ການເມືອງ

ເຂັ້ມງວດ…! ທ່າວັດຈັນ ນຳໃຊ້ເຈົ້າໜ້າທີ່ຫຼາຍກວ່າ 800 ຄົນ…

ອ້າງຈາກໜັງສືພິມວຽງຈັນທາຍ ໃຫ້ຮູ້ວ່າ: ອຳນາດການປົກຄອງເມືອງຈັນທະບູລີ ນະຄອນຫຼວງວຽງຈັນ ກຽມພ້ອມປ້ອງກັນຄວາມສະຫງົບ ທັງໝົດ 800 ກວ່າຄົນ, ໃນນີ້, ກຳລັງຊາວໜຸ່ມ 300 ກວ່າຄົນ, ພ້ອມທັງກຳລັງເຈົ້າໜ້າທີ່ປ້ອງກັນຊາດ ແລະ ປ້ອງກັນຄວາມສະຫົງບ ເມືອງຈັນທະບູລີ, ປ້ອງກັນຄວາມສະຫງົບບ້ານ 30 ບ້ານ ແລະ ພາກສ່ວນອື່ນໆ ເຂົ້າຮ່ວມໃນການຮັກສາຄວາມປອດໄພ, ຄວາມເປັນລະບຽບຮຽບຮ້ອຍ ພາຍໃນງານບຸນຊ່ວງເຮືອທ່າວັດຈັນ ເນື່ອງໃນໂອກາດບຸນອອກພັນສາ ປະວໍລະນາ ປະຈຳປີ 2020 ທີ່ຈະໄດ້ຈັດຂຶ້ນໃນລະຫວ່າງວັນທີ 1 – 3 ຕຸລາ 2020 ທີ່ຈະມາເຖິງໃນມໍ່ໆນີ້. ສຳລັບກຳລັງຮັກສາຄວາມສະຫງົບປອດໄພ ໃນງານນີ້ ແມ່ນຈະໄດ້ມີການຈັດຕັ້ງປະຕິບັດປ້ອງກັນເວນຍາມ ຕະຫຼອດ 24 ຊົ່ວໂມງ ຢູ່ຕາມບ້ານ, ສຳນັກງານອົງການຈັດຕັ້ງຕ່າງໆ ທົ່ວເມືອງ ໃຫ້ມີຄວາມສະຫງົບເປັນລະບຽບຮຽບຮ້ອຍ 100%, ພ້ອມນັ້ນ ຍັງໄດ້ກຳນົດຈຸດປ້ອງກັນເຖິງ 38 ຈຸດດ້ວຍກັນ, ປ້ອມແຈ້ງເຫດ (1191) ມີ 2 ຈຸດ, ມີກ້ອງວົງຈອນ ເພື່ອຕິດຕາມຢູ່ຫ້ອງການສວນເຈົ້າອະນຸວົງ ແລະ ຈຸດປ້ອງກັນອື່ນໆ ໃນຂອບເຂດງານບຸນດັ່ງກ່າວ ...

Read More »

