ຂ່າວ ຕ່າງປະເທດ

ສຳນັກຂ່າວຕ່າງປະເທດລາຍງານ ເມື່ອວັນທີ່ 10 ພຶດສະພາ 2020 ວ່າ ສູນຕອບໂຕ້ເຊື້ອໄວຣັດໂຄ-19 ຂອງຣັດເຊຍ ອອກລາຍງານເມື່ອວັນອາທິດ ກ່ຽວກັບສະຖານະການພະຍາດໂຄວິດ-19 ໃນປະເທດວ່າມີການຢືນຢັນຜູ້ຕິດເຊື້ອລາຍໃຫ່ມອີກ 11,012 ຄົນ ເພີ່ມສະຖິຕິຜູ້ປ່ວຍສະສົມເປັນຢ່າງນ້ອຍ 209,688 ຄົນ ທັງນີ້ ຣັດເຊຍລາຍງານການພົບຜູ້ຕິດພະຍາດໂຄວິດ-19 ເພີ່ມຂື້ນຫລາຍກວ່າວັນລະ 10,000 ຄົນ ຕັ້ງແຕ່ວັນທີ່ 3 ພຶດສະພາທີ່ຜ່ານມາ ຂະນະທີ່ຈຳນວນຜູ້ໄດ້ຮັບການປິ່ນປົວຫາຍດີສະສົມເພີ່ມເປັນຢ່າງນ້ອຍ 34,306 ຄົນ ດ້ານຈຳນວນຜູ້ເສຍຊີວິດເພີ່ມເປັນຢ່າງນ້ອຍ 1,915 ຄົນ ເພີ່ມຂື້ນ 88 ຄົນ ທັງນີ້ ພື້ນທີ່ວິກິດທີ່ສຸດຂອງໂລກໂຄວິດ-19 ໃນຣັດເຊຍ ຄືນະຄອນມອສໂກ ມີຜູ້ປ່ວຍສະສົມຢ່າງນ້ອຍ 104,189 ຄົນ ຮັກສາຫາຍຢ່າງນ້ອຍ 12,779 ຄົນ ແຕ່ເສຍຊີວິດແລ້ວ 1,010 ຄົນ ທັງນີ້ ທ່ານເຊີຣເກ ຊອບຍານິນ ນາຍົກນະຄອນມອສໂກ ກ່າວວ່າ ການຂະຫຍາຍໄລຍະເວລາມາດຕະການລ໊ອກດາວໃນເມືອງຫຼວງຂອງຣັດເຊຍ ຊື່ງມີຜົນຕັ້ງແຕ່ວັນທີ່ 30 ມີນາ ທີ່ຜ່ານມາ ໃຫ້ຄອບຄຸມຕໍ່ໄປເຖິງວັນທີ 31 ພຶດສະພານີ້ ຢ່າງໃດກໍຕາມໂຮງງານອຸດສະຫະກຳຂະຫນາດໃຫ່ຍ ...

ທ່ານ ກຽງໄຊ ບຸນໂພອະພິຊາດ ປະທານເຈົ້າໜ້າທີ່ຝ່າຍການເງິນ ບໍລິສັດ ຊີພີ ອໍ ຈໍາກັດ ມະຫາຊົນ ຫຼື CP All ແຈ້ງຕະຫຼາດຫຼັກຊັບວ່າ CP All (Cambodia) ,Ltd. ເຊິ່ງເປັນບໍລິສັດຍ່ອຍ ໄດ້ເຮັດສັນຍາແຟຣນຊາຍຫຼັກສໍາລັບດຳເນີນການຮ້ານ 7-Eleven ໃນປະເທດກໍາປູເຈຍກັບ 7-Eleven,Inc. ເປັນທີ່ຮຽບຮ້ອຍແລ້ວ. ໂດຍ CP All (Cambodia) Co.,Ltd. ໄດ້ຮັບສິດແຟຣນຊາຍໃນການຈັດຕັ້ງ ແລະ ດຳເນີນການຮ້ານ 7Eleven ໃນປະເທດກຳປູເຈຍເປັນເວລາ 30 ປີ ແລະ ຄູ່ສັນຍາອາດຕົກລົງຕໍ່ອາຍຸສັນຍາໄດ້ອີກ 2 ຄັ້ງ ຄັ້ງລະ 20 ປີ. ນອກຈາກນີ້ CP All ຍັງຢູ່ລະຫວ່າງຂໍໃບອະນຸຍາດເປີດແຟຣນຊາຍຮ້ານ 7-Eleven ໃນ ສປປ.ລາວ ເພີ່ມອີກ 1 ປະເທດ ແລະ ຫາກ CP All ໄດຮັບອະນຸຍາດ ຈະເຮັດໃຫ້ ສປປ.ລາວ ກາຍເປັນປະເທດທີ ...

