News

ປັບລົງອີກ ລາຄາຂາຍຍ່ອຍນ້ຳມັນເຊື້ອໄຟທຸກຊະນິດ ເລີ່ມເຊົ້າມື້ອື່ນ ວັນທີ 7 ມີນາ ເວລາ 6:00 ໂມງ ກະຊວງອຸດສາຫະກຳ ແລະ ການຄ້າ ອອກແຈ້ງການ ເລກທີ 0254/ຄອ,ກຄພນ, ນະຄອນຫຼວງວຽງຈັນ, ວັນທີ 6 ມີນາ 2020​ ເຖິງສະມາຄົມນ້ຳມັນເຊື້ອໄຟ ແລະ ອາຍແກ໊ສ,​ ບັນດາບໍລິສັດນ້ຳມັນເຊື້ອໄຟ ແລະ ປ້ຳຂາຍຍ່ອຍນ້ຳມັນເຊື້ອໄຟ ໃຫ້ປັບລົງລາຄາຂາຍຍ່ອຍນ້ຳມັມເຊື້ອໄຟໃນຂອບເຂດທົ່ວປະເທດ.​ ໂດຍລາຄາໃໝ່ນີ້ ໃຫ້ເລີ່ມປະຕິບັດ ວັນທີ 7 ມີນາ 2020; ເວລາ 6:00 ໂມງ ໃນຂອບເຂດທົ່ວປະເທດ,​ ການປັບລາຄາຄັ້ງນີ້ ປັບລົງລາຄານ້ຳມັນເຊື້ອໄຟທຸກຊະນິດ ຄື: – ແອັດຊັງພິເສດ ປັບລົງ 190 ກີບ/ລິດ (ຈາກ 9.910 ກີບ/ລິດ ເປັນ 9.720 ກີບ/ລິດ).​ – ແອັດຊັງທຳມະດາ ປັບລົງ 190 ກີບ/ລິດ (ຈາກ 9.080 ກີບ/ລິດ ເປັນ ...

ການລະບາດຂອງພະຍາດໂຄວິດ – 19 ສ້າງຜົນກະທົບໃຫ້ພາກທຸລະກິດເປັນວົງ ກວ້າງ ໂດຍສະເພາະການບິນລາວລາຍຮັບຫຼຸດລົງເກືອບ ເຄິ່ງ. ດັ່ງນັ້ນ, ເພື່ອປະຢັດລາຍຈ່າຍ ລັດວິສາຫະກິດການບິນລາວ ຈຳເປັນຕ້ອງໃຫ້ພະນັກງານພັກວຽກຊົ່ວຄາວ ໂດຍບໍ່ເອົາເງິນເດືອນຈົນກວ່າສະພາບຈະດີຂຶ້ນ. ພ້ອມນັ້ນ, ກໍໄດ້ໂຈະຖ້ຽວບິນໄປປະເທດທີ່ມີຄວາມສ່ຽງຂອງການລະບາດຂອງເຊື້ອພະຍາດດັ່ງກ່າວ. ທ່ານ ບຸນມາ ຈັນທະວົງສາ ຜູ້ອຳນວຍການໃຫຍ່ລັດວິສາຫະກິດການບິນລາວ ເປີດເຜີຍໃນວັນທີ 4 ກຸມພາ 2020 ວ່າ: ພາຍຫຼັງທີ່ເກີດມີການລະບາດຂອງ ພະຍາດໂຄວິດ – 19 ( COVID – 19 ) ເຮັດໃຫ້ລາຍຮັບຈາກການຂາຍປີ້ຍົນຫຼຸດລົງ 50%. ພ້ອມດຽວກັນ, ພວກເຮົາຍັງໄດ້ໂຈະຊົ່ວຄາວສຳລັບເສັ້ນທາງບິນໄປປະເທດທີ່ມີຄວາມສ່ຽງຄືໄປ ສປ ຈີນ ແລະ ສ.ເກົາຫຼີ. ສຳລັບຖ້ຽວບິນໄປ ສ.ເກົາຫຼີ ແມ່ນໄດ້ຢຸດແຕ່ວັນທີ 29 ກຸມພາເປັນຕົ້ນມາ, ສ່ວນເສັ້ນທາງບິນໄປ ສປ ຈີນ ແມ່ນໄດ້ຢຸດມາແຕ່ຕົ້ນເດືອນກຸມພາ ແຕ່ໄດ້ເລີ່ມເປີດຄືນບາງເສັ້ນທາງຄື ວຽງ ຈັນ – ຄຸນໝິງ 3 ຖ້ຽວຕໍ່ອາທິດ ( ເລີ່ມເປີດວັນທີ 1 ມີນາ ...

