Life Stlye

ເປັນ ໄອເດຍທີ່ດີ ຂອງທຸລະກິດ ກະຕ່າຂອງຂວັນ ເໝາະກັບຄົນຍຸກໃໝ່  ທີ່ມີພຶດຕິກຳທີ່ປ່ຽນແປງໄປຕາມຍຸກຕາມສະໄໝ. ໄລຍະນີ້ ເປັນໄລຍະໃກ້ຈະຮອດເທສະການ ງານສຳຄັນແຫ່ງຄວາມສຸກຕ່າງໆ ບໍ່ວ່າຈະເປັນງານປີໃໝ່ ວັນຄົບຮອບແຕ່ງງານ ຫຼື ວັນສຳຄັນອື່ນໆ ເຊື່ອວ່າຫຼາຍໆຄົນເລີ່ມຊອກຫາຂອງຂວັນພິເສດໃຫ້ກັບຄົນສຳຄັນໃນງານສຳຄັນຕ່າງໆ ແມ່ນບໍ່? ສະນັ້ນ, ມື້ນີ້ທາງທາເກັດ ໄດ້ເຫັນ ໄອເດຍ ການເຮັດທຸລະກິດ ກະຕ່າຂອງຂວັນ ຮູບແບບໃໝ່ຂອງ WISH ໜຶ່ງໃນການບໍລິການກະຕ່າຂອງຂວັນທຸກຮູບແບບ (Gift Delivery Service) ມານຳສະເໝີໃຫ້ທຸກຄົນໄດ້ຮຸ້ຈັກ ໂດຍສະເພາະຄົນທີ່ມີທຸລະກິດດ້ານນີ້ ຫຼື ກຳລັງຄິດຈະເຮັດທຸລະກິດນີ້ ໄດ້ມີໄອເດຍໃໝ່ໆ  ມາປັບໃຊ້ໃຫ້ທັນຍຸກຂຶ້ນ. ໃນຍຸກປັດຈຸບັນນີ້ ເທຣນການໃຫ້ຂອງຂວັນກຳລັງມາແຮງເນື່ອງຈາກຄົນຢາກໄດ້ຂອງຂວັນຫຼາຍຂຶ້ນ ແມ່ນໃຜແດ່ທີ່ຈະບໍ່ຢາກໄດ້ຂອງຂວັນແທນຄວາມຮູ້ສຶກທາງໃຈ ບວກກັບໃນປັດຈຸບັນຄົນ ແມ່ນເຫັນຄວາມສຳຄັນຂອງການມອບຂອງຂວັນໃຫ້ກັນຫຼາຍຂຶ້ນ ເພາະທຸກມື້ນີ້ເປັນສັງຄົມອອນໄລ໌ ເຮັດໃຫ້ເຮົາຮູ້ຫຼາຍຂຶ້ນວ່າ ຫມູ່ເພື່ອນ ຫຼື ຄົນໃກ້ຊິດ ຮັກແພງ ຂອງເຮົາມີວັນສຳຄັນມື້ໃດ… ສອດຄ່ອງກັບຕະຫຼາດຂອງຂວັນທຸກມື້ນີ້ການຂະຫຍາຍຕົວຂຶ້ນທຸກໆປີ ສົ່ງຜົນໃຫ້ທຸລະກິດຂອງຂວັນຕ່າງໆ ເລີ່ມຂະຫຍາຍຕົວເອງອອກຈາກອ໊ອບໄລ໌ ສູ່ ອອນໄລ໌ຫຼາຍຂຶ້ນ ເຮັດໃຫ້ລູກຄ້າສະດວກສະບາຍຂຶ້ນກວ່າເກົ່າ ແບບບໍ່ຕ້ອງມາຫາຢູ່ຮ້ານກໍສາມາດຈັດສົ່ງກະຕ່າຂອງຂວັນໄດ້ຕາມໃຈ ແຕ່ຖ້າເບິ່ງໃນອີກແງ່ມູມໜຶ່ງ ຖ້າຫາກເຮົາໄດ້ຮັບ ກະຕ່າ ຂອງຂວັນຫຼາຍກະຕ່າ ກໍອາດຈະເຮັດໃຫ້ຫົກເຮືອນບໍ່ມີບ່ອນເກັບ ກາຍເປັນຂີ້ເຫຍື່ອໄດ້  ເພາະວ່າບາງອັນຂາຍຕໍ່ບໍ່ໄດ້ກະບໍ່ຮູ້ຈະນຳໄປເຮັດຫຍັງຕໍ່. ແຕ່ຈະດີກວ່າ ຖ້າກະຕ່າ ...