ຈີນເລີ່ມທົດລອງໃຊ້ເງິນດິຈິຕ໋ອລຢວນ ທີ່ພັດທະນາຂຶ້ນເອງ ແລະ ນັບເປັນປະເທດທໍາອິດທີ່ໃຊ້ເງິນສະກຸນດິຈິຕ໋ອລໃນລະບົບການເງິນໃນຕົວຈິງ ດ້ານຂະໜາດເສດຖະກິດ, ການຄ້າ, ການລົງທຶນ, ເຕັກໂນໂລຍີ, ການທະຫານ, ການເມືອງ ຈີນໄດ້ຍົກສູງບົດບາດຂອງຕົນທຽບທັນອາເມລິການແລ້ວ, ບາງດ້ານກໍພັດທະນາກວ່າ ແລະ  ບາງດ້ານກໍຫຼຸດລື່ນກັນໜ້ອຍໜຶ່ງ.  ແຕ່ວ່າ ດ້ານສະກຸນເງິນນັ້ນ,  ເງິນຢວນແມ່ນ ກວມບໍ່ຮອດ 2% ຂອງການຊໍາລະສະສາງຕ່າງໆໃນໂລກ.  ສະນັ້ນ, ເງິນດີຈິຕ໋ອລຂອງ ສປ ຈີນ ທີ່ກຳລັງພັດທະນານີ້ ຈຶ່ງເປັນໄມ້ຕາຍທີ່ຈີນຕ້ອງນໍາມາໃຊ້ ເພື່ອສູ້ຕໍ່ກອນກັບເງິນໂດລາ. ທາງອາເມລິກາເອງກໍຢາກສ້າງ ລີບຣາ ມາຕໍ່ກອນເຊັ່ນກັນ… ສົງຄາມເສດຖະກິດໃນຍຸກໃໝ່ແມ່ນການແຂ່ງຂັນດ້ານການພັດທະນາເຕັກໂນໂລຍີ ການນຳໃຊ້ສະກຸນສຳລັບຊຳລະສະສາງໃນໂລກແມ່ນ  USD 42.22% , Euro 31.69%,  Pond 6.96%,  Yen 3.46%,  RMB 1.94% (ສະຖິຕິໃນປີ 2019 ອ້າງອີງຈາກ Swift) ສຳນັກຂ່າວ Chaina Daily  ລາຍງານວ່າຈີນເລີ່ມທົດລອງໃຊ້ເງິນດີຈີຕ໋ອລຢວນທີ່ພັດທະນາຂຶ້ນເອງກັບລະບົບການເງິນແທ້ໃນຕົວຈິງ ນັບວ່າເປັນປະເທດທຳອິດທີ່ເລີ່ມທົດລອງໃຊ້ໂດຍມີຈຸດປະສົງເພື່ອເປັນທາງເລືອກ ໃຫ້ແກ່ນັກລົງທຶນ ແລະ ນັກທຸລະກິດ ນອກຈາກການໃຊ້ເງິນໂດລາ ທີ່ເປັນສະກຸນເງິນຫຼັກຂອງໂລກ. ເງິນດິຈິຕ໋ອລຢວນ ໄດ້ ຖືກນຳໄປທົດລອງໃຊ້ຢ່າງເປັນທາງການໃນລະບົບການເງິນຂອງ4 ເມືອງຂອງຈີນແລ້ວ ຄື: ເຊິນເຈິ້ນ, ...

