ສຶກສາ ແລະ ກິລາ

ສື່ມວນຊົນລາວທີ່ເປັນປາກກະບອກສຽງຂອງພັກ ແລະ ລັດຖະບານ ຕ້ອງສືບຕໍ່ປັບປຸງດ້ານເນື້ອໃນໃຫ້ດີຂຶ້ນກວ່າເກົ່າ ເພື່ອສາມາດແຂ່ງຂັນກັບສື່ອອນລາຍທີ່ໄດ້ຮັບຄວາມນິຍົມສູງຈາກສັງຄົມ ເພື່ອເຮັດໃຫ້ການໂຄສະນາແນວທາງນະໂຍບາຍຂອງພັກ ແລະ ແຜນພັດທະນາເສດ ຖະກິດ-ສັງ ຄົມຂອງລັດຖະບານ ກໍຄື ການກະຈາຍຂໍ້ມູນຂ່າວສານໃຫ້ເຂົ້າເຖີງປະຊາຊົນລາວບັນດາເຜົ່າຢ່າງທົ່ວເຖີງກວ່າເກົ່າ. ທ່ານ ນາງ ປານີ ຢາທໍ່ຕູ້ ກໍາມະການກົມການເມືອງສູນກາງພັກ, ປະທານສະພາແຫ່ງຊາດ ມີຄໍາເຫັນໂອ້ລົມຕໍ່ກອງປະຊຸມໃຫຍ່ອົງຄະນະພັກກະຊວງ ຖວທ ຄັ້ງທີ V ຈັດຂຶ້ນເມື່ອບໍ່ດົນມານີ້ ວ່າ: ປັດຈຸບັນ ການອ່ານ, ຟັງ ຫລື ຊົມຂ່າວຂອງຄົນໃນສັງຄົມຜ່ານສື່ທີ່ເປັນສື່ດັ້ງເດີມຂອງລາວຫລຸດລົງ, ກົງກັນຂ້າມການບໍລິໂພກຂ່າວຜ່ານສື່ສັງຄົມອອນລາຍໄດ້ຮັບຄວາມນິຍົມສູງ ຍ້ອນສາມາດເຜີຍແຜ່ຂໍ້ ມູນຂ່າວສານໄດ້ໄວ. ນີ້ຖືເປັນຄວາມທ້າທາຍສໍາຄັນທີ່ສື່ຂອງລັດຕ້ອງແກ້ໄຂໃຫ້ໄດ້ ເພື່ອແນໃສ່ເຮັດໃຫ້ຂໍ້ມູນຂ່າວ ສານສາມາດເຂົ້າເຖີງປະຊາຊົນຢູ່ຮາກຖານ ເພາະປັດຈຸບັນ ມີວິທະຍຸກະຈາຍສຽງເທົ່ານັ້ນທີ່ສາມາດເຂົ້າເຖີງປະຊາຊົນໄດ້ກວ້າງຂວາງກວ່າໝູ່, ໃນນີ້ ພາກພາສາຊົນເຜົ່າແມ່ນໄດ້ຮັບຄວາມນິຍົມຫລາຍ. ຢ່າງໃດກໍຕາມ ລາຍການຕ່າງຯ ທີ່ອອກອາກາດຜ່ານທາງວິທະຍຸ ແລະ ໂທລະພາບ ຫລື ຜ່ານສື່ຂອງລັດ ຕ້ອງໄດ້ປັບປຸງເນື້ອໃນໃຫ້ມີສາລະທີ່ດີຂຶ້ນກວ່າເກົ່າ ເພາະເນື້ອຫາສາລະຍັງບໍ່ທັນຮັບໃຊ້ປະຊາຊົນຢ່າງໜັກແໜ້ນ, ບາງລາຍການວິທະຍຸ ແລະ ໂທລະພາບອອກອາ ກາດ 30 ນາທີ ແຕ່ເປີດເພັງເປັນສ່ວນໃຫຍ່, ເນື້ອໃນຂອງເພັງບໍ່ທັນເຊີດຊູຈິດໃຈຊາດ ເທົ່າທີ່ຄວນ ແລະ ການເອົາວຽກດີຄົນເດັ່ນ-ວຽກຈິງຄົນແທ້ເຂົ້າໃນລາຍການຍັງມີໜ້ອຍ. ທ່ານ ...

