Target Magazine
ຫຼາຍໆຄົນອາດຈະຮູ້ຈັກກັບຄຳນີ້ດີ ຫຼື ບາງຄົນກໍອາດເຄີຍໄດ້ຍິນຄົນອື່ນມັກເວົ້າເລື້ອຍໆໂດຍສະເພາະໃນເລື່ອງທຸລະກິດໃນຍຸກນີ້. E-Commerce (Electronic Commerce) ຫຼື ການຄ້າ ອີເລັກໂຕຣນິກ ໝາຍເຖິງການເຮັດທຸລະກິດທີ່ຜ່ານສື່ອີເລັກໂຕຣນິກ ເພື່ອໃຫ້ບັນລຸເປົ້າໝາຍທາງທຸລະກິດທີ່ອົງກອນໄດ້ຕັ້ງເປົ້າໝາຍໄວ້ ເຊັ່ນ: ການຊື້ຂາຍສິນຄ້າ ແລະ ການບໍລິການ, ການໂອນເງິນ ທາງອີເລັກໂຕຣນິກ, ການໂຄສະນາຜ່ານສື່ອີເລັກໂຕຣນິກ ບໍ່ວ່າຈະເປັນ ໂທລະພາບ, ວິທະຍຸ ແລະ ທາງອິນເຕີ້ເນັດ ເປັນຕົ້ນ….
ຈຸດເດັ່ນຂອງ E-Commerce ຄື ຊ່ວຍຫຼຸດຄ່າໃຊ້ຈ່າຍ ແລະ ເພີ່ມປະສິດທິພາບຂອງການດຳເນີນທຸລະກິດ. ໂດຍຊ່ວຍຫຼຸດບົດບາດຂອງອົງປະກອບທາງທຸລະກິດລົງໄດ້ເຊັ່ນ: ສະຖານທີຕັ້ງ, ສາງເກັບສິນຄ້າ, ຮ້ານຄ້າ ລວມເຖິງພະນັກງານຂາຍ, ພະນັກງານຕ້ອນຮັບ ເປັນຕົ້ນ…. ຈຶ່ງຫຼຸດຂໍ້ຈຳກັດຂອງໄລຍະທາງ ແລະ ເວລາລົງໄດ້ ຈຶ່ງບໍ່ກໍໃຫ້ເກີດເປັນອຸປະສັກຕໍ່ທຸລະກິດໄຮ້ພົມແດນອີກຕໍ່ໄປ.
E-Commerce ຊ່ວຍອຳນວຍຄວາມສະດວກໃຫ້ນັກທຸລະກິດໄດ້ຫຼາຍດ້ານດັ່ງນີ້:
1. ເຮັດວຽກແທນພະນັກງານຂາຍໄດ້ ໂດຍສາມາດເຮັດການຄ້າແບບອັດຕະໂນມັດ ໄດ້ຢ່າງວ່ອງໄວ.
2. ເຮັດໃຫ້ເປີດໜ້າຮ້ານຂາຍເຄື່ອງ ໃຫ້ຄົນທົ່ວໂລກໄດ້ ແລະ ສາມາດເປີດຂາຍໄດ້ທຸກມື້ຕະຫຼອດ 24 ຊົ່ວໂມງ ໂດຍບໍ່ມີເວລາປິດ ເຊັ່ນ: ການຂາຍໂດຍໃຊ້ລະບົບ Shopping Cart ເຮັດໃຫ້ລູກຄ້າສາມາດສັ່ງຊື້ສິນຄ້າໄດ້ຕະຫຼອດເວລາຜ່ານເວັບໄຊ.
3. ສາມາດເກັບເງິນປາຍທາງ ຫຼື ໂອນເງິນຄ່າສິນຄ້າເຂົ້າບັນຊີ ໄດ້ຕະຫຼອດ 24 ຊົ່ວໂມງ
4. ເຮັດໃຫ້ປະຢັດຄ່າໃຊ້ຈ່າຍ ໃນການຈັດພິມແຄັດຕາລ໋ອກ (ປຶ້ມຂາຍເຄື່ອງ) ອອກມາເປັນຫົວໄດ້ອີກ ແລະ ບໍ່ຕ້ອງມາເສຍເງິນ ແລະ ເວລາໃນການຈັດສົ່ງໃຫ້ລູກຄ້າທາງໄປສະນີອີກ.
5. ສາມາດເປັນໄດ້ທັງໜ້າຮ້ານ (Showroom) ຫຼືບູດວາງສະແດງສິນຄ້າ (Booth) ທີ່ມີຄົນທົ່ວໂລກເຫັນ ບໍ່ຕ້ອງເສຍເງິນ ເສຍເວລາ ໄປອອກງານວາງສະແດງໃນຕ່າງປະເທດ.
6. ສາມາດມາເພີ່ມປະສິດທິພາບ ການບໍລິຫານທຸລະກິດ ພາຍໃນອົງກອນເຮົາໄດ້ອີກ.
ປະເພດຂອງ E-Commerce
1. ການເຮັດການຄ້າລະຫວ່າງ Customer ກັບ Business ເຊັ່ນ: ລູກຄ້າຕ້ອງການຊື້ປຶ້ມກັບຮ້ານຄ້າ.
2. ການເຮັດການຄ້າລະຫວ່າງ Business ກັບ Business ເຊັ່ນ: ຮ້ານຂາຍປຶ້ມ ຕ້ອງການສັ່ງປຶ້ມກັບໂຮງພີມ.
3. ການເຮັດການຄ້າ ລະຫວ່າງ Business ກັບ Customer ເຊັ່ນ: ໂຮງພີມຕ້ອງການຊື້ຕົ້ນສະບັບຈາກຜູ້ຂຽນ.
4. ການເຮັດຫານຄ້າລະຫວ່າງ Customer ກັບ Customer ເຊັ່ນ: ຜູ້ບໍລິໂພກຕ້ອງການຂາຍລົດຂອງຕົນໃຫ້ກັບຜູ້ບໍລິໂພກທ່ານທີ່ສົນໃຈ.
ຂໍ້ດີ:
1. ເປີດດຳເນີນການຄ້າຂາຍໄດ້ 24 ຊົ່ວໂມງ
2. ເຮັດການຄ້າໄດ້ໂດຍບໍ່ມີພົມແດນ ກໍຄືທົ່ວໂລກ
3. ໃຊ້ງົບປະມານລົງທຶນໜ້ອຍ
4. ຕັດບັນຫາດ້ານການເດີນທາງ
5. ງ່າຍຕໍ່ການປະຊາສຳພັນໂດຍ ສາມາດປະຊາສຳພັນໄດ້ທົ່ວໂລກ
ຂໍ້ເສຍ:
1. ຕ້ອງມີລະບົບຮັກສາຄວາມປອດໄພທີ່ມີປະສິດທິພາບ
2. ຈຳເປັນຕ້ອງມີກົດໝາຍຮອງຮັບທີ່ມີປະສິດທິພາບ
3. ການດຳເນີນການດ້ານພາສີຕ້ອງຊັດເຈນ
4. ຜູ້ຊື້ ແລະ ຜູ້ຂາຍຈຳເປັນຕ້ອງມີຄວາມຮູ້ພື້ນຖານໃນເຕັກໂນໂລຊີທາງອິນເຕີເນັດ.
ຂໍ້ມູນຈາກ:
http://www.ohocode.com
http://blog.eduzones.com
