ອິງຕາມຂໍ້ຕົກລົງ ເລກທີ 677/ນຊ.ນວ ລົງວັນທີ 20 ທັນວາ 2018 ວ່າດ້ວຍການແຕ່ງຕັ້ງຄະນະຮັບຜິດຊອບດໍາເນີນການປ່ອນບັດເອົາຄະນະບໍລິຫານງານ ສະມາຄົມຈີນ ນະຄອນຫຼວງວຽງຈັນ ຊຸດທີ່ 21. ສະມາຄົມຈີນ ນວ ໄດ້ດໍາເນີນການປ່ອນບັດຄະນະຊຸດທີ 21 ຂຶ້ນຢ່າງເປັນທາງການໃນວັນທີ 23 ທັນວາ 2018 ເຊິ່ງຜູ້ມີສິດປ່ອນບັດເຂົ້າຮ່ວມ 222 ທ່ານ ຄັດເລືອກເອົາຄະນະ 15 ທ່ານ. ໂດຍການເຂົ້າຮ່ວມເປັນປະທານຂອງທ່ານ ບຸນທ່ຽງ ຂຸນສີ ຄະນະປະຈໍາພັກ, ປະທານແນວລາວສ້າງຊາດ ນະຄອນຫຼວງວຽງຈັນ, ພ້ອມດ້ວຍຜູ້ອະວຸໂສຊາວລາວເຊື້ອສາຍຈີນ,ອໍານາດການປົກຄອງເມືອງ ແລະ ບ້ານ ແລະ ແຂກຖືກເຊີນເຂົ້າຮ່ວມ. ຫຼັງຈາກນັ້ນໃນວັນທີ 24 ທັນວາ 2018 ຄະນະຊຸດໃໝ່ 15 ທ່ານ ໄດ້ເປີດກອງປະຊຸມ ເພື່ອຄັດເລືອກເອົາປະທານ ແລະ ຮອງປະທານ,ຄະນະກວດກາ ແລະ ຄະນະຈັດຕັ້ງ ຜົນປະກົດດັ່ງນີ້: ຄະນະປະທານ ປະກອບມີ 6 ທ່ານ ທ່ານນາງ ແສງເດືອນ ອ່າງຄໍານາກສະຫວັດ ໄດ້ຖືກເລືອກໃຫ້ເປັນປະທານສະມາຄົມອີກໜຶ່ງສະໄໝ ແລະ ...

ເພື່ອ​ປະ­ກອບ­ສ່ວນ​ໃຫ້​ຊັບ­ພະ­ຍາ­ກອນ​ມະ­ນຸດ​ໃນ​ຂະ­ແໜງ­ການ​ສຶກ​ສາ​ຂອງ ມຊ ໄດ້​ຮັບ​ການ​ພັດ­ທະ­ນາ​ຢ່າງ​ຕໍ່​ເນື່ອງ ໂດຍ​ສະ­ເພາະນັກ​ສຶກ​ສາ​ທີ່​ຮຽນ​ດີ ແຕ່​ຂາດ­ທຶນ​ສົ່ງ­ເສີມ, ທ່ານ ຄິມ ໂຮ ກອງ ປະ­ທານ​ກວດ​ສອບ​ການ​ບັນ­ຊີ​ມະ­ຫາ­ຊົນ ສ ເກົາ­ຫຼີ ມອບ​ທຶນ​ການ​ສຶກ​ສາ ສົກ­ຮຽນ 2018-2019 ໃຫ້​ນັກ​ສຶກ​ສາ​ ມະ­ຫາ­ວິ­ທະ­ຍາ­ໄລ​ແຫ່ງ​ຊາດ​ລາວ (ມຊ) 75 ຄົນ ລວມ​ມູນ​ຄ່າ 180 ລ້ານ​ກີບ ໃນ​ນີ້ ຄະ­ນະ​ສັງ­ຄົມ​ສາດ 45 