ສິ້ນສຸດການລໍຄອຍ ! ? ?‍? ?‍? ? ??  ທີ່ນັກສຶກສາຢາກຮຽນຕໍ່ໃນລະດັບປະລິດຍາເອກເສດຖະເສດ ໂດຍບໍ່ຕ້ອງໄປຮຽນຢູ່ໄກເຖິງຕ່າງປະເທດແລ້ວ. ເປີດແລ້ວ ຫຼັກສູດປະລິນຍາເອກເສດຖະສາດ ຢ່າງເປັນທາງການ ຢູ່ຄະນະເສດຖະສາດ ແລະ ບໍລິການທຸລະກິດ ມະຫາວິທະຍາໄລແຫ່ງຊາດ ໃນມື້ວານນີ້ວັນທີ 10 ຕຸລາ 2018. ເລີ່ມເປີດຮັບສະໝັກນັກສຶກສາ ວັນທີ 15/11 –  7/12/2018 ສອບເສັງຄັດເລືອກວັນທີ 15 ທັນວາ 2018 ປະກາດຜົນການສອບເສັງ  25 ທັນວາ 2018 ເລີ່ມຮຽນ 1 ມີນາ 2019 ຂໍເຊີນເດີຜູ່ໃດສົນໃຈສະໜັກໄດ້. Official opening PhD program in Economics in FEB ຄ່າລົງທະບຽນຮຽນ 3 ປີ ແມ່ນ 63 ລ້ານກີບ ເທົ່ານັ້ນ. ທີ່ມາ: Lao Youth Radio FM 90.0 Mhz   ...

ທະນາຄານໂລກ ໄດ້ລາຍງານການເຕີບໂຕຂອງເສດຖະກິດໃນພາກພື້ນອາຊີຕາເວັນອອກ ແລະ ປາຊີຟິກ ໃນວັນທີ 4 ຕຸລາຜ່ານມາ ທີ່ນະຄອນຫຼວງມະນິລາ ປະເທດຟີລິບປິນໄດ້ຊີ້ໃຫ້ເຫັນສະພາບລວມການຂະຫຍາຍຕົວທາງດ້ານເສດຖະກິດໃນຫຼາຍເດືອນຜ່ານມາ ລວມມີ: ສະພາບຄວາມເຄັ່ງຕຶງທາງການຄ້າ, ອັດຕາດອກເບ້ຍເພີ່ມຂຶ້ນໃນສະຫະລັດອາເມຣິກາ ( ສຫລ ), ເງິນໂດລາສະຫະລັດແຂງຄ່າ ແລະ ຄວາມຜັນຜວນຂອງຕະຫຼາດການເງິນຢູ່ໃນຫຼາຍປະເທດທີ່ເປັນຕະຫຼາດໃໝ່ ເຊິ່ງໄດ້ເພີ່ມທະວີຄວາມບໍ່ແນ່ນອນຕໍ່ທ່າອ່ຽງການເຕີບໂຕຂອງພາກພື້ນ ແລະ ໃນຂະນະດຽວກັນອັດຕາເງິນເຟີ້ກໍຈະເລີ່ມສູງຂຶ້ນຢູ່ໃນພາກພື້ນ. ເສດຖະກິດຂອງປະເທດຈີນ ແມ່ນຄາດວ່າຈະຂະຫຍາຍຕົວຊ້າກວ່າປີ 2017 ມາຢູ່ໃນອັດຕາ 6,5% ໃນປີ 2018, ຖ້າບໍ່ລວມປະເທດຈີນແລ້ວ ການເຕີບໂຕຂອງເສດຖະກິດໃນພາກພື້ນອາຊີຕາເວັນອອກ ແລະ ປາຊີຟິກ ທີ່ກໍາລັງພັດທະນາຢູ່ນີ້ຄາດວ່າຈະຍັງສືບຕໍ່ຂະຫຍາຍຕົວໃນອັດຕາຄົງທີ່ 5,3% ແຕ່ປີ 2018 ຫາປີ 2020 ໂດຍມີຄວາມຕ້ອງການພາຍໃນເປັນປັດໄຈຂັບເຄື່ອນ. ຂະນະທີ່ທ້າຍເດືອນກັນຍາ 2018 ທີ່ຜ່ານມາ ທະນາຄານພັດທະນາອາຊີ ( ເອດີບີ ) ຄາດການເຕີບໂຕທາງເສດຖະກິດຂອງ ສປປ ລາວ ຈະເຕີບໂຕຢູ່ທີ່ລະດັບປານກາງໃນປີ 2018 ເນື່ອງຈາກການຜະລິດຂອງຂະແໜງກະສິກຳ ແລະ ບໍ່ແຮ່ຈະຕ່ຳກວ່າຄາດໝາຍ. ເຖິງຢ່າງໃດກໍ່ຕາມ, ການຂະຫຍາຍຕົວຂອງຂະແໜງກໍ່ສ້າງ ແລະ ການບໍລິການຈະຊ່ວຍທົດແທນບາງສ່ວນຂອງຜົນກະທົບທາງລົບເຫຼົ່ານີ້ ໂດຍອີງຕາມບົດລາຍງານເສດຖະກິດ ສະບັບປັບປຸງຂອງ ...

ແຕ່ກ່ອນນັ້ນ ໂຄສະນາໃນ Youtube “ກົດຂ້າມບໍ່ໄດ້” ຈະມີໃຫ້ສະເພາະບໍລິສັດ ຫຼື ແບຣນລະດັບ Partner  ແຕ່ຕໍ່ຈາກນີ້ໄປຈະເປີດກວ້າງໃຫ້ເຈົ້າຂອງຄຼິບ ໄດ້ເລືອກ ວ່າ ເຈົ້າຂອງຄຼິບ ຕ້ອງການໂຄສະນາແບບໃດ ໃນຄຼິບຂອງຕົນເອງ ໄດ້ແລ້ວ. ແຕ່ກ່ອນນັ້ນໂຄສະນາໃນ Youtube ມັກຈະຖືກຜູ້ຊົມກົດຂ້າມຜ່ານຕະຫຼອດ ແຕ່ຈະຂ້າມໄດ້ກໍເມື່ອ ໂຄສະນາຜ່ານໄປແລ້ວ 5 ວິນາທີ ຈາກນັ້ນ  Youtube ກໍຈະເພີ່ມໂຄສະນາທີ່ ກົດຂ້າມບໍ່ໄດ້ ແຕ່ມີໃຫ້ສະເພາະບໍລິສັດ ຫຼື ແບຣນສິນຄ້າລະດັບ “partner” ເທົ່ານັ້ນ ທີ່ຈະສາມາດລົງໂຄສະນາທີ່ບໍ່ສາມາດກົດຂ້າມໄດ້. ຫຼ້າສຸດ ຕໍ່ຈາກນີ້ໄປ ຈະເປີດກວ້າງໃຫ້ເຈົ້າຂອງຄຼິບ ຫຼື ຜູ້ຜະລິດລາຍການຕ່າງໆ ສາມາດເລືອກໂຄສະນາໃນຄຼິບຕົນເອງໄດ້ແລ້ວຄື: ໂຄສະນາທີ່ສາມາດກົດຂ້າມໄດ້ ແລະ ໂຄສະນາກົດຂ້າມບໍ່ໄດ້. ການລົງໂຄສະນາແບບ ຫ້າມກົດ Skip ນີ້ ຝ່າຍຜູ້ລົງໂຄສະນາແມ່ນຕ້ອງໄດ້ຈ່າຍຄ່າລົງທີ່ແພງກວ່າແບບທົ່ວໆໄປກໍຄືກົດຂ້າມໄດ້ ຢູ່ແລ້ວ  ແລະ ກໍຈະເຮັດໃຫ້ເຈົ້າຂອງຄຼິບນັ້ນໄດ້ສ່ວນແບ່ງລາຍໄດ້ຂອງຄ່າໂຄສະນາຫຼາຍຂຶ້ນນຳອີກ (ແຕ່ຜູ້ຊົມແບບເຮົາໆກໍຕ້ອງໄດ້ອົດທົນໃນການເບິ່ງໂຄສະນາໃຫ້ຈົບ) ເຖິງຢ່າງໄດ້ກໍຕາມ ໂຄສະນາແບບນີ້ແມ່ນມີກຳນົດບໍ່ໃຫ້ຍາວເກີນ 15 ນາທີ).  

