ຕື່ມເຕັມທຸກຄວາມຝັນຂອງທ່ານ ດ້ວຍ Mitsubishi Xpander 2019 ມິດຊູບິຊິ ມໍເຕີ ລາວ (Mitsubishi Motors Laos) ໄດ້ຈັດງານເປີດຕົວລົດລຸ້ນໃຫມ່ໃນລາວ Mitsubishi All new  Xpander 2019  ຢ່າງເປັນທາງການ ໃນມື້ນີ້, ຕອນເຊົ້າ ວັນທີ 12 ທັນວາ 2019 ທີ່ສູນ ມິດຊູບິຊິ ເຕ້ 2, ນະຄອນຫຼວງວຽງຈັນ. ທ່ານ ຊັດຊະວານ ເພີ່ມສຸກຈາຣຸຊັບ ຜູ້ອຳນວຍການໃຫຍ່ Mitsubishi Motors Laos ໄດ້ນຳສະເໜີເຖິງຄຸນສົມບັດລົດ Xpander 2019  ເປັນລົດທີ່ສາມາດຕອບໂຈດ ແລະ ຕື່ມເຕັມທຸກຄວາມຝັນຂອງທຸກທ່ານໄດ້ ເພາະເປັນລົດ ເຄິ່ງລົດຈິບ SUV ເຄິ່ງລົດ ຕູ້ຂະໜາດນ້ອຍທີ່ມາພ້ອມ 7 ບ່ອນນັ່ງ ມີການອອກແບບທາງໜ້າລົດ ທີ່ສວຍງານເປັນເອກະລັກໂດດເດັ່ນ ໃນແບບຂອງມິດຊູບິຊິ ໂດຍສະເພາະ,  ບໍ່ມີແຕ່ຄວາມງາມທີ່ນ່າຫຼົງໄຫຼເທົ່ານັ້ນ ແຕ່ຍັງອອກແບບມາເພື່ອຄວາມປອດໄພ ແລະ ເສີມບຸກຄະລິກຂະພາບຂອງຜູ້ຂັບຂີ່ອີກດ້ວຍ. ລາຍລະອຽດ ແລະ ຄຸນສົມບັດຄວາມສາມາດການໃຊ້ງານທີ່ຫຼາກຫຼາຍ ທີ່ຕອບໂຈດທຸກກຸ່ມຄົນ ແລະ ...

ທຶນການສຶກສາ ເພື່ອເສີມສ້າງສາຍພົວພັນມິດຕະພາບ ແລະ ຄວາມເຂົ້າໃຈອັນດີ ລະຫວ່າງປະຊາຊົນຈີນ ແລະ ບັນດາປະເທດຕ່າງໆ, ລັດຖະບານ ສປ ຈີນ ເປີດຮັບສະໝັກ ເອົານັກສຶກສາຕ່າງປະເທດ ທີ່ມີຄວາມຕ້ອງການ ສຶກສາຕໍ່ ໃນລະດັບປະລິນຍາໂທ ແລະ ປະລິນຍາເອກ ຢູ່ທີ່ມະຫາວິທະຍາໄລ Northeast Agricultural University. ຫຼັກສູດ ສອນເປັນພາສາຈີນ. ນັກສຶກສາ ທີ່ຈະມາຮຽນ ຕ້ອງເສັງຜ່ານ ວັດລະດັບຄວາມຮູ້ພາສາຈີນ ໃຫ້ໄດ້ຕາມມາດຕະຖານ ທີ່ທາງໂຮງຮຽນກໍາໜົດ ຫຼື ຕ້ອງໄດ້ເຂົ້າຮຽນພາສາຈີນ ເປັນເວລາ 1 ປີ ຢູ່ປະເທດຈີນສາກ່ອນ. ປິດຮັບສະໝັກ: ກ່ອນວັນທີ 31 ມີນາ 2019 ລາຍລະອຽດ ແລະ ວິທີການສະໝັກເພີ່ມຕື່ມທີ່ລິງນີ້ເລີຍ: http://gjxy.neau.edu.cn/info/1023/1396.htm To promote friendship and understanding between people in China and other countries, Chinese Government is offering scholarships to ...