ຫ້ອງວ່າການສໍານັກງານນາຍົກລັດຖະມົນຕີ ໄດ້ອອກແຈ້ງການ ວັນທີ 3 ມີນາ 2020 ເຖິງບັນດາລັດຖະມົນຕີ, ຫົວໜ້າອົງການທຽບເທົ່າ, ທ່ານເຈົ້າຄອງນະຄອນຫຼວງວຽງຈັນ ແລະ ບັນດາເຈົ້າແຂວງທົ່ວປະເທດ ໂດຍອີງຕາມການຕົກລົງ ແລະ ຊີ້ນໍາຂອງລັດຖະບານຄັ້ງວັນທີ 28 ກຸມພາ 2020 ໃຫ້ຊາບວ່າ: ໃຫ້ເລື່ອນການຈັດງານມະຫາກໍາກິລາແຫ່ງຊາດ ຄັ້ງທີ XI, ການສະເຫຼີມສະຫຼອງທົ່ງໄຫຫີນຖືກຮັບຮອງເປັນມໍລະດົກໂລກ ແລະ ງານບຸນແຫ່ພະເຈົ້າອົງຫຼວງ ທີ່ຈະໄດ້ຈັດຂຶ້ນໃນວັນທີ 22 ມີນາ ທີ່ຈະມາເຖິງນີ້ ຢູ່ແຂວງ ຊຽງຂວາງອອກໄປກ່ອນ ຈົນກວ່າຈະສາມາດຄວບຄຸມການ​ລະ­ບາດ​ຂອງ​ພະ­ຍາດ​ COVID-19 ໄດ້. ການລະບາດຂອງພະຍາດດັ່ງກ່າວມີຄວາມຮຸນແຮງ ໄດ້ແຜ່ລາມ ແລະ ໄດ້ເກີດຄວາມເສຍຫາຍຢ່າງຫຼວງຫຼາຍໃນຫຼາຍປະເທດ, ເພື່ອປ້ອງກັນການແຜ່ລະບາດຂອງພະຍາດດັ່ງກ່າວ ເຖິງແມ່ນວ່າ ສປປ ລາວ ຍັງບໍ່ພົບກໍລະນີຜູ້ຕິດເຊື້ອພະຍາດ ແຕ່ຢູ່ບັນດາປະເທດອ້ອມຂ້າງແມ່ນພົບການລະບາດດັ່ງກ່າວແລ້ວ. ຖ້າເກີດມີການຊຸມນຸມໃຫຍ່ຈະເຮັດໃຫ້ມີຄວາມສ່ຽງຕໍ່ການຕິດເຊື້ອພະຍາດດັ່ງກ່າວ ຖ້າບໍ່ມີມາດຕະການປ້ອງກັນທີ່ດີ ແລະ ຖ້າຫາກມີການແຜ່ລະບາດຢູ່ ສປປ ລາວໃນສະພາບທີ່ພາຍໃນປະເທດຍັງມີຄວາມຫຍຸ້ງຍາກທາງດ້ານເສດຖະກິດ-ການເງິນ, ພື້ນຖານໂຄງລ່າງສາທາລະນະສຸກ, ອຸປະກອນການແພດ ແລະ ອື່ນໆຍັງບໍ່ທັນພຽງພໍ ຍິ່ງຈະມີຄວາມອັນຕະລາຍສູງຕໍ່ຊີວິດ ແລະ ຊັບສິນຂອງປະຊາຊົນ. ແຈ້ງການຍັງໄດ້ລະບຸໄວ້ຕື່ມອີກວ່າ: ໃຫ້ກະຊວງສຶກສາທິການ ແລະ ກິລາ ...