ທີມນັກວິໄຈ 2 ກຸ່ມ ຄືປະເທດເນເທີແລນ ແລະ ປະເທດ ອິດສະລາເອວ ອ້າງພວກເຂົາຄົ້ນພົບສານພູມຕ້ານທານ ທີ່ປ້ອງກັນການຕິດເຊື້ອໄວຣັດໂຄວິດ-19 ສຳເລັດ ເຊິ່ງເປັນບາດກ້າວສຳຄັນໃນການພັດທະນາວິທີຮັກສາພະຍາດເຊື້ອໄວຣັດໂຄວິດ-19 ສຳນັກຂ່າວ  the guardian  ລາຍງານວ່າ ທີມນັກວິທະຍາສາດເນເທີແລນ ລະບຸວ່າ ພວກເຂົາຄົ້ນພົບສານພູມຕ້ານທານ ຫຼື ແອນຕິ້ບໍດີ້ (antibody) ທີ່ສາມາດຢຸດຢັ້ງບໍ່ໃຫ້ໄວຣັດໂຄວິດ-19  ຕິດຕໍ່ກັບເຊວໄດ້ໃນການທົດລອງໃນຫ້ອງແລັບ.  ສ່ວນ ກະຊວງປ້ອງກັນຊາດຂອງປະເທດອິດສະລະເອວ ປະກາດວ່າ : ສູນວິໄຈຂອງລັດ ແມ່ນໄດ້ສານພູມຕ້ານທານທີ່ສາມາດຕໍ່ຕ້ານໄວຣັດໂຄວິດໃນຮ່າງກາຍໄດ້. ຜົນການວິໄຈຂອງເນເທີແລນ ຖືກເຜີຍແຜ່ໃນວາລະສານ ‘Nature Communications’ ໃນວັນຈັນ ທີ 4 ພຶດສະພາ ທີ່ຜ່ານມາວ່າ ທີມນັກວິໄຈຈາກມະຫາວິທະຍາໄລ ອູເທຣຕ໌ ແລະ ສູນການແພດ ເອຮາສມັນ ໃນເມືອງຮອຕເທີດາມ ສີດແທ່ງໂປຣຕີນ ທີ່ຍື່ນອອກມາຈາກເຍື່ອຫຸ້ມຂອງໄວຣັດໂຄວິ-19 ສາຍພັນຕ່າງໆ ລວມທັງຕົວທີ່ກໍໃຫ້ເກີດພະຍາດ  SARS ແລະ MERS ເພື່ອຍືດເກາະກັບເຊວ ເຂົ້າໄປໃນໂຕໜູທົດລອງເພື່ອໃຫ້ຕິດຕໍ່ກັບເຊວ ຂະບວນການດັ່ງກ່າວເປັນການສ້າງພູມຕ້ານທານ ເຮັດໃຫ້ເຊວສາມາດຜະລິດສານພູມຕ້ານທານອອກມາຕໍຕ້ານໄວຣັດ ເຊິ່ງນັກວິໄຈໄດ້ນຳເອົາມາເຮັດໃຫ້ບໍລິສຸດແລ້ວນຳໄປໃຊ້ຕ້ານໄວຣັດໂຄວິດ-19 ແລະ ໄວຣັດພະຍາດ ຊາສ໌ ແລະ ພົບແອນຕີ້ບໍດີ້ຊື່ວ່າ‘47D11’  ສາມາດຢຸດຢັ້ງໄວຣັດທັງ 2 ສາຍພັນ ບໍ່ໃຫ້ແທ່ງໂປຣຕີນຍືດເກາະກັບເຊວໄດ້. ...