ມອບເຄື່ອງບົ່ງມະຕິພະຍາດໄວຣັດຕັບອັກເສບ B ແບບໄວ 120.000 ຊຸດ…

ມູນນິທິເມຣິເອີ ມອບເຄື່ອງບົ່ງມະຕິພະຍາດໄວຣັດຕັບອັກເສບ B ແບບໄວ 120.000 ໃນວັນທີ 28 ກັນຍາ 2020, ທ່ານ ດຣ. ເບີນົວ ເຊີວານລີເອ ຜູ້ຕາງຫນ້າມູນນິທິເມຣິເອີ ປະເທດຝຣັ່ງ ໄດ້ມອບເຄື່ອງມືການບົ່ງມະຕິພະຍາດໄວຣັດຕັບອັກເສບ B ຈໍານວນ 120.000 ຊຸດ ໃຫ້ແກ່ທ່ານ ດຣ. ບຸນກອງ ສີຫາວົງ ລັດຖະມົນຕີ ກະຊວງສາທາລະນະສຸກ, ທີ່ເຮືອນພັກ ຂອງທ່ານເອກອັກຄະລັດຖະທູດຝຣັ່ງ ປະຈໍາລາວ, ນະຄອນຫລວງວຽງຈັນ. ມີທ່ານ ເອຣິກ ເດຮາໂຣ ຜູ້ຕາງໜ້າສະຖາບັນຄົ້ນຄ້ວາ ເພື່ອການພັດທະນາຂອງປະເທດຝຣັ່ງ(IRD) ປະຈໍາລາວ, ພ້ອມດ້ວຍພາກ ສ່ວນກ່ຽວຂ້ອງເຂົ້າຮ່ວມ. ໃນໂອກາດດັ່ງກ່າວ, ທ່ານ ນາງ ຟລໍຣ້ອງ ຊ້ອງບລ້ອງ ຣິສແລກ ເອກອັກຄະລັດຖະທູດວິ ສາມັນຜູ້ມີອຳນາດເຕັມ ແຫ່ງ ສາທາລະນະລັດຝຣັ່ງ ປະຈຳ ສປປ ລາວ ໄດ້ກ່າວວ່າ: ການແຜ່ລະ ບາດຂອງພະຍາດໂຄວິດ-19 ໄດ້ສ້າງບັນຫາທີ່ໜ້າເປັນຫວ່າງຫລາຍໃນທົ່ວໂລກ. ເຖິງຢ່າງໃດກໍ່ຕາມ, ບໍ່ຄວນປິດບັງການຕິດເຊື້ອອື່ນໆ ທີ່ມີຜົນກະທົບຕໍ່ບັນດາປະເທດທີ່ດ້ອຍພັດທະນາ. ນີ້ແມ່ນ ກໍລະນີທີ່ເປັນພະຍາດໄວຣັດຕັບອັກເສບ ...

Read More »

ສ.ເກົາຫຼີ ເຫັນດີຊ່ວຍເຫຼືອ 2 ໂຄງການ ມູນຄ່າ 90 ລ້ານໂດລາ…

ຕາມການສະເໜີຂອງກະຊວງແຜນການ ແລະ ການລົງທຶນ ຕໍ່ ສ.ເກົາຫຼີໃນທ້າຍປີ 2019 ຜ່ານມາ ໃຫ້ ສ. ເກົາຫຼີຊ່ວຍເຫຼືອລາວ ໃນຈຳນວນ 14 ໂຄງການ ຊຶ່ງມາຮອດປັດຈຸບັນ ສ.ເກົາຫຼີ ເຫັນດີອະນຸມັດຊ່ວຍເຫຼືອ 2 ໂຄງການສຳລັບປີ 2020 ຊຶ່ງ 2 ໂຄງການດັ່ງກ່າວປະກອບມີ ໂຄງການຕ້ານຕະຝັ່ງເຈື່ອນ, ຕ້ານນ້ຳຖ້ວມ ຢູ່ແຂວງຈຳປາສັກ ໄລຍະ 2 ມີມູນຄ່າການກໍ່ສ້າງທັງໝົດ 70 ລ້ານໂດລາ ແລະ ໂຄງການເກັບພາສີອາກອນທັນສະໄໝ Tax RIS ໄລຍະ 2 ໃນມູນຄ່າ 20 ລ້ານໂດລາ ສ່ວນອີກ 12 ໂຄການ ທີ່ກະຊວງແຜນການ ແລະການລົງທຶນໄດ້ສະເໜີໄປແລ້ວນັ້ນ ຍັງຢູ່ໃນຂະບວນການຄົ້ນຄວ້າຂອງ ສ.ເກົາຫຼີ ສ.ເກົາຫຼີ ໄດ້ຕົກລົງໃຫ້ການຊ່ວຍເຫຼືອແກ່ລາວ ໃນ 2 ໂຄງການນີ້ ເນື້່ອງໃນໂອກາດທີ່ລັດຖະມົນຕີກະຊວງແຜນການ ແລະການລົງທຶນ ທ່ານ ສອນໄຊ ສີພັນດອນ ໄດ້ຕ້ອນຮັບໃນການເຂົ້າຍ້ຽມຍາມພົບປະ ເມື່ອບໍ່ດົນມານີ້ ທີ່ກະຊວງແຜນການ ແລະ ...