ຄວາມສະຫຼາດທາງດ້ານອາລົມ ຫຼື EQ ນັ້ນ ຖືວ່າ ເປັນພື້ນຖານຂອງຄວາມສຳເລັດ ຖ້າຢາກໃຫ້ຕົວເອງ ຫຼື ທີມງານຂອງທ່ານ ປະສົບຄວາມສຳເລັດ ໃນໜ້າທີ່ວຽກງານ ຫຼື ທຸລະກິດ ທ່ານຕ້ອງຫັນມາໃສ່ໃຈ ແລະ ພັດທະນາດ້ານ EQ ໃຫ້ຫຼາຍຂຶ້ນ. ເມື່ອຖາມວ່າ ເປັນຫຍັງ? EQ ຈຶ່ງສຳຄັນໃນການເຮັດວຽກ ເຮົາມີຄຳຕອບລຸ່ມນີ້ ເຊິ່ງໂດຍລວມແມ່ນສົ່ງຜົນຕໍ່ໃນການເຮັດວຽກ ແລະ ການໃຊ້ຊີວິດປະຈຳວັນ. ເປັນພື້ນຖານຂອງຄວາມສຳເລັດ ຄົນທີ່ມີ EQ ສູງນັ້ນສາມາດຫາເງິນໄດ້ຫຼາຍກວ່າຄົນທີ່ມີ EQ ຕໍ່າ ໂດຍສະເລ່ຍຈະມີລາຍໄດ້ຢູ່ທີ່ 29.000 ໂດລາສະຫະລັດປີ. ຄົນທີ່ມີ EQ ສູງຈະສາມາດຫຼຸດອັດຕາການເກີດອຸບັດຕິເຫດຈາກການເຮັດວຽກທີ່ເຮັດໃຫ້ເຖິງຂັ້ນຕ້ອງຢຸດເຮັດວຽກ ຫຼື Lost-Time Accident ໄດ້ເຖິງ 50% ແລະ ຫຼຸດການຮ້ອງທຸກກັບອົງກອນໄດ້ເຖິງ 15%ຕໍ່ປີ. ລູກນ້ອງສ່ວນຫຼາຍຈະບໍ່ມັກລາອອກ ຖ້າຫາກຫົວໜ້າມີ EQ ສູງ ຄົນທີ່ມີ EQ ສູງຈະສາມາດເຮັດກໍາໄລລາຍປີໃຫ້ກັບບໍລິສັດເພີ່ມຂຶ້ນ 22% 90% ຂອງຄົນເຮັດວຽກໃນທົ່ວໂລກທີ່ມີຕໍາແໜ່ງສູງຈະມີ EQ ທີ່ສູງ. ຄົນແບບໃດ? ທີ່ມີຄວາມສະຫຼາດທາງດ້ານອາລົມ ຫຼື EQ ຄິດບວກ ...

ໃນປະເທດຍີ່ປຸ່ນ ນັບວ່າເປັນປະເທດທີ່ມີນະວັດຕະກຳລໍ້າໜ້າໄປອີກປະເທດໜຶ່ງຂອງໂລກແລ້ວ. ແຕ່ກໍຍັງລໍ້າໜ້າທັນສະໄໝໄປອີກ ເມືອບໍ່ດົນມານີ້ ກໍເລີ່ມມີຕູ້ ATM ທີ່ມີ AI ດ້ວຍ ຈະມີກ້ອງໃນຕູ້ສົ່ງຮູບພາບໄປໃຫ້ AI ປະມວນຜົນຫຼອດເວລາ ເຊິ່ງຈະຊ່ວຍເຮັດໜ້າທີ່ຫຼາຍຢ່າງຄື: ເຕືອນໃຫ້ປົດໝວກ, ປົດແວ່ນຕາ ແລະ ຜ້າມຸບປາກອອກ  ຖ້າບໍ່ປະຕິບັດຕາມຄຳສັ່ງ ຕູ້ຈະໃຊ້ການບໍ່ໄດ້  ຫຼື ຄົນທີ່ມັກກົດຕູ້ໄປນຳ ລົມໂທລະສັບໄປນຳ ກໍຈະມີການເຕືອນຢູ່ໜ້າຈໍຕູ້ ໃຫ້ລະວັງໂອນເງິນໃຫ້ກັບແກ້ງຄໍລັບຊັນ ແລະ ໃນອະນາຄົດອາດສາມາດກວດສອບຜູ້ຕອງສົງໃສ ເປັນໂຈນ ແລະ ມີການສົ່ງໃບໜ້າໄປທຽບອອນໄລ໌ກັບຖານຂໍ້ມູນອາດຊະຍາກອນ ແລ້ວແຈ້ງຕຳຫຼວດທັນທີ່ຖ້າພົບຜູ້ຕ້ອງສົງໃສ . ດັ່ງນັ້ນ,  ຜູ້ຜະລິດຄື ບໍລິສັດ Hitachi-Omron Terminal Solutions Corp ໃນເມືອງ ນາໂງຍ່າ ເຊິ່ງພ້ອມຈະຂາຍຕູ້ ແລະ ລະບົບໃຫ້ທະນາຄານຕ່າງໆຕໍ່ໄປອີກ. ຖ້າມີຕູ້ແບບນີ້ ຢູ່ບ້ານເຮົາກໍຄືຈະດີ ເພາະສັງເກດເຫັນຫຼາຍໆຕູ້  ATM  ໃນບ້ານເຮົາ ມີຄົນມັກງ່າຍ ບໍ່ປົດໝວກກັນນ໋ອກ, ຜ້າມຸບປາກ ແລະ ແວ່ນຕາ ເລື້ອຍໆ ເປັນເຫດໃຫ້ມີໂຈນງັດຕູ້ໄດ້  ອີກຢ່າງກໍຈະມາຊ່ວຍເລື່ອງຄວາມປອດໄພ ກວດສົງໃສວ່າແມ່ນໂຈນໄດ້ອີກ. ຂໍ້ມູນຈາກ:   japantoday.com/category/crime/japan’s-1st-ai-powered-atm-developed-to-combat-money-transfer-fraud ຮູບພາບ: bloomberg.com/news/articles/2017-06-28/macau-atms-need-face-time-before-payout-to-help-follow-the-money

Richard Branson ມະຫະເສດຖີລະດັບໂລກ ຜູ້ຜັກດັນທຸລະກິດດ້ວຍແນວຄວາມຄິດການເຮັດວຽກທີ່ມີຄວາມລະອຽດອ່ອນ ເຖິງແມ່ນວ່າ ເຕັກໂນໂລຊີຈະມີຄວາມທັນສະໄໝ ກໍບໍ່ມີເຫດຜົນ ທີ່ຕ້ອງໃຫ້ມະນຸດເຮັດວຽກໜ້ອຍລົງ  ຫຼື ຫຼາຍກວ່າເກົ່າ. Richard Branson ຂຽນໃນປຶ້ມ “The Virgin Way: If It’s Not Fun, It’s Not Worth Doing ເຊິ່ງເປັນໜັງສືທີ່ຂາຍດີທີ່ສຸດໃນຕ່າງປະເທດ ເນື້ອໃນກ່າວວ່າ ການເຮັດວຽກໜັກ  ຄື ກະແຈສຳຄັນຂອງຄວາມສຳເລັດ ແຕ່ທ່ານກໍຕ້ອງມີຄວາມມ່ວນຊື່ນ, ມີຄວາມສຸກ ໄປກັບການເຮັດວຽກ ເພາະນີ້ຄືສິ່ງສຳຄັນທີ່ສຸດ ແລະ ເປັນສ່ວນປະກອບທີ່ຈະເຮັດໃຫ້ທຸລະກິດປະສົບຄວາມສຳເລັດໄດ້ໃນອະນາຄົດ. ຫຼາຍໆຄັ້ງ Richard Branson ມັກຈະໃຫ້ຄວາມສຳຄັນກັບການພັກຜ່ອນ ກັບຄອບຄົວ ເພື່ອເປັນການສາກແບັດເຕີລີ ເພີ່ມພະລັງງານໃຫ້ກັບຕົນເອງ ລວມເຖິງຍັງເຊື່ອວ່າ ຄວາມພິຖີພິຖັນ ລະອຽດອ່ອນໃນການເຮັດວຽກ ໂດຍອະນຸຍາດໃຫ້ພະນັກງານຫາຄວາມສົມດຸນລະຫວ່າງການເຮັດວຽກ ແລະ ການໃຊ້ຊີວິດສ່ວນຕົວ ເຊິ່ງຄວາມສົມດຸນເຫຼົ່ານີ້ຈະກາຍເປັນຄວາມສຸກຂອງຊີວິດທີ່ຈະເກີດປະສິດທິພາບທີ່ດີຕໍ່ອົງກອນໃນທີ່ສຸດ. ບໍລິສັດ ຂອງ Richard Branson ຍັງສະເໜີທາງເລືອກໃຫ້ກັບພະນັກງານສາມາດເຮັດວຽກນອກສະຖານທີ່ ຫຼື ເຮັດວຽກຢູ່ບ້ານກໍໄດ້. ເຊິ່ງເຂົາໃຫ້ເຫດຜົນວ່າ ມັນເປັນເລື່ອງງ່າຍທີ່ທ່ານຈະດຶງສັກກະຍະພາບລະດັບສູງຂອງພະນັກງານອອກມາ ຂໍພຽງແຕ່ເປີດກວ້າງ ແລະ  ມີຄວາມລະອຽດອ່ອນ ...

