Target Magazine
ກະປ໋ອງເບຍລາວ Limited Edition ປີໃໝ່ລາວ 2562
ໃນປີ 2019 ນີ້ບໍລິສັດເບຍລາວຍັງຄົງສືບຕໍ່ມີສ່ວນຮ່ວມໃນການສະເຫຼີມສະຫຼອງບຸນປີໃໝ່ລາວໃຫ້ຄຶກຄື້ນມ່ວນຊື່ນ ໂດຍຜ່ານການຈັດກິດຈະກຳທີ່ໜ້າຕື່ນເຕັ້ນຢ່າງຫຼວງຫຼາຍ ແລະ ຍັງເປີດໂຕກະປ໋ອງປີໃໝ່ລາວລຸ້ນພິເສດ ເພື່ອໃຫ້ຜູ້ບໍລິໂພກໄດ້ສະສົມ ແລະ ສະເຫຼີມສະຫຼອງປີໃໝ່ລາວໄປພ້ອມໆກັນ. ຮູບແບບຂອງກະປ໋ອງເບຍລາວປີນີ້ ຍັງຄົງເນັ້ນການນຳເອົາກິດຈະກຳເດັ່ນໆ ໃນການສະເຫຼີມສະຫຼອງບຸນປີໃໝ່ລາວມາເປັນແຮງບັນດານໃຈໃນການອອກແບບ.
Beerlao Limited Edition Can 2019 ມີໃຫ້ທ່ານໄດ້ເລືອກສະສົມເຖິງ 3 ລວດລາຍຄື:
- ຮູບໄວໜຸ່ມຜູ້ຊາຍທີ່ກໍາລັງດີດກີ້ຕ້າຢູ່ນັ້ນ: ເພື່ອສື່ເຖິງຄວາມມ່ວນຊື່ນແລະບົ່ງບອກໃຫ້ເຫັນເຖິງຄົນລາວທີ່ມີດົນຕີເປັນສື່ກາງໃນການສະເຫຼີມສະຫຼອງ ບຸນປະເພນີຕ່າງໆ ແລະ ເພື່ອໃຫ້ແທດເໝາະກັບຍຸກສະໄໝເຮົາຈຶ່ງໄດ້ເລືອກໃຊ້ເຄື່ອງດົນຕີສາກົນໃຫ້ເປັນຕົວແທນ.
2 ຮູບແມ່ຍິງຍໍມືນົບເພື່ອບົ່ງບອກເຖິງຂະໜົບທໍານຽມ ຄວາມຮູ້ບຸນຄຸນ ແລະ ການນອບໜ້ອມຖ່ອມຕົນ, ມີເອກະລັກຈົບງາມຂອງຄົນລາວ.
3 ຮູບຄົນກໍາລັງຫົດນໍ້າ: ທີ່ສະແດງໃຫ້ເຫັນເຖິງບຸນປະເພນີອັນດີງາມ ທີ່ມີເອກກະລັກສະເພາະໂຕຂອງປວງຊົນລາວທີ່ພົ້ນເດັ່ນ ທີ່ດຳລົງມາຕັ້ງແຕ່ຄົນສະໄໝກ່ອນຈົນມາຮອດປະຈຸບັນ.
ກິດຈະກຳທັງໝົດທີ່ທາງບໍລິສັດເບຍລາວໄດ້ເຮັດນີ້ ແມ່ນສອດຄ່ອງກັບປະເພນີ, ວັດທະນະທຳ ແລະ ລະບຽບກົດໝາຍຂອງລັດ ພ້ອມທັງຍາມໃດບໍລິສັດກໍຄຳນືງເຖີງຄວາມຮັບຜິດຊອບຂອງບໍລິສັດທີ່ມີຕໍ່ສັງຄົມ ຢາກເຫັນຄົນລາວ ແລະປະເທດຊາດນັບມື້ນັບເຂັ້ມແຂງຈະເລີນຮຸ່ງເຮືອງ ສ້າງໃຫ້ຄົນລາວ ພູມໃຈໃນສີ່ງທີ່ເຮົາມີ, ພູມໃຈໃນປະເທດລາວ ແລະພູມໃຈໃນສິນຄ້າຂອງລາວເຮົາ.
