ໃນວັນທີ 16 ພະຈິກ 2018 ຜ່ານມາ ທີ່ຄະນະກວດກາສູນກາງພັກ, ທ່ານ ບຸນທອງ ຈິດມະນີ ຮອງນາຍົກລັດຖະມົນຕີ ປະທານຄະນະກວດກາສູນກາງພັກ ອົງການກວດກາລັດຖະບານ ແລະ ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ຈຽງ ຈາຍຕົງ (Jiag Zaidong) ເອກອັກຄະລັດຖະທູດ ສປ ຈີນ ຄົນໃໝ່ ປະຈຳລາວ ທ່ານບຸນທອງ ຈິດມະນີ ໄດ້ກ່າວສະແດງຄວາມຕ້ອນຮັບ ແລະ ຊົມເຊີຍຕໍ່ທ່ານທູດ ທີ່ໄດ້ຖືກແຕ່ງຕັ້ງໃຫ້ມາດຳລົງຕຳແໜ່ງປະຈຳລາວ ເພື່ອສືບຕໍ່ເສີມຂະຫຍາຍສາຍພົວພັນ ແລະ ການຮ່ວມມືທີ່ດີລະຫວ່າງລາວ-ຈີນ-ລາວ ຊຶ່ງແມ່ນເພື່ອນມິດສະຫາຍອ້າຍນ້ອງທີ່ຮ່ວມອຸດົມການດຽວກັນ, ເປັນຄູ່ຮ່ວມຊາຕາກຳທີ່ມີຄວາມໝາຍຍຸດທະສາດ, ທັງເປັນຄູ່ຮ່ວມມືຍຸດທະສາດຮອບດ້ານ ໝັ້ນຄົງ ຍາວນານຕາມທິດ 4 ດີ (ເພື່ອນບ້ານໃກ້ຄຽງທີ່ດີ, ເພື່ອນມິດທີ່ດີ, ສະຫາຍທີ່ດີ ແລະ ຄູ່ຮ່ວມມືທີ່ດີ). ປະຊາຊົນສອງຊາດ ລາວ-ຈີນ ມີມູນເຊື້ອໄປມາຫາສູ່ກັນ, ຮ່ວມມືຊ່ວຍເຫຼືອຊຶ່ງກັນ ແລະ ກັນມາແຕ່ບູຮານນະການ, ສອງປະເທດໄດ້ສ້າງຕັ້ງສາຍພົວພັນໃນວັນທີ 25 ເມສາ 1961 ດ້ວຍຄວາມພະຍາຍາມຮ່ວມກັນທັງສອງຝ່າຍ, ສາຍພົວພັນທີ່ເປັນມູນເຊື້ອອັນດີງາມດັ່ງກ່າວໄດ້ຮັບການເສີມຂະຫຍາຍໃຫ້ເຕີບໃຫຍ່ຂະຫຍາຍຕົວ ແລະ ນັບມື້ນັບເລິກເຊິ່ງແໜ້ນແຟ້ນຍິ່ງຂື້ນ. ...

ໃນວັນທີ 16 ພະຈິກ 2018 ຜ່ານມາ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ແລະ ທ່ານ ວິດົງ ໄຊຍະສອນ ເຈົ້າແຂວງໆວຽງຈັນ ພ້ອມດ້ວຍຄະນະ ໄດ້ໄປຢ້ຽມຢາມ ຄ້າຍດັດສ້າງສາຍນໍ້າງື່ມ  (ດອນທ້າວ-ດອນນາງ), ເມືອງແກ້ວອຸດົມ, ແຂວງວຽງຈັນ ໂດຍມີພາກສ່ວນທີ່ກ່ຽວຂ້ອງ ຈາກກະຊວງປ້ອງກັນຄວາມສະຫງົບ, ແຂວງວຽງຈັນ, ເມືອງແກ້ວອຸດົມ ແລະ ພະນັກງານ ຄ້າຍດັດສ້າງດັ່ງກ່າວ ໃຫ້ການຕ້ອນຮັບ. ໃນໂອກາດດັ່ງກ່າວ, ຄະນະຂອງທ່ານຮອງນາຍົກລັດຖະມົນຕີ ໄດ້ຮັບຟັງການລາຍງານ ສະພາບລວມ ກ່ຽວກັບການຈັດຕັ້ງ ແລະ ການເຄື່ອນໄຫວ ຂອງຄ້າຍດັດສ້າງສາຍນໍ້າງື່ມໂດຍຫຍໍ້ ຈາກທ່ານ ພັນເອກ ສົມລິດ ດາວຮຸ່ງສິລິ, ຫົວໜ້າກົມຕຳຫຼວດຄຸມຂັງ-ດັດສ້າງ ກະຊວງປ້ອງກັນຄວາມສະຫງົບ ແລະ ທ່ານ ພັນຕີ ວຽງມະນີ ຫຼວງນິກອນ, ຫົວໜ້າຄ້າຍດັດສ້າງສາຍນໍ້າງື່ມ ເຫັນວ່າ: ຄ້າຍດັດສ້າງສາຍນໍ້າງື່ມ ຕັ້ງຢູ່ໃຈກາງອ່າງນໍ້າງື່ມ 1 ມີສະຖານທີ່ຄຸ້ມຄອງດັດສ້າງ ຈໍານວນ 3 ຈຸດ ຄື: ດອນທ້າວ 1, ດອນທ້າວ ...

ຍ່າງເພື່ອສຸຂະພາບ ສະເຫຼີມສະຫຼອງວັນເດັກໂລກ ຄັ້ງທໍາອິດໃນ ສປປ ລາວ ພາຍໃຕ້ຄໍາຂວັນ “ສ້າງໂລກດ້ວຍພະລັງເດັກ” ຈັດຂຶ້ນໃນວັນທີ 17 ພະຈິກ 2018 ທີ່ຜ່ານມາ ໂດຍໄດ້ຮັບກຽດເປັນປະທານຂອງ ທ່ານ  ສອນໄຊ ສີພັນດອນ ຮອງນາຍົກລັດຖະມົນຕີແຫ່ງ ສປປ ລາວ , ເຊິ່ງມີຈຸດເລີ່ມຕົ້ນຈາກປະຕູໄຊ ຫາ ສຳນັກງານປະທານປະເທດ ແລ້ວຍ່າງກັບມາຈຸດເລີ່ມຕົ້ນປະຕູໄຊ. ໃນງານຄັ້ງນີ້ຍັງມີແມ່ຕູ້ຄົນໜຶ່ງມາຮ່ວມກິດຈະກໍາ ໂດຍການລົງຍ່າງ ບໍ່ຍອມນັ່ງລໍ້ ທາງທີມງານພວກເຮົາເຫັນພາບນີ້ແລ້ວ ຮູ້ສຶກປະທັບໃຈທີ່ສຸດ ໃນຄວາມແຂງແຮງຂອງເພິ່ນ ແຕ່ໜ້າເສຍດາຍທີ່ບໍ່ຮູ້ຊື່ ອາຍຸ ແລະ ບ້ານຢູ່ຂອງເພິ່ນ. ຂໍໃຫ້ແມ່ຕູ້ສຸຂະພາບແຂງແຮງຕະຫຼອດໄປເດີ້… ກິດຈະກຳໃນຄັ້ງນີ້ ແມ່ນເພື່ອສະເຫຼີມສະຫຼອງວັນເດັກໂລກເປັນຄັ້ງທໍາອິດໃນ ສປປ ລາວ (20 ພະຈິກ 2018) ພາຍໃຕ້ຄໍາຂວັນ “ສ້າງໂລກດ້ວຍພະລັງເດັກ” ປ່ຽນທຸກຢ່າງເປັນສີຟ້າສໍາລັບເດັກ ທຸກຄົນສາມາດມີສ່ວນຮ່ວມ, ສະເໜີຄຳຄິດຄຳເຫັນ ແລະ ເຊີນຊວນທຸກຄົນ ໃຫ້ເຂົ້າຮ່ວມໃນການປະຕິບັດສິດທິເດັກ ໃນທົ່ວປະເທດ ເພື່ອອະນາຄົດ ອັນສັດໃສຂອງເຂົາເຈົ້າ.   ຂອບໃຈຮູບພາບຈາກ: ເຟສບຸກ ຈໍາປາ ກິລາລາວ.  