ສູນກາງຊາວໜຸ່ມ ປະຊາຊົນ ປະຕິວັດລາວ (ສຊປລ) ເປີດບຸນມະໂຫລານຊາວໜຸ່ມ-ເຍົາ ວະຊົນ ທົ່ວປະເທດປະຈໍາປີ 2020 ໃນວັນທີ 9 ທັນວາ 2020 ຢ່າງເປັນທາງການ ຢູ່ສູນການຄ້າລາວ-ໄອເຕັກ ນະຄອນຫລວງວຽງຈັນ, ໂດຍມີ ທ່ານ ອາລຸນໄຊ ສູນນະລາດ ເລຂາຄະນະບໍລິຫານງານສູນກາງຊາວໜຸ່ມປະຊາຊົນ ປະຕິວັດລາວ, ມີບັນດາການນໍາພັກ-ລັດ, ຜູ້ຕາງໜ້າຈາກອົງການຈັດຕັ້ງພັກ-ລັດ, ອົງການຈັດຕັ້ງມະຫາຊົນ, ຊາວໜຸ່ມ, ເຍົາວະຊົນ ແລະ ມວນຊົນພາຍໃນນະຄອນຫລວງວຽງຈັນເຂົ້າຮ່ວມເປັນຈໍານວນຫລວງຫລາຍ. ທ່ານ ອາລຸນໄຊ ສູນນະລາດ ໄດ້ກ່າວວ່າ: ບຸນມະໂຫລານຊາວໜຸ່ມ-ເຍົາວະຊົນ ປີ 2020 ນີ້, ຈັດ ຂຶ້ນພາຍໃຕ້ຫົວຂໍ້ “ລະນຶກເຖິງມູນເຊື້ອຊາວໜຸ່ມຮຸ່ນກ່ອນ ແລະ ເສີມຂະຫຍາຍບົດບາດຊາວໜຸ່ມຍຸກ ໃໝ່” ຊຶ່ງແມ່ນກິດຈະກໍາສໍາຄັນໜຶ່ງ ເພື່ອຂໍ່ານັບຮັບຕ້ອນວັນສໍາຄັນຕ່າງໆຂອງຊາດ-ຂອງພັກ ໃຫ້ມີບັນຍາກາດຟົດຟື້ນ ແລະ ສະແດງໃຫ້ເຫັນການຫັນແບບແຜນ ແລະ ຮູບແບບການເຄື່ອນໄຫວໄປສູ່ທັນສະໄໝທີ່ມີວິທະຍາສາດ, ສົ່ງເສີມຄວາມຮູ້ຄວາມສາມາດ, ທັກສະ, ຫົວຄິດປະດິດສ້າງ, ຊອກໃຫ້ໄດ້ບຸກຄົນດີເດັ່ນ, ວຽກຈິງຄົນແທ້ ເພື່ອເປັນຕົວແບບຂອງຊາວໜຸ່ມໃນທຸກຂົງເຂດ. ພ້ອມນີ້, ຍັງເປັນການເຕົ້າໂຮມຄວາມສາມັກຄີ, ໂຄສະນາເຜີຍແຜ່ມູນເຊື້ອການສຶກສາອົບຮົມ ການເມືອງ-ແນວຄິດຄຸນສົມບັດສິນທຳປະຕິວັດ, ສະແດງໃຫ້ເຫັນບົດບາດຂອງຄະນະຊາວໜຸ່ມ ...

