ຂ່າວ ພາຍໃນປະເທດ

ເພື່ອເປັນການສົ່ງເສີມການທ່ອງທ່ຽວພາຍໃນແຂວງ ແລະ ຊຸກຍູ້ໃຫ້ມວນຊົນມາຮ່ວມງານ ແລະ ມາຊົມມາເຊີຍ ນັກກິລາຂອງແຂວງຕົນເອງ ໃຫ້ມີຄວາມຄຶກຄື້ນມ່ວນຊື່ນໃນໄລຍະຈັດງານມະຫະກຳກິລາແຫ່ງຊາດ ທີ່ແຂວງຊຽງຂວາງ ທີ່ຈະຈັດຂຶ້ນໃນວັນທີ 22 ມີນາ – 1 ເມສາ 2020 ທີ່ຈະມາເຖິງນີ້. ປັດຈຸບັນ ອຳນາດການປົກຄອງ ແຂວງ ຊຽງຂວາງ ກໍາລັງກະກຽມອອກຂໍ້ຕົກລົງແຈ້ງການໃຫ້ຜູ້ປະກອບການໂຮງແຮມ ແລະ ເຮືອນພັກພາຍໃນແຂວງ ຫຼຸດຄ່າທີ່ພັກລົງ 20% ໃນໄລຍະເປັນເຈົ້າພາບຈັດງານ ມະຫາກຳກິລາແຫ່ງຊາດ ຄັ້ງທີ 11 ຫຼື ຊຽງຂວາງ ເກມ  ແລະ ເລັ່ງໃຫ້ປັບປຸງສະຖານທີ່ທ່ອງທ່ຽວ ຕ່າງໆໃຫ້ດີຂຶ້ນ ເພື່ອຮອງຮັບແຂກ ແລະ ສ້າງຄວາມດຶງດູດໃຈຂອງຜູ້ມາ ທ່ອງທ່ຽວ ແຂວງ ຊຽງຂວາງ. ທ່ານ ສີວິໄລ ອຸດົມສຸກ ຮອງຫົວໜ້າ ພະແນກສຶກສາທິການ ແລະ ກິລາ ແຂວງຊຽງຂວາງ ໄດ້ໃຫ້ສຳພາດ ກັບສື່ມວນຊົນ ຫ່ວາງບໍ່ດົນມານີ້ວ່າ: ເພື່ອຮອງຮັບແຂກທີ່ຈະເດີນທາງເຂົ້າມາທ່ຽວ ແລະ ຊົນການແຂ່ງຂັນ ກິລາຄັ້ງນີ້ ພະແນກສຶກສາທິການ ແລະ ກິລາ ແຂວງຈຶ່ງໄດ້ຈັດການຝຶກອົບຮົມໃຫ້ຜູ້ປະກອບການໂຮງແຮມ ...

ກະຊວງການເງິນໄດ້ແຈ້ງໃຫ້ຮູ້ວ່າ: ປີ 2019 ການເກັບຄ່າທຳນຽມທາງ ຫຼື ເສຍຄ່າທາງສຳລັບພາຫະນະ (ລົດຈັກ, ລົດໃຫ່ຍຕ່າງໆ) ແມ່ນບໍ່ໄດ້ຕາມແຜນທີ່ວາງໄວ້ ແລະ ບໍ່ໄດ້ຮອດເຄີ່ງໜຶ່ງຂອງພາຫະນະທີ່ມີໃນທົ່ວປະເທດ ເຖິງແມ່ນວ່າຈະນໍາໃຊ້ລະບົບທີ່ ທັນສະໄໝໂດຍຜ່ານຫຼາຍຮູບແບບເຂົ້າມາ ຊ່ວຍແລ້ວກໍ່ຕາມ. ທ່ານ ສົມດີ ດວງດີ ລັດຖະມົນຕີກະຊວງ ການເງິນໄດ້ກ່າວໃນບໍ່ດົນມານີ້ ຢູ່ກອງປະຊຸມເປີດກວ້າງລັດຖະບານຄັ້ງທີ II ວ່າ: ປີ 2019 ແມ່ນໄດ້ເລີ່ມການຈັດ ເກັບເງິນຄ່າທຳນຽມທາງພາຫະນະເຂົ້າງົບປະມານແຫ່ງລັດດ້ວຍລະບົບທີ່ທັນສະໄໝ, ໃນໄລຍະທຳອິດເຫັນວ່າດີຂື້ນ ແລະ ມີຄວາມໂປ່ງໃສ ບັນດາຫົວໜ່ວຍທຸລະກິດມີຄວາມຕື່ນຕົວ ໃຫ້ການຮ່ວມມື  ແຕ່ກົງກັນຂ້າມເຫັນວ່າຄວາມຕື່ນຕົວຂອງ ເຈົ້າຂອງພາຫະນະລົດເອກະຊົນ ຍັງບໍ່ຫຼາຍເທົ່າທີ່ຄວນເຊິ່ງມັນສະແດງອອກ ໃນການເສຍອາກອນ ຫຼື ຄ່າທຳນຽມທາງ ຍັງບໍ່ໄດ້ຮອດເຄີ່ງໜື່ງຂອງຈຳນວນລົດທີ່ມີ ເຖິງແມ່ນວ່າທາງເຈົ້າໜ້າທີ່ຈະມີມາດຕະ ການຕ່າງໆເຊັ່ນ : ເມື່ອເຫັນລົດຄັນໃດບໍ່ເສຍຄ່າທາງແມ່ນ ໃຫ້ປັບໃໝກັບທີ່ເລີຍ ແຕ່ກໍ່ຍັງມີຜູ້ຊົມໃຊ້ລົດບາງຈຳນວນຍັງມີ ການຫຼົບໜີໄດ້ຢູ່ ແລະ ຍ້ອນວ່າບາງຂົງເຂດ ໜ່ວຍບໍລິການທະນາຄານໄປບໍລິການຍັງບໍ່ ທົ່ວເຖິງ ໂດຍສະເພາະຢູ່ເຂດຫ່າງໄກສອກ ຫຼີກ. ຂ່າວ : ສົມພາວັນ ພາບ: ແກ້ວ​ບຸນ​ທະ​ວີ ທີ່ມາ: ໜັງສືພິມວຽງຈັນທາຍ

ການກໍ່ສ້າງພື້ນຖານໂຄງລ່າງຂອງທາງລົດໄຟ ລາວ – ຈີນ ສໍາເລັດ 83%, ສາມາດໄກ່ເກ່ຍທີ່ດິນ ແລະ ມອບພື້ນທີ່ໃຫ້ແກ່ການກໍ່ສ້າງໄດ້ທັງໝົດ 99,59% ຂອງແລວທາງທັງໝົດ 409 ກິໂລແມັດ. ໃນນີ້, ການຊີເຈາະອຸມົງໃນປັດຈຸບັນສໍາເລັດແລ້ວ 86,5%, ການກໍ່ສ້າງຂົວທັງໝົດສໍາເລັດ 59,3%. ໃນວັນທີ 6 ມັງກອນ 2020 ນີ້ ຄະນະຄຸ້ມຄອງໂຄງການທາງລົດໄຟ ລາວ – ຈີນ ໄດ້ຈັດກອງປະຊຸມພະນັກງານບໍລິສັດທາງລົດໄຟ ລາວ – ຈີນ ເພື່ອເຜີຍຄວາມສໍາເລັດວຽກງານທຸກດ້ານຂອງການກໍ່ສ້າງທາງລົດໄຟ ລາວ – ຈີນ ພ້ອມທັງປຶກສາຫາລື ແລະ ວາງແຜນສືບຕໍ່ວຽກງານຕ່າງໆຂອງໂຄງການກໍ່ສ້າງເສັ້ນທາງລົດໄຟ ລາວ – ຈີນ ປີ 2020 ທີ່ນະຄອນຫຼວງວຽງຈັນ ໂດຍການເປັນປະທານຂອງ ທ່ານ ຄໍາປ່ຽນ ອິນທະລືຊາ ຮອງຫົວໜ້າຄະນະຄຸ້ມຄອງໂຄງການທາງລົດໄຟ ລາວ – ຈີນ, ມີ ທ່ານ ຈູ່ກົວຈ່ຽງ ປະທານສະພາບໍລິຫານ ບໍລິສັດ ເສັ້ນທາງລົດໄຟ ລາວ – ...

