ຂ່າວ ຕ່າງປະເທດ

ວັນທີ 29 ມັງກອນ 2022 ເວັບໄຊຊິນຮົວລາຍງານວ່າ: ຫນ່ວຍງານຕໍ່ຕ້ານການສໍ້ລາດບັງຫລວງສູງສຸດຂອງຈີນປະກາດຜ່ານເວັບໄຊວ່າ: ໃນເດືອນທັນວາ 2021 ຈີນລົງໂທດເຈົ້າຫນ້າທີ່ 19,489 ຄົນ ຂໍ້ຫາລະເມີດກົດລະບຽບ 8 ປະການ ວ່າດ້ວຍການຍົກລະດັບການດໍາເນີນງານຂອງພັກ ແລະ ລັດຖະບານ.ຄໍາຖະແຫລງປະຈໍາເດືອນຈາກຄະນະກໍາມະການກວດສອບວິໄນ ສ່ວນກາງແຫ່ງພັກກອມມູນິດຈີນ (CCDI) ແລະ ຄະນະກໍາມະການກວດສອບແຫ່ງຊາດ ລະບຸວ່າ: ເຈົ້າຫນ້າທີ່ ທີ່ຖືກລົງໂທດມີສ່ວນກ່ຽວຂ້ອງໃນຄະດີການ ລະເມີດກົດຈໍານວນ 13,431 ຄະດີ ແລະ ມີເຈົ້າຫນ້າທີ່ໄດ້ຮັບໂທດທາງວິໄນ ຫລື ທາງປົກຄອງທີ່ກ່ຽວຂ້ອງກັບ ການຢຶດຖືລະບົບເຈົ້າຂຸນມຸນນາຍ, ການຢຶດຖືພິທີລີຕອງ ແລະ ພຶດຕິກໍາທີ່ມຸ່ງແຕ່ຄວາມສຸກສະບາຍ ຫລື ພຶດຕິ ກໍາທີ່ຟຸມເຟືອຍ ຈໍານວນ 13,806 ຄົນ.ປີ 2021 ມີເຈົ້າຫນ້າທີ່ລັດຖືກລົງໂທດຂໍ້ຫາລະເມີດກົດລະບຽບ 8 ປະການ ລວມ 150,362 ຄົນ ໂດຍກ່ຽວຂ້ອງ ກັບຄະດີຕ່າງໆ ລວມ 104,223 ຄະດີ ໃນຈໍານວນນີ້ ມີຜູ້ທີ່ໄດ້ຮັບໂທດທາງວິໄນ ຫລື ທາງປົກຄອງ 101,224 ຄົນ.່ ໃນໄລຍະຫລາຍປີຜ່ານມາ, ...

ປະຈຸບັນ ເຫັນໄດ້ວ່າ ຈຳນວນຜູ້ຕິດເຊື້ອໃນໄທ ແມ່ນມີປະມານ 7 ຫາ 9 ພັນຄົນ ຕໍ່ມື້, ແລະ ຜູ້ເສຍຊີວິດ ສະເລ່ຍແມ່ນພຽງແຕ່ 0.1% ເທົ່ານັ້ນ. ສະແດງວ່າ ປະຊາຊົນສ່ວນຫຼາຍ ມີພູມຕ້ານທານທີ່ເພິ່ມຂື້ນ ແລະ ໂຄວິດສາຍພັນທີ່ລະບາດໃນປະຈຸບັນ ທີ່ອາດຈະຕິດຕໍ່ໄວ ແຕ່ອາການແມ່ນບໍ່ຮຸນແຮງ.ທ່ານໝໍ ກຽດຕິພູມ ວົງຣະຈິດ นพ.เกียรติภูมิ วงศ์รจิต, ເລຂາທິການຂອງກະຊວງ​ສາທາລະນະ​ສຸກໄທ ຄາດການວ່າ ມີຄວາມເປັນໄປໄດ້ສູງທີ່ ກະຊວງສາທາລະນະສຸກຂອງໄທ ຈະປະກາດໃຫ້ ໂຄວິດ19 ເປັນພະຍາດປະຈຳຖິ່ນ ໂດຍອີງຕາມ 3 ຫລັກການດັ່ງນີ້:1. ຖ້າຜູ້ຕິດເຊື້ອກໍລະນີໃໝ່ມີບໍ່ເກີນ 10,000ຄົນ ຕໍ່ວັນ, ສາຍພັນທີ່ລະບາດຢູ່ແມ່ນສາຍພັນທີ່ບໍ່ຮຸນແຮງ ແລະ ມີຜູ້ເສຍຊີວິດໜ້ອຍ ແລະ ສາມາດປິ່ນປົວໃຫ້ຫາຍດີໄດ້.2. ປະຊາຊົນມີພູມຕ້ານທານຕໍ່ພະຍາດ ແລະ ອັດຕາສ່ວນການສັກວັກຊີນສູງຮອດ 80% (ປະຈຸບັນ ໄທມີຜູ້ສັກວັກຊີນຄົບໂດສແລ້ວ ປະມານ 75%)3.​ ມີລະບົບການປິ່ນປົວໂລກທີ່ມີປະສິດຕິພາບ ເຮັດໃຫ້ອັດຕາການເສຍຊີວິດຕຳ່ທ່ານໝໍຍັງອະທິບາຍວ່າ ກະຊວງສາທາຈະປະກາດໃນໄວໆນີ້ ໃຫ້ “ໂຄວິດ19 ເປັນພະຍາດປະຈຳຖິ່ນ ບໍ່ແມ່ນພະຍາດລະບາດອີກຕໍ່ໄປ” ໂດຍທີ່ບໍ່ຈຳເປັນຕ້ອງໄດ້ຮັບການຢັ້ງຢືນຈາກ WHO ...