ສະ​ຖາ​ບັນ​ການ​ທະ​ນາ​ຄານ (ສ​ທ​ຄ) ເປັນ​ສະ​ຖາ​ບັນ​ການ​ສຶກ​ສາ​​ຂັ້ນ​ສູງຂອງ​ຊາດທີ່​ຂຶ້ນ​ກັບ​ທະ​ນາ​ຄານ​ແຫ່ງ ສ​ປ​ປລາວ(ທ​ຫລ) ຊຶ່ງ​ມີ​ວິ​​ໄສ​ທັດ ພັດ​ທະ​ນາ​ການ​ສຶກ​ສາ ​ທີ່​ມີ​ຄຸນ​ນະ​ພາບ​ທາງ​ດ້ານ​ການ​ເງິນ-ການ​ທະ​ນາ​ຄານ ເພື່ອໃຫ້ສາ​ມາດ​ເຊື່ອມ​ໂຍງ​ກັບ​ພາກ​ພື້ນ ແລະ ສາ​ກົນ; ມີ​ພາ​ລະ​ກິດ ນຳ​ໃຊ້​ວິ​ທະ​ຍາ​ສາດ​ການ​ສຶກ​ສາ ແລະ ເຕັກ​ໂນ​ໂລ​ຊີ​ທີ່​ກ້າວ​ໜ້າ ເພື່ອ​ສ້າງ ແລະ ຍົກ​ລະ​ດັບ​ບຸກ​ຄະ​ລາ​ກອນ​ດ້ານ​ການ​ເງິນ- ການ​ທະ​ນາ​ຄານໃຫ້​ມີ​ຄຸນ​ນະ​ພາບ​ ພ້ອມນີ້, ຍັງ​ປະ​ຕິ​ບັດ​ຍຸດ​ທະ​ສາດ​ໃນ​ການ​ພັດ​ທະ​ນາ​ຄູ ແລະ ຫລັກ​ສູດ​ການ​ຮຽນ- ການ​ສອນໃຫ້​ມີ​ລັກ​ສະ​ນະ​ຊາດ, ລັກ​ສະ​ນະ​ວິ​ທະ​ຍາ​ສາດ (ກ້າວ​ໜ້າ​ທັນ​ສະ​ໄໝ) ແລະ ລັກ​ສະ​ນະ​ມະ​ຫາ​ຊົນ. ທ່ານ ປອ.ສັນ​ຕິ ພົນ​ເມືອງ​ລາວ ຫົວ​ໜ້າ ສ​ທ​ຄ ໄດ້​ກ່າວໃນເວທີສົນທະນາວຽກງານການ​ເງິນ​ຈຸ​ລະ​ພາກ ໃນທ້າຍ ເດືອນພະຈິກຜ່ານມາວ່າ: ສ​ທ​ຄ ຮັບ​ການ​ສ້າງ​ຕັ້ງ​ຂຶ້ນ​ໃນ​ປີ 1979 ຊຶ່ງ​​ດຳ​ເນີນ​ການ​ຮຽນ-ການ​ສອນ ​ສາ​ຂາ​ການ​ທະ​ນາ​ຄານ, ການ​ເງິນ, ການ​ບັນ​ຊີ, ການ​ເງິນ​ຈຸ​ລະ​ພາກ ແລະ ສາ​ຂາ​ການ​ບັນ​ຊີ ແລະ ກວດ​ສອບ ໂດຍ​ມີ​ຄູ-ອາ​ຈານ ​ທີ່​ມີ​ຄວາມ​ຮູ້-ຄວາມ​ສາ​ມາດ​ໃນ​ລະ​ດັບ​ທີ່​ແນ່ນອນ; ມີ​ນັກ​ສຶກ​ສາ​ລະ​ດັບ​ຊັ້ນ​ສູງ ແລະ ປະ​ລິນ​ຍາ​ຕີໃນ​ແຕ່​ລະ​ປີ​ປະ​ມານ 3.700 ຄົນ ສາ​ມາດ​​ອອກ​ຮັບ​ໃຊ້​ສັງ​ຄົມ​ປະ​ມານ 1.200 ຄົນ; ສຳ​ລັບ​ຜົນ​ການ​ເຄື່ອນ​ໄຫວ ແລະ ແຜນ​ພັດ​ທະ​ນາ​ຊັບ​ພະ​ຍາ​ກອນ​ມະ​ນຸດ ...

