General

ແຈ້ງທຶນການສຶກສາລະດັບປະລິນຍາໂທ ປະຈໍາປີ 2019 ພາຍໃຕ້ທຶນຂອງອົງການຮ່ວມມືສາກົນເກົາຫລີ (KOICA)​ ທີ່ປະເທດ ສ.​ ເກົາຫລີ koica master’s degree program 2019?? ?? ?? ລາຍລະອຽດລຸ່ມນີ້:

ເວັບໄຊ​ທາ​ເກັດ ຈະ​ຂໍ​ນຳ​ສະ​ເໜີ 5 ​ທັດສະນະ​ຄະຕິ​ທີ່​ບໍ່​ຄວນ​ມີ​ ​ແລະ ບໍ່ຄວນ​ປະຕິບັດ ເຊິ່ງຈະເຮັດ​ໃຫ້​​ເພື່ອນ​ຮ່ວມ​ງານ​ເບິ່ງ​ຕົນ​ເອງ​ໃນ​ແງ່​ລົບ. ​ເຮັດ​ວຽກ​ໂດຍ​​ໃຊ້​ອຳນາດ​ ​ແລະ ຕຳ​ແໜ່​ງໜ້າ​ທີ່: ເປັນ​ເລື່ອງ​ທີ່​ຄົນ​ສ່ວນ​ຫຼາຍ​ບໍ່​ມັກທີ່ຈະຖືກຄົນທີ່ຢູ່ເໜືອກວ່າ “ສັ່ງ ຫຼື ບັງຄັບ” ໃຫ້ຄົນທີ່ຢູ່ຕຳແໜ່ງນ້ອຍກວ່າເຮັດຫຍັງໂດຍທີ່ບໍ່ໄດ້ຕົກລົງຮ່ວມກັນມາ​ກ່ອນ ແຕ່ໃນຄວາມເປັນຈິງເຫດການ​ລັກສະນະ​​​ນີ້ຈະ​ເກີດ​ຂຶ້ນ​ ເລື້ອ​ຍໆ​ຈາກ​ທີ່​ຫຼາຍໆ​ຄົນ​ໄດ້​ເປັນ​ຜູ້​ບັງ​ຄັບ​ບັນຊາ ບາງ​ຄົນ​ມີ​ຕຳ​ແໜ່​ງສູງ​ກໍ​ຮູ້ສຶກ​ວ່າ “​ເຮັດ​ຫຍັງ​ກໍ​ໄດ້” ຈົນ​ກາຍ​ເປັນ​ຄົນ​ເຈົ້າ​ອຳນາດ​ຈົນ​ລຶມຄິດ​ເຖິງ​ຄົນ​ທີ່ຢູ່​​ຕຳ​ແໜ່​ງນ້ອຍ​ກວ່າ ຜົນ​ທີ່​ຕາມ​ມາ​ຄື​ການ​ສູນ​ເສຍ​ຄວາມ​ໄວ້​ໃຈ, ຄວາມ​ເຊື່ອ​ໝັ້ນ​ ຕະຫຼອດ​ໄປ​ຈົນ​ເຖິງ​ຄວາມເຄົາລົບນັບຖື. 2. ​ເຮັດ​ວຽກ​ໂດຍ​ຫວັງ​ແຕ່​ຜົນ​ປະ​ໂຫຍ​ດ: ຄົນ​ເຮັດ​ວຽກທຸກ​ຄົນ​ຕ່າງ​ກໍ​ລ້ວນ​ຕ້ອງການ​​ຈະ​ມີຄ່າ​ຕອບ​ແທນ​ໄປ​ໃຊ້​ໃນ​ຊີວິດ​ປະຈຳ​ວັນ ​ແຕ່​ການ​ຕັ້ງໜ້າ​ຕັ້ງ​ຕາ​ຄິດ​ແຕ່​ເລື່ອງ​ລາຍ​ໄດ້, ​ເງິນ​ເດືອນ, ​ໂບນັດ ​ແລະ ມີ​ແຕ່​ຈົ່ມ​​ ເມື່ອ​ບໍ່ພໍ​ໃຈ​​ກັບ​ຜົນ​ປະ​ໂຫຍ​ດດັ່ງກ່າວ ສິ່ງ​ເຫຼົ່າ​ນີ້​​ເຮັດ​ໃຫ້ຄົນ​ອື່ນ​​ເບິ່ງ​​ໄປໃນ​ແງ່​ລົບ, ​ເຖິງ​ແມ່ນ​ວ່າ​ເຮົາຈະ​ເຮັດ​ວຽກ​ເພື່ອ​ເງິນ​ເດືອນ ​ແຕ່​ຄຸນຄ່າ​ຂອງ​ການ​ເຮັດ​ວຽກ​ກໍ​ບໍ່​ແມ່ນ​ວ່າ​ຈະ​ຕ້ອງ​ຕັດສິນ​ດ້ວຍ​ເງິນ​ສະ​ເໝີ​ໄປ, ຄົນ​ເຮັດ​ວຽກ​ເກັ່ງໆ​ຫຼາຍ​ຄົນ​ຈະສົນ​ໃຈ​ເຖິງ​ກາ​ນ​​ເຮັດ​ວຽກ​ທີ່ຢູ່​ຕໍ່ໜ້າ​ໃຫ້​ດີ​ທີ​ສຸດ, ການ​ໄດ້​ມີຜົນງານ​, ການ​ໄດ້​ໃຊ້​ຄວາມ​ສາມາດ​ເຮັດ​ໃນ​ສິ່ງ​ທີ່​ຕົນ​ເອງ​ຮັກ​​ ເຊິ່ງຈະ​ເຮັ​ດ​ໃຫ້​ຄົນ​ອື່ນໆ​ນັບຖື​ໄວ້​ວ່າງ​ໃຈ. 3. ​ເຮັດ​ວຽກ​​ເພື່ອໃຫ້ພໍແລ້ວ​ໄປ: ຄົນ​ແບບນີ້ຫົວໜ້າ​ຈະ​ເບື່ອ ​ແລະ ​ເມື່ອ​ຍ​ໃຈ​ພໍ​ສົມຄວນ​ຄືເຮັດວຽກ​ໂດຍ​ບໍ່​ໄດ້​ມີ​ຄວາມ​ຕັ້ງ​ໃຈ​ເຮັດ​ວຽກຢ່າງ​​ເຕັມຮ້ອຍ, ​ເຮັດ​ວຽກ​ໃຫ້​ສຳ​ເລັດ​​​​​ເພື່ອກັບ​​ໄປເຮື​ອນ ​ແນ່ນອນ​ມັນ​ອາດ​ຈະ​ຖືວ່າ​ເຮັດ​ວຽກສຳ​ເລັດ ​ແຕ່​ມັນ​ເຮັດ​ໃຫ້​ຄົນ​ອື່ນ​ທີ່​ເບິ່ງ​ນັ້ນ​ຮູ້ສຶກ​ໄດ້​ວ່າ​ບໍ່​ໄດ້​ໃສ່​ໃຈ ຫຼື ​ໃຫ້​ຄວາມ​ສຳຄັນ​ກັບ​ວຽກ ​ແລະ ສິ່ງ​ທີ່​ຕາມ​ມາ​ຄື​ການ​ຂາດ​ຄວາມ​ຮັບຜິດຊອບ, ຂາດ​ການ​ເບິ່ງ​ລາຍ​ລະອຽດ​ໃຫ້​ຖີ່​ຖ້ວນ ​ເຊິ່ງກໍ​ຈະ​ບໍ່​​ແປກ​ໃຈ​ເລີຍ​ທີ່​ຫົວໜ້າຈະ​ບໍ່​​ສົ່ງ​ວຽກ​ສຳຄັນ​ໃຫ້ກັບ​ຄົນ​​ເຫຼົ່າ​ນັ້ນ​ເຮັດ. 5. ​ເຮັດ​ວຽກ​ແບບ​ບໍ່​​ຄິດ​ຈະ​ເມື່ອ​ຍ ຫຼື ລຳບາກ: ໃຜໆ​ກໍ​ລ້ວນ​ແຕ່​ຮັກ​ສະບາຍ ​ແຕ່​ຖ້າ​ຈະ​ຮັກ​ສະບາ​ຍຈົນບໍ່​ຍອມ​ເມື່ອຍ​ເລີຍ ​ເມື່ອ​ພົບ​ກັບ​ວຽກ​ງານໜັກຫຼາຍກໍ​ຈົ່ມ​ແລ້ວ​ປະຕິເສດ​ ...