ໃນວັນທີ 23 ມັງກອນ 2022 ວ່າ: ກະຊວງສາທາລະນະສຸກ ມາເລເຊຍ ເປີດເຜີຍວ່າ: ມາເລເຊຍ ຈະເປີດການເດີນທາງໄປ ສິງກະໂປ ແບບບໍ່ຕ້ອງກັກຕົວ ດ້ວຍການອະນຸຍາດໃຫ້ຈຳໜ່າຍປີ້ເດີນທາງພາຍໃຕ້ ໂຄງການຊ່ອງທາງຂອງຜູ້ທີ່ສັກວັກຊິນກັບ ສິງກະໂປ ອີກຄັ້ງ , ຫຼັງຈາກໂຄງການດັ່ງກ່າວຖືກໂຈະ ຈາກສະພາບການແພ່ລະບາດ ໂຄວິດ-19 ສາຍພັນ ໂອໄມຄຣອນ. ທ່ານ ໄຄຣີ ຈາມາລຸດດິນ, ລັດຖະມົນຕີ ກະຊວງສາທາລະນະສຸກ ຂອງມາເລເຊຍຖະແຫຼງວ່າ: ການກັບມາຈຳໜ່າຍປີ້ເດີນທາງ ເກີດຂຶ້ນຫຼັງຈາກການປະເມີນຄວາມສ່ຽງກ່ຽວກັບສະຖານະການ ແພ່ລະບາດ ໂຄວິດ-19 ຂອງທັງສອງປະເທດຮຽບຮ້ອຍແລ້ວ, ແຕ່ລະຝ່າຍຈະ ແບ່ງໂຄຕ້າປີ້ເດີນທາງກັນ ຝ່າຍລະເຄິ່ງ ສຳລັບການເດີນທາງດ້ວຍເຮືອບິນ ແລະ ການເດີນທາງ ຕາມເສັ້ນທາງບົກ. ສ່ວນການເພີ່ມໂຄຕ້າ ຂຶ້ນຢູ່ກັບການປະເມີນຄວາມສ່ຽງ ເປັນແຕ່ລະໄລຍະ ກ່ຽວກັບສະຖານະການ ແພ່ລະບາດ ໂຄວິດ-19 ພາຍໃນສອງປະເທດ.ຂໍ້ມູນ ປະຊາຊົນ

ກົມໃຫຍ່ພາສີ ຂອງຈີນ ເປີດເຜີຍໃນວັນທີ 25 ມັງກອນ 2022 ວ່າ: ມູນຄ່າການຄ້າຈີນ -ຣັດເຊຍ ໃນປີ 2021 ຢູ່ໃນລະດັບ 146,880 ລ້ານໂດລາ ເພີ່ມຂຶ້ນ 35.8% ເມື່ອທຽບໃສ່ ປີ 2020 ຖືວ່າ ສູງສຸດເປັນປະຫວັດການ. ນອກນີ້: ທ່ານ ວາລາດີເມຍ ປູຕິນ ປະທານາທິບໍດີ ຣັດເຊຍ ຈະພົບປະກັບ ທ່ານ ສີ ຈິ້ນຜີງ ປະທານປະເທດຈີນ ໃນຊ່ວງພິທີເປີດການແຂ່ງຂັນ ກີລາໂອລິມປິກ ລະດູໜາວ ທີ່ນະຄອນຫຼວງປັກກິ່ງ ເປັນເຈົ້າພາບ ໃນວັນທີ 4 ກຸມພາ ທີ່ຈະເຖິງນີ້ ອີກດ້ວຍ. ຄາດວ່າ ການພົບປະຂອງສອງ ຜູ້ນຳ ທ່ານ ວາລາດີເມຍ ປູຕິນ ແລະ ທ່ານ ສີ ຈິ້ນຜີງ ຈະມີການລົງນາມຂໍ້ຕົກລົງການຮ່ວມມື ທາງເສດຖະກິດ ແລະ ການເມືອງ ຫຼາຍສະບັບ ລວມທັງການລົງນາມສັນຍາຂັ້ນສຸດທ້າຍສຳລັບໂຄງການພະລັງງານ ແກັສທຳມະຊາດ ໄຊບີເຣຍ-2 ...

