມີ​ຜູ້​ສະ​ໝັກ​ຫຼາຍ​ທ່ານ ໃຫ້​ຈັດ​ເປັນ​ຫຼາຍ​ຈຸ ຕາມ​ຄວາມ​ເ​ໝາະ​ສົມ ເພື່ອ​ໂຄສະນາ​ຫາ​ສຽງ ...

ລາຍຊື່ຄະນະບໍລິຫານງານສູນກາງພັກ ສະໄໝທີ XI ມີດັ່ງຕໍ່ໄປນີ້ກໍາມະການສົມບູນສູນກາງພັກ ລວມມີ 71 ສະຫາຍ ຍິງ 12 ສະຫາຍ 1 ສະຫາຍ ທອງລຸນ ສີສຸລິດ 2 ສະຫາຍ ພັນຄໍາ ວິພາວັນ 3 ສະຫາຍ ນາງ ປານີ ຢາທໍ່ຕູ້ 4 ສະຫາຍ ບຸນທອງ ຈິດມະນີ 5 ສະຫາຍ ໄຊສົມພອນ ພົມວິຫານ 6 ສະຫາຍ ພົນເອກ ຈັນສະໝອນ ຈັນຍາລາດ 7 ສະຫາຍ ຄໍາພັນ ພົມມະທັດ 8 ສະຫາຍ ສິນລະວົງ ຄຸດໄພທູນ 9 ສະຫາຍ ສອນໄຊ ສີພັນດອນ 10 ສະຫາຍ ກິແກ້ວ ໄຂຄໍາພິທູນ 11 ສະຫາຍ ວິໄລ ຫຼ້າຄໍາຟອງ 12 ສະຫາຍ ນາງ ສີໃສ ...

ລັດຖະບານ ໄດ້ວາງ 6 ປົ້າໝາຍໃຫຍ່ ສຳລັບແຜນວຽກຈຸດສຸມຂອງການພັດທະນາເສດ ຖະກິດ-ສັງຄົມແຫ່ງຊາດ 5 ປີ ຄັ້ງທີ IX (2021-2025) ເພື່ອສືບຕໍ່ນຳພາປະເທດຊາດອອກຈາກສະ ຖາ ນະພາບດ້ອຍພັດທະນ, ປະຊາຊົນມີວຽກເຮັດງານທຳ, ຊີວິດການເປັນຢູ່ໄດ້ຮັບການປັບປຸງດີຂຶ້ນ, ສັງ ຄົມມີຄວາມເປັນລະບຽບຮຽບຮ້ອຍ, ປະຕິບັດເປົ້າໝາຍການພັດທະນາແບບຍືນຍົງ 2030 ແລະ ຜັນຂະ ຫຍາຍຍຸດທະສາດການເຕີບໂຕສີຂຽວແຫ່ງຊາດໃຫ້ມີປະສິດທິຜົນ. ໃນກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກປະຊາຊົນປະຕິວັດລາວ ໃນວັນທີ 13 ມັງກອນ 2021, ທ່ານ ທອງລຸນ ສີສຸລິດ ກຳມະການກົມການເມືອງສູນກາງພັກ, ນາຍົກລັດຖະມົນຕີ ກ່າວວ່າ: 6 ເປົ້າໝາຍປະກອບມີ: ເສດຖະກິດແຫ່ງຊາດຂະຫຍາຍຕົວຢ່າງຕໍ່ເນື່ອງ, ມີຄຸນນະພາບ, ໝັ້ນທ່ຽງ ແລະ ຍືນຍົງ; ຊັບພະຍາກອນມະນຸດມີຄຸນນະພາບສູງຂຶ້ນ ສາມາດຕອບສະໜອງຄວາມຕ້ອງການຂອງການພັດທະນາ, ມີຄວາມສາມາດຄົ້ນຄວ້າ ແລະ ນຳໃຊ້ວິທະຍາສາດ-ເຕັກໂນໂລຊີ ເພື່ອຍົກສູງປະສິດທິພາບ ແລະ ສ້າງມູນຄ່າເພີ່ມການຜະລິດ ແລະ ການບໍລິການ; ຊີວິດການເປັນຢູ່ທາງດ້ານວັດຖຸ ແລະ ຈິດໃຈຂອງປະຊາຊົນໄດ້ຮັບການຍົກລະດັບໃຫ້ດີຂຶ້ນເທື່ອລະກ້າວ. ພ້ອມກັນນັ້ນ, ປົກປັກຮັກສາສິ່ງແວດລ້ອມໃຫ້ມີຄວາມສົມດຸນ ແລະ ...

ທ່ານ ບຸນໂຈມ ອຸບົນປະເສີດ ເລຂາຄະນະບໍລິຫານງານພັກ ກະຊວງການເງິນ, ທັງເປັນຫົວໜ້າອານຸກໍາມະການງົບປະມານ ຮັບໃຊ້ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ ໄດ້ໃຫ້ສໍາພາດຕໍ່ສື່ມວນຊົນ ໃນວັນທີ 13 ມັງກອນ 2021 ນີ້ວ່າ: ພາກສ່ວນຕ່າງໆທັງພາກລັດ ແລະ ເອກະຊົນ, ບຸກຄົນ, ນິຕິບຸກຄົນ, ການຈັດຕັ້ງ, ບໍລິສັດ, ກຸ່ມບໍລິສັດຕ່າງໆ ຈຳນວນ 26 ພາກສ່ວນ ໄດ້ແຈ້ງເຈດຈຳນົງໃນການປະກອບສ່ວນເປັນວັດຖຸ ແລະ ປັດໄຈ ເພື່ອຮັບໃຊ້ໃຫ້ແກ່ກອງປະຊຸມ. ມາຮອດປັດຈຸບັນ ໄດ້ປະກອບສ່ວນແລ້ວ 21 ພາກສ່ວນ ລວມຈຳນວນເງິນທັງໝົດ 14 ຕື້ກວ່າກີບ ແລະ ມອບເປັນວັດຖຸ ລວມມູນຄ່າ 240 ລ້ານກີບ ແລະ ບາງພາກສ່ວນ ຍັງຈະສືບຕໍ່ປະກອບສ່ວນຊຸກຍູ້ຕື່ມອີກ. ທ່ານ ບຸນໂຈມ ອຸບົນປະເສີດ ກ່າວຕື່ມວ່າ: ໃນນາມຕາງໜ້າໃຫ້ອານຸກໍາມາການເສດຖະກິດ, ອານຸກໍາມະການງົບປະມານ ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ ຂໍສະແດງຄວາມຂອບໃຈມາຍັງພາກສ່ວນຕ່າງໆ ທີ່ໄດ້ໃຫ້ການປະກອບສ່ວນຊຸກຍູ້ກອງປະຊຸມໃນຄັ້ງນີ້, ເຊິ່ງຈະເປັນການປະກອບ ສ່ວນເຮັດໃຫ້ກອງປະຊຸມ ...

ທ່າມກາງທີ່ປະເທດຊາດພວມຢືນຢູ່ຕໍ່ໜ້າຄວາມຫຍຸ້ງຍາກ ແລະ ສິ່ງທ້າທາຍອັນໃຫຍ່ຫລວງ, ສະຫາຍ ບຸນຍັງ ວໍລະຈິດ ເລຂາທິການໃຫຍ່ຄະນະບໍລິຫານງານສູນກາງພັກ ສະໄໝທີ X ໄດ້ເນັ້ນວ່າ: ພວກເຮົາຕ້ອງກໍາແໜ້ນ 5 ວຽກງານເລັ່ງທວງອັນຮີບດ່ວນແນໃສ່ເພື່ອຮັບປະກັນຕໍ່ການພັດທະນາປະເທດຊາດ ໃນຊຸມປີຕໍ່ໜ້າ. ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກປະຊາຊົນປະຕິວັດລາວ ທີ່ໄຂຂຶ້ນໃນວັນທີ 13 ມັງກອນ 2021, ສະຫາຍ ບຸນຍັງ ວໍລະຈິດ ເນັ້ນວ່າ:ບັນດາວຽກງານເລັ່ງທວງອັນຮີນດ່ວນປະກອບມີ: ຕ້ອງຖືເອົາການແກ້ໄຂຄວາມທຸກຍາກຂອງປະຊາຊົນ ເປັນໜ້າທີ່ຈຸດສຸມ,ເຊິ່ງອັນສໍາຄັນ ການແກ້ໄຂບັນຫາດັ່ງກ່າວ ຕ້ອງບົນພື້ນຖານການປຸກສະຕິຕື່ນຕົວເພິ່ງຕົນເອງ, ເປັນເຈົ້າຕົນເອງ ແລະບືນຕົວຂຶ້ນສ້າງຄວາມເຂັ້ມແຂງດ້ວຍຕົນເອງຂອງຄົນໃນຊາດ, ເດັດດ່ຽວຕີຖອຍແນວຄິດເອື່ອຍອີງຕໍ່ການຊ່ວຍເຫລືອ ແລະຄວາມບໍ່ເປັນເຈົ້າການບືນຕົວກ້າວຂຶ້ນດ້ວຍເຫື່ອແຮງ, ສະຕິປັນຍາຂອງຕົນ ທີ່ຍັງມີຢູ່ບໍ່ໜ້ອຍໃນຖັນແຖວສະມາ ຊິກພັກ-ພະນັກງານ ແລະປະຊາຊົນເຮົາ. ຕ້ອງແກ້ໄຂຈຸດອ່ອນ ແລະຂໍ້ຄົງຄ້າງໃນການພັດທະນາເສດຖະກິດ-ສັງຄົມ ທີ່ມີລັກສະນະຊໍ້າເຮື້ອໃນຜ່ານມາ ໂດຍເລີ່ມແຕ່ບັນຫາຈິນຕະນາການດ້ານທິດສະດີ, ຍົກລະດັບຄວາມສາມາດ ໃນການຮັບຮູ້ສະພາບການພາຍໃນ ແລະສາກົນ ຈົນເຖິງການຕັດສິນໃຈແກ້ບັນຫາດ້ານໂຄງສ້າງເສດຖະກິດ, ການປັບປຸງກົນໄກຄຸ້ມຄອງລັດ ໃນແຕ່ລະດ້ານ, ແກ້ບັນຫາຫຍໍ້ທໍ້ໃນພັກ ແລະໃນສັງຄົມ. ຍຸດທະສາດການພັດທະນາໃນອະນາຄົດຂອງປະເທດເຮົາ ຕ້ອງຕັ້ງຢູ່ບົນພື້ນຖານການນໍາໃຊ້ຜົນສໍາເລັດດ້ານວິທະຍາສາດ, ນະວັດຕະກໍາຢ່າງກວ້າງຂວາງ ໂດຍຕິດພັນກັບການພັດທະນາຊັບພະຍາກອນມະນຸດ ທີ່ມີຄຸນນະພາບສູງ ໂດຍສະເພາະໃນຂົງເຂດວິສະວະກໍາ. ດ້ວຍເຫດນັ້ນ, ມີຄວາມຈໍາເປັນຢ່າງຍິ່ງທີ່ຕ້ອງຫັນປ່ຽນຢ່າງແຂງແຮງ ຈາກສະພາວະທີ່ເປັນຢູ່ໃນປະຈຸບັນ ໂດຍຕິດພັນກັບການປັບປຸງບັນດາແຜນນະໂຍ ...