ຂ່າວ ຕ່າງປະເທດ

ຫຼັງຈາກທີ່ໂຄວິດລະບາດແລ້ວປະເທດທີ່ມີມາດຕະການດ້ານຄວາມປອດໄພ ອັນດັບທຳອິດແມ່ນປະເທດ Switzerland ທີ່ສາມາດຕອບສະໜອງຕໍ່ວິກິດການຢ່າງໄວວາ ແລະ ມີຄວາມພ້ອມລະດັບສູງໃນພາວະສຸກເສີນ ເປັນປະເທດທີ່ປອດໄພທີ່ສຸດໃນໂລກ ໃນສະຖານະການ COVID-19  ແລະ ສຳລັບປະເທດລາວ ແມ່ນຢູ່ໃນອັນດັບທີ 99 ຂອງໂລກ. ສິ່ງທີ່ໜ້າສົນໃຈ ຄືການປ່ຽນແປງທີ່ສໍາຄັນໃນການຈັດອັນດັບຄວາມປອດໄພຫຼາຍເດືອນຂອງການລະບາດຄັ້ງນີ້ ພ້ອມກັນນັ້ນ ຍັງເຫັນວ່າ ປະເທດທີ່ມີເສດຖະກິດເຂັ້ມແຂງຢູ່ໃນອັນດັບທີ່ສູງ. 100 ອັນດັບທຳອິດ ຂອງປະເທດທີ່ມີມາດຕະການດ້ານປອດໄພ ໃນສະຖານະການຫຼັງ COVID-19 ລະບາດມີດັ່ງລຸ່ມນີ້: Switzerland   Germany  Israel Singapore Japan Austria China Australia New Zealand South Korea1 United Arab Emirates Canada Hong Kong Norway Denmark Taiwan Saudi Arabia Hungary Netherlands Vietnam Kuwait Iceland Bahrain Finland Luxembourg Qatar Liechtenstein Poland Lithuania Malaysia Latvia Slovenia Oman ...

 1. ຄົນບາງກຸ່ມຕ້ອງການເຂົ້າເຖິງເທັກໂນໂລຢີທີ່ໃຊ້ຮັບຮູ້ຂ່າວສານໄດ້ໄວຂຶ້ນ ເທັກໂນໂລຢີ ເປັນສ່ວນໜຶ່ງໃນການເຮັດໃຫ້ຮັບຮູ້ຂ່າວສານທີ່ດີທີ່ສຸດ ສະຖານະການທີ່ສຸ່ມສ່ຽງ ແລະ ວິທີການຮັບມື ເປັນສິ່ງທີ່ຄົນເຮົາສົນໃຈຫຼາຍ ແລະ ພວກເຮົາຈະຮັບຮູ້ບໍ່ໄດ້ຖ້າຫາກຂາດເທັກໂນໂລຢີ. 2. ຜູ້ບໍລິໂພກ ຕ້ອງການເທັກໂນໂລຢີທີ່ຊ່ວຍອໍານວຍຄວາມສະດວກດ້ານຄວາມປອດໄພ ກ່ຽວກັບຊ່ອງທາງການຕິດຕໍ່ກັບໂຮງໝໍ ຫຼືໜ່ວຍງານທີ່ໃຫ້ຄວາມຊ່ວຍເຫຼືອດ້ານຕ່າງໆເຊັ່ນ: ໜ່ວຍກູ້ໄພ, ຕໍາຫຼວດ, ໜ່ວຍງານພາກລັດ ແລະ ເຂດ… 3. ຜູ້ບໍລິໂພກຕ້ອງການເທັກໂນໂລຢີທາງການແພດ ທີ່ມີປະສິດທິພາບຫຼາຍຂຶ້ນ ຈາກການຂາດແຄນອຸປະກອນເທັກໂນໂລຢີທາງການແພດ ໃນສະຖານະການ Covid-19 ເຮັດໃຫ້ຄົນເລີ່ມເຫັນວ່າ ອຸປະກອນເຫຼົ່ານີ້ມີຄວາມສໍາຄັນ ແລະ ຄວນທີ່ຈະມີຈໍານວນທີ່ເພີ່ມຂຶ້ນ ເພື່ອພຽງພໍສໍາລັບຄວາມຕ້ອງການຂອງຄົນ. ແຫຼ່ງຂໍ້ມູນ: https://adaddictth.com/knowledge/60-New-Normal-Covid