ວິທະຍຸກະຈາຍສຽງຫວຽດນາມລາຍງານວ່າ: ວັນທີ 24 ມັງກອນ ຜ່ານມາ, ກະຊວງວັດທະນະ ທຳ, ກິລາ ແລະ ທ່ອງທ່ຽວ ຫວຽດນາມ ໄດ້ຈັດກອງປະຊຸມສຳມະນາເປັນເອກະພາບ ປະຕິບັດບັນດາຂັ້ນຕອນ, ມາດຕະການແກ້ໄຂ ເພື່ອເປີດປະຕູການເຄື່ອນໄຫວຕ້ອນຮັບນັກທ່ອງທ່ຽວສາກົນ.ນັບມາຮອດວັນທີ 23 ມັງກອນ 2022 ແລ້ວ, ຫວຽດນາມ ໄດ້ຕ້ອນຮັບນັກທ່ອງທ່ຽວສາກົນຫຼາຍກວ່າ 8,500 ຄົນ ທີ່ເດີນທາງມາທ່ອງທ່ຽວຢູ່ 3 ທ້ອງຖິ່ນຄື: ຟູກວກ (ກຽນຢາງ), ແຄງຮວ່າ ແລະ ກວາງນາມ. ໃນປັດຈຸບັນ, ໄດ້ມີ ຫຼາຍບໍລິສັດທ່ອງທ່ຽວສາກົນ, ຫຼາຍໂຮງແຮມ ແລະ ຫົວໜ່ວຍຂົນສົ່ງ ທີ່ໄດ້ຈົດທະບຽນເຂົ້າຮ່ວມການຕ້ອນຮັບນັກທ່ອງທ່ຽວ.ທ່ານ ຫງວຽນວັນຮຸ່ງ ລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ໃຫ້ຮູ້ວ່າ: ດ້ວຍບັນດາເງື່ອນໄຂຂອງ ຫວຽດນາມ ໃນປັດຈຸບັນ, ທີ່ມີອັດຕາຜູ້ສັກວັກຊິນບັນລຸລະດັບສູງ ຢູ່ໃນ 10 ອັນດັບຂອງໂລກ ແລະ ແຜນນະໂຍບາຍຂອງນາຍົກລັດຖະມົນຕີກ່ຽວກັບບັ້ນສັກວັກຊິນເຂັມທີ 3 ໃຫ້ແກ່ປະຊາຊົນ. ນີ້ເປັນເງືອນໄຂສຳຄັນ ແລະ ໂອກາດທີ່ດີ ເພື່ອໃຫ້ພວກເຮົາພິຈາລະນາເປີດປະຕູການທ່ອງທ່ຽວຄືນໃໝ່. ...

