News

ພິທີມອບ-ຮັບໜ້າທີ່ ລັດຖະມົນກະຊວງສຶກສາທິການ ແລະ ກິລາລະຫວ່າງ ທ່ານນາງ ແສງເດືອນ ຫລ້າຈັນທະບູນ ລັດຖະມົນຕີ (ຜູ້ເກົ່າ) ແລະ ທ່ານ ພຸດ ສິມມາລາວົງ ກໍາມະການສູນກາງພັກ, ເລຂາຄະນະພັກກະຊວງ, ລັດຖະມົນຕີກະຊວງສຶກສາທິການ ແລະ ກິລາ (ຜູ້ໃໝ່) ໄດ້ມີຂຶ້ນໃນວັນທີ 1 ເມສາ 2021 ຢູ່ກະຊວງສຶກສາທິການ ແລະ ກິລາ ໂດຍການເຂົ້າຮ່ວມຂອງ ທ່ານ ກິແກ້ວ ໄຂຄໍາພິທູນ ຮອງນາຍົກລັດຖະມົນຕີ, ມີບັນດາຄະ ນະພັກ-ຄະນະນໍາກະຊວງດັ່ງກ່າວເຂົ້າຮ່ວມ. ທ່ານນາງ ແສງເດືອນ ຫລ້າຈັນທະບູນ ໄດ້ກ່າວວ່າ: ຕະຫລອດໄລຍະ 5 ປີຜ່ານມາ, ຂ້າພະເຈົ້າ ພ້ອມດ້ວຍໝູ່ຄະນະຂັ້ນຕ່າງໆໄດ້ພ້ອມກັນຄົ້ນຄວ້າ ແລະ ເສີມຂະຫຍາຍແນວທາງນະ ໂຍບາຍຂອງພັກ, ໄດ້ຜັນຂະຫຍາຍມະຕິກອງປະຊຸມໃຫຍ່ຄັ້ງທີ X ຂອງພັກ ແລະ ມະຕິກອງປະຊຸມໃຫຍ່ຄັ້ງທີ VIII ຂອງອົງຄະນະພັກກະຊວງ ກໍຄື ແຜນພັດທະນາຂະແໜງການສຶກສາ ແລະ ກິລາ ຄັ້ງທີ VIIIເຊິ່ງມີຜົນສຳເລັດສູງພໍສົມຄວນ. ສຳລັບ ສິ່ງທີ່ຍັງຄົງຄ້າງ ...

ໃນວັນທີ 31 ມີນາທີ່ຜ່ານມາ, ສໍານັກຂ່າວ (AFP) ປັກກິ່ງລາຍງານວ່າ: ເມືອງໜຶ່ງຂອງຈີນທີ່ຢູ່ໃກ້ຊາຍແດນຕິດກັບມຽນມາໄດ້ສັ່ງປິດເມືອງຊົ່ວຄາວ ຫຼັງມີລາຍງານວ່າມີຄົນມຽນມາທີ່ເປັນຜູ້ຕິດເຊື້ອໂຄວິດ-19 ຈໍານວນ 6 ຄົນ ລັກລອບເຂົ້າຊາຍແດນຈີນ. ເມືອງຣຸ່ຍລີ່ ເປັນເມືອງທີ່ມີປະຊາກອນຫຼາຍກວ່າ 210,000 ຄົນ, ໂດຍມີຄົນມຽນມາ 3 ຄົນທີ່ມີອາຍຸລະຫວ່າງ 24-28 ປີ ຖືກບັນທຶກວ່າເປັນຄົນຕິດເຊື້ອທີ່ບໍ່ສະແດງອາການ ແລະ ເມືອງຮຸ່ຍລີ່ເປັນຈຸດຜ່ານແດນທີ່ສໍາຄັນຈາກເມືອງມິວສ໌ປະເທດມຽນມາ ເຊິ່ງເປັນເມືອງທີ່ມີເຫດການບໍ່ສະຫງົບ ແລະ ນັບມື້ນັບເພີ່ມທະວີຄວາມຮຸນແຮງຂຶ້ນຕັ້ງແຕ່ທີ່ມີການຍຶດອໍານາດຂອງກອງທັບ ໃນວັນທີ 1 ກຸມພາ ເຊິ່ງອາດຈະເຮັດປະຊາຊົນມຽນມາຂ້າມຊາຍແດນເພີ່ມຂຶ້ນຫາກເກີດມີການເພີ່ມທະວີຄວາມຮຸນແຮງ. ເມື່ອວັນທີ 31 ມີນາທີ່ຜ່ານມາ ໜ່ວຍງານດ້ານສຸຂະພາບຂອງມົນທົນຢູນນານເຕືອນວ່າພວກເຂົາຈະ “ປາບປາມການລັກລອບຂ້າມຊາຍແດນທີ່ຜິດກົດໝາຍ” ຢ່າງເຂັ້ມງວດ. ນອກຈາກນີ້, ເມືອງຣຸ່ຍລີ່ຈະເລັ່ງກວດເຊື້ອປະຊາຊົນທີ່ອາໄສຢູ່ເຂດນັ້ນ ແລະ ທຸກຄົນຈະຖືກກັກຂັງບໍລິເວນຕົນເອງຢູ່ເຮືອນຂອງໃຜລາວເປັນເວລາໜຶ່ງອາທິດ. ແຫຼ່ງຂໍ້ມູນ: https://www.straitstimes.com

ໃນວັນທີ 30 ມີນາ 2021 ທີ່ຜ່ານມາ ຄະນະພະແນກ ສາທາລະ ນະສຸກແຂວງສະຫວັນນະເຂດ ເຊິ່ງນຳໂດຍ ທ່ານ ດຣ ຕຽງ ຄຳ ປ້ອງວົງສາຮອງຫົວໜ້າ ພະແນກສາທາລະນະສຸກ ແຂວງ, ທ່ານ ດຣ ນາງ ພູວິໄລ ແກ້ວມຸງຄຸນ ອຳນວຍການໂຮງໝໍ ແຂວງສະຫວັນນະເຂດ ພ້ອມດ້ວຍຄະນະແພດຜູ້ປິ່ນປົວ ໄດ້ຮ່ວມພິທີສົ່ງທ້າວ ໄໝ ປະຊາຊົນບ້ານໂນນຝາຍ ເມືອງ ສອງຄອນ ແຂວງສະຫວັນນະເຂດກັບຄືນ ບ້ານຂອງຕົນເປັນທີ່ຮຽບຮ້ອຍແລ້ວ. ທ້າວໄໝເປັນຜູ້ທີ່ຕິດເຊື້ອພະຍາດໂຄວິດ-19 ກໍລະນີທຳອິດຂອງແຂວງສະຫວັນນະເຂດ ພາຍຫຼັງທີ່ຜູ້ກ່ຽວໄດ້ຮັບການປິ່ນປົວດີແລ້ວ. ທ້າວ ໄໝ ແມ່ນຜູ້ໃຊ້ແຮງງານຄົນລາວ ທີ່ເຄີຍໄດ້ໄປເຮັດວຽກຢູ່ປະ ເທດໄທແລ້ວກັບຄືນປະເທດຈາກນັ້ນໄດ້ເຂົ້າສູນກັກກັນທີ່ສະໜາມກິລາຫຼັກ 4 ຂອງແຂວງສະຫວັນນະເຂດ ແລະໄດ້ກວດພົບວ່າມີເຊື້ອພະຍາດ ໂຄວິດ-19 ໃນວັນທີ 9 ມີນາ 2021. ຫຼັງຈາກນັ້ນກໍ່ໄດ້ນຳ ຕົວຜູ້ກ່ຽວເຂົ້າພັກປິ່ນປົວຢູ່ ຫ້ອງແຍກປ່ຽວຂອງໂຮງໝໍ ແຂວງສະຫວັນນະເຂດ ແລະ ຄະນະແພດຜູ້ປິ່ນປົວໄດ້ເອົາ ໃຈໃສ່ຕິດຕາມຜູ້ກ່ຽວຢ່າງໃກ້ ຊິດແຕ່ຜູ້ກ່ຽວບໍ່ມີການສະແດງ ອາການໃດໆ. ຈົນຮອດວັນທີ 23 ແລະ 24 ...