ໃນອາທິດຜ່ານມາ ໄດ້ມີການທົດລອງ ສົ່ງກະແສໄຟຟ້າຈາກໂຄງການພະລັງງານໄຟຟ້າແສງຕາເວັນ ບ້ານອຸ້ມໜາມຄອງ 1 ແລະ ອຸ້ມໜາມຄອງ 3 ເມືອງ ສອງຄອນ ແຂວງສະຫວັນນະເຂດ ມີກໍາລັງຕິດຕັ້ງ 10 ເມກາວັດ ເຂົ້າລະບົບສາຍສົ່ງໄຟຟ້າ ລັດວິສາຫະກິດໄຟຟ້າລາວ ໂດຍມີ ທ່ານ ທ່ອນແກ້ວ ພຸດທະໄກຍະລາດ ຮອງເຈົ້າແຂວງສະຫວັນນະເຂດ, ທ່ານ ເຄນຄຳ ສີລາຊາ ປະທານກຸ່ມບໍລິສັດຄູນໄຊພັດທະນາກໍ່ສ້າງ ທັງເປັນຜູ້ອຳນວຍການບໍລິສັດລາວພັດທະນາກຣີນເອັນເຈີເນຣິງຈຳກັດ, ທ່ານ ບຸນລ້ວນ ລີໄຊຍະລາດ ຫົວຫນ້າພະແນກພະລັງງານ ແລະ ບໍ່ແຮ່ແຂວງສະຫວັນນະເຂດ, ທ່ານ ລັດຕະນະໄຊ ອຸ່ນສີລິ ຮອງຫົວໜ້າ ລັດວິສາຫະກິດໄຟຟ້າລາວ ສາຂາ ແຂວງສະຫວັນນະເຂດ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ. ໂຄງການພັດທະນາພະລັງງານໄຟຟ້າແສງຕາເວັນ ອຸ້ມໜາມຄອງ1 ແລະ ອຸ້ມໜາມຄອງ3 ເປັນການລົງທືນຂອງບໍລິສັດເອກະຊົນ ເພື່ອພັດທະນາພະລັງງານທາງເລືອກ ແລະ ເປັນພະລັງງານທີ່ສະອາດ ໃນການສະໜອງພະລັງງານໃຫ້ກັບ ເສດຖະກິດ-ສັງຄົມ ແຂວງສະຫວັນນະເຂດ. ແຫຼ່ງຂໍ້ມູນ: EDL

ເພື່ອເປັນການບຳລຸງ ແລະ ສ້າງເສີມສ້າງທັກສະດ້ານວິຊາສະເພາະໃຫ້ແກ່ພະນັກງານຂະແໜງຄຸ້ມຄອງຊັບສິນຂອງລັດໃນຂອບເຂດທົ່ວປະເທດ,ເພື່ອນໍາໃຊ້ເຂົ້າໃນການປະຕິບັດໜ້າທີ່ວິຊາສະເພາະໃນການຄຸ້ມຄອງ, ກວດກາຕິດຕາມ, ຊຸກຍູ້ ແລະ ຄຸ້ມຄອງຈັດເກັບລາຍຮັບເຂົ້າງົບປະມານໃຫ້ຖືກຕ້ອງຄົບຖ້ວນ ແລະ ທັນເວລາ. ໃນວັນທີ 7 ທັນວາ 2020 ຜ່ານມານີ້,ທີ່ສະຖາບັນເສດຖະກິດ-ການເງິນ ນະຄອນຫຼວງວຽງຈັນ, ໄດ້ເປີດຊຸດຝຶກອົບຮົມວຽກງານຄຸ້ມຄອງຊັບສິນຂອງລັດໃຫ້ພະນັກງານຂະແໜງຄຸ້ມຄອງຊັບສິນຂອງລັດທົ່ວປະເທດປະຈຳປີ 2020 ໂດຍການເປັນເປັນປະທານຂອງທ່ານ ພູດົງ ສຸຂະວົງ ຮັກສາການຫົວໜ້າກົມຄຸ້ມຄອງຊັບສິນຂອງລັດ, ມີທ່ານ ອຸໄທ ອິນທິລາດ ຮອງຫົວໜ້າກົມຈັດຕັ້ງ ແລະ ພະນັກງານ, ຄະນະກົມຄຸ້ມຄອງຊັບສິນຂອງລັດ, ພ້ອມດ້ວຍພະນັກງານວິຊາການທີ່ກ່ຽວຂ້ອງເຂົ້າຮ່ວມ. ໃນພິທີດັ່ງກ່າວ,ທ່ານ ອຸໄທ ອິນທິລາດ ໄດ້ຂຶ້ນຜ່ານຂໍ້ຕົກລົງ ສະບັບເລກທີ 3042/ກງ, ລົງວັນທີ 13 ພະຈິກ 2020 ວ່າດ້ວຍການອະນຸມັດເປີດຊຸດຝຶກອົບຮົມ ແລະ ແຕ່ງຕັ້ງຄະນະຮັບຜິດຊອບຊຸດຝຶກອົບຮົມສ້າງຄວາມເຂັ້ມແຂງໃຫ້ແກ່ພະນັກງານ-ລັດຖະກອນ ຂະແໜງຄຸ້ມຄອງຊັບສິນຂອງລັດ ກະຊວງການເງິນ ປະຈຳປີ 2020, ຂໍ້ຕົກລົງ ສະບັບເລກທີ 2908/ຄຊລ, ລົງວັນທີ 17 ພະຈິກ 2020 ວ່າດ້ວຍການແຕ່ງຕັ້ງພະນັກງານ-ລັດຖະກອນ ຂະແໜງຄຸ້ມຄອງຊັບສິນຂອງລັດ ເຂົ້າຮ່ວມຊຸດຝຶກອົບຮົມ ວຽກງານຄຸ້ມຄອງຊັບສິນຂອງລັດ ປະຈຳປີ 2020. ສຳລັບຊຸດຝຶກອົບຮົມຄັ້ງນີ້, ມີພະນັກງານ-ລັດຖະກອນຂະແໜງຊັບສິນຂອງລັດ, ພະນັກງານຊັບສິນຂັ້ນທ້ອງຖິ່ນທົ່ວປະເທດທີ່ຂຶ້ນກັບກະຊວງການເງິນເຂົ້າຮ່ວມທັງໝົດ 105 ...

ອີງຕາມເປົ້າໝາຍຂອງການດຳເນີນທຸລະກິດຂອງ LAPNet ທີ່ເປັນຜູ້ຄວບຄຸມລະບົບການຊຳລະທຸລະກຳຍ່ອຍແຫ່ງຊາດ ໃນ ສປປ ລາວ ມີເຮັດໜ້າທີ່ເປັນສື່ກາງໃນການເຮັດທຸລະກຳຮ່ວມກັນດ້ວຍຫຼາຍຮູບແບບ ແລະ ຫຼາກຫຼາຍຊ່ອງທາງ; LAPNet ໄດ້ພັດທະນາລະບົບເພື່ອສ້າງຜະລິດຕະພັນໂອນເງິນຂ້າມທະນາຄານເທິງມືຖື ທີ່ຊ່ວຍອຳນວຍຄວາມສະດວກໃຫ້ມວນຊົນເຮັດທຸລະກຳທາງການເງິນຢູ່ເທິງມືຖື ຕາມຄຳຂວັນທີ່ວ່າ: “ທຸກທີ່ ທຸກເວລາ ທຸກຊ່ອງທາງການຊຳລະ”. ໃນຕອນບ່າຍ ວັນທີ 08 ທັນວາ 2020 ທີ່ໂຮງແຮມແລນມາກ ນະຄອນຫຼວງວຽງຈັນ, ບໍລິສັດ ລາວເນເຊີນນານ ເພເມັ້ນ ເນັດເວີກ ຈຳກັດ ຫຼື LAPNet ໄດ້ຈັດພິທີເປີດໂຕຜະລິດຕະພັນໂອນເງິນຂ້າມທະນາຄານເທິງມືຖື ຢ່າງເປັນທາງການ, ເຂົ້າຮ່ວມໃນພິທີ ມີທ່ານ ສອນໄຊ ສິດພະໄຊ ຜູ້ວ່າການ ທະນາຄານ ແຫ່ງ ສປປ ລາວ ພ້ອມດ້ວຍຕາງໜ້າຜູ້ຖືຮຸ້ນຂອງບໍລິສັດ, ທະນາຄານທຸລະກິດ ແລະ ພາກສ່ວນທີ່ກ່ຽວຂ້ອງ. ປັດຈຸບັນ LAPNet ມີເຄືອຂ່າຍເຮັດທຸລະກໍາການນຳໃຊ້ບັດທະນາຄານຮ່ວມກັນ ຫຼື ນຳໃຊ້ຕູ້ ATM ຮ່ວມກັນ ໃນການຖອນເງິນສົດ, ກວດຍອດເງິນໃນບັນຊີຮ່ວມກັນໄດ້ 16 ທະນາຄານ, ສຳລັບການໂອນເງິນຂ້າມທະນາຄານໂດຍຜ່ານຕູ້ ATM ໄດ້ 10 ...