ຈາກສະຖານະການຂອງເສດຖະກິດປັດຈຸບັນ ເປັນເລື່ອງຍາກທີ່ຈະສ່ຽງລົງທຶນມະຫາສານ ເພາະການລົງທຶນບໍ່ຫຼາຍ ແຕ່ຜົນຕອບຮັບດີ ເປັນສິ່ງທີ່ນັກທຸລະກິດຕ່າງກໍສົນໃຈ ແລະ ຄຽງຄູ່ກັບທຸລະກິດການຈັດສົ່ງ Delivery ໃນປັດຈຸບັນທີ່ກຳລັງໄດ້ຮັບຄວາມສົນໃຈຈາກຄົນຈໍານວນຫຼາຍ ທັງໃນປະເທດລາວ ແລະ ຕ່າງປະເທດ ຫຼາຍຮ້ານໄດ້ເພີ່ມການຈັດສົ່ງສິນຄ້າຮອດເຮືອນ ຈາກທີ່ຂາຍໜ້າຮ້ານຢ່າງດຽວ. ເຫັນໄດ້ວ່າໃນປະເທດເພື່ອນບ້ານ ລັດຖະບານໄດ້ເລີ່ມໃຫ້ຮ້ານອາຫານຕ່າງໆໃນສູນການຄ້າເປີດບໍລິການຄືນໃໝ່ ແຕ່ວ່າບໍ່ແມ່ນທຸກຮ້ານຈະກັບມາເປີດບໍລິການຕາມປົກກະຕິ ເພາະຍັງຕ້ອງໄດ້ປະເມີນວ່າຖ້າເປີດແລ້ວຄຸ້ມຄ່າບໍ. ສຳລັບບໍລິສັດ Sizzler ແມ່ນໄດ້ເປີດຮ້ານຄືນປະມານ 80% ຫລື 40 ໃນຈຳນວນ 57 ຮ້ານ, ຍ້ອນວ່າບາງຮ້ານຍັງບໍ່ພ້ອມທີ່ຈະໃຫ້ບໍລິການ ເນື່ອງຈາກການຈະລາຈອນຍັງມີຂໍ້ຫ້າມຫຼາຍ ເຮັດໃຫ້ລູກຄ້າພຽງແຕ່ 20% ຂອງພື້ນທີ່ເທົ່ານັ້ນທີ່ຍັງມາກິນອາຫານໃນຮ້ານ ຫຼືບາງສາຂາມີປະມານ 40% ເທົ່ານັ້ນ ແຕ່ເຖິງແມ່ນວ່າລູກຄ້າຈະມາກິນເຂົ້າຢູ່ຮ້ານເຕັມກໍ່ຕາມ ລາຍໄດ້ກໍຍັງບໍ່ເຕັມທີ່, ສິ່ງທີ່ບໍລິສັດ Sizzler ເຮັດໄດ້ຄືຫຼຸດຜ່ອນຄ່າໃຊ້ຈ່າຍໃນດ້ານອື່ນໆເຊັ່ນ: ການເຊົ່າສະຖານທີ່, ຄ່າໃຊ້ຈ່າຍດ້ານຄວາມປອດໄພ ເຊິ່ງແມ່ນສິ່ງທີ່ຮ້ານອາຫານຕ້ອງມີ.   ທ່ານ Korn Sirithat ຜູ້ຈັດການທົ່ວໄປ ແລະ ທ່ານ Nongchanok Sathananon ຮອງປະທານບໍລິຫານກຸ່ມ Marketing ບໍລິສັດ SLRT ຈຳກັດ ຜູ້ໃຫ້ບໍລິການຮ້ານອາຫານພາຍໃຕ້ຍີ່ຫໍ້ Sizzler, ຍອມຮັບວ່າສິ່ງທ້າທາຍໃນການເຮັດທຸລະກິດໃນປັດຈຸບັນຍັງມີອີກຫຼາຍຢ່າງ ຈາກເບື້ອງຕົ້ນຄືເຮັດໃຫ້ລູກຄ້າເຂົ້າມາ ແລະ ...