ຄໍາວ່າ Libra ແມ່ນຄໍາເວົ້າທີ່ເຟສບຸກ ໃຊ້ສຳລັບ crypto ຂອງຕົນເອງ.ຫຼາຍຄົນໄດ້ຈິນຕະນາການວ່າຖ້າ Libra ເປັນຈິງ, ມັນຈະເຮັດໃຫ້ທຸກຄົນສາມາດໂອນເງິນໄປມາໄດ້ສະດວກ ແລະ ບໍ່ມີຂອບເຂດ.ແຕ່ມັນບໍ່ງ່າຍປານໃດ. Libra ໄດ້ຖືກປ່ຽນຊື່ເປັນ Diem, ແລະບໍ່ດົນມານີ້, ສື່ມວນຊົນ Bloomberg ລາຍງານວ່າ Meta (ເມື່ອກ່ອນແມ່ນບໍລິສັດ Facebook) ຈະຂາຍໂຄງການ “Diem”, ເຊິ່ງເອີ້ນວ່າ Libra, ສະກຸນເງິນດິຈິຕອນທີ່ຫມັ້ນຄົງຂອງຕົນ ແລະຈະຄືນເງິນໃຫ້ນັກລົງທຶນ. ພ້ອມທັງ ໄດ້ເວົ້າກັບທະນາຄານ ກ່ຽວກັບການຂາຍຊັບສິນທາງປັນຍາໃນໂຄງການ Diem.ສໍາລັບໂຄງການສະກຸນເງິນດິຈິຕອນ Diem, Meta ໄດ້ເລີ່ມຕົ້ນໃນ 2019 . ໂດຍ​ການ​ຮ່ວມ​ມື​ກັບ​ຫຼາຍ​ກ​່​ວາ 10 ອົງ​ການ​ຈັດ​ຕັ້ງ​ໃນເວລານັ້ນ, ຄວາມຄິດຂອງ Libra ແມ່ນເພື່ອເປັນເງິນທີ່ຫມັ້ນຄົງທີ່ຜູກມັດກັບເງິນໂດລາ, ເຊິ່ງ Meta ຫວັງວ່າ Libra ຈະກາຍເປັນສະກຸນເງິນຕົ້ນຕໍຂອງໂລກ. ແລະ​ ຈະເຂົ້າ​ມາ​ໃນ​ການ​ປະ​ຕິ​ວັດ​ທາງ​ດ້ານ​ການ​ເງິນ​ຂອງ​ໂລກ​ເຊັ່ນ​ດຽວ​ກັນ​.​ແຕ່​ໂຄງການ​ດັ່ງກ່າວ​ໄດ້​ປະ​ເຊີນ​ໜ້າ​ກັບ​ຄວາມ​ກົດ​ດັນ​ຈາກ​ລັດຖະບານ​ໃນ​ຫຼາຍ​ປະ​ເທດ, ຈົນ​ເຖິງ​ຈຸດ​ທີ່​ CEO Mark Zuckerberg ​ໄດ້​ໃຫ້​ຄຳ​ໝັ້ນ​ສັນຍາ​ຕໍ່​ສະພາ​ບໍລິການ​ການ​ເງິນ​ຂອງ​ສະຫະ​ປະຊາ​ຊາດ. ແລະ ເພື່ອຊີ້ແຈງກ່ຽວກັບ Libra ເຮັດໃຫ້ແກ່ກຸ່ມສະມາຊິກເລີ່ມຕົ້ນຖອນຕົວອອກຈາກໂຄງການ, ຈົນຮອດທ້າຍປີ 2020 ...