ດັ່ງທີ່ເຮົາຮູ້ກັນແລ້ວວ່າ: ຄົນລາວສ່ວນຫຼາຍມັກ ຫລັ່ງໄຫລເດີນທາງໄປປິ່ນປົວສຸຂະພາບຢູ່ປະເທດໃກ້ຄຽງ, ທັງຢູ່ໃນນະຄອນຫລວງ ວຽງຈັນ ກໍຄື ບັນດາແຂວງທີ່ມີຊາຍແດນຕິດກັບປະເທດໃກ້ຄຽງ ຖືເປັນບັນຫາທີ່ເກີດຂຶ້ນມາດົນນານແລ້ວ ແລະ ເປັນ ບັນຫາຊໍາເຮື້ອມາແຕ່ດົນນານທີ່ຫລາຍຝ່າຍຮຽກຮ້ອງໃຫ້ກະຊວງ ສາທາລະນະສຸກ ເລັ່ງແກ້ໄຂໃຫ້ໄດ້ເພື່ອໃຫ້ຄົນເຈັບ ຫັນມາໃຊ້ການບໍລິການປິ່ນປົວຂອງແພດຫມໍຢູ່ບັນດາໂຮງໝໍໃນລາວໃຫ້ນັບມື້ຫລາຍຂຶ້ນ ແລະ ຫລຸດຜ່ອນຫາງສຽງຈົ່ມ ວ່າທີ່ບໍ່ດີກ່ຽວກັບການບໍລິການຂອງແພດໝໍໃນລາວ. ຮອງສາດສະດາຈານ ດຣ. ບຸນກອງ ສີຫາວົງ ລັດຖະມົນຕີກະຊວງ ສາທາລະນະສຸກ ໃຫ້ສຳພາດວ່າ: ປັດຈຸບັນ ກະຊວງ ສາທາລະນະສຸກ ພວມເລັ່ງຈັດຕັ້ງປະຕິບັດຫລາຍມາດຕະການ ເພື່ອດຶງດູດບໍ່ໃຫ້ຄົນເຈັບໃນລາວເດີນທາງໄປ ປິ່ນປົວສຸຂະພາບຢູ່ປະເທດໃກ້ຄຽງ ຄື: ເລັ່ງປັບປຸງການບໍລິການໃຫ້ມີຄຸນນະພາບ, ໃນນີ້ລວມມີ: ສະຖານທີ່ບໍລິການ, ຄຸນນະພາບຂອງບຸກຄະລາກອນ, ອຸປະກອນການແພດ ແລະ ລະບົບການເຮັດວຽກ, ສຸມໃສ່ການກໍ່ສ້າງແພດໝໍໂດຍສະ ເພາະລະດັບຊ່ຽວຊານລົງເລິກຂະແໜງການຍັງຂາດແຄນຈຳນວນຫລາຍ, ປັບປຸງຈັນຍາບັນ-ຈັນຍາທຳຂອງແພດໝໍ ໂດຍ ໄດ້ນຳເອົານະໂຍບາຍ 5 ດີ 1 ພໍໃຈເຂົ້າມາຈັດຕັ້ງປະຕິບັດ ຄື: ການຕ້ອນຮັບດີ, ສະອາດດີ, ສະດວກດີ, ບົ່ງມະຕິພະຍາດຊັດເຈນດີ, ປິ່ນປົວດີ ແລະ ຄົນເຈັບເພິ່ງພໍໃຈ, ເສີມຂະຫຍາຍຄັງປະກັນສຸຂະພາບໃຫ້ດີເພື່ອໃຫ້ມີກອງທຶນປະກັນສຸຂະ ພາບທີ່ດີ ແລະ ປະຊາຊົນເຂົາໃຈຫລາຍຂຶ້ນ, ປັບປຸງບັນດາໂຮງໝໍສູນກາງໃຫ້ດີ ...

ແຈ້ງການ ປັບຂຶ້ນລາຄານ້ຳມັນຂາຍຍ່ອຍຢູ່ຂອບເຂດທົ່ວປະເທດ ເລີມຈັດຕັ້ງປະຕິບັດແຕ່ວັນທີ 4 ຕຸລາ 2018 ເປັນຕົ້ນໄປ ກະຊວງອຸດສະຫະກຳແລະການຄ້າ ອອກແຈ້ງການປັບຂຶ້ນລາຄານ້ຳມັນຂາຍຍ່ອຍຢູ່ຂອບເຂດທົ່ວປະເທດຄື: ແອັດຊັງພິເສດ 230 ກີບຕໍ່ລິດ, ແອັດຊັງທຳມະດາ ແລະ ນ້ຳມັນກາຊວນ ຂຶ້ນ 200 ກີບຕໍ່ລິດ ເລີ່ມຈັດຕັ້ງປະຕິບັດແຕ່ວັນທີ 4 ຕຸລາ 2018 ເວລາ 6:00 ໂມງ ເປັນຕົ້ນໄປ  

ຕາມການລາຍງານຂອງ ໜັງສືພິມຈຳປາໃຫ່ມ ໃຫ້ຮູ້ວ່າ: ໃນວັນທີ 25 ກັນຍາ 2018 ທີ່ຜ່ານມາ ທີ່ຫ້ອງວ່າການປົກຄອງແຂວງຈຳປາສັກ ຜູ້ພັດທະນາໂຄງການເຂດເສດຖະກິດໃໝ່ ສີທັນດອນ ໄດ້ລາຍງານຄວາມຄືບໜ້າໃນການພັດທະນາໂຄງການໄລຍະຕົ້ນຕໍ່ທ່ານ ປອ. ສອນໄຊ ສີພັນດອນ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີ ແຫ່ງ ສປປ ລາວ ເພື່ອກະກຽມເຂົ້າສູ່ການພັດທະນາໄລຍະທຳອິດແຕ່ປີ 2018-2025 ຂະນະດຽວກັນທ່ານຮອງນາຍົກກໍເນັ້ນໃຫ້ໂຄງການເອົາໃຈໃສ່ພັດທະນາຫຼາຍໜ້າວຽກທ່ີສຳຄັນ. ໃນໂອກາດດັ່ງກ່າວ ທ່ານ ລາຕີ ສີສຸພັນນະວົງ ຮອງປະທານບໍລິສັດຮ່ວມພັດທະນາສີທັນດອນຈຳກັດ ຂຶ້ນຜ່ານຄວາມຄືບໜ້າເບື້ອງຕົ້ນໃນການພັດທະນາເຂດເສດຖະກິດໃໝ່ສີທັນດອນໃນໄລຍະ 3 ເດືອນນັບແຕ່ໄດ້ເຊັນສັນຍາພັດທະນາໂຄງການນຳລັດຖະບານໃນທ້າຍເດືອນ ມິຖຸນາ 2018 ເຊິ່ງມີຫຼາຍວຽກງານສຳຄັນທີ່ສຳເລັດ ແລະ ກຳລັງວາງແຜນເປັນຕົ້ນ: ສຳເລັດພິທີເຊັນສັນຍາມອບ-ຮັບຣີສອດຄອນພະເພັງ ພ້ອມທັງປັບປຸງຫ້ອງຈຳນວນ 25 ຫ້ອງ ແລະ ສຳເລັດການສຳຫຼວດທີ່ຕັ້ງສຳນັກງານ,ອອກແບບເຮືອນຮັບແຂກ ແລະ ທີ່ຢູ່ອາໃສຂອງພະນັກງານມີທັງໝົດ 200 ຫ້ອງ. ສຳເລັດການຈົດທະບຽນສ້າງຕັ້ງບໍລິສັດໃນເຂດພັດທະນາຈຳນວນ 6 ບໍລິສັດ. ສຳເລັດການສຳຫຼວດອອກແບບເສັ້ນທາງອ້ອມດອນໂຂງທີ່ມີຄວາມຍາວ 43 ກິໂລແມັດ ແລະ ທາງລຽບແຄມຂອງຈາກຄອນພະເພັງ ຫາ ບ້ານຂີ້ນາກ. ສຳເລັດການແຕ່ງຕັ້ງຄະນະກຳມະການຊົດເຊີຍຄ່າເສຍຫາຍ ແລະ ຈັດສັນຍົກຍ້າຍທັງລະດັບສູນກາງ ແລະ ...