ທີມນກວິໄຈຈາກມະຫາວິທະຍາໄລ New York ແລະ Princeton ໄດ້ເປີດເຜີຍຜົນວິໄຈ ສຳຫຼວດກຸ່ມຕົວຢ່າງຊາວອາເມລິກາ 3.500 ຄົນ ພົບວ່າ ໄວກຸ່ມຄົນທີ່ແຊຣ໌ຂ່າວປອມຫຼາຍທີ່ສຸດຄືກຸ່ມອາຍຸ 65 ປີຂຶ້ນໄປ. ການທີ່ຈະຕັດສິນວ່າ ຂ່າວໃດປອມນັ້ນ ທີມງານໄດ້ກວດສອບລິ່ງຈ່າວທີ່ຖືກແຊຣ໌ ທຸກລິ່ງ ແລະ ຍັງສົມທຽບກັບລາຍຊື່ບັນຊີດຳທີ່ລວມຊື່ເວັບໄຊຂ່າວປອມໃນອາດີດ ເຊິ່ງລວລວມໂດຍ  Craig Silverman ນັກຂ່າວຂອງ BuzzFeed. ຜົນສຳຫຼວດຄື ຜູ້ອາຍຸສູງ ຊາວອາເມລິກັນເຫຼົ່ານີ້ ແຊຣ໌ຂ່າວປອມຫຼາຍເຖິງ 11% ສ່ວນກຸ່ມໄວທີ່ແຊຣ໌ຂ່າວປອມໜ້ອຍທີ່ສຸດໃນສະຫະລັດຄື ຄົນອາຍຸ 18-29 ປີ ເຊິ່ງມີພຽງ 3% ເທົ່ານັ້ນ. ທີ່ມາ: https://www.theverge.com/2019/1/9/18174631/old-people-fake-news-facebook-share-nyu-princeton https://gadgets.ndtv.com/social-networking/news/facebook-helps-reunite-siblings-after-65-years-317237

ເຟສບຸກ “FaceBook” ກາຍເປັນສື່ສັງຄົມອອນໄລ໌ທີ່ຄົນເຮົາສ່ວນຫຼາຍນັບທັງແອັດມິນເອງກໍຕິດໂລກອອນໄລ໌ເປັນທີ່ສຸດ 5555 ຫຼາຍຕໍ່ຫຼາຍຄົນເຖິງຂັ້ນຕ້ອງໄດ້ເປີດໂທລະສັບມືຖືສະມາດໂຟນເລື່ອນເບິ່ງໜ້າຟີດຂ່າວເຟສບຸກຢູ່ຕະຫຼອດເວລາ ແບບວ່າປາສະຈາກໄປ ບໍ່ໄດ້ ບໍ່ວ່າຈະເຂົ້າຫ້ອງນໍ້າ, ກິນເຂົ້າ, ກ່ອນນອນ…..ຈົນມັນກາຍເປັນສ່ວນໜຶ່ງຂອງກິດຈະວັດປະຈຳວັນໃນການໃຊ້ຊີວິດຂອງຄົນເຮົາໄປແລ້ວ. ມີລາຍງານວິໄຈຈາກ New York University and Stanford ຊີ້ໃຫ້ເຫັນວ່າ ຜູ້ໃຊ້ເຟສບຸກຈະມີຄວາມສຸກກັບການໃຊ້ຊີວິດຫຼາຍຂຶ້ນ ແລະ ມີຄວາມວິຕົກກັງວົນ,​ຄິດຫຼາຍ, ຄວາມຄຽດໜ້ອຍລົງ ຈາກການຢຸດຫຼິ້ນເຟສບຸກ ເພາະພວກເຂົາ ມີກິດຈະກຳຫຼາຍສິ່ງຫຼາຍຢ່າງທີ່ຕ້ອງເຮັດ ບໍ່ວ່າຈະເປັນການພົບປະກັບໝູ່ເພື່ອນ, ທ່ອງທ່ຽວກັບຄອບຄົວ ແລະ ເບິ່ງໂທລະພາບ ໂດຍບໍ່ຕ້ອງເສຍເວລາກັບການຕິດຕາມຂ່າວຄາວຕ່າງໆທີ່ຫຼາກຫຼາຍໃນໜ້າຟີດຂ່າວ ທີ່ມີຂ່າວດີແດ່ບໍ່ດີແດ່, ມີທັງໂຄສະນາທີ່ລໍໜ້າລໍຕາລໍໃຈເຮັດໃຫ້ເຮົາຢາກຊື້ສິນຄ້ານັ້ນນີ້ ມາໃຫ້ຄິດແບບເຈັບຫົວ. ແຕ່ຜົນວິໄຈນີ້ ກໍບໍ່ໄດ້ໂນ້ມນ້າວໃຈໃຫ້ຄົນລົບເຟສບຸກອອກຈາກມືຖື ເນື່ອງຈາກຜົນວິໄຈນີ້ຍັງມີຫຼາຍເລື່ອງທີ່ຕ້ອງພິຈາລະນະ ໂດຍ  TechCrunch ທີ່ມາ: https://www.blognone.com/node/107892

ໃນມື້ວັນແຫ່ງຄວາມຮັກ Valentine’s  day ຜູ້ຄົນສ່ວນຫຼາຍຄິດແຕ່ວ່າ ເປັນຄວາມຮັກຂອງບ່າວສາວ, ຄູ່ຮັກ, ໝູ່ເພື່ອນ ຫຼື ຄອບຄົວແມ່ນບໍ່? ແຕ່ສຳລັບເທສະການແບບນີ້ ຜູ້ປະກອບການຕ່າງໆ ບໍ່ວ່າຈະເປັນການບໍລິການ ຫຼື ເຈົ້າຂອງແບຣນ ກໍສາມາດໃຫ້ຄວາມຮູ້ສຶກວ່າ ລູກຄ້າເປັນຄົນຮັກ ແລະ ເປັນຄົນພິເສດຂອງເຮົາກໍໄດ້ເຊັ່ນດຽວກັນ. ມື້ນີ້ ເຮົາຈະແນະນຳ  5 ວິທີງ່າຍໆ ມາໃຫ້ຜູ້ປະກອບ ແລະ ເຈົ້າຂອງທຸລະກິດ ເຈົ້າຂອງແບຣນສິນຄ້າ ໄດ້ບອກຮັກລູກຄ້າ ແລະ ສ້າງຄວາມຮູ້ສຶກດີໆ ສ້າງ Brand Loyalty ໃຫມ່ໆ ຂຶ້ນມາໄດ້ດ້ວຍການບອກຮັກໃນແບບຜູ້ປະກອບການ. 1. Write a card ຄື ການທີ່ທ່ານສົ່ງກຣາດອວຍພອນໃຫ້ກັບລູກຄ້າໃນວັນສຳຄັນແຕ່ກຣາດທີ່ທ່ານສົ່ງໄປນັ້ນ ຄວນຈະເປັນກຣາດທີ່ຂຽນດ້ວຍລາຍມື ເພາະຈະເຮັດໃຫ້ລູກຄ້າຮູ້ສຶກເຖິງຄວາມໃສ່ໃຈຂອງທ່ານທີ່ມີຕໍ່ລູກຄ້າເຊັ່ນ: ການຂຽນກຣາດວັນວາເລັນທາຍມອບໃຫ້ກັບລູກຄ້າແນບໄປພ້ອມກັບສິນຄ້າທີ່ຊື້ໃນໄລຍະເທສະການແບບນີ້. 2. Send some sweet ຄື ການສົ່ງຂະໜົມ ໄປໃຫ້ກັບລູກຄ້າປະຈຳ ຫຼື ລູກຄ້າ VIP ເຊັ່ນ: ການສົ່ງຊ໋ອກໂກແລັດໃຫ້ກັບລູກຄ້າໃນວັນວາເລັນທາຍ ຫຼື ໝາກກ້ຽງ 4 ໜ່ວຍ ໃສ່ຖົງແດງໃນມື້ກຸດຈີນ ເພື່ອໃຫ້ລູກຄ້າຮູ້ສຶກວ່າ ເຂົາເປັນຄົນພິເສດ ແລະ ...

