ໃນວັນທີ 27 ກໍລະກົດ 2020, ທີ່ສູນປະຕິບັດງານຂອງຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂ ພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ ໂຄວິດ-19 ທ່ານ ດຣ. ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາ ລະນະສຸກ ໄດ້ລາຍງານໃຫ້ຮູ້ວ່າ: ໃນວັນທີ 26 ກໍລະກົດ 2020, ໄດ້ເກັບຕົວຢ່າງມາກວດວິເຄາະທັງໝົດ 374 ຄົນ, ໃນນັ້ນແຮງງານລາວມາແຕ່ໄທ 42 ຄົນ, ແຮງງານຈີນ 308 ຄົນ, ແຮງງານຫວຽດ ນາມ 2 ຄົນ ແລະ ບຸກຄົນທົ່ວໄປທີ່ບໍ່ມີອາການ 22 ຄົນ, ຜົນກວດວິເຄາະທັງໝົດແມ່ນ ບໍ່ພົບເຊື້ອ ໝາຍຄວາມວ່າໃນວັນທີ 26 ກໍລະກົດ 2020 ບໍ່ມີຜູ້ຕິດເຊື້ອໃໝ່, ຕົວເລກຜູ້ຕິດເຊື້ອສະສົມ 20 ຄົນ, ປິ່ນປົວດີ 19 ແລະ ກຳລັງປິ່ນປົວ 1 ກໍລະນີ. ສຳລັບການຕິດຕາມຜູ້ເດີນທາງຈາກຈຸດຜ່ານແດນຕ່າງໆ ໃນວັນທີ 26 ກໍລະກົດ ...

ປັດຈຸບັນ ບໍລິເວນປ່າສະຫວງນ ລຸ່ມນ້ຳເທີນ ນໍ້າກະດິງ ແລະ ນໍ້າຫິນບູນ ມີການສ້າງເຂື່ອນໄຟຟ້າແລ້ວ 4 ແຫ່ງ ຄື: ນໍ້າເທີນ 1, ນໍ້າເທີນ 2, ເຂື່ອນເທີນຫິນບູນ ແລະ ເຂື່ອນຫິນບູນສ່ວນຕໍ່ຂະຫຍາຍ. ເຂື່ອນໄຟຟ້ານໍ້າຕົກ ນໍ້າເທີນ 1 ເມືອງວຽງທອງ ແຂວງບໍລິຄຳໄຊ ເປັນໂຄງການຂະໜາດໃຫ່ຍ ເຊິ່ງໄດ້ເລີ່ມກໍ່ສ້າງຕັ້ງແຕ່ປີ 2009 ແຕ່ເນື່ອງຈາກບັນຫາເລື່ອງເງິນທຶນ ຈື່ງໄດ້ໂຈະໂຄງການໄວ້ຊົ່ວຄາວ ຈົນຮອດປີ 2012 ຈື່ງໄດ້ກັບມາກໍ່ສ້າງໂຄງການດັ່ງກ່າວ ຕາມແຜນເຂື່ອນຜະລິດໄຟຟ້ານໍ້າເທີນ-ນໍ້າກະດິງ. ເຂື່ອນນໍ້າເທີນ 1 ຕັ້ງຢູ່ແມ່ນໍ້າກະດິງ ກຳລັງການຜະລິດ 640 ເມກະວັດ ດຳເນີນການໂດຍບໍລິສັດ ໄຟຟ້ານໍ້າເທິນ 1 ຈຳກັດ ເປັນການຮ່ວມທຶນລະຫວ່າງ ເອັກໂກ້ ກຣຸ໊ບ (ໄທ), ບໍລິສັດ ພອນສັກ ກຣຸ໊ບ ແລະ ບໍລິສັດ ອີດີແອວ. ປີ 2017 ໄຟຟ້ານໍ້າເທິນ 1 ເຊັນສັນຍາຂາຍໄຟຟ້າໃຫ້ ການໄຟຟ້າແຫ່ງປະເທດໄທ 514.3 ເມກາວັດ ແລະ ຂາຍໃຫ້ໄຟຟ້າລາວ ...