ສໍານັກຂ່າວຕ່າງປະເທດລາຍງານວ່າ ທ່ານນາງ Jarinda da Modern ນາຍົກລັດຖະມົນຕີ ປະເທດນິວຊີແລນ ປະກາດ​ວ່າ: ນິວຊີແລນ ສາມາດ ຄວບຄຸມການແຜ່ລະບາດ ຂອງ​ເຊື້ອ​ພະຍາດ ​ໂຄ​ວິດ-19 ​ພາຍໃນ​ປະ​ເທ​ດ​ຂອງຕົນໄດ້​ແລ້ວ ​ໂດ​ຍນັບ​ເປັນ​ ປະ​ເທດ​ທຳ​ອິດ​ ທີ່​ເຮັດ​ໄດ້​ສຳ​ເລັດ ​ແລະ ຈະ​ຍົກ​ເລີກມາດ​ຕະການ​ Lock down ​ທັງ​ໝົດ ​ເຫລືອ​ໄວ້​ພຽງ ການ​ປິດ​ຊາຍ​ແດນ.  ຫລັງ​ຈາກນີ້ ລັດຖະບານ ຈະ​ຫລຸດຜ່ອນ​ມາດ​ຕະການ​ເຝົ້າລະວັງ ຈາກ​ລະດັບ ສອງ ລົງ​ມາ​ເປັນ​ລະດັບ​ໜຶ່ງ ຄື​ຍົກ​ເລີກ​ ການ​ເວັ້ນ ​ໄລຍະ​ຫ່າງ ທາງ​ສັງຄົມ ​ຕັ້ງ​ແຕ່​ຕອນ​ທ່ຽງ​ຄືນ ວັນ​ທີ 8ມິຖຸນາ​ 2020 ຈາກ​ນີ້​ເປັນຕົ້ນ​ໄປ ກິດຈະກຳ​ສ່ວນ​ຕົວ ​ແລະ ສາທາລະນະ, ການ​ຄ້າ​ຍ່ອຍ ​ແລະ ທຸລະ​ກິດ​ບໍລິການ ລວມ​ເຖິງ ການ​ຂົນ​ສົ່ງ ສາທາລະນະ​ທັງ​ໝົດ ຈະ​ສາມາດ ​ກັບ​ມາ​ໃຫ້​ບໍລິການ​ໄດ້ ໂດຍ​ບໍ່​ຕ້ອງ​ເວັ້ນ ​ໄລຍະ​ຫ່າງ ​ທາງ​ສັງຄົມ ​ຄື​ກັບ​ທົ່ວ​ໂລກ ຍັງ​ຕ້ອງ​ປະຕິບັດ​ຢູ່. ປັດຈຸບັນ ນິວຊີແລນ ຢືນ​ຢູ່​ໃນ​ຈຸດ​ທີ່​ປອດ​ໄພ​ກວ່າ ​ແລະ ​ເຂັ້ມ​ແຂງ​ ...

ປະເທດບຣາຊິວໄດ້ລົບຂໍ້ມູນທີ່ໄດ້ບັນທຶກໄວ້ຫຼາຍເດືອນກ່ຽວກັບການແຜ່ລະບາດຂອງ Covid-19 ອອກຈາກ Website ຂອງລັດຖະບານທ່າມກາງການວິພາກວິຈານການຈັດການຂອງປະທານາທິບໍດີ Jair Bolsonaro ກ່ຽວກັບການລະບາດຂອງພະຍາດດັ່ງກ່າວ. ກະຊວງສາທາລະນະສຸກກ່າວວ່າ ດຽວນີ້ຈະມີການລາຍງານກໍລະນີຜູ້ຕິດເຊື້ອ ແລະ ຈໍານວນຜູ້ເສຍຊີວິດພາຍໃນ 24 ຊົ່ວໂມງເທົ່ານັ້ນ, ເຊິ່ງບໍ່ໄດ້ສະແດງຕົວເລກທັງໝົດຄືກັນກັບປະເທດສ່ວນໃຫຍ່. ປະເທດບຣາຊິວ ມີຕົວເລກຂອງຜູ້ຕິດເຊື້ອສູງເປັນອັນດັບທີ 2 ຂອງໂລກ ແລະ ເມື່ອບໍ່ດົນມານີ້ ມີຜູ້ເສຍຊີວິດຫຼາຍກວ່າປະເທດອື່ນໆ. ຂົງເຂດອາເມລິກາລາຕິນ ມີຜູ້ຕິດເຊື້ອຫຼາຍກ່ວາ 640,000 ຄົນ, ແຕ່ເຊື່ອວ່າຈຳນວນຕົວຈິງຍັງສູງກວ່າຫຼາຍ ຍ້ອນບໍ່ໄດ້ກວດທົ່ວເຖິງ ເຊິ່ງຜູ້ຕິດເຊື້ອຫລາຍກວ່າ 35,000 ຄົນ ໄດ້ເສຍຊີວິດ, ເປັນຕົວເລກທີ່ສູງອັນດັບທີ3 ຂອງໂລກ. ຜູ້ນຳໄດ້ຖືກວິພາກວິຈານກ່ຽວກັບການປະຕິເສດມາດຕະການ Lock down ທີ່ໄດ້ແນະນຳ ໂດຍອົງການອະນາໄມໂລກ (WHO)  ໃນວັນເສົາທີ່ຜ່ານມາ ກະຊວງສາທາລະນະສຸກໄດ້ລົບຂໍ້ມູນກ່ຽວກັບ Covid-19 ທີ່ໄດ້ບັນທຶກໄວ້ໃນແຕ່ລະໄລຍະອອກຈາກ Website ທາງການຂອງລັດ ແລະ ເທດສະບານ ເຊິ່ງກະຊວງພຽງແຕ່ລະບຸວ່າມີ 27.075 ກໍລະນີຜູ້ຕິດເຊື້ອໃໝ່ ແລະ ຈໍານວນຜູ້ເສຍຊີວິດ 904 ກໍລະນີ, ພ້ອມທັງກ່າວອີກວ່າ ຜູ້ປ່ວຍຈໍານວນ 10,209 ຄົນ ໄດ້ປິ່ນປົວດີແລ້ວ. ໃນ Twitter, ...

1. ລະບົບ streaming ຈະເຂົ້າມາມີອິດທິພົນໃນຜູ້ບໍລິໂພກຫຼາຍຂຶ້ນ ເນື່ອງຈາກເປັນຄອນເທັນທີ່ເຂົ້າເຖິງງ່າຍ ແລະ ມີຫຼາກຫຼາຍຮູບແບບ ຕັ້ງແຕ່ຄວາມບັນເທີງ, ສາລະໜ້າຮູ້, ຂ່າວສານ ແລະ ອື່ນໆ. 2. ສື່ໃຫຍ່ຈະມີການຈັດກິດຈະກໍາຜ່ານລະບົບ Online ຫຼາຍຂຶ້ນ ຍົກຕົວຢ່າງ What the Duck ທີ່ມີການຈັດຄອນເສີດ Online ແລະ ເບິ່ງຄືວ່າກິດຈະກໍາແບບນີ້ຍັງມີແງ່ມຸມທີ່ໜ້າສົນໃຈອີກຫຼາຍຢ່າງ. 3. ອາຊີບ streamer ກໍາລັງເປັນທີ່ໜ້າສົນໃຈຂອງຜູ້ຄົນ ໂດຍການ Live ສົດ ເປັນຮູບແບບການເຮັດຄອນເທັນທີ່ສາມາດເຮັດໄດ້ງ່າຍດ້ວຍການໃຊ້ງົບປະມານທີ່ນ້ອຍ ພ້ອມທັງຍັງເປັນທີ່ສົນໃຈຂອງຄົນເບິ່ງອີກ ເປັນຫຍັງຫຼາຍຄົນຈຶ່ງຈະບໍ່ຢາກເຮັດອາຊີບນີ້ແມ່ນບໍ? 4. ຂ່າວສານບ້ານເມືອງ ຈະເປັນສິ່ງທີ່ຄົນໃຫ້ຄວາມສົນໃຈຫຼາຍຂຶ້ນ ຫຼັງຈາກສະຖານະການທີ່ເກີດຂຶ້ນ ບໍ່ວ່າເລື່ອງການເມືອງ, ເສດຖະກິດ, ອາດສະຍາກໍາ ລວມເຖິງເລື່ອງສ່ວນບຸກຄົນຂອງຜູ້ທີ່ມີຊື່ສຽງ ລ້ວນແຕ່ມີສ່ວນກ່ຽວຂ້ອງກັບຜູ້ຄົນທົ່ວໄປ ຈຶ່ງບໍ່ແມ່ນເລື່ອງແປກທີ່ຄວາມສົນໃຈດ້ານນີ້ຈະເພີ່ມສູງຂຶ້ນ. 5. ຄອນເທັນບັນເທີງຍັງເປັນທີ່ສົນໃຈຢູ່ຕະຫຼອດເວລາ ບໍ່ວ່າຈະເປັນເລື່ອງ Drama ຫຼືຕະຫຼົກ ເອີ້ນໄດ້ວ່າບັນເທີງຍັງເປັນຢາຮັກສາອາລົມຂອງຄົນໃນສັງຄົມໄດ້ດີ ແລະ ຄິດວ່າຍັງມີຄວາມຕ້ອງການຄອມເທັນແບບນີ້ເພີ່ມສູງຂຶ້ນອີກດ້ວຍ.  6. ຄົນເຮົາຕ້ອງການຄອນເທັນ How To ຫຼາຍຂຶ້ນ ວິທີການໃນການເຮັດຫຍັງກໍຕາມໂດຍໃຊ້ຫຼັກການ ຜູ້ຄົນແມ່ນໃຫ້ຄວາມສົນໃຈຫຼາຍຂຶ້ນ ທັງໃນການເຮັດວຽກ, ການໃຊ້ຊີວິດ ຫຼືແມ່ນແຕ່ວິທີຄິດຕໍ່ສະຖານະການຕ່າງໆ ຫຼັກການເຫຼົ່ານີ້ເປັນຄືກັບຫຼັກການທີ່ຈະເປັນທາງອອກແກ່ຜູ້ຄົນ. 7. ຜູ້ບໍລິໂພກຊອກຫາແນວທາງການເຮັດວຽກໃໝ່ໆ ຈາກຄອນເທັນໃນໂລກ Online Online ...