ເອກະສານເຊັນດ່ວນ ເຊັນໄວ ຈະບໍ່ເປັນອຸປະສັກ  ອີກຕໍ່ໄປ ເຊື່ອວ່າຫຼາຍອົງກອນ ບໍ່ວ່າຈະເປັນພາກລັດ ແລະ ເອກະຊົນ. ຈະມີຄວາມສະດວກສະບາຍງ່າຍຂຶ້ນ. ບໍ່ຈຳເປັນຕ້ອງແລ່ນນຳຂໍລາຍເຊັນກັບຫົວໜ້າ ຫຼື ຕ້ອງຖ້າຫົວໜ້າກັບມາແຕ່ຕ່າງປະເທດ ມື້ນັ້ນມື້ນີ້ກ່ອນ. ສຳລັບເລື່ອງນີ້ອາດມີຫຼາຍຄົນຮູ້ມາແລ້ວ ຫຼື ເຄີຍໃຊ້ມາກ່ອນ ແຕ່ກໍເຊື່ອວ່າ ຍັງມີຫຼາຍຄົນທີ່ຍັງບໍ່ຮູ້ ແລະ ບໍ່ເຄີຍນຳໃຊ້ວິທີນີ້ ແລະ ຄິດວ່າມັນຫຍຸ້ງຍາກ. ແຕ່ເຊື່ອວ່າຖ້າໄດ້ເຫັນວິທີໃຊ້ແລ້ວ ມັນງ່າຍໜ້ອຍດຽວເທົ່ານັ້ນ. ສຳລັບໃຜ ທີ່ຕ້ອງໄດ້ເຮັດວຽກກັບເອກະສານຕະຫຼອດ ແຕ່ຕົນເອງບໍ່ໄດ້ຢູ່ ຫ້ອງການຕະຫຼອດເວລາ ຕ້ອງມີວຽກອື່ນ ຫຼື ອອກວຽກນອກຕະຫຼອດ. ດັ່ງນັ້ນ, ການເຊັນ ເອກະສານທີ່ຈະຕ້ອງໄດ້ຮັບການອະນຸມັດ ກໍຕ້ອງລ່າຊ້າໄປ.  ແຕ່ຍຸກນີ້ ຍຸກ 4.0 ທີ່ເຮົາສາມາດສົ່ງເອກະສານຫຼື ຟາຍຣ໌ເອກະສານຜ່ານສະມາດໂຟນໄດ້ແລ້ວນັ້ນ ເຮົາກໍສາມາດໃສ່ລາຍເຊັນດິຈິຕ໋ອນໃນຟາຍຣ໌ເອກະສານນັ້ນໄດ້ເຊັ່ນກັນ,  ໂດຍບໍ່ຈຳເປັນຕ້ອງເຂົ້າມາຫ້ອງການໃຫ້ເສຍເວລາ ເຮັດໃຫ້ການເຮັດວຽກນັ້ນໄວຂຶ້ນ. ໃນນີ້, ການໃສ່ລາຍເຊັນ ດິຈິຕ໋ອນ ໃນເອກະສານ ຟາຍຣ໌ PDF ຈະເປັນສະເພາະໂທລະສັບລຸ້ນ  iPhone, iPad ນັ້ນເປັນເລື່ອງງ່າຍໆ ພຽງແຕ່ໃນ ຟີເຈີ Markup ທີ່ມີມາໃຫ້ໃຊ້ແຕ່ IOS 9 ແລ້ວ ສຳລັບໃຜທີ່ກຳລັງຈະເລີ່ມໃຊ້ ...