ສາເຫດຂອງການເກີດໄພແຫ້ງແລ້ງໃນປີ 2019 ອີງຕາມສະພາວະໂລກຮ້ອນທີ່ເກີດຂຶ້ນ.  ໃນປັດຈຸບັນ, ຊຶ່ງມີທ່າອ່ຽງອຸນນະພູມເພີ່ມຂຶ້ນໄດ້ສົ່ງຜົນກະທົບໂດຍກົງຕໍ່ບັນດາປະເທດຕ່າງໆຢູ່ໃນໂລກ ເຮັດໃຫ້ຄວາມສົມດຸນຂອງສະພາບອາກາດມີການປ່ຽນແປງຄື: ລະດູໜາວບໍ່ໜາວຫຼາຍ ກົງກັນຂ້າມລະດູຮ້ອນຍີ່ງຮ້ອນ ແລະ ແຫ້ງແລ້ງ ເວົ້າລວມ ເວົ້າສະເພາະແມ່ນຢູ່ບັນດາປະເທດທີ່ ນອນຢູ່ໃນອ່າງແມ່ນໍ້າຂອງໄດ້ປະສົບກັບໄພແຫ້ງແລ້ງຢ່າງຮຸນແຮງ ແລະ ຕໍ່ເນື່ອງຍ້ອນໄດ້ຮັບຜົນກະທົບຈາກການປ່ຽນແປງຂອງດິນຟ້າອາກາດ ຊຶ່ງສະແດງອອກຄື: ໃນໄລຍະລະດູຝົນປະລິມານຝົນຕົກໜ້ອຍຜິດປົກກະຕິ ເມື່ອທຽບໃສ່ຫຼາຍປີຜ່ານມາ ເປັນສາເຫດຕົ້ນຕໍທີ່ພາໃຫ້ເກີດໄພແຫ້ງແລ້ງໃນເຂດອ່າງຮັບນໍ້າຂອງແມ່ນໍ້າຂອງໂດຍສະເພາະ ໃນປີ 2019 ເກີດມີປະກົດການນໍ້າຖ້ວມຢູ່ພາກໃຕ້ ແລະ ເກີດມີໄພແຫ້ງແລ້ງຢູ່ພາກເໜືອແລະ ພາກກາງ ເພື່ອຮັບມືຕໍ່ກັບໄພແຫ້ງແລ້ງ ບັນດາປະເທດລຸ່ມແມ່ນໍ້າຂອງ ເວົ້າລວມເວົ້າສະເພາະ ຢູ່ປະເທດລາວເຮົາຄວນຈະສຶກສາ ແລະ ຮຽນຮູ້ບົດຮຽນຈາກບັນດາປະເທດອື່ນ ທີ່ມີບົດຮຽນກ່ຽວກັບການປ້ອງກັນໄພແຫ້ງແລ້ງ ເປັນຕົ້ນ ສປ. ຈີນ, ສາຫະລັດອາເມລິກາ, ນໍເວ, ສະວິດເຊີແລນ. ພ້ອມດຽວກັນນີ້, ພວກເຮົາຕ້ອງໄດ້ສ້າງຍຸດທະສາດ ແລະ ແຜນດໍາເນີນງານໄລຍະກາງ ແລະ ໄລຍະຍາວ ເພື່ອຮັບມືກັບໄພແຫ້ງແລ້ງດັ່ງກ່າວ ໂດຍໄວ ໂດຍສຸມໃສ່ການສ້າງແຜນຄຸ້ມຄອງບັນດາອ່າງ, ການບໍລິຫານຈັດສັນນໍ້າຢູ່ບັນດາເຂື່ອນໄຟຟ້າ ແລະ ເພີ່ມທະວີການຮ່ວມມືໃນລະດັບອະນຸພາກພື້ນ, ພາກພື້ນ ແລະ ສາກົນ ດ້ານການຄຸ້ມຄອງຊັບພະຍາກອນນໍ້າ ແນ່ໃສ່ເພີ້ມທະວີການສ້າງເຄືອຂ່າຍພື້ນຖານໂຄງລ່າງດ້ານຊັບພະຍາກອນນໍ້າໃນການກຽມພ້ອມຮັບມືກັບການປັບຕົວເຂົ້າກັບການປ່ຽນແປງດິນຟ້າອາກາດ. ຜ່ານການທົບທວນຄືນກ່ຽວກັບສະຖິຕິໄພແຫ້ງແລ້ງໃນຊຸມປີຜ່ານມາໄດ້ວ່າພົບວ່າ: ໄລຍະ 6 ເດືອນຕົ້ນປີ 2019 ...

