ກອງປະຊຸມສະຫຼຸບຖອດຖອນບົດຮຽນການແກ້ໄຂໄພພິບັດໃນທົ່ວປະເທດ ຈັດຂຶ້ນໃນວັນທີ 26 ພະຈິກ 2018 ທີ່ ຫໍປະຊຸມແຫ່ງຊາດ ນະຄອນຫຼວງວຽງຈັນ ທ່ານ ຄໍາແພງ ໄຊສົມແພງ ລັດຖະມົນຕີກະຊວງແຮງງານ ສະຫວັດດີການສັງຄົມ ໄດ້ລາຍງານວ່າ:  ລັດຖະບານ ຕ້ອງການງົບປະມານຫຼາຍກວ່າ 4.400 ຕື້ກີບ ເພື່ອມາສ້ອມແປງ ແລະ ຟື້ນຟູສິ່ງທີ່ຖືກກະທົບ ແລະ ເສຍຫາຍ ຫຼັງໄພພິບັດ ທັງໄລຍະສັ້ນ, ໄລຍະກາງ ແລະ ໄລຍະຍາວ. ຂໍ້ມູນດັ່ງກ່າວນີ້ ແມ່ນອີງຈາກການປະເມີນຄວາມຕ້ອງການຫຼັງໄພພິບັດ ທີ່ລັດຖະບານລາວ ກໍຄືບັນດາຂະແໜງການທີ່ກ່ຽວຂ້ອງທີ່ເຮັດຮ່ວມກັບຄູ່ຮ່ວມງານສາກົນ. ຈາກສະພາບອາກາດປະຈຳລະດູການປີ 2018 ແລະ ລົມພະຍຸເຂດຮ້ອນພັດຜ່ານເຂົ້າມາ ສປປ ລາວ ເປັນຕົ້ນ: ລົມພາຍຸໄຕ້ຝຸ່ນເຊິນຕີນ ແລະ ເບປິນກາ ເຮັດໃຫ້ບັນດາແຂວງໃນທົ່ວປະເທດລວມທັງນະຄອນຫຼວງວຽງຈັນ ໄດ້ຮັບຜົນກະທົບຈາກໄພພິບັດນ້ຳຖ້ວມ, ສົ່ງຜົນກະທົບໂດຍກົງຕໍ່ປະຊາຊົນຢູ່ 124 ເມືອງ, 2.382 ບ້ານ, 126.619 ຄອບຄົວ, 616.477 ຄົນ, ເສຍຊີວິດ 60 ຄົນ, ສູນຫາຍທີ່ຍັງບໍ່ທັນພົບເຫັນ 30 ຄົນ, ສ້າງຄວາມເສຍຫາຍຕໍ່ທີ່ຢູ່ອາໃສຂອງພໍ່ແມ່ປະຊາຊົນ, ...