ອີງຕາມການລາຍງານຂ່າວທາງຊ່ອງຂອງ CRI-FM93. ໃນວັນທີ 7 ມິຖຸນາທີ່ຜ່ານມານີ້, ທາງຫ້ອງການຖະແຫລງຂ່າວລັດຖະບານຈີນ ໄດ້ເຜີຍແຜ່ປື້ມທີ່ມີຫົວຂໍ້ວ່າ “ການເຄື່ອນໄຫວຂອງຈີນ ເພື່ອຕ້ານກັບພະຍາດໂຄວິດ-19” ເຊິ່ງເປັນເອກະສານສຳຄັນທີ່ໄດ້ບັນທຶກຂະບວນການຕ້ານກັບພະຍາດທີ່ລຳບາກຂອງຈີນ ຕາມສະພາບຕົວຈິງ, ມີໂຕໜັງສືປະມານ 37.000 ໂຕ. ປື້ມປົກຂາວ ດັ່ງກ່າວລະບຸວ່າ: ພະຍາດໂຄວິດ-19 ແມ່ນພະຍາດທີ່ແຜ່ລະບາດຢ່າງໃຫຍ່ໃນທົ່ວໂລກທີ່ໄດ້ສ້າງຜົນກະທົບທີ່ກວ້າງຂວາງທີ່ສຸດໃຫ້ແກ່ມວນມະນຸດ ເຊິ່ງບໍ່ເຄີຍມີມາກ່ອນໃນເກືອບ 100 ປີ. ໂດຍຜະເຊີນໜ້າກັບພະຍາດທີ່ເກີດຂຶ້ນຢ່າງກະທັນຫັນ ແລະ ຮ້າຍແຮງ, ຈີນໄດ້ເປີດບັ້ນປ້ອງກັນ ຄວບຄຸມພະຍາດຢ່າງເດັດຂາດ ແລະ  ໄດ້ໃຊ້ທຸກມາດຕະການ, ຍອມເສຍສະຫລະທຸກສິ່ງຢ່າງ ເພື່ອປິ່ນປົວຄົນເຈັບ ແລະກອບກູ້ຊີວິດ. ວັນທີ 31 ພຶດສະພາ 2020 ຜ່ານມານີ້, ອັດຕາປິ່ນປົວໃຫ້ຫາຍຂາດຂອງຜູ້ຖືກບົ່ງມະຕິເປັນພະຍາດໂຄວິດ-19 ພາຍໃນປະເທດຈີນ ມີເຖິງ 94,3%. ການຢາ ແລະ ແພດພື້ນເມືອງຈີນ ໄດ້ເສີມຂະຫຍາຍບົດບາດສຳຄັນໃນການຕ້ານພະຍາດຄັ້ງນີ້.  ມາຮອດໄລຍະກາງເດືອນເມສາ, ສະຖາບັນແພດພື້ນເມືອງຈີນ ແຫ່ງຕ່າງໆໄດ້ສົ່ງຊ່ຽວຊານແພດໝໍ 4.900 ຄົນໄປສະໜັບສະໜູນ ແຂວງຫູເປີຍ, ການຢາ ແລະແພດພື້ນເມືອງຈີນ ໄດ້ມີສ່ວນຮ່ວມໃນການປິ່ນປົວຄົນເຈັບໄດ້ກວມເຖິງ 92%. ຈີນ ຍຶດໝັ້ນທັດສະນະປະຊາຄົມຮ່ວມຊະຕາກຳຂອງມວນມະນຸດຢ່າງສະເໝີຕົ້ນສະເໝີປາຍ, ແບກຫາບໜ້າທີ່ຮັບຜິດຊອບຂອງປະເທດໃຫຍ່ ໂດຍສູ້ຊົນແບບຄຽງບ່າຄຽງໄຫລ່ກັບປະເທດອື່ນເພື່ອຮ່ວມກັນຜ່ານຜ່າຄວາມຫຍຸ້ງຍາກ. ນັບມາຮອດປັດຈຸບັນ, ຈີນ ...