ແນ່ນອນຢູ່ແລ້ວວ່າ ທຸລະກິດໃດໜຶ່ງ ກໍຈະຕ້ອງໄດ້ຜ່ານໄລຍະເວລາຕ່າງໆ ມີຈຸດເລີ່ມຕົ້ນ, ປະສົບພົບພໍ້ກັບບັນຫາ, ມີການຂະຫຍາຍຕົວໄວ ແລະ ປະສົບຜົນສຳເລັດໃນລະດັບໜຶ່ງຢູ່ແລ້ວ ແລະ  ແນ່ນອນທຸລະກິດເຫຼົ່ານີ້ຕ້ອງໄດ້ພົບທັງເລື່ອງດີ ແລະ ອຸປະສັກ ທີ່ເປັນປະສົບການອັນລໍ້າຄ່າ ເປັນບົດຮຽນທີ່ບໍ່ມີໃນປຶ້ມຮຽນ ແລະ ສອນໃນໂຮງຮຽນມາກ່ອນ ແລະ ບໍ່ສາມາດຊື້ໄດ້ຕາມຕະຫຼາດທົ່ວໄປ. ແຕ່ຖ້າຄວາມຮູ້ເຫຼົ່ານັ້ນ ຖືກຖ່າຍທອດໂດຍຜູ້ປະກອບການຕົວຈິງ ຫຼື ຜູ້ມີປະສົບການຕົວຈິງ ບົດຄວາມນັ້ນອາດຈະເປັນບົດທີ່ດີ ແລະ  ຜົນທີ່ຕາມມາ ເຮັດໃຫ້ມີຜູ້ຕິດຕາມ ມີແຟນຄຣັບຮູ້ຈັກ ແລະ ເຂົ້າເຖິງແບຣນຂອງທ່ານຫຼາຍຂຶ້ນ. ເບື້ອງຫຼັງຂອງຄວາມສຳເລັດຂອງທຸລະກິດ ເຊື່ອວ່ານັກທຸລະກິດຫຼາຍທ່ານຕ້ອງໄດ້ປະສົບພົບພໍ້ເລື່ອງລາວຕ່າງໆຫຼາກຫຼາຍແບບ ທັງດ້ານດີ ແລະ ດ້ານລົບ ລ້ວນແຕ່ເປັນປະສົບການອັນລໍ້າຄ່າ ແທນທີຈະປ່ອຍໃຫ້ຜ່ານໄປຕາມເວລາ ແຕ່ຖ້າຫາກຜູ້ປະກອບການ ຫຼື ນັກທຸລະກິດ ໄດ້ນຳເອົາປະສົບການ, ແນວຄິດ, ໄອເດຍ ລວມເຖິງກົນລະຍຸດທາງການຕະຫຼາດຂອງຕົນເອງທີ່ມີຢູ່ນັ້ນ ມາຖ່າຍທອດຜ່ານຕົວໜັງສື ສ້າງເປັນບົດຄວາມ ອາດຈະສາມາດຊ່ວຍໃຫ້ຜູ້ຄົນອີກຫຼາຍຄົນທີ່ກຳລັງປະສົບບັນຫາຄືກັນກັບທ່ານໄດ້ຮັບປະໂຫຍດ ແລະ ຍັງໄດ້ສ້າງໂອກາດໃຫ້ກັບທ່ານ ໃນການສ້າງ ແບຣນດິ້ງ ເຊິ່ງ ແບຣນດິ້ງໃນນີ້ຈະຄວບຄຸມເຖິງທຸລະກິດທ່ານ ແລະ ແບຣນດິ່ງຕົວຂອງທ່ານພ້ອມ. ສ້າງແບຣນດິ້ງດ້ວຍການຂຽນ ໄດ້ແບບໃດ?. ຜູ້ບໍລິໂພກຫຼາຍໆຄົນອາດຈະຮູ້ຈັກແບຣນທ່ານ ຫຼື ເຄີຍໃຊ້ບໍລິການທຸລະກິດຂອງທ່ານ ແຕ່ພວກເຂົາອາດຈະບໍ່ຮູ້ເບື້ອງຫຼັງຄວາມເປັນມາຂອງທຸລະກິດ ...

ກະປ໋ອງເບຍລາວ Limited Edition  ປີໃໝ່ລາວ 2562 ໃນປີ 2019 ນີ້ບໍລິສັດເບຍລາວຍັງຄົງສືບຕໍ່ມີສ່ວນຮ່ວມໃນການ​ສະ​ເຫຼີມ​ສະຫຼອງບຸນປີໃໝ່ລາວໃຫ້ຄຶກຄື້ນມ່ວນຊື່ນ ໂດຍຜ່ານການຈັດກິດຈະກຳທີ່ໜ້າຕື່ນເຕັ້ນຢ່າງຫຼວງຫຼາຍ ແລະ ຍັງເປີດໂຕກະປ໋ອງປີໃໝ່ລາວລຸ້ນພິເສດ ເພື່ອໃຫ້ຜູ້ບໍລິໂພກໄດ້ສະສົມ ແລະ ສະເຫຼີມສະຫຼອງປີໃໝ່ລາວໄປພ້ອມໆກັນ. ຮູບແບບຂອງກະປ໋ອງເບຍລາວປີນີ້ ຍັງຄົງເນັ້ນການນຳເອົາກິດຈະກຳເດັ່ນໆ ໃນການສະເຫຼີມສະຫຼອງບຸນປີໃໝ່ລາວມາເປັນແຮງບັນດານໃຈໃນການອອກແບບ. Beerlao Limited Edition Can 2019 ມີໃຫ້ທ່ານໄດ້ເລືອກສະສົມເຖິງ 3 ລວດລາຍຄື:  ຮູບໄວໜຸ່ມຜູ້ຊາຍທີ່ກໍາລັງດີດກີ້ຕ້າຢູ່ນັ້ນ: ເພື່ອສື່ເຖິງຄວາມມ່ວນຊື່ນແລະບົ່ງບອກໃຫ້ເຫັນເຖິງຄົນລາວທີ່ມີດົນຕີເປັນສື່ກາງໃນການສະເຫຼີມສະຫຼອງ ບຸນປະເພນີຕ່າງໆ ແລະ ເພື່ອໃຫ້ແທດເໝາະກັບຍຸກສະໄໝເຮົາຈຶ່ງໄດ້ເລືອກໃຊ້ເຄື່ອງດົນຕີສາກົນໃຫ້ເປັນຕົວແທນ. 2 ຮູບແມ່ຍິງຍໍມືນົບເພື່ອບົ່ງບອກເຖິງຂະໜົບທໍານຽມ ຄວາມຮູ້ບຸນຄຸນ ແລະ ການນອບໜ້ອມຖ່ອມຕົນ, ມີເອກະລັກຈົບງາມຂອງຄົນລາວ. 3 ຮູບຄົນກໍາລັງຫົດນໍ້າ: ທີ່ສະແດງໃຫ້ເຫັນເຖິງບຸນປະເພນີອັນດີງາມ ທີ່ມີເອກກະລັກສະເພາະໂຕຂອງປວງຊົນລາວທີ່ພົ້ນເດັ່ນ ທີ່ດຳລົງມາຕັ້ງແຕ່ຄົນສະໄໝກ່ອນຈົນມາຮອດປະຈຸບັນ. ກິດຈະກຳທັງໝົດທີ່ທາງບໍລິສັດເບຍລາວໄດ້ເຮັດນີ້ ແມ່ນສອດຄ່ອງກັບປະເພນີ, ວັດທະນະທຳ ແລະ ລະບຽບກົດໝາຍຂອງລັດ ພ້ອມທັງຍາມໃດບໍລິສັດກໍຄຳນືງເຖີງຄວາມຮັບຜິດຊອບຂອງບໍລິສັດທີ່ມີຕໍ່ສັງຄົມ ຢາກເຫັນຄົນລາວ ແລະປະເທດຊາດນັບມື້ນັບເຂັ້ມແຂງຈະເລີນຮຸ່ງເຮືອງ ສ້າງໃຫ້ຄົນລາວ ພູມໃຈໃນສີ່ງທີ່ເຮົາມີ, ພູມໃຈໃນປະເທດລາວ ແລະພູມໃຈໃນສິນຄ້າຂອງລາວເຮົາ. ໃນປີ 2018 ເປັນປີທີ ບໍລິສັດ ເບຍລາວ ​ຄົບ​ຮອບ 45 ປີ. ...

ບໍລິສັດຍັກໃຫຍ່  ໄອທີໂລກ  Microsoft, Google, Facebook   ແຫ່ພາກັນລົງທຶນຫຼາຍຮ້ອຍລ້ານໂດລາ ເພື່ອສ້າງເຮືອນ ແລະ ທີ່ຢູ່ອາໄສ ລາຄາຖືກ ໃນເມືອງທີ່ຕັ້ງສຳນັກງານໃຫຍ່ຂອງບໍລິສັດຂອງຕົນເອງ ໂດຍທັງໝົດນີ້ມີໃຫ້ປະຊາຊົນທົ່ວໄປໃນເມືອງ ບໍ່ໄດ້ຈຳກັດສະເພາະພະນັກງານ, ພ້ອມທັງໃຫ້ສິນເຊື່ອກູ້ຍືມ ແລະ ຍັງມີເງິນຊ່ວຍເຫຼືອຄົນທຸກຍາກ ຂາດທີ່ຢູ່ອາໄສ ອີກດ້ວຍ. ຫວັງວ່າຈະຫຼຸດອາສະຍາກຳອ້ອມຮອບສຳນັກງານໃຫຍ່ ແລະ ຫຼຸດຄ່າຄອງຊີບລົງ  ມີຜົນດີທາງອ້ອມພະນັກງານທີ່ມີລາຍໄດ້ໜ້ອຍອີກດ້ວຍ. ໃນ ອາເມລິການັ້ນ ທຸລະກິດໄອທີມັກຈະມີການຈ່າຍເງິນເດືອນສູງກວ່າພາກອື່ນໆ ສົ່ງຜົນໃຫ້ເມືອງທີ່ຕັ້ງສຳນັກງານໃຫຍ່ຂອງບໍລິສັດເຫຼົ່ານັ້ນ ມັກມີຄ່າຄອງຊີບສູງ ແລະ ລາຄາເຮືອນ ແລະ ຄ່າເຊົ່າຫ້ອງພັກກໍລາຄາແພງຂຶ້ນໄປນຳ. ສຸດທ້າຍກໍສົ່ງຜົນກະທົບຕໍ່ຜູ້ທີມີລາຍໄດ້ໜ້ອຍ-ປານກາງ ໃນເຂດນັ້ນໆເຊັ່ນ:ເກີດມີບັນຫາປາກົດການຫຍໍ້ທໍ້, ເກີດອະສະຍາກຳ, ປຸ້ນຈີ່ຊິງຊັບ ແລະ ເຮັດໃຫ້ພະນັກງານທີ່ມີລາຍໄດ້ຕໍ່າຂອງບໍລິສັດເຫຼົ່ານັ້ນເອງກໍມີຄ່າຄອງຊີບສູງ. ນີ້ຄືເຫດຜົນຫຼັກໆທີ່ ບໍລິສັດໄອທີຍັກໃຫຍ່ ສ້າງທີ່ຢູ່ອາໄສ.  ລ່າສຸດ Microsoft  ເຊິ່ງມີສຳນັກງານໃຫຍ່ໃນເມືອງ  Seattle ລັດວໍຊິງຕັນ ໄດ້ມີການລົງທຶນ 500 ລ້ານໂດລາ ຮ່ວມສ້າງທີ່ຢູ່ອາໄສລາຄາປະຫຍັດໃນເມືອງ Seattle. ນອກຈາກນັ້ນ,​ຍັງມີການໃຫ້ເງິນກູ້ສິນເຊື່ອ ແລະ ໃຫ້ເງິນຊ່ວຍເຫຼືອຄົນບໍ່ມີເຮືອນຢູ່ອີກດ້ວຍ. ໃນໄລຍະ 8 ປີຜ່ານມາ ລາຄາເຮືອນໃນເມືອງຊິແອດເຕີນ ມີລາຄາສູງເພີ່ມຂຶ້ນ ສົ່ງຜົນເຖິງຄ່າເຊົ່າເຮືອນ ແລະ ຫ້ອງເຊົ່າຕ່າງໆ ສ່ວນບໍລິສັດອື່ນໆກ່ອນນີ້ກໍມີ Google ທີ່ຮ່ວມກັບບໍລິສັດອະສັງຫາລິມະຊັບ ແລະ ...

ເຊື່ອວ່າຫຼາຍຄົນ ກໍມັກຈະພົບບັນຫາດຽວກັນ ທີ່ເຮົາຄຼິກເຂົ້າໄປອ່ານຂໍ້ມູນ ຫຼືເບິ່ງຄຼິບວີດີໂອຕ່າງໆ ກໍມັກຈະມີໂຄສະນາເດັ່ງຂຶ້ນມາ ຫຼື ມີໂຄສະນາເຕັມໜ້າເວັບ ໃຫ້ກົດອອກແບບນ່າເບື່ອນ່າເບື່ອແມ່ນບໍ່? ແຕ່ຕໍ່ໄປນີ້ ເຮົາທຸກຄົນຈະບໍ່ພົບບັນຫານີ້ອີກຕໍ່ໄປ ເນື່ອງຈາກ Google Chrome ຈະມີການບ໋ອກໂຄສະນາທີ່ນ່າລຳຄານ ຢູ່ໃນເວັບທົ່ວໂລກ ໃນວັນທີ 9 ກໍລະກົດ 2019 ນີ້. ບາວເຊີ້ ມະຫາຊົນ Google Chrome ໄດ້ມີການເປີດຕົວລະບົບລ໋ອກໂຄສະນາທີ່ສ້າງຄວາມນ່າລຳຄານ ນ່າເບື່ອ ອອກຈາກເວັບໄຊຕ່າງໆ ໂດຍໄດ້ເລີ່ມຕົ້ນນຳໃຊ້ຢູ່ໃນ ອາເມລິກາເໜືອ ແລະ ເອີຣົບ ແລ້ວໃນປີຜ່ານມາ ແລະ ລ່າສຸດປະກາດຈະໃຊ້ຟີເຈີນີ້ທົ່ວໂລກໃນວັນທີ 9 ກໍລະກົດ 2019 ນີ້. ຕົວຢ່າງໂຄສະນາ ທີ່ມີຄວາມສ່ຽງຈະຖືກບ໋ອກເຊັ່ນ:  1. ໂຄສະນາ pop-up ບັງພື້ນທີ່ໜ້າຈໍ ເດືອດຮ້ອນຜູ້ອ່ານຕ້ອງກົດປິດ 2. ໂຄສະນາທີ່ມີສຽງໂດຍຜູ້ໃຊ້ຍັງບໍ່ໄດ້ກົດເປີດໃຫ້ຫຼິ້ນ 3. ໂຄສະນາທີ່ບັງຄັບໃຫ້ເບິ່ງ ແລະ ມີການນັບຖອຍຫຼັງເຖິງ 0 ຈຶ່ງສາມາດປິດໄດ້. 4. ໂຄສະນາທີ່ໃຫຍ່ກິນພື້ນທີ່ເຄິ່ງໜ້າເວັບຂຶ້ນໄປ. 5. ໜ້າເວັບທີ່ມີໂຄສະຫຼາຍສິນຄ້າເກີນໄປ ກິນເນື້ອທີ່ເກີນ 30% ຂອງໜ້າເວັບ. 6. ໂຄສະນາໜ້າເວັບສຳລັບມືຖື ຫຼື ...