ງານສະເຫຼີມສະຫຼອງວັນຄຣິສມາສ Wonderland ໄດ້ຖືກຈັດຂຶ້ນເປັນຄັ້ງທໍາອິດທີ່ນະຄອນຫຼວງວຽງຈັນ, ຈັດຂຶ້ນໂດຍທາງສະພານັກຮຽນຊັ້ນມັດທະຍົມຕອນປາຍຂອງ ໂຮງຮຽນ ນານາຊາດ ປັນຍາທິບ, ໃນວັນທີ 7 ທັນວາ ທີ່ ໂຮງຮຽນ ນານາຊາດ ປັນຍາທິບ, ວິທະຍາເຂດຊັ້ນມັດທະຍົມ, ສະພານທອງ. ໃນເວລາ 6 ໂມງແລງ, ໄດ້ມີ ‘ການສະເຫຼີມສະຫຼອງງານດັ່ງກ່າວໂດຍການເປີດໄຟແສງສີ’ ຢ່າງເປັນທາງການ,​ ກ່າວເປີດງານໂດຍທ່ານນາງ ປາດຖະໜາ ປັນຍາທິບ, ຜູ້ອໍານວຍການ ແລະ ຜູ້ກໍ່ຕັ້ງໂຮງຮຽນ ນານາຊາດ ປັນຍາທິບ ເປັນຜູ້ເປີດໄຟຕົ້ນຄຣິສມາສທີ່ມີຄວາມສູງ 10 ແມັດ ແລະ ໄຟແສງສີອື່ນໆທີ່ມີຄວາມຍາວ 6.5 ກິໂລ ທົ່ວງານ. ມີຜູ້ເຂົ້າຮ່ວມງານຫຼາຍກ່ວາ 1,400 ຄົນ. ງານຄັ້ງນີ້, ຈັດຂຶ້ນກໍເນື່ອງໃນໂອກາດວັນຄຣິສມາສ ທີ່ກໍາລັງຈະມາຮອດມາເຖິງນີ້, ໄດ້ມີຕະຫຼາດນັດ ມີສິນຄ້າຫຼາກຫຼາຍຢ່າງມາວາງສະແດງໃຫ້ເລືອກຊົມ ແລະ ເລືອກຊື້. ງານດັ່ງກ່າວໄດ້ກາຍເປັນບ່ອນທ່ຽວຊົມທີ່ໜ້າສົນໃຈຫຼາຍສໍາລັບຄອບຄົວ ລວມທັງມີຕະຫຼາດຄຣິສມາສ, ຫ້ອງຂອງລຸງຊານຕ້າ, ໂຊນເຮັດກິດຈະກໍາໃນມື້ພັກ, ບູ໊ດອາຫານ ແລະ ເຄື່ອງດື່ມ, ໂຊນຫຼິ້ນເກມສໍາລັບເດັກນ້ອຍ ແລະ ຜູ້ໃຫຍ່ ລວມທັງໂຊນໃຫ້ຄວາມບັນເທີງອີກດ້ວຍ. ປະເພນີຂອງຄົນອັງກິດ, ງານວັນຄຣິສມາສນີ້ເປັນງານສະເຫຼີມສະຫຼອງມື້ພັກທີ່ຍິ່ງໃຫຍ່ທີ່ສຸດໃນປີ, ...