ວັນທີ 26 ພະຈິກ 2018 ເປັນມື້ທີຫ້າຂອງການດໍາເນີນກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດຊຸດທີ IIIV ພາຍໃຕ້ການເປັນປະທານຂອງທ່ານນາງ ປານີ ຢາທໍ່ຕູ້ ປະທານສະພາແຫາງຊາດ ຊຸດທີ IIIV ໃນພາກເຊົ້າທ່ານນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກໍາ ແລະ ການຄ້າ ໄດ້ຂຶ້ນຕອບຂໍ້ຊັກຖາມກ່ຽວກັບວຽກງານການສົ່ງເສີມທຸລະກິດຂະໜາດນ້ອຍ ຂະໜາດກາງ , ສິນຄ້າ ໂອດອບ,ສິນຄ້າກະສິກໍາ, ຫຼັງຈາກນັ້ນ ທ່ານ ຄໍາມະນີ ອິນທິລາດ ລັດຖະມົນຕີ ກະຊວງພະລັງງານ ແລະ ບໍ່ແຮ່ ໄດ້ຂຶ້ນຕອບຂໍ້ຊັກຖາມກ່ຽວກັບການອະນຸຍາດຊໍ້າຊ້ອນ ໃນບາງໂຄງການ ການກວດກາເຕັກນິກມາດຕະຖານໂຄງການກໍ່ສ້າງເຂື່ອນໃນປະເທດ ລວມທັງຄ່າກະແສໄຟຟ້າ ໃນປັດຈຸບັນແມ່ນເໝາະສົມແລ້ວບໍ່, ຫຼັງຈາກນັ້ນທ່ານ ສົມມາດ  ພົນເສນາ ລັດຖະມົນກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ ໄດ້ຂຶ້ນຕອບຂໍ້ຊັກຖາມກ່ຽວກັບການແກ້ໄຂຂໍ້ຂັດແຍ່ງບັນຫາທີ່ດິນ ໃນການເອົາໄປເປັນຫຼັກຊັບຄໍ້າປະກັນເພື່ອກູ້ເງິນກັບທະນາຄານ, ບັນຫາການອອກໃບຕາດິນຊໍ້າຊ້ອນ, ການຈັບຈອງທີ່ດິນແຕ່ບໍ່ມີການພັດທະນາ. ສໍາລັບລາຍລະອຽດຈະແຈ້ງໃຫ້ຊາບຕື່ມ.

ໃນວັນທີ 23 ພະຈິກ 2018, ເປັນມື້ທີ 4 ຂອງກອງປະຊຸມສາມັນເທື່ອທີ 6 ຂອງສະພາແຫ່ງຊາດຊຸດທີ 8 ພາຍໃຕ້ການເປັນປະທານຂອງ ທ່ານ ນາງ ປານີ ຢາທໍຕູ້ ປະທານສະພາແຫ່ງຊາດ. ບັນດາສະມາຊິກສະພາແຫ່ງຊາດປະຈຳແຕ່ລະເຂດເລືອກຕັ້ງຍັງສືບຕໍ່ປະກອບຄຳຄິດຄຳເຫັນໃສ່ບົດລາຍງານຂອງລັດຖະບານ, ບົດລາຍງານຂອງອົງການກວດສອບແຫ່ງລັດ ແລະ ບົດລາຍງານຂອງອົງການກວດສອບລັດຖະບານ. ທ່ານນາງ ປານີ ຢາທໍຕູ້, ປະທານສະພາແຫ່ງຊາດ ໄດ້ເນັ້ນໃຫ້ບັນດາສະມະຊິກສະພາແຫ່ງຊາດ ປະກອບຄຳຄິດຄຳເຫັນໃສ່ໂຄງການຂອງລັດຖະບານກ່ຽວກັບການເກັບລາຍຮັບຈາກແຕ່ລະໂຄງການ; ຖ້າວ່າໂຄງການໃດຫາກນອນຢູ່ໃນຄວາມຮັບຜິດຊອບຂອງທ້ອງຖິ່ນແລ້ວ ສະພາທ້ອງຖິ່ນຈະມີສ່ວນຮ່ວມຄືແນວໃດໃນການຊຸກຍູ້ ການແກ້ໄຂຜົນຂອງການກວດສອບ ກໍຄື ການເກັບລາຍຮັບງົບປະມານທີ່ເປັນການລະເມີດວິໄນແຜນການ-ການເງິນ ເຊິ່ງແຕ່ປີ 2013 – 2016 ແມ່ນຫາກໍ່ກວດໄດ້ພຽງປະມານ 200 ໂຄງການ, ໂດຍທີ່ຍັງບໍ່ທັນໄດ້ລົງເລິກໃສ່ ການແກ້ໄຂຜົນຂອງການກວດສອບກວດກາ ເຮັດໄດ້ຄືແນວໃດແດ່, ຈະມີວິທີທາງແນວໃດເພື່ອເປັນການເກັບລາຍຮັບທີ່ເປັນການລະເມີດວິໄນນັ້ນ ເຂົ້າມອບຄືນໃຫ້ງົບປະມານ, ທັງເປັນການກຳຈັດປະກົດການຫຍໍ້ທໍ້ໃນກົງຈັກລັດຢູ່ແຕ່ລະຂັ້ນອີກ. ນອກຈາກນີ້, ຍັງເປັນການແກ້ໄຂບັນຫາ 8 ສິ່ງກີດຂວາງທີ່ພວກເຮົາກຳລັງປະເຊີນໜ້າຢູ່ໃນປະຈຸບັນນີ້ ພ້ອມທັງ ເປັນການປະຕິບັດນະໂຍບາຍ 3 ເປີດຂອງ ທ່ານ ນາຍົກລັດຖະມົນຕີ ຄື: ເປີດໃຈ, ເປີດສິ່ງກີດຂວາງ ແລະ ເປີດປະຕູ, ເຊິ່ງບັນຫາທີ່ຍັງທ້າທາຍໃນປະຈຸບັນນີ້ ...