ຄົນ ຄະ­ນະ​ສະ­ຖາ­ປັດ­ຕະ­ຍະ­ກຳ​ສາດ 20 ຄົນ ແລະ ຄະ­ນະ​ອັກ­ສອນ­ສາດ 10 ຄົນ. ພິ​ທີ​ລົງ​ນາມ​ຂໍ້​ຕົກ­ລົງ​ການ​ຮ່ວມ​ມື ແລະ ມອບ​ທຶນ​ການ​ສຶກ​ສາ​ດັ່ງ­ກ່າວ ຈັດ​ຂຶ້ນ​ວັນ​ທີ 25 ທັນ­ວາ 2018 ຢູ່​ສະ­ໂມ­ສອນ ມຊ ລະ­ຫວ່າງ​ທ່ານ ເດ​ຊາ­ນຸ​ລາດ ແສນ​ດວງ​ເດດ ຄະ­ນະ­ບໍ­ດີ​ຄະ­ນະ​ວິ­ທະ­ຍາ­ສາດ​ສັງ­ຄົມ ທ່ານ ສິນ​ທະ​ວອນ ດາ­ລາ​ວົງ ຮອງ​ຄະ­ນະ­ບໍ­ດີ​ຄະ­ນະ​ສະ­ຖາ­ປັດ­ຕະ­ຍະ­ກຳ​ສາດ ທ່ານ ເກດ​ແກ້ວ ພັນ­ທະ​ວົງ ຮອງ​ຄະ­ນະ­ບໍ­ດີ​ຄະ­ນະ​ອັກ­ສອນ­ສາດ ແລະ ທ່ານ ຄິມ ໂຮ ກອງ ...

ປີ 2018 ນະ­ຄອນ­ຫຼວງ​ຍັງ​ເປັນ​ອີກ​ບ່ອນ​ໜຶ່ງ​ທີ່​ມີ​ການ​ລົງ­ທຶນ​ຢ່າງ​ຄຶກ­ຄື້ນ ຕົວ​ເລກ​ການ​ອະ­ນຸ­ມັດ​ການ​ລົງ­ທຶນ (ທັງ​ສູນ​ກາງ ແລະ ທ້ອງ­ຖິ່ນ) ບັນ­ລຸ​ເຖິງ 18.000 ຕື້​ກີບ GDP ເຕີບ​ໂຕ 9,3% ສະ­ເລ່ຍ​ຫົວ​ຄົນ​ບັນ­ລຸ 5.300 ໂດ​ລາ​ສະ­ຫະ­ລັດ ຫຼື ປະ­ມານ 45.261.311 ກີບ ການ​ຈັດ​ເກັບ​ລາຍ​ຮັບ​ເຂົ້າ​ງົບ­ປະ­ມານ​ບັນ­ລຸ​ຄາດ­ໝາຍ​ຂອງ​ແຜນ­ການ​ປີ 1.222,71 ຕື້​ກີບ. ອີງ​ຕາມ​ບົດ​ລາຍ​ງານ​ຂອງ​ທ່ານ ສິນ​ລະ​ວົງ ຄຸດ​ໄພ­ທູນ ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ກ່ຽວ​ກັບ​ຜົນ​ຂອງ​ການ­ຈັດ­ຕັ້ງ​ປະ­ຕິ­ບັດ​ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ ແລະ ແຜນ​ພັດ­ທະ­ນາ​ວຽກ​ງານ​ຈຸດ​ສຸມ​ພົ້ນ​ເດັ່ນ ຂອງ​ອົງ­ການ​ປົກ­ຄອງ ​ນະ​ຄອງ​ຫຼວງ​ວຽງ​ຈັນ ປີ 2018 ແລະ ສະ­ເໜີ​ແຜນ​ວຽກ​ຈຸດ​ສຸມ ປີ 2019 ໄດ້​ສະ­ເໜີ​ຕໍ່​ກອງ​ປະ­ຊຸມ​ສະ­ໄໝ​ສາ­ມັນ​ເທື່ອ 