ສື່ຂອງລັດຖະບານກ່າວລາຍງາຍວ່າ ຜູ້ນຳເກົາຫຼີເໜືອ ໄດ້ປະກາດພາວະສຸກເສີນ ແລະ ໄດ້ປິດລ້ອມຢູ່ໃນເຂດຊາຍແດນ ຫລັງຈາກທີ່ສົງໄສວ່າມີບຸກຄົນ ຕິດເຊື້ອ Covid-19 ກັບຄືນມາຈາກເກົາຫຼີໃຕ້ ໂດຍການຂ້າມຊາຍແດນທີ່ຜິດກົດໝາຍ ໃນ ວັນທີ 19 ກໍລະກົດ ຜ່ານມາ. ເຫດການສຸກເສີນໄດ້ເກີດຂຶ້ນໃນເມືອງ Kaesong ສະຖານທີ່ທີ່ກຸ່ມຄົນອົບພະຍົບ ໜີອອກໄປທາງທິດໃຕ້ໃນ 3 ປີກ່ອນ, ຖ້າຫາກກໍລະນີນີ້ ໄດ້ຮັບການຢັ້ງຢືນ, ມັນຈະເປັນກໍລະນີທຳອິດທີ່ເຈົ້າໜ້າທີ່ເກົາຫຼີເໜືອ ຍອມຮັບຢ່າງເປັນທາງການ,​ ເຖິງແມ່ນວ່າສາກົນໄດ້ຕັ້ງຂໍ້ສົງໄສວ່າໄດ້ມີການຕິດເຊື້ອມາກ່ອນແລ້ວກໍ່ຕາມ. ອົງການດັ່ງກ່າວບໍ່ໄດ້ແຈ້ງໃຫ້ຮູ້ວ່າບຸກຄົນນັ້ນ ໄດ້ຖືກກວດສອບແລ້ວ ຫຼືບໍ່, ແຕ່ກ່າວວ່າ “ຜົນກວດແມ່ນໄດ້ມາຈາກການກວດສອບທາງການແພດຫຼາຍໆຄັ້ງກ່ຽວກັບຄວາມລັບຂອງອະໄວຍະວະທາງເດີນຫາຍໃຈ ແລະ ເລືອດຂອງບຸກຄົນນັ້ນ”. ນັກວິເຄາະຄົນໜຶ່ງກ່າວວ່າ ການປະກາດດັ່ງກ່າວແມ່ນມີຄວາມສຳຄັນຫຼາຍ, ເພາະວ່າເກົາຫຼີເໜືອຈະເປັນຄັ້ງທຳອິດ ທີ່ໄດ້ລາຍງານກ່ຽວກັບກໍລະນີທີ່ພົບຜູ້ຕິດເຊື້ອ COVID-19.​ ເກົາຫຼີເໜືອກຳລັງຕົກຢູ່ພາຍໃຕ້ຄວາມກົດດັນດ້ານເສດຖະກິດ ຍ້ອນຂໍ້ຄັດແຍ່ງແລະມາດຕະການຂອງສາກົນຕໍ່ໂຄງການນິວເຄລຍຂອງຕົນ. ເກົາຫຼີເໜືອກຳລັງຕົກຢູ່ໃນສະຖານະການທີ່ຮ້າຍແຮງ ແລະ ພວກເຂົາເຈົ້າອາດຈະບໍ່ສາມາດສ້າງໂຮງໝໍ ພຽງພໍໄດ້. ເກົາຫຼີເໜືອກ່າວວ່າ ບຸກຄົນດັ່ງກ່າວໄດ້ນໍາເຊື້ອເຂົ້າມາຈາກເກົາຫຼີໃຕ້ ເຊິ່ງເກົາຫຼີເໜືອສາມາດນຳໃຊ້ວິທີການນີ້ ເພື່ອເປັນການຍອມຮັບການຊ່ວຍເຫຼືອຈາກເກົາຫຼີໃຕ້ຢ່າງເປີດເຜີຍ. ໃນນັ້ນບໍ່ໄດ້ມີລາຍລະອຽດກ່ຽວກັບວິທີການທີ່ຫຼອນໂຈມຕີ ເພາະຊາຍແດນເກົາຫຼີເໜືອເປັນຊາຍແດນທີ່ມີການປ້ອງກັນດີທີ່ສຸດໃນໂລກ. ເຫດການດັ່ງກ່າວ ກຳລັງຖືກສືບສວນ ແລະ ໜ່ວຍງານທະຫານທີ່ຮັບຜິດຊອບຈະພົບກັບ ການລົງໂທດຢ່າງໜັກ. ຫົວໜ້າພະນັກງານຮ່ວມຂອງເກົາຫຼີໃຕ້ (JCS) ກ່າວວ່າມີ “ໂອກາດສູງ” ທີ່ມີບຸກຄົນໄດ້ຂ້າມຊາຍແດນເຂົ້າມາ ...