ແຫຼ່ງທ່ອງທ່ຽວ ອຸທິຍານພູຜາສຸກ ແຂວງສາລະວັນ ພາຍໃຕ້ການຊີ້ນໍາຈາກການນໍາຂອງແຂວງສາລະວັນ ພວມໄດ້ຮັບການພັດທະນາ ເພື່ອດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດ. ສະຖານທີ່ທ່ອງທ່ຽວແຫ່ງນີ້ ຂຶ້ນກັບບ້ານປາກປົ່ງຕາແຫຼວ ( ຕິດກັບເສັ້ນທາງເລກທີ 15 ຫ່າງຈາກເທສະບານແຂວງ ສາລະວັນ ປະມານ 35 ກິໂລແມັດ ຈາກທາງໃຫ່ຍເຂົ້າໄປ 9 ກິໂລແມັດ).   ເມື່ອບໍ່ດົນຜ່ານມານີ້ ການນຳແຂວງສາລະວັນ ນຳໂດຍ ທ່ານ ສີສຸວັນ ວົງຈອມສີ ເຈົ້າແຂວງໆສາລະວັນ ໄດ້ລົງເຄື່ອນໄຫວຕິດຕາມ, ຊຸກຍູ້ການພັດທະນາ ແຫຼ່ງທ່ອງທ່ຽວ ອຸທິຍານ ພູຜາສຸກ , ເຊິ່ງມີ ທ່ານຮອງເຈົ້າແຂວງ ພ້ອມດ້ວຍຫົວໜ້າພະແນກການອ້ອມຂ້າງແຂວງ ແລະ ເມືອງເຂົ້າຮ່ວມ. ໃນວັນທີ 14 ພະຈິກ 2018 ຜ່ານມານີ້ ທ່ານ ສີເຮັງ ຫອມສົມບັດ ຄະນະປະຈຳພັກແຂວງ ຫົວໜ້າໂຄສະນາຮົບຮົມແຂວງ ສາລະວັນ ແລະ ທ່ານ ສົມໃຈ ອຸ່ນຈິດ ກຳມະການພັກແຂວງ ຫົວໜ້າພະແນກຖະແຫຼງຂ່າວ-ວັດທະນະທຳ ແລະ ທ່ອງທ່ຽວແຂວງ ສາລະວັນໄດ້ນຳພາ ...

ໃນວາລະການດໍາເນີນກອງປະຊຸມເປັນເວລາ 22 ວັນ (ບໍ່ລວມວັນພັກລັດຖະການ) ຄືເລີ່ມແຕ່ວັນທີ 20 ພະຈິກ ເຖິງວັນທີ 21 ທັນວາ 2018. ບັນດາສະມາຊິກສະພາແຫ່ງຊາດຕາງໜ້າໃນເຂດເລືອກຕັ້ງທົ່ວປະເທດ ຈະໄດ້ພ້ອມກັນ ພິຈະລະນາຫຼາຍບັນຫາທີ່ສໍາຄັນ ເປັນຕົ້ນແມ່ນ: ຮັບຟັງບົດລາຍງານການຈັດຕັ້ງປະຕິບັັດວຽກງານຂອງລັດຖະບານ ປະຈໍາປີ 2018 ແລະ ທິດທາງວຽກງານໃນປີ 2019, ພ້ອມທັງທາບທາມຮ່າງກົດໝາຍຈຳນວນ 09 ສະບັບ,ໃນນີ້ສ້າງໃໝ່ 7 ສະບັບ ແລະ ບັນຫາອື່ນໆ. ໃນໄລຍະດຳເນີນກອງປະຊຸມ ຄະນະເລຂາທິການສະພາແຫ່ງຊາດ ໄດ້ຈັດຕັ້ງໜ່ວຍງານຮັບຜິດຊອບໂທລະສັບສາຍດ່ວນ ໝາຍເລກ 156 ເພື່ອຮັບເອົາຄຳຄິດຄຳເຫັນ ແລະ ຄໍາສະເໜີໂດຍກົງຈາກທົ່ວສັງຄົມ.  