ດັດຊະນີລາຄາຜູ້ບໍລິໂພກຂອງໄທຫຼຸດລົງຫຼາຍທີ່ສຸດໃນຮອບເກືອບ 11 ປີ, ກະຊວງການຄ້າໄດ້ສະແດງຂໍ້ມູນໃຫ້ເຫັນວ່າ ດັດຊະນີລາຄາຜູ້ບໍລິໂພກທົ່ວໄປ (CPI) ຂອງປະເທດໄທຫຼຸດລົງເຖິງ 3.44% ໃນເດືອນພຶດສະພາ ທຽບກັບປີກ່ອນຖືວ່າຫຼຸດລົງຫຼາຍ ເຊິ່ງຫຼາຍກວ່າທີ່ຄາດໄວ້ໃນຮອບເກືອບ 11 ປີ. ເສດຖະກິດແບບນີ້ ແມ່ນມີຄວາມສ່ຽງຕໍ່ການເສຍຫາຍທີ່ຈະເກີດຂຶ້ນຈາກພາວະເງິນຝືດ, ປະຈຸບັນ ປະເທດໄທຍັງມີອັດຕາເງິນຝືດພຽງແຕ່ 3 ເດືອນເທົ່ານັ້ນ, ທ່ານ Don Nakornthab ຜູ້ອໍານວຍການອາວຸໂສຂອງພະແນກເສດຖະກິດ ແລະ ນະໂຍບາຍຂອງທະນາຄານກາງ ໄດ້ກ່າວໃນຖະແຫຼງການວ່າ ອັດຕາເງິນຝືດທີ່ເຮັດໃຫ້ເກີດຄວາມເສຍຫາຍ ອາດຈະມີໄລຍະເວລາຍາວນານ ເຊັ່ນດຽວກັບການຫຼຸດລົງຂອງລາຄາສິນຄ້າ ແລະ ການບໍລິການ ພ້ອມທັງປັດໃຈອື່ນໆ. ທ່ານຍັງໄດ້ກ່າວຕື່ມວ່າ ທະນາຄານກາງແມ່ນກໍາລັງຕິດຕາມສະຖານະການນີ້ຢ່າງໃກ້ຊິດ ເຊິ່ງຄາດວ່າອັດຕາເງິນຝືດໃນປີນີ້ຈະມີຜົນດີກ່ອນປີໜ້າ. ຈາກການສົມທຽບເງິນຝືດແມ່ນມີເຖິງ 2.95% ໃນການສຳຫຼວດຂອງ Reuters ແລະ ດ້ວຍການຫຼຸດລົງເຖິງ 2,99% ໃນເດືອນເມສາ. ທະນາຄານກາງ ໄດ້ກຳນົດເປົ້າໝາຍອັດຕາເງິນຝືດໃນລະດັບ 1% -3% ເຊິ່ງຈະຢູ່ໃນສະພາວະເງິນຝືດອີກຫຼາຍເດືອນ, ອັດຕາເງິນຝືດຫຼັກປະຈຳປີແມ່ນ 0.01% ແຫຼ່ງຂໍ້ມູນ: https://www.reuters.com/article/thailand-economy-inflation-idUSL4N2DH1YU

