Target Magazine
ວັນທີ 23 ພຶດສະພານີ້ ທ່ານ Mikhail Mishustin ນາຍົກລັດຖະມົນຕີລັດເຊຍ ກ່າວຄຳເຫັນທີ່ເວທີປາໄສວິສາຫະກິດຈີນ-ຣັດເຊຍ ໃນຊຽງໄຮ້ໂດຍການຄາດວ່າ ໂຕເລກການຄ້າລະຫວ່າງລັດເຊຍ ແລະ ຈີນ ຈະຮອດລະດັບສູງສຸດ ເປັນປະຫວັດສາດ ທີ່ລະດັບ 2 ແສນລ້ານໂດລາ..
ຄວາມສໍາພັນລະຫວ່າງສອງປະເທດ ລັດເຊຍ-ຈີນ ຖືກຈັບຕາເປັນພິເສດຫຼັງຈາກ ລັດເຊຍຖືກຍູ້ອອກຈາກລະບົບການເງິນ ແລະ ຖືກປິດກັ້ນຈາກເສດຖະກິດສ່ວນໃຫຍ່ຂອງໂລກ ເນື່ອງຈາກເກີດຄວາມຂັດແຍ່ງກັບ ອາເມລິກາ.
ໃນໄລຍະຜ່ານມາ, ຈີນໄດ້ສະແດງໃຫ້ເຫັນມິດຕະພາບທີ່ບໍ່ມີຂອບເຂດ ໂດຍການຊ່ວຍຫລຸດຜ່ອນຜົນກະທົບທາງດ້ານເສດຖະກິດຂອງຣັດເຊຍ. ຂໍ້ມູນຈາກກົມພາສີຈີນພົບວ່າ ຕົວເລກການຄ້າສອງຝ່າຍລະຫວ່າງຈີນກັບຣັດເຊຍໄດ້ເພີ່ມຂຶ້ນເກືອບ 30% ໃນປີກາຍນີ້ ແລະ ມູນຄ່າການຄ້າສູງສຸດທຸບສະຖິຕິທີ່ 1,9 ແສນລ້ານໂດລາ ຕົ້ນຕໍແມ່ນຍ້ອນການຊື້ພະລັງງານຈາກລັດເຊຍ. ປີນີ້, ການຄ້າລະຫວ່າງສອງປະເທດສືບຕໍ່ເພີ່ມຂຶ້ນ 41% ໃນ 4 ເດືອນຕົ້ນປີ.
ລັດຖະມົນຕີຂອງລັດເຊຍກ່າວຕື່ມວ່າ ການຮ່ວມມືດ້ານພະລັງງານກັບຈີນຍັງເປັນສິ່ງສໍາຄັນທີ່ສຸດຂອງລັດເຊຍ ປັດຈຸບັນ ລັດເຊຍ ເປັນຜູ້ຈັດຫານໍ້າມັນລາຍໃຫຍ່ທີ່ສຸດຂອງຈີນແຊງ ຊາອຸດິ ອາຣະເບຍ.
ທີ່ມາ: https://business.facebook.com/latest/composer?#TargetMagazine