ອີງຕາມການຈັດຕັ້ງປະຕິບັດ ຜ່ານມາ ການນໍາເຂົ້າຊິ້ນສ່ວນຍານພາຫະນະ ແມ່ນຕ້ອງໄດ້ຂໍໃບຢັ້ງຢືນນໍາເຂົ້ານໍາກົມອຸດສາຫະກໍາ ແລະ ຫັດຖະກໍາ, ກະຊວງອຸດສາຫະກໍາ ແລະ ການຄ້າ ຈຸດປະສົງແມ່ນເພື່ອຄຸ້ມຄອງດ້ານມາດຕະຖານ ແລະ ຄຸນນະພາບ ຊິ້ນສ່ວນຍານພາຫະນະ ທີ່ຈະນຳມາປະກອບຢູ່ໂຮງງານ. ແຕ່ມາຮອດປັດຈຸບັນ ໃນຍຸກແຫ່ງການເຊື່ອມໂຍງເສດຖະກິດ ແລະ ການຄ້າ, ສປປ ລາວ ກໍໄດ້ເຂົ້າເປັນສະມາຊິກຂອງສັນຍາ ແລະ ສົນທິສັນຍາ ໃນຂອບພາກພື້ນ ແລະ ສາກົນ, ດັ່ງນັ້ນ ການຄຸ້ມຄອງວຽກງານດັ່ງກ່າວ ແມ່ນມີຄວາມສະດວກຂຶ້ນ ໂດຍມີການຮັບຮູ້ຊຶ່ງກັນ ແລະ ກັນ ຂອງບັນດາປະເທດທີ່ເປັນພາຄີ. ນອກຈາກນີ້ ເພື່ອເປັນການອຳນວຍຄວາມສະດວກໃຫ້ແກ່ການຄ້າ, ການລົງທຶນ ແລະ ຫຼຸດຜ່ອນຂັ້ນຂອດໃນການປະກອບເອກະສານ ຂອງຜູ້ປະກອບການ. ດັ່ງນັ້ນ, ກະຊວງອຸດສາຫະກຳ ແລະ ການຄ້າ ຈຶ່ງຕັດຂັ້ນຕອນຂອງການຂໍໃບຢັ້ງຢືນໃນການນໍາເຂົ້າຊີ້ນສ່ວນພານພາຫະນະທີ່ມາຜະລິດ ແລະ ປະກອບຢູ່ໂຮງງານ ທີ່ຕ້ອງຂໍອະນຸຍາດນໍາ ກົມອຸດສາຫະກໍາ ແລະ ຫັດຖະກໍາ,​ ກະຊວງ ອຸດສາຫະກໍາ ແລະ ການຄ້າ ອອກ ໂດຍການອອກ ຄໍາສັ່ງວ່ດ້ວຍ ຄໍາສັ່ງກ່ຽວກັບ ການຍົກເລີກການອອກໃບຢັ້ງຢືນນຳເຂົ້າຊິ້ນສ່ວນຍານພາຫະນະ ເພື່ອມາຜະລິດ ແລະ ປະກອບຢູ່ໂຮງງານ ເລກທີ ...

ມູນຄ່າການນໍາເຂົ້າ ແລະ ສົ່ງອອກ ຂອງ ສປປ ລາວ ປະຈໍາເດືອນ 11 ບັນລຸໄດ້ຫຼາຍກ່ວາ 1.000 ລ້ານໂດລາສະຫະລັດ. ໃນນັ້ນ, ມູນຄ່າການສົ່ງອອກປະມານ 372 ລ້ານໂດລາສະຫະລັດ ແລະ ການນໍາເຂົ້າ ປະມານ 635 ລ້ານໂດລາສະຫະລັດ ແລະ ຂາດດຸນການຄ້າປະມານ 263 ລ້ານໂດລາສະຫາລັດ. ສິນຄ້າສົ່ງອອກຫຼັກປະກອບມີ: ແຮ່ທອງ; ທອງແດງ ແລະ ເຄື່ອງຂອງທີ່ເຮັດດ້ວຍທອງແດງ, ໝາກກ້ວຍ, ເຍື່ອໄມ້ ແລະ ເສດເຈ້ຍ, ໂຄງຮ່າງ ແລະ ຊິ້ນສ່ວນກ້ອງບັນທຶກພາບ, ເຄື່ອງດື່ມ (ນໍ້າອັດລົມ, ນໍ້າ, ເຄື່ອງດືມຊູຸກໍາລັງ), ຄຳປະສົມ, ຄຳແທ່ງ, ເຄື່ອງນຸ່ງຫົ່ມ, ເຄື່ອງໄຟຟ້າ ແລະ ອຸປະກອນໄຟຟ້າ, ຢາງພາລາ ແລະ ງົວ,ຄວາຍ. ໝວດສີນຄ້ານໍາເຂົ້າຫຼັກປະກອບມີ: ພາຫະນະທາງບົກ ນອກຈາກລົດໄຖນາ ແລະ ລົດຈັກ, ເຄື່ອງໄຟຟ້າ ແລະ ອຸປະກອນໄຟຟ້າ, ນ້ຳມັນກາຊວນ, ອຸປະກອນກົນຈັກ (ນອກຈາກເຄື່ອງກົນຈັກພາຫະນະ), ...

ມອບເງິນທົດແທນຜົນກະທົບຈາກໂຄງການກໍ່ສ້າງເສັນທາງລົດໄຟລາວ-ຈີນ ໄລຍະຜ່ານແຂວງຫຼວງພະບາງ ວັນທີ 23 ທັນວາ 2019 ນີ້ ຄະນະຊີ້ນໍາໂຄງ ການກໍ່ສ້າງທາງລົດໄຟລາວ-ຈີນ ໄລຍະຜ່ານແຂວງຫຼວງພະບາງ ໄດ້ຈັດພິທີເບິກຈ່າຍຄ່າທົດແທນ ສິ່ງກີດຂວາງ ແລະຜົນກະທົບ ຈາກໂຄງການກໍ່ສ້າງທາງລົດໄຟລາວ-ຈີນ, ງວດ ທີ່ 3 ຂອງເມືອງ, ງວດທີ່ 4 ຂອງແຂວງ ແລະງວດທີ່ 5 ຂອງໂຄງການ ໃນນັ້ນ ປະກອບມີ 3 ບ້ານຄື: ບ້ານ ນຸນສະຫວາດ, ຊຽງລ້ອມ ແລະບ້ານ ພິກໃຫ່ຍ ຈຳນວນ 79 ຄອບຄົວ ລວມມູນຄ່າ 29 ຕື້ກວ່າກີບ. ກ່າວມອບໂດຍແມ່ນ ທ່ານ ຈັນທະວົງ ຜົນນະຈິດ ຫົວໜ້າພະແນກຊັບພະຍາ ກອນທຳມະຊາດແລະສິ່ງແວດລ້ອມແຂວງ ຮອງປະທານຄະນະປະສານງານໂຄງການກໍ່ສ້າງທາງລົດໄຟລາວ-ຈີນ ໄລຍະຜ່ານແຂວງຫຼວງພະບາງ. ພິທີມອບ-ຮັບ ໄດ້ຈັດຂື້ນຢູ່ຫ້ອງການບ້ານ ນູນສະຫວາດ ນະຄອນ ຫຼວງພະບາງ ໂດຍມີ ທ່ານ ສົມດີ ພອນສະຫວັດ ຮອງເຈົ້ານະຄອນ ຫຼວງພະບາງ, ມີຄະນະຮັບຜິດຊອບຂັ້ນແຂວງ, ເມືອງ, ...