ຫຼາຍໆຄົນອາດຈະຮູ້ຈັກກັບຄຳນີ້ດີ ຫຼື ບາງຄົນກໍອາດເຄີຍໄດ້ຍິນຄົນອື່ນມັກເວົ້າເລື້ອຍໆໂດຍສະເພາະໃນເລື່ອງທຸລະກິດໃນຍຸກນີ້.  E-Commerce (Electronic Commerce) ຫຼື ການຄ້າ ອີເລັກໂຕຣນິກ ໝາຍເຖິງການເຮັດທຸລະກິດທີ່ຜ່ານສື່ອີເລັກໂຕຣນິກ  ເພື່ອໃຫ້ບັນລຸເປົ້າໝາຍທາງທຸລະກິດທີ່ອົງກອນໄດ້ຕັ້ງເປົ້າໝາຍໄວ້ ເຊັ່ນ: ການຊື້ຂາຍສິນຄ້າ ແລະ ການບໍລິການ, ການໂອນເງິນ ທາງອີເລັກໂຕຣນິກ, ການໂຄສະນາຜ່ານສື່ອີເລັກໂຕຣນິກ ບໍ່ວ່າຈະເປັນ ໂທລະພາບ, ວິທະຍຸ ແລະ ທາງອິນເຕີ້ເນັດ ເປັນຕົ້ນ…. ຈຸດເດັ່ນຂອງ E-Commerce ຄື ຊ່ວຍຫຼຸດຄ່າໃຊ້ຈ່າຍ ແລະ ເພີ່ມປະສິດທິພາບຂອງການດຳເນີນທຸລະກິດ. ໂດຍຊ່ວຍຫຼຸດບົດບາດຂອງອົງປະກອບທາງທຸລະກິດລົງໄດ້ເຊັ່ນ: ສະຖານທີຕັ້ງ,  ສາງເກັບສິນຄ້າ, ຮ້ານຄ້າ ລວມເຖິງພະນັກງານຂາຍ, ພະນັກງານຕ້ອນຮັບ ເປັນຕົ້ນ…. ຈຶ່ງຫຼຸດຂໍ້ຈຳກັດຂອງໄລຍະທາງ ແລະ ເວລາລົງໄດ້ ຈຶ່ງບໍ່ກໍໃຫ້ເກີດເປັນອຸປະສັກຕໍ່ທຸລະກິດໄຮ້ພົມແດນອີກຕໍ່ໄປ. E-Commerce ຊ່ວຍອຳນວຍຄວາມສະດວກໃຫ້ນັກທຸລະກິດໄດ້ຫຼາຍດ້ານດັ່ງນີ້: 1. ເຮັດວຽກແທນພະນັກງານຂາຍໄດ້ ໂດຍສາມາດເຮັດການຄ້າແບບອັດຕະໂນມັດ ໄດ້ຢ່າງວ່ອງໄວ. 2. ເຮັດໃຫ້ເປີດໜ້າຮ້ານຂາຍເຄື່ອງ ໃຫ້ຄົນທົ່ວໂລກໄດ້ ແລະ ສາມາດເປີດຂາຍໄດ້ທຸກມື້ຕະຫຼອດ 24​ ຊົ່ວໂມງ ໂດຍບໍ່ມີເວລາປິດ ເຊັ່ນ: ການຂາຍໂດຍໃຊ້ລະບົບ Shopping Cart ເຮັດໃຫ້ລູກຄ້າສາມາດສັ່ງຊື້ສິນຄ້າໄດ້ຕະຫຼອດເວລາຜ່ານເວັບໄຊ. 3. ສາມາດເກັບເງິນປາຍທາງ ...

ທຸກຄັ້ງທີ່ທ່ານຈະໄປເຈລະຈາກັບລູກຄ້າ ຄວນຈື່ໄວ້ວ່າ ຢ່າເຈລະຈາກັບຕົນເອງ ຫຼື ຄິດໄປເອງກ່ອນລ່ວງໜ້າ ກ່ອນໄປເຈລະຈາກັບລູກຄ້າ ເຮົາຄວນໄດ້ເຈລະຈາກັບຄູ່ສົນທະນາກ່ອນທີ່ເຮົາຈະເວົ້າກັບຕົນເອງ ເນື່ອງຈາກຫຼາຍຄັ້ງມັກຄິດໄປເອງກ່ອນລ່ວງໜ້າເຖິງສິ່ງທີ່ກຳລັງຈະເຈລະຈານັ້ນໄປຕ່າງໆນາໆ ແຕ່ກັບບໍ່ສົ່ງຜົນດີຕໍ່ການເຈລະຈາເລີຍ ເພາະການເຈລະຈາແຕ່ລະຄັ້ງ ລູກຄ້າແຕ່ລະຄົນມີຄວາມຍາກງ່າຍບໍ່ຄືກັນ ບາງຄັ້ງອາດຈະບໍ່ໄດ້ນຮັບຜົນດີຢ່າງທີ່ຄາດໄວ້  ແລະ ບາງຄັ້ງການເຈລະຈາອາດຈະງ່າຍໆກວ່າສິ່ງທີ່ເຮົາຄິດ. ການເຈລະຈາກໍມີຫຼາຍເຕັກນິກທີ່ຈະມາເລືອກໃຊ້ໄດ້ ເຊິ່ງຂຶ້ນຢູ່ກັບສະຖານນະການ ແລະ ໄລຍະເວລາ. ສະນັ້ນ,  ການເຈລະຈາທີ່ເຮົາສາມາດແບ່ງອອກເປັນ 2 ແບບໄດ້ຄື: ການເຈລະຈາຕໍ່ລອງແບບ OH YES ເຕັກນິກນີ້ຟັງແລ້ວຄືຈະງ່າຍໆແມ່ນບໍ່? ແຕ່ຈະໃຊ້ໄດ້ກໍຕໍ່ເມື່ອ ໃນໃຈລູກຄ້າຢາກຊື້ສິນຄ້າ ຢູ່ແລ້ວ ເຊັ່ນ: ການຊື້ລົດ ເມື່ອມີລູກຄ້າສົນໃຈຍ່າງເຂົ້າມາສູນຂາຍລົດ ແນ່ນອນວ່າ ລູກຄ້າ ຄົນນັ້ນ ກໍຕ້ອງຢາກໄດ້ລົດຢູ່ແລ້ວ ກໍລະນີນີ້ ເອີ້ນວ່າ  OH YES ເຮົາຈະເວົ້າແບບໃດລູກຄ້າກໍອາດຈະຕັດສິນໃຈຊື້ ຍິ່ງຖ້າເຮົາມີໂປຣໂມຊັນ ຫຼຸດແລກແຈກແຖມໃນໄລຍະນັ້ນ ລູກຄ້າຍິ່ງຕັດສິນໃຈຊື້ໄວ.  ແຕ່ຖ້າເປັນຈັດວາງສະແດງໂຊລົດຢູ່ໃນສູນການຄ້າແລ້ວ ລູກຄ້າມາຍ່າງເລາະເບິ່ງຊື່ໆ ອັນນີ້ເຂົາຈະບໍ່ເປັນກຸ່ມລູກຄ້າທີ່ຢາກຊື້ ເພາະເຫັນຜ່ານໆເລີຍຍ່າງເຂົ້າມາເບິ່ງ. ສຳລັບວິທີການເບິ່ງວ່າຈະເກີດການເຈລະຈາແບບ OH YES ຫຼືບໍ່ນັ້ນ ໃຫ້ສັງເກດເບິ່ງ ພຶດຕິກຳຄວາມຕັ້ງໃຈຂອງລູກຄ້າ ດ້ວຍການຕັ້ງຄຳຖາມວ່າແບບອ້ອມໆ ແລ້ວເຂົາກໍຈະຕອບເຮົາເອງ ເພາະອາດຈະບໍ່ມີໃຜທີ່ຢາກໃຫ້ຄົນຂາຍຮູ້ວ່າ ເຂົາຢາກໄດ້ສິນຄ້ານັ້ນທີ່ສຸດ ເຊັ່ນຖາມ: ສະບາຍດີ ມາຈາກໃສເນາະ ມາໄກບໍ່ ຫຼື ສະບາຍດີ ...

ການຮຽນຮູ້ ການຊອກຫາປະສົບການມາເພີ່ມ ໃຫ້ຕິດຕົວເຮົາໄປຕະຫຼອດນັ້ນເປັນສິ່ງທີ່ຫຼາຍຄົນຕ້ອງໃຝ່ຫາຢູ່ແລ້ວ ແລະ  ດຽວນີ້ເປັນເລື່ອງງ່າຍໆເທົ່ານັ້ນ ຖ້າເຮົາເປັນຄົນມີຄວາມຮູ້ຄວາມສາມາດ ບວກກັບຄວາມຕັ້ງໃຈເປັນທີ່ສຸດແລ້ວ ຜູ້ຂຽນຄິດວ່າ ຈະໄປສະໝັກທຶນຮຽນຢູ່ໃສ ເຮັດວຽກຢູ່ໃສ ກໍຕ້ອງມີຄວາມກ້າວໜ້າ ແລະ ປະສົບຜົນສຳເລັດແນ່ນນອນ. ເພາະເຫັນວ່າປັດຈຸບັນນີ້, ມີທຶນການສຶກສາຈາກຫຼາຍປະເທດແມ່ນເປີດໂອກາດໃຫ້ຄົນລາວ ມີສິດສະໝັກ ແລະ ໄດ້ຮັບທຶນໄປສຶກສາຕໍ່ໃນຫຼາຍລະດັບ ບໍ່ວ່າຈະເປັນການສຶກສາໃນໄລຍະສັ້ນ ຫຼື ລະດັບປະລິນຍາຕີ, ໂທ, ເອກ. ທຶນຮຽນຈາກປະເທດຝັງອາຊີເຮົາເອງ ຫຼື ປະເທດຝັງເອີຣົບ ຫໍເຫັນມີທຶນເຂົ້າຫຼາກຫຼາຍ.  ສະນັ້ນ, ມື້ນີ້ ຜູ້ຂຽນເລີຍເອົາຄວາມຮູ້ເລັກນ້ອຍໆ ທີ່ໄດ້ໄປອ່ານມາຈາກ blogspot ຂອງ phonesavanhder.blogspot.com  ແລະ  ຄິດວ່າຈະມີປະໂຫຍດຕໍ່ຫຼາຍໆຄົນທີ່ຈະໄປສຶກສາຕໍ່ຫາປະສົບການຢູ່ຕ່າງແດນແນ່ນອນ ເພື່ອກັບມາຊ່ວຍເຫຼືອພັດທະນາປະເທດ ແລະ ເຮັດຕົນເອງມີຊີວິດທີ່ດີຂຶ້ນໃນໜ້າທີ່ວຽກງານ. ໃນເວັບໄຊ ໄດ້ຂຽນວ່າ: ແນະນຳທຶນ YSEALI Professional Fellowship Program ພ້ອມທັງວິທີການສະໝັກທຶນນີ້. ມີເນື້ອໃນດັ່ງນີ້:  ສະບາຍດີ. ຂ້າພະເຈົ້າ ພອນສະຫວັນ ຈິນດາມະນີ ຫຼືເອີ້ນວ່າ #ນ້ອງຫວັນ ກໍໄດ້ເດີ. ຕອນນີ້ອາຍຸຫາກໍໄດ້ 26 ປີ. ປະຈຸບັນແມ່ນກຳລັງເຂົ້າຮ່ວມໂຄງການ YSEALI Professional Fellowship Program Fall 2018 ທີ່ ລັດ ມອນທານາ ...

ສະບາຍດີທ່ານຜູ້ອ່ານ ມື້ນີ້!!! ຜູ້ຂຽນຈະພາທຸກທ່ານໄປຮູ້ຈັກກັບ ນະວັດຕະກຳເຕັກໂນໂລຊີທີ່ລໍ້າໜ້າສຸດໆຂອງບໍລິສັດ  E-commerce  ລະດັບໂລກ.  ທີ່ສ້າງປະສົບການແປກໃໝ່ໃຫ້ກັບຜູ້ຄົນ ແລະ ຕອບໂຈດໃຫ້ກັບສັງຄົມຍຸກນີ້ເລີຍກໍວ່າໄດ້. ປັດດຈຸບັນ,  ເຕັກໂນໂລຊີແມ່ນສາມາດຊ່ວຍໃນການເຮັດທຸລະກິດໄດ້ດີສຸດໆ. ສະນັ້ນ, ເພື່ອເປັນແນວທາງດີໆໃຫ້ກັບຜູ້ປະກອບການ, ເຈົ້າຂອງທຸລະກິດ ຫຼື Startup ຢູ່ບ້ານເຮົາໄດ້ມີ ໄອເດຍສັງສັນຜົນງານ, ສ້າງທຸລະກິດຮູບແບບໃໝ່ໆທີ່ນຳໃຊ້ເຕັກໂນໂລຊີເຂົ້າມາຊ່ວຍ. ຈຶ່ງໄດ້ນຳເອົາ ທຸລະກິດຂອງຕ່າງປະເທດທີ່ກຳລັງໄດ້ຮັບຄວາມນິຍົມ ແລະ ກາຍເປັນ ບໍລິສັດທີ່ມີນະວັດຕະກຳທີ່ລໍ້າໜ້າທີ່ສຸດທີ່ທຸກຄົນອາດຄຸ້ນຫູ ແລະຮູ້ດີກໍມີຄື Amazon.com  ແຕ່ບໍ່ແມ່ນ ທຸລະກິດ ກາເຟ Amazon ເດີ້….. ຕະຫຼອດໄລຍະເວລາ 20 ປີຜ່ານມາ Amazon.com ຖືວ່າເປັນ ອີຄອມເມີດ  E-commerce ທີ່ປະສົບຄວາມສຳເລັດເປັນອັນດັບຕົ້ນໆໃນໂລກ ໃນຖານະຮ້ານຂາຍປຶ້ມອອນໄລ໌ ທີ່ມີປຶ້ມໃຫ້ເລືອກຊື້ຫຼາຍກວ່າລ້ານປົກ  ເຊິ່ງນອກຈາກປຶ້ມອ່ານແລ້ວ ແນວທາງຂອງ Amazon ຍັງໃຫ້ຄວາມສຳຄັນກັບເລື່ອງນະວັດຕະກຳເປັນທີ່ສຸດ ເຫັນໄດ້ຈາກການພັດທະນາເລື່ອງການອ່ານ E-Book ທີ່ມີຊື່ວ່າ  Kindle ທີ່ມີຟັງຊັນຄັກໆ ໃຫ້ກັບຄົນມັກອ່ານປຶ້ມ ແລະ ລະບົບ Cloud Computing Amazon Web Services ດ້ວຍປັດຍາການເຮັດທຸລະກິດຄວບຄູ່ໄປກັບນະວັດຕະກຳຂອງ Amazon ນັ້ນບໍ່ເຄີຍຢຸດ ດັ່ງນັ້ນ, ໃນປີ 2017 Amazon ໄດ້ຖືກຈັດອັນດັບໃຫ້ເປັນບໍລິສັດທີ່ມີຄວາມເປັນນະວັດຕະກຳຫຼາຍທີ່ສຸດ ອັນດັບ 1 ໂດຍການຈັດອັນດັບຈາກ ...