ການລະບາດຂອງພະຍາດໂຄວິດ-19 ຖືວ່າແຜ່ລາມອອກໄປເປັນວົງກວ້າງໃນທົ່ວໂລກ ຊຶ່ງນອກຈາກ ມີຈຳນວນຜູ້ຕິດເຊື້ອ ແລະ ເສຍຊີວິດເປັນຈຳນວນຫຼວງຫຼາຍແລ້ວ ຍັງສົ່ງຜົນກະທົບ ທາງດ້ານເສດຖະກິດຫຼາຍພໍສົມຄວນ. ທະນາຄານໂລກ ໄດ້ປະເມີນວ່າ ເສດຖະກິດລາວ ໃນປີ 2020 ນີ້ ອາດຈະເຕີບໂພພຽງແຕ່ 1% ເທົ່ານັ້ນ. ແຕ່ຖ້າການລະບາດ ຫາກຍັງສືບຕໍ່ຍືດເຍື້ອ ແລະ ຮຸນແຮງ ຢູ່ໃນພາກພື້ນ ແລະ ທົ່ວໂລກ ອາດເຮັດໃຫ້ອັດຕາການເຕີບໂຕຂອງເສດຖະກິດລາວຕິດລົບເຖິງ 1,8%. ໃນນີ້, ຜົນກະທົບຄາດວ່າ ຜ່ານຫຼາຍຊ່ອງທາງ ຫຼື ຫຼາຍຂະແໜງເສດຖະກິດ ລວມທັງ ຂະແໜງ ທ່ອງທ່ຽວ, ອຸດສາຫະກຳ, ການຄ້າ ແລະ ການລົງທຶນ ຕະຫຼອດເຖິງ ການຄຸ້ມຄອງ ເສດຖະກິດມະຫາພາກ ນຳອີກ. ສະນັ້ນ ໂອກາດນີ້ ຈຶ່ງຢາກມາແລກປ່ຽນກັນກ່ຽວກັບບາງຜົນກະທົບຕໍ່ຂະແໜງອຸດສາຫະກຳ ປຸງແຕ່ງ (manufacturing). ຂະແໜງນີ້ ກວມເອົາປະມານ 9% ຂອງຍອດລວມ ຜະລິດຕະພັນພາຍໃນ (Gross Domestic Products – GDP), ມີໂຮງຈັກໂຮງງານທົ່ວປະເທດ 28.000 ແຫ່ງ ...