6 ຂອງ​ສະ­ພາ​ປະ­ຊາ­ຊົນ ນະ­ຄອນ­ຫຼວງ​ວຽງ​ຈັນ ຊຸດ​ທີ I ບັນ­ດາ​ຂະ­ແໜງ­ການ​ຜະ­ລິດ ແລະ ຫົວ­ໜ່ວຍ​ທຸ­ລະ​ກິດ ເຖິງ​ວ່າ​ຈະ​ປະ​ເຊີນ​ກັບ​ຜົນ​ກະ­ທົບ​ຈາກ​ໄພ­ພິ­ບັດ​ທຳ​ມະ​ຊາດ ຫົວ­ໜ່ວຍ​ຈຳ­ນວນ​ໜຶ່ງ​ຢຸດ​ຈຶ້ງ​ແຕ່​ສ່ວນ​ໃຫຍ່​ຄົງ​ຕົວ​ຢູ່​ໄດ້ ແລະ ມີ​ຫຼາຍ​ຫົວ­ໜ່ວຍ​ໃໝ່​ເກີດ​ຂຶ້ນ ພວກ​ເຮົາ​ໄດ້​ປະ­ຕິ­ບັດ​ຕາມ​ນະ­ໂຍ­ບາຍ​ຂອງ​ລັດ­ຖະ­ບານ ໃນ​ການ​ສົ່ງ­ເສີມ​ສິນ­ຄ້າ ODOP SMEs ເສດ­ຖະ­ກິດ​ຄອບ­ຄົວ ປະ­ຕິ­ບັດ 8 ມາດ​ຕະ­ການ​ຊຸກ­ຍູ້​ເສດ­ຖະ­ກິດ​ແຫ່ງ​ຊາດ ເປັນ­ຕົ້ນ​ແມ່ນ ...

ໃນວັນທີ 27 ທັນວາ 2018, ທ່ານ ພັນຄຳ ວິພາວັນ ຮອງປະທານປະເທດ ແຫ່ງ ສປປ ລາວ ໄດ້ໃຫ້ກຽດຕ້ອນຮັບ ທ່ານ ຕາເກໂອະ ຄາວາມຸຣະ ປະທານສະມາຄົມມິດຕະພາບ ຍີ່ປຸ່ນ-ລາວ ຝ່າຍລັດຖະສະພາ, ປະທານກຳມາທິການງົບປະມານ ສະພາຜູ້ແທນລາຊະດອນ (ສະພາຕ່ຳ) ຍີ່ປຸ່ນ ພ້ອມດ້ວຍຄະນະ ໃນໂອກາດເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນລະຫວ່າງ ວັນທີ 26-28 ທັນວາ 2018. ໃນໂອກາດດັ່ງກ່າວ, ທ່ານ ພັນຄຳ ວິພາວັນ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງ ຕໍ່ທ່ານ ຕາເກໂອະ ຄາວາມຸຣະ ທີ່ໄດ້ນຳພາຄະນະເດີນທາງມາຢ້ຽມຢາມສປປ ລາວ ໃນຄັ້ງນີ້, ເຊິ່ງເປັນການປະກອບສ່ວນອັນສຳຄັນ ເຂົ້າໃນການເສີມຂະຫຍາຍສາຍພົວພັນມິດຕະພາບ ແລະ ການຮ່ວມມື ລະຫວ່າງ ສອງລັດຖະບານ ລາວ-ຍີ່ປຸ່ນ ໃຫ້ໄດ້ຮັບການພັດທະນາ ແລະ ສືບຕໍ່ໃຫ້ການສະໜັບສະໜູນຊ່ວຍເຫຼືອເຊິ່ງກັນ ແລະ ກັນ ໃນທຸກຂົງເຂດວຽກງານ ໃນອະນາຄົດ ...