ຖືໄດ້ວ່າ ສສ. ຫວຽດນາມ ມີແຜນຍຸດທະສາດທີ່ໂດດເດັ່ນຫຼາຍ ໂດຍສະເພາະ ແຜນການຍົກລະດັບ ພາບລັກຂອງປະເທດຕໍ່ສັງຄົມໂລກ. ໂດຍການຍົກລະດັບຄຸນນະພາບການຜະລິດສິນຄ້າ ກໍ່ຄື ຍານພະຫານະຂອງບໍລິສັດ VINFAST ທີ່ມີເປົ້າໝາຍຜະລິດລົດທີ່ດີ, ດີທັງການອອກແບບ ແລະ ດີທັງຄຸນນະພາບຂອງການຜະລິດ. ເພາະທີ່ຜ່ານມາສັງຄົມໂລກ ຄິດແຕ່ວ່າສິນຄ້າ ທີ່ມາຈາກຫວຽດນາມແມ່ນລາຄາບໍ່ແພງ ແລະ ຄຸນນະພາບພໍໃຊ້ເທົ່ານັ້ນ. ໂດຍເປົ້າໝາຍຂອງຫວຽດນາມມີດັ່ງນີ້: 1. ໃນປີ 2022 ນີ້ ບໍລິສັດຜະລິດລົດຍົນທີ່ໃຊ້ພະລັງານໄຟຟ້າ VINFAST ຈະເປີດ​ຕົວ​ລົດ SUV ພ້ອມກັນ 5 ລຸ້ນ2. ໃນປີ 2024 ມີແຜນເປີດ​ໂຮງ​ງານການຜະລິດ ໃຫ້ໄດ້ 250,000 ຄັນຕໍ່ປີ 3. ພ້ອມເລັ່ງມື​ສ້າງ​ໂຮງ​ງານຜະລິດ​ຢູ່​ ປະເທດ ເຢຍ​ລະ​ມັນ 4. ປະຈຸບັນ ຄົນຫວຽດນາມະເອງແມ່ນໄດ້ ສັ່ງລົດແລ້ວ 25,000 ຄັນ.ຂໍ້ມູນ TNN

ບຣາຊິນ ເຕືອນໄພປະຊາຊົນ ຈາກເຫດການ ນຳ້ລົ້ນເຂື່ອນ ຕາມ​ຂ່າວ​ຈາກ ​ບຣາຊິນ,​ ວັນ​ທີ 12​ ມັງກອນ 2022, ເຂື່ອນ​ຄາຣິ​ໂອ​ຄາ (Carioca) ​ໃນ​ລັດມີ​ນັດ​ເຈ​ໄຣຊ (Minashjereich) ທາງ​ຕາ​ເວັນ​ອອກ​ສ່ຽງ​ໃຕ້ຂອງ​ບຣາຊິນ ຕ້ອງ​ຮອງ​ຮັບ​ນຳ້ຈາກ​ຝົນ​ທີ່​ຕົກ​ໜັກ​ ຢ່າງຕໍ່​ເນື່ອງ ເມື່ອຫລາຍ​ອາທິດ​ຜ່ານ​ມາ​ເຮັດ​ໃຫ້​ ເກີດ​ນຳ້ຖ້ວມໃນ​ພື້ນ​ທີ່​ມາ​ດົນ ຈົນ​ເຖິງຂະນະ​ນີ້ລະດັບ​ນຳ້ຍັງ​ເພີ່ມ​ສູງ​ຂຶ້ນ ​ເຮັດ​ໃຫ້​ທາງ​ການຕ້ອງ​ປະ​ກາດເຕືອນ​ໄພ​ ປະຊາຊົນທີ່ຢູ່​ທ້າຍ​ເຂື່ອນທີ່​ຜະ​ເຊີນອຸ​ທົກ​ກະ​ໄພ​ຄັ້ງ​ໃຫຍ່​ ເປັນເວລາດົນນານ ​ແລະ​ ມີຄວາມສ່ຽງຕໍ່ສະຖານະ​ການດັ່ງກ່າວ ​​ຈະເພີ່ມ​ຄວາມ​ຮຸນ​ແຮງ​ຂຶ້ນຖ້າ​ເຂື່ອນ​ແຕກ. ປັດຈຸບັນ ນອກຈາກ ນຳ້ຖ້ວມ​ແລ້ວຍັງ​ເກີດຜົນ​ກະທົບ​ຈາກ​ສະພາບ​ດິນ​ຟ້າອາກາດ ​ທີ່​ບໍ່​ດີ​ສ້າງ​ຄວາມ​ເສຍ​ຫາຍຕໍ່​ເສັ້ນທາງ ​ແລະ ​ເກີດ​ດິນ​ເຈື່ອນ​ໃກ້​ນຳ້ຕົກແຫ່ງ​ໜຶ່ງ ​ເຮັດ​ໃຫ້​ມີ​ຜູ້​ເສຍ​ຊີວິດ 10 ຄົນແລ້ວ.ຂໍ້ມູນ ຂປລ.