Read More »

14 ຂໍ້ໃນງານບຸນຊ່ວງເຮືອ ທີ່ທ່າວັດຈັນ ໃນບຸນອອກພັນສາ 2020…

ອຳນາດການປົກຄອງເມືອງຈັນທະບູລີ,ນະຄອນຫຼວງວຽງຈັນ ເປັນເຈົ້າພາບໃນການຈັດງານ ບຸນຊ່ວງເຮືອ ໄດ້ອອກຂໍ້ຫ້າມ 14 ຂໍ້ໃນງານບຸນຊ່ວງເຮືອ ທີ່ທ່າວັດຈັນ ເນື່ອງໃນໂອກາດບຸນອອກພັນສາ ປະວໍລະນາ ປະຈຳປີ 2020 ຈະຈັດຂຶ້ນລະຫວ່າງວັນທີ 1-3 ຕຸລາ 2020 ນີ້ ເພື່ອຮັບປະກັນຄວາມປອດໄພ, ຄວາມເປັນລະບຽບຮຽບຮ້ອຍ ແລະ ມີຄວາມສະຫງົບຮອບດ້ານ ໃນງານດັ່ງກ່າວ. ​ສຳລັບ 14 ຂໍ້ຫ້າມ ປະກອບມີ: ຫ້າມບໍ່ໃຫ້ມີການໂຄສະນາທຸກຮູບແບບ ທີ່ຜິດກົດໝາຍຂອງ ສປປ ລາວ; ຫ້າມຂາຍ ຫຼື ນໍາເອົາອາວຸດທຸກປະເພດ ລວມທັງ ພ້າ ມີດ ງ້າວ ໜ້າເກັກ ກະກູນສະໜັບມື ໂຄມໄຟລອຍ ແລະ ປະເພດມີຄົມຕ່າງໆ ເຂົ້າໄປໃນງານເດັດຂາດ; ຫ້າມນຳເອົາຢາເສບຕິດ ທາດເບື່ອ ສານເຄມີທີ່ອອກລິດທາງປະສາດທຸກຊະນິດ ເຂົ້າມາງານເດັດຂາດ; ຫ້າມເອົາສິ່ງທີ່ພາໃຫ້ເກີດສຽງດັງເກີນຂອບເຂດ ບັ້ງກະໂພກເຂົ້າມາຈຸດ ແລະ ວາງຂາຍໃນງານເດັດຂາດ; ຫ້າມນຳເອົາຜະລິດຕະພັນທີ່ລອກແບບສິ້ນລາວ ຫຼື ເຄື່ອງນຸ່ງລາວ ມາຂາຍ-ຈຳໜ່າຍພາຍໃນງານເດັດຂາດ; ຫ້າມວາງຂາຍເຄື່ອງ ແລະ ນໍາເອົາເຄື່ອງສຽງອອກມາໂຄສະນາສິນຄ້າ ຢູ່ນອກບໍລິເວນຮ້ານເກີນຂອບເຂດ ທີ່ກຳມະການຈັດງານກໍານົດໃຫ້; ຫ້າມຂາຍ ...

Read More »