ລັດຖະບານລາວ ຈັດພິທີປະດັບຫລຽນໄຊແຮງ ງານຊັ້ນ I ໃຫ້ແກ່ ທ່ານ ປານຟີຣົບ ອີກໍ ດາວີໂດວິກ ຮອງປະທານສະມາຄົມມິດຕະພາບລັດເຊຍ-ລາວ ຕາງໜ້າປະດັບໂດຍ ທ່ານ ນາງ ສູນທອນ ໄຊຍະຈັກ ຫົວໜ້າຄະນະພົວພັນຕ່າງປະເທດສູນກາງພັກ, ມີບັນດາການນໍາພັກ-ລັດ, ປະທານສະມາຄົມມິດຕະພາບ ລາວ-ລັດເຊຍ, ລັດເຊຍ- ລາວ, ພ້ອມດ້ວຍພາກສ່ວນທີ່ກ່ຽວຂ້ອງ ເຂົ້າຮ່ວມ. ຂໍ້ມູນຈາກ: ຂປລ.

ໃນໂອກາດຢ້ຽມຢາມ ສປປ ລາວ ລະຫວ່າງວັນທີ 22-23 ພະຈິກ 2018 ຕາມຄຳເຊີນຂອງ ທ່ານ ສະເຫຼີມໄຊ ກົມມະສິດ ລັດຖະມົນຕີ ກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ປະທານຄະນະກຳມາທິການຮ່ວມ ຝ່າຍລາວ ວ່າດ້ວຍ ການຮ່ວມມືສອງຝ່າຍ ສປປ ລາວ-ສ ອິນເດຍ ທ່ານ ນາງ ສຸດສະມາ ຊະວາຣາດ (Sushma SWARAJ), ລັດຖະມົນຕີກະຊວງ ການຕ່າງປະເທດ ແຫ່ງ ສ.ອິນເດຍ ພ້ອມດ້ວຍຄະນະ ຍັງໄດ້ເຂົ້າຢ້ຽມຂ່ຳນັບ ທ່ານ ທອງລຸນ ສີສຸລິດ, ນາຍົກລັດຖະມົນຕີ ແຫ່ງ ສປປ ລາວ, ທີ່ ຫ້ອງວ່າການສໍານັກງານນາຍົກລັດຖະມົນຕີ. ໃນໂອກາດດັ່ງກ່າວ, ທ່ານ ນາງ ສຸດສະມາ ຊະວາຣາດ ກໍໄດ້ສະແດງຄວາມຍິນດີ ແລະ ຂອບໃຈ ຕໍ່ການຕ້ອນຮັບອັນອົບອຸ່ນຂອງ ທ່ານ ນາຍົກລັດຖະມົນຕີ ສປປ ລາວ ແລະ ໄດ້ລາຍງານຜົນສໍາເລັດຂອງກອງປະຊຸມ ...