ເກືອບ 40 ປະເທດທົ່ວໂລກ ປະກາດບໍລິຈາກເງິນຫຼາຍກວ່າ 8 ພັນລ້ານໂດລາສະຫະລັດ ເພື່ອໃຊ້ໃນການພັດທະນາວັກຊີນ ແລະ ວິໄຈດ້ານຕ່າງໆ ເພື່ອຕໍ່ສູ້ກັບເຊື້ອໄວຣັດໂຄວິດ-19 ສຳນັກຂ່າວຕ່າງປະເທດລາຍງານວ່າ ຜູ້ນຳຫຼາຍກວ່າ 40 ປະເທດທົ່ວໂລກ ລວມທັງຜູ້ບໍລິຈາກຕ່າງໆ ຮ່ວມປະຊຸມສຸດຍອດຜ່ານທາງອອນໄລ໌ ເຊິ່ງສະຫະພາບເອີຣົບ ເປັນເຈົ້າພາບຮ່ວມກັບນານາປະເທດ ໃນວັນຈັນ 4 ພຶດສະພາ 2020 ທີ່ຜ່ານມາ ໂດຍໃຫ້ຄຳໝັ້ນວ່າຈະບໍລິຈາກເງິນ ຫຼາຍກວ່າ 8 ພັນລ້ານໂດລາສະຫະ ເພື່ອໃຊ້ໃນການພັດທະນາວັກຊີນ ແລະ ວິໄຈດ້ານການວິນິໄສ ແລະ ການຮັກສາພະຍາດເຊື້ອໄວຣັດໂຄວິດ-19 ທ່ານ ນາງ ເອີຊູລາ ວອນ ເລເຍິນ ປະທານຄະນະກຳມະທິການເອີຣົບ ກ່າວວ່າ ເງິນຈຳນວນດັ່ງກ່າວຈະຖືກນຳໄປໃຊ້ເພື່ອຊ່ວຍເລີ່ມປະຕິບັດການຮ່ວມມືລະດັບໂລກແບບທີ່ບໍ່ເຄີຍເກີດຂຶ້ນມາກ່ອນ ແລະ ຍັງເປັນການສະແດງເຖິງຄຸນຄ່າທີ່ແທ້ຈິງຂອງຄວາມສາມັກຄີ ແລະ ຄວາມເປັນມະນຸດ ຂອງຊາວໂລກ ໃນການປະຊຸມດັ່ງກ່າວ ມີຫຼາຍກວ່າ 30 ປະເທດ ລວມທັງໜ່ວຍງານສະຫະປະຊາຊາດ ແລະ ສະຖາບັນວິໄຈຕ່າງໆ ຕັດສິນໃຈບໍລິຈາກເງິນ, ໂດຍຄະນະກຳມາທິການເອີຣົບ ກັບ ນໍເວ ສົມທົບທຶນມາຫຼາຍທີ່ສຸດ ເຖິງ 1 ພັນລ້ານໂດລາສະຫະລັດ, ...

ຈາກກະຊວງສຶກສາ ກ່ຽວກັບການເປີດຮຽນຄືນໃຫມ່ ຂອງແຕ່ລະປີຮຽນ ຊັ້ນຮຽນ ແບບລະອຽດ !!! ໃຫ້ກະກຽມເປີດການຮຽນ-ການສອນໃນໂຮງຮຽນຄືນສຳລັບຊັ້ນປະຖົມ ຊັ້ນ ປ5,  ຊັ້ນມັດທະຍົມສຶກສາ ມ 4 ແລະ ຊັ້ນມັດທະຍົມສຶກສາ ມ7 ແມ່ນໃຫ້ເປີດ ວັນທີ 18 ພຶດສະພາ. ສ່ວນ ການສຶກສາ ລະດັບອື່ນໆ ແມ່ນໃຫ້ໂຈະການຮຽນ ສືບຕໍ່ອອກໄປກ່ອນ ແບບບໍ່ມີກໍາໜົດ, ຈົນກ່ວາ ຈະມີແຈ້ງການ ເພີ່ມຕື່ມ !!!