ກະຊວງສາທາ ກຽມສຳຫຼວດກຸ່ມສ່ຽງ ຕິດພະຍາດ HIV…

ໃນວັນທີ 29 ກັນຍາ 2020 ທີ່ແຂວງວຽງຈັນ, ສູນຕ້ານເອດ ແລະ ພະຍາດຕິດຕໍ່ທາງເພດສຳພັນ, ກະຊວງສາທາລະນະສຸກ ໂດຍການສະ ໜັບສະໜູນຈາກກອງທຶນໂລກ ຕ້ານເອດ ໄດ້ຈັດກອງປະຊຸມກຽມຄວາມພ້ອມ ໃນການສຳຫລວດອັດຕາການຕິດເຊື້ອ ເຮສໄອວີ ໃນກຸ່ມສ່ຽງ (ສາວບໍລິ ການ) ພາຍໃຕ້ການເປັນປະທານຂອງ ທ່ານ ດຣ. ສີສະຫວາດ ສຸດທະນີລາໄຊ ຮອງຫົວໜ້າກົມຄວບຄຸມພະຍາດຕິດຕໍ່, ທ່ານ ດຣ. ພູທອນ ສຸດທະລັກ ຫົວໜ້າສູນຕ້ານເອດ ແລະ ພະຍາດຕິດຕໍ່ທາງເພດສຳພັນ ມີຄະນະວິຊາການຈາກແຂວງບໍ່ແກ້ວ, ຫລວງນໍ້າທາ, ຫລວງພະບາງ, ນະຄອນຫລວງວຽງຈັນ, ສະຫວັນນະເຂດ ແລະ ຈໍາປາສັກ ເຂົ້າຮ່ວມ. ຈຸດປະສົງ ເພື່ອເປັນການກຽມຄວາມພ້ອມທາງດ້ານວິຊາການ, ແຜນງານການສຳຫລວດ, ວິທີການ ແລະ ອຸປະກອນ ທີ່ຈະຕ້ອງນຳໃຊ້ເຂົ້າໃນການສຳຫລວດ, ເພື່ອເປັນການ ກະກຽມທາງດ້ານບຸກຄະລາກອນການແພດ, ນັກສຳພາດ, ນັກວິເຄາະ ຂອງບັນດາແຂວງ ທີ່ຈະເຮັດການສຳຫລວດ ແລະ ເປັນການກະກຽມການຈັດກອງປະຊຸມ ຂໍການສະໜັບສະໜູນ ຈາກເຈົ້າຂອງຫ້າງຮ້ານກິນດື່ມ, ຮ້ານອາຫານ, ບັນເທີງ ໃຫ້ອຳນວຍຄວາມສະດວກໃນການລົງສຳຫລວດ ໃຫ້ດຳເນີນໄປຕາມແຜນການ. ...

Read More »

ຝຶກອົບຮົມວຽກງານກວດກາຂັ້ນພື້ນຖານໃຫ້ພະນັກງານ…

ຄະນະພົວພັນຕ່າງປະເທດສູນກາງພັກ ສົມທົບກັບ ຄະນະກວດກາສູນກາງພັກ ໄດ້ຈັດຝຶກອົບຮົມວຽກງານກວດກາຂັ້ນພື້ນຖານໃຫ້ ພະນັກງານທີ່ເຮັດວຽກງານກວດກາ ຂອງ ຄະນະພົວພັນຕ່າງປະເທດສູນກາງພັກ ຢູ່ທີ່ສຳນັກງານຂອງຄະນະພົວພັນຕ່າງປະເທດສູນກາງພັກ ຫລື ຄຕພ ທີ່ຫຼັກ 6 ນະຄອນຫລວງວຽງຈັນ ຕອນເຊົ້າວັນທີ 29 ກັນຍາ 2020 ນີ້ ໂດຍພາຍໃຕ້ການເປັນປະທານຂອງ ທ່ານ ສົມດີ ບຸນຄຸ້ມ ປະທານກວດກາ ຄະນະພັກ ຄຕພ, ມີວິທະຍາກອນຈາກ ຄະນະກວດກາສູນກາງພັກ ແລະ ຜູ້ເຮັດວຽກງານກວດກາ ຂອງ 3 ອົງການຈັດຕັ້ງມະຫາຊົນຂັ້ນຕ່າງໆ ແລະ ຜູ້ເຮັດວຽກກວດກາຂອງໜ່ວຍພັກຕ່າງໆອ້ອມຂ້າງອົງຄະນະພັກ ຄຕພ ເຂົ້າຮ່ວມ. ການຝຶກອົບຮົມຄັ້ງນີ້ ແມ່ນເພື່ອເຮັດໃຫ້ພະນັກງານກວດກາຂອງ ຄຕພ ກຳໄດ້ຄວາມຮູ້ພື້ນຖານກ່ຽວກັບວຽກງານກວດກາ ແລະ ສາມາດນຳໄປໃຊ້ໃນການຈັດຕັ້ງປະຕິບັດໃຫ້ມີປະສິດທິຜົນດີ ພ້ອມທັງ ນຳເອົາເນື້ອໃນໄປຈັດຕັ້ງປະຕິບັດໃຫ້ໄດ້ຄຸນນະພາບ ແລະມີຄວາມສອດຄ່ອງກັບວຽກງານຕົວຈິງ, ເຫັນໄດ້ເຖິງຄວາມສຳຄັນແຕ່ລະໜ້າວຽກ ແລະ ການເຮັດວຽກໃຫ້ເລິກເຊິ່ງເຖິງຖອງ ແລະ ແລະພ້ອມກັນຈັດຕັ້ງປະຕິບັດຕາມກົດລະບຽບຢ່າງເຄັ່ງຄັດ; ເອກກະສານທີ່ນຳມາຝຶກອົບຮົມໃນຄັ້ງນີ້ມີຄວາມຮູ້ພື້ນຖານກ່ຽວກັບວຽກງານກວດກາຂອງພັກ, ວຽກງານຕິດຕາມພັກ, ກວດກາການຈັດຕັ້ງພັກ-ລັດ ແລະ ສະມາຊິກພັກ-ພະນັກງານ-ລັດຖະກອນ ເມື່ອມີການລະເມີດ ລະບຽບ ວິໄນຂອງພັກ ແລະ ກວດກາການລົງວິໄນພາຍໃນພັກ, ...