ວັນທີ 31 ມີນາ 2021 ທີ່ຜ່ານມາ ປະທານາທິບໍດີປະເທດຝຣັ່ງ Emmanuel Macron ໄດ້ອອກຄໍາສັ່ງໃຫ້ປະຊາຊົນທົ່ວປະເທດເລີ່ມມີການ Lockdown ຮອບທີ 3 ນັບແຕ່ວັນທີ 3 ເມສາ ເປັນຕົ້ນໄປເປັນເວລາ 1 ເດືອນ ແລະ ໂຮງຮຽນຕ່າງໆ ຕ້ອງປິດການຮຽນການສອນເປັນເວລາ 3 ອາທິດ, ໃນຂະນະທີ່ພະຍາຍາມຮັບມືກັບການແຜ່ລະບາດຂອງພະຍາດໂຄວິດ-19 ທີ່ໄດ້ສົ່ງຜົນເຮັດໃຫ້ຄົນຕິດເຊື້ອເປັນຈໍານວນຫຼາຍຈົນລົ້ນໂຮງໝໍ ແລະ ເສຍຊີວິດເກືອບແສນຄົນ. ມາດຕະການ Lockdown ຮອບໃໝ່ຂອງຝຣັ່ງໄດ້ສົ່ງຜົນເສຍຫາຍຢ່າງຫຼວງຫຼາຍ ເນື່ອງຈາກວ່າການແຈກຢາຍວັກຊີນຕ້ານໂຄວິດ-19 ມີຄວາມລ່າຊ້າ ຫ້ອງສຸກເສີນທີ່ຢູ່ຕາມໂຮງໝໍຕ່າງໆກໍກຳລັງໄດ້ຮັບຜົນກະທົບຢ່າງໜັກໜ່ວງທີ່ສຸດ ແລະ ກຳລັງເຂົ້າສູ່ຈຸດແຕກຫັກ. ຈໍານວນຄົນຕິດເຊື້ອໂຄວິດ-19 ເພີ່ມຂຶ້ນເປັນຈໍານວນຫຼາຍນັບແຕ່ເດືອນກຸມພາທີ່ຜ່ານມາຈົນຮອດປັດຈຸບັນ ສະເລ່ຍປະມານ 40,000 ຄົນຕໍ່ມື້, ສ່ວນຈໍານວນຄົນທີ່ຕິດເຊື້ອທີ່ກຳລັງປິ່ນປົວຢູ່ໃນຫ້ອງສຸກເສີນທະລຸ 5,000 ຄົນແລ້ວ,​ ເປັນຈໍານວນຜູ້ຕິດເຊື້ອທີ່ສູງທີ່ສຸດຕັ້ງແຕ່ມີການປະກາດ Lockdown​ ຄັ້ງກ່ອນ. ຄໍາສັ່ງ Lockdown ຮອບໃໝ່ສ່ຽງຕໍ່ການຟື້ນຟູທາງດ້ານເສດຖະກິດຂອງຝຣັ່ງຢ່າງໜັກ ໂດຍມາດຕະການດັ່ງກ່າວຈະສັ່ງໃຫ້ບັນດາຫົວໜ່ວຍທຸລະກິດຕ່າງໆປິດຊົ່ວຄາວຫຼາຍກວ່າ 150,000 ແຫ່ງ. ທ່ານ Macron ຍັງກ່າວຕື່ມວ່າ ມາດຕະການ Lockdown ເດືອນເມສານີ້ ແລະ ການຍົກລະດັບຄວາມໄວຂອງໂຄງການສັກວັກຊີນຈະເປີດທາງໃຫ້ເສດຖະກິດຂອງປະເທດກັບມາຟື້ນຕົວໄວ ...

ສູນສື່ສານເພື່ອສຸຂະພາບ ແລະ ສຸຂະສຶກສາ ກະຊວງສາທາລະນະສຸກ ໄດ້ຈັດກອງປະ ຊຸມເຜີຍແຜ່ຂໍ້ມູນແກ່ສື່ມວນຊົນ ກ່ຽວກັບວັກຊີນໂຄວິດ-19 ເພື່ອແຈ້ງໃຫ້ສື່ມວນຊົນຮູ້ ກ່ຽວກັບການ ຈັດຕັ້ງປະຕິບັດ ການສັກຢາປ້ອງກັນພະຍາດໂຄວິດ-19 