ພະນັກງານວິຊາການ ພາຍໃນສະຖາບັນຄົ້ນຄວ້ານິຕິກຳ ສະພາແຫ່ງຊາດ ແລະ ພະນັກ ງານ ຈາກສະພາປະຊາຊົນຂັ້ນແຂວງທົ່ວປະເທດ ໄດ້ຮັບການຍົກລະດັບຄວາມຮູ້, ຄວາມສາມາດ ແລະ ທັກສະໃນການຂຽນເອກະສານທາງການ ໃຫ້ມີຄວາມຖືກຕ້ອງ ແນໃສ່ເພື່ອຮັບໃຊ້ວຽກງານໃນຄວາມຮັບຜິດ ຊອບຂອງຕົນ ໃຫ້ມີປະສິດທິພາບ ແລະ ປະສິດທິຜົນສູງຂຶ້ນ. ການຝຶກອົບຮົມດັ່ງກ່າວ, ໄດ້ມີຂຶ້ນທີ່ນະຄອນຫລວງວຽງຈັນ ໃນວັນທີ 8 ທັນວາ 2020 ໂດຍພາຍໃຕ້ການເປັນປະທານຂອງ ທ່ານ ຄຳມ່ວນ ຊົມສີຫາປັນຍາ ຮອງຫົວໜ້າສະຖາບັນຄົ້ນຄວ້ານິຕິກຳ ສະພາແຫ່ງຊາດ ເຊິ່ງໄດ້ສຸມໃສ່ 3 ຫົວຂໍ້ທີ່ສໍາຄັນ ຄື: ວຽກງານການຂີດຂຽນເອກະສານທາງການ (ຮ່າງມະຕິກອງປະຊຸມ, ແຜນການ, ບົດສະຫລຸບ, ບົດລາຍງນ, ໜັງສືສະເໜີ, ແຈ້ງການ), ຂະບວນການຜະລິດຂໍ້ມູນສະຖິຕິ ແລະ ເຕັກນິກໃນການແກະ ແລະ ກວດແກ້ຄຳເຫັນໃນກອງປະຊຸມສະພາແຫ່ງຊາດ. ໂອກາດນີ້, ທ່ານ ຄຳມ່ວນ ຊົມສີຫາປັນຍາ ກ່າວວ່າ: ການຈັດຊຸດຝຶກອົບຮົມໃນຄັ້ງນີ້, ຈະດຳເນີນເປັນເວລາ 3 ວັນ ໂດຍມີຈຸດປະສົງ ເພື່ອຍົກສູງຄຸນນະພາບພະນັກງານໃນການເປັນເສນາທິການ ໃຫ້ນັບມື້ນັບເຂັ້ມແຂງເທື່ອລະກ້າວ ໂດຍຜ່ານການການນຳສະເໜີ ຈາກວິທະຍາກອນທີ່ມີປະສົບການໃນຂະແໜງ ການທີ່ກ່ຽວຂ້ອງ ...

ທ່ານ ພູທົງ ຄຳມະນີວົງ ຮອງເຈົ້າແຂວງສາລະວັນ ໄດ້ຜ່ານບົດສະຫຼຸບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ ຄັ້ງທີ VIII (2016-2020) ແລະ ທິດທາງແຜນການພັດທະນາເສດຖະກິດ 5 ປີ ຄັ້ງທີ IX (2021-2025) ຕໍ່ກອງປະຊຸມໃຫຍ່ ຄັ້ງທີ IX ຂອງອົງຄະນະພັກແຂວງ ໃຫ້ຮູ້ວ່າ: ໃນໄລຍະ 5 ປີຜ່ານມາເສດຖະກິດແຂວງສາລະວັນຂະຫຍາຍຕົວສະເລ່ຍ 7% ຕໍ່ປີ, ລວມຍອດຜະລິດຕະພັນພາຍໃນ ( GDP ) ບັນລຸໄດ້ 20.595 ຕື້ກີບ, ທຽບໃສ່ 5 ປີກ່ອນເພີ້ມຂື້ນ 36,5%, ສະເລ່ຍໃສ່ພົນລະເມືອງ ໄດ້ 9,72 ລ້ານກີບ ຕໍ່ຄົນຕໍ່ປີ ຫຼື ເທົ່າກັບ 1.147 ໂດລາ. ສຳລັບແຜນ 5 ປີ ຕໍ່ໜ້າແມ່ນສືບຕໍ່ບຸກທະລຸ ແລະ ມີການຫັນປ່ຽນຢ່າງຮອບດ້ານຕາມ 4 ເນື້ອໃນ 4 ຄາດໝາຍດ້ວຍການເສີມຂະຫຍາຍນຳໃຊ້ທ່າແຮງບົ່ມຊອ້ນຂອງແຂວງ ຢ່າງມີປະສິດທິຜົນ, ຮັບປະກັນການຜະລິດກະສິກຳສະອາດປອດສານພິດຕາມທິດສີຂຽວ ແລະ ...

ທ່ານ ແສງນວນ ໄຊຍະລາດ, ຄະນະເລຂາທິ ການສູນກາງພັກ, ຮອງປະທານສະພາແຫ່ງຊາດ ໄດ້ເນັ້ນໜັກໃຫ້ ຄະນະບໍລິຫານງານສູນກາງສະຫະພັນກໍາມະບານລາວ ສະໄໝທີ VIII ໃນໂອກາດ ໂອ້ລົມຕໍ່ກອງປະຊຸມໃຫຍ່ຜູ້ແທນກໍາມະບານລາວທົ່ວປະເທດ ທີ່ຈັດຂຶ້ນຢູ່ນະຄອນຫລວງວຽງຈັນ ໃນລະຫວ່າງວັນທີ 3-4 ທັນວາ 2020 ນີ້ວ່າ: ຄະນະບໍລິຫານງານສູນກາງສະຫະພັນກໍາມະບານຕ້ອງສຸມໃສ່ຈັດຕັ້ງປະຕິບັດໃນຕໍ່ໜ້າ 5 ວຽກງານສໍາຄັນໃຫຍ່ດັ່ງນີ້: 1. ຕ້ອງເປັນໃຈກາງເຕົ້າໂຮມຄວາມສາມັກຄີເປັນປຶກແຜ່ນພາຍໃນຄະນະນໍາສະຫະພັນກໍາມະບານແຕ່ລະຂັ້ນ, ສະມາຊິກສະຫະພັນກໍາມະບານ, ກໍາມະກອນ ແລະ ຊາວຜູ້ອອແຮງງານໃຫ້ໜັກແໜ້ນ ເພື່ອປັບປຸງການຈັດຕັ້ງສະຫະພັນກໍາມະບານໃຫ້ມີຄວາມເຂັ້ມແຂງ, ມີຄຸນນະພາບໃໝ່ ປະກອບສ່ວນຢ່າງຕັ້ງໜ້າເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດກ້າວຂຶ້ນສູ່ຈຸດໝາຍສັງຄົມນິຍົມ. 2. ເປັນເຈົ້າການ ແລະ ເພີ່ມທະວີຄວາມຮັບຜິດຊອບການເມືອງ, ນໍາພາຊີ້ນໍາສະຫະພັນກໍາມະບານແຕ່ລະຂັ້ນ ເຊື່ອມຊຶມ, ຮັບຮູ້ເຂົ້າໃຈ ແລະ ກໍາແໜ້ນບັນດາທິດທາງ, ນະໂຍບາຍການພັດທະນາວຽກງານກໍາມະບານລາວທີ່ກໍານົດອອກໃນມະຕິກອງປະ ຊຸມໃຫຍ່ຄັ້ງນີ້ໃຫ້ເລິກເຊີ່ງ ແລະ ຍູ້ແຮງການຈັດຕັ້ງປະຕິບັດໃຫ້ເກີດຜົນເປັນຈິງ. 3. ຮີບຮ້ອນແບ່ງວຽກ, ແບ່ງງານ, ແບ່ງຄວາມຮັບຜິດຊອບພາຍໃນຄະນະບໍລິຫານງານສູນກາງສະຫະພັນກໍາມະບານລາວໃຫ້ລະອຽດຈະແຈ້ງ, ລວມທັງການສ້າງແຜນດໍາເນີນງານຕະຫລອດສະໄໝຂອງຄະນະບໍລິຫານງານນັບແຕ່ຫົວທີ ເພື່ອເປັນບ່ອນອີງໃນການຈັດຕັ້ງປະຕິບັດ ກໍຄື ການຕິດຕາມ, ກວດກາໃນແຕ່ລະໄລຍະ. 4. ຕ້ອງຢຶດໝັ້ນ ແລະ ເຂັ້ມງວດໃນການປະຕິບັດຫລັກການລວມສູນປະຊາທິປະໄຕ, ນໍາພາເປັນໝູ່ຄະນະ, ບຸກຄົຍຮັບຜິດຊອບ ...