ໂຄສົກປະຈໍາ ນາຍົກລັດຖະມົນຕີ ແຫ່ງຣາຊະອານະຈັກໄທ ກ່າວວ່າ ຄະນະລັດຖະມົນຕີ ເຫັນດີ ໃຫ້ສໍານັກງານຄວາມຮ່ວມມື ພັດທະນາເສດຖະກິດ ກັບປະເທດເພື່ອນບ້ານ ໃຫ້ຄວາມຊ່ວຍເຫຼືອທາງດ້ານການເງິນ ແກ່ ສປປ ລາວ ເພື່ອນໍາໄປດໍາເນີນໂຄງການພັດທະນາ ພື້ນຖານໂຄງລ່າງ ໃນປະເທດເພື່ອນບ້ານ ໂດຍ ການຊ່ວຍເຫຼືອ ເປັນຮູບແບບເງິນກູ້ຢືມ ດອກເບ້ຍຕໍ່າ.​ ໃນສ່ວນຂອງການຊ່ວຍເຫຼືອ ສປປ ລາວ ຈະເປັນວົງເງິນຄ່າໃຊ້ຈ່າຍ ສໍາຫຼັບໂຄງການກໍ່ສ້າງຂົວມິດຕະພາບ ລາວໄທ ແຫ່ງທີ່ 5 ຢູ່ແຂວງບໍລິຄໍາໄຊ ສປປ ລາວ ແລະ ຈັງຫວັດບຶງການ ຂອງ ໄທ ໂດຍປ່ອຍເງິນກູ້ລວມ 1.380 ລ້ານບາດ ດອກເບ້ຍ 1.5% ອາຍຸສັນຍາ 30 ປີ ລວມໄລຍະເວລາ ໝົດໜີ້ 7 ປີ.​ ໂຄງການດັ່ງກ່າວ ມີເສັ້ນທາງເລີ້ມຈາກ ບ້ານກ້ວຍ, ເມືອງປາກຊັນ ແຂວງບໍລິຄໍາໄຊ ສປປ ລາວ ເຂົ້າໄປຫາ ຕໍາບົນໄຄສີ, ອໍາເພີເມືອງ ບຶງການ, ຈັງຫວັດບຶງການ ຂອງໄທ ...

ລັດກໍານົດລາຄາຂາຍຊີ້ນໝູຫ້າມເກີນ 36.000 ກີບຕໍ່ກິໂລ, ປານິນກະຊັງ ຫ້າມເກີນ 20.000 ກີບຕໍ່ກິໂລ. ແຕ່ບາງຕະຫຼາດຂາຍຊີ້ນໝູແພງເຖິງ 40.000 ກີບຕໍ່ກິໂລ, ສ່ວນປານິນຢູ່ທີ່ 22.000 ຫາ 25.000 ກີບຕໍ່ກິໂລ. ດ້ານແມ່ຄ້າຂາຍຍ່ອຍໄດ້ໃຫ້ພຳພາດເຖິງການ ຂາຍແພງຂຶ້ນ ເນື່ອງຈາກລາຄາຂຶ້ນມາຈາກໜ້າຟາມ ພ້ອມຮຽກຮ້ອງເຈົ້າໜ້າທີ່ລົງກວດກາລາຄາຂາຍຕົວຈິງ. ພະແນກອຸດສາຫະກໍາ ແລະ ການຄ້າ ນະຄອນຫຼວງວຽງຈັນ ໄດ້ອອກແຈ້ງການ ເລກທີ 2307/ອຄ.ນວ.ຄພນ ລົງວັນທີ 18 ທັນວາ 2019 ໃຫ້ຊາວຄ້າຂາຍຈຳໜ່າຍສິນຄ້າໃນລາຄາລັດກຳນົດ. ຢ່າງໃດກໍຕາມ, ຈາກການລົງພື້ນທີ່ຢູ່ 2 ຕະຫຼາດ ໃນວັນທີ 25 ທັນວາ ເພື່ອຕິດຕາມລາຄາສິນຄ້າຕົວຈິງພົບວ່າລາຄາຊີ້ນໝູ ແລະ ປາແມ່ນແພງກວ່າລາຄາລັດກໍານົດ; ແຕ່ລາຄາຊີ້ນງົວ, ຄວາຍແມ່ນຢູ່ໃນເກນປົກກະຕິ ຄື: ປະເພດ 1 ຢູ່ທີ່ 75.000 ກີບຕໍ່ກິໂລ, ປະເພດ 2 ຢູ່ທີ່ 65.000 ກີບຕໍ່ກິໂລ.ແມ່ຄ້າຂາຍຊີ້ນໝູທ່ານໜຶ່ງທີ່ຕະຫຼາດຫົວຂົວ ເມືອງໄຊເສດຖາ ນະຄອນຫຼວງວຽງຈັນ ໃຫ້ຮູ້ວ່າ: ນັບແຕ່ຕົ້ນເດືອນຜ່ານມາລາຄາຊີ້ນໝູແພງຂຶ້ນຫຼາຍ ເຮັດໃຫ້ຕ້ອງຂາຍຊີ້ນໝູປະເພດ 1 ...