​ທີ່ສຳນັກງານນາຍົກລັດຖະມົນຕີ, ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມ ຂອງທ່ານ ດຣ. ສຸລະກຽດ ສະຖຽນໄທ ອະດີດຮອງນາຍົກລັດຖະມົນຕີ, ອະດີດລັດຖະມົນຕີກະຊວງການຕ່າງປະເທດ ແຫ່ງ ຣາຊະອານາຈັກໄທ,  ປະທານ ສະພາສັນຕິພາບ ແລະ ຄວາມປອງດອງອາຊີ (Asian Peace and Reconciliation-APRC) ຄະນະບໍລິຫານກອງປະຊຸມປົວອ້າວ ສຳລັບອາຊີ. ໃນໂອກາດມາເຂົ້າຮ່ວມກອງປະຊຸມເວທີປົວອ້າວ ສຳລັບອາຊີ ຢູ່ ສປປ ລາວ ທີ່ຈັດຂຶ້ນໃນຕອນເຊົ້າ ຂອງວັນທີ 28 ກັນຍາ 2018 ຜ່ານມາ. ​​​​​​​​​​​​​​​ໃນໂອກາດດັ່ງກ່າວ, ທ່ານນາຍົກລັດຖະມົນຕີ ໄດ້ກ່າວສະແດງຄວາມຍິນດີຕ້ອນຮັບ ແລະ ຊົມເຊີຍ ຕໍ່ການເຂົ້າຮ່ວມກອງປະຊຸມເວທີປົວອ້າວ ສຳລັບອາຊີ ຢູ່ ສປປ ລາວ ຂອງທ່ານ ດຣ. ສຸລະກຽດ ສະຖຽນໄທ ລວມທັງການປະກອບສ່ວນອັນສຳຄັນ ໃນການຊຸກຍູ້ເຮັດໃຫ້ມີການຈັດກອງປະຊຸມ ເວທີປົວອ້າວ ສຳລັບອາຊີ ຢູ່ ສປປ ລາວ ໃນຄັ້ງນີ້ ...

ທ່ານເປັນຄົນໜຶ່ງທີ່ກຳລັງຈະສ້າງຍີ່ຫໍ້ ເປັນຂອງຕົນເອງແມ່ນບໍ່? ຫຼື ວ່າທ່ານກຳລັງເັປນເຈົ້າຂອງຍີ່ຫໍ້ໃດໜຶ່ງຢູ່ໃນລາວ ແຕ່ຍີ່ຫໍ້ຂອງທ່ານຍັງບໍ່ເປັນທີ່ຮູ້ຈັກຂອງສັງຄົມຢ່າງກວ້າງຂວາງ.  ການຈະສ້າງຍີ່ຫໍ້ (Brand) ໃຫ້ຕິດຕະຫຼາດ ແລະ ເປັນທີ່ຮູ້ຈັກຂອງສັງຄົມໄດ້ນັ້ນ ຜູ້ປະກອບການ SME ຫຼາຍທ່ານຕ້ອງຄິດວ່ານີ້ເປັນໜຶ່ງວິທີທີ່ຈະຊ່ວຍເຮັດໃຫ້ທຸລະກິດປະສົບຄວາມສຳເລັດ ເພາະຖ້າຫາກຍີ່ຫໍ້ ຂອງເຮົາເປັນທີ່ຮູ້ຈັກ ແລະ ນິຍົມ ກໍຕ້ອງເຮັດໃຫ້ລູກຄ້າຄິດເຖິງ ແລະ ຢາກຊື້ສິນຄ້າ ຫຼື ການບໍລິການຂອງເຮົາເປັນອັບດັບທຳອິດ. ແຕ່ເຊື່ອບໍ່ວ່າ ຍັງມີອີກຫຼາຍທ່ານທີ່ເຂົ້າໃຈ ໃນການສ້າງຍີ່ຫໍ້ ໄປໃນທາງທີ່ບໍ່ຖືກຕ້ອງຈົນເຮັດໃຫ້ບໍ່ປະສົບຄວາມສຳເລັດ. ຂໍແນະນຳ 6 ແນວຄິດຜິດໆທີ່ເຮັດໃຫ້ ຜູ້ປະກອບການ SME ເຂົ້າໃຈຜິດໃນການສ້າງຍີ່ຫໍ້. ການສ້າງຍີ່ຫໍ້ຄື ການສ້າງໂລໂກ້: ຜູ້ປະກອບການມັກຄິດວ່າ ການສ້າງຍີ່ຫໍ້ສິນຄ້າຕ້ອງແມ່ນການສ້າງ ຫຼື ອອກແບບໂລໂກ້ເປັນຫຼັກ ແຕ່ໃນຄວາມຈິງແລ້ວ ໂລໂກ້ເປັນພຽງສ່ວນນ້ອຍໆເທົ່ານັ້ນ ເພາະສິ່ງສຳຄັນຄື ຕ້ອງສ້າງເປັນຂອງຍີ່ຫໍ້ ຫຼື ການສ້າງຊື່ສຽງ, ຄວາມປະທັບໃຈ ແລະ ການສ້າງຍຸດທະສາດໃນການເຮັດການຕະຫຼາດ ເຊິ່ງເປັນຫຼັກການທີ່ສຳຄັນຂອງການສ້າງຍີ່ຫໍ້ ຕ້ອງເຮັດໃຫ້ຮູ້ສຶກວ່າ ຖ້າເວົ້າເຖິງຍີ່ຫໍ້ນີ້ ລູກຄ້າຈະຮູ້ທັນທີວ່າ ຍີ່ຫໍ້ (Brand) ນີ້ແມ່ນຫຍັງ. ສ້າງຍີ່ຫໍ້ ຄື ການຄິດໃຫ້ເປັນເລີດທີ່ສຸດ. ຜູ້ປະກອບການຫຼາຍຄົນມັກຈິນຕະນາການຍີ່ຫໍ້ສິນຄ້າໃຫ້ໂດດເດັ່ນເປັນເລີດ ແຕ່ຄວາມຈິງຄືການສ້າງຍີ່ຫໍ້ທີ່ດີຈະຕ້ອງ ເກັບຂໍ້ມູນສິນຄ້າໃຫ້ຄົບຖ້ວນ ...

ສະບາຍດີ!!! ທ່ານຜູ້ທີ່ມີຄວາມໃຝ່ຝັນຢາກເປັນເຈົ້າຂອງທຸລະກິດ ສິ່ງໃດສິ່ງໜຶ່ງແຕ່ບໍ່ຮູ້ຈະເຮັດຫຍັງດີແມ່ນບໍ່? ຈຶ່ງຈະເໝາະກັບຕົນເອງ ແລະ ເຮັດຫຍັງຈຶ່ງຈະທຸລະກິດຈະເລີນກ້າວໜ້າ, ບໍ່ລົ້ມລະລາຍ ແລະ ທຸລະກິດແປກໃໝ່ໃນບ້ານເຮົາ. ມື້ນີ້,​ ທາງທາເກັດເລີຍມີຂ່າວດີມາເຊີນຊວນທຸກຄົນມາຮ່ວມງານນີ້ ຮັບຮ້ອງວ່າ ຖືກໃນຄົນຢາກເຮັດທຸລະກິດສ່ວນຕົວແນ່ນອນ. ເຊິ່ງ ສູນຜູ້ປະກອບການແມ່ຍິງ(Women’s Entrepreneurial Center )ຮ່ວມກັນກັບ STELLA ເຊີນຊວນ ຜູ້ທີ່ສົນໃຈ ໂດຍສະເພາະແມ່ຍິງ ທີ່ກໍາລັງຢາກເຮັດທຸລະກິດ ແຕ່ບໍ່ຮູ້ຈະເຮັດຫຍັງດີ? ເລີ່ມແນວໃດ? ມາເຂົ້າຮ່ວມເຝິກອົບຮົມກັບເຮົາຟຣີ!! ໃນຫົວຂໍ້ ” Start your Business ” ການຊອກຫາແນວຄິດເລີ່ມຕົ້ນເຮັດທຸລະກິດ ໃນງານທຸກຄົນຈະໄດ້ລົງໂຕຈິງ ພ້ອມອອກຈາກຫ້ອງກັບແຜນທີ່ຊັດເຈນກັບທຸລະກິດ. ງານວັນເສົາ ແລະ ອາທິດນີ້ ວັນທີ  6-7/10/2018, 8.30-16.30 ນີ້ແລ້ວ ທຸກທ່ານສາາມາດລົງທະບຽນໄດ້ເລີຍກັບ ໄມໂລ ຕາມອິນບອກ Mailo Khamsay ຫຼືໂທສອບຖາມ 020 28282312

ຄວາມຫວັງຈະໄດ້ຂີ່ລົດໄຟຄວາມໄວສູງຂອງຄົນລາວຈະມາຮອດແລ້ວ!!!!  ໂຄງການກໍ່ສ້າງເສັ້ນທາງລົດໄຟລາວ-ຈີນ ເປັນອີກທາງເລືອກໜຶ່ງໃຫ້ຜູ້ໂດຍສານທາງພາກເໜືອລົງຫານະຄອນຫຼວງວຽງຈັນ ນອກຈາກການເດີນທາງດ້ວຍລົດເມ ແລະ ຍົນແລ້ວ ຕໍ່ຈາກນີ້ປະມານທ້າຍປີ 2022 ກໍຈະມີການຄົມມະນາຄົມ ທາງລົດໄຟນີ້ແລ ຈະຕອບໂຈດຄວາມຕ້ອງການຂອງຜູ້ຊົມໃຊ້ໄດ້ແຖມລາຄາຖືກ ແລະ ໃຊ້ເວລາສັ້ນກວ່າອີກ. ອີງຕາມຂໍ້ມູນຈາກນັກວິຊາການ ພ້ອມດ້ວຍຊ່ຽວຊານຈາກ ອາຊຽນ ແລະ ສປຈີນ ໄດ້ເປີດເຜີຍວ່າ: ການຄຸ້ມຄອງການບໍລິການດ້ານຂົນສົ່ງໂດຍສານຂອງໂຄງການລົດໄຟ ລາວ-ຈີນ ເຊິ່ງກຳນົດໃຫ້ມີທັງໝົດ 33 ສະຖານີ; ໃນນັ້ນ: ການເປີດນໍາໃຊ້ໄລຍະຕົ້ນຈະມີ 21 ສະຖານີ ສາມາດກຳນົດໄດ້ 23 ຖ້ຽວຕໍ່ວັນ ແຕ່ຖ້າຫາກມີການເປີດນຳໃຊ້ທັງໝົດ 33 ສະຖານີ ແມ່ນສາມາດເພີ່ມເປັນ 39 ຖ້ຽວຕໍ່ວັນ. ສ່ວນອັດຕາຄ່າໂດຍສານແຕ່ນະຄອນຫຼວງວຽງຈັນ-ບໍ່ເຕັນ ສະເລ່ຍປະມານ 140.000 ກີບຕໍ່ຄົນ, ທຽບໃສ່ຄ່າຂົນສົ່ງທາງລົດ ແມ່ນຖືກກວ່າຫຼາຍເທົ່າໂຕ ແລະ ໃຊ້ເວລາເດີນທາງສັ້ນກວ່າ ແລະ ຄ່າຂົນສົ່ງສິນຄ້າປະມານ 6,000 ກີບຕໍ່ໂຕນເທົ່ານັ້ນ. ນອກນັ້ນ, ໃນຈໍານວນ 33 ສະຖານີ ຈະມີສະຖານີໂດຍສານ ແລະ ສະຖານີສິນຄ້າ ລວມຢູ່ນຳກັນ 11 ແຫ່ງ. ໃນນັ້ນ: ...