ສະບາຍດີທ່ານຜູ້ອ່ານ ແລະ ຕິດຕາມເວັບໄຊ ທາເກັດເປັນປະຈຳ ດັ່ງທີ່ເຮົາຮູ້ກັນແລ້ວວ່າ ປະເທດລາວເຮົາກຳລັງຈະມີລົດໄຟຟ້າຄວາມໄວສູງ ເປັນອີກເສັ້ນທາງໜຶ່ງໃນການຄົມມະນາຄົມຜູ້ໂດຍສານ ຫຼື ສິນຄ້າຕ່າງໆຈາກຈີນມາລາວ ຈາກລາວໄປຈີນ ແລະ ໄປປະເທດອື່ນໆໄດ້ຢ່າງສະດວກສະບາຍນັ້ນເອງ, ແຕ່ກ່ອນຈະມີໂຄງການນີ້ ຈົນມີການກໍ່ສ້າງ ແລະ ຄາດວ່າຈະໄດ້ນຳໃຊ້ໃນທ້າຍປີ 2020 ກໍໄດ້ມີສຽງວິພາກວິຈານໄປຕ່າງໆນາໆ. ບາງຄົນໃຫ້ທັດສະນະຄະດີດ້ານບວກວ່າ ປະເທດລາວຈະໄດ້ຜົນປະໂຫຍດຫຼາຍຢ່າງຈາກໂຄງການລົດໄຟຟ້າລາວ-ຈີນນີ້ ແລະ ກໍມີບາງຄົນຄິດລົບວ່າລາວມີການເສຍປຽບຫຼາຍຢ່າງໃນໂຄງການນີ້ ແຕ່ມື້ນີ້ ທາງຜູ້ຂຽນໄດ້ເຫັນໂພສໜຶ່ງທີ່ຂຽນໂດຍ ພ.ສະຫວັນ ໃນເພສຂອງ     Lao Army – ທະຫານລາວ  ຈາກຜູ້ຮູ້ທີ່ໄດ້ມີໂອກາດໄດ້ສຶກສາກ່ຽວກັບໂຄງການລົດໄຟ ລາວ-ຈີນ ນີ້ …ຈຶ່ງຈະນຳຂໍ້ມູນທີ່ທຸກທ່ານອາດຈະບໍ່ຮູ້ມາໃຫ້ທຸກທ່ານໄດ້ອ່ານ ແລະ ພິຈາລະນາກັນ. 1.ທາງລົດໄຟລາວ-ຈີນ ເປັນການຮ່ວມມືຫຸ່ນສ່ວນກັນລະຫວ່າງ ລາວ ແລະ ຈີນ ໂດຍລາວ 30% ຈີນ 70%…ມູນຄ່າການກໍ່ສ້າງທັງໝົດ 5,965 ລ້ານໂດລາ. ໃນນັ້ນລາວຮ່ວມທຶນກໍ່ສ້າງພຽງ 730 ລ້ານໂດລາ ເຫຼືອນັ້ນຈີນອອກເອງໝົດ (ໄລຍະຄືນທຶນ 35 ປີ ນັບແຕ່ມື້ກໍ່ສ້າງໄປ)…ໃນສ່ວນຂອງລາວ 730 ລ້ານໂດລານັ້ນ ທາງລາວສາມາດຈ່າຍໄດ້ 250 ລ້ານໂດລາ ...