ຕາມແຫລ່ງຂ່າວ ຊິນຮວາຂອງ ຈີນ ລາຍງານວ່າ, ກະຊວງ ບໍລິຫານ ການຈັດການພື້ນທີ່ ການວາງແຜນ ແລະ ການກໍ່ສ້າງ ຂອງ ກຳປູເຈຍ ໄດ້ເປີດເຜີຍທຸລະກິດກໍ່ສ້າງຂອງ ກຳປູເຈຍ ສາມາດດຶງດູດການລົງທຶນລວມທັງໝົດປະມານ 5.33 ຕື້ໂດລາ ໃນປີ 2021, ຫລຸດລົງ 31% ເມື່ອທຽບໃສ່ປີຕໍ່ປີ. ກຳປູເຈຍ ອອກໃບອະນຸຍາດໃຫ້ແກ່ໂຄງການກໍ່ສ້າງຈຳນວນ 4,303 ໂຄງການ ໃນປີ 2021 ໂດຍມີ ຈີນ, ສ.ເກົາຫລີ ແລະ ຍີ່ປຸ່ນ ໄດ້ຄອງຕຳແໜ່ງ ຜູ້ລົງທຶນ ຕ່າງປະເທດ ອັນດັບຕົ້ນໃນພາກທຸລະກິດກໍ່ສ້າງ ແລະ ອະສັງຫາລິມະຊັບຂອງປະເທດ. ປັດຈຸບັນກຳປູເຈຍມີອາຄານສູງ (ລະຫວ່າງ 5-40 ຊັ້ນ) ຈຳນວນ 2,392 ຫລັງ, ພື້ນທີ່ ຢູ່ອາໄສໃໝ່ 474 ແຫ່ງ, ໂຮງແຮມ 1,053 ຫລັງ ແລະ ອື່ນໆອີກຫຼວງຫຼາຍ. ຂໍ້ມູນ ຂປລ.

ຫົວໜ້າກົມຄວບຄຸມພະຍາດຕິດຕໍ່ ແຈ້ງຂ່າວດີ ກ່ຽວກັບຢາປົວພະຍາດໂຄວິດ-19 ທີ່ ສປປ ລາວ ແລະ ສປ ຈີນ ສາມາດຜະລິດໄດ້ແລ້ວ “ໂມລາໂກເວຍ” ວິທີການໃຊ້ “ໂມລາໂກເວຍ” ທ່ານ ດຣ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ສະເໜີໃນວັນທີ 6 ມັງກອນ 2022 ວ່າ:ໃຫ້ທຸກພາກສ່ວນຮ່ວມມື ເອົາໃຈໃສ່ ແລະ ໃຫ້ມີຄວາມເຄັ່ງຄັດ ໃນການຊີ້ນຳການຈັດຕັ້ງປະຕິບັດ ມາດຕະການປ້ອງກັນການຕິດເຊື້ອພະຍາດໂຄວິດ-19 ໃນໄລຍະບຸນປະເພນີຂອງຫລາຍຊົນເຜົ່າ ແລະ ພ້ອມນີ້ກໍແຈ້ງຂ່າວດີໃຫ້ສັງຄົມລາວຮູ້: ສປປ ລາວ ເຮົາສາມາດຜະລິດໄດ້ແລ້ວ “ໂມລາໂກເວຍ”: ຢາປິ່ນປົວດັ່ງກ່າວ ແມ່ນມີຄວາມສຳຄັນຫຼາຍ, ຈະນຳໃຊ້ຢ່າງມີປະສິດທິພາບ ເພຶ່ອຫຼຸດຜ່ອນອາການຂອງຜູ້ຕິດເຊື້ອ ທີ່ມີອາການຮຸນແຮງ ແລະ ຫຼຸດຜ່ອນໂອກາດການເສຍຊີວິດຂອງຜູ້ປ່ວຍໄດ້.ຂ່າວດີອີກຢ່າງຫນຶ່ງໃນບໍ່ດົນມານີ້, ສປ ຈີນ ກໍ່ໄດ້ຄົ້ນພົບ ແລະ ທົດລອງນໍາໃຊ້ຢາປິ່ນປົວພະຍາດໂຄວິດ-19 ທີ່ສາມາດລະງັບ ແລະ ປິ່ນປົວຜູ້ທີ່ຕິດເຊື້ອຈາກສາຍພັນ ໂອມິຄຣອນ ໄດ້ ສະນັ້ນຖືວ່າການຄົ້ນຄວ້າໃນຄັ້ງນີ້ອາດຈະເປັນຂ່າວດີ ທີ່ພວກເຮົາຈະສາມາດ ລະງັບ ແລະ ຄວບຄຸມ ສະພາບການລະບາດໄດ້ ແຕ່ທັງນີ້ກໍຕ້ອງຄຽງຄູ່ໄປກັບການເລັ່ງສັກຢາວັກຊີນໃຫ້ຫລາຍຂຶ້ນຕາມເປົ້າຫມາຍ.ຂໍ້ມູນ ລາວພັດທະນາ.