ມາດຕະການຈັດຕັ້ງປະຕິບັດໃນຕໍ່ໜ້າ ລັດຖະບານຈະປັບປຸງຄາດໝາຍການຂະຫຍາຍຕົວເສດຖະກິດ ຫຼື GDP ຄືນໃໝ່ ເພື່ອໃຫ້ສອດຄ່ອງກັບສະພາບຄວາມເປັນຈິງໃນໄລຍະປັດຈຸບັນ, ພ້ອມນັ້ນກໍຈະປັບຫຼຸດຄາດໝາຍດ້ານເສດຖະກິດມະຫາພາກຈໍານວນໜຶ່ງເຊັ່ນ: ຄາດໝາຍດ້ານງົບປະມານ, ເງິນຕາ, ດຸນການຄ້າ, ແຫຼ່ງທຶນພັດທະນາ ແລະ ອື່ນໆ.ເອົາໃຈໃສ່ຄຸ້ມຄອງອັດຕາເງິນເຟີ້ ໃຫ້ຢູ່ໃນລະດັບທີ່ເໝາະສົມ ໂດຍການຄຸ້ມຄອງລາຄາສິນຄ້າ, ເພີ່ມການສະໜອງການຜະລິດພາຍໃນໃຫ້ຫຼາຍຂຶ້ນ.ຄຸ້ມຄອງອັດຕາແລກປ່ຽນໃຫ້ມີສະຖຽນລະພາບ, ເລັ່ງສ້າງຄວາມເຊື່ອໝັ້ນ ແລະ ອໍານວຍຄວາມສະດວກໃຫ້ແກ່ນັກລົງທຶນຕ່າງປະເທດໃຫ້ຫຼາຍຂຶ້ນ, ພ້ອມທັງຫຼຸດການນໍາເຂົ້າສິນຄ້າບາງຊະນິດ ໂດຍສະເພາະສິນຄ້າຟຸມເຟືອຍທີ່ບໍ່ຈໍາເປັນ ເພື່ອຊ່ວຍຮັກສາລະດັບຄັງສໍາຮອງເງິນຕາ.ເອົາໃຈໃສ່ຮັກສາການຂາດດຸນງົບປະມານ ໃຫ້ໃກ້ຄຽງກັບລະດັບທີ່ສະພາແຫ່ງຊາດໄດ້ກໍານົດ ເຖິງແມ່ນວ່າຈະໄດ້ຮັບຜົນກະທົບຈາກການລະບາດໂຄວິດ 19 ກໍຕາມ.ເລັ່ງຈັດເກັບອາກອນທີ່ມີທ່າແຮງ ແລະ ບໍ່ໄດ້ຮັບຜົນກະທົບໂດຍກົງຈາກ ໂຄວິດ 19 ເປັນຕົ້ນ: ຂະຫຍາຍການເກັບອາກອນທີ່ດິນຜ່ານລະບົບທະນາຄານ, ລາຍຮັບວິຊາການ ແລະ ຄ່າທໍານຽມຕ່າງໆ ຜ່ານລະບົບທັນສະໄໝ, ຫັນຫົວໜ່ວຍທຸລະກິດ SME ທີ່ມີຄວາມພ້ອມຈໍານວນໜຶ່ງໃຫ້ຖືບັນຊີ ແລະ ເຂົ້າລະບົບຈ່າຍອາກອນຕາມລະບຽບການ. ກວດກາສາງສິນຄ້າ, ນໍ້າມັນເຊື້ອໄຟຂອງບໍລິສັດນໍາເຂົ້າ ແລະ ສົ່ງອອກ ຢ່າງເຂັ້ມງວດ. ພ້ອມນັ້ນກໍຕິດຕາມ-ກວດກາການເກັບລາຍຮັບຢ່າງເປັນປະຈໍາ. (ລາຍລະອຽດການສຳພາດເພີ່ມຕື່ມສາມາດຊອກອ່ານໄດ້ໃນວາລະສານທາເກັດ ສະບັບ 167 ເດືອນກໍລະກົດ 2020 ໄດ້ທີ ສຳນັກງານຫ້ອງການພາກລັດ ແລະ ເອກະຊົນ, ຫ້ອງສະໝຸດ, ຮ້ານອາຫານ, ຮ້ານກາເຟ, ຮ້ານ ...