ສ. ອາເມລິການໍາໜ້າສືບຕໍ່ໃຫ້ການຊ່ວຍເຫຼືອ ສປປ ລາວ ໃນການລົບລ້າງພະຍາດມາເລເລຍ ໃນ ປີ 2030. ທ່ານນາງ ຣີນາ ບິດເຕີ ເອກອັກຄະລັດຖະທູດສະຫະລັດອາເມລິກາ ປະຈໍາລາວ ໄດ້ມອບເຄື່ອງກວດເລືອດ ເພື່ອບົ່ງ­­­ມະຕິໄຂ້ມາເລເລຍຢ່າງໄວຈຳນວນ 100.000 ຊຸດໃຫ້ແກ່ ທ່ານ. ຮສ. ດຣ. ພູທອນ ເມືອງປາກ ຮອງລັດຖະມົນຕີ ກະຊວງສາທາລະນະສຸກ ໃນພິທີມອບຮັບໃນຄັ້ງວັນທີ 6 ທັນວາທີ່ຜ່ານມາ.  ເຄື່ອງກວດເຫຼົ່ານີ້ແມ່ນໄດ້ຮັບທຶນຊ່ວຍເຫຼືອລ້າຈາກອົງການພັດທະນາສາກົນປະເທດສະຫະລັດອາເມລິກາ ຫຼື USAID ແລະ ຈະໄດ້ຖືກແຈກຢາຍໄປທົ່ວສຸກສາລາ ແລະ ໂຮງໝໍໃນທົ່ວປະເທດ ໂດຍສະເພາະແມ່ນເຂດທີ່ມີການລະບາດສູງຂອງໄຂ້ມາເລເລຍ. ທ່ານນາງ ຣີນາ ໃຫ້ຄຳເຫັນວ່າ: ນີ້ສະແດງໃຫ້ເຫັນເຖິງການຮ່ວມມືທີ່ຮັດແໜ້ນລະຫວ່າງສອງຊາດລາວອາເມລິກາໃນຂະແໜງການສາທາລະນະສຸກ ເຊິ່ງແມ່ນມີຈຸດ ປະສົງເພື່ອບັນລຸເປົ້າໝາຍການພັດທະນາຂອງລັດຖະບານລາວ. ຂ້າພະເຈົ້າເຊື່ອວ່າ ພວກເຮົາຈະສາມາດ ລົບລ້າງພະຍາດມາເລເລຍໃຫ້ໝົດໄປໃນ ສປປ ລາວ ພາຍໃນປີ 2030. ໃນໄລຍະ 10 ປີທີ່ຜ່ານມາ, ຜູ້ປ່ວຍພະຍາດມາເລເລຍໃນລາວໄດ້ມີຈຳນວນຫຼຸດລົງຢ່າງຕໍ່ເນື່ອງ ແລະ ລັດຖະບານກໍໄດ້ເຮັດວຽກຢ່າງຕັ້ງໜ້າໃນການລົບລ້າງພະຍາດມາເລເລຍເຊິ່ງໄດ້ເຮັດໃຫ້ຈຳນວນກໍລະນີຜູ້ຕິດເຊື້ອຫຼຸດລົງຫຼາຍເຖິງ 80 ສ່ວນຮ້ອຍ, ເຊິ່ງຫຼຸດລົງ ຈາກ ຈຳນວນສູງສຸດທີ່ 50.000 ໃນປີ 2014 ...

ທ່ານ ພົງໄຊສັກ ອິນຖາລາດ ໄດ້ກ່າວໃນກອງປະຊຸມກ່ຽວກັບການຈັດຕັ້ງປະຕິບັດດຳລັດວ່າດ້ວຍຄວາມປອດໄພ ແລະ ສຸຂະພາບແຮງງານລົງເລີກເອົາໃຈໃສ່ດ້ານສຸຂະພາບແຮງງານ ຂຶ້ນວັນທີ 25 ພະຈິກ 2019 ຜ່ານມາວ່າ: ວຽກງານດ້ານຄວາມປອດໄພ ແລະ ສຸຂະພາບແມ່ນການປ້ອງກັນ ການຫຼຸດຜ່ອນຄວາມສ່ຽງຈາກການເກີດອຸບັດຕິເຫດແຮງງານ ແລະ ເປັນພະຍາດອາຊີບ ພ້ອມດຽວກັນນັ້ນຍັງແມ່ນການມອບຄວາມຮັບຜິດຊອບໃນການເບີ່ງແຍງ ການຊ່ວຍເຫຼືອ ບັນເທົາທຸກໃຫ້ແກ່ຜູ້ໄດ້ຮັບເຄາະຮ້າຍຈາກການເກີດອຸບປະຕິເຫດ ແລະ ພະຍາດດັ່ງກ່າວ ພ້ອມທັງເປັນການຫຼຸດຜ່ອນການສູນເສຍຊັບສິນ ແລະ ທຸລະກິດຂອງຜູ້ລົງທຶນດ້ວຍ ຫຼາຍປະເທດໃນໂລກຖືວຽກງານຄວາມປອດໄພແຮງງານເປັນບູລິມະສິດໃນຂະບວນການການຜະລິດ ແລະ ການບໍລິການຂອງປະເທດ ປະເທດເຫຼົ່ານັ້ນລ້ວນແລ້ວແຕ່ມີສະຖາບັນ ຫຼື ການຈັດຕັ້ງ(ກະຊວງ ກົມ ສູນ) ທີ່ມີປະສິດທິພາບ ມີກົດໝາຍ ແລະ ລະບຽບການທີ່ລະອຽດ ຮັດກຸມ ເຂັ້ມງວດໃນການບັງຄັບໃຊ້. ລັດຖະບານໄດ້ອອກດຳລັດວ່າດ້ວຍຄວາມປອດໄພ ແລະ ສູຸຂະພາບແຮງງານໃນຕົ້ນປີ 2019 ດໍາລັດດັ່ງກ່າວປະກອບມີເນື້ອໃນສຳຄັນໃຫ້ແກ່ວຽກງານຄວາມປອດໄພ ແລະ ສຸຂະພາບແຮງງານ ເຊິ່ງໄດ້ ກຳນົດລະອຽດສິດ ແລະ ຄວາມຮັບຜິດຊອບຂອງທັງຜູ້ອອກແຮງງານ ແລະ ຜູ້ໃຊ້ແຮງງານກຳນົດ ຫຼື ແບ່ງຄວາມຮັບຜິດຊອບທີ່ຊັດເຈນ ລະຫວ່າງອົງການລັດ ອົງການຈັດຕັ້ງມະຫາຊົນກຳນົດ ການຈັດຕັ້ງ ແລະ ການເຄື່ອນໄວຂອງສູນຄວາມປອດໄພ ແລະ ສຸຂະພາບແຮງງານ ...

ຂ່າວດີ ! ບໍລິສັດ Kyungwoo Systech ຂອງ ສ. ເກົາຫຼີ ນໍາສະເໜີ ລົດຕຸກໆໄຟຟ້າ ຮູບແບບໃໝ່  ທີ່ມີການອອກແບບ ສວຍງາມ ແລ່ນດ້ວຍໄຟຟ້າ ປະຢັດໄຟ ແລະ ເປັນມິດກັບສິ່ງແວດລ້ອມ ຢູ່ທີ່ງານ Korea-ASEAN Innovation Showcase ທີ່ BEXCO ເມືອງປູຊານ, ສ. ເກົາຫຼີ ຫ່າງຈາກນະຄອນຫຼວງ ປະມານ 450  ກມ ໃນວັນທີ 25/11/2019 ທີ່ຜ່ານມາ ໄປພ້ອມກັບ ກອງປະຊຸມ ພິເສດ  South Korea-ASEAN special summit. ລາຄາລົດຕຸກໆ ຄັນໜຶ່ງມີລາຄາ ປະມານ 5.000 ໂດລ້າສະຫະລັດ ຫຼື 44.500.000 ກີບ, ໂດຍປະກອບມີ ແບັດເຕີລີ ຊະນິດພິເສດ 4 ອັນ ລາຄາ ອັນລະ 600 ໂດລາສະຫະລັດ (5,340,000 ກີບ) ໂດຍມີຄຸນສົມບັດ ສາກເຕັມ ແລະ ເກັບໄວ້ ໃຊ້ ...