ໃນວັນທີ 15 ພະຈິກ 2018 ຜ່ານມານີ້ ທ່ານ ບໍ່ແສງຄຳ ວົງດາລາ ລັດຖະມົນຕີ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ຕ້ອນຮັບການເຂົ້າຢ້ຽມຂ່ຳນັບ ຂອງ ທ່ານ ຈຽງ ຈ້າຍ ຕົງ  ໃນໂອກາດມາດຳລົງຕຳແໜ່ງເປັນເອກອັກຄະລັດຖະທູດແຫ່ງ ສປ ຈີນ ຄົນໃໝ່ ປະຈຳ ສປປ ລາວ.  ທ່ານ ບໍ່ແສງຄຳ ວົງດາລາ ກ່າວວ່າ: ໃນໄລຍະຜ່ານມາ ກະຊວງ ຖວທ ກໍໄດ້ຮັບການຮ່ວມມື ແລະ ຊ່ວຍເຫຼືອຈາກລັດຖະບານ ຈີນ ບໍ່ວ່າຈະເປັນວິຊາການ ແລະ ອຸປະກອນຕ່າງໆ ທີ່ໃຊ້ໃນວຽງານສື່ມວນຊົນ ເປັນຕົ້ນ ໂທລະພາບ, ວິທະຍຸ ແລະ ສື່ສິ່ງພິມຕ່າງໆ. ລາວ ແລະ ຈີນ ໄດ້ຮ່ວມມືກັນສົ່ງເສີມດ້ານວຽກງານການທ່ອງທ່ຽວ ເຊິ່ງປັດຈຸບັນ ມີນັກທ່ອງທ່ຽວຈີນ ເຂົ້າມາທ່ອງທ່ຽວລາວ ນັບມື້ຫຼາຍຂຶ້ນ. ນອກຈາກນີ້ ສອງປະເທດ ຍັງໄດ້ຕົກລົງເຫັນດີເອົາ ປີ 2019 ເປັນປີທ່ອງທ່ຽວ ...

ເທື່ອນີ້ແມ່ນເອົາແທ້ ເພາະໄດ້ໂຍະຍານມາຫຼາຍເດືອນແລ້ວ ໃຜຍັງບໍ່ໄປເສຍຕາມກໍານົດເວລາ ຈະໄດ້ຖືກປັບໃໝ ແລະ ຈັດຕັ້ງປະຕິບັດຢ່າງເຂັ້ມງວດ ເປັນເອກະພາບ ໃນຂອບເຂດທົ່ວປະເທດ. ລັດຖະມົນຕີ ກະຊວງການເງິນ ໄດ້ອອກແຈ້ງການເຕືອນ ເລກທີ 3600/ກງ ລົງວັນທີ   7 ພະຈິກ 2018 ເລື່ອງ: ການປັບໃໝຕໍ່ກັບຜູ້ເສຍຄ່າທໍານຽມທາງບໍ່ຖືກຕ້ອງຕາມເວລາທີ່ ກໍານົດໄວ້. ຜູ້ທີ່ບໍ່ຊໍາລະຄ່າທໍານຽມທາງປະຈໍາປີ 2017 ຕ້ອງໄດ້ເສຍຄ່າທໍານຽມທາງຄືນໃຫ້ຄົບຖ້ວນ ພ້ອມຄ່າປັບໃໝ ດັ່ງນີ້: -ນັບແຕ່ວັນທີ 1 ເມສາ 2018 ຫາ ວັນທີ 31 ທັນວາ 2018 ຖືກປັບໃໝ 40% ຂອງມູນຄ່າທີ່ຕ້ອງເສຍຄ່າທໍານຽມທາງປະຈໍາປີ. -ນັບແຕ່ວັນທີ 1 ມັງກອນ 2019 ຫາວັນທີ 31 ທັນວາ 2019 ຖືກປັບໃໝ 60% ຂອງມູນຄ່າທີ່ຕ້ອງເສຍຄ່າທໍານຽມທາງປະຈໍາປີ. ຜູ້ທີ່ບໍ່ຊໍາລະຄ່າທໍານຽມທາງປະຈໍາປີ 2018 ຕ້ອງໄດ້ເສຍຄ່າທໍານຽມທາງຄືນໃຫ້ ຄົບຖ້ວນ ພ້ອມຄ່າປັບໃໝ ດັ່ງນີ້: -ນັບແຕ່ວັນທີ 1 ກໍລະກົດ 2018 ຫາວັນທີ 31 ...