ໃນວັນທີ 23 ພະຈິກ 2018, ທີ່ນະຄອນຫຼວງວຽງຈັນ, ກອງປະຊຸມຄະນະກຳມາທິການຮ່ວມ ວ່າດ້ວຍການຮ່ວມມື ລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ສາທາລະນະລັດ ອິນເດຍ ຄັ້ງທີ 9 ໄດ້ຖືກຈັດຂຶ້ນ, ໂດຍການເປັນປະທານຮ່ວມຂອງ ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ແລະ ທ່ານນາງ ສຸດສະມາ ຊະວາຣາດ (Sushma SWARAJ), ລັດຖະມົນຕີກະຊວງການຕ່າງປະເທດ ແຫ່ງ ສ.ອິນເດຍ, ໂດຍມີເຈົ້າໜ້າທີ່ກ່ຽວຂ້ອງຂອງທັງສອງປະເທດເຂົ້າຮ່ວມ. ໃນກອງປະຊຸມຄັ້ງນີ້, ທ່ານ ສະເຫຼີມໄຊ ກົມມະສິດ ໄດ້ສະແດງຄວາມຍິນດີຕ້ອນຮັບ ທ່ານ ນາງ ສຸດສະມາ ຊະວາຣາດ ທີ່ໄດ້ເດີນທາງມາຢ້ຽມຢາມ ສປປ ລາວ ຢ່າງເປັນທາງການ ແລະ ເຂົ້າຮ່ວມກອງປະຊຸມຄະນະກຳມາທິການຮ່ວມ ວ່າດ້ວຍການຮ່ວມມື ລະຫວ່າງ ລາວ-ອິນເດຍ. ສອງຝ່າຍໄດ້ຕີລາຄາສູງຕໍ່ສາຍພົວພັນມິດຕະພາບ ແລະ ການຮ່ວມມືອັນດີງາມ ທີ່ໄດ້ຮັບການພັດທະນາ ແລະ ເສີມຂະຫຍາຍຕະຫຼອດໄລຍະ 62 ...

ໃນວັນທີ່ 23 ພະຈິກ 2018, ຢູ່ເມືອງນໍ້າບາກ, ແຂວງຫຼວງພະບາງ, ອົງການປົກຄອງເມືອງນ້ຳບາກ ໄດ້ຈັດພິທີປະກາດຈົບຊັ້ນມັດທະຍົມຕົ້ນບຳລຸງໃນທົ່ວເມືອງ ໂດຍການເປັນປະທານຂອງທ່ານ ຮອງສາດສະດາຈານ ປະລີນຍາເອກ ຄຳຜາຍ ສີສະຫວັນ, ຮອງລັດຖະມົນຕີ ກະຊວງສຶກສາທິການ ແລະ ກິລາ ໂດຍມີການນຳຂອງແຂວງ, ບັນດາເມືອງອ້ອມຂ້າງແຂວງ, ແຂກຮັບເຊີນ, ພະນັກງານຄູ, ນັກຮຽນ ແລະ ປະຊາຊົນບັນດາເຜົ່າ ພາຍໃນເມືອງນ້ຳບາກເຂົ້າຮ່ວມ. ການຈັດການຮຽນການສອນມັດທະຍົມຕົ້ນບຳລຸງ ໃຫ້ປະຊາຊົນກຸ່ມເປົ້າໝາຍ ຢູ່ເມືອງນ້ຳບາກ, ແຂວງຫຼວງພະບາງ ໄດ້ເລີ່ມມາແຕ່ ປີ 2011 ໂດຍໄດ້ປະຕິບັດ 6 ຂັ້ນຕອນຄື: ການເກັບກຳຂໍ້ມູນ, ການແຕ່ງຕັ້ງຄະນະຮັບຜິດຊອບ, ການວາງແຜນການ ທັງດຳເນີນການຮຽນ-ການສອນ, ການລົງຕິດຕາມ-ກວດກາ-ປະເມີນຜົນ, ກາາປະກາດຜົນສຳເລັດຂັ້ນບ້ານ-ກຸ່ມບ້ານ ແລະ ການນໍາສະເໜີຕໍ່ການນໍາຂັ້ນເທິງເພື່ອຈັດພິທີປະກາດໃນທົ່ວເມືອງ. ສຳລັບກຸ່ມເປົ້າໝາຍທີ່ໄດ້ຜ່ານການຮຽນ-ການສອບບຳລຸງ ລວມມີທັງໝົດ 1.683 ຄົນ, ຍີງ 658 ຄົນ, ຢູ່ 83 ບ້ານ ໃນທົ່ວເມືອງ, ໂດຍໃນນັ້ນ ມີພະນກງານ, ທະຫານ, ຕໍ່າຫຼວດ ທີ່ຮຽນຈົບຊັ້ນມັດທະຍົມຕົ້ນ ທັງໝົດ ...