ໂດຍສຸມໃສ່ວັກຊີນທີ່ໄດ້ຮັບການສະໜັບສະໜູນ ຈາກໂຄງການຮ່ວມມື ເພື່ອວັກແຊງປ້ອງກັນພະຍາດໂຄວິດ-19 ຫລື COVAX; ເພື່ອສ້າງຄວາມໄວ້ວາງໃຈ ກ່ຽວກັບຄວາມປອດໄພ ແລະ ປະສິດທິພາບຂອງວັກແຊງໂຄວິດ-19 ໃນບັນດາຜູ້ຄົນ ແລະ ກະຕຸ້ນໃຫ້ເຂົາເຈົ້າມາຮັບການສັກວັກຊີນ ໂດຍການເຂົ້າຮ່ວມຂອງ ທ່ານ ດຣ. ພູທອນ ເມືອງປາກ ຮອງລັດຖະມົນຕີ ກະຊວງສາທາລະນະສຸກ, ມີຜູ້ຕາງໜ້າຈາກອົງການອຸຍນີເຊບ ປະຈຳລາວ, ອົງການອະນາໄມໂລກປະຈຳລາວ ແລະ ບັນດາສື່ມວນຊົນລາວ ເຂົ້າຮ່ວມ. ໃນໂອກາດດັ່ງກ່າວ, ທ່ານ ດຣ. ພູທອນ ເມືອງປາກ ໄດ້ມີຄຳເຫັນວ່າ: ກອງປະຊຸມໃນຄັ້ງນີ້, ເປັນການແລກປ່ຽນຄວາມຄິດເຫັນຮ່ວມກັນ ສຳຄັນແມ່ນໃຫ້ເນັ້ນລະຫວ່າງຜູ້ໃຫ້ຂໍ້ມູນ ແລະ ຜູ້ທີ່ຈະນຳຂໍ້ມູນໄປເຜີຍແຜ່ອອກຂ່າວ ເພື່ອເຮັດໃຫ້ການແຈກຢາຍວັກຊີນບັນລຸ ຕາມລະດັບຄາດໝາຍທີ່ວາງໄວ້ ວຽກງານສື່ສານແມ່ນມີຄວາມສຳຄັນຫລາຍ ໃນວຽກງານສັກຢາວັກຊີນ ເພາະຈະຊ່ວຍໃຫ້ປະຊາຊົນຮັບຮູ້ ແລະ ເຂົ້າໃຈ ຖືກຕ້ອງ ກ່ຽວກັບຢາວັກຊິນໂຄວິດ-19 ຜ່ານສື່ຕ່າງໆ ໄດ້ຫລາຍຂຶ້ນ. ທ່ານ ນາງ ...

ເພື່ອເປັນການປ້ອງກັນ ແລະ ສະກັດກັ້ນ ການແຜ່ລະບາດຂອງພະຍາດໂຄວິດ-19​ ຢູ່ ສປປ ລາວ ໃນປັດຈຸບັນ,​ ລັດຖະບານ ແລະ ກອງທັບປະຊາຊົນຈີນ ແຫ່ງ ສປ ຈີນ ໄດ້ຊ່ວຍເຫຼືອຢາວັກແຊງປ້ອງກັນພະຍາດໂຄວິດ-19​ຈຳນວນ 8 ແສນໂດສ ແລະ ເຂັມສັກຢາ 803.000 ອັນ ໃຫ້ແກ່ລັດຖະບານ ແລະ ກອງທັບປະຊາຊົນແຫ່ງ ສປປ ລາວ.​ ພິທີມອບ-ຮັບ ຢາວັກແຊງປ້ອງກັນພະຍາດໂຄວິດ-19 ຈຳນວນ 800.000 ໂດສ ແລະ ເຂັມສັກຢາ 803.​000 ອັນ ໂດຍການຊ່ວຍເຫຼືອລ້າຈາກລັດຖະບານ ແລະ ກອງທັບປະຊາຊົນຈີນ ແຫ່ງ ສປ ຈີນ ໃຫ້ແກ່ ສປປ ລາວ ໄດ້ຈັດຂຶ້ນໃນຕອນຄ່ຳຂອງວັນທີ 31 ມີນາ 2021​ ທີ່ສະໜາມບິນສາກົນວັດໄຕ,​ ນະຄອນຫຼວງວຽງຈັນ ຕ່າງໜ້າມອບໂດຍ ທ່ານ ຈຽງ ຈາຍຕົງ ເອກອັກຄະລັດຖະທູດແຫ່ງ ສປ ຈີນ ປະຈຳ ສປປ ລາວ ...