ອີງຕາມ CRI-FM93. ໃນວັນ​ທີ 7 ມິ​ຖຸ​ນາ​ນີ້, ຫ້ອງ​ການ​ຖະ​ແຫລງ​ຂ່າວ​ ລັດ​ຖະ​ບານ​ຈີນ​ ໄດ້​ເຜີຍ​ແຜ່​ປື້ມ​ປົກ​ຂາວ​ທີ່​ມີ​ຫົວ​ຂໍ້​ວ່າ ການ​ເຄື່ອນ​ໄຫວ​ຂອງ​ຈີນ​ ເພື່ອ​ຕ້າ​ນ​ກັບ​ພະ​ຍາດ​ໂຄວິດ-19 ແລະ​ ໄດ້​ຈັດ​ກອງ​ປະ​ຊຸມ​ຖະ​ແຫລງ​ຂ່າວ ຈີນ​ ຈະ​ໃຫ້​ຢາ​ວັກຊິນ​ທີ່​ຄົ້ນ​ຄວ້າ​ຜະ​ລິດ​ເອງ​ນັ້ນ​ກາຍ​ເປັນ​ຜະ​ລິດ​ຕະ​ພັນ​ສາ​ທາ​ລະ​ນະ​ສຸກ​ຂອງ​ໂລກ ຫຼືບໍ່? ທ່ານ​ ຫວາງ​ຈື້​ກ່າງ ລັດ​ຖະ​ມົນ​ຕີ​ກະ​ຊວງ​ວິ​ທະ​ຍາ​ສາດ​ ແລະ​ ເຕັກ​ໂນ​ໂລ​ຊີຈີນ​ ກ່າວ​ວ່າ: ການ​ຄົ້ນ​ຄວ້າ​ຜະ​ລິດ​ຢາ​ວັກ​ແຊັງ​ ຕ້ານ​ພະ​ຍາດ​ໂຄວິດ-19 ຕ້ອງ​ຖື​ເອົາ​ຄວາມ​ປອດ​ໄພ, ສັບ​ພະ​ຄຸນ ແລະ ຄວາມ​ສາ​ມາດ​​ຊື້​ຂອງ​ປະ​ຊາ​ຊົນ​ເປັນ​ສິ່ງ​ສຳ​ຄັນ ທັງ​ຕ້ອງ​ເພີ່ມ​ທະ​ວີ​ການ​ຮ່ວມ​ມື​ກັບ​ສາ​ກົນ. ທ່ານ​ ໄດ້ກ່າວ​ຕື່ມວ່າ: ປະ​ເທດ​ຕ່າງ​ໆ​ລ້ວນ​ແຕ່​ໄດ້​ໃຫ້​ຄວາມ​ສຳ​ຄັນຢ່າງ​ສູງ​ຕໍ່​ການ​ຄົ້ນ​ຄວ້າ​ຜະ​ລິດ​ຢາ​ວັກ​ຊິນ, ແຕ່​ວຽກ​ງານ​ນີ້​ແມ່ນ​ການ​ເຄື່ອນ​ໄຫວ​ເຕັກ​ນິກວິ​ທະ​ຍາ​ສາດ​ທີ່​​ເຄັ່ງ​ຄັດ​ສຸ​ຂຸມ​ຮອບ​ຄອບຫລາຍ, ​ມີ​ຄວາມ​ສະຫລັບ​ສັບ​ຊ້ອນ​ທີ່​ສຸດ, ມີ​ຄວາມ​ຫຍຸ້ງ​ຍາກຫລາຍ ແລະ​ ຕ້ອງ​ໃຊ້​ເວ​ລາຫລາຍ ທັງ​ມີ​ສິ່ງ​ທ້າ​ທາຍ​ ແລະ​ ຄວາມບໍ່​ແນ່ນອນຫລາຍ​ຢ່າງ. ສະ​ນັ້ນ, ການ​ຄົ້ນ​ຄວ້າ​ຜະ​ລິດ​ວັກຊິນ ຕ້ອງ​ຖືເອົາ​ຄວາມ​ປອດ​ໄພ, ​ສັບ​ພະ​ຄຸນ ແລະ​ ຄວາມ​ສາ​ມາດ​ຊື້​ຂອງ​ປະ​ຊາ​ຊົນ​ເປັນ​ສິ່ງ​ສຳ​ຄັນ​​ທີ່​ສຸດ. ຕໍ່​ໄປ​ພາຍ​ໜ້າ, ຫລັງ​ຈາກ​ ຈີນ​ ສຳ​ເລັດ​ການ​ຄົ້ນ​ຄວ້າ​ ຜະ​ລິດວັກຊິນ ແລະ​ ການ​ທົດ​ລອງ​ປິ່ນ​ປົວ​ພະ​ຍາດໄປ​ເຖິງ​ຂັ້ນ​ທີ່​ສາ​ມາດ​ນຳ​ໃຊ້​ຕົວ​ຈິງ​ໄດ້​ແລ້ວ, ພວກ​ຂ້າ​ພະ​ເຈົ້າ​ ຈະ​ຕັ້ງ​ໜ້າ​ຈັດ​ຕັ້ງ​ປະ​ຕິ​ບັດ​ຕາມ​ຄຳ​ໝັ້ນ​ສັນ​ຍາ​ທີ່​ ທ່ານ​ ສີ​ຈິ້ນ​ຜິງ​ ໄດ້ໃຫ້​ໄວ້​ໃນ​ກອງ​ປະ​ຊຸມ​ WHO ຄັ້ງ​ທີ 73, ...