ທ່ານ ນາງ ບົວສະຫວັນ ລຸຍບົວທອງ ຮອງຫົວໜ້າພະແນກການເງິນປະຈຳແຂວງສະຫວັນນະເຂດ ໄດ້ລາຍງານສະພາບການປະຕິບັດແຜນງົບປະມານໃນ 11 ເດືອນຜ່ານມາ ຊຶ່ງທົ່ວແຂວງສາມາດເກັບລາຍຮັບໄດ້ 1.182,7 ຕື້ກວ່າກີບ, ເທົ່າກັບ 76.83% ຂອງແຜນການປິ ຖ້າທຽບໃສ່ໄລຍະດຽວກັນຂອງປີກາຍເພີ່ມຂຶ້ນ 8,90% ແຍກໃຫ້ເຫັນ: ລາຍຮັບພູດສູນກາງປະຕິບັດຢູ່ແຂວງປະຕິບັດໄດ້ 629,1 ຕື້ກີບ, ເທົ່າ ກັບ 78,35% ຂອງແຜນການປີ, ຖ້າທຽບໃສ່ໄລຍະດຽວກັນເພີ່ມຂຶ້ນ 1,02% (ໃນນີ້ ລາຍ ຮັບພາສີປະຕິບັດໄດ້ 624,984 ຕື້ກີບ, ເທົ່າກັບ 78,16% ຂອງ ແຜນການປີ), ລາຍຮັບພູດ ທ້ອງຖິ່ນປະຕິບັດໄດ້ 553,613 ຕື້ກີບ, ເທົ່າກັບ 75,17% ຂອງແຜນການປີ ຖ້າທຽບໃສ່ໄລຍະດຽວກັນເພີ່ມຂຶ້ນ 19,49%, ໃນນີ້ ລາຍຮັບສວຍສາອາກອນ ປະຕິບັດໄດ້ 530,761 ຕື້ກີບ, ລາຍຮັບຈາກຊັບສິນລັດປະຕິບັດໄດ້ 22,851 ຕື້ກີບ, ເທົ່າກັບ 86,67% ຂອງແຜນການປີ, ໃນນີ້ ມີລາຍຮັບຈາກບັນດາເມືອງ 60,528 ຕື້ກີບ, ເທົ່າກັບ ...

ໃນວັນທີ 26 ທັນວາ 2018, ຢູ່ກະຊວງວິທະຍາສາດ ແລະ ເຕັກໂນໂລຊີ ໄດ້ມີກອງປະຊຸມ ກ່ຽວກັບການສ້າງແຜນພັດທະນາ ສະພາບັນດິດ ວິທະຍາສາດ ແລະ ເຕັກໂນໂລຊີ ແຫ່ງຊາດລາວ ພາຍໃຕ້ການເປັນປະທານຂອງ ທ່ານ ຈັນແສງ ພິມມະວົງ ຮອງລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ. ກອງປະຊຸມຄັ້ງນີ້, ເພື່ອສືບຕໍ່ປຶກສາຫາລື ແລະ ປະກອບຄໍາເຫັນຕໍ່ຮ່າງແຜນພັດທະນາ ສະພາບັນດິດ ວິທະຍາສາດ ແລະ ເຕັກໂນໂລຊີ ແຫ່ງຊາດລາວ ໃນການຈັດຕັ້ງຜັນຂະຫຍາຍ ກົດໝາຍວ່າດ້ວຍ ວິທະຍາສາດ ແລະ ເຕັກໂນໂລຊີ ທີ່ສະພາແຫ່ງຊາດ ໄດ້ຮັບຮອງເອົາໃນປີ 2013 ຜ່ານມາ ວ່າດ້ວຍການສ້າງຕັ້ງ ສະພາບັນດິວິທະຍາສາດ ແລະ ເຕັກໂນໂລຊີ. ເພື່ອໃຫ້ວຽກງານດັ່ງກ່າວ, ໄດ້ມີການຄຸ້ມຄອງ ແລະ ສົ່ງເສີມການຄົ້ນຄວ້າວິທະຍາສາດ ແລະ ເຕັກໂນໂລຊີ ຂອງປະເທດ ເພື່ອກ້າວເຂົ້າສູ່ການພັດທະນາເສດຖະກິດ-ສັງຄົມ ໃນຍຸກອຸດສາຫະກຳຄັ້ງທີ່ 4 ຫຼື ເອີ້ນວ່າ ຍຸກ 4.0.   ຮູບປະກອບຈາກອິນເຕີເນັດ. ...