ລາວ – ຈີນ ໄດ້ຈັດພິທີເປີດໂຄງການກໍ່ສ້າງ ພື້ນຖານໂຄງລ່າງຫຼຸດຜ່ອນຄວາມທຸກຍາກຢູ່ຊົນ ນະບົດຂອງລາວ (ໂຄງການ 4×100) ຊຸດທີ 1 ໂດຍຈະທົດລອງຈັດຕັ້ງປະຕິບັດຢູ່ແຂວງຫຼວງພະບາງ ແລະ ແຂວງວຽງຈັນ ດ້ວຍການສະໜອງນໍ້າສະອາດ ໃຫ້ 17 ບ້ານ, ກໍ່ສ້າງສຸກສາລາ 7 ແຫ່ງ, ດຶງໄຟຟ້າເຂົ້າບ້ານ – ຄົວເຮືອນ ໃນ 16 ບ້ານ ແລະ ໂຄງການໂທລະພາບດີຈີຕອນຜ່ານດາວທຽມ ໃຫ້ 30 ບ້ານ ຊຶ່ງໄລຍະເວລາການກໍ່ສ້າງແມ່ນ 18 ເດືອນ. ເພື່ອເປັນການຊຸກຍູ້ການຜັນຂະຫຍາຍການຕົກລົງເປັນເອກະພາບກັນ ລະຫວ່າງ ການນໍາສູງສຸດ ຂອງສອງປະເທດ ລາວ-ຈີນ ໂດຍຜ່ານການກະກຽມດ້ານຕ່າງໆມາເປັນໄລຍະເວລາສອງປີກວ່າ, ຄະນະ ກຳມະການຮ່ວມມືລາວ-ຈີນ ພ້ອມດ້ວຍ ຄະນະຄຸ້ມຄອງໂຄງການຝ່າຍຈີນ ໄດ້ຮ່ວມກັນຈັດພິທິເປີດການ ກໍ່ສ້າງໂຄງການກໍ່ສ້າງພື້ນຖານໂຄງລ່າງຫຼຸດຜ່ອນຄວາມທຸກຍາກ ຢູ່ຊົນນະບົດລາວ ຊຸດທີ 1 ຂຶ້ນ ໃນວັນ ທີ 30 ມີນານີ້ ທີ່ນະຄອນຫຼວງວຽງຈັນ ໂດຍການເຂົ້າຮ່ວມຂອງ ທ່ານ ນາງ ເຂັມມະນີ ພົນເສນາ ...

ວັນທີ 30 ມີນາ 2021 ທ່ານ ນາງ ໂມ ສຽວຫລິງ, ຫົວຫນ້າວິທະຍຸສາກົນແຫ່ງ ສປ ຈີນ ຫລື CRI ປະຈຳ ລາວ ໄດ້ນໍາພາສື່ມວນຊົນລາວ ແລະ ຈີນ ຢ້ຽມຢາມໂຄງ ການກໍ່ສ້າງທາງລົດໄຟລາວ-ຈີນ ພ້ອມທັງຂີ່ລົດໄຟທົດລອງອອກຈາກສະຖານີໃຫຍ່ ຈຸດບ້ານໄຊ, ເມືອງໄຊທານີ ຫາ ຈຸດໂຄງການວາງລາງລົດໄຟ ຂອງບໍລິສັດກໍ່ສ້າງທາງລົດໄຟເລກ 2 ຂອງຈີນ ຢູ່ຈຸດບ້ານສົງເປືອຍ, ເມືອງນາຊາຍທອງ, ນະຄອນຫລວງວຽງຈັນ ໄລຍະທາງ 20 ກວ່າກິໂລແມັດ ໂດຍການຕ້ອນຮັບຂອງ ທ່ານ ຫູ ປິນ ຫົວ ໜ້າບັນຊາການ ແລະ ວິສາວະກອນລະດັບສູງ ບໍລິສັດກໍ່ສ້າງທາງລົດໄຟເລກ 2 ສປ ຈີນ. ໃນໂອກາດນີ້, ທ່ານ ຫູ ປິນ ໃຫ້ສໍາພາດວ່າ: ມາຮອດປັດຈຸບັນ ການກໍ່ສ້າງທາງລົດໄຟລາວ-ຈີນ ມີຄວາມຄືບຫນ້າຢ່າງຕໍ່ເນື່ອງ, ໃນນີ້ ສະເພາະການວາງລາງລົດໄຟ ສຳເລັດ 80% ຄາດວ່າຈະໃຫ້ສຳເລັດພາຍໃນເດືອນພຶດສະພາ ແລະ ...