ປີ 2020 ເປັນອີກໜຶ່ງປີ ທີ່ເກີດຜົນກະທົບໜັກ ຕໍ່ສຸຂະພາບ ແລະ ເສດຖະກິດທົ່ວໂລກ ລວມເຖິງປະເທດລາວ ນັບຕັ້ງແຕ່ທ້າຍເດືອນມັງກອນເປັນຕົ້ນມາ ຜ່ານໄປແລ້ວເຄິ່ງປີ  ແຕ່ໂຄວິດ-19 ນັ້ນ ຍັງແຜ່ລະບາດໄປທົ່ວໂລກຢ່າງໄວວາ ຈົນຫຼາຍຄົນບອກວ່າມັນເປັນເຊື້ອໄວຣັດທີ່ມາເລັ່ງກ້າວໜ້າຫຼາຍໆຢ່າງໃຫ້ເກີດຂຶ້ນ ລວມເຖິງ ພຶດຕິກຳ ແລະ ຄວາມຄາດຫວັງໃຫມ່ໆຂອງຜູ້ບໍລິໂພກ. ໃນບົດຄວາມນີ້  Wunderman Thompson ໄດ້ນຳສະເໜີ 5 ເທຣນຫຼັກທີ່ສະຫຼຸບຄວາມປ່ຽນແປງສຳຄັນໃນດ້ານພຶດຕິກຳ ແລະ ຄວາມຄາດຫວັງຂອງຜູ້ບໍລິໂພກ ເຊິ່ງມີຄວາມກ່ຽວຂ້ອງກັບແບຣນ ແລະ ສາມາດໃຊ້ເປັນແນວທາງໃຫ້ແບຣນຄວນຈະວາງແຜນ ແລະ ຕອບສະໜອງ ມາສະເໜີໃຫ້ທຸກຄົນໄດ້ອ່ານ. ຄວາມຄາດຫວັງຕໍ່ “ບໍລິສັດທີ່ດີ”  ຜູ້ບໍລິໂພກມີຄວາມຄາດຫວັງວ່າແບຣນຕ່າງໆ ຄວນຈະລວມຕົສສະແດງບົດບາດໃນດ້ານເຊີງບວກຢ່າງຈິງຈັງ ໂດຍການເຮັດປະໂຫຍດເພື່ອໂລກ ແລະ ຜູ້ຄົນໃນໄລຍະເວລາທີ່ເສດຖະກິດວິກິດແບບນີ້ ເຊິ່ງພົບວ່າຜູ້ບໍລິໂພກຫຼາຍກວ່າ 90% ລະບຸວ່າ ແບຣນ ຄວນມີໜ້າທີ່ຮັບຜິດຊອບໃນການຮ່ວມເບິ່ງແຍງໂລກ ແລະ ປະຊາຊົນຂອງໂລກຫຼາຍຂຶ້ນ ແລະ ຫຼາຍກວ່າ 71% ມີທັດສະນະຄະຕິສອດຄ້ອງກັນວ່າ ຫາກແບຣນເຫັນຜົນກຳໄລສຳຄັນກວ່າຜູ້ຄົນແລ້ວ ຜູ້ບໍລິໂພກຈະສູນເສຍຄວາມເຊື່ອຖືທີ່ມີຕໍ່ແບຣນນັ້ນໆຕະຫຼອດໄປ ເຊິ່ງເຫັນວ່າອົງກອນຂະໜາດໃຫຍ່ທົ່ວໂລກກຳລັງປັບປ່ຽນຍຸດທະສາດ ໂດຍເລີ່ມຍົກລະດັບຄວາມຮັບຜິດຊອບຕໍ່ສັງຄົມຂອງອົງກອນໃຫ້ມີຄວາມສຳຄັນ ຫຼາຍກວ່າ ຜົນກຳໄລ. ຕົວຢ່າງ: Pooj Morjaria ຜູ້ກໍ່ຕັ້ງ Did ...