ເມື່ອອາທິດທີ່ຜ່ານມາ, ບັນດາພະນັກງານ-ລັດຖະກອນ ຈາກບັນດາກະຊວງ, ອົງການ, ພ້ອມດ້ວຍຜູ້ຕາງໜ້າສະຖານທູດ, ອົງການຈັດຕັ້ງສາກົນ, ອົງການຈັດຕັ້ງທາງສັງຄົມ ແລະ ນັກຮຽນນັກສຶກສາ ເຂົ້າຮ່ວມພິທີ ສະເຫຼີມສະຫຼອງວັນຕ້ານການສໍ້ລາດບັງຫຼວງສາກົນ ວັນທີ 9 ທັນວາ ຄົບຮອບ 16 ປີ ທີ່ຫໍວັດທະນະທໍາແຫ່ງຊາດ, ນະຄອນຫຼວງວຽງຈັນ. ໃນພິທີ ທ່ານບຸນທອງ ຈິດມະນີ ຮອງນາຍົກລັດຖະມົນຕີ, ປະທານອົງການກວດກາລັດຖະບານ, ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ ໄດ້ກ່າວປາໄສ ທ່ານໄດ້ຍົກໃຫ້ເຫັນຄວາມເປັນມາຂອງວັນຕ້ານການສໍ້ລາດບັງຫຼວງສາກົນ ວັນທີ 9 ທັນວາ ທີ່ກອງປະຊຸມໃຫຍ່ອົງການສະຫະປະຊາຊາດ ໄດ້ອອກຍັດຕິ ຮັບຮອງເອົາໃນປີ 2003, ມາຮອດປະຈຸບັນມີສະມາຊິກ 186 ປະເທດ, ສໍາລັບລາວ ສປປ ລາວ ໄດ້ລົງນາມໃນວັນທີ 10 ທັນວາ 2013 ແລະ ໃຫ້ສັດຕະຍະບັນໃນວັນທີ 25 ກັນຍາ 2009 , ສ່ວນຄໍາຂັວນການສະເຫຼີມສະຫຼອງວັນຕ້ານການສໍ້ລາດບັງຫຼວງສາກົນປີນີ້ແມ່ນ ຮ່ວມແຮງຮ່ວມໃຈຕ້ານການສໍ້ລາດບັງຫຼວງ. ພ້ອມນີ້, ທ່ານບຸນທອງ ຈິດມະນີ ໄດ້ຍົກໃຫ້ເຫັນຄວາມອັນຕະລາຍຮ້າຍແຮງກ່ຽວກັບການສໍ້ລາດບັງຫຼວງ, ລວມເຖິງຄວາມເອົາໃຈໃສ່ ຂອງພັກແລະ ລັດ ຕໍ່ການຕ້ານການສໍ້ລາດບັງຫຼວງ ...

ເຕັກໂນໂລຊີ ແລະ ນະວັດຕະກຳເກີດຂຶ້ນ, ຖືກພັດທະນາຢ່າງຕໍ່ເນື່ອງ ແລະ ໄດ້ຮັບການຍອມຮັບຢ່າງໄວວາຈາກສັງຄົມ, ເຮັດໃຫ້ເກີດການປ່ຽນແປງຢ່າງກ້າວກະໂດດຂັ້ນ ທັງໃນໂລກທຸລະກິດ ແລະ ການດໍາລົງຊີວິດປະຈຳວັນຂອງຄົນໃນສັງຄົມ ຈົນເອີ້ນໄດ້ວ່າ: ເຕັກໂນໂລຊີ ຖືກສ້າງຂຶ້ນມາເພື່ອປ່ຽນໂລກ. ແຕ່ໃນການປ່ຽນໂລກຂອງເຕັກໂນໂລຊີ ແລະ ນະວັດຕະກຳນັ້ນ ກໍມາພ້ອມກັບດ້ານບວກ ແລະ ດ້ານລົບ, ຄວາມສະດວກສະດວກບາຍທີ່ຜູ້ຊົມໃຊ້ຕ້ອງໄດ້ຮຽນຮູ້ ທີ່ຈະນຳມາໃຊ້ຢ່າງສ້າງສັນ. ດັ່ງທີ່ ທ່ານ ບີຍອນ ທາລ ແຊນເບີກ ຫົວໜ້າສູນວິໄຈ ເທເລນອນ ໄດ້ກ່າວວ່າ “ເຖິງວ່າເຕັກໂນໂລຊີຈະກ້າວໜ້າພຽງໃດ ຄົນໃນສັງຄົມກໍຕ້ອງກັບມາພິຈາລະນາເຖິງຫຼັກປະກັນ ຕໍ່ການໃຊ້ເຕັກໂນໂລຊີ ຢ່າງປອດໄພ, ສະຫຼາດ ແລະ ສ້າງສັນ” ໃນປີນີ້ຈຶ່ງອາດຈະເກີດການປ່ຽນແປງຂອງເຕັກໂນໂລຊີ ທີ່ມີຢູ່ໃຫ້ເໝາະສົມ ແລະ ແທດເໝາະຫຼາຍຂຶ້ນ! ສະນັ້ນ ວາລະສານທາເກັດຈຶ່ງໄດ້ນຳເອົາ ນະວັດຕະກຳທີ່ອາດຈະເປັນປະກົດການສໍາຄັນ ທີ່ຈະເກີດຂຶ້ນໃນຍຸກ 5.0 ນີ້ ມານໍາສະເໜີໃຫ້ກັບທ່ານຜູ້ອ່ານ!!! Deep fake ຈະກະຈາຍຕົວຫຼາຍຂຶ້ນ ໃນປີທີ່ຜ່ານມາ ປະເດັນການໃຊ້ປະໂຫຍດທາງລົບຂອງ Social Media ແລະ AI ໄດ້ຮັບຄວາມສົນໃຈຈາກສັງຄົມ ໂດຍສະເພາະແມ່ນ Deep fake ...

ສະບາຍດີ ທ່ານຜູ້ອ່ານວາລະສານທາເກັດ ມື້ນີ້ຄໍລຳ Marketing & Branding ຂອງພວກເຮົາ ຈະມາໄຂຂໍ້ສົງໄສຂອງຫຼາຍໆຄົນ ກ່ຽວກັບຄວາມແຕກຕ່າງ ແລະ ວິທີການນຳໃຊ້ຄຳຂວັນທາງການຕະຫຼາດທີ່ເອີ້ນວ່າ: Slogan ແລະ Tagline ທີ່ມັກຖືກໃຊ້ຢ່າງສັບສົນ ບໍ່ຖືກຕ້ອງ ສົ່ງຜົນໃຫ້ ບໍ່ເກີດປະໂຫຍດໃນການໂຄສະນາຍີ່ຫໍ້ສິນຄ້າ ແລະ ບໍລິການເທົ່າທີ່ຄວນ. ກ່ອນອື່ນເຮົາຕ້ອງທໍາຄວາມເຂົ້າໃຈກ່ອນວ່າ Tagline ນັ້ນຈະມີຄວາມຄ້າຍໆກັນກັບ Slogan ແຕ່ບໍ່ແມ່ນອັນດຽວກັນ, ເວົ້າໃຫ້ເຂົ້າໃຈງ່າຍໆ ຄື: Slogan ສ່ວນຫຼາຍມັກຈະຖືກນໍາໄປໃຊ້ກັບສິນຄ້າ, ຜະລິດຕະພັນ, ບໍລິການ ຫຼື ກິດຈະກຳເພື່ອກະຕຸ້ນການຕະຫຼາດ (campaign) ຫຼື “ໂປຣໂມຊັ່ນ” ໃນໄລຍະໃດໜຶ່ງ ໃຫ້ໜ້າສົນໃຈຂຶ້ນ ຈະເປັນຄໍາເວົ້າສັ້ນໆ ເຮັດໃຫ້ຄົນທົ່ວໄປສາມາດເຂົ້າໃຈໄດ້ງ່າຍໆ ເຊິ່ງສາມາດປ່ຽນແປງ, ແກ້ໄຂໄດ້ຕາມຄວາມເໝາະສົມ. ເຊິ່ງຕ່າງກັບ Tagline ກໍຄື Tagline ຈະຖືກໃຊ້ຢ່າງສະເໝີຕົ້ນສະເໝີປາຍ ບໍ່ປ່ຽນແປງສໍາລັບອົງກອນ ຫຼື ບໍລິສັດ ເປັນຄໍາເວົ້າກະທັດຮັດ ແລະ ບົ່ງບອກວ່າບໍລິສັດນັ້ນກ່ຽວກັບຫຍັງ ຫຼື ເຮັດຫຍັງ ເພື່ອໃຜ ພາຍໃນປະໂຫຍກດຽວ ຫຼື ຫາກຈະໃຫ້ດີ Tageline ...