ທ່ານ ນາງ ຣົດສະແລ M. Rossler ຜູ້ອຳນວຍການໃຫຍ່ສູນມໍລະດົກໂລກ ໄດ້ກ່າວທ່ານສະໜັບສະໜູນ ສປປ ລາວ ໃນການສະເໜີທົ່ງໄຫຫີນແຂວງຊຽງຂວາງເຂົ້າເປັນມໍລະດົກໂລກ ໃນໂອກາດຕ້ອນຮັບການເຂົ້າພົບປະສົນທະນາຂອງຄະນະວິຊາການ “ມໍລະດົກລາວ ເພື່ອມໍລະດົກໂລກ” ນໍາໂດຍ ທ່ານ ທອງໃບ ໂພທິສານ ຫົວຫນ້າກົມມໍລະດົກ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ຢູ່ທີ່ສໍານັກງານອົງການອຸຍແນສະໂກ ໃນວັນທີ 22 ພະຈິກ 2018 ທີ່ຜ່ານມານີ້ ຢູ່ນະຄອນຫຼວງປາຣີ, ປະເທດຝຣັ່ງ.   (ຂອບໃຈ ຂໍ້ມູນ ແລະ ພາບ ຈາກ: ສາລາກະວີ ງົວແລະກວຽນ)  

ພາຍຫຼັງມີການຮ້ອງຮຽນ ຈາກປະຊາຊົນ ກ່ຽວກັບກໍລະນີ ມີກິ່ນເໝັນຮຸນແຮງ ຈາກເຂດ ບໍລິເວນໂຮງງານກາເຟ ຫວຽດນາມ ທີ່ເຂດ ເມືອງປາກຊ່ອງ, ແຂວງຈໍາປາສັກ. ມາເຖິງວັນທີ 22​ ພະຈິກ 2018 ທີ່ຜ່ານມາ ພະນັກງານຂະແໜງອຸດສາຫະກໍາ ແລະ ຫັດຖະກໍາ ​ໄດ້ສົມທົບກັບຂະແໜງສີ່ງແວດລ້ອມ ແລະ ຫ້ອງການທີ່ກ່ຽວຂ້ອງຂອງເມືອງປາກຊ່ອງ ໄດ້ລົງແກ້ບັນຫາທີ່ໂຮງງານສີກາເຟ ໝາກແດງ, ເຫັນວ່າມີການປ່ອຍນ້ຳເປື້ອນອອກຈາກໂຮງງານແທ້ ໂດຍບໍ່ມີການບໍາບັດ ທີ່ເປັນການລະເມີດຂໍ້ຕົກລົງໃນການຕັ້ງໂຮງງານ ແລະ ການລົງທຶນ. ທາງເຈົ້າໜ້າທີ່ ຈິ່ງໄດ້ອອກແຈ້ງການໃຫ້ໂຮງງານດັ່ງກ່າວຢຸດກິດຈະການຊົ່ວຄາວ ແລະ ໄດ້ສັ່ງການໃຫ້ມີການປະເມີນຄວາມເສຍຫາຍ ທີ່ເກີດຈາກໂຮງງານດັ່ງກ່າວ, ເພາະບັນຫາທີ່ສົ່ງຜົນກະທົບໃຫ້ປະຊາຊົນ ແມ່ນກິ່ນເໝັນ ເຮັດໃຫ້ປະຊາຊົນ ທີ່ອາໃສໃນລັດສະໝີ ຫຼາຍກິໂລແມັດ ໄດ້ຮັບຜົນກະທົບ ດັ່ງນັ້ນ ເຈົ້າຂອງໂຮງງານ ຕ້ອງແກ້ໄຂບັນຫານີ້ໂດຍໄວ. ພ້ອມນີ້ ປະຊາຊົນຍັງໄດ້ຮຽກຮ້ອງ ໃຫ້ເຈົ້າໜ້າທີ່ ຈົ່ງປະຕິບັດ ລະບຽບກົດໝາຍ ຢ່າງເຄັ່ງຄັດ ແລະ ມີການລົງໂທດ ຢ່າງຈິງຈັງ ຕໍ່ບັນດາໂຮງຈັກໂຮງງານ ທີ່ສ້າງມົນລະພິດ ແລະ ສົ່ງຜົນກະທົບແກ່ສິ່ງແວດລ້ອມ, ທໍາມະຊາດ ແລະ ປະຊາຊົນ. ຂອບໃຈແຫຼ່ງຂໍ້ມູນ. ພາບຈາກອິນເຕີເນັດ.

ສະບາຍດີ ຊາວເຟສບຸກ ແລະ ເພື່ອນໆເຟສບຸກຂອງ Target Hot News ທີ່ຮັກແພງທຸກໆທ່ານ ມື້ນີ້ ທາງ “ແອ໊ດມິນ” ຈະຂໍນໍາເອົາພາບຂອງບັນດາທ່ານການນໍາພັກ ແລະ ລັດຖະບານ ທີ່ເພິ່ນມາຮ່ວມພິທີເຮັດບຸນ ໃສ່ບາດ ຢາດນໍ້າ ຖະຫວາຍເຄື່ອງສັງຄະທານ ຮ່ວມກັບພໍ່ແມ່ປະຊາຊົນລາວ ບັນດາເຜົ່າໃນທົ່ວປະເທດ ທີ່ມາເຕົ້າໂຮມຈິດໃຈໃສສັດທາ ໃນປາງບຸນໃຫຍ່ ຂອງປະເທດ ທີ່ບໍລິເວນເດີ່ນພຣະທາດຫຼວງວຽງຈັນ ໃນມື້ວັນທີ 22 ພະຈິກ 2018 ເຊິ່ງກົງກັບ ມື້ຂຶ້ນ 15 ຄໍ່າ ເດືອນ 12. ພາບຈາກມູມສູງ ມວນຊົນຊາວລາວ ຈາກທຸກສາລະທິດ ມາເຕົ້າໂຮມແຮງຈິດ ແຮງໃຈ ແຮງສັດທາ ແຮງ ເຫຼື້ອມໃສ ແຕ່ຟ້າຍັງບໍ່ແຈ້ງ ເພື່ອຈັບຈອງບ່ອນນັ່ງໃຫ້ໄດ້ເຂົ້າໃກ້ພຣະທາດຫຼວງ ທີ່ສຸດ ທ່ານ ປະທານປະເທດໃຫ້ກຽດລັ່ນຄ້ອງ ເພື່ອເລີກງາມຍາມດີ ພຣະອາຈານໃຫຍ່ ມະຫາງອນ ດຳລົງບຸນ ປະທານອົງການພຸດທະສາສະໜາສຳພັນລາວ ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ແລະ ...