 ພິທີປະກາດບ້ານ ປາກງາວ ເມືອງຫ້ວຍຊາຍ ແຂວງບໍ່ແກ້ວ ເປັນບ້ານສາມັກຄີປອງດອງເປັນບ້ານທີ 4 ຂອງເມືອງຫ້ວຍຊາຍ ແຂວງບໍ່ແກ້ວ ໂດຍການເຂົ້າຮ່ວມຂອງທ່ານ ສິງທອງ ວິໄລສຸກ ກໍາມະການພັກແຂວງ,ຮອງປະທານແນວລາວສ້າງຊາດແຂວງບໍ່ແກ້ວ ພ້ອມດ້ວຍຄະນະນໍາຂອງແຂວງ ແລະ ເມືອງ,ຄະນະພັກຮາກຖານ,ອໍານາດການປົກຄອງບ້ານ ເຂົ້າຮ່ວມ. (ຄຣິບຂ່າວ) ປະກາດບ້ານ ປາກງາວ ເມືອງຫ້ວຍຊາຍ ແຂວງບໍ່ແກ້ວ ເປັນບ້ານສາມັກຄີປອງດອງ ພາບ ຂ່າວ: ບຸນຈັນ ນັກຂ່າວເມືອງຫ້ວຍຊາຍ27/12/2018 Posted by ໂທລະພາບແຂວງບໍ່ແກ້ວ ຂ່າວ on Wednesday, December 26, 2018   ຂອບໃຈຂໍ້ມູນຈາກ: ໂທລະພາບແຂວງບໍ່ແກ້ວ.

ກຸ່ມພັດທະນາເດັກໃນຊຸມຊົນ ຫຼື CCDG  2 ແຂວງຄື: ແຂວງອຸດົມໄຊ ແລະ ແຂວງຜົ້ງສາລີ, ໄດ້ຮັບການເຝິກອົບຮົມກ່ຽວກັບການຈັດກິດຈະກຳການຮຽນ-ການສອນ, ການຈັດສະພາບແວດລ້ອມ ແລະ ການສອນ ແບບເອົາເດັກເປັນໃຈກາງ. ກອງປະຊຸມໄດ້ຈັດຂື້ນຢູ່ທີ່ສະໂມສອນ ພະແນກສຶກສາທິການ ແລະ ກິລາແຂວງອຸດົມໄຊ, ເຊິ່ງແບ່ງອອກເປັນ 2 ຊຸດ; ຊຸດທີ 1 ໄດ້ຈັດຂື້ນລະຫວ່າງວັນທີ 14-18 ທັນວາ 2018 ມີຜູ້ເຂົ້າຮ່ວມ 72 ຄົນ, ຍິງ 64 ຄົນ; ສ່ວນຊຸດທີ 2 ຈັດຂື້ນໃນວັນທີ 19-23 ທັນວາ 2018 ນີ້ໄດ້ສຳເລັດ ແລະ ປິດລົງ ສຳລັບເມືອງເປົ້າໝາຍແຂວງ ອຸດົມໄຊ ເຂົ້າຮ່ວມມີ 3 ເມືອງຄື ເມືອງຫຼາ, ນາໝໍ້ ແລະ ເມືອງແບງ, ສຳລັບເມືອງເປົ້າໝາຍແຂວງ ຜົ້ງສາລີ ເຂົ້າຮ່ວມມີເມືອງຂວາ, ເຊິ່ງມີຜູ້ດູແລເດັກຈາກການຄັດເລືອກ ຂອງຄະນະພັດທະນາ ການສຶກສາຂັ້ນບ້ານເຂົ້າຮ່ວມລວມຈຳນວນທັງໝົດ 105 ຄົນ, ຍິງ 93 ...