ຫົວໜ້າໜ່ວຍງານສຸຂະພາບ U_N_ ກ່າວວ່າ: ຜົນດ້ານບວກຈາກການທົດລອງວັກຊີນໂຄວິດ-19 ໝາຍຄວາມວ່າໂລກ “ເລີ່ມຝັນເຖິງການສິ້ນສຸດຂອງການແຜ່ລະບາດ” ຫົວໜ້າດ້ານສຸຂະພາບຂອງສະຫະປະຊາຊາດ (ສປຊ) ປະກາດໃນວັນທີ 4 ທັນວາ 2020​ ວ່າ: ຜົນດ້ານບວກຈາກການທົດລອງວັກຊີນໂຄວິດ-19 ເຮັດໃຫ້ໂລກ “ເລີ່ມຝັນເຖິງການສິ້ນສຸດຂອງການລະບາດໄດ້” ແຕ່ເຂົາກ່າວວ່າ: “ປະເທດທີ່ລໍ່າລວຍ ແລະ ມີອຳນາດຈະຕ້ອງບໍ່ຂົ່ມເຫັງຄົນຍາກຈົນ ແລະ ຄົນເຂດນອກ ໃນເລື່ອງວັກຊີນ”. ໃນຄຳປາໄສຂອງການປະຊຸມລະດັບສູງຄັ້ງທຳອິດຂອງ ສປຊ ກ່ຽວກັບການລະບາດຂອງໂລກ Tedros Adhanom Ghebreyesus ຜູ້ອຳນວຍການອົງການອະນາໄມໂລກເຕືອນວ່າ ໃນຂະນະທີ່ໄວຣັດສາມາດຢຸດໄດ້ ແຕ່ “ເສັ້ນທາງຕໍ່ໜ້າຍັງຄົງບໍ່ແນ່ນອນ”. ການລະບາດຂອງໂລກໄດ້ສະແດງໃຫ້ມະນຸດຊາດເຫັນວ່າ: “ດີທີ່ສຸດ ແລະ ຊົ່ວຮ້າຍທີ່ສຸດ” ເຂົາກ່າວໂດຍຊີ້ໄປທີ່ “ການກະທຳທີ່ສ້າງແຮງບັນດານໃຈຂອງຄວາມເມດຕາ ແລະ ຄວາມເສຍສະຫຼະຕົນເອງ, ໃນຄວາມສຳເລັດອັນໜ້າພໍໃຈຂອງວິທະຍາສາດ ແລະ ນະວັດຕະກຳ ແລະ ການສະແດງໃຫ້ເຫັນເຖິງຄວາມເປັນນໍ້າໜຶ່ງໃຈດຽວກັນ ທີ່ອົບອຸ່ນໃຈ ແຕ່ຍັງກັງວົນກັບສັນຍາຂອງຜົນປະໂຫຍດສ່ວນຕົວດ້ວຍການຕຳນິ ແລະ ການແບ່ງແຍກ”ອ້າງອີງເຖິງການເພີ່ມຂຶ້ນ ຂອງການຕິດເຊື້ອ ແລະ ການເສຍຊີວິດໃນປັດຈຸບັນ.​ Tedros ກ່າວໂດຍບໍ່ໄດ້ລະບຸຊື່ປະເທດໃດໆທີ່ “ວິທະຍາສາດຖືກລຶບດ້ວຍທິດສະດີສົມຄົບຄິດທີ່ຄວາມເປັນນ້ຳໜຶ່ງໃຈດຽວກັນຖືກທຳລາຍໂດຍການແບ່ງຝ່າຍ ຊຶ່ງການເສຍສະຫຼະ ຖືກແທນທີ່ດ້ວຍຜົນປະໂຫຍດສ່ວນຕົວ ເຮັດໃຫ້ໄວໄຣເຕີບໃຫຍ່ ແລະ ...