ແຈັກມ່າ ເປັນຄົນໜື່ງທີ່ປະສົບຄວາມສຳເລັດໃນດ້ານທຸລະກິດຫຼາຍທີ່ສຸດຄົນໜຶ່ຂອງໂລກກໍວ່າໄດ້ ແຈັກມ່າ ກໍ່ຕັ້ງບໍລິສັດ Alibaba ໃນປີ 1999 ຈົນປັດຈຸບັນ ກາຍເປັນໜຶ່ງໃນຄົນຈີນທີ່ລວຍທີ່ສຸດ ໃນຕອນນີ້ ທີ່ທຸກຄົນອາດຈະຮູ້ຈັກກັນດີແລ້ວ ແຕ່ຮູ້ບໍ່ວ່າ ແຈັກມ່າ ປະສົບຄວາມສຳເລັດໄດ້ແບບນີ້  ແມ່ນ ແຈັກມ່າ ໄດ້ຈົດບັນທຶກສິ່ງທີ່ ລາວເຮັດ ເຊິ່ງຖືກກັບອັດຕາການເຮັດທຸລະກິດຂອງຄົນປັດຈຸບັນຄື 70% ແມ່ນລົ້ມເຫຼວ ໃນເວລາ 20 ເດືອນທຳອິດຫຼັງຈາກທີ່ໄດ້ເງິນທຶນກ້ອນທຳອິດ ເຊິ່ງເກີດຈາກເຫດຜົນສຳຄັນຄື “ຂາດເປົ້າໝາຍ” ເຊິ່ງ ແຈັກມ່າ ເຄີຍກ່າວໃນງານ The International Monetary Fund and the World Bank  ກ່ຽວກັບສິ່ງທີ່ເຮັດໃຫ້ລາວປະສົບຄວາມສຳເລັດໄດ້ ກໍຄື:  “ການຕັ້ງຄຳຖາມກັບຕົວເອງ”  ບໍ່ວ່າຈະເປັນເດັກນ້ອຍ ຫຼື ຜູ້ໃຫຍ່ ພຽງແຕ່ຕັ້ງຄຳຖາມກັບຕົວເອງ 3 ຂໍ້ວ່ານີ້: ເຮົາມີຫຍັງ? ເຮົາຕ້ອງການຫຍັງ? ເຮົາຈະຍອມແພ້ໃຫ້ກັບສິ່ງໃດ? ຫຼາຍຄົນມັກບໍ່ໄດ້ຕັ້ງຄຳຖາມເຫຼົ່ານີ້ ຈຶ່ງເຮັດໃຫ້ຫຼາຍໆຄົນຄິດວ່າ ຕົນເອງຍັງມີບໍ່ຫຼາຍພໍທີ່ຈະສູ້ຕໍ່…ແລະ  ຢ່າຄິດວ່າ ເຮົາຈະປະສົບຄວາມສຳເລັດໃນປີໜ້າ ແຕ່ໃຫ້ຄິດວ່າເຮົາເຮັດເພື່ອໄວ້ອີກ 10 ຕໍ່ໜ້າ.  Alibaba ກໍບໍ່ໄດ້ປະສົບຄວາມສຳເລັດໄດ້ ໃນປີດຽວ 2 ປີ ...