ວັນທີ 21-22 ທັນວາ 2019 ທີ່ຜ່ານມາ, ຈາກົວ ລາວ ໄດ້ຈັດງານ ທົດລອງຂັບລົດແບບຄວາມໄວ ຢູ່ທີ່ລາວ-ໄອເຕັກ ງານ The Art of Performance Tour ຖືວ່າເປັນອີກງານໜຶ່ງທີ່ມີຄວາມເປັນເອກະລັກບໍ່ຄືໃຜ ເປັນໂອກາດທີ່ດີທີ່ສຳລັບລູກຄ້າທີ່ຈະໄດ້ສຳຜັດເຖິງສະມັດຖະນະ ແລະ ຄວາມສາມາດຂອງລົດຍີ່ຫໍ້ ຈາກົວ ໂດຍມີຜູ້ຊ່ຽວຊານຕ່າາງປະເທດທີ່ມີປະສົບການດ້ານການຂັບຂີ່ ມາແນະນຳໃນການຂັບຂີ່ລົດທ້າທາຍທີ່ສຸດທີ່ເຄີຍມີມາ ຢ່າງໝັ້ນໃຈ. ເຊິ່ງມີ 2 ກິດຈະກຳທີ່ໃຫ້ລູກຄ້າໄດ້ທົດລອງຂັບຄື Smart Cones ແລະ  Dynamics, ສຳລັບການຂັບແບບ Smart cones ນ ຈາກົວ ເປັນຍີ່ຫໍ້ດຽວທີ່ມີການຂັບຂີ່ແບບນີ້. ລົດທີ່ໄດ້ນຳມາໃຫ້ລູກຄ້າ ທົດລອງຂັບໃນງານ 2​ ມື້ນັ້ນແມ່ນມີ 3​ ລຸ້ນ ຄື: Jaguar XE, E-Pace ແລະ F-Pace ບໍ່ພຽງແຕ່ເທົ່ານັ້ນ ການທົດລອງຂັບລົດຄັ້ງນີ້ ລູກຄ້າທ່ານໃດທີ່ເຮັດຄະແນນໄດ້ດີທີ່ສຸດຈະໄດ້ເປັນຜູ້ຊະນະທີ່ຈະໄດ້ໄປຮ່ວມກິດຈະກຳສຸດພິເສດກັບ ຈາກົວ ໃນງານ Jaguar Formula E ທີ່ ລອນດອນ ປະເທດອັງກິດ ...

ງານເທດສະການອາຫານລາວ ປີ 2020 ຈະຈັດຂຶ້ນໃນວັນທີ 28-31 ມັງກອນ 2020 ຢູ່ທີ່ສວນເຈົ້າອານຸວົງ (ແຄມຂອງ) ນະຄອນຫຼວງວຽງຈັນ, ເລີ່ມແຕ່ເວລາ 9:00 ໂມງ- 20:00 ໂມງ. ສະມາຄົມນັກທຸລະກິດແມ່ຍິງລາວ ຮ່ວມກັບສູນກາງສະຫະພັນແມ່ຍິງ ແຫ່ງຊາດລາວ, ສະພາການຄ້າ ແລະ ອຸດສາຫະກຳ ແຫ່ງຊາດລາວ ໄດ້ຈັດງານຖະແຫຼງຂ່າວ ງານເທດສະການອາຫານລາວ 2020 (Lao Food Festival 2020) ໂດຍການເປັນປະທານຂອງທ່ານນາງ ຈັນທະຈອນ ວົງໄຊ ປະທານສະມາຄົມນັກທຸລະກິດແມ່ຍິງລາວ ແລະ ທ່ານ ນາງ ສິລິກິດ ບຸບຜາ ຮອງປະທານສູນກາງສະຫະພັນແມ່ຍິງລາວ. ປີນີ້!!! ຈະຮ້ານວາງສະແດງທັງໝົດ 190 ຮ້ານ ຈາກທັງໝົດ 18 ແຂວງທົ່ວປະເທດລາວ ມາຂາຍສິນຄ້າປະເພດຕ່າງໆເຊັ່ນ: ອາຫານ, ເຄື່ອງຫັດຖະກຳ, ກະສິກຳ ແລະ ຍັງມີສິນຄ້າຈາກ 6 ປະເທດອາຊຽນຄື: ຈາກສະຖານທູດກຳປູເຈຍ, ສິງກະໂປ, ໄທ, ຟິລິບປິນ, ມຽນມາ ແລະ ...