ໃນວັນທີ 24 ກໍລະກົດ 2020 ຢູ່ສະພາການຄ້າ ແລະ ອຸດສາຫະກຳແຫ່ງຊາດລາວ(ສຄອຊ) ໄດ້ຈັດສຳມະນາ ກ່ຽວກັບການສ້າງ ແລະ ພັດທະນາຍີ່ຫໍ້ສິນຄ້າຂອງລາວ ແລະ ການສ້າງຂີດຄວາມສາມາດຜູ້ຜະລິດໃນຂະແໜງກະສິກຳ ຕໍ່ກັບວຽກງານການຄ້າທາງເອເລັກໂຕນິກ, ໂດຍການເປັນປະທານຮ່ວມ ລະຫວ່າງ ທ່ານ ທະນົງສິນ ກັນລະຍາ ຮອງປະທານ ສຄອຊ, ທ່ານ ສົມເພັດ ນໍ ລະສິງ ຫົວໜ້າກົມສົ່ງເສີມການຄ້າ ກະຊວງອຸດສາຫະກຳ ແລະ ການຄ້າ ແລະ ທ່ານ Jerome Dubois Mercent Brand Lao project, ມີບັນດາຫົວໜ້າບໍລິສັດ ແລະ ຜູ້ຕ່າງໜ້າບໍລິສັດເຂົ້າຮ່ວມ. ທ່ານ ທະນົງສິນ ກັນລະຍາ ກ່າວວ່າ: ຂ້າພະເຈົ້າມີຄວາມດີໃຈຫລາຍທີ່ທຸກທ່ານ ໄດ້ເຂົ້າມາຮ່ວມສຳມະນາ ແລະ ແລກປ່ຽນສົນທະນາຮ່ວມກັນ, ສຳລັບການສຳມະນາໃນຄັ້ງນີ້ ພວກເຮົາຈະຮຽນຮູ້ກ່ຽວກັບການສ້າງສິນຄ້າ ແລະ ການພັດທະນາຍີ່ຫໍ້ສິນຄ້າລາວ ແລະ ສ້າງຂີດຄວາມສາມາດ ໃຫ້ກັບກຸ່ມຜູ້ຜະລິດ, ເຊິ່ງວ່າການສ້າງສິນຄ້າ ແລະ ຍີ່ຫໍ້ລາວນີ້ຕ້ອງໄດ້ໃຊ້ເວລາ ສະນັ້ນມື້ນີ້ເຮົາມາຮຽນຮູ້ນຳກັນວ່າການສ້າງສິນຄ້າ ແລະ ...

ທ່ານ ຈອນ ເພຍສັນ ເອກອັກຄະຣາຊະທູດ ແຫ່ງສະຫະຣາຊະອານາຈັກອັງກິດ ປະຈໍາ ສປປ ລາວ, ໄດ້ໃຫ້ກຽດສໍາພາດຂຶ້ນປົກວາລະສານ ທາເກັດ ສະບັບເດືອນກໍລະກົດ 2020, ເຊິ່ງທ່ານຈະໄດ້ຍົກໃຫ້ເຫັນການພົວພັນ ແລະ ການຮ່ວມມືມິດຕະພາບລະຫວ່າງສອງປະເທດ, ການເຕີບໃຫຍ່ຂະຫຍາຍຕົວຂອງທຸລະກິດປະເທດອັງກິດໃນ ສປປ ລາວ ແລະ ເປົ້າໝາຍໃນອະນາຄົດ. ພ້ອມທັງການຊ່ວຍເຫຼືອດ້ານຕ່າງໆແກ່ ສປປ ລາວ ໃນໄລຍະຜ່ານມາ. • ສະຖານທູດອັງກິດໄດ້ເຄື່ອນໄຫວວຽກຫຍັງແດ່ໃນ ສປປ ລາວ? ສະຖານທູດອັງກິດຢູ່ນະຄອນຫຼວງວຽງຈັນ ໄດ້ເຮັດວຽກສົ່ງເສີມຜົນປະໂຫຍດຂອງອັງກິດຢູ່ໃນລາວ ທີ່ລວມມີການສົ່ງເສີມບັນດາທຸລະກິດຂອງອັງກິດໃນການສະໜອງສິນຄ້າ ແລະ ການບໍລິການໃນ ລາວ, ເຊິ່ງທີ່ຜ່ານມາກໍມີບໍລິສັດຂອງອັງກິດຫຼາຍແຫ່ງປະສົບຜົນສຳເລັດໃນໜ້າທີ່ດັ່ງກ່າວ. ຍົກຕົວຢ່າງ, ກຸ່ມທຸລະກິດໂຮງແຮມລະຫວ່າງປະເທດ, ຜູ້ທີ່ດຳເນີນກິດຈະການໂຮງແຮມລະດັບຫ້າດາວ Crowne Plaza Vientiane, ມີແຜນທີ່ຈະເປີດໂຮງແຮມໃໝ່ໃນຊື່ Holiday Inn ໃນອະນາຄົດອັນໃກ້ນີ້. ນອກຈາກນີ້ຍັງມີ Prudential ທີ່ເປັນອີກບໍລິສັດໜຶ່ງທີ່ເຄື່ອນໄຫວກິດຈະການດ້ານປະກັນໄພຢ່າງຕັ້ງໜ້າ, ແລະ Ernst and Youngທີ່ສະໜອງການບໍລິການດ້ານອາກອນ ແລະ ກວດສອບບັນຊີແບບມືອາຊີບ. ສຳລັບທຸລະກິດໃໝ່ທີ່ຫາກໍ່ເຂົ້າສູ່ຕະຫຼາດເຊັ່ນ: ໂຮງຮຽນສອນພາສາອັງກິດ Pingu ທີ່ດຳເນີນການໂດຍກຸ່ມທຸລະກິດດ້ານພາສາຂອງອັງກິດ, ເຊິ່ງໄດ້ສະໜອງຫຼັກສູດພາສາອັງກິດລະດັບປະຖົມໃຫ້ແກ່ໄວໜຸ່ມລາວ ໂດຍມີສັນຍາລັກຂອງໂຮງຮຽນເປັນຮູບນົກເພນກວິ້ນ, ...

ຈາກເຫດການ ການລະບາດຂອງພະຍາດ Covid-19 ໄດ້ເຮັດໃຫ້ທຸລະກິດພົບຄວາມຫຍຸ້ງຍາກ ເຊິ່ງຫຼາຍບໍລິສັດໄດ້ຮັບຜົນກະທົບໜັກບໍ່ວ່າຈະເປັນບໍລິສັດໃນປະເທດລາວ ຫຼືໃນຕ່າງປະເທດ, ເຊິ່ງບໍລິສັດຍັກໃຫຍ່ໃນໂລກ ທີ່ຫຼາຍຄົນຮູ້ຈັກໄດ້ເລີ່ມທະຍອຍປິດກິດຈະການ, ລົ້ມລະລາຍ, ປົດພະນັກງານ, ປິດສາຂາ,​ຢຸດການຜະລິດ… “Hermes” ປະກາດຢຸດການຜະລິດຊົ່ວຄາວ “MUJI” ໃນສະຫະລັດ ຍື່ນລົ້ມລະລາຍ ແລະ ປິດກິດຈະການຫຼາຍກ່ວາ 18 ສາຂາ “ZARA” ປິດກິດຈະການຫຼາຍກ່ວາ 250 ສາຂາ ທົ່ວໂລກ “Nike” ກຽມປະກາດປົດພະນັກງານທົ່ວໂລກ ແລະ ຂາດທຶນ 790 ລ້ານ ໂດລາສະຫະລັດ “Victoria’s Secret’ ໃນອັງກິດປະກາດລົ້ມລະລາຍ ແລະ ປິດກິດຈະການຫຼາຍກ່ວາ 250 ສາຂາ “Rolex” ປະກາດຢຸດການຜະລິດຊົ່ວຄາວ “Patex Philippe” ປະກາດປິດໂຮງງານ-ຢຸດການຜະລິດຊົ່ວຄາວ