Read More »

ອັດຕາການຖືພາໂດຍບໍ່ໄດ້ວາງແຜນໃນ ສປປ ລາວ ຍັງເປັນບັນຫາ…

ອີງຕາມຂໍ້ມູນຂອງອົງການສະຫະປະຊາຊາດ ກອງທືນສຳລັບປະຊາກອນ (UNFPA) ໃຫ້ຮູ້ວ່າ: ໃນບັນດາປະເທດອາຊຽນ ສປປ ລາວ ມີອັດຕາການເກີດລູກໃນໄວໜຸ່ມສູງທີ່ສຸດ ປະ ມານ 83 ຕໍ່ເດັກຍິງ 1.000 ຄົນ ອາຍຸ 15-19 ປີ ທີ່ໄດ້ມີການເກີດລູກ, ອັດຕາການຕາຍຂອງແມ່ຍັງສູງ ແລະ ຄາດວ່າຈະເພີ່ມຂຶ້ນຍ້ອນຜົນກະທົບທີ່ກ່ຽວຂ້ອງ ກັບພະຍາດຕິດເຊື້ອ COVID-19. ພາບປະກອບ ທຸກ 2 ປີ ໃນ ສປປ ລາວ ມີການຖືພາໂດຍບໍ່ໄດ້ວາງແຜນປະມານ 286.000 ຄົນ, ສ່ວນໃຫຍ່ແມ່ນຢູ່ໃນກຸ່ມຜູ້ທີ່ບໍ່ສາມາດເຂົ້າເຖິງຂໍ້ມູນ ແລະ ການບໍລິການ ກ່ຽວກັບການຄຸມກຳເນີດແບບສະໝັກໃຈ ການຖືພາທີ່ບໍ່ໄດ້ວາງແຜນເປັນຈຳນວນຫລາຍ ແມ່ນໃນບັນດາແມ່ຍິງອາຍຸຍັງນ້ອຍ ແລະ ທຸກຍາກທີ່ສຸດໃນຊີວິດຂອງເຂົາເຈົ້າ ແລະ ໂອກາດຂອງພວກເຂົາກໍມີຈຳກັດຫລາຍ ຍ້ອນການຖືພາທີ່ບໍ່ໄດ້ວາງແຜນ ແລະ ເດັກນ້ອຍຍັງບໍ່ໄດ້ຮັບຜົນປະໂຫຍດຈາກໂພຊະນາການທີ່ດີ. ສະນັ້ນ, ຈຶ່ງເປັນສິ່ງທ້າທາຍສືບຕໍ່ເປັນວົງຈອນຂອງຄວາມທຸກຍາກ, ຈຳນວນການເກີດທີ່ບໍ່ໄດ້ວາງແຜນ ຄາດວ່າຈະເພີ່ມຂຶ້ນໃນປະເທດລາວ. ພາບປະກອບ ເນື່ອງຈາກຜົນກະທົບທີ່ກ່ຽວຂ້ອງກັບການລະບາດຂອງພະຍາດ COVID-19, ໃນໄລ ຍະ 2 ປີ ຄາດວ່າຈະເພີ່ມຂຶ້ນເຖິງ 331.000 ຫລື ...