ເສດຖະກິດຂອງ ສປປ ລາວ ມີ​ຄວາມ​ເປັນ​ໄປ​ໄດ້ທີ່​ຈະ​ປະ​ເຊີນ​ກັບ​ການ​ທົດ​ຖອຍ​ຈາກການ​ຄາດ​ຄະ​ເນການ​ຂະຫຍາຍຕົວ 6.4% ມາ​ເປັນ 6% ໃນປີນີ້ ​ເນຶ່ອງຈາກອິດທິພົນການ​ແຜ່​ລະບາດ​ຂອງ​ໄວ​ຣັດໂຄ​ວິດ-19 (COVID-19) ຢູ່ຫຼາຍ​ປະ​ເທດ​ໃນ​ໂລກ​. ສປປ ລາວ ກໍ່​ເປັນ​ປະ​ເທດ​ໜຶ່ງທີ່​ກຳລັງໄດ້​ຮັບ​ໄພ​ຄົ່ມຂູ່ຢ່າງ​ຫຼວງ​ຫຼາຍຈາກ​ພະຍາດດັ່ງກ່າວ ​ແລະ ລັດຖະບານ​ກຳລັງ​ດຳ​ເນີນ​ມາດ​ຕະການຕ່າງໆ ​ເພື່ອ​ປ້ອງ​ກັນ ​ແລະ ຕອບ​ໂຕ. ທ່ານ ປ.ອ ລີ​ເບີ ລີ​ບົວ​ປາວ ຮັກສາ​ການ ຫົວໜ້າ ສະ​ຖາ​ບັນຄົ້ນ​ຄວ້າເສດຖະກິດ​ ​ແຫ່ງ​ຊາດ ໄດ້​​ໃຫ້​ສຳພາດ​ຕໍ່​ໜັງສືພິມ​ວຽງ​ຈັນທາ​ຍ ​ໃນ​ວັນ​ຈັນທີ່ຜ່ານມາ​ວ່າ: ​​ເຖິງ​ແມ່ນ​ວ່າ ປະ​ເທດ​​ເຮົາ​ຍັງ​ບໍ່ທັນພົບພະຍາດ​ນີ້​ກໍ່ຕາມ ​ແຕ່​ໄວຣັດດັ່ງ​ກ່າວໄດ້​ສົ່ງຜົນ​ກະທົບ​ຕໍ່​ເສດຖະກິດ​ໄປແລ້ວ​ຢ່າງ​ຫຼວງຫຼາຍ. ຂະ​ແໜງທຳ​ອິດ​ທີ່​ຖືກ​ກະທົບ​ຫຼາຍທີ່​ສຸດ​ ແມ່ນ ການທ່ອງທ່ຽວ, ​ການ​ລົງທຶນ ​ແລະ ການ​ຄ້າ. ພະຍາດ​ດັ່ງກ່າວ ກຳລັງ​ກົດໜ່ວງການ​ຂະ​ຫຍາ​ຍຕົວຂອງ​ຂະ​ແໜງການ​ສຳຄັນ​ເຫຼົ່າ​ນີ້, ເຊິ່ງເປັນ​ໄມ້​ງັດອັນສໍາຄັນທາງ​ດ້ານເສດຖະກິດ. ​​ ທ່ານ ລີ​ເບີ ​ໄດ້​ກ່າວ​ຕື່ມ​ອີກ​ວ່າ: ຈຳນວນນັກ​ທ່ອງ​ທ່ຽວ​ຕ່າງປະ​ເທດ ​ເຊັ່ນ​ວ່າ: ຈີນ ​ແລະ ​ເກົາຫຼີ​​ໃຕ້ ໄດ້​ຍົກ​ເລີກ​ແຜນການ​​ເດີນທາງມາ​ທ່ຽວ​ ສປປ ລາວ,​ ບັນຍາກາດ​ແຫຼ່ງທ່ອງ​ທ່ຽວ​ຕ່າ​ງໆ ກໍ່​ງຽບ​ເຫງົາ ​ເພາະຈຳນວນ​ນັກ​ທ່ອງ​ທ່ຽວ​ໄດ້ຫຼຸດ​ລົງ. ສະພາບ​ການ​ຂອງການ​​ແຜ່​ລະບາດ​ຂອງ​ໄວຣັດ ​ໂຄ​ວິດ-19 ບໍ່​ໄດ້​ສົ່ງ​ຜົນ​ກະທົບພຽງ​ແຕ່ ປະເທດຈີນ ...