ສຳນັກຂ່າວຕ່າງປະເທດລາຍງານເມື່ອວັນທີ 2 ພຶດສະພາ 2020, ນະໂຍບາຍຫຼ້າສຸດ ຈາກລັດຖະບານນິວຊີແລນເພື່ອຊ່ວຍຜູ້ປະກອບການທຸລະກິດຂະຫນາດກາງ ແລະຂະຫນາດນ້ອຍທີ່ມີພະນັກງານບໍ່ເກີນ 50 ຄົນ ທີ່ອອກມາໃນວັນທີ່ 1 ພຶດສະພາທີ່ຜ່ານມານັ້ນ ຈະຄວບຄຸມຄ່າໃຊ້ຈ່າຍຂອງບໍລິສັດລວມເຖິງຄ່າຈ້າງພະນັກງານສູງສຸດເປັນເງິນ 100,000 ໂດລານິວຊີແລນ ຫຼື ຄິດເປັນເງີນເກືອບ 20.000 ໂດລາສະຫະລັດ ໂດຍປາສະຈາກດອກເບ້ຍເງີນກູ້ໃນໄລຍະປີທຳອິດ ແກຣນ ໂຣເບິຣຕສັນ ລັດຖະມົນຕີວ່າການກະຊວງການເງິນ (ministry of revenue) ທີ່ຮັບຜິດຊອບເລື່ອງງົບປະມານຂອງລັດຖະບານນິວຊີແລນຊີ້ວ່າ ເປັນເລື່ອງຊັດເຈນແລ້ວວ່າເງີນຊ່ວຍເຫລືອກ່ອນຫນ້ານີ້ທີ່ມອບໃຫ້ກັບເອສເອັມອີຜ່ານທະນາຄານເອກະຊົນບໍ່ພຽງພໍຕໍ່ຄວາມຕ້ອງການ ຈື່ງເປັນເຫດຜົນທີ່ລັດຖະບານຕັ້ງໂຄງການດັງກ່າວຂື້ນມາສະຫນັບສະຫນູນເພີ່ມເຕີມ ທ່ານແກຣນ ອະທິບາຍເງື່ອນໄຂເງີນກູ້ດັງກ່າວວ່າ ເອສເອັມອີຈະໄດ້ຮັບເງີນ 10,000 ດອລລານິວຊີແລນ ຫລືປະມານເກືອບ 2,000 ໂດລາສະຫະລັດ ສຳລັບຄ່າໃຊ້ຈ່າຍຂອງບໍລິສັດແລະຈະໄດ້ຮັບເງີນຄ່າຈ້າງພະນັກງານເພີ່ມລາຍລະ 1,800 ດອລລານິວຊີແລນ ໂດຍເງີນກູ້ນີ້ຈະປອດດອກເບ້ຍໃນຊ່ວງປີທຳອິດ ແລະຈະມີອັດຕາດອກເບ້ຍ 3 %ຕໍ່ປີ ດ້ວຍສັນຍາສູງສຸດ 5 ປີ ນອກຈາກນີ້ ລັດຖະບານຍັງຊ່ວຍໃຫ້ທຸລະກິດບໍ່ຕ້ອງຊຳລະເງີນຄືນໃນຊ່ວງ 2 ປີທຳອິດດ້ວຍ ດ້ານທ່ານຮອນ ສະຈ໊ວດ ນາຊ ລັດຖະມົນຕີວ່າການກະຊວງການຈັດເກັບພາສີ (ministry of revenue) ຊີ້ວ່າ ດ້ວຍມາດຕະການລະດັບ ...