ໃນວັນທີ 29 ມີນາ 2021 ຢູ່ກະຊວງຍຸຕິທຳ, ໄດ້ມີພິທີມອບ-ຮັບໜ້າທີ່ລັດຖະມົນຕີກະ ຊວງຍຸຕິທໍາ ລະຫວ່າງ ທ່ານ ໄຊສີ ສັນຕິວົງ ລັດຖະມົນຕີ ກະຊວງຍຸຕິທຳ (ຜູ້ເກົ່າ) ແລະ ທ່ານ ໄພວີ ສີບົວລິພາ ກຳມະການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ ກະຊວງຍຸຕິທຳ (ຜູ້ໃໝ່), ໃຫ້ກຽດເຂົ້າຮ່ວມຂອງ ທ່ານ ນາງ ປານີ ຢາທໍ່ຕູ້ ກໍາມະການກົມການເມືອງສູນກາງພັກ, ຮອງປະທານປະເທດ ແຫ່ງ ສປປ ລາວ, ມີອາດີດການນໍາອາວຸໂສບໍານານ, ພະນັກງານ-ລັດຖະກອນຫລັກແຫລ່ງຂອງກະຊວງດັ່ງກ່າວ ເຂົ້າຮ່ວມເປັນສັກຂີພິຍານ. ໃນໂອກາດນີ້, ທ່ານ ໄຊສີ ສັນຕິວົງ ໄດ້ລາຍງານຜົນງານການຊີ້ນໍາ-ນໍາພາວຽກງານ ໃນໄລ ຍະ 5 ປີຜ່ານມາວ່າ: ໄດ້ຖືເອົາວຽກງານສຶກສາອົບຮົມການເມືອງ-ນຳພາແນວຄິດ ໃຫ້ສະມາຊິກພັກ, ພະນັກງານ-ລັດຖະກອນ ເປັນວຽກງານສຳຄັນຕົ້ນຕໍ ໂດຍຕິດພັນກັບການນຳພາວຽກງານວິຊາສະ ເພາະ ໄດ້ປະສານສົມທົບກັບຄະນະພັກ-ອໍານາດການປົກຄອງ ຈັດຕັ້ງເຊື່ອມຊຶມມະຕິກອງປະຊຸມໃຫຍ່ຄັ້ງທີ X ຂອງພັກ, ບັນດາມະຕິຂອງກອງປະຊຸມຄົບຄະນະບໍລິຫານງານສູນກາງພັກ, ມູນເຊື້ອຂອງພັກ, ຂອງຊາດ, ຂອງກອງທັບ, ກົດໝາຍ ...

ວັນທີ 26 ມີນາ 2021 ທີ່ເມືອງສິງ ແຂວງຫລວງນໍ້າທາ ໄດ້ມີພິທີເອົາງົວພັນຊີ້ນ 3.000 ໂຕ ເຂົ້າສູນກັກກັນປອດພະຍາດ 30 ວັນ (26/3/ – 26/3/2021) ເພື່ອກຽມສົ່ງອອກໃຫ້ຈີນ. ທ່ານ ຈັນພິພັກ ກອງຈໍາປາ ເຈົ້າເມືອງໆ ສິງ ໃຫ້ຮູ້ວ່າ: ຖ້າບໍ່ມີອັນປ່ຽນແປງ ຫລືເກີດມີບັນຫາຫຍັງເກີດຂຶ້ນ ງົວຈຳນວນດັ່ງກ່າວຕ້ອງຖືກສົ່ງອອກໄປຈີນ ຢ່າງເປັນທາງການ. ໂຄງການສົ່ງເສີມການລ້ຽງງົວພັນຊິ້ນ ສົ່ງອອກໄປ ຈີນ ແມ່ນໂຄງການຮ່ວມມື ແມ່ນຂອງຂວັນພິເສດທີ່ ທ່ານ ສີ ຈິນພີ້ງ ເລຂາທິ ການໃຫຍ່ ປະທານ ປະເທດຈີນ ແລະ ທ່ານ ບຸນຍັງ ວໍລະຈິດ ອາດີດເລຂາທິການໃຫຍ່ ປະທານ ປະເທດລາວ ໄດ້ຄົ້ນຄວ້າຄັດເລືອກເອົາ ເມືອງສິງ ເປັນບ່ອນຈັດຕັ້ງປະຕິບັດໂຄງການ, ມາຮອດມື້ວັນທີ 26/03/2021 ລາວເຮົາໄດ້ນໍາເອົາງົວປະມານ 3000 ໂຕເຂົ້າສູນກັກກັນຂອດສຸດທ້າຍ, ນັບຖອຍຫຼັງອີກ30ວັນ, ຄາດວ່າໃນວັນທີ 27 ຫຼື 28/04/2021 ຈະສາມາດສົ່ງງົວອອກຈຳນວນດັ່ງກ່າວໄປຈີນ, ຈາກນັ້ນ ...