ບໍລິສັດເຕັກໂນໂລຊີ(Alibaba ) ຈາກ ສປ ຈີນ ປະກາດສົບຜົນສໍາເລັດເກີນຄາດໃນການພັດທະນາປັນຍາປະດິດ ຫຼື ເອີ້ນວ່າ Artificial Intelligence (AI/ເອໄອ)ທີ່ສາມາດກວດກາ ແລະ ວິເຄາະເຊື້ອໄວຣັດໂຄວິດ-2019 ໃນຮ່າງກາຍຄົນແນ່ນອນ 96% ພຽງເວລາ 20 ນາທີໃນຂະບວນການກວດກາ. ຂະນະທີ່ ແຫຼ່ງຂໍ້ມູນດັ່ງລະບຸວ່າຍັງບໍ່ມີປະເທດໃດເຮັດໄດ້ໃນໂລກເຮັດໄດ້ ເຊິ່ງມີພຽງປະເທດຈີນເທົ່ານັ້ນປະສົບຜົນສໍາເລັດໃນການພັດທະນາປັນຍາປະດິດສໍາລັບຕ້ານ ແລະ ຢຸດການຂະຫຍາຍຕົວພະຍາຍາດໂຄວິດ ເຊິ່ງຖືເປັນຄວາມກ້າວຫນ້າຂອງມວນມະນຸດ. ປັດຈຸບັນບໍລິສັດອາລີບາບາບໍ່ພຽງນໍາໜ້າເຕັກໂນໂລຊີກ່ຽວກັບການຄ້າທາງລະບົບອິນເຕີເນັດເທົ່ານັ້ນໃນໂລກ ແຕ່ຫາກຍັງນໍາໜ້າເຕັກໂນໂລຊີປັນຍາປະດິດດ້ານການແພດອີກດ້ວຍ. ໜ່ວຍງານວິໄຈຂອງອາລີບາບາໄດ້ພັດທະນາ ແລະ ຝຶກສອນ ເອໄອ ໂດຍໄດ້ເກັບເອົາຕົວຢ່າງຂອງຜູ້ຕິດເຊື້ອໂຄວິດ 5.000 ຄົນໃນຈີນ ເຊິ່ງລະບົບເຕັກໂນໂລຊີເອໄອສາມາດກວດກາ ແລະ ວິເຄາະຮ່າງກາຍຄົນເຫຼົ່ານັ້ນໄດ້ແນ່ນອນເຖີງ 96%. ເບື້ອງຕົ້ນເອໄອດັ່ງກ່າວໄດ້ນໍາເອົາໄປໃຊ້ກວດກາ ແລະ ວິເຄາະເຊື້ອໂຄວິດຢູ່ໂຮງຫມໍຊີໂປຊານ (Qiboshan) ໃນເມືອງເຈິ້ງໂຈວ ມົນທົນເຫີໜານ ແລະ ປັດຈຸບັນໄດ້ສືບຕໍ່ນໍາເອົາໄປໃຊ້ຢູ່ຫມໍ 100 ແຫ່ງໃນມົນທົນເຫີເປີ່ຍ, ກວາງຕຸ້ງ ແລະ ອານຫຸຍ. ເຕັກໂນໂລຊີເອໄອດັ່ງກ່າວຈະໃຊ້ເວລາວິເຄາະພາບ ແລະ ລະບຸພະຍາດພຽງ 20 ນາທີ ເຊິ່ງມັນໄດ້ກາຍເປັນລະບົບອັດສະລິຍະສາມາດປະຢັດເວລາ, ຮັກສາຜູ້ປ່ວຍ ຫຼື ກູ້ຊີວິດຄົນທັນເວລາ ແລະ ...