ໃນວັນທີ 15 ພະຈິກ 2018 ທີ່ ສິງກະໂປ, ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ໄດ້ນຳພາຄະນະຜູ້ແທນຂອງ ສປປ ລາວ ສືບຕໍ່ເຂົ້າຮ່ວມບັນດາກອງປະຊຸມສຸດຍອດອາຊຽນ ກັບບັນດາຄູ່ເຈລະຈາ ເຊັ່ນ: ກອງປະຊຸມສຸດຍອດສຸດຍອດອາຫານເຊົ້າ ແບບບໍ່ເປັນທາງການອາຊຽນ-ອິນເດຍ, ກອງປະຊຸມສຸດຍອດ ອາຊຽນ-ອາເມຣິກາ ຄັ້ງທີ 6, ກອງປະຊຸມສຸດຍອດອາຊຽນບວກສາມ ຄັ້ງທີ 21 ແລະ ກອງປະຊຸມສຸດຍອດ ອາຊີຕາເວັນອອກ ຄັ້ງທີ 13. ສຳລັບກອງປະຊຸມສຸດຍອດ ອາຊຽນ-ອາເມລິກາ ຄັ້ງທີ 6 ໃນຖານະປະເທດປະສານງານໃຫ້ແກ່ການພົວພັນ ອາຊຽນ-ສະຫະລັດອາເມຣິກາ, ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ຕາງໜ້ານໍາສະ  ເໜີບົດຄໍາເຫັນລວມຂອງອາຊຽນ ກ່ຽວກັບການຮ່ວມມື ອາຊຽນ-ສະຫະລັດ ໃນໄລຍະຜ່ານມາ ແລະ ທິດທາງການຮ່ວມມືໃນຕໍ່ໜ້າ. ໃນໂອກາດນີ້, ກອງປະຊຸມໄດ້ສະແດງຄວາມຍິນດີທີ່ເຫັນວ່າ: ການພົວພັນຮ່ວມມື ອາຊຽນ-ອາເມຣິກາ ໄດ້ມີການຂະຫຍາຍຕົວຢ່າງໜັກແໜ້ນ, ໝັ້ນຄົງ ແລະ ຕ່າງຝ່າຍຕ່າງໄດ້ຮັບຜົນປະໂຫຍດ, ໂດຍສະເພາະແມ່ນຄວາມຄືບໜ້າ ໃນການຈັດຕັ້ງປະຕິບັດແຜນປະຕິບັດງານ ...

ວັນທີ 13 ພະຈິກ 2018 ຜ່ານມາ ທີ່ຖໍ້າຊ້າງລອດ ເມືອງວຽງໄຊ ແຂວງ ຫົວພັນ ທ່ານ ບໍ່ວຽງຄໍາ ວົງດາລາ ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ໄດ້ເປັນກຽດຂຶ້ນມອບໃບຢັ້ງຢືນ ຖິ່ນກໍາເນີດເຂົ້າໄກ່ນ້ອຍ ໃຫ້ແກ່ສະມາຄົມສົ່ງເສີມ ເຂົ້າໄກ່ນ້ອຍຫົວພັນ ເຊິ່ງຂຶ້ນຮັບໂດຍ ທ່ານ ວັນໄຊ ແພງຊຸມມາ ເຈົ້າແຂວງໆຫົວພັນ. ການຈົດທະບຽນຖິ່ນກໍາເນີດເຂົ້າໄກ່ນ້ອຍຫົວພັນ ແມ່ນໄດ້ເລີ່ມຂຶ້ນໃນຕົ້ນປີ 2016 ແລະ ໄດ້ມີການເຕົ້າໂຮມຜູ້ຜະລິດ ແລະ ຜູ້ປະກອບການ ທີ່ຜະລິດ ແລະ ຄ້າຂາຍເຂົ້າໄກ່ນ້ອຍ ເຂົ້າຮ່ວມສ້າງຕັ້ງເປັນສະມາຄົມ ສົ່ງເສີມເຂົ້າໄກ່ນ້ອຍ ແຂວງຫົວພັນ ໂດຍມີ 242 ຄອບຄົວ ແລະ 3 ຫົວໜ່ວຍທຸລະກິດເຂົ້າຮ່ວມ. ຈຸດປະສົງຂອງ ການຈົດທະບຽນປົກປ້ອງຖິ່ນກໍາເນີດເຂົ້າໄກ່ນ້ອຍຈາກແຂວງຫົວພັນ ແມ່ນເພື່ອປົກປ້ອງຊື່ສຽງຂອງເຂົ້າໄກ່ນ້ອຍແຂວງຫົວພັນ ອັນເປັນທີ່ຮູ້ຈັກຢ່າງກວ້າງຂວາງ, ປົກປ້ອງພູມປັນຍາທ້ອງຖິ່ນທີ່ຕິດພັນກັບການຜະລິດເຂົ້າໄກ່ນ້ອຍ ທີ່ສືບທອດມາຈາກບັນພະບູລຸດຫຼາຍເຊັ່ນຄົນ ສາມາດເວົ້າໄດ້ວ່າ: ແມ່ນຊັບສິນທາງປັນຍາຂອງຊຸມຊົນທ້ອງຖິ່ນ, ທັງເປັນເປັນການຊ່ວຍໃຫ້ມີການຮັກສາຄຸນນະພາບທີ່ເປັນເອກະລັກຂອງເຂົ້າໄກ່ນ້ອຍໄວ້. ພາຍຫຼັງທີ່ມີການຈົດທະບຽນ ຈະມີການກວດກາທຸກຂັ້ນຕອນການຜະລິດ ແລະ ມີການຢັ້ງຢືນຄວາມຖືກຕ້ອງຕາມມາດຕະຖານການຜະລິດເຂົ້າໄກ່ນ້ອຍ ຈາກໜ່ວຍງານຢັ້ງຢືນພາຍໃນ ຫຼື ສາກົນ ຈິ່ງຈະເຮັດໃຫ້ສິນຄ້າເຂົ້າໄກ່ນ້ອຍທີ່ວາງຂາຍໃນຕະຫຼາດ ...

ກອງປະຊຸມສຸດຍອດ ສັນຍາຄູ່ຮ່ວມມືເສດຖະກິດຮອບດ້ານລະດັບພາກພື້ນ (RCEP) ຄັ້ງທີສອງ ໄດ້ໄຂຂຶ້ນຢ່າງເປັນທາງການໃນວັນທີ 14 ພະຈິກ 2018 ທີ່ປະເທດສິງກະໂປ, ໃນກອງປະຊຸມ ບັນດາປະມຸກລັດ ແລະ ຫົວໜ້າລັດຖະບານ ໄດ້ຮັບຟັງການລາຍງານກ່ຽວກັບຄວາມຄືບໜ້າໃນການເຈລະຈາ ແລະ ກໍານົດຄາດໝາຍການເຈລະຈາໃຫ້ສໍາເລັດພາຍໃນປີ 2019 ເຊິ່ງການເຈລະຈາສັນຍາດັ່ງກ່າວ ໄດ້ດໍາເນີນມາ 6 ປີ ໂດຍມີ 24 ຮອບ  ນັບແຕ່ປີ 2012 ເປັນຕົ້ນມາ. ສັນຍາຄູ່ຮ່ວມມືເສດຖະກິດຮອບດ້ານລະດັບພາກພື້ນ ເປັນຂໍ້ຕົກລົງທາງດ້ານເສດຖະກິດພາກພື້ນ ຂະໜາດໃຫຍ່ທີ່ສຸດຂອງໂລກ ກວມເອົາປະຊາກອນ 3,5 ຕື້ຄົນ, ເກືອບ 1/3 ຂອງ GDP ໂລກ ແລະ 30% ຂອງການໄຫຼວຽນເງິນລົງທຶນທາງກົງຂອງໂລກ ຊຶ່ງພວມເຈລະຈາກັນລະຫວ່າງ 10 ປະເທດອາຊຽນ ກັບ 6 ຄູ່ຮ່ວມເຈລະຈາ ຄື: ອົດສະຕຣາລີ, ຈີນ, ອິນເດຍ, ນິວຊີແລນ ແລະ ສ.ເກົາຫລີ ປະກອບເປັນ 16 ປະເທດໃນເຂດການຄ້າເສລີ. (ທ່ານ ທອງລຸນ ສີສຸລິດ ...