ຕອນເຊົ້າຂອງ ວັນທີ 26 ທັນວາ 2018, ກະຊວງການຕ່າງປະເທດ ໄດ້ຈັດພິທີ ປາຖະກະຖາ ລະນຶກວັນສຳຄັນຕ່າງໆຂອງຊາດ ຄື: ວັນສ້າງຕັ້ງເມືອງວຽງໄຊ-ຖານທີ່ໝັ້ນຂອງການປະຕິວັດລາວ ຄົບຮອບ 50 ປີ(30/11/1968–30/11/2018), ວັນສະຖາປະນາ ສປປ ລາວ ຄົບຮອບ 43 ປີ (2/12/1975-2/12/2018) ແລະ ວັນຄ້າຍວັນເກີດ ຂອງປະທານ ໄກສອນ ພົມວິຫານ ຄົບຮອບ 98 ປີ (13/12/1920-13/12/ 2018), ໂດຍການເປັນປະທານ ຂອງທ່ານ ສົມສະຫວາດ ເລັ່ງສະຫວັດ, ອະດີດ ຮອງນາຍົກລັດຖະມົນຕີ, ມີຄະນະພັກ-ຄະນະນຳ, ສະມາຊິກພັກ, ພະນັກງານຫຼັກແຫຼ່ງ ແລະ ພະນັກ ງານ-ລັດຖະກອນ ອ້ອມຂ້າງກະຊວງການຕ່າງປະເທດ ເຂົ້າຮ່ວມ. ໃນໂອກາດດັ່ງກ່າວ, ທ່ານ ສົມສະຫວາດ ເລັ່ງສະຫວັດ ໄດ້ເລົ່າປະຫວັດມູນເຊື້ອເມືອງວຽງໄຊ- ຖານທີ່ໝັ້ນຂອງການປະຕິວັດລາວ ໂດຍຍົກໃຫ້ເຫັນວ່າ: ເມືອງວຽງໄຊ ແມ່ນບ່ອນກໍາເນີດອົງການແນວລາວຮັກຊາດ ແລະ ເປັນໃຈກາງແຫ່ງການເຕົ້າໂຮມຄວາມສາມັກຄີ ທົ່ວປວງຊົນລາວທັງຊາດ ເພື່ອສ້າງກໍາແຮງສັງລວມ ຕີເອົາຊະນະສັດຕູຢ່າງເຂັ້ມແຂງ, ທັງເປັນບ່ອນກໍ່ສ້າງ ...

ຄະນະຜູ້ແທນຄະນະສັນຕິພາບ ຫວຽດນາມ ນຳໂດຍ ສະຫາຍ ຟາມ ວັນເຈືອງ, ອະດີດຮອງຫົວໜ້າຄະນະພົວພັນຕ່າງປະເທດສູນກາງພັກ, ຮອງປະທານ ຄະນະສັນຕິພາບ ຫວຽດນາມ ໄດ້ເຂົ້າຢ້ຽມຢາມທ່ານ ບຸນຖອງ ດີວິໄຊ ເລຂາພັກແຂວງ,ເຈົ້າແຂວງໆຈໍາປາສັກ ໃນວັນທີ 26 ທັນວາ 2018 ໃນໂອກາດທີ່ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ລະຫວ່າງ ວັນທີ 24-28 ທັນວາ 2018.   ຂອບໃຈພາບຈາກ: ເຟສບຸກທ່ານ ສົມສະໜຸກ ມີໄຊ.