ເພື່ອປະກອບສ່ວນປ້ອງກັນ ແລະ ຕອບໂຕ້ການລະບາດຂອງພະຍາດປອດອັກເສບຈາກເຊື້ອຈຸລະໂຣກສາຍພັນໃໝ່ (COVID- 19) ໃນວັນທີ 2 ມີນາ 2020 ທີ່ກະຊວງສາທາລະນະສຸກ ໄດ້ຈັດພິທີ ມອບ-ຮັບເຄື່ອງອຸປະກອນປ້ອງກັນຕົວຈາກເຊື້ອພະຍາດ COVID- 19 ຂຶ້ນຢ່າງເປັນທາງການ ໂດຍການສະໜັບສະໜູນຈາກລັດຖະບານໄທ ຕາງໜ້າມອບຂອງ ທ່ານ ດຳຣົງ ໄຄ່ຄວນ ເອກອັກຄະລາຊະທູດໄທປະຈຳ ສປປ ລາວ ຕາງໜ້າຮັບຂອງ ທ່ານ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ມີ ພະນັກງານທັງສອງຝ່າຍເຂົ້າຮ່ວມ.   ທ່ານ ດຳຣົງ ໄຄ່ຄວນ ໄດ້ກ່າວວ່າ: ສະພາບຂອງໂລກໃນປັດຈຸບັນ ແມ່ນມີການລະບາດຢ່າງວ່ອງໄວຂອງພະຍາດ ໄປຫາບັນດາປະເທດຕ່າງໆໃນທົ່ວໂລກ ແລະ ບັນດາປະເທດທີ່ມີຄວາມສ່ຽງໃນການເກີດລະບາດ ກໍມີມາດຕະການປ້ອງກັນ ແລະ ໂຕ້ຕອບຕໍ່ການລະບາດດັ່ງກ່າວ ສຳລັບເຄື່ອງຊ່ວຍເຫຼືອໃນຄັ້ງນີ້ປະກອບມີ ເຈວລ້າງມື 2.040 ຕຸກ ແລະ ຖົງມືທາງການແພດ 50.000 ຄູ່. ທ່ານ ບຸນກອງ ສີຫາວົງ ໄດ້ກ່າວສະແດງຄວາມຂອບໃຈຕໍ່ລັດຖະບານໄທ ທີ່ໄດ້ນຳອຸປະກອນການແພດມາຊ່ວຍເຫຼືອ ສປປ ລາວ ໃນຄັ້ງນີ້ ເຖິງແມ່ນວ່າປະເທດໄທກໍໄດ້ຮັບຜົນກະທົບເຊັ່ນດຽວກັນ ...

ຫ້ອງວ່າການຄຸ້ມຄອງແລະບໍລິການຕົວເມືອງວຽງຈັນ ຂໍຮຽນແຈ້ງມາຍັງບັນດານັກຂັບຂີ່ລົດໃຫ່ຍຮັບຊາບທົ່ວເຖິງກັນແລະປະຕິບັດດັ່ງນີ້: 1. ຫ້າມເອົາລົດໃຫ່ຍຂຶ້ນຈອດເທິງທາງຍ່າງແລະ ຊ່ອງຈະລາຈອນທາງເດີນຂອງລົດຕາມຖະຫນົນໃນຕົວເມືອງ ທີ່ທາງການໄດ້ກຳນົດເປັນເຂດຫ້າມຈອດ. 2. ກໍລະນີພົບເຫັນ ເຈົ້າຫນ້າທີ່ພະນັກງານຫ້ອງການຄຸ້ມຄອງ ແລະ ບໍລິການຕົວເມືອງວຽງຈັນ ຮ່ວມກັນ ເຈົ້າຫນ້າທີ່ຕຳຫຼວດຈະລາຈອນ ແມ່ນຈະໄດ້ຕັກເຕືອນ, ສຶກສາອົບຮົມ ແລະ ພ້ອມທັງປັບໃໝຕາມລະບຽບກົດຫມາຍທີ່ໄດ້ກຳນົດໄວ້ຢ່າງເຂັ້າງວດ. 3. ແຈ້ງການສະບັບນີ້ມີຜົນສັກສິດນັບແຕ່ມື້ລົງລາຍເຊັນເປັນຕົ້ນໄປ. ດັ່ງນັ້ນ, ຈຶ່ງແຈ້ງມາຍັງບັນດານັກຂັບຂີ່ລົດໃຫ່ຍໄດ້ຮັບຊາບແລະປະຕິບັດແຈ້ງການສະບັບນີ້ຢ່າງເຂັ້ມງວດດ້ວຍ.