ໃນປີ 2018 ເປັນປີທີ ບໍລິສັດ ເບຍລາວ ຄົບຮອບ 45 ປີ. ບໍລິສັດກໍໄດ້ອອກສິນຄ້າໃຫມ່ເພື່ອເປັນການສະເຫຼີມສະຫຼອງໃຫ້ກັບຄວາມສຳເລັດຂອງເບຍລາວກໍຄື: ເບຍໄວ້ທ, ເບຍແອມເບີ ແລະ ເບຍຮອບປີ ເພື່ອເພີ່ມທາງເລືອກໃຫ້ແກ່ຜູ້ບໍລິໂພກໄດ້ທົດລອງສຳພັດກັບ ສິ່ງໃຫມ່ໆ.
ໂຄງການເປີດໂຕສິນຄ້າໃໝ່ 3 ລົດຊາດ: ເບຍໄວ້ທ, ເບຍແອມເບີ ແລະ ເບຍຮອບປີ ແມ່ນມີຂຶ້ນໃນເດືອນກໍລະກົດ 2018 ແລະ ຫຼັງຈາກນັ້ນບໍລິສັດໄດ້ເປີດໂອກາດໃຫ້ຜູ້ບໍລິໂພກມີສ່ວນຮ່ວມໃນການໂຫວດເບຍທີ່ມັກຜ່ານທາງເວັບໄຊ ແລະ ຄູປອງຕາມຮ້ານທີ່ຮ່ວມລາຍການ ເຊີ່ງມີຈຳນວນຫຼາຍກວ່າ 30,000 ໂຫວດໃນໄລຍະ 3 ເດືອນ. ຈາກຜົນໂຫວດເຫັນວ່າເບຍທັງ 3 ລົດຊາດ ມີຜົນໂຫວດໃກ້ຄຽງກັນແຕ່ຄະແນນໂຫວດທີ່ໄດ້ຫຼາຍທີ່ສຸດໄດ້ແກ່ເບຍລາວໄວ້ທ ເຊິ່ງເປັນເບຍທີ່ມີສີຂາວຂຸ້ນອັນໂດດເດັ່ນມີລົດຊາດທີ່ເປັນເອກະລັກສະເພາະ ຜ່ານຂະບວນການຜະລິດທີ່ພິຖີພິຖັນເຮັດໃຫ້ໄດ້ເບຍທີ່ນຸ່ມນວນພ້ອມທັງໄດ້ກິ່ນຫອມອ່ອນໆຂອງໝາກກ້ວຍ, ເປືອກໝາກກ້ຽງແລະໝາກໄມ້ນານາຊະນິດ.
ດັ່ງນັ້ນ, ເພື່ອຕອບສະໜອງຄວາມຕ້ອງການຂອງຜູ້ບໍລິໂພກ, ທາງບໍລິສັດໄດ້ຕັດສິນໃຈ ຮັກສາເບຍລາວໄວ້ທ ໄວ້ເປັນສ່ວນໜຶ່ງຂອງເບຍລາວຕໍ່ໄປ ແລະ ໄດ້ຜະລິດເບຍລາວໄວ້ທ ເປັນແກ້ວໃຫຍ່ 640ml ອອກມາຮັບໃຊ້ສັງຄົມນຳອີກ. ສ່ວນເບຍລາວຮອບປີ້ ແລະເບຍລາວແອມເບີ ທາງບໍລິສັດໄດ້ຕໍ່ໄລຍະເວລາ ຈຳໜ່າຍຈົນຮອດທ້າຍເດືອນ ເມສາ 2019 ເພື່ອໃຫ້ຜູ້ບໍລິໂພກທີ່ມັກເບຍນີ້ໄດ້ດື່ມ.