Read More »

ໃນທຸກໆມື້ ທົ່ວໂລກ ຍັງມີຜູ້ຕິດເຊື້ອໂຄວິດ-19 ເພີ່ມຂຶ້ນ…

ວັນທີ 28 ກັນຍາ 2020 ທົ່ວໂລກມີຜູ້ຕິດເຊື້ອພະຍາດໂຄວິດ-19 ມີທັງໝົດ 33.307.363 ຄົນ, ເພີ່ມຂຶ້ນ 237.618 ຄົນ, ເສຍຊີວິດ 1.002.389 ຄົນ, ໃນນັ້ນສະຫະລັດອາເມຣິກາເປັນອັນດັບໜຶ່ງ ມີຜູ້ຕິດເຊື້ອ 7.321.343 ຄົນ, ເພີ່ມຂຶ້ນ 34.603 ຄົນ, ເສຍຊີວິດ 209.453 ຄົນ, ອັນດັບສອງ ແມ່ນອິນເດຍ ມີຜູ້ຕິດເຊື້ອ 6.073.348 ຄົນ, ເພີ່ມຂຶ້ນ 80.816 ຄົນ, ເສຍຊີວິດ 95.574 ຄົນ, ອັນດັບສາມ ແມ່ນ ເບຼຊິນ ຜູ້ຕິດເຊື້ອ 4.732.309 ຄົນ, ເພີ່ມຂຶ້ນ 14.194 ຄົນ, ເສຍຊີວິດ141.776 ຄົນ, ສ່ວນ ສປປ ລາວ ຢູ່ອັນດັບທີ 206 ຂອງໂລກ ມີຜູ້ຕິດເຊື້ອສະສົມ 23ຄົນ ປົວດີແລ້ວ 22ຄົນ, ພວມປິ່ນປົວຢູ່ໂຮງໝໍມິດຕະພາບ 1ຄົນ. ດຣ. ສີສະຫວາດ ...

Read More »

ກາເຟ ແລະ ຊາ ໄດ້ຮັບໃບຢັ້ງຢືນຖິ່ນກຳເນີດ ….