ບໍລິສັດທາງລົດໄຟລາວ-ຈີນ ຈຳກັດ ເຈົ້າຂອງໂຄງການກໍ່ສ້າງທາງລົດໄຟລາວ-ຈີນ ຜູ້ຮັບຜິດຊອບການສຳຫຼວດ-ອອກແບບ, ກໍ່ສ້າງ ແລະ ດໍາເນີນການໂຄງການລົດໄຟລາວ-ຈີນ ໄດ້ຈັດພິທີເປີດຮັບສະໝັກພະນັກງານຢ່າງເປັນທາງການ, ໃນວັນທີິ 26 ກຸມພາ ນີ້ຢູ່ທີ່ສູນການຄ້າ ວຽງຈັນເຊັນເຕີ, ເຊິ່ງມີເປົ້້າໝາຍຮັບພະນັກງານ ປະມານ 600-700 ຄົນ. ຕຳແໜ່ງງານທີ່ຕ້ອງການ ລວມມີ ຄົນຂັບລົດໄຟ, ຜູ້ຄຸມການເດີນລົດ, ຜູ້ສ້ອມແປງຫົວຈັກລົດໄຟ, ຜູ້ສ້ອມແປງສິ່ງຕິດຕັ້ງພື້ນຖານໂຄງລ່າງ. ສໍາລັບເງື່ອນໄຂຜູ້ສະໝັກ ຕ້ອງມີພື້ນຖານພາສາຈີນ, ມີສຸຂະພາບແຂງແຮງດີ, ມີປະຫວັດທີ່ດີ, ບໍ່ມີປະຫວັດກ່ຽວກັບເລື່ອງຜິດກົດໝາຍ, ມັກໃນວຽກງານຂົງເຂດລົດໄຟ, ມີຄວາມສັດຊື່, ສາມາດປັບສະພາບຕົນເອງເຂົ້າກັບວຽກງານລົດໄຟ ໃນໄລຍະຍາວ, ຮຽນຈົບຊັ້ນສູງຂຶ້ນໄປ, ວິຊາສະເພາະດ້ານຂົນສົ່ງ, ຂົນສົ່ງທາງລາງ, ສັນຍານສື່ສານ, ວິສະວະກຳໄຟຟ້າຈະພິຈາລະນາພິເສດ, ອາຍຸບໍ່ໃຫ້ກາຍ 30 ປີ, ຫຼື ສໍາລັບພະນັກງານທີ່ມີປະສົບການເຮັດວຽກໃນຂະແໜງການລົດໄຟແມ່ນບໍ່ໃຫ້ກາຍ 35 ປີ. ຜູ້ສະໝັກສາມາດເຂົ້າໄປເວັບໄຊຂອງບໍລິສັດທາງລົດໄຟລາວ-ຈີນ ຈຳກັດ (www.lcrc.ltd) ເລີ່ມແຕ່ວັນທີ 27 ກຸມພາ 2020 ເປັນຕົ້ນໄປ, ຂຽນຂໍ້ມູນສ່ວນໂຕ ແລະ ສົ່ງເອກະສານທີ່ກ່ຽວຂ້ອງຕາມເງື່ອນໄຂ ຫຼື ສົ່ງຊີວະປະຫວັດທາງອີເມວ [email protected] ຫຼື ສົ່ງທີ່ບໍລິສັດທາງລົດໄຟລາວ-ຈີນ, ຕຶກ ວຽງຈັນເຊັນເຕີ ...

ອີງຕາມແຜນແບ່ງປັນຕົວເລກລັດຖະກອນ ຄູ ແລະ ບໍລິຫານ ສໍາລັບພະແນກສຶກສາທິການ ແລະ ກິລາ ແຂວງ, ນະຄອນຫຼວງ, ຫ້ອງການສຶກສາທິການ ແລະ ກິລາ ເມືອງ, ນະຄອນ ສົກຮຽນ 2019-2020. ຂອງຊວງສຶກສາທິການ ແລະ ກິລາ ເລກທີ 270/ສສກ ລົງວັນທີ 20 ກຸມພາ 2020 ໃຫ້ບັນດາພະແນກສຶກສາທິການ ແລະ ກິລາ ແຂວງ, ນະຄອນຫຼວງ, ຫ້ອງການສຶກສາທິການ ແລະ ກິລາ ເມືອງ, ໃນຂອບເຂດທົ່ວປະເທດ ນະຄອນຫຼວງວຽງຈັນແມ່ນໄດ້ 52 ຄົນ, ( ມີຄູ 51 ຄົນ ແລະ ບໍລິຫານ 1 ຄົນ). ແຂວງ ຜົ້ງສາລີ ໄດ້ 42 ຄົນ (ມີຄູ 41 ຄົນ ແລະ ບໍລິຫານ 1 ຄົນ). ແຂວງ ຫຼວງນ້ຳທາ ...

ອີງຕາມ ບົດລາຍງານ ສະພາບຄວາມຍາກງ່າຍໃນການດໍາເນີນທຸລະກິດໃນ ສປປ ລາວ 2020 (Doing Business 2020) ໄດ້ສະແດງໃຫ້ເຫັນວ່າ ສປປ ລາວ ມີຄວາມຍາກງ່າຍທາງດ້ານ ການຄ້າລະຫວ່າງປະເທດ ແມ່ນຖືກຈັດຢູ່ໃນອັນດັບທີ່ 78 ໃນ 190 ປະເທດທົ່ວໂລກ. ເພື່ອເປັນການສືບຕໍ່ຈັດຕັ້ງປະຕິບັດຕາມ ຄໍາສັ່ງ ທ່ານ ນາຍົກລັດຖະມົນຕີ ວ່າດ້ວຍການປັບປຸງລະບຽບການ ແລະ ກົນໄກການປະສານງານໃນການດໍາເນີນທຸລະກິດໃນ ສປປ ລາວ ເລກທີ 02/ນຍ, ລົງວັນທີ 01 ກຸມພາ 2018, ກົມການນຳເຂົ້າ ແລະ ສົ່ງອອກ ໄດ້ປຶກສາຫາລື ແລະ ເປັນເອກະພາບກັບ ກົມກ່ຽວຂ້ອງ ຄື: ກົມພາສີ, ກົມຄຸ້ມຄອງບໍ່ແຮ່, ກົມອຸດສາຫະກໍາ ແລະ ກົມຂົນສົ່ງ ເພື່ອກຳນົດແຜນປັບປຸງຕົວຊີ້ວັດທີ 8 ການຄ້າລະຫວ່າງປະເທດ ແຕ່ນີ້ຮອດປີ 2022. ການປັບປຸງສະພາບຄວາມຍາກງ່າຍໃນການດໍາເນີນທຸລະກິດ ໂດຍສະເພາະຕົວຊີ້ວັດທີ່ 8 ແມ່ນມີຈຸດປະສົງເພື່ອອໍານວຍຄວາມສະດວກທາງດ້ານການຄ້າ ໂດຍສ່ວນໃຫຍ່ແມ່ນຕິດພັນກັບຂັ້ນຂອດ-ຂັ້ນຕອນ ຂອງເອກະສານ ແລະ ການດຳເນີນການຢູ່ດ່ານພາສີຊາຍແດນ ...