ລັດຖະບານຣັດເຊຍ ລາຍງານການພົບຜູ້ຕິດເຊື້ອໄວຣັດໂຄວິດ-19 ລາຍໃໝ່ພາຍໃນມື້ດຽວ  10.633 ຄົນ ຖືເປັນສະຖິຕິລາຍວັນສູງທີ່ສຸດ ສຳນັກຂ່າວຕ່າງປະເທດລາຍງານຈາກນະຄອນຫຼວງມອດສ໌ໂກ ປະເທດຣັດເຊຍ ໃນວັນທີິ 3 ພຶດສະພາ 2020 ວ່າ ສູນຕອບສະໜອງວິກິດເຊື້ອໄວຣັດໂຄວິດ-19 ຂອງຣັດເຊຍ ລາຍງານໃນວັນອາທິດ ກ່ຽວກັບສະຖານະການເຊື້ອໄວຣັດໂຄວິດ-19 ໃນປະເທດ ວ່າມີການຢືນຢັນຄົນເຈັບຕິດເຊື້ອໃໝ່ອີກ 10.633 ຄົນໃນຮອບ 24 ຊົ່ວໂມງຜ່ານມາ ຖືເປັນສະຖິຕິຜູ້ປ່ວຍລາຍວັນສູງທີ່ສຸດ ແລະ ເພີ່ມຈຳນວນຜູ້ປ່ວຍສະສົມໃນປະເທດ ລວມເປັນ 134.687 ຄົນ ແລະ ປິ່ນປົວຫາຍດີແລ້ວ 16.693 ຄົນ. ແລະ ໃນຮອບ 24 ຊົ່ວໂມງຜ່ານມາຢືນຢັນຜູ້ເສຍຊີວິດເພີ່ມ 58 ຄົນ ສະຖິຕິຜູ້ເສຍຊີວິດສະສົມຈາກໂຄວິດ-19 ໃນຣັດເຊຍຢ່າງໜ້ອຍ 1.280 ຄົນ ເຖິງວ່າອັດຕາການເສຍຊີວິດຈາກໂຄວິດ-19 ໃນຣັດເຊຍ ຍັງຕໍ່າກວ່າໃນສະຫະລັດອາເມລິກາ ແລະ ອີກຫຼາຍປະເທດໃນທະວີບເອີຣົບ ບໍ່ວ່າຈະເປັນອີຕາລີ, ສະເປນ ແຕ່ການພົບຜູ້ຕິດເຊື້ອລາຍວັນຂອງລັດເຊຍເພີ່ມເປັນຈຳນວນຫຼາຍຢ່າງຕໍ່ເນື່ອງຕັ້ງແຕ່ອາທິດກ່ອນ. ສຳລັບ, ປະທານາທິບໍດີ ລາດິເມຍ ປູຕິນ ກໍຂະຫຍາຍເວລາມາດຕະການລ໋ອກດາວໃນຣັດເຊຍ ມີຜົນຕັ້ງແຕ່ທ້າpເດືອນ ມີນາ ທີ່ຜ່ານມາ ຈົນຮອດວັນທີ ...

ວັນທີ 1 ພຶດສະພາ 2020  The Australian  ລາຍງານວ່າ ທີມນັກວິໄຈ ມະຫາວິທະຍາໄລຄວິນແລນ ໄດ້ເປີດເຜີຍວ່າ ທາງທີມວິໄຈ ຈະສາມາດເລີ່ມທົດລອງວັກຊີນໃນຄົນໃຫ້ໄດ້ໄວທີ່ສຸດ ໃນເດືອນກັນຍານີ້.   ທ່ານ ດຣ ເທຣນ ມຸນໂຣ ຫົວໜ້າທີມວິໄຈກ່າວ່າ ” ການຜະລິດວັກຊີນອອກມາໃຫ້ທັນໃນເດືອນກັນຍາ (9) ຄືເປົ້າໝາຍຂອງພວກເຮົາ ເຊິ່ງເປັນເປົ້າໝາຍທີ່ສູງ ແລະ ຈະສູ້ຊົນທີ່ສຸດ ແລະ ຂ້ອຍຄິດວ່າ ມັນມີຄວາມເປັນໄປໄດ້ຖ້າທຸກຢ່າງດຳເນີນໄປຕາມແຜນທີ່ວາງໄວ” ໂດຍທາງມະຫາວິທະນາໄບ ຄວີນແລນ ໄດ້ໃຊ້ເຕັກໂນໂລຊີ ການຫນີບໃນລະດັບໂມເລກູນ (molecular clamp) ເຊິ່ງໄດ້ຮັບສິດທິບັດແລ້ວ ໂດຍວັກຊີນນີ້ຖືກນຳໃຊ້ໄປທົດສອບກັບ ໜູ ແລ້ວໃນບໍ່ດົນມານີ້ ແລະ ພົບວ່າ ສາມາດກະຕຸ້ນແອນຕີ້ບໍດີ້ ທີ່ຈຳເປັນຕໍ່ການໂຈມຕີຂອງໄວຣັດໂຄວິດ-19  ດ້ານ ທ່ານ ຄີທ ແຊບເພີນ ຫົວໜ້າໂຄງການຮ່ວມມືຂອງມະຫາວິທະຍາໄລຄວີນແລນກ່າວວ່າ ” ເວໂຣຄຣີນິກ ເອັກຊ໌ພລອຣ໌ ກຳລັງກວດສອບເພີ່ມຕື່ມກ່ຽວກັບຄວາມສາມາດຂອງວັກຊີນໃນການປ້ອງກັນໄວຣັດທີ່ມີຊີວິດໃນການທົດລອງກັບສັດຕົ້ນແບບຫຼາຍຊະນິດ ເຊິ່ງຄວາມຄືບໜ້ານີ້ ອາດຈະບໍ່ເກີດຂຶ້ນໄດ້ຕາມແຜນເວລາທີ່ກຳນົດໄດ້ ແລະ ຄວາມສາມາດທີ່ມີໃນອົດສະຕຣາລີ ຖ້າຫາກປາສະຈາກຄວາມຮ່ວມມືຄັ້ງນີ້” ສາສະດາຈານ Kanta Subbarao ຈາກສະຖາບັນ(Doherty Institute) ...

ສຳນັກຂ່າວຕ່າງປະເທດລາຍງານຈາກນະຄອນຫຼວງກົວລາລຳເປີ ປະເທດມາເລເຊຍ ວັນສຸກ ທີ 1 ພຶດສະພາ ວ່າ ກະຊວງສາທາລະນະສຸກມາເລເຊຍລາຍງານສະພາບການຂອງໂຄວິດ-19 ວ່າ ກວດພົບຜູ້ຕິດເຊື້ອໃໝ່ 57 ຄົນ ໃນຮອບ 1 ວັນ ຈົນຮອດຕອນແລງວັນພະຫັດ ຜ່ານມາ ແບ່ງເປັນ 32 ຄົນ ຕິດເຊື້ອພາຍໃນ ແລະ ອີກ 25 ຄົນ ເດີນທາງມາຈາກຕ່າງປະເທດ ເພິ່ມສິຖິຕິຜູ້ປ່ວຍສະສົມໃນປະເທດ ຢ່າງໜ້ອຍ 6.002 ຄົນ. ຂະນະທີ່ ໃນຮອບວັນດຽວກັນ ມີຜູ້ປິ່ນປົວເຊົາອີກ 84 ຄົນ ແລະ ໄດ້ອະນຸຍາດໃຫ້ອອກຈາກໂຮງໝໍ ເພິ່ມຈຳນວນປິ່ນປົວເປັນ 4.171 ຄົນ ທຽບເປັນອັດຕາການປິ່ວປົວເຊົາແລ້ວປະມານ 69,5%. ຢ່າງໃດກໍ່ຕາມ, ຍັງມີການຢືນຢັນຜູ້ເສຍຊີວິດອີກ 2 ຄົນ ເພິ່ມຈຳນວນຜູ້ເສຍຊີວິດໃນມາເລເຊຍຢ່າງໜ້ອຍ 102 ຄົນ. ທັງນີ້, ປະເທດມາເລເຊຍຍັງຢູ່ພາຍໃຕ້ມາດຕະການປິດເມືອງເຂັ້ມງວດລະດັບດຽວກັນທົ່ວປະເທດ ຕັ້ງແຕ່ວັນທີ 18 ມີນາ ເປັນຕົ້ນມາ ເຊິ່ງທ່ານນາຍົກລັດຖະມົນຕີມູຍິດດິນ ຢາສຊິນ ຍັງສືບຕໍ່ຂະຫຍາຍໄລຍະປິດເມືອງທຸກໆ 14 ວັນ ...