ໃນວັນທີ 25 ກັນຍາ 2020 ທີ່ເມືອງປາກຊ່ອງ ແຂວງຈຳປາສັກ, ທ່ານ ບໍ່ວຽງຄຳ ວົງດາລາ ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ໄດ້ມອບຮັບໃບຢັ້ງຢືນຖິ່ນກຳເນີດ ເລກທີ LA/GI/03 ໃຫ້ແກ່ສະມາຄົມ ກາເຟບໍລະເວນ ແລະ ໃບຢັ້ງຢືນຖິ່ນກຳເນີດເລກທີ LA/GI /04, ລົງວັນທີ 14 ກັນຍາ 2020 ໃຫ້ຊາປາກຊ່ອງ(ຖິ່ນກຳເນີດຢູ່ລາວ LAO GEOGRA PHICAL INDICATION) ຊຶ່ງໃບຢັ້ງຢືນນີ້ໄດ້ຈົດເຂົ້າຢູ່ໃນການຂຶ້ນທະບຽນຖິ່ນກຳເນີດແຫ່ງຊາດ. ທ່ານ ບໍ່ວຽງຄຳ ວົງດາລາ ກ່າວວ່າ: ການຈົດທະບຽນປົກປ້ອງຖິ່ນກຳເນີດຊາປາກຊ່ອງ ແລະ ກາເຟບໍລະເວນ ແມ່ນແນໃສ່ປົກປ້ອງຊື່ສຽງ ແລະ ອະນຸລັກ ຮັກສາຄຸນນະພາບທີ່ມີເອກະລັກສະ ເພາະຂອງຊາປາກຊ່ອງ ແລະ ກາເຟບໍລະເວນ, ມີປະຫວັດຄວາມເປັນມາທີ່ຍາວນານ ຕິດພັນກັບວັດທະນະທໍາ ແລະ ວິຖີການດໍາລົງຊີວິດຂອງປະຊາຊົນຢູ່ພູພຽງບໍລະເວນ ມາໄດ້ຫລາຍສະຕະວັດແລ້ວ, ການປົກປ້ອງພູມປັນຍາທອ້ງຖິ່ນແບບດັ້ງເດີມ ໃຫ້ເປັນຊັບສິນທາງປັນຍາຂອງທ້ອງຖິ່ນນັ້ນ ທີ່ເປັນການສົ່ງເສີມໃຫ້ມີການສືບທອດພູມປັນຍາທ້ອງຖິ່ນ ຈາກບັນພະບູລຸດສູ່ຄົນລຸ້ນປັດຈຸບັນ ແລະ ຈະອະນຸລັກ ຕໍ່ໆໄປຢ່າງຍືນຍົງ. ພ້ອມດຽວກັນນັ້ນ, ການອະນຸລັກດັ່ງກ່າວຍັງຈະເປັນການສົ່ງເສີມ ການທ່ອງທ່ຽວ, ...

Read More »

ຄຳເຫັນ ຂອງ ນາຍົກລັດຖະມົນຕີ ແຫ່ງ ສປປ ລາວ ໃນກອງປະຊຸມ ສປຊ ສະໄໝ ທີ 75…

ກອງປະຊຸມສະມັດຊາໃຫຍ່ ສປຊ ສະໄໝ ທີ 75 ພາກອະພິປາຍທົ່ວໄປ ໃນປີນີ້ ຈັດຂຶ້ນໃນວັນທີ 22-29 ກັນຍາ 2020, ທີ່ສຳນັກງານໃຫຍ່ອົງການ ສປຊ ທີ່ນິວຢອກ, ສະຫະລັດອາເມລິກາ ພາຍໃຕ້ຫົວຂໍ້ “ອະນາຄົດທີ່ພວກເຮົາຢາກໄດ້, ອົງການ ສປຊ ທີ່ພວກເຮົາຕ້ອງມີ: ຢືນຢັນຄືນຄວາມໝາຍໝັ້ນຮ່ວມກັນຕໍ່ຂອບການຮ່ວມມືຫລາຍຝ່າຍ” (The future we want, the United Nations we need: reaffirming our collective commitment to multilateralism). ແຕ່ເນື່ອງຈາກສະພາບການແພ່ລະບາດຂອງ ພະຍາດ ໂຄວິດ-19, ຈຶ່ງເຮັດໃຫ້ຄະນະຜູ້ແທນຂອງບັນດາປະເທດຕ່າງໆ ບໍ່ສາມາດເດີນທາງເຂົ້າຮ່ວມກອງປະຊຸມຄັ້ງນີ້ໄດ້ດ້ວຍຕົນເອງ. ດັ່ງນັ້ນ ອົງການ ສປຊ ຈຶ່ງຈັດກອງປະຊຸມໃນຮູບແບບທາງໄກ ແລະ ໃຫ້ບັນດາຜູ້ນໍາຂອງປະເທດຕ່າງໆກ່າວຄຳເຫັນ ໂດຍຜ່ານການບັນທຶກວີດີໂອ ແທນການເຂົ້າຮ່ວມແບບປົກກະຕິ. ວີດີໂອບົດປາໄສ ຂອງ ທ່ານ ທອງລຸນ ສີສຸລິດ ນາຍົກລັດຖະມົນຕີ, ຫົວໜ້າຄະນະຜູ້ແທນ ແຫ່ງ ສປປ ລາວ ໄດ້ຖືກນໍາສະເໜີ ...

Read More »