ຄະນະສະເພາະກິດລາຍງານດ່ວນ ພົບຜູ້ຕິດເຊື້ອໂຄວິດ-19 ເພີ່ມ ເປັນເພດຊາຍອາຍຸ 32 ປິ, ສັນຊາດເກົາຫລີ, ອາຊີບ: ວິຊາການໄຟຟ້າ, ບ່ອນເຮັດວຽກເຂື່ອນໄຟຟ້ານໍ້າງຽບ ຜູ້ກ່ຽວຍັງບໍ່ທັນໄດ້ໄປເຮັດວຽກເຂື່ອນເທື່ອ ເພາະວ່າຍັງກັກໂຕຕາມລະບຽບການ ແລະ ຖືກກັກໂຕຢູ່ໂຮງແຮມທີ່ຖືກກຳນດໄວ້ໃນນະຄອນຫຼວງວຽງຈັນ, ຕາມການລາຍງານ ຜູ້ກ່ຽວກ່ອນທີ່ຈະເດີນທາງມາ ສປປ ລາວ ແມ່ນບໍ່ມີອາການຫຍັງ ແລະ ໄດ້ກວດ COVID_19 ດ້ວຍ RT-PCR ເປັນຜົນລົບ ກ່ອນທີ່ຈະເດີນທາງເຂົ້າມາ ສປປ ລາວ ແລະ ຜູ້ກ່ຽວໄດ້ອາໄສຢູ່ນໍາຄອບຄົວທີ່ບໍ່ໄດ້ຕິດເຊື້ອໂຄວິດມາກ່ອນ. ໃນວັນທີ 18 ກໍລະກົດ 2020 ຜູ້ກ່ຽວໄດ້ເດີນທາງຈາກປະເທດຍີ່ປຸ່ນ (ໂອສະກາ-ໂຕກຽວ) ມາຜ່ານ ສສ ເກົາຫຼີ (ອິນຊອນ) ມາ ສປປ ລາວ ຜ່ານທາງສະໜາມບິນວັດໄຕ, ໂດຍຖ້ຽວບິນ QV922A  ເລກທີ່ຕັ້ງນັ່ງ: 015E ຜູ້ກ່ຽວເດີນທາງມາກັບໝູ່ 4 ຄົນ, ໃນຖ້ຽວບິນ QV922A ມີຜູ້ໂດຍສານ 109 ຄົນ ເດີນທາງຈາກສະໜາມບິນມາໂຮງແຮມດ້ວຍລົດຕູ້ເຊົ່າ (ໂຮງແຮມເຊົ່າມາ), ມີທັງໝົດ 6 ...

ກຸ່ມຄົນຕິດເຊື້ອ ໂຄວິດ-19 ໃນໂຕກຽວສູງເຖິງ 300 ເປັນຄັ້ງທໍາອິດ. ໂດຍ NHK ໄດ້ກວດສອບຈົນຮູ້ວ່າມີຜູ້ຕິດເຊື້ອໂຄວິດ-19ຫຼາຍກວ່າ 300 ຄົນໄດ້ຮັບການຢືນຢັນໃນໂຕກຽວ ໃນວັນທີ 23 ກໍລະກົດທີ່ຜ່ານມາ. ຕົວເລກດັ່ງກ່າວເປັນສະຖິຕິທີ່ສູງທີ່ສຸດໃນເມືອງຫຼວງຂອງຍີ່ປຸ່ນ ແລະ ເກີດຂຶ້ນກວ່າ 100 ຈຸດຕິດຕໍ່ກັນ 15 ວັນ. Koike Yuriko ຜູ້ວ່າລາດຊະການໂຕກຽວກ່າວເມື່ອວັນພຸດທີ່ຜ່ານມາວ່າ ການແຜ່ກະຈາຍຂອງໄວຣັສຕໍ່ໄປນັ້ນຈະຕ້ອງຢຸດລົງໂດຍບໍ່ຕ້ອງເສຍຄ່າໃຊ້ຈ່າຍໃດໆ. Koike ຮຽກຮ້ອງໃຫ້ປະຊາຊົນງົດເວັ້ນການອອກໄປທ່ຽວໃຫ້ຫຼາຍທີ່ສຸດເທົ່າທີ່ຈະເຮັດໄດ້ໃນຊ່ວງມື້ພັກ 4 ມື້ ພ້ອມກັນນັ້ນ, ໄດ້ຂໍໃຫ້ຜູ້ສູງອາຍຸ ແລະ ຜູ້ທີ່ມີພະຍາດປະຈໍາໂຕເບິ່ງແຍງໂຕເອງເປັນພິເສດ. ແຫຼ່ງຂໍ້ມູນ: https://www3.nhk.or.jp